8D01506 География в QYZPU

Пәндер

• Web-ГАЖ

  Қазіргі заманғы ақпараттық технологиялар кеңістік деректермен интернет арқылы жұмыс істеуге мүмкіндік береді. Web-ГАЖ геодеректерді жинау, сақтау, өңдеу, талдау және оларды интерактивті онлайн ортада визуализациялауды қамтамасыз етеді. Web-ГАЖ оқу барысында докторант кеңістіктік деректерді талдау, веб-карталар жасау, бағдарламалау, геодеректер базасымен жұмыс істеу, ғылыми-зерттеу жүргізу, визуализация әдістерін қолдану, интерактивті платформалар әзірлеу, цифрлық сауаттылық пен инновациялық ойлау дағдыларын дамытады.

  Несиелер - 5
  

• География ғылымының тарихы мен философиясы

  Пән докторанттарға географияның даму кезеңдері, ғылыми парадигмалары, теориялық-методологиялық негіздері және ғылыми танымның философиялық аспектілері туралы терең білім береді. Пән география ғылымының тарихи эволюциясын, ғалымдардың үлесін және географиялық ой-сананың қалыптасуын зерделеуге бағытталған. Оқу нәтижесінде докторантта географиялық ойлау, ғылыми тұжырым жасау, тарихи-теориялық талдау, философиялық көзқарас қалыптастыру, ғылыми мәтінмен жұмыс, әдіснамалық талдау, дереккөздерді бағалау және кәсіби зерттеулерді жүйелі жүргізу дағдылары дамиды.

  Несиелер - 6
  

• Халықаралық қатынастар және геосаясат

  Халықаралық қатынастар мен геосаясат — бұл әлемдік аренадағы мемлекеттер мен басқа да акторлардың өзара әрекеттесуін зерттейтін пәндер. Халықаралық қатынастар елдер арасындағы ынтымақтастық пен қақтығыстардың саяси, экономикалық, мәдени және құқықтық аспектілерін қарастырады, оқу барысында докторантта саяси-географиялық талдау жасау, әлемдік державалардың мүдделерін бағалау, геосаяси үдерістерді болжау, аймақтық тұрақтылықты зерттеу, халықаралық құжаттармен жұмыс істеу, сыни ойлау, ғылыми қорытынды жасау және стратегиялық көзқарас қалыптастыру дағдылары дамиды.

  Несиелер - 5
  

• Географиялық білім берудің заманауи парадигмалары

  Пән география ғылымындағы білім беру үрдісінің қазіргі бағыттары мен жаңашыл әдістемелерін меңгеруге арналған. Географиялық білім берудің мазмұны мен құрылымын жаңарту, заманауи әдіснамаларды қолдану, критериалды бағалау және рефлексивті оқыту мәселелері талданады. Докторанттарда кеңістіктік ойлау, әдістемелік талдау, зерттеу жүргізу, географиялық білімді модельдеу және педагогикалық инноватика бойынша кәсіби дағдылар қалыптасады. Пән ғылыми-педагогикалық қызметке қажетті теориялық әрі практикалық негіз береді.

  Несиелер - 6
  

• Ғылыми зерттеу әдістері

  Пән докторантты зерттеу үдерісін түсіндіруге және ғылыми мәтіндерге талдау жасау, әдіснама жазу, зерттеу жоспарын құру дағдыларын қалыптастыруға бағытталған. Пән зерттеу дизайны, дерек жинау, сапалық және сандық әдістер, зерттеу этикасы мен деректерді талдау бойынша кешенді білім береді, нәтижесінде докторанттың ғылыми жұмысын жүйелі жазуына негіз қалайды.

  Несиелер - 5
  

• Статистикалық талдау әдістерін терең зерттеу

  Бұл пәннің мақсаты – статистиканың ғылыми зерттеулердегі рөлін түсіндіре отырып, деректерді талдаудың заманауи статистикалық әдістерін меңгерту. Статистикалық талдау түрлі саладағы күрделі міндеттерді шешуге арналған тиімді құрал, сондықтан пән іріктеме негізінде объектілер жиынтығы туралы қорытынды жасау, олардың сипаттамаларын анықтау, айнымалылар арасындағы байланыстарды талдау, болжам жасау және шешім қабылдау үдерістеріне қажетті әдістемелік негіздерді үйретуге бағытталған. Пән аясында докторанттар статистикалық тәсілдерді ғылыми-зерттеу жұмыстарына тиімді қолдануды үйренеді.

  Несиелер - 5
  

• Академиялық хат

  Пән ғылыми бағыттағы әртүрлі мәтіндерді (ғылыми мақала, баяндама, пікір, әдеби шолу, эмпирикалық зерттеу және т.б.) жазу дағдыларын қалыптастыруға және олардың құрылымы мен ерекшеліктерін терең меңгертуге бағытталған. Пән мазмұнына ғылыми жазылым үдерісінің барлық кезеңдері – тақырып таңдаудан бастап, мақаланы халықаралық басылымда жариялауға дейінгі кезеңдердегі өзекті мәселелер кіреді. Докторанттар сыни ойлау, жүйелі және дәлелді жазу, ғылыми дискурсты қалыптастыру, мәтінді талдау, бағалау және ғылыми стильде оқи білу дағдыларын дамытады. Халықаралық деңгейдегі рейтінгісі жоғары журналдардағы ғылыми мақалалардың құрылымымен, стильдерімен танысады.

  Несиелер - 4
  

Профессии

Оқыту нәтижелері

• Халықаралық академиялық стандарттарға сай ғылыми мәтіндер құрастырады.
• Академиялық жазылым талаптары мен өзінің ғылыми саласының ерекшеліктеріне сәйкес жеке зерттеу жоспарын жобалайды.
• Ғылыми қорытындылар жасау үшін статистикалық әдістерді қолданып, зерттеу нәтижелерін ұсынады.
• Географиялық ілімдердің қалыптасу тарихы және ғылыми зерттеулердің қазіргі мәселелерін талдау арқылы географияның басым бағыттарын анықтайды.
• Тұрақты дамуды қамтамасыз ету үшін халықты оңтайлы орналастыру, табиғи ресурстарды үнемді пайдалану және қорғау жөніндегі жобаларды әзірлейді.
• Білім берудегі жаңа парадигма мен тұжырымдамаларды ескере отырып, білім беру бағдарламаларын жобалай алады.
• Қашықтықтан зерделеу мәліметтерін пайдалану арқылы геожүйедегі өзгерістерге мониторинг жүргізеді және олардың картографиялық үлгілерін құрастырады.
• Табиғи ресурстарды пайдалану көрсеткіштерінің қарқынын және оларды игерудің экономикалық саясатын салыстыра отырып, әлем елдерінде болатын геоэкологиялық жағдайды болжайды.
• Идеялар мен ақпаратты кем дегенде екі тілде тиімді жеткізе алады, командада жұмыс істеп, көшбасшылық қабілеттерін көрсете алады, әр қатысушы өзін қабылданған және құрметті сезінетін инклюзивті орта жасайды және ұжымдық әлеуетті дамытуға ықпал етеді.

Ұқсас БББ