6B05301 Химия в Семей қаласының Шәкәрім атындағы университеті

Пәндер

• Жалпы химия

  Бұл курс жалпы химияның теориялық және практикалық негіздерін зерттейді. Химияның негізгі ұғымдары мен заңдарын қарастырады. Атом құрылысы мен химиялық байланыс туралы кванттық-механикалық түсініктер негізінде заттың құрылымын зерттейді. Комплексті қосылыстар туралы жалпы мәліметтерді баяндайды. Химиялық процестердің заңдылықтары туралы түсінік қалыптастырады. Химиялық кинетика, химиялық термодинамика негіздерін, ерітінділер ілімі мен электрохимия негіздерін зерттейді.

  Оқу жылы - 1
  Семестр - 1
  Несиелер - 3
  

• Қаржылық сауаттылық негіздері

  Пәнің мақсаты- білім алушылардың жеке қаржысын басқарудағы негізгі білімдері мен практикалық дағдыларын дамытуға бағытталған. Курс негізгі экономикалық түсініктерді, ұтымды бюджеттеу, инвестициялау, жинақтау және қаржылық тәуекелдерден қорғау принциптерін қамтиды. Несиелеу, инвестициялау, қаржылық қызмет көрсету мәселелеріне ерекше көңіл бөлінеді. Бұл курсты аяқтау білім алушыларға негізделген қаржылық шешімдер қабылдауға, қарыз тұзақтарынан, қаржылық пирамидалардан аулақ болуға және өз қаражаттарын тиімді басқаруға көмектеседі.

  Оқу жылы - 1
  Семестр - 1
  Несиелер - 5
  

• Математика

  Бұл курстың мақсаты-студенттердің математика саласында іргелі білім алуы болып табылады. Курс білім алушыларда математикалық ойлаудың жеткілікті жоғары мәдениетін қалыптастыруға және мәселелерді шешуге шығармашылық тұрғыдан қарау қабілеттерін дамытуға бағытталған. Жоғары математиканың іргелі негіздерін (аналитикалық геометрия, сызықтық алгебра элементтері, математикалық талдау, дифференциалдық теңдеулер) зерттеумен қатар курста кәсіби мамандану саласындағы өндірістік есептерді шешуге математиканың әртүрлі қосымшаларын қарастыру күтіледі.

  Оқу жылы - 1
  Семестр - 1
  Несиелер - 5
  

• Мамандыққа кіріспе

  Курс химия саласының қазіргі заманғы жағдайын зерттейді. Түлектердің болашақ жұмыс тәжірибесімен бейорганикалық пен органикалық және полимерлі материалдар алудың химиялық технологиясының негізгі даму бағыттарын қарастырады. Химиялық білімнің дамуын, химия мен химиялық технологияның даму болашағын зерттейді. Бұл ғылымның толық, оның ішінде химиялық технологияның дамуының заңдылықтары мен тенденцияларын, сондай-ақ ғылыми-техникалық прогрестің перспективаларын ашады.

  Оқу жылы - 1
  Семестр - 1
  Несиелер - 3
  

• Құқық негіздері және антикоррупциялық мәдениет

  Пәннің мақсаты-негізгі құқықтық ұғымдарды , қағидаттар мен нормаларды, азаматтардың құқықтарын қорғау тетіктерін зерделеу, сондай-ақ құқық бұзушылықтардың алдын алу мақсатында қоғамда сыбайлас жемқорлыққа қарсы сананы қалыптастыру. Курс заңнаманы талдауды, сыбайлас жемқорлыққа қарсы күрес тетігін және этикалық стандарттарды қамтиды. Құқықтық сауаттылықты дамытуға және әрбір азаматтың құқықтық тәртіп пен әділеттілікті сақтаудағы рөлін түсінуге баса назар аударылады.

  Оқу жылы - 1
  Семестр - 1
  Несиелер - 5
  

• Инклюзивті қоғам құндылықтарын қалыптастыру

  Пән студенттердің инклюзия құндылықтарын, әртүрлілікке құрметпен қарау, мүмкіндіктер мен білім алуға қолжетімділікте теңдік қағидаларын түсінуін дамытуға бағытталған. Курсты оқу барысында білім алушылар инклюзивті тәжірибе қағидаттарын меңгеріп, инклюзияның құқықтық және этикалық аспектілерін талдайды, сондай-ақ мультимәдениетті және инклюзивті ортада тиімді өзара іс-қимыл жасау дағдыларын қалыптастырады. Бағдарлама әлеуметтік жауапкершілік пен төзімділікті негізгі кәсіби құзыреттер ретінде дамытуға ықпал етеді

  Оқу жылы - 1
  Семестр - 1
  Несиелер - 5
  

• Экономика және кәсіпкерлік негіздері

  Бұл негізгі экономикалық принциптерді, нарықтық тетіктерді, меншік нысандарын және экономикалық қызмет заңдылықтарын зерттейтін пән. Курс сұраныспен ұсыныстың, бәсекелестіктің, салық салудың, қаржыландырудың, инвестициялаудың және бизнесті жоспарлаудың негізгі аспектілерін қамтиды. Кәсіпкерлік ойлауды дамытуға, тәуекелдерді талдауға және бизнесті басқару стратегияларына ерекше назар аударылады. Бұл пәнді оқу бизнес жүргізудің, экономикалық негізделген шешімдер қабылдаудың практикалық дағдыларын қалыптастыруға көмектеседі.

  Оқу жылы - 1
  Семестр - 1
  Несиелер - 5
  

• Тұрақты даму, экология және тіршілік қауіпсіздігі негіздері

  Бұл пән өмірдің әртүрлі салаларында қауіпсіздік негіздерін оқытуға, сондай-ақ адамның табиғатпен өзара әрекеттесуін зерттеуге бағытталған. Ол қоршаған ортаны қорғау мәселелерін қамтиды және жаһандық экологиялық және әлеуметтік қиындықтарды шешу үшін стратегияларды бағалау мен әзірлеу дағдыларын қамтиды. Курстың аясында су ресурстарының, ауа сапасының, жердің деградациясының, азық-түлік қауіпсіздігінің, сондай-ақ адам әрекетімен туындаған табиғи және техногендік апаттардың қауіпсіздігі мәселелері қарастырылады және олардан қорғау әдістері тұрақты даму мақсаттары контекстінде талқыланады.

  Оқу жылы - 1
  Семестр - 1
  Несиелер - 5
  

• Бейорганикалық химия

  Бұл курс бейорганикалық химияның теориялық және практикалық негіздерін зерттейді. Элементтер мен олардың қосылыстарының физикалық және химиялық қасиеттерін заттардың құрылымы, химиялық байланыстың табиғаты туралы қазіргі көзқарастарға, теорияларға сүйене отырып қарастырады. Химиялық элементтердің табиғатта таралуы мен формаларымен, алу әдістерімен, синтез өнімдерін қолданумен таныстырады. Қоршаған ортаның химиялық ластану көздері және экологиялық мәселелерді шешудегі химияның рөлі туралы түсінік қалыптастырады.

  Оқу жылы - 1
  Семестр - 2
  Несиелер - 5
  

• Органикалық химия

  Курста органикалық қосылыстардың молекулаларындағы химиялық байланыстардың түрлері, органикалық молекулалардың жіктелуі оқытылады. Органикалық қосылыстардың кеңістіктік құрылымын қарастырады. Көмірсутектерді, олардың қасиеттері мен қолданылуын, сонымен қатар моно- және полифункционалды қосылыстарды, галоген туындыларын зерттейді. Спирттер мен эфирлерді, карбонилді қосылыстарды, олардың полярлығын, қасиеттерін қарастырады. Карбон қышқылдары мен олардың туындыларын, құрамында азот бар қосылыстарды, гетерофункционалды қосылыстарды және синтез әдістерін зерттейді.

  Оқу жылы - 2
  Семестр - 1
  Несиелер - 5
  

• Аналитикалық химия

  Бұл курс аналитикалық химияның теориялық және практикалық негіздерін зерттейді. Гетерогенді процестер және тұндыру реакцияларын, қышқылдық-негіздік тепе-теңдік, комплекстүзу реакцияларын, тотығу-тотықсыздану реакцияларын қарастырады. Сапалық химиялық талдау әдістерімен таныстырады: бөлшектікталдау және жүйелік талдау. Аналитикалық реакциялар, олардың түрлері, сезімталдығы, талғамдығы және ерекшелігі туралы түсінік қалыптастырады. Идентификациялау, бүркемелеу, бөліп алу, бөлу және концентрлеу әдістерін үйретеді.

  Оқу жылы - 2
  Семестр - 1
  Несиелер - 5
  

• Абай әлемі

  Пән тарихи фактілерді, Абай Құнанбайұлы, Шәкәрім Құдайбердіұлы шығармаларының идеялық-эстетикалық құндылықтарды қалыптастыратын философиялық-көркемдік негіздерін игерте отыра, студенттің өз пікірін айта білу, практикалық дағдыларды және адамгершілік, адалдық, көркем мінез сияқты адами қасиеттерді қабылдауды меңгертеді. Қазақ әдебиеті қаламгерлерінің данышпандық қырлары мен М.Әуезовтің Абай мұрасын зерттеу, насихаттаудағы рөлін, шығармаларының тарих, әдебиет, ғылым үшін маңызын айқындайды.

  Оқу жылы - 2
  Семестр - 1
  Несиелер - 3
  

• Жалпы және бейорганикалық химиядан есептер шығару

  Пән бейорганикалық заттардың құрылымының, номенклатурасының және классификациясының заманауи теорияларын оқытады. Жалпы және бейорганикалық химия бойынша есептерді шығару есептерін шешу әдістемесінің кеңейтілген тереңдетілген нұсқаларын қарастырады. Химиялық құбылыстардың жүйелі сандық заңдылықтары мен теорияларын зерттейді. Олимпиада түріндегі химиялық есептерді шығара білуге үйретеді. Теориялық және практикалық есептерді шешу үшін химиядан ғылыми-теориялық білім туралы түсінікті қалыптастырады. Математикалық және теңдеулер жүйесін пайдаланып есептер шығаруды үйренеді.

  Оқу жылы - 2
  Семестр - 1
  Несиелер - 5
  

• Физикалық химия

  Бұл курс физикалық және химиялық процестердің энергетикалық сипаттамаларын, бағытын және кинетикалық параметрлерін есептеу үшін қажетті термодинамика заңдарын және химиялық кинетика негіздерін зерттейді. Біртекті және гетерогенді жүйелердегі химиялық және физика-химиялық процестердің термодинамикалық мүмкіндігін және кинетикалық параметрлерін бағалайды. Физикалық-химиялық процеске әртүрлі сыртқы факторлардың әсерін анықтайды. Реакцияның термодинамикалық параметрлеріне сәйкес жүру ықтималдығын анықтайды.

  Оқу жылы - 2
  Семестр - 1
  Несиелер - 5
  

• Ағылшын тіліндегі химиялық терминология

  Ағылшын тіліндегі химиялық терминологияның бұл курсы химия және химиялық технологияның негізгі бөлімдеріндегі химиялық терминдерді меңгеруге үйретуге бағытталған. Маңызды мәселелерді зерттеу ғылыми химиялық мәтіндердегі белсенді cөзжасамға арналған жұрнақтар мен префикстерді қолданудың негіздері қарастырылады. Химиялық терминдердің екі тілде ауызша және жазбаша аудармасы туралы түсінік қалыптастырады. Химия ғылымысаласындағы мәтіндерді аударудың негізгі принциптерін меңгереді.

  Оқу жылы - 2
  Семестр - 1
  Несиелер - 3
  

• Экологиялық химия

  Бұл курс экологиялық химияның теориялық және практикалық негіздерін қарастырады. Экодиагноз және экопрофилактика мәселелерін ашады. Қоршаған ортадағы химиялық ластағышты сипаттайды; тұрақтылық және ыдырау қабілеті. Табиғи ортадағы ластаушы заттардың химиялық айналуларын зерттейді. Атмосфераның, гидросфераның, топырақтың экологиялық химиясын қарастырады. Ол химиялық өндірістердің қоршаған ортаға әсерінің мәнін, сондай-ақ қорғаныс технологиясын ашады. Қоршаған орта объектілерін экологиялық-химиялық зерттеу мен бақылаудың эксперименттік әдістерін үйретеді.

  Оқу жылы - 2
  Семестр - 2
  Несиелер - 5
  

• Органикалық молекулалардың функционалды туындыларының химиясы

  Курс қазіргі заманғы IUPAC номенклатурасының негізгі принциптерін, көмірсутек туындыларын, олардың қасиеттерін және қолданылуын қарастырады. Ол молекулалардағы химиялық байланыстың түрлерін және органикалық қосылыстардың кеңістіктік құрылысын зерттейді. Галогенді көмірсутектердің, спирттердің, эфирлердің, карбонил қосылыстарының, аминдердің, нитроқосылыстардың, амин қышқылдарының, көмірсулардың, нуклеин қышқылдарының, белоктардың, липидтердің және алкалоидтардың полярлығын, қасиеттерін, қышқыл-негіз катализін, синтездеу әдістерін және қолдану салаларын қамтиды.

  Оқу жылы - 2
  Семестр - 2
  Несиелер - 5
  

• Органикалық реакциялардың механизмі

  Пән органикалық реакциялар механизмдерінің негізгі түрлерін, олардың ерекшеліктерін, сонымен қатар заңдылықтарын қарастырады. Электрондық эффектілердің сипаттамасы, интермедиаттардың пайда болу түрлері мен шарттары, сондай-ақ реакция механизмдерінің типологиясы қарастырылады. Алифатты және ароматты қосылыстар қатарындағы химиялық түрлендірулердің негізгі түрлері, тізбекті радикалды, электрофильді және нуклеофильді орынбасу, қосылу және де бөліну реакцияларының кезеңдері мен ерекшеліктері сипатталады.

  Оқу жылы - 2
  Семестр - 2
  Несиелер - 5
  

• Химиялық сандық анализ

  Бұл курс химиялық сандық анализдің теориялық және практикалық негіздерін және оны қолдану саласын қарастырады: гравиметриялық, титриметриялық анализ түрлерін. Химиялық анализдің метрологиялық негіздері және анализ нәтижелерін статистикалық өңдеу туралы түсінік қалыптастырады. Айдау және тұндыру әдістерімен гравиметриялық анализді үйретеді. Титриметриялық анализдің мәнін қышқылдық-негіздік, тотығу-тотықсыздану титрлеу, комплекстүзу және тұндыру әдістерін зерттеу арқылы ашады.

  Оқу жылы - 2
  Семестр - 2
  Несиелер - 5
  

• Бейорганикалық химиядағы сандық анализ

  Бұл курс бейорганикалық химиядағы сандық анализдің теориялық және практикалық негіздерін зерттейді. Сандық анализдің негізгі әдістерінің мәні мен ерекшеліктерін, қолдану салаларын қарастырады. Химиялық анализдің метрологиялық негіздерін зерделейді. Анализдің қателігі және оларды анықтау әдістері туралы түсінік қалыптастырады. Әр түрлі технологиялық процестерді бақылау үшін бейорганикалық заттардың гравиметриялық және титриметриялық әдістерімен химиялық анализін қолдануға және жүргізуге үйретеді.

  Оқу жылы - 2
  Семестр - 2
  Несиелер - 5
  

• Ізді мөлшерлердің аналитикалық химиясы

  Бұл курс ізді мөлшерлі заттарды талдау мәселесін қарастырады. Ізді мөлшерді анализдің негізгі терминдер мен түсініктерді, физика-химиялық әдістерінің принциптерін зерттейді. Аналитикалық сигнал және бақылау тәжірибесі туралы түсінік қалыптастырады. Ол анықтау әдістерін таңдауға және ультракіші концентрациялар мен ультракіші дозаларды анықтау әдістерін біріктіруге үйретеді. Ол ғылыми зерттеулердегі элементтер іздерінің рөлін, іздерді анықтаудағы матрицаның рөлін, аз концентрацияны анықтаудағы шығындар мен ластанулардың рөлін ашады.

  Оқу жылы - 2
  Семестр - 2
  Несиелер - 5
  

• Хроматографиялық бөлу және анализдеу әдістері

  Бұл курс хроматографияның теориялық және практикалық негіздерін қарастырады. Хроматографиялық әдістердің жіктелуін зерттейді. Ол хроматография теорияларының мәнін, артықшылықтары мен кемшіліктерін ашады: "теориялық табақшалар" концепциясы, кинетикалық теория. Хроматограммалардың түрлерімен және негізгі сипаттамаларымен таныстырады: хроматографиялық шыңның ені, биіктігі және ауданы. Жазық хроматография әдістерін үйретеді: қағаздық және жұқа қабаттты. Газдық, сұйықтық, адсорбциялық, ион алмасу, препаративтік хроматография экспериментінің теориялық негіздері мен техникасын қарастырады.

  Оқу жылы - 3
  Семестр - 1
  Несиелер - 5
  

• Органикалық қосылыстардың стереохимиясы

  Курс хирралдың, прохиральдылықтың, конфигурацияның, конформацияның негіздерін, сонымен қатар көмекші ұғымдармен және арнайы стереохимиялық терминологиямен (хиральдық элемент, прохиральдық элемент, псевдохиралдық, энантиомерлер, диастереомерлер, эпимерлер, рацемиялық қоспа, мезо-форма, топтық қатынастар) зерттеледі. Асимметриялық синтездің мәнін , стереоселективтілікті, тұрақты конформацияны, конформациялық изомерді, конформациялық өтуді, конформацияның толтырылуын қарастырады. Конформациялық ауысудың активтену кедергісін, орынбасушының осьтік және конформациялық энергиясын, аномерлік эффектіні зерттейді.

  Оқу жылы - 3
  Семестр - 1
  Несиелер - 5
  

• Электрохимиялық және оптикалық анализ әдістері

  Бұл курс электрохимиялық әдістердің негізгі ұғымдарын зерттейді: кондуктометрия, потенциометрия, кулометрия, вольтамметрия, полярография. Теориялық негіздерін, талдау шарттарын, әдістердің артықшылықтары мен кемшіліктерін қарастырады. Атомдық спектроскопиялық әдістер туралы түсінік қалыптастырады: атомдық эмиссия, атомдық жұту, атомдық флуоресценция. Молекулярлық абсорбциялық спектроскопия әдістерінің негізгі принциптерін үйретеді: фотоколориметрия, спектрофотометрия, турбидиметрия, нефелометрия. Люминесценция спектроскопиясының, сондай-ақ тербеліс спектроскопияның мәні мен ерекшеліктерін қарастырады.

  Оқу жылы - 3
  Семестр - 1
  Несиелер - 5
  

• Химиялық метрология

  Бұл курс химиялық метрологияның теориялық және практикалық негіздерін қарастырады. Өлшеулерді, олардың бірлігі мен қажетті дәлдігін қамтамасыз ету әдістері мен құралдарын зерттейді. Химиялық анализдің қателіктерін сипаттайды. Нәтижелермен және өлшеу нәтижелерін өңдеудің статистикалық негіздерімен, статистикалық гипотезаларды тексеру критерийлерімен таныстырады. Ол бақылау нәтижелері мен кездейсоқ қателіктердің таралу заңдылықтарын, сондай-ақ қателер теориясының міндеттерін ашады.

  Оқу жылы - 3
  Семестр - 1
  Несиелер - 5
  

• Коллоидтік химия

  Бұл курс дисперсті жүйелердің физика-химиялық қасиеттерін және беттік құбылыстардың термодинамикасын зерттейді. Фазалааралық беттегі адсорбция туралы жалпы ақпаратты сипаттайды. Дисперсті жүйелердегі электркинетикалық құбылыстары түсіндіреді. Ол лиофобты және лиофильді-дисперсті жүйелердің негізі сипаттамаларын зерттейді. Седиментациялық және агрегативтік тұрақтылық және зольдердің электролиттермен, коагуляция ережелер мәселелерін қарастырады. Микрогетерогенді жүйелер туралы ұғымды қалыптастырады.

  Оқу жылы - 3
  Семестр - 1
  Несиелер - 5
  

• Көп ядролы конденсирленген және конденсирленбеген қосылыстар

  Аталған пән конденсирленген және конденсирленбеген көп ядролы ароматты қосылыстар жайлы химиялық түсінігін дамытады. Номенклатураның, электрондық құрылыстың, химиялық қасиеттердің және синтетикалық және өнеркәсіптік алу әдістерінің мәселелері қарастырылады. Алифатикалық фрагменттің, трифенилметанның, фуксиндердің, фталимидтердің және олардың негізіндегі бояғыштардың құрылымы мен қасиеттері зерттелінеді. Нафталиннің, антраценнің, фенантреннің, антрахинон бояғыштарының, канцерогенді көмірсутектердің қасиеттері мен синтезі сипатталады.

  Оқу жылы - 3
  Семестр - 1
  Несиелер - 5
  

• Зерттеудің физикалық әдістері

  Бұл курс күрделі молекулалардың электронды спектроскопиясын зерттейді. Вибрациялық спектроскопияның, сонымен қатар айналмалы спектроскопияның негізгі түсініктерін қарастырады. Вибрациялық-айналмалы спектроскопия және рефрактометрия туралы жалпы мәліметтерді сипаттайды. Радиожиілік доменіндегі спектроскопия туралы түсінік қалыптастырады. Ядролық гамма-резонанс және масс-спектрометрия әдісінің негізгі нүктелері мен теориялық негіздерін қарастырады. Және де мұнда негізінен рентген сәулелері саласында спектроскопияның негіздерін зерттейді.

  Оқу жылы - 3
  Семестр - 1
  Несиелер - 5
  

• Зерттеудің титриметриялық әдістері

  Бұл курс титриметриялық талдауды, реакцияға қойылатын талаптарды қамтиды. Титрлеу әдістері туралы түсінік қалыптастырады: тура, кері және алмастыру титрлеу әдістері; тамшуырлау әдісі және жеке порциялар әдісі. Қышқыл-негіз, тотығу-тотықсыздану титрлеу, комплекс түзу және тұндыру әдістерін үйретеді. Титрлеу индикаторларының қателіктерінің мәнін ашады. Қолданылатын титранттарды, индикаторларды, титрлеу шарттарын, сонымен қатар сулы емес ортадағы титрлеуді зерттейді.

  Оқу жылы - 3
  Семестр - 1
  Несиелер - 5
  

• Зерттеудің спектроскопиялық әдістері

  Бұл курс анализдің спектроскопиялық әдістерінің теориялық және практикалық негіздерін қарастырады. Спектроскопиялық әдістердің жіктелуін зерттейді. Әдістердің мәнін, артықшылықтары мен кемшіліктерін ашады: күрделі молекулалардың электронды спектроскопиясы, тербелмелі спектроскопия, айналмалы спектроскопия, тербелмелі-айналмалы спектроскопия, рефрактометрия, радиожиілік аймағындағы спектроскопия, ядролық гамма-резонанс әдісі, масс-спектрометрия, рентген сәулесіндегі спектроскопия. Сәулелену спектрінің түрлерімен және негізгі сипаттамаларымен таныстырады. Анализдің спектроскопиялық әдістерін эксперимент техникасына үйретеді.

  Оқу жылы - 3
  Семестр - 1
  Несиелер - 5
  

• Аналитикалық практикадағы фотометрия

  Курс фотометрияда қолданылатын реакциялардың түрлерін зерттейді. Спектрлік аймақты таңдауды, реагент, еріткіш таңдауды қарастырады. Фотометриялық талдаудың метрологиялық сипаттамаларын сипаттайды: сезімталдық, фотометриялық анықтаулардың қайталануы, анықталған мазмұндар ауқымы. Фотометриялық анықтауда бөтен компоненттердің әсерін жою және оңтайлы жағдайларды таңдау туралы түсінік қалыптастырады. Ол анықтаудың абсолютті және дифференциалды фотометриялық әдістерінің және экстракциялық-фотометриялық әдістің негіздерін зерттейді.

  Оқу жылы - 3
  Семестр - 1
  Несиелер - 5
  

• Гетероциклді қосылыстар

  Пән моноциклді және конденсацияланған гетероциклдердің электронды және кеңістіктік құрылымы, мағынасы, синтез әдістері, химиялық қасиеттері туралы түсінік қалыптастырады. Бір және бірнеше гетероатомдары бар бес мүшелі және алты мүшелі циклдердің ароматылығының шарттары, номенклатурасы, құрылымы, қасиеттері, циклизация әдістері зерттеледі. Конденсацияланған гетероциклді қосылыстардың органикалық синтезінің негіздері қарастырылады. Кейбір қосылыстардың биологиялық маңызы және оларды пайдалану перспективалары туралы сұрақтар ашылады.

  Оқу жылы - 3
  Семестр - 1
  Несиелер - 5
  

• Электрохимиялық анализ әдістері

  Бұл курс электродтық процестерді зерттейді. Полярографиялық әдістер туралы түсінік қалыптастырады: классикалық, дифференциалды, қалыпты импульс, дифференциалдық импульс, айнымалы ток полярографиясы, жылдам потенциалды сыпырғыш полярография. Тікелей және потенциометриялық титрлеуді қоса, потенциометрия процесінің негізгі түсініктерін үйретеді. Ионометрияның, сондай-ақ кулометрияның мәнін ашады: амперостатикалық және потенциостатикалық. Электрогравиметрия және кондуктометрия сұрақтарын қарастырады.

  Оқу жылы - 3
  Семестр - 1
  Несиелер - 5
  

• Зерттеудің оптикалық әдістері

  Курс атомдық спектрлердің пайда болуын зерттейді. Атомдық эмиссия және атомдық абсорбциялық спектроскопия әдістерін, олардың мәні мен қолданылу саласын оқытады. Молекулярлық спектрлердің пайда болуы және молекулалық спектроскопияның әдістері туралы түсінік қалыптастырады. Фотометрия әдістерін ашады: фотоколориметрия, спектрофотометрия, нефелометрия, турбидиметрия. Шоғырлануды анықтау әдісінің мәнін және олардың қолданылу аясын, артықшылықтарын қарастырады. Люминесценциялық спектроскопия әдісі және концентрацияны анықтау, әдістің қолданылуы мен артықшылықтары, ИҚ-спектроскопия түсініктерін қалыптастырады.

  Оқу жылы - 3
  Семестр - 1
  Несиелер - 5
  

• Қоршаған орта ластаушыларының химиялық түр өзгерістері

  Бұл курс қоршаған ортаның (атмосфералық ауа, су, топырақ, өсімдіктер мен жануарлар) негізгі ластануының химизмін қарастырады. Қоршаған ортадағы органикалық және бейорганикалық ластаушы заттардың химиялық айналуларын, ластаушы заттардың флора мен фаунаға әсерін зерттейді. Организмдердің бір-бірімен және қоршаған ортамен химиялық әрекеттесуін ашады. Қоршаған ортаға зиянды әсерді зерттеу және оны жоюдың физика-химиялық әдістерін үйретеді.

  Оқу жылы - 3
  Семестр - 2
  Несиелер - 5
  

• Минералды шикізат анализі

  Пән жер қыртысындағы химиялық элементтердің көптігі, сынама алу әдістері, минералды силикатты шикізаттың жалпы сипаттамасы және классификациясы зерттейді. Карбонатты жыныстардың, құрамында күкірті бар минералды шикізаттың құрамын сипаттау, қара металдардың минералдары мен рудаларын, марганец пен кобальт және оның рудаларын талдау қаралады. Түсті металдардың пайдалы қазбалары мен рудаларын талдау, құрамында қалайы бар рудалар, минералдар мен сирек элементтер кендерін талдау ашықталады.

  Оқу жылы - 3
  Семестр - 2
  Несиелер - 5
  

• Мұнай химия өндірісі өнімдерін кешенді пайдаланудың мәселелері

  Бұл курс мұнай мен көмірсутектердің шығу тегі мен жіктелуін қарастырады. Мұнайдың физикалық қасиеттерінің, элементтік құрамының, фракциялық құрамының мәні мен ерекшеліктерін қарастырады. Негізгі мұнай өнімдерінің бұталы және құрылымдық-топтық құрамын, оларды анықтау әдістерін зерттейді. Мұнай және мұнай өнімдерін элементтік талдау туралы түсініктерін қалыптастырады. Мұнай өнімдерінің құрамы мен пайдалану қасиеттерін және негізгі стандартталған көрсеткіштерді анықтау негіздерін ашады.

  Оқу жылы - 3
  Семестр - 2
  Несиелер - 5
  

• Табиғи қосылыстар химиясы

  Бұл пән бейорганикалық және органикалық, сондай ақ өсімдіктер мен жануарлардан алынатын табиғи қосылыстарды зерттейді. Ақуыздардың, аминқышқылдарының, алкалоидтардың, пигменттердің, флавоноидтардың, фенолдық қосылыстардың, ферменттердің, коферменттердің, көмірсулардың, дәрумендердің түрлері, құрылымы, химиялық қасиеттері, маңызы, бөліп алу әдістері және биосинтезі қарастырылады. Табиғи қосылыстардың биологиялық маңызы, химиялық модификация жолдары, медицинада, биотехнологияда, биологияда, фармацияда қолдану перспективалары сипатталған.

  Оқу жылы - 3
  Семестр - 2
  Несиелер - 5
  

• Биохимия негіздері

  Курс химиялық элементтер мен олардың қосылыстарының биохимиясын қарастырады. Маңызды биологиялық молекулалардың химиялық және биохимиялық әдістермен сипаттамасы мен синтезін зерттейді. Екінші реттік метаболизмдік құрылымдарды, өсімдік және жануарлар шикізатынан алынған табиғи биологиялық белсенді заттарды (нуклеотидтер мен аминқышқылдары, пептидтер мен белоктар, нуклеин қышқылдары, көмірсулар және олардың туындылары, липидтер, витаминдер, гормондар, биологиялық катализаторлар, сонымен қатар белсенді биорегуляторлар) сипаттайды.

  Оқу жылы - 3
  Семестр - 2
  Несиелер - 5
  

• Компьютерлік бағдарламала құрылғыларымен химия және химиялық технологиялар есептерін шығару

  Пән химия және химиялық технология мәселелерін шешуде қолданылатын компьютерлік бағдарламаларды: MS Word, MS Powerpoint, MS Excel, Microcal Origin, ChemOffice зерттейді. Химиялық есептеулер үшін осы бағдарламаларды қолданады. Нәтижесінде эксперименттік мәліметтерді өңдеу, химиялық реакциялар мен технологиялық процестерді есептеу, сонымен қатар компьютерлік бағдарламаларды қолдана отырып, химиялық құрылымдар мен молекулалардың қасиеттерін модельдеу дағдыларын игереді.

  Оқу жылы - 3
  Семестр - 2
  Несиелер - 5
  

• Химиялық токсикология негіздері

  Бұл курс химиялық токсикологияның теориялық және практикалық негіздерін қарастырады. Химиялық токсикологияның негізгі ұғымдары мен объектілерінің мәнін ашады. Улы заттардың жіктелуін қарастырады. Улы және қатты әсер ететін заттарды анықтаудың физика-химиялық және биохимиялық әдістері туралы түсінік қалыптастырады. Улы және күшті әсер ететін заттарды дәлелдеу, анықтау және залалсыздандыру әдістерін үйретеді. Уытты заттардың жекелеген топтарының мәні мен сипаттамасын зерттейді.

  Оқу жылы - 3
  Семестр - 2
  Несиелер - 5
  

• Элементорганикалық қосылыстар химиясы

  Пән элементтердің органикалық туындылары туралы түсінік береді. Элементоорганикалық қосылыстардың - литийорганикалық, магнийорганикалық, мысорганикалық, алюминийорганикалық, фосфорорганикалық қосылыстардың жіктелуі, құрылысы мен құрылымы, алу негіздері, реакцияға қабілеттілігі, химиялық қасиеттері қарастырылады. Өтпелі металдардың органикалық қосылыстары зерттеледі. Органикалық қосылыстар химиясының жалпы мәселелері, сондай-ақ олардың функционализация мүмкіндіктері сипатталған. Органикалық қосылыстардың каталитикалық, биологиялық қасиеттері туралы сұрақтар ашылады.

  Оқу жылы - 3
  Семестр - 2
  Несиелер - 5
  

• Мұнай, газ және көмірді терең өңдеудің қазіргі технологиялары

  Курста газды өңдеу технологиялары, мұнай мен газ конденсатын өңдеуге дайындау технологиялары оқытылады. Мұнай және газ конденсатын өңдеу және тауарлы өнім алу технологияларын қарастырады. Ол отын-энергетика кешенінің қазіргі даму жағдайын зерттейді. Мұнай және мұнай өнімдері химиясының негіздері туралы түсініктерін қалыптастырады. Жанармай мен майлардың хеммотологиясының негіздерін, қазіргі мұнай өңдеу зауыттарында қолданылатын физика-химиялық процестердің теориялық негіздері мен технологиясын оқытады.

  Оқу жылы - 3
  Семестр - 2
  Несиелер - 5
  

• Қалдықсыз технологиядағы жасанды интеллект

  Бұл пән жасанды интеллект әдістерін қалдықсыз технологияларда қолдану мүмкіндіктерін зерттейді. Ресурстарды тиімді пайдалану, өндіріс қалдықтарын азайту, процестерді модельдеу, болжау және интеллектуалды басқару тәсілдері қарастырылады. Сондай-ақ, деректерді талдау, смарт жүйелерді енгізу және тұрақты, экологиялық таза өндірісті қамтамасыз ету жолдары оқытылады. Шикізат пен энергия тасымалдаушылардың ауыспалы сипаттамалары бар мақсатты өнім өндірісін оңтайландыру мәселелеріқарастырылады.

  Оқу жылы - 3
  Семестр - 2
  Несиелер - 5
  

• Мұнай химиясы

  Бұл курс мұнай мен көмірсутектердің шығу тегін зерттейді. Мұнайдың, мұнай өнімдерінің және көмірсутектердің химиялық, элементтік, фракциялық және топтық құрамы туралы түсінік қалыптастырады. Мұнайдың негізгі технологиялық сипаттамаларын оқытады. Мұнай және мұнай өнімдерінің классификациясының мәнін ашады. Мұнай көмірсутектері түсінігін қарастырады. Мұнайдың гетероорганикалық қосылыстарын және мұнайдың химиялық-коллоидтық қасиеттерін зерттейді. Мұнай барлау әдістері мен мұнай өңдеу әдістерін оқытады.

  Оқу жылы - 3
  Семестр - 2
  Несиелер - 5
  

• Өнеркәсіпте технологиялық процестердің негіздері

  Бұл пәнде ең маңызды технологиялық түсініктер мен анықтамалар, материал және энергия ағындарының қозғалыс заңдылықтары, ұтымды және қалдықсыз өндіріс процесіне қойылатын экономикалық, экологиялық талаптар оқытылады. Технология үшін термодинамикалық және кинетикалық заңдардың маңызы, технологиялық әдістер, реакциялардың үдеуі мен тежелуі қарастырылады. Энергия түрлері мен көздері, шикізаттың негізгі түрлері мен ресурстары, минералды шикізатты байыту, суға қойылатын өндірістік және санитарлық талаптары ашықталады.

  Оқу жылы - 3
  Семестр - 2
  Несиелер - 5
  

• Жоғары молекулалық қосылыстар химиясы

  Аталған пән жоғары молекулалыққосылыстар мен төмен молекулалық заттарды ажырату критерийлерін, полимерлердің маңызды қасиеттерін, макромолекулалардың молекулалық-массалық сипаттамаларын зерттейді. Полимерлер синтезінің негіздері, полимеризация және поликонденсация процестерінің сатылығы мен кинетикасы қарастырылады. Полимерлердің физикалық және фазалық күйлері жарықтандырылады, аморфты полимерлердің термомеханикалық қисықтары сипатталады. Полимерлердің еру процесінің ерекшеліктері, полимер ерітінділерінің қасиеттері, сондай-ақ макромолекулалардың химиялық түрленуінің түрлері талқыланады.

  Оқу жылы - 3
  Семестр - 2
  Несиелер - 5
  

• Мұнайдың күкірт органикалық қосылыстарын және күкіртті утилизациялау

  Бұл курс мұнайдың күкіртті және күкірт органикалық қосылыстарын кәдеге жаратудың теориялық және практикалық әдістерін қарастырады. Сульфидтердің, сульфоксидтердің және сульфондардың негізгі қасиеттерін және оларды пайдалану жолдарын меңгереді. Реакциялар химиясы, катализаторлардың негізгі түрлері мен әсер ету механизмі туралы түсінік қалыптастырады. Мұнай өңдеу және мұнай-химиялық синтез негіздерін оқытады. Мұнайды құрайтын күкірт қосылыстарының негізгі түрлерін, сондай-ақ оларды жою жолдарын біледі.

  Оқу жылы - 4
  Семестр - 1
  Несиелер - 5
  

• Бейорганикалық заттар анализі

  Бұл курс бейорганикалық қосылыстарды бөліп алу, бөлу және концентрлеу әдістерін қарастырады. Сапалық талдаудың аналитикалық әдістерін: құрамы мен тазалығын, бейорганикалық қосылыстарды талдауды үйретеді. Ерекше тазалықтағы заттар және олардағы қоспалар мен легірлеуші микроэлементтер туралы негізгі түсініктерді қалыптастырады. Бейорганикалық заттарды сандық анықтаудың аналитикалық әдісінің негіздерін зерттейді. Бейорганикалық қосылыстарды талдаудың физика-химиялық әдістерінің негіздерін қарастырады.

  Оқу жылы - 4
  Семестр - 1
  Несиелер - 5
  

• Металдар химиясы

  Бұл курс металдардың периодтық жүйедегі орнын және олардың атомдарының электрондық құрылымының ерекшеліктерін зерттейді және зерттейді. Металдардың физикалық-химиялық қасиеттері, олардың оксидтері және осы металдардың гидроксидтері туралы түсінік қалыптастырады. Металдардың химиялық және электрохимиялық коррозиясын оқытады. Д.И.Менделеев химиялық элементтердің периодтық жүйесінің I-III топтарының негізгі топшалары металдарының коррозиядан қорғаудың мәнін және жалпы сипаттамасын ашады.

  Оқу жылы - 4
  Семестр - 1
  Несиелер - 5
  

• Мұнайлардың ауыр фракцияларын каталитикалық өңдеу

  Курс мұнайдың химиялық құрамы мен физикалық қасиеттерін зерттейді. Ол мұнайды айдауды, тауарлық мұнай өнімдерінің классификациясын зерттейді. Каталитикалық процестер, мұнай өңдеудің термиялық процестері және ауыр мұнай фракциялары туралы түсінік қалыптастырады. Мұнай фракцияларын өңдеуге арналған гидрокаталитикалық процестердің теориясы мен тәжірибесін зерттейді. Мұнай өңдеуші газды өңдеу негіздерін оқытады. Мұнай өндіру технологиясының негіздерінің мәнін қарастырады. Қазіргі заманғы мұнай өңдеу зауыттарының өндірістік схемаларын ашады.

  Оқу жылы - 4
  Семестр - 1
  Несиелер - 5
  

• Радиациялық химия

  Бұл курс жоғары энергетикалық химияны, затқа иондаушы сәулелердің әсерінен пайда болатын химиялық процестердің құбылысын зерттейді. Электромагниттік сәулеленудің (синхротрондық сәулелену, рентген сәулелері, γ-сәулелену) және үдеу ағындарының иондаушы қабілетінің негізгі түсінігін ашады. Дәстүрлі химиялық әдістермен мүмкін емес әдеттен тыс химиялық процестерді қарастырады. Иондаушы сәулеленудің негізгі нүктелерін және сәулеленген ортада жүретін процестерді оқытады.

  Оқу жылы - 4
  Семестр - 1
  Несиелер - 5
  

• Химиялық синтез

  Курс бейорганикалық және координациялық қосылыстардың синтезделу жолдары туралы ең маңызды ақпарат көздерін зерттейді. Бейорганикалық синтездің теориялық негіздерін қарастырады. Бейорганикалық заттарды бөлу, концентрлеу және тазартудың негізгі әдістерін оқытады. Химиялық тасымалдау реакцияларын ашады. Газ фазасындағы реакциялар туралы түсінік қалыптастырады. Қатты фазалық синтез әдістерін және сусыз бейорганикалық қосылыстарды синтездеу әдістерін үйретеді. Жай заттардың, оксидтердің, галогенидтердің, гидридтердің, гидроксидтердің, қышқылдардың, тұздардың түзілуін ашады.

  Оқу жылы - 4
  Семестр - 1
  Несиелер - 5
  

• Органикалық заттар анализі

  Курс органикалық қосылыстарды бөліп алу, бөлу және концентрациялау әдістерін зерттейді. Сапалық талдаудың аналитикалық әдістерін: құрамы мен тазалығын, органикалық қосылыстарды талдауды үйретеді. C, H, O, S, N, P сипаттау үшін органикалық қосылыстардың элементтік талдауын зерттейді. Ерекше тазалықтағы заттарды зерттейді; олардағы қоспалардың іздік мөлшерін анықтайды. Органикалық заттарды сандық анықтаудың аналитикалық әдістерін қарастырады. Органикалық қосылыстарды талдаудың физика-химиялық әдістерін ашады. Органикалық қосылыстардың ИҚ-спектроскопиясын ашады.

  Оқу жылы - 4
  Семестр - 1
  Несиелер - 5
  

• Химиялық физика

  Курс қатты дененің негізгі қолдану салаларын, құрылысын, қасиеттерін зерттейді. Кристалдардың өзара әрекеттесу күштерінің табиғатының мәні мен ерекшеліктерін, энергетикалық жолақтардың құрылымдарын, кристалдағы электрондардың күйінің локализациясын қарастырады. Соқтығыстар, тепе-теңдіксіз химиялық реакциялар теориясын зерттейді. Белсенді аралық заттар, бос радикалдар және атомдар туралы түсінік қалыптастырады. Ол тізбекті реакцияларды, жалынның құрылымын және жалындағы химиялық реакциялардың кинетикасын, криохимия және лазерлік термохимия негіздерін зерттейді.

  Оқу жылы - 4
  Семестр - 1
  Несиелер - 5
  

• Педагогика

  Пәннің мазмұны білім алушыларда педагогикалық ғылымның теориялық – әдіснамалық негіздері және кәсіби – педагогикалық іс-әрекеттің мәні туралы тұтас көзқарасты қалыптастыруға бағытталған. Курсты оқу білім беру ортасында тұтас педагогикалық процесті ұйымдастырудың мазмұны, принциптері, формалары мен әдістері туралы қажетті білімді қалыптастыруға мүмкіндік береді. Курсты оқу білім алушыларда оқу мен оқытудағы заманауи тәсілдерді сәтті жүзеге асыру үшін қажетті құзыреттерді қалыптастырады.

  Оқу жылы - 4
  Семестр - 1
  Несиелер - 3
  

• Қоршаған орта объектілерінің және сирекметалды шикізаттар химиясы

  Курс қоршаған ортаның негізгі ластануларының (атмосфера, су, топырақ, өсімдіктер) химиясын зерттейді. Қоршаған ортадағы ластаушы заттардың химиялық түрленуі және ластаушы заттардың флора мен фаунаға әсері, организмдердің бір-бірімен және қоршаған ортамен химиялық әрекеттесулері туралы түсінік қалыптастырады. Барлық химиялық қосылыстардың миграциясы мен түрленуін зерттейді. Қоршаған ортаға зиянды әсерді жоюдың негізгі әдістерін жан-жақты үйретеді.

  Оқу жылы - 4
  Семестр - 1
  Несиелер - 5
  

• Химия саласындағы ғылыми зерттеу әдістері

  Курс химия саласындағы негізгі іргелі және қолданбалы ғылыми бағыттарды оқытады. Химия бойынша әдебиеттерді талдау мен қорытындылауға үйретеді. Химиядағы ғылыми зерттеулердің әдіснамалық негіздерін қарастырады. Химия, химиялық инженерия және материалтану салаларындағы іргелі зерттеулерді оқытады. Химия саласындағы қазіргі ғылыми зерттеулердің мәні мен ерекшеліктерін қарастырады. Химиялық саладағы теориялық және эксперименттік зерттеу әдістері туралы дағдыны қалыптастырады.

  Оқу жылы - 4
  Семестр - 1
  Несиелер - 3
  

• Техногенді жүйлер мен экологиялық қауіп

  Курс қоршаған ортаға антропогендік әсерді зерттейді. Экотоксиканттардың негіздерін және олардың әсерін бағалау әдістерін ашады. Қоршаған орта объектілерінің диагностикасы мен химиялық-экологиялық бақылауын қарастырады. Қоршаған ортаның ластануымен күресудің негізгі бағыттары мен әдістері туралы түсінік қалыптастырады. Ағынды суларды, атмосфераны, қалдықтарды жою әдістерін үйретеді. Қауіптер теориясының негіздерін, қауіптілік масштабының жіктелуін және деңгейлерін оқытуға бағытталған.

  Оқу жылы - 4
  Семестр - 1
  Несиелер - 5
  

• Мұнай және мұнай өнімдері анализі

  Бұл курс мұнайдың негізгі теориясы мен жіктелуін қарастырады. Мұнай және мұнай өнімдерінің физикалық қасиеттерінің, элементтік құрамының, фракциялық құрамының мәнін қарастырады. Негізгі мұнай өнімдерінің топтық және құрылымдық-топтық құрамының негіздерін, оларды анықтау әдістерін зерттейді. Мұнай және мұнай өнімдерін элементтік талдау туралы түсініктерін қалыптастырады. Мұнай өнімдерінің құрамы мен өнімділік қасиеттерін зерттейді. ГОСТ бойынша негізгі нормаланған көрсеткіштерді анықтауды үйретеді.

  Оқу жылы - 4
  Семестр - 1
  Несиелер - 5
  

• Табиғи объектілер анализі

  Бұл курста табиғи объектілерді талдау ерекшеліктері қарастырылады: су, ауа, топырақ, геологиялық объектілер, пайдалы қазбалар, биологиялық объектілер. Сынама алудың негізгі әдістерін, сынамаларды талдауға дайындауды үйретеді. Табиғи объектілердің құрамдас бөліктерін минералдандыру, концентрациялау және бөлу, анықтау және сандық анықтау әдістерін оқытады. Топырақтың, судың сипаттамаларын анықтау негіздерін оқу. Автоматтандыру және биологиялық талдау әдістерін қарастырады.

  Оқу жылы - 4
  Семестр - 1
  Несиелер - 5
  

• Химияны оқыту әдістемесі

  Бұл курс химияны оқытудың педагогикалық негіздерін қарастырады. Химиядан мектеп және орта арнаулы курстарды оқытудың негізгі әдістерін оқытады. Оқыту құралдарының жүйелерін қарастырады. Химияны оқытудың заманауи әдістерін оқытады. Демонстрациялық эксперименттердің негіздерін және олардың әдістерін үйретеді. Тәжірибелік сабақтарды ұйымдастырудың мәнін және негіздерін ашады. Химияның теориялық және практикалық бөлімдеріндегі есептерді шешу алгоритмдері туралы түсінік қалыптастырады.

  Оқу жылы - 4
  Семестр - 1
  Несиелер - 6
  

• Координациялық қосылыстар химиясы

  Бұл курс күрделі қосылыстар мен олардың туындыларын зерттейді. Вернердің координация теориясының негізгі тұстарын қарастырады. Комплексті қосылыстардың құрылысын және комплексті қосылыстардың құрылыс теориясын зерттейді. Кристалл өрісі теориясының мәнін ашады. Ол лигандтардың өріс теориясын, сонымен қатар күшті өріс лигандының, әлсіз өріс лигандының зерттейді. Бейорганикалық лигандтары бар, органикалық лигандтары бар комплексті қосылыстардың түрлеріне қарай негізгі ұғымдарды құрайды.

  Оқу жылы - 4
  Семестр - 1
  Несиелер - 5
  

Профессии

Оқыту нәтижелері

• Әлеуметтік-мәдени, экономикалық-құқықтық, экологиялық білімдері мен коммуникативтік іскерліктерді көрсете білу, қоғамның қазіргі заманғы даму үрдістерін ескере отырып, ақпараттық технологияларды қолдану
• Математикалық әдістерді және физикалық құбылыстар мен заңдарды тәжірибеде қолдану
• Кәсіби есептерді шешуде химияның іргелі бөлімдерінің теориялық негіздерін пайдалану
• Химиялық заттар мен материалдарды алудың синтезі, модификациясы және технологиясы әдістерін меңгеру
• Қолданбалы химиядан алған білімдерін кәсіби қызметте қолдану
• Ғылыми және қолданбалы есептерді шешу үшін аспаптық химия негіздері бойынша білімдерін қолдану
• Химияны оқытудағы педагогика, әдістемесі саласындағы білімді игеру
• Кәсіби мәселелерді шешуде экологиялық білімді пайдалану
• Ғылыми ойлауды және ғылыми-өндірістік бағыттағы мәселелерді шеше білуді меңгеру

Ұқсас БББ