6B03111 Әлеуметтік саладағы психология в М.Х.Дулати атындағы Тараз университеті

Пәндер

• Психоанализге кіріспе

  Пәннің мақсаты: студенттерде психоанализдің теориялық және әдіснамалық негіздері, ғылым ретінде даму кезеңдері, психоаналитикалық көзқарастың адам мен тіршілікке қатынасы туралы білімдерді меңгерту, классикалық психоанализ және қазіргі психоанализдің ғылыми бағыттары туралы түсінік қалыптастыру. Оқыту нәтижесінде студент психоанализдің ғылыми-тұжырымдамалық аппаратына сүйенеді, тұлға психологиясының дамуындағы әртүрлі тәсілдер мен мектептерді, теориялар мен идеяларды салыстырады және талдайды, психологиялық практикада тұлғаны зерттеуде психоанализдің түрлі теорияларын қолдана алады.

  Оқу жылы - 1
  Семестр - 1
  Несиелер - 6
  

• Жалпы психология: Психологияға кіріспе

  Пәннің мақсаты - ғылым ретінде психологияның жалпы негіздерімен таныстыру, танымдық процестердің, психикалық жағдайлардың, мотивация мен эмоциялардың психологиясын дамыту туралы түсініктерді қалыптастыру, адам әрекетінің мінез-құлқының, қарым-қатынасының және психологиялық тетіктерінің іргелі фактілері мен заңдылықтарын зерделеу. Оқу нәтижесінде студент психологияның маңызды проблемаларын психологиялық пәндер мен түрлі практикалардың жаңартылған жүйесі тұрғысынан түсінетін болады; психология нысаны, пәні туралы түсінігі болады; психологиялық ғылым ретінде қалыптасудың негізгі кезеңдерін талдайды.

  Оқу жылы - 1
  Семестр - 1
  Несиелер - 6
  

• Психологияның әдіснамалық негіздері

  Пәннің мақсаты: қазіргі психологияның әдіснамалық негіздерін зерделеу, психологиялық құбылыстар мен психикалық процестерді әдіснамалық талдау дағдыларын қалыптастыру, зерттеу жүргізу кезінде алынған әдіснамалық білімді практикалық қолдану. Оқыту нәтижесінде: студент психологиялық зерттеу деректерін өңдеу әдістерін қолдана алады, ғылыми есеп дайындай алады; психологиялық зерттеуде сандық және сапалық әдістерді қолдану дағдыларын меңгереді

  Оқу жылы - 1
  Семестр - 1
  Несиелер - 6
  

• Тұлға психологиясы

  Пәннің мақсаты: студенттерде тұтас психологиялық құбылыс ретіндегі тұлға психологиясы, оның құрылымы, дамуы мен қызмет заңдылықтары, сондай-ақ оны зерттеу әдістері туралы түсінік қалыптастыру. Оқыту нәтижесінде: студент қазіргі заманғы тұлға психологиясының мәселелерін талдай алады, тұлға психологиясының ғылым ретінде қалыптасуы мен даму тарихын біледі, онтогенезде және филогенезде тұлғаның қалыптасуының логикасы мен заңдылықтарына бағдарланады. .

  Оқу жылы - 1
  Семестр - 1
  Несиелер - 6
  

• Жалпы психологиядағы танымдық процестер мен тұлғаның дамуы

  Пәннің мақсаты: адамның психикалық процестерінің құрылымын, дамуы мен қызметін қарастыру. Оқыту нәтижесінде студент тұлғаның танымдық, эмоционалдық, мотивациялық-еріктік салалары туралы жалпы психологиялық білімді қолданады, танымдық процестердің жеке стилдік ерекшеліктерін және тұлғаның даму кезеңдерін анықтайды, адамның негізгі танымдық процестерін айқындайды.

  Оқу жылы - 1
  Семестр - 2
  Несиелер - 4
  

• Дифференциалды психология

  Пәннің мақсаты: студенттерді тұлғаның жеке айырмашылықтарын зерттеудің негізгі бағыттарымен, дифференциалды психологияның әдістері және оларды практикада қолдану ерекшелігімен таныстыру. Оқыту нәтижесінде студент дифференциалды психологияның ғылыми негіздерін біледі; жеке тұлғаның жеке даралық айырмашылықтарын анықтайды, жеке даралықтың ғылыми тұжырымдамаларына бағдарланады.

  Оқу жылы - 1
  Семестр - 2
  Несиелер - 4
  

• Әлеуметтік-психологиялық зерттеу әдістері

  Пәннің мақсаты: әлеуметтік-психологиялық зерттеу әдістерінің теориясымен, практикасымен және жіктемесімен, сандық және сапалық әдістердің ерекшеліктерімен таныстыру. Оқыту нәтижесінде студент әлеуметтік-психологиялық зерттеу әдістерін таңдауды негіздейді, алынған психологиялық деректерді өңдеу үшін тиісті математикалық әдісті қолдана отырып бағалайды, алынған нәтижелерді түсіндіреді.

  Оқу жылы - 1
  Семестр - 2
  Несиелер - 4
  

• Жас ерекшелік психологиясы

  Пәннің мақсаты: студенттерде әр жас кезеңіндегі психиканың даму заңдылықтары және дамудың жас ерекшелік тұрғысынан негізгі сипаттамасы туралы білімді қалыптастыру. Оқыту нәтижесінде студент әртүрлі жас кезеңдеріндегі психиканың ерекшеліктерін, адамның дамуына әсер ететін іс-әрекеттегі жас ерекшелік факторларын ескере отырып жас ерекшеліктегі жаңа құрылымдарды біледі, онтогенездегі психика дамуының жас және әлеуметтік заңдылықтарының ерекшеліктерін біледі. Онтогенездегі психиканың жас және әлеуметтік даму заңдылықтарын зерттеу.

  Оқу жылы - 1
  Семестр - 2
  Несиелер - 4
  

• Психологиядағы ғылыми зерттеу жұмыстарын ұйымдастыру және жоспарлау

  Пәннің мақсаты: психологиядағы ғылыми-зерттеу жұмысының теориялық негіздері және зерттеу жұмыстарын жүргізу процедураларымен таныстыру, тәжірибелік-эксперименттік жұмысты жоспарлау және ұйымдастыру дағдыларыларын қалыптастыру. Оқыту нәтижесінде студент тәжірибелік-эксперименттік жұмысты жоспарлайды және ұйымдастырады, зерттеудің диагностикалық және бақылау кезеңдеріне салыстырмалы талдау жасайды, зерттеу нәтижелерін түсіндіреді және қорытындылайды.

  Оқу жылы - 1
  Семестр - 2
  Несиелер - 4
  

• Әлеуметтік психология

  Пәннің мақсаты: әлеуметтік психологияның негізгі категорияларымен; тұлға және қарым-қатынас, әлеуметтік топ психологиясымен танысу; қоғамдағы жеке тұлғаны әлеуметтендірудің психологиялық ерекшеліктері туралы білімді қалыптастыру. Оқыту нәтижесінде студент қазіргі әлеуметтік психологияның дамуындағы өзекті мәселелер мен бағыттарды талдай алады; қоғамдағы тұлғаның әлеуметтену мәселелеріне талдау жасайды, әлеуметтік топтарға психологиялық мінездеме құрастыра алады.

  Оқу жылы - 2
  Семестр - 1
  Несиелер - 4
  

• Психология тарихы

  Пәннің мақсаты: әртүрлі елдердегі психологиялық білімнің тарихи даму процесін олардың ерекшеліктеріне, рухани өмірі мен мәдениеттің әлеуметтік-тарихи жағдайына, философиядағы, жаратылыстану мен ғылымның басқа салаларындағы жағдайға байланысты бірлікте қарастыру. Оқыту нәтижесінде студент тарихи-психологиялық білім жүйесін талдай алады, әр түрлі тарихи дәуірлерде құрылған алғашқы деректерге сыни талдау жүргізе біледі, әр түрлі бағыттағы ғалымдар мен мектептердің теориялық идеяларына психологиялық салыстырмалы-тарихи талдау жүргізу дағдыларын меңгереді.

  Оқу жылы - 2
  Семестр - 1
  Несиелер - 4
  

• Бұқаралық психология

  Пәннің мақсаты: бұқаралық психологияны зерттеудің негізгі ғылыми тәсілдері, топтық көңіл-күй және олардың әсер етуінің психологиялық механизмі, қауымдастықтың бірегейлігін қарастырудың практикалық аспектілерінің сипаттамасымен таныстыру. Оқыту нәтижесінде студент бұқаралық мінез-құлықтың негізгі психологиялық ерекшеліктерін талдайды және оның мінез-құлқын реттеудің тиімді әдістерін таңдайды; топтық диагностиканың әдістері мен тәсілдерін меңгереді.

  Оқу жылы - 2
  Семестр - 1
  Несиелер - 4
  

• Медициналық психология

  Пәннің мақсаты: медициналық психологияның пайда болуы мен даму тарихы, қазіргі медициналық психологияның негізгі бағыттары және олардың сипаттамаларымен, медициналық психологиядағы эксперименттік-психологиялық зерттеу әдісінің сипаттамасымен таныстыру. Оқу нәтижесінде студент психикалық факторлардың денсаулығы мен аурулардың ағымына әсерін талдайды және бағалайды, емдеу мен оңалтуда психологиялық әдістерді қолданады; аурулардың дамуын болдырмауға және психикалық денсаулықты нығайтуға бағытталған бағдарламаларды әзірлейді және іске асырады.

  Оқу жылы - 2
  Семестр - 1
  Несиелер - 4
  

• Тұлғаның психодиагностикасы

  Пәннің мақсаты: психикалық құбылыстар мен танымдық процестердің, психикалық күй және қасиеттердің негізгі ерекшеліктерін бағалауға арналған психодиагностикалық әдістер жүйесімен таныстыру. Оқыту нәтижесінде студент адамның іс-әрекеті мен мінез-құлқының бағыттылығын талдайды және болжайды, психологиялық құзыреттілікке қойылатын талаптарға сәйкес оның тұлғалық дамуындағы елеулі өзгерістерді диагностикалайды, диагностикалық құралдарды қолдана отырып психологиялық диагноз қояды және психодиагностиканың практикалық міндеттерін шешеді.

  Оқу жылы - 2
  Семестр - 1
  Несиелер - 4
  

• Психологиядағы қолданбалы мінез-құлық талдауы

  Пәннің мақсаты: мінез-құлықтың әлеуметтік маңызы бар нысандарымен, мінез-құлықты мониторингілеу және талдау әдістерімен, аутизм және мінез-құлық бұзылыстары бар балалармен жұмыс істеу дағдыларына оқыту тәсілдерімен танысу. Оқу нәтижесінде студент аутизм және мінез-құлқы бұзылған балалармен жұмыс жасаудың арнайы бағдарламасын әзірлейді, әлеуметтік мәні бар мінез-құлықты өзгерту үшін қазіргі заманғы мінез-құлық теориясын пайдаланады.

  Оқу жылы - 2
  Семестр - 1
  Несиелер - 4
  

• Психологиялық қызметті ұйымдастыру

  Пәннің мақсаты: студенттерді психологиялық қызметті ұйымдастырудың теориясы мен тәжірибесі, психологиялық қызметті ұйымдастыру құрылымының бағыттары мен жұмысымен таныстыру. Оқыту нәтижесінде студент психологиялық мәселенің анамнезін талдайды, алдын алу іс-шараларын әзірлейді; психологиялық қызмет көрсету және іс-қағаздар жүргізеді.

  Оқу жылы - 2
  Семестр - 1
  Несиелер - 4
  

• Жасанды интеллект: принциптері мен қолданылуы

  ЖИ бойынша теориялық білім мен құралдарды қолданудағы құзыреттіліктерді дамыту, заманауи интеллектуалды жүйелерді тұтас түсінуді қалыптастыру; ЖИ-дағы білімді көрсетудің негізгі ұғымдарын, бағыттарын және модельдерін зерттеу, мамандандырылған құралдар арқылы профильдік жүйелерді жобалауға үйрету. ЖИ негіздерін, білімді көрсету модельдерін меңгеру. ЖИ әдістерін негізгі интеллектуалды жүйелерде қолдану дағдысы. ЖИ-технологияларды енгізудің әлеуметтік салдары қабілетін талдай білу.

  Оқу жылы - 2
  Семестр - 1
  Несиелер - 4
  

• ҚР психология ғылымының дамуы

  Пәннің мақсаты: Қазақстан Республикасындағы психология ғылымның даму кезеңдері, құрылымы, қазіргі жағдайы және даму тенденцияларымен танысу, студенттерде психологиялық идеялардың, көзқарастардың пайда болуының тарихи процесі мен ғылымның негізгі салаларының қалыптасуы, отандық психологиялық ғылымның қазіргі жағдайы мен ғылымды дамытудың басым бағыттары туралы түсінік қалыптастыу. Оқыту нәтижесінде студент психологияның негізгі салалары бойынша психологиялық білімін жүйелендіре алады, тарихи-психологиялық талдау жүргізеді.

  Оқу жылы - 2
  Семестр - 2
  Несиелер - 5
  

• Мамандықтың кәсіби-қолданбалы бағдарламалары

  Пәннің мақсаты - мамандықтың кәсіби-қолданбалы міндеттерін шешу алгоритмдерімен таныстыру, кәсіби сипаттағы құжаттармен жұмыс жүргізу, заманауи кәсіби-қолданбалы бағдарламалардың жұмыс әдістері мен құралдары туралы білімді қалыптастыру. Оқыту нәтижесінде студент мамандықтың кәсіби-қолданбалы міндеттерін шеше алады, мамандықтың заманауи кәсіби-қолданбалы бағдарламаларының жұмыс құралдары мен әдістерін таңдай алады.

  Оқу жылы - 2
  Семестр - 2
  Несиелер - 4
  

• Қарым-қатынас психологиясы

  Пәннің мақсаты: адам мен қоғам арасындағы өзара қатынас контекстіндегі қарым-қатынас процестерінің психологиялық ерекшеліктерімен; қарым-қатынастың негізгі функциялары мен түрлерімен; адамның кәсіби қызметіндегі тиімді қарым-қатынас әдістері мен техникаларымен таныстыру. Оқыту нәтижесінде студент қарым-қатынас және өзара тұлғааралық қатынасты талдауда психологияның заманауи әдістерін пайдаланады; қарым-қатынас процесінде әлеуметтік-психологиялық әсер етудің әртүрлі дағдыларын қолдана алуды меңгереді.

  Оқу жылы - 2
  Семестр - 2
  Несиелер - 6
  

• Эмоционалды және әлеуметтік интеллект

  Пәннің мақсаты: эмоционалды және әлеуметтік интеллект туралы идеяларды эмоционалды жағдайдың рефлексиясының негізі ретінде қалыптастыру және әлеуметтік-психологиялық өзара әрекеттесудің эмоционалды қауіпсіз жағдайларын сақтау, конфликтілі жағдайларда өзін-өзі реттеу дағдыларын дамыту. Оқыту нәтижесінде студент өзін-өзі реттеудің негізгі ережелеріне ие болады және эмоцияларды басқару әдістерін қолданады; өзара әлеуметтік-психологиялық қатынас орнатуға эмоционалды қауіпсіз жағдайлар жасайды, конфликтілі жағдайларды алдын-алуды біледі.

  Оқу жылы - 2
  Семестр - 2
  Несиелер - 6
  

• Заң психологиясы

  Пәннің мақсаты: «Адам – құқық» жүйесіндегі адамның психологиялық ерекшеліктері, қылмыстық, пеницитарлық және сот психологиясының мазмұны туралы білімді қалыптастыру. Оқыту нәтижесінде студент құқық бұзушының психологиялық портретін құрастырады және талдайды, қылмыскердің жеке басын анықтайды; кәмелетке толмағандар арасындағы құқық бұзушылықтың алдын алуды дамытады.

  Оқу жылы - 3
  Семестр - 1
  Несиелер - 4
  

• Ойын терапиясы бойынша практикум

  Пәннің мақсаты: ойынның теориялық және практикалық сипаттағы негіздерін психотерапиялық әсер ету әдісі ретіндегі таныстыру, әлеуметтік психологтың тәжірибесінде қолданатын әртүрлі типтегі бұзылыстарға арналған ойын терапиясының әдістерін меңгеру. Оқыту нәтижесінде студент ойын терапиясын әзірлеу және ұйымдастыру дағдыларына ие болады; ойын терапиясының әдістерін таңдауын негіздейді; ойын терапиясының жеке тұлғаға психотерапиялық әсерінің нәтижелерін талдайды.

  Оқу жылы - 3
  Семестр - 1
  Несиелер - 4
  

• Психологиялық кеңес беру негіздері

  Пәннің мақсаты: психологиялық кеңес берудің әдіснамалық негіздері мен мәселелері; психологиялық кеңес беруді жүргізу кезеңдері, формалары және принциптерімен таныстыру. Оқыту нәтижесінде студент психологиялық кеңес берудің ерекшеліктерін бөліп көрсетеді және нақты жағдайларға қатысты өз міндеттерін дербес тұжырымдай алады, психологиялық мәселелердің кең спектрін басшылыққа алады, клиентке психологиялық көмекке сұранысты тұжырымдауға көмектеседі.

  Оқу жылы - 3
  Семестр - 1
  Несиелер - 5
  

• Тұлғаның әлеуметтенуі

  Пәннің мақсаты: әлеуметтену процесінің мәнін және әлеуметтенудің әлеуметтік-психологиялық механизмдерін; жеке тұлғаның әлеуметтенуіне әсер ететін негізгі факторларды зерттеу, тұлғаның әлеуметтенуінің негізгі кезеңдері мен заңдылықтарына талдау жасау қабілетін қалыптастыру. Оқыту нәтижесінде: студент тұлғаның әлеуметтенуінің негізгі кезеңдері мен заңдылықтарын талдайды; тұлғаның әлеуметтенуіне әсер ететін негізгі факторларды біледі.

  Оқу жылы - 3
  Семестр - 1
  Несиелер - 5
  

• Мәдениетаралық кеңістікте тұлғаны психологиялық сүйемелдеу

  Пәннің мақсаты: мәдениетаралық кеңістікте тұлғаны психологиялық сүйемелдеудің негізгі аспектілерімен таныстыру, мәдениетаралық коммуникация және құзыреттілік, мәдениетаралық ұқсастықтар мен айырмашылықтарға салыстырмалы талдау жасай алу дағдыларын қалыптастыру. Оқыту нәтижесінде студент мәдениетаралық кеңістікте жеке тұлғаны психологиялық сүйемелдеудің ерекшеліктерін біледі; тұлғаның үйлесімді дамуы үшін психологиялық сүйемелдеу әдістерін қолдана алады.

  Оқу жылы - 3
  Семестр - 1
  Несиелер - 5
  

• Саяси психология

  Пәннің мақсаты: студенттерді саяси психологиядағы тұлға, адамдар тобы, шағын және үлкен әлеуметтік топтар туралы теориялық-әдіснамалық көзқарастар мен мәселелерімен таныстыру; заманауи саяси психологияның негізгі тұжырымдамалары; саяси сана, саяси мінез-құлық, саяси мәдениет динамикасы негізігдегі зерттеулердің психологиялық мәселелері. Оқыту нәтижесінде студент саяси идеология, институттар, оқиғалар немесе тұлғалармен байланысты негізгі фактілерді, ұғымдар мен терминдерді бағалай алады; саяси шешімдер, дәлелдер мен теориялар, белгілі бір критерийлер негізінде саяси процестерге үкім шығара алады.

  Оқу жылы - 3
  Семестр - 1
  Несиелер - 4
  

• Тренингтік технология және топтық терапия (практикум)

  Пәннің мақсаты: психологиялық тренингтің теориялық негіздерімен, адамның психологиялық құбылыстарын қасақана өзгерту критерийлерімен; тренинг тобының психологиялық ерекшеліктерімен; тренингтегі топ дамуының негізгі кезеңдерімен; жетекші психологиялық тренинг қызметінің әдістемелік ерекшеліктерімен таныстыру. Оқыту нәтижесінде: студент психологиялық жағдайларды талдайды, балама шешімдерді іздейді; негізгі психотехнологиялар мен топтық динамика теориясының көмегімен топтық жұмысты ұйымдастырады, тренинг жүргізу әдістерін қолдана алады.

  Оқу жылы - 3
  Семестр - 1
  Несиелер - 4
  

• Онлайн кеңес беру

  Пәннің мақсаты: онлайн-кеңес берудің ерекшеліктерімен, онлайн-кеңес беру тәсілдерімен; онлайн–кеңес беруді ұйымдастырудың құрылымы мен рәсімімен; онлайн-кеңес берудің деңгейлері мен түрлерімен таныстыру, психологтың клиентпен виртуалды қарым-қатынас дағдыларын қалыптастыру. Оқыту нәтижесінде студент онлайн-кеңес беру кезінде психологиялық әдістерді қолданады; психологиялық байланыс орнатады және қолдайды, психологиялық кеңес берудің жекелеген бағыттары шеңберінде нақты әдістермен психологиялық қолдау көрсетеді.

  Оқу жылы - 3
  Семестр - 1
  Несиелер - 5
  

• Инклюзивті білім берудің психологиялық негіздері

  Пәннің мақсаты: инклюзивті білім берудің психологиялық негіздерімен таныстыру, мүмкіндігі шектеулі адамдардың қоғамда бейімделуіне, тұлғалық өзін-өзі көрсетуіне қолдау көрсетудің психологиялық бағдарламаларын жасау Оқыту нәтижесінде: студент инклюзивті білім берудің психологиялық ерекшеліктері мен құрылымдық компоненттерін талдай алады, ерекше білім беру қажеттіліктері бар тұлғалар үшін қауіпсіз инклюзивті орта құра алады.

  Оқу жылы - 3
  Семестр - 1
  Несиелер - 5
  

• Тіршілік қауіпсіздігі, Экология және тұрақты даму

  Пәннің мақсаты-тіршілік қауіпсіздігі негіздерімен, қазіргі экологиялық проблемалармен және тұрақты дамуға қол жеткізу тұжырымдамаларымен таныстыру. Жалпы экология қағидаттары мен адамзаттың даму қағидаттары бар экожүйелердің даму заңдылықтары, ғылыми-техникалық прогресс, ҚР Экологиялық қауіпсіздігінің негізгі мәселелері зерделенетін болады. Пәнді оқыту нәтижесінде студенттер экологиялық қауіпсіздік пен тіршілік саласындағы негізгі ұғымдар мен ұғымдарды пайдалану бойынша білім мен дағдыларды меңгеретін болады.

  Оқу жылы - 3
  Семестр - 1
  Несиелер - 3
  

• Экономика және кәсіпкерлік, Құқық негіздері, Қаржылық сауаттылық

  Пәннің мақсаты – студенттерді экономика мен кәсіпкерліктің негізгі принциптері мен заңдылықтарымен таныстыру, нарықтық экономикада тиімді кәсіпкерлік қызметті жүзеге асыру; құқықтық жүйе мен заңнаманың негіздерін үйрету, сондай-ақ коррупцияға қарсы күрес шаралары мен құқықтық мәдениетті қалыптастыру арқылы әділ қоғам құруға бағытталған сана мен дағдыларды дамыту; қаржылық білімін жетілдіру, жеке қаржыны тиімді басқаруға қажетті дағдыларды қалыптастыру, қаржы өнімдері мен инвестицияларды дұрыс таңдауға қабілеттілігін дамытуға қажетті білім мен дағдыларды қалыптастыру.

  Оқу жылы - 3
  Семестр - 2
  Несиелер - 5
  

• Кәсіби іс-әрекеттегі психология

  Пәннің мақсаты: кәсіптік жолдың белсенді субъектісі ретінде адам табиғаты туралы ғылыми түсініктер жүйесімен, мамандық таңдау кезінде тұлғаның кәсіби қалыптасуының психологиялық аспектілерімен таныстыру. Оқыту нәтижесінде студент кәсіби жолдың белсенді субъектісі ретінде адамға талдау жасайды, мамандық таңдау кезінде тұлғаның кәсіби қалыптасуына психологиялық көмек көрсетеді.

  Оқу жылы - 3
  Семестр - 2
  Несиелер - 5
  

• Қоғамға қызмет

  Пәннің мақсаты: қоғамға қызмет етудің психологиясы мен табиғаты, волонтерлік және жастар ұйымдарының қызметі туралы білімді қалыптастыру. Оқыту нәтижесінде студент қоғамның негізгі мәселелерін талдайды, әлеуметтік жобаларға сыни талдау жүргізеді және командада жұмыс істей алады.

  Оқу жылы - 3
  Семестр - 2
  Несиелер - 6
  

• Еңбек және инженерлік психология

  Пәннің мақсаты: адам еңбегінің психологиялық ерекшеліктері, еңбек дағдыларын дамыту заңдылықтары, адамның жұмысқа қабілеттілігі, эргономика, кәсіптік бағдарлаудың және мамандарды іріктеудің психодиагностикалық әдістерімен таныстыру, адам мен машинаның ақпараттық өзара іс-қимылының процесі мен құралы туралы білімді қалыптастыру. Оқыту нәтижесінде студент кәсіптік бағдарлаудың және мамандарды іріктеудің психодиагностикалық әдістерін қолданады, адам мен машинаның ақпараттық өзара іс-қимылының процесі мен құралдарының ерекшеліктерін ескереді.

  Оқу жылы - 3
  Семестр - 2
  Несиелер - 5
  

• Девиантты мінез-құлық психологиясы

  Пәннің мақсаты: адамның девиантты мінез-құлқының негізгі факторлары, девиантты мінез-құлық типологиясымен, девиантты мінез-құлықты алдын-алу және жеңу әдістерімен, әлеуметтік өзара іс-қимыл, ынтымақтастық және әлеуметтік саладағы қақтығыстарды шешу тұжырымдамаларымен таныстыру. Оқу нәтижесінде студент девиантты мінез-құлық туралы ақпарат жинауды жүзеге асырады, девиантты мінез-құлықты диагностикалау үшін психологиялық құралдарды таңдайды және пайдаланады, мінез-құлқында қиындықтары бар кешенді сүйемелдеуді ұйымдастыру бойынша ұсынымдар қалыптастырады және бағдарламалар әзірлейді.

  Оқу жылы - 3
  Семестр - 2
  Несиелер - 5
  

• Әскери психология

  Пәннің мақсаты: әскери қызметшілердің психикалық қызметінің негізгі фактілері, механизмдері мен заңдылықтары, ұжымның психикалық құбылыстары, әскери басшылық психологиясы, жауынгерлік жағдайдағы тәрбие және оқыту психологиясымен таныстыру. Оқыту нәтижесінде: студент қызметкерлердің (әскери қызметшілердің) стресске төзімділігін арттыруға ықпал ететін профилактикалық іс-шараларды жүзеге асырады, түзету әсеріне мұқтаж адамдардың проблемаларын диагностикалау модельдерін әзірлейді, түзету іс-шараларының барабар нысандарын, әдістері мен бағдарламаларын, қызметкерлерге (әскери қызметшілерге) психологиялық көмек бағдарламаларын таңдайды.

  Оқу жылы - 3
  Семестр - 2
  Несиелер - 6
  

• Коррекциялық психология

  Пәннің мақсаты - коррекциялық психологияның пәні, әдістері мен міндеттері және тұлғаны психологиялық қолдау ерекшеліктерімен таныстыру, тұлғаның аномальды психикалық дамуын, патологиясын алдын алу мақсатына бейімделген коррекциялық бағдарлама құрастыру дағдыларын қалыптастыру. Оқыту нәтижесінде студент әртүрлі психологиялық бағыттар шеңберінде психокоррекция модельдерін жасайды, психологиялық көмектің түзету әдістерін таңдауын негіздейді, психологиялық түзетудің заманауи әдістерін қолдана алады.

  Оқу жылы - 3
  Семестр - 2
  Несиелер - 5
  

• Медиа және цифрлық психология

  Пәннің мақсаты: цифрлық технологиялардың, әлеуметтік желілердің, интернет-коммуникациялардың және медианың басқа да жаңа түрлерінің адамдардың психикалық процестері мен мінез-құлқына әсері туралы білімді қалыптастыру. Оқыту нәтижесінде студент медиа психологиясы саласында жұмыс істеу үшін практикалық дағдыларды қолданатын болады; адамдар мен цифрлық технологиялар арасындағы өзара іс-қимылдың ерекшеліктерін анықтайды, өмірдің әртүрлі салаларында (білім беру, қызмет, денсаулық және бос уақыт) медианы пайдаланудың әртүрлі аспектілерін талдайды.

  Оқу жылы - 4
  Семестр - 1
  Несиелер - 5
  

• Психология бойынша практикум

  Пәннің мақсаты: студенттердің тұлғаны эксперименталды зерттеудегі кəсіби тəжірибесін қалыптастыру; эмпирикалық мәліметтерді сипаттау, талдау және өңдеу ережелерін, зерттеудің стандартталған және стандартты емес әдістерін қолдану дағдыларын меңгеру. Оқыту нәтижесінде: студент психология саласында жұмыс істеуге қажетті практикалық дағдылар мен біліктерді қолданады, диагностика және кеңес беру әдістерінің нәтижелерін түсіндіреді, психологиялық мәселелерді шешуде жеке бағдарламалар құрастырады.

  Оқу жылы - 4
  Семестр - 1
  Несиелер - 5
  

• Неке және отбасы психологиясы

  Пәннің мақсаты: неке және отбасының психологиялық ерекшеліктері, некеге психологиялық даярлық, ерлі-зайыптылар жұбын құру, отбасылық дағдарыс және ажырасу сатылары; ата-ана мен бала қатынасы, ата-ана болу сатылары, ішкі отбасы қатынасын анықтау мен түзету жұмысымен таныстыру. Оқыту нәтижесінде студент ерлі-зайыптылық қатынастары (диагностика, түзету, профилактика) туралы мәселелері бойынша кеңес береді; отбасына дағдарыс жағдайларында, ажырасуда психологиялық көмек көрсетеді.

  Оқу жылы - 4
  Семестр - 1
  Несиелер - 5
  

• Өмірлік жағдаят аясында тұлғаны зерттеу әдістері

  Пәннің мақсаты: өмірлік жағдайлардың жалпы сипаттамасымен, оларды талдаудың негізгі тәсілдерімен, өмірлік жағдай процесінде жеке тұлғаның ерекшеліктерін зерделеу кезінде әдістер мен тәсілдерді пайдалана отырып таныстыру. Оқыту нәтижесінде студент тұлғаның өмірлік жолын зерделеуге бағытталған зерттеуді ұйымдастырады, оның зерттеу әдістерін негіздейді.

  Оқу жылы - 4
  Семестр - 1
  Несиелер - 5
  

• Экстремалдық психология

  Пәннің мақсаты - адамдарға төтенше жағдайларда психологиялық көмек көрсету, қиын өмірлік жағдайға тап болған адамдарға көмек көрсетудің психологиялық техникалары, әдістері мен тәсілдерімен таныстыру. Оқу нәтижесінде студент экстремалды жағдайларда зардап шеккендерге психологиялық көмек көрсетеді, психологиялық қолдау мен сүйемелдеуді жүзеге асырады, экстремалды жағдайларда зардап шеккендерге психологиялық көмек көрсетудің әдістері мен техникаларын қолданады.

  Оқу жылы - 4
  Семестр - 1
  Несиелер - 5
  

• Психологиядағы математикалық әдістер

  Пәннің мақсаты: психологияда математикалық әдістер мен өлшемдер негізімен таныстыру; статистика бөлімдері, психологиядағы зерттеу нәтижелерін сандық және сапалық өңдей алу дағдыларын қалыптастыру. Оқыту нәтижесінде студент математикалық статистиканың тұжырымдамалық аппаратын көрсетеді, эксперименттік зерттеулердің деректерін талдайды, қолданбалы бағдарламалардың әртүрлі пакеттерімен жұмыс істеу мүмкіндігін көрсетеді.

  Оқу жылы - 4
  Семестр - 1
  Несиелер - 5
  

• ҒЗЖ, коммерцияландыру негіздері және академиялық хат

  Пәннің мақсаты – ғылыми зерттеудің мақсаты мен міндеттері туралы түсінік қалыптастыру, ғылыми жұмысқа қажетті дағдыларды дайындау және дамыту. Оқытылады: жоғары оқу орындарында ғылыми зерттеулерді ұйымдастыру, зерттеу әдістемесі, деректермен және бастапқы дереккөздермен жұмыс, зерттеу жұмысын коммерцияландырудың мақсаттары мен міндеттері, материалды баяндаудың ғылыми стилін меңгеру. Пәнді меңгеру нәтижесінде студенттер ғылыми-зерттеу жұмыстарын орындауда практикалық дағдыларды меңгереді

  Оқу жылы - 4
  Семестр - 1
  Несиелер - 4
  

• Денсаулық және спорт саласындағы әлеуметтік-психологиялық технологиялар

  Пәннің мақсаты: денсаулық пен психосоматиканың мінез-құлықтық және психологиялық ерекшеліктері, спорттық іс-шаралар мен денсаулықты сақтауда әртүрлі психологиялық тетіктердің қалыптасуы мен көрінісі; психологиялық түзету және қолдау, мотивациялық, топтық динамика, тәлімгерлік пен коучинг, ақпараттық технологиялардың түрлерімен таныстыру. Оқу нәтижесінде студент денсаулық және спорт саласындағы басқару психотехнологиясын білетін болады; психологиялық, мінез-құлық ерекшеліктерін ескере отырып тұлғаны реттеу, тұлғаны әлеуметтік-психологиялық сүйемелдеу технологиясы, фасилитация технологиясы, рефлексиялық технологиялар, психоағартушылық технологиялар, ақпараттық-коммуникациялық технологияларды меңгередң, спортшыларға өзін-өзі тануға психологиялық көмек көрсетеді

  Оқу жылы - 4
  Семестр - 1
  Несиелер - 6
  

• Этнопсихология

  Пәннің мақсаты: әртүрлі этностар мен халықтардың психологиялық бейнесін, ұлттық мінез, мәдениетке негізделген ойлау мен қабылдау, этностық стеоретип және қарым-қатынас ерекшеліктері туралы түсінік қалыптастыру. Оқу нәтижесінде студент этникалық және мәдени ерекшеліктердің адам психикасына әсерін талдайды, түрлі мәдениет өкілдері арасындағы ойлау, қабылдау және мінез-құлық айырмашылықтарын анықтайды.

  Оқу жылы - 4
  Семестр - 1
  Несиелер - 5
  

• Психологиядағы Арт әдістері

  Пәннің мақсаты: арт-әдістерді қолдану тарихымен, түрлері мен міндеттерімен, негізгі формаларымен және арт-терапия әдістерімен танысу; психологтың қызметіндегі түзету-дамыту, психотерапевтік және психопрофилактикалық міндеттері. Оқу нәтижесінде студент проблеманы психологиялық талдауды жүзеге асырады, арт-терапия әдістерін пайдалана отырып, психологиялық проблемаға әдістер мен техникаларды таңдайды.

  Оқу жылы - 4
  Семестр - 2
  Несиелер - 6
  

• Әлеуметтік жұмыс психологиясы

  Пәннің мақсаты: әлеуметтік жұмыстың психологиялық негіздерімен таныстыру; халықтың әлеуметтік осал топтарын зерттеу; әлеуметтік қызметкерлер мен әлеуметтік жұмыста туындайтын психологиялық проблемаларды анықтау. Оқыту нәтижесінде студент әлеуметтік топтарға кіретін тұлғаларға әлеуметтік-психологиялық оңалту құралдарымен әлеуметтік–психологиялық көмек көрсету әдістерін таңдауды негіздейді.

  Оқу жылы - 4
  Семестр - 2
  Несиелер - 6
  

• Әлеуметтік саладағы медиация

  Пәннің мақсаты: түрлі әлеуметтік-психологиялық жұмыстарды жүргізу кезінде еңбек, кәсіби және тұтынушылық дауларды шешуде әлеуметтік-психологиялық көмек ретінде медиация негіздерімен таныстыру. Оқыту нәтижесінде студент медиация процесінің кезеңдерін ұйымдастырады және өткізеді; әлеуметтік саладағы конфликтілі жағдайларды болдырмауға және шешуге, дауларды баламалы шешу тәсілдерін пайдалану стратегияларын әзірлейді, медиация рәсіміне қатысушы тұлғалардың өкілеттіктерін белгілеуге, тараптарға оқиғалардың/жағдайлардың пайдасын, шығындарын, салдарлары мен мүмкіндіктерін талдауда жәрдемдесуге көмектеседі.

  Оқу жылы - 4
  Семестр - 2
  Несиелер - 6
  

Профессии

Оқыту нәтижелері

• Құқықтық және экономикалық білімді пайдалана отырып бизнесте және күнделікті өмірде сауатты шешімдер қабылдау мақсатында, негізделген қаржылық шешімдер қабылдау, жеке және корпоративтік қаржыны тиімді басқару.
• Деректерді жинау, өңдеу және талдау, сонымен қатар кәсіби қызметтегі қолданбалы мәселелерді шешумақсатында жасанды интеллект құралдарын пайдалана отырып, іргелі қолданбалы зерттеулерді жүргізеді, ғылыми әзірлемелерді коммерцияландыру идеяларын тұжырымдау және негіздеу кезінде академиялық мәтіндерді сауатты пішімдейді. Қауіпсіздік пен еңбекті қорғаудың барлық талаптарын сақтай отырып, қызмет пен технологиялық қызмет өнімдерінің, ғылыми жаңалықтардың қоршаған ортаға әсерін ескереді.
• Психологияның негізгі тұжырымдамалық идеяларын практикада қолдану, тұлғаның іс-әрекетін және мінез-құлқын базалық категориялары мен психологиялық түсінікті қолдана отырып талдау, тұлғаның шығармашылық мінез-құлқын модельдеу. Психологияның маңызды мәселелеріне тарихи-психологиялық талдау жүргізу.
• Кәсіби құндылықтар, көзқарастар және мінез-құлыққа байланысты іргелі білімді қолдану, сыни ойлау және пәнаралық байланыстарды талдау. Жасерекшелік психологиясы саласындағы негізгі терминдер мен ұғымдарды меңгеру.
• Болашақ кәсіби қызметтің сипатына сәйкес практикалық тапсырмаларды орындау. Психологиялық көмек көрсету; психодиагностиканы, психокоррекцияны, психотерапияны және психопрофилактиканы жүзеге асыру, мәдениетаралық диалогты конструктивті жүргізудің техникалары мен әдістерін меңгеру.
• Жеке әрекеттердің ықтимал салдарын талдау, ақпарат, білім және тәжірибе алмасу арқылы нәтижеге жету үшін өзінің әрекеттерін жоспарлау, қарым-қатынастағы эмпатия, әлеуметтік өзара әрекеттесудегі эмоционалды қауіпті және қауіпсіз жағдайларды анықтау.
• Заманауи инновациялық психотехнологияларды қылмыстық тұлғаны психологиялық зерттеу тәжірибесінде және әсери психология саласында қолдану, қазіргі саяси психологияның тұжырымдамаларына талдау жасау.
• Психологиялық кеңес берудің негізгі кезеңдерін ұйымдастыру, онлайн кеңес беруді іс жүзінде жүргізу. Психотехнологияның көмегімен топтық жұмысты жүзеге асыру, отбасындағы психологиялық мәселені анықтайды.
• Девиантты мінез-құлықты алдын алу әдістерін, денсаулық және спорт саласындағы әлеуметтік-психологиялық әсер ету мақсаттарына сәйкес әлеуметтік-психологиялық технологияларды қолдану. Соматикалық ауруларды түзету және алдын-алу.
• Психология саласында эксперименттік зерттеулер жүргізу, әлеуметтік-психологиялық зерттеу бағдарламасын құру, болашақ кәсіби қызметтің сипатына сәйкес практикалық тапсырмаларды орындау.
• Арт-терапиялық техникаларды қолдануды, арт-терапияда денеге бағытталған әдістерді таңдауды көрсету. Медиация процесін ұйымдастыру, дауларды шешудің баламалы тәсілдерін пайдалану, өкілетті тұлғаны белгілеу, тараптарға пайдалы шешімге келуге көмектесу
• Ұйымдардың психологиялық мәселелері туралы хабардар болу және оларды талдауды жүзеге асыру, психологиялық көмек беру, төтенше жағдайларда зардап шеккендерге қолдау көрсету.

Ұқсас БББ