7M07103 Машина жасау в Қазақ ұлттық аграрлық зерттеу университеті

Пәндер

• Шет тілі (кәсіби)

  Пәннің негізгі мақсаты - болашақ магистрдың кәсіби қызметінде ағылшын тілін белсенді меңгеру дағдылары мен қабілеттерін одан әрі дамыту негізінде шет тілін оқытудың халықаралық стандарттарының шеңберінде коммуникативтік құзыреттілікті жүйелі түрде тереңдете білу. Магистранттың бойында ғылыми ақпарат алу және беру үшін мамандық бойынша ағылшын тіліндегі әдебиеттерді оқу; аудармалар, аннотациялар, рефераттар түріндегі алынған ақпаратты тіркеу; магистрлік мамандығына және ғылыми жұмысына байланысты тақырыптар бойынша ағылшын тілінде әңгіме жүргізу дағдыларын дамыту.

  Оқу жылы - 1
  Семестр - 1
  Несиелер - 5
  

• Машина жасаудағы компьютерлік цифрлық технологиялардың негіздері

  Ғылымды қажетсінетін машина жасау цифрлық өндірісін қолданудың әлемдік тәжірибесінің қысқаша сипаттамасы, ақпараттық машина жасау технологиялары туралы ұғымдар келтірілген. Автоматтандырылған жобалаудың компьютерлік жүйелеріне сипаттама берілген, отандық АЖЖ және шетелдік CAD/САМ жүйелеріне қысқаша шолу жасалған. Бөлшектер мен тораптарды компьютерлік конструкциялау, технологияларды автоматтандырылған жобалау қарастырылады.

  Оқу жылы - 1
  Семестр - 1
  Несиелер - 5
  

• Машина өндірісі технологиясының заманауи мәселелері

  Машина жасау өнімдерін өндіру ғылымы мен технологиясының заманауи мәселелері баяндалған. Технологиялық машиналар мен жабдықтардың жұмыс қабілеттілігін қамтамасыз ету, инновациялық технологиялар, машиналар өндірісінде қолданылатын жабдықтар мен құралдар туралы ақпарат келтірілген. Машина өндірісіндегі жаңа конструкторлық-технологиялық шешімдер, жоғары технологиялардың тиімділігі, машина жасаудағы өндірістік процестерді автоматтандыру жағдайлары мен құралдары, заманауи технологиялық ғылымның мүмкіндіктерін талдау және бағалау қарастырылады.

  Оқу жылы - 1
  Семестр - 1
  Несиелер - 5
  

• Жоғары мектептің педагогикасы

  Курс педагогикалық ғылымды және оның адам туралы ғылым жүйесіндегі орнын, білім берудің қазіргі парадигмасы, Қазақстандағы жоғары білім беру жүйесі, маман тұлғасын тәрбиелеу және қалыптастыру, білім берудегі менеджмент қарастырады. Педагогикалық ғылымның әдіснамасы, оқытудың әдістері мен түрлері туралы түсінік беріледі. Оқытушының кәсіби және коммуникативтік құзыреттілігін ашуға ықпал етеді.

  Оқу жылы - 1
  Семестр - 1
  Несиелер - 5
  

• Технологиялық процестерді математикалық және компьютерлік модельдеу

  Модельдеу теориясының негізгі ұғымдары, модельдер мен модельдеу жіктелімі, экспериментті жоспарлау негіздері және машина жасау өндірісінің технологиялық процестерін зерттеуге арналған регрессиялық модельдерді құру негіздері көрсетілген. Бөлшектерді өңдеу және деформациялау процестерін модельдеу және оңтайландыру әдістері келтірілген. Машина жасаудағы процестерді сипаттау, зерттеу және оңтайландыру үшін математикалық және компьютерлік модельдерді жасау мен пайдалану мәселелері қарастырылады.

  Оқу жылы - 1
  Семестр - 1
  Несиелер - 5
  

• Ғылым тарихы мен философиясы

  Білім алушылардың бойында ғылыми ойлау мәдениетін қалыптастырады. Сараптамалық қабілет пен ізденіс қызметінің дағдыларын дамытып, болашақ ғалымға қажетті теориялық және практикалық білімдер береді. Ғылымға және ғалымдарға қажеттілік күшейіп отырған қазіргі заманда бұл пәнді зерттеу қоғам үшін де, жас ізденуші үшін де аса маңызды. Арнайы философиялық талдау пәні болып табылатын ғылым феноменінің мәселелерімен таныстырып, ғылымның тарихы мен теориясы, ғылым дамуының заңдылықтары және ғылымның білімнің құрылымы, ғылымның мамандық және әлеуметтік институт ретіндегі ерекшеліктері, ғылыми ізденіс жүргізу әдістері, ғылымның қоғам дамуындағы рөлі туралы білім қалыптастырады.

  Оқу жылы - 1
  Семестр - 1
  Несиелер - 5
  

• Машина жасаудағы нанотехнологиялар

  Нанотехнологиялар саласындағы проблеманың қазіргі жағдайы баяндалған. Нанотехнологияның өндірістік өнімдерінің жіктелуі келтірілген. Оқшауланған нанобөлшектер мен нанокристалдық материалдарды алудың негізгі әдістері, наноматериалдардың қасиеттерінің ерекшеліктері және оларды машина жасауда практикалық қолдану салалары қарастырылған. Наноөлшемді бөлшектер мен нанокристалдық материалдарды зерттеу әдістері ұсынылған. Нанокомпозициялық материалдарды және оларды машина жасау кешенінің кәсіпорындарында дайындау және өңдеу технологияларын практикалық қолдану сипатталған.

  Оқу жылы - 1
  Семестр - 1
  Несиелер - 5
  

• Заманауи машина жасау технологиялары мен жабдықтары

  Заманауи көпмақсатты жабдықтардың негізгі топтары және олардың технологиялық мүмкіндіктері келтірілген. Өндірістік циклдың ұзақтығын және жаңа бұйым өндірісін игеру мерзімдерін қысқартуға мүмкіндік беретін өндірістік процестердің құрылымдарын өзгертудің орындылығы негізделген. Станок жасау саласын дамытудың жалпы сипаттамасы берілген. Станоктық жабдықты жобалау кезінде қолданылатын перспективалық техникалық шешімдер келтіріл-ген. Өндірістік жүйелерді дамытудың перспективалық бағыттары баяндалған. Бөлшектерді жасауға арналған аспаптар конструкцияларын дамытудың заманауи тенденциялары, заманауи аспаптық материалдар, аспаптарды жабынмын көмкеруге арналған материалдар мен технологиялар сипатталған.

  Оқу жылы - 1
  Семестр - 1
  Несиелер - 5
  

• Ғылымды қажетсінетін машина жасау өндірістерінің технологиялары

  Жүйелік тәсілдеме тұрғысынан ғылымды қажетсінетін машина жасау өндірістерінің заманауи инновациялық технологиялары ұсынылған. Ғылымды қажетсінетін машина жасаудың механикалық құрастыру өндірісін құру мәселелері, оның құрылымы мен инфрақұрылымы және логистикасы, өндірісті, персонал мен білімді басқару тәсілдері, инновациялық материалдар мен технологияларды қолдану, олардың даму процестері қарастырылады.

  Оқу жылы - 1
  Семестр - 1
  Несиелер - 5
  

• Машина жасаудағы зерттеулер мен инновациялық қызметтің негіздері

  Ғылыми зерттеулердің міндеттері, түрлері мен әдістері, қателер теориясының негізгі ережелері, корреляциялық және регрессиялық талдау, бір және көпфакторлы эксперименттердің нәтижелерін жоспарлау және өңдеу, материалдардың, бөлшектердің, құралдар мен технологиялық жүйелердің кейбір физикалық-механикалық және пайдалану қасиеттерін өлшеу әдістері, технологиялық процестердің дәлдігі мен тұрақтылығын талдаудың статистикалық әдістері қарастырылады. Инженерлік шығармашылықтың негізгі әдістері, техникалық объектілерді функционалды-физикалық талдау принциптері, өнертабыстың әртүрлі әдістері көрсетілген. Патенттанудың негізгі ұғымдары берілген. Инновациялық қызмет экономикасының мақсаттары, әдістері, ұйымдастырушылық формалары, негіздері сипатталған.

  Оқу жылы - 1
  Семестр - 2
  Несиелер - 6
  

• Машина жасаудағы ғылыми зерттеулердің әдіснамасы

  Машина жасаудағы ғылыми зерттеулердің әдіснамасы және кәсіби қызмет негіздері, машина жасау технологиясы саласындағы заманауи мәселелер бойынша негізгі мағлұматтар баяндалған. Ғылыми зерттеулер жүргізуде қолданылатын математикалық аппарат қысқаша сипатталған. Машина жасау технологиясы саласындағы қолданыстағы техникалық шешімдерді жетілдіруге және жаңа техникалық шешімдерді жасауға ықпал етудің құрылымы, мазмұны, ұйымдастырушылық бөлігі көрсетілген.

  Оқу жылы - 1
  Семестр - 2
  Несиелер - 5
  

• Кәсіпкерлік саласындағы жобаларды басқару

  "Кәсіпкерлік саласындағы жобаларды басқару" курсы магистранттарды агроөнеркәсіптік кешен саласында нарықтық жағдайда оқытуға арналған. Ол жобаны басқару әдістерінің даму тарихын, жоба тұжырымдамасын әзірлеу, оны құрылымдау және бағалау бойынша шешім қабылдаудың әдістемелік тәсілдерін, сондай-ақ жобаның өмірлік циклінің әртүрлі кезеңдеріндегі жоба менеджерінің рөлі мен қызметін игеруді қамтиды. Магистранттар агроөнеркәсіптік кешен саласында өз бизнесін табысты жүргізу үшін қажетті дағдыларды игере отырып, жобаларды басқарудың ұйымдастырушылық нысандарын және оларды әзірлеу мен оңтайландыру әдістерін зерделейді. Курс сонымен қатар білім алушылардың экономикалық ойлауы мен кәсіпкерлік қабілеттерін қалыптастыруға, оларға нарықта өз орнын табуға, өз ісін ашуға, өз кәсіпорнын ұйымдастыруға және тиімді басқаруға көмектесуге бағытталған.

  Оқу жылы - 1
  Семестр - 2
  Несиелер - 5
  

• Басқару психологиясы

  Пән психологияны басқару психологиясының тақырыбын, сипатын, міндеттері мен құрылымын, оның психологиялық зерттеулер әдістерін және оны зерттеудің негізгі тәсілдерін қарастырады. Басқару әрекетіндегі тұлға психологиясын, танымдық әрекет психологиясын перцептивтік, мнемикалық және ойлау ұрдістерін басқару қызметтінде зерттейді. Курс заманауи іскерлік адамның қызметінде этикет туралы, менеджердің коммуникативті құзыреттілігі, басқарушылық қызметтегі эмоционалды және ерікті күйлері туралы және қызметті басқара білу туралы қабылеттерін қалыптастырады.

  Оқу жылы - 1
  Семестр - 2
  Несиелер - 3
  

• Экспериментті жоспарлау және нәтижелерін өңдеу

  Ғылыми-техникалық шешімдерді ақпараттық және эвристикалық іздеудің, инженерлік эксперименттерді жоспарлаудың және ғылыми зерттеулерді орындаудың теориялық негіздері қарастырылады. Әр түрлі өңдеу процестерін, әртүрлі материалдардан жасалған бөлшектердің пайдалану қасиеттерін және жұмыс беттерін әр түрлі өңдеуді, наноқұрылымдық материалдар мен нанотехнологияларды зерттеу ерекшеліктерін зерттеу ұсынылған. Ғылыми-зерттеу жұмысын жоспарлау, ұйымдастыру, бақылау және есеп беру жүйесі келтірілген.

  Оқу жылы - 1
  Семестр - 2
  Несиелер - 6
  

• Машина жасаудағы плазмалық технологиялар

  Металдар мен қорытпаларды плазмалық өңдеу технологиялары – пісіру, арнайы қасиеттері бар қабаттарды балқылау, беттік шынықтыру, жұқаүлдірлі наножабындарды қолдану арқылы беттерді түпкілікті беріктендіру, ұнтақты жабындарды тозаңдату сипатталған. Плазмалық өңдеудің технологиялық процестерінің параметрлерін анықтайтын пісіру доғасының қасиеттері, плазмалық технологиялардың ерекшеліктері мен заңдылықтары, плазмалық өңдеудің оңтайлы режимдерін есептеу және таңдау алгоритмдері; әртүрлі плазмалық технологияларды қолдану мүмкіндіктері мен мысалдары қарастырылады.

  Оқу жылы - 2
  Семестр - 1
  Несиелер - 6
  

• Машина жасау өндірісінің аспаптық жүйелері

  Бөлшектердің сызбасы мен технологиялылығын талдау, аспаптық материалдар және олардың физикалық-механикалық қасиеттері, аспаптардың жалпы конструктивтік элементтері, кесу режимдері туралы мәліметтер келтірілген. Аспаптардың негізгі геометриялық параметрлерін тағайындау принциптері қарастырылады. Аспаптарды өндірудің технологиялық процестерін жобалау мысалдары келтірілген. Интеграцияланған өндірістің аспаптық жүйелері туралы жалпы түсініктер берілген.

  Оқу жылы - 2
  Семестр - 1
  Несиелер - 5
  

• Машина жасауда дайындамаларды жобалау және өндіру

  Дайындаушы өндіріс саласындағы заманауи негізгі терминдер мен анықтамалар, автоматтандырылған машина жасаудағы дайындамаларды таңдау және жобалау негіздері туралы мәліметтер келтірілген. Заманауи конструкциялық материалдар – қара және түсті металдардың қорытпаларынан, ұнтақты бейметалл және композициялық материалдардан құйылған, штампталған және басқа да дайындамаларды өндіру мәселелері баяндалған. Қажетті технологиялық текқуалаушылықты, энергия мен металды үнемдеуді қамтамасыз ететін прогрессивті дайындамаларды таңдау және жобалау әдіснамасының ғылыми негіздері берілген. Дайындау өндірісінің технологиялық процестерін жобалауды автоматтандыру тәсілдері көрсетілген.

  Оқу жылы - 2
  Семестр - 1
  Несиелер - 6
  

• Машина жасаудағы лазерлік технологиялар

  Технологиялық лазер құрылғыларының, жұмысы мен параметрлерінің, лазерлік технологиялық қондырғылар мен лазерлік технологиялық кешендердің жабдықтары сипаттамасы келтірілген. Лазерді технологиялық процестер мен құрылғыларда қолдану (лазерлік шынықтыру, лазерлік легірлеу және балқыту, лазерлік пісіру мен кесу, мөлшерлік өңдеу) қарастырылған. Лазер мен лазерлік технологиялардың физикалық-техникалық негіздері, технологиялық операциялардың әртүрлі режимдері мен ерекшеліктері берілген.

  Оқу жылы - 2
  Семестр - 1
  Несиелер - 6
  

• Пішін қалыптау процестері мен аспаптары

  Құю, қысыммен өңдеу, пісіру, дәнекерлеу, кесу және басқа да пішін қалыптау әдістерімен металл және бейметалл материалдардан дайындамалар мен машина бөлшектерін алудың заманауи және перспективалық технологиялық әдістері қарастырылған. Пішін қалыптау режимдерін таңдау, аспаптардың түрлері, олардың конструкциясы және геометриясы сипатталған. Заманауи машина жасау өндірісінің деңгейлері келтірілген.

  Оқу жылы - 2
  Семестр - 1
  Несиелер - 6
  

• Машина жасаудағы технологиялық жарақты жобалау

  Машина жасаудағы технологиялық жарақты есептеу мен жобалаудың теориялық негіздері сипатталған, олардың жіктелуі, дәлдікті есептеу мысалдары, қысқыш құрылғылардың негізгі типтері және бекіту күштерін есептеу келтірілген. Технологиялық процесті метрологиялық қамтамасыз ету, қолданылатын бақылауыш-өлшеуіш құралдар туралы негізгі түсініктер, олардың дәлдігін есептеу және бақылауыш-өлшеуіш құралдарды жасау баяндалған. CAD/CAM/CAE бағдарламалары негізінде технологиялық процестер мен жарақты жобалауды автоматтандыру мәселелері қарастырылады.

  Оқу жылы - 2
  Семестр - 1
  Несиелер - 5
  

• Конфликтология

  Пән конфликтологияның негізгі категорияларын, жанжалдардың типологиясын, жанжалдарды басқару технологиясын қарастырады. Тұлғаның қақтығыстағы мінез-құлық теориясын, тиімді қарым-қатынас технологиясын және қақтығыстағы ұтымды мінез-құлықты зерттейді. Жанжалды шешу бойынша келіссөз процесінің психологиясы, дауды реттеу технологиясы ретінде Медиация туралы түсінік қалыптастырады.

  Оқу жылы - 2
  Семестр - 1
  Несиелер - 5
  

• Бизнес шешімдерді модельдеу

  Пән шешім қабылдау процестерін зерттейді, бастапқы мәселені формализациялаудан бастап, компьютерде математикалық модель құру және шешу арқылы шешімді талдауға және басқару шешімін қалыптастыруға дейін. Басқарушылық шешімдерді таңдау үшін міндеттердің өндірістік, көлік және қаржылық модельдерін қарастырады. Математикалық модельдерді құру және шешу және осы шешімдерді компьютерде талдау дағдыларын қалыптастырады.

  Оқу жылы - 2
  Семестр - 1
  Несиелер - 5
  

Профессии

Оқыту нәтижелері

• Ғылым философиясының, психология және педагогика мәселелерінде ой-өрісті көрсете білу, оқытудың заманауи әдістемесін пайдалану, түрлі психологиялық жағдайларда оңтайлы нұсқаларды табу және басқарушылық шешімдер қабылдау.
• Шет тілін білу негізінде өндірістік және ғылыми-педагогикалық қызметте мәдениетаралық қарым-қатынасты жүзеге асыру, ғылыми, техникалық және педагогикалық мәселелердің кең ауқымы үшін әңгіме жүргізе білу.
• Заманауи материалдар, ғылымды қажетсінетін машина жасау өндірістерінің инновациялық технологиялары және оларды зерттеудің заманауи әдістері саласындағы дамытылатын білім мен түсініктерді көрсету білу.
• Бөлшектер мен тораптарды, технологиялық жарақты, аспаптық жүйелерді есептеу үшін өз білімін кәсіби деңгейде пайдалана білу, жобалау жұмыстарын орындау және техникалық пен экономикалық құжаттаманы рәсімдеу.
• Ақпараттық технологиялар мен математикалық модельдеу әдістерін қолдана отырып, машина жасауда және өнеркәсіптік өндірістің металл өңдеу саласында технологиялық процестерді жобалауды қалыптастыру үшін ақпаратты жинауды және түсінік беруді жүзеге асыру.
• Машина жасау саласында одан әрі оқуды өз бетінше жалғастыру үшін қажетті жобалау-конструкторлық, ғылыми-зерттеушілік, өнертапқыштық және инновациялық қызметке жаңа тәсілдемені жүзеге асыру.
• Машина жасау саласында қазіргі заманғы CAD/CAM/САЕ өнімдерін пайдалана отырып, заманауи материалдардан бәсекеге қабілетті күрделі бұйымдар мен конструкцияларды жасау үшін инженерлік жобаларды орындауды көрсете білу.
• Азқалдықты, ресурсүнемдеуіш және экологиялық қауіпсіз әдістерді қолдана отырып, технологиялық міндеттерді шешудің заманауи әдістерін кәсіби деңгейде пайдалана білу.
• Өндірістік процестерді, оның ішінде машина жасау саласындағы озық білімге негізделген шетелдік инновациялық технологиялар мен технологиялық жабдықтарды енгізе отырып, жетілдіру.
• Жобалық және конструкторлық міндеттерді шешу үшін математикалық және компьютерлік модельдеудің заманауи әдістерін кәсіби деңгейде пайдалана білу.
• Машина жасау кешенін жобалау, технологиялары және жабдықтары саласында өндірістік процесті жүзеге асыру, зерттеу контекстінде идеяларды әзірлеу және қолдану кезінде өндірістің оңтайлы режимін негіздеу.
• Металл өңдеу және машина жасау технологиялық процестері, машина жасау кешенінің технологиясы мен жабдықтары саласындағы жүйелерді математикалық және физикалық модельдеу туралы жаңа жетістіктер туралы өз түсінігі мен қабілетін кәсіби деңгейде пайдалана білу.

Ұқсас БББ