7M03101 Әлеуметтану в QYZPU

Пәндер

• NVivo бағдарламасында сапалық деректерді құрылымдау және интерпретациялау

  Бұл пән сапалық зерттеулерде қолданылатын NVivo бағдарламасының көмегімен мәтіндік, аудио, видео және визуалды деректерді құрылымдау, кодтау және талдау дағдыларын қалыптастырады. Магистранттар зерттеу сұрағына сәйкес деректерді ұйымдастыру, код жүйесін құру, концептуализациялау, интерпретация жасау және визуалды аналитика жүргізу қабілетін дамытады. Пән цифрлық сапалық зерттеудің дәлдігі мен құрылымдылығына ерекше мән береді.

  Несиелер - 4
  

• Зерттеу дизайны және этикалық нормалар

  Магистранттар зерттеу сұрақтарын құрастыруды, әдістемені таңдауды, деректерді жинау құралдарын әзірлеуді және деректерді талдау процедураларын жоспарлауды қоса алғанда, зерттеу дизайнының әртүрлі аспектілерін зерттейді. Сонымен қатар, пән деректердің құпиялылығы, зерттеуге қатысушылардың құқықтары мен әл-ауқаты сияқты білім беру зерттеулерін реттейтін этикалық нормалар мен стандарттарға баса назар аударады. Оқыту білім беру саласында жоғары сапалы және этикалық зерттеулер жүргізу үшін магистранттарға қажетті дағдыларды бере отырып, ғылыми жобаларды жобалау және жүзеге асыру үшін алынған білімді практикалық қолдануды қамтиды.

  Несиелер - 6
  

• Әлеуметтік зерттеулердегі сандық тәсілдер

  «Әлеуметтік зерттеулердегі сандық тәсілдер» пәні әлеуметтік құбылыстарды өлшеу, сипаттау және болжауға арналған сандық зерттеу әдістерін меңгеруге бағытталған. Магистранттар сұрау, анкеталау, эксперимент, корреляция және регрессиялық талдау сияқты әдістерді үйреніп, заманауи аналитикалық платформаларда деректерді өңдеу және талдау дағдыларын дамытады. Пәнде зерттеу гипотезаларын тұжырымдау, өлшеу шкалаларын қолдану, статистикалық қорытынды жасау және нәтижелерді визуализациялау жолдары қарастырылады. Магистранттар нақты эмпирикалық мәселелермен жұмыс істеуді үйренеді.

  Несиелер - 5
  

• Цифрлық қоғам социологиясы

  Бұл пән цифрлық технологиялардың қоғамдағы әлеуметтік процестерге әсерін зерттеуге арналған. Магистранттар цифрлық еңбек, платформалық экономика, алгоритмдік бақылау, онлайн кімдік, цифрлық теңсіздік және дерек саясаты сияқты өзекті тақырыптарды талдайды. Пәнде классикалық және қазіргі социологиялық теориялар аясында цифрлық трансформацияның әлеуметтік салдары қарастырылады.

  Несиелер - 5
  

• Python тілінде әлеуметтік деректерді өңдеу және талдау

  Бұл пән Python бағдарламалау тілі негізінде әлеуметтік деректерді өңдеу, құрылымдау және талдаудың негізгі әдістерін үйретуге арналған. Магистранттар pandas, numpy, matplotlib, seaborn сияқты кітапханалар арқылы деректер жиынын тазарту, статистикалық талдау жасау, визуализация құру және дерек интерпретациясын жүзеге асырады. Пән әлеуметтік зерттеулердегі Python қолданбаларына басымдық береді.

  Несиелер - 5
  

• Қала, кеңістік және әлеуметтік шекаралар

  Бұл пән урбанизация, қалалық кеңістіктің әлеуметтік ұйымдасуы және әлеуметтік шекаралардың құрылу механизмдерін әлеуметтанулық тұрғыда зерттейді. Магистранттар қалалық стратификация, гентрификация, маргинализация, инфрақұрылымдық теңсіздік, кеңістікке қолжетімділік, тұрғын үй саясаты және әлеуметтік интеграция мәселелерін талдайды. Пән кеңістікті әлеуметтік құрылым ретінде түсінуге және кеңістік арқылы қоғамдағы теңсіздікті интерпретациялауға бағытталған.

  Несиелер - 5
  

• QDA Miner Lite бағдарламасында сапалық деректерді талдау және кодтау

  Бұл пән сапалық зерттеулерде қолданылатын QDA Miner Lite бағдарламасын меңгеруге бағытталған. Магистранттар мәтіндік, аудио немесе визуалды деректерді бағдарламалық ортада импорттау, кодтау, категориялау және интерпретациялау дағдыларын үйренеді. Пән барысында респонденттердің пікірлері мен әлеуметтік құбылыстарды мазмұндық талдау арқылы жүйелеу, кодаралық байланыс орнату және сапалық деректерге негізделген аналитикалық баяндау жасау қабілеттері дамиды. Сонымен қатар, студенттер сапалық зерттеу жүргізудің этикалық нормаларын және визуализация құралдарын қолдану әдістерін де игереді.

  Несиелер - 4
  

• Сапалық зерттеу дизайны және интерпретация

  «Сапалық зерттеу дизайны және интерпретация» пәні әлеуметтік құбылыстарды терең түсіндіруге бағытталған сапалық зерттеу тәсілдерінің логикасын, құрылымын және интерпретациялық мүмкіндіктерін қарастырады. Магистранттар зерттеу сұрағын құрастыру, әдіснама таңдаудағы стратегиялар, сұхбат, фокус-топ, бақылау сияқты әдістерді қолдану және деректерді мазмұндық тұрғыдан түсіндіру тәсілдерін меңгереді. Пәнде зерттеу этикасы, сенімділік пен валидтілік, теориялық үлгілермен байланыс орнату мәселелері де қамтылады. магистранттар өз зерттеуінде сапалық деректермен жұмыс істеу қабілетін дамытады.

  Несиелер - 5
  

• Теория мен дерек: әлеуметтанулық талдаудың синтезі

  Бұл пән әлеуметтік теория мен эмпирикалық зерттеу арасындағы логикалық байланысты түсіндіруге бағытталған. Магистранттар теориялық тұжырымдамаларды зерттеу сұрақтарына айналдыру, ұғымдарды операционализациялау, зерттеу дизайнын теория негізінде құрастыру және алынған деректерді теориялық интерпретациялау дағдыларын меңгереді. Пән әртүрлі теориялық мектептер мен зерттеу тәсілдерінің өзара үйлесімділігіне баса назар аударылады.

  Несиелер - 5
  

• Этнос және қоғам: көпэтносты кеңістіктегі әлеуметтік процестер

  «Этнос және қоғам: көпэтносты кеңістіктегі әлеуметтік процестер» пәні этностардың әлеуметтік құрылымдармен өзара әрекетін, көпэтносты қоғамдардағы мәдени алмасу, интеграция және шеттетілу процестерін зерттеуге бағытталған. Магистранттар этносаралық қатынастар, ұлттық сәйкестік, миграция, инклюзивтілік, этникалық стереотиптер мен шиеленістер секілді мәселелерді социологиялық теориялар негізінде талдайды. Пән этносоциология мен кеңістік әлеуметтануының өзекті тұжырымдарына сүйене отырып, этникалық әртүрлілік жағдайындағы әлеуметтік процестердің күрделілігін түсінуге мүмкіндік береді.

  Несиелер - 5
  

• Білім және әлеуметтік теңсіздік: білім беру жүйесіндегі құрылымдық динамика

  «Білім және әлеуметтік теңсіздік: білім беру жүйесіндегі құрылымдық динамика» пәні білім беру жүйесінің әлеуметтік құрылыммен өзара байланысын зерттеуге бағытталған. Пәнде магистранттар білімге қолжетімділік, стратификация, инклюзия, мәдени капитал, білім беру саясаты мен әлеуметтік ұтқырлық мәселелерін қарастырады. Пәнде білім жүйесіндегі теңсіздік үлгілері мен себептері теориялық және эмпирикалық тұрғыда талданады. Магистранттар заманауи социологиялық теориялар мен зерттеу деректері негізінде білім беру саласындағы құрылымдық өзгерістерді, әлеуметтік диспропорцияларды және институционалдық факторларды интерпретациялауды үйренеді.

  Несиелер - 5
  

• Әдебиеттерді талдау, әлеуметтік ғылымдар саласындағы теориялық және тұжырымдамалық негіздер

  Пәнді оқу барысында магистранттар ғылыми зерттеулерге сыни талдау жасайды, өзіндік зерттеу тәсілдерін әзірлейді және білім беру саласындағы негізгі тұжырымдамалар мен тенденцияларды түсіну үшін салыстырмалы талдау дағдыларын қолданады. Әрбір тапсырма сыни тұрғыдан ойлау және ғылыми материалдармен аналитикалық жұмыс істеу дағдыларын дамытуға бағытталған, бұл магистранттарға пән саласын тереңірек түсінуге ғана емес, сонымен қатар өздерінің ғылыми жобаларын жасауға дайындалуға көмектеседі.

  Несиелер - 4
  

• Әлеуметтік статистика: зерттеу мен интерпретация негізі

  «Әлеуметтік статистика: зерттеу мен интерпретация негізі» пәні магистранттарды сандық деректермен жұмыс істеудің негізгі қағидаларымен таныстыруға бағытталған. Пәнде статистикалық сипаттамалар, деректерді өңдеу, ықтималдық, корреляция, регрессиялық талдау, визуализация және интерпретация әдістері қамтылады. Магистранттар әлеуметтік зерттеулер контексінде статистикалық тәсілдерді қолдану, алынған нәтижелерді сыни тұрғыда бағалау және ғылыми қорытындылар жасау дағдыларын меңгереді. Пән әлеуметтік деректерді түсіндірудің сенімді әдістерін үйретеді.

  Несиелер - 4
  

• Әлеуметтік деректерді талдау (R тілі негізінде)

  Бұл пән әлеуметтік ғылымдарға бейімделген R бағдарламалау тілі негізінде деректерді өңдеу, талдау және визуализациялау дағдыларын қалыптастыруға бағытталған. Магистранттар дерек құрылымын басқару, сипаттамалық және ықтималдық статистика, регрессиялық талдау, кластерлеу және графикалық көрсетілімдер жасау тәсілдерін үйренеді. Пәнде деректермен жұмыс істеу нақты әлеуметтік мәселелермен байланыста жүргізіледі.

  Несиелер - 5
  

• Қазіргі әлеуметтанулық теориялар және қоғам мәселелері

  Бұл пән қазіргі әлеуметтанулық ойдың негізгі бағыттарын, теориялық мектептер мен концептуалдық модельдерді жүйелі түрде қарастырады. Магистранттар құрылымдық функционализм, символдық интеракционизм, әлеуметтік конструктивизм, постмодернизм, неомарксизм және сыни теориялар аясында қоғамдағы өзекті әлеуметтік мәселелерді түсінуді және талдауды үйренеді. Пән теория мен қоғам арасындағы байланысты сыни тұрғыдан қарастыруға бағытталған.

  Несиелер - 5
  

• Академиялық жазылым

  Пән академиялық контексте жазбаша сөйлеу дағдыларын дамытады. Пән ғылыми мәтіннің құрылымын, зерттеу және дәлелдеу әдістерін, дәйексөздер мен сілтемелер ережелерін зерттеуді қамтиды. Магистранттар ғылыми эсселерді, рецензиялар мен зерттеу мақалаларын жоспарлау, жазу және редакциялау әдістерін, академиялық этика мәселелерін және жұмысты пішімдеу ережелерін меңгереді. Тәжірибелік тапсырмалар мен кері байланыс арқылы магистранттар академиялық пікірталас аясында өз ойларын анық, логикалық және дәлелді жеткізу қабілетін дамытады. Пән зерттеу негізінде магистрант үшін қажетті академиялық жазылым қабілеттері, дағдылары мен құзыреттілігін қалыптастыруды мақсат етеді.

  Несиелер - 4
  

• Ғылыми деректерді визуализациялау және презентациялау стратегиялары

  «Ғылыми деректерді визуализациялау және презентациялау стратегиялары» пәні ғылыми ақпаратты тиімді ұсыну мен аудиторияға түсінікті түрде жеткізудің әдістеріне бағытталған. Пән аясында магистранттар графиктер, диаграммалар, инфографика және дашбордтар сияқты визуалды құралдарды қолдануды, презентация құрылымын жасауды, мәліметтерге негізделген баяндау стратегияларын меңгереді. Сонымен қатар, визуалды коммуникацияның дизайны мен аудиторияға бейімдеу тәсілдері үйретіледі. Пән ғылыми зерттеулер нәтижелерін кәсіби және қолжетімді түрде ұсынуға жағдай жасайды.

  Несиелер - 5
  

• Power BI арқылы деректерді визуалдау және баяндау

  Бұл пән Power BI платформасы негізінде әлеуметтік деректерді визуалдау және баяндау (data storytelling) дағдыларын қалыптастыруға бағытталған. Магистранттар интерактивті графиктер, диаграммалар, дашбордтар жасау арқылы деректерді тиімді ұсынуды үйренеді. Пән визуалдық коммуникация, аудиторияға бейімдеу, дизайн логикасы мен аналитикалық баяндау әдістерін қамтиды

  Несиелер - 5
  

• Қазіргі қоғамдағы тұтыну: мағына, мәртебе және медиа

  Бұл пән қазіргі тұтыну қоғамының әлеуметтік, мәдени және символдық өлшемдерін талдауға бағытталған. Магистранттар тұтыну арқылы сәйкестену, әлеуметтік мәртебені білдіру, сән, бренд, өмір салты, медиа әсері және әлеуметтік стратификация секілді құбылыстарды әлеуметтанулық тұрғыда зерттейді. Пән Бурдьенің мәдени капитал тұжырымдамасынан бастап, постмодерндік тұтыну теорияларына дейінгі көзқарастарды қамтиды.

  Несиелер - 5
  

• Шетел тілі (кәсіби)

  Пән супер-базалық стандарт кемінде (В1) деңгейін меңгеруді қамтамасыз етуге, магистранттардың лингвистикалық емес оқыту бағыттары бойынша мәдениетаралық және коммуникативтік құзыреттілігін қалыптастыруға бағытталған. Магистратураның пәндік саласына сәйкес нақты лексиканы, терминологияны және коммуникациялық стратегияларды зерттеуді қамтиды. Магистранттар болашақ мансабында туындауы мүмкін кәсіби мәтіндермен, құжаттамалармен және коммуникациялық жағдайлармен танысады.

  Несиелер - 4
  

• Экономикалық мінез-құлықтың әлеуметтік негіздері

  Бұл пән экономикалық әрекеттің әлеуметтік, мәдени және символдық аспектілерін әлеуметтанулық тұрғыдан зерттеуге арналған. Магистранттар тұтыну, үнемдеу, сенім, тәуекелге бару, материалдық айырбастау және бейформалды экономика сияқты құбылыстарды әлеуметтік нормалар, құрылым және кімдікпен байланыстыра талдайды. Пәнде неоклассикалық, институционалдық және мәдени экономика социологиясының теориялық негіздері қамтылады.

  Несиелер - 5
  

• Жоғары мектеп педагогикасы мен психологиясы

  Пән магистранттарға жоғары мектеп педагогикасы мен психологиясы саласындағы терең білім беруге бағытталған. Оқыту барысында оқу процесін ұйымдастырудың инновациялық әдістері, білім беру бағдарламаларын жобалау, студенттердің оқу жетістіктерін бағалау тәсілдері және көшбасшылықтың психологиялық аспектілерін, оның ішінде мотивация, көшбасшылық, коммуникация және қақтығыстарды басқару мәселелерін талдайды.

  Несиелер - 4
  

• Ғылым тарихы мен философиясы

  Ғылым тарихы мен философиясы пәні магистранттарға ғылыми әдістердің дамуы жағдайындағы ойлау эволюциясы туралы түсінік береді. Магистранттар сыни ойлау және салыстырмалы талдау дағдыларын қолдана отырып, негізгі философиялық ұғымдарды және олардың ғылыми жаңалықтарға әсерін талдайды. Олар ғылыми парадигмаларды қалыптастырудағы идеологиялардың әсерін бағалайды, білімге әртүрлі көзқарастарды салыстыру және бағалау үшін интеллектуалды дағдыларды пайдаланады. Тарихи контексттерді талқылау және зерттеу арқылы магистранттар ақпаратты талдау және синтездеу дағдыларын, философия мен ғылымның байланысын терең түсінуді дамытады.

  Несиелер - 4
  

• Дін және қоғам: заманауи әлеуметтік трансформациялар контексіндегі діни тәжірибе

  «Дін және қоғам: заманауи әлеуметтік трансформациялар контексіндегі діни тәжірибе» пәні діннің қазіргі қоғамдағы рөлі мен функцияларын әлеуметтанулық тұрғыдан түсіндіруге бағытталған. Магистранттар жаһандану, секуляризация, діннің жекешеленуі, діни плюрализм, діни идентификация және діни қозғалыстар секілді құбылыстарды зерттейді. Пән аясында діни тәжірибенің әлеуметтік өзгерістермен өзара байланысы, медиадағы дін образы және жастардың діни қатысуы да қарастырылады. Пәнде теориялық тұжырымдар эмпирикалық мысалдармен ұштастырылады.

  Несиелер - 4
  

• Жастар социологиясы: болашаққа бағдар және қоғаммен байланыс

  Бұл пән жастарды әлеуметтік топ ретінде зерттеудің заманауи теориялары мен тәсілдеріне бағытталған. Магистранттар жастардың әлеуметтік бейімделуі, білім, еңбек, миграция, саяси қатысу, цифрлық белсенділік сияқты салалардағы тәжірибесін саралайды. Пән сондай-ақ NEET жастары, маргинализация, болашаққа үміт дағдарысы, әлеуметтік интеграция мәселелерін қарастыра отырып, жастардың қазіргі қоғаммен өзара байланысын түсінуге мүмкіндік береді.

  Несиелер - 4
  

Профессии

Оқыту нәтижелері

• Ғылым мен білім беру үдерісінің өзара байланысын, ғылым тарихы мен философиясының өзекті мәселелерін, сөйлеу коммуникациясының кәсіби негіздерін, білім беру трансформациясы жағдайында этикалық және құқықтық стандарттарды сақтай отырып, жасанды интеллектіні пайдалануда ғылыми нәтижелерді білім мазмұнына интеграциялайды.
• Педагогика және психология ғылымын дамытудың теориялық-әдіснамалық негіздерін, әр түрлі қабілеттері бар студенттерді ескере отырып, инклюзивті қағидаларға сәйкес оқыту әдістерін, басқару және меңгеру үрдістерін, психологиялық-педагогикалық зерттеулердің мәні мен мазмұнын кәсіби қызметінде пайдаланады;
• Ғылыми-зерттеу жұмысының барлық кезеңінде этикалық нормаларды сақтай отырып, зерттеу құрылымын, әдіснамасын, деректерін және қорытындыларын академиялық стандарттарға сай ұсынады.
• Қазіргі социологиялық теориялар негізінде әлеуметтік құрылымдар мен мәдени процестерді сипаттайды.
• Жастар, еңбек, тұтыну және теңсіздік құбылыстарын теориялық және кеңістік контексте түсіндіреді.
• Әртүрлі әлеуметтік теориялар мен эмпирикалық нәтижелерді салыстырады.
• Цифрлық қоғамдағы әлеуметтік өзгерістер мен кеңістікке байланысты теңсіздіктің негізгі белгілерін анықтайды.
• Зерттеу сұрағына негізделген теориялық және әдістемелік құрылымды жоспарлайды.
• R, Python және Power BI құралдарының көмегімен әлеуметтік деректерді кешенді түрде талдайды.
• Әлеуметтік зерттеу нәтижелерін теориялық негіздер мен әдіснама тұрғысынан бағалайды.
• Әлеуметтік мәселелерге қатысты дерекке негізделген қорытындылар мен шешімдерді ұсынады.
• QDA Miner Lite және NVivo бағдарламалары арқылы сапалық деректерді талдайды

Ұқсас БББ