Қолданыстағы білім беру бағдарламасы 7M03104 Психология в Қазақстан-Американдық еркін университеті

Пән психологиялық экспериментті қолдану туралы білімді қалыптастырады. Магистранттар психологиялық эксперименттің ерекшелігі мен мазмұнын, экспериментті ұйымдастыру және өткізу стратегиясын, сондай-ақ танымал психологиялық эксперименттерді біледі. Курс барысында магистранттар диссертациялық зерттеудің құрылымын, моделін, гипотезасын, эксперимент бағдарламасын өз бетінше құрастыра алады.

«Жоғары мектептің педагогикасы» пәні магистратурада педагогикалық құзыреттілікті қалыптастыруға бағытталған. Магистранттар қазіргі заманғы жоғары мектептің педагогикасының жай-күйін біліп, ЖОО-да педагогикалық процесті құруды, материал мен әдістерді іріктеу қзіреттіліктерін мазмұн технологиясын, әдістерін бағалауды, оқытушы ретінде өзіндік рефлексия үрдісін құруды меңгеріп шығады.

Пән эмпирикалық зерттеулер модельдерін қолдану туралы білімді қалыптастырады. Магистранттар эмпирикалық зерттеудің ерекшелігі мен мазмұнын, эмпирикалық зерттеуді ұйымдастыру және жүргізу стратегиясын біледі, APA баптарының негізінде өзекті зерттеулерді талдайды. Курс барысында магистранттар диссертациялық жұмыстың құрылымын, моделін, гипотезасын, эмпирикалық зерттеу бағдарламасын өз бетінше құрастыра алады

«Ұйымдардағы мониторингтік зерттеулер» пәні ұйымдар үшін мониторингтік зерттеулер саласында проблемалық өрісті және шешімдерді қалыптастырады. Магистранттар мониторингтік зерттеу қызметінің мазмұнын біліп, зерттеу бағдарламаларын құрастыра алып және оларды ұйымдар үшін жүзеге асыра алады.

Пән студенттердің халықаралық кәсіби ортаға ықпалдасуға және кәсіби шет тілін мәдениетаралық және кәсіби қарым-қатынас құралы ретінде қолдануға мүмкіндік беретін шет тілді кәсіби бағытталған коммуникативтік құзыреттілігінің негіздерін қалыптастырады; кәсіби-іскерлік қарым-қатынастың типтік жағдайларында ағылшын тілді дереккөздерден қажетті ақпарат алу дағдыларын дамытуға ықпал етеді; кәсіби мәтіндерді аннотациялау және рефераттау дағдыларын қалыптастырады.

«Басқару психологиясы» пәні басқару негіздерін үйренуді және басқару шешімдерінің психологиялық мазмұны туралы білімді толықтырады. Пәнді оқу магистранттардың басқару еңбегі және осыған байланысты басқару қатынастары саласында кәсіби қызмет үшін қажетті білімін қалыптастыруға мүмкіндік береді.

«Сараптамалық және аналитикалық зерттеулердің мәселелері» пәні психологияға қатысты түрлі салаларда аналитикалық және сараптамалық зерттеулер саласының проблемалық өрісін және шешімдерді қалыптастырады. Магистранттар аналитикалық және сараптамалық қызметтің мазмұнын біледі, зерттеу бағдарламаларын құрастыра алып және оларды жүзеге асыра алатын болады.

«Ғылыми зерттеулерді жоспарлау және ұйымдастыру» пәні жас зерттеушілерге диссертацияны ғылыми жұмыс ретінде сипаттайтын негізгі ережелерді білуді қалыптастыруға, сонымен қатар ғылыми шығармашылық әдіснамасы, ғылыми таным әдістерін қолдану және логикалық заңдар мен ережелерді қолдану туралы жалпы түсінікке ие болуға арналған.

Әлеуметтік психологиядағы кроссмәдени және эксперименталдық зерттеу арнайы бағыт ретінде әрекет етеді және қазіргі әлеуметтік психологияның құрамдас бөліктерінің бірі болып табылады. Курс магистранттарды этникалық қатынастардың психологиялық зерттеу материалдарымен, сондай-ақ этнопсихологиялық теорияның мазмұнымен таныстыруды көздейді.

«Психологиядағы қазіргі статистика әдістері» пәні зерттеулерде статистиканы қолдану туралы білімді қалыптастырады. Магистранттар статистика әдістерінің ерекшелігі мен мазмұнын, гипотезаларды статистикалық растау стратегиясын және SPSS (demo) қолдану арқылы деректерді статистикалық өңдеу жүргізуді үйренеді, APA баптарының негізінде өзекті критерийлерді талдайды. Курс барысында магистранттар диссертациялық жұмыс үшін статистикалық критерийлерді өз бетінше таңдап, негіздеп, мәліметтерді SPSS-ке дұрыс енгізіп, графикалық нәтижелерді өңдеп, ұсына алады.

Этнопсихологиядағы кроссмәдени және эксперименталдық зерттеулер жаңа ғылыми-зерттеу және ғылыми - практикалық бағыт болып табылады. Әр түрлі мәдениеттер мен этностарға жататын, мәдениетаралық коммуникация саласында жоғары білікті, білімді меңгерген адамдардың өзара іс-қимыл міндеттерін тиімді шеше алатын осы заманғы психологиялық мамандарды даярлауда маңызды және перспективалы болып табылады.

«Коммерциялық тренингті ұйымдастыру» пәні шеңберінде білімді меңгерумен, мінез-құлықтың бейімдік модельдерімен, қондырғыларды дамытумен, жеке маңызды және кәсіби міндеттерді шешу барысында біліктерді, құзыреттілікті қалыптастырумен байланысты тренингтер қарастырылған (келіссөздер тренингі, өзін-өзі таныстыру және т. б.). Бірлескен қызмет барысында білім алушыларда soft skills жетілдіріледі.

Қоғамдық дамудың қазіргі деңгейі, мәдени құндылықтар жүйесіндегі және тұлғаны әлеуметтендіру үдерістеріндегі өзгерістер психологиядағы ғылыми міндеттерді шешудің дәстүрлі әдістерінен бас тартуға және әлеуметтік-мәдени тәрбиенің инновациялық технологияларына негізделген әдістерге көшуге мәжбүрлейді. Сондықтан «Психология саласындағы ғылыми зерттеулер» курсы магистранттарда психологиялық құбылыстар мен процестерді ғылыми негіздеу дағдыларын қалыптастыруға бағытталған.

«Психологиялық бизнесті ұйымдастыру» пәні психология, әлеуметтану және экономика тоғысында пайда болған , шағын және орта бизнес өкілдерінің алдында тұрған және кәсіби психологтардың қатысуын талап ететін көптеген мәселелерге жауап болып табылады.

«ЖОО-дғы психологияны оқытудың белсенді әдістері» пәні қазіргі заманғы оқыту технологияларын, белсенді әдістеді қолданудың тәжірибесін, рефлексия тәжірибесін іздеу және тәжірибесін қалыптастыратын әдістерді өзектендіреді. Магистранттар белсенді әдістерді біледі, оларды студенттерді белсендендіру үшін қолдана алады, әдістерді салыстыра алады, оларды қолдану мүмкіндіктерін талдай алып және синтездей алады

«Қазіргі психологиялық практиканың мәселелері» пәні психологиялық көмек саласындағы қазіргі заманғы практиканың өзекті мәселелерін қарастырады. Магистранттар психологиялық тәжірибе мәселелерінің өрісін біледі,олардың ғылыми, дәлелді негізділігін қолдану туралы тұжырымдар мен қорытындылар жасай алады.

«Оқыту процесін дараландырудың психологиялық негіздері» пәні оқытудағы дараландырудың мазмұнын, коммуникация техникасын және оқытудағы мазмұнды коучингті анықтайды. Магистранттар жеке оқыту жүйесі үшін студенттермен қарым-қатынас техникасын, даралау процесін құрудың негізгі үрдістерін біледі.

Пән бағдарламасы персоналды диагностикалаудың процедурасымен, әдістерімен және технологияларымен, талап етілетін білікті кадрлармен қамтамасыз ету үшін кадрларды іріктеу және орналастыру критерийлерімен, ұйымның зияткерлік капиталын басқарумен, оның қызметінің тиімділігін және бәсекеге қабілеттілігін жоғарылатуға бағытталған

«Психологиялық коррекция және психотерапия» курсында негізгі назар кеңес беру жағдайын құруға, «кеңесші/психотерапевт – клиент» өзара әрекеттесуін ұйымдастыруға, психолог-консультанттың тұлғалық, теориялық және психотехникалық өзін-өзі анықтауына көңіл бөлінеді; коррекциялау процесінің мазмұны, құрылымы мен динамикасын ашады, психотерапевтік өзара қарым-қатынас тәсілдері пысықталады.

«Қазіргі психотехнологиялар» пәні психологиялық көмектің қазіргі заманғы тәжірибесін қарастырады (кеңес беру, түзету, коучинг, тренинг, психотерапия). Магистранттар ғылыми-негізделген әдістерді біледі, релевантты технологияларды бөліп, оларды тәжірибеде қолдана алады және өзгерістер үдерісін өз бетінше құрастыра алады, өзін-өзі бағалаудың рефлексивті процестерін құра алады

1. Қазіргі психология ғылымдағы негізгі теориялық-әдіснамалық зерттеулердің бағыттарын; психологиядағы математикалық талдау әдістерін пайдалана отырып, қазіргі психологиядағы зерттеулерді құрудың негізгі іргелі тәсілдерін; ғылымға дейінгі, ғылыми және ғылыми танымнан тыс формалар мен әдістерді білу мен түсініктерін көрсету.

2. Әртүрлі саладағы ұйымдарда психолог қызметінің ерекшеліктерін; психологиялық қызметте пайдаланылатын негізгі ұғымдар мен санаттардың ерекшеліктерін; ЖОО-да психологиялық және педагогикалық пәндерді оқытудың әдістемелік негіздерін; психологиялық кеңес беру, психотерапия және психокоррекцияда жүзеге асырылатын психологиялық әсер ету техникалары мен заманауи теориялық тәсілдерді интеграциялауда білу мен түсінтерін көрсету.

3. Бизнестің ішкі және сыртқы ортасына бағдарлана отырып, кәсіпорындардың ұйымдық құрылымдарын талдауда неғұрлым тиімді құрылым құру жөнінде ұсынымдар жасау үшін өз білімі мен түсінігін кәсіби деңгейде қолдану, зерттелетін саладағы проблемаларды шешу және дәлелдерді қалыптастыру.

4. Бизнес-қызметті жүргізу саласындағы мәселелерді шешу үшін; бизнесте жеке тұлғаның дамуы және өзін-өзі анықтау мехенизімдерін, сондай-ақ теориялық және эмпирикалық зерттеулерді әзірлеуде өз білімі мен түсінігін кәсіби деңгейде қолдану; қолданбалы зерттеулер жүргізу кезінде өзінің кәсіби қызметінде, сондай-ақ этносаралық өзара әрекет ету тәжірибесінде эксперименттік және кросс-мәдени зерттеулерді ұйымдастыруда зерттелетін саладағы проблемаларды шешу және дәлелдерді қалыптастыру.

5. Психологиялық кеңес беруде клиенттің шағымдарын талдауда; бизнес-ортада адамдардың мінез-құлқын талдау және болжау кезінде; басқарушылық шешімдерді қабылдауда басшының қызметін талдау кезінде; оқытудың әдістемелік модельдерін, әдістемелерін, технологиялары мен тәсілдерін әзірлеу және іске асыру кезінде; білім беру процесінде пайдалану нәтижелерін талдау үшін әлеуметтік, этикалық және ғылыми жинақтарды ескере отырып, пайымдаулар жасау үшін ақпаратты жинау және түсіндіру.

6. Оқылатын тілдің нормаларына сәйкес дұрыс грамматикалық формаларды қолдану және сөйлеуді синтаксистік құру дағдыларына сүйене отырып, сөйлеу тәсілін таңдауды жүзеге асыру, сөйлеу тәртібін жоспарлау, және күнделікті кәсіби қарым-қатынас жағдайларына қажетті ақпараттар, идеялар, проблемалар мен шешімдер туралы хабарлау.

7. Зерттелетін салада қосымша білім алуды жалғастыру үшін қажетті оқу дағдыларын қалыптастыру.

8. Бизнес субъектілерін қолдау және психологиялық көмек көрсетуде, тұлғалық ерекшеліктерді диагностикалау әдістерін меңгеру үшін; бизнес-ұйымды дамыту және диагностикалау әдістерін меңгеру үшін; деректерді талдауды ескере отырып, қазіргі заманғы зерттеулерді ұйымдастыру үшін; сұрақтар мен мәселелерді шешу кезінде ғылыми зерттеу және эксперименттеу әдістемесін меңгеру үшін, өзбетілік жұмысты жүзеге асыру үшін зерттелетін салада қосымша білім алуды жалғастыру үшін қажетті оқу дағдыларын қалыптастыру.