6B01511 География-Тарих в Қ. Жұбанов атындағы Ақтөбе өңірлік мемлекеттік университеті

«Ұлттық руханият» пәнінің мақсаты студенттерге қазақ ұлтының ғасырлар бойы қалыптасқан әдебиеті, тарихы,өнері, халық даналығы, салты, мәдени дәстүрлері, ғылымы негізінде терең білім беру. Сол әдебиеттегі, тарихтағы, өнердегі ұлы тұлғалардың артына қалдырған мұраларын оқыту арқылы дүниетанымдарын, білім көк жиектерін кеңейту. Ұлттық рухани құндылықтар негізінде өмірлеріне мағына беру, болашақтарына жол ашу болып табылады, жаңа ұрпаққа рухани -адамгершілік қайнарын сіңіреді, өзгелерге өнеге бола білетін ұрпақ тәрбиелеу, ғылым, білім арқылы келетіндігін жіті түсіндіреді

Географиялық картаның маңызын түсінеді және маңызын анықтайды. Ұсақ масштабты карталардың математикалық негізін анықтайды. Карталардың жіктелуін ережелерін меңгереді. Картографиялық генерализация процесін ажыратады. Жалпы географиялық шолу карталары мен тақырыптық карталардың ерекшеліктерін анықтау. Атластар, карталар сериясын жіктеп, карталардың жасалуы принциптерін игереді. Картография ғылымының даму тарихы мен кезеңдерін анықтап салыстыра алады. Топографиялық карталар және оларды пайдалану тәртібін меңгереді. Топографиялық карталардағы географиялық және тікбұрышты координаталарды анықтау әдістерін меңгереді. Топографиялық картадағы географиялық оьектілердің бейнеленуі мен жергілікті жерді түсіру әдістерін меңгеріп, практикада пайдаланады

Пәннің мақсаты: археологиялық деректер негізінде ежелгі қоғамдардың пайда болуы, дамуы туралы білім беру. Курс студенттерге археологиялық қазбалардың әдістерін, далалық ғылыми-зерттеу жұмыстарының әдістемелік амалдарын игеруге көмектеседі; ежелгі адамдардың даму эволюциясы, діни нанымдардың қалыптасуы, адамзат мәдениетінің, материалдық өндірістің, идеология мен дүниетанымның, қоғамдық қатынастардың даму кезеңдері туралы мәлімет береді.

Педагогика ғылымының алдында тұрған мiндеттердің күрделiлiгi бiздің қоғамымыздың барлық саласында жүрiп жатқан қайта құру процесi туындайды. Педагогика ғылымы алдындағы басты мiндеттердің бiрi - үздiксiз бiлiм берудің бiрыңғай жүйесiн жасайды, негiзгi бағыттар халық ағарту жүйесiн, оқу-тәрбие процесiн интеграциялау, гуманитарландыру, интеллектуаландыру, индивидуализациялау және демократиялан¬дырудың ғылыми теориялық принциптерiн ашады, тәрбиенің ролi мен жеке адамның қалыптасуы туралы, теориялық мәселелердi айқындайды. Бiлiм беру мазмұнының ғылыми негiздерiн жасау, жалпы политехникалық және кәсiптiк бiлiм берудің арасындағы қатынасты анықтау, оқу тәрбие процесiн оптималдандырудың тиiмдi әдiстерiн ашу, ғылыми практикалық мәнiн көрсетеді.

Пән студенттің бойында ежелгі өркениеттер дамуының негізгі кезеңдері мен заңдылықтары туралы кешенді және ғылыми түсінікті қалыптастырады. Студенттер адамзат қоғамы дамуының Рим империясы құлағанға дейінгі тарихи оқиғаларын меңгереді, ежелгі өркениеттердің адамзат тарихындағы орны мен рөлін, олардың мәдени және тарихи өзіндік ерекшеліктерін анықтайды, тарихи өткенімізді саналы түрде қастерлей білуге тәрбиелейді.

Курсты оқу барысында студенттерге «академиялық адалдық», «плагиат», «жемқорлық», «студентің ар-намыс кодексі» сынды ұғымдар түсіндіріледі. Академиялық адалдық қағидалары, авторлық құқықты жүзеге асыру, студенттің жеке адалдығы, қазіргі социумның өмір сүруінің құқықтық негіздері туралы түсініктер қалыптастырылады, академиялық адалдық атмосферасын өсірудің отандық және шетелдік тәжірибесі, оның бұзылуына төзбеушілік зерттеледі. Оқытудың интерактивті әдістері қолданылады.

Жер бедері туралы жалпы мәліметтерді меңгереді. Жер бедерінің морфологиялық және морфометриялық көрсеткіштерін салыстырады. Түрлі масштабтағы геоморфологиялық карталарды пайдалану дағдысы қалыптасады. Жер бедері формаларының қалыптасу заңдылықтарын түсінеді. Жер бедері формаларының генезисін анықтай алады. Жер бедері формаларын картада бейнелеу әдістерін ажырытыды. Қолданбалы геоморфология мәселелерін және оларды шешу жолдары ұсынады. Жер бедерін түзуші факторларды анықтайды. Жер бедерін түзуші эндогендік және экзогендік факторларды салыстырады.

«Құқық негіздері» пәні келесі мәселелерді зерттейді - мемлекет пен құқықтың пайда болуы, дамуы мен жұмыс істеуі, заң және құқық арасындағы қарым-қатынас, заң қызметі, заң жүйесі, қоғамдық өмірді реттейтін заңның рөлі, адам мен азаматтың құқықтары мен бостандықтары, сондай-ақ Қазақстан Республикасының конституциялық, азаматтық, қылмыстық және әкімшілік құқық сияқты негізгі салаларының ережелерің оқиды.

Құрлықтағы су объектілерінің негізгі географиялық сипаттамасын біледі және судың қоршаған ортамен өзара әрекеттесуінің физикалық заңдылықтарын анықтайды. Құрлықтың су объектілерін зерттеудің негізгі әдістерін, су объектілерінің гидрологиялық режимін, өзен ағындарын және олардың сандық сипаттамаларын, лимология мен батпақтанудың негізгі ұғымдарын біледі. Құрлықтың су объектілерінің морфологиялық сипатындағы параметрлерін, ағынның сипаттамаларын, баланстық есептеулерді жүргізеді. Пәннің ұғымдық-категориялық аппаратын, су жүйелерін қалыптастыру, дамытудың жаһандық және аймақтық заңдылықтары туралы білім жүйесін меңгереді.

Пәнді меңгеру нәтижесінде географияның тұтастығы және ондағы физикалық географияның орны туралы білім негіздерін анықтайды; физикалық географияның біртұтас ғылым екендігіне баға береді; табиғи және мәдени мұра объектілерін зерттеу саласындағы негізгі базалық түсініктерді қалыптастырады; физикалық-географияның теориялық және әдіснамалық негіздерін қалыптастырады. Физикалық-географиялық ұғымдарды қалыптастырады; табиғи мұра объектілерінің аумағын талдайды; табиғи мұра объектілерінің сипаттамасы жасау дағдысы қалыптасады; себеп-салдарлық байланыстарды ажыратады; физикалық географияның әдістері мен тәсілдерін пайдалану дағдылары қалыптасады.

Пәнді оқытудағы мақсат – студенттерде адамзат қоғамының дамуының заңдылықтарының және дамудың алғашқы сатысындағы олардың шаруашылығы мен қоғамдық қызметі туралы шынайы тарихи түсініктер қалыптастыру. Адамның шығу тегін, адамзат қоғамының қалыптасуын, материалдық және рухани мәдениеттің пайда болуын, антропогенез проблемаларын, адамның экономикалық және әлеуметтік қызметін, ежелгі қоғамдағы неке және отбасы мәселелерін, діни наным-сенімдерін зерттейді.

Жер және жер шарының құрамын, құрылымын, даму жолдарын табиғи компоненттердің құрылымын, олардың байланысын, табиғатта болып жатқан құбылыстарды; географиялық қабықтың заңдылықтарын, Жер туралы ғылымды және олардың физикалық- географиялық процестерін ұғынады; материктер мен мұхиттардың физикалық-географиясын, Қазақстанның физикалық-географиясын оқытуда географиялық нысандардың ашылу, зерттелу тарихы жөнінде білімін тереңдетіп, меңгереді. Тәжірибе барысында білім мен түсінікті, геологиялық, физикалық- географиялық әдістерді пайдалана біледі; экспериментте әдістерді және географиялық қабық дифференциялануын оқушыларда білім жүйесінде қалыптастыруда пайдаланады.

Курсты оқу барысында студенттер Батыс Қазақстанның ерте заманнан бастап қазіргі кезеңге дейінгі саяси-экономикалық, әлеуметтік және мәдени дамуы тарихын кезеңдер бойынша зерделейді. Археологиялық, архив деректеріне талдау жасай отырып, өңірдің тарихын Қазақстан тарихының құрамдас бөлігі ретінде кешенді қарастырады, өлке тарихын зерттеу ерекшеліктерін анықтайды және зерттеу дағдыларын игереді.

Табиғаттың, қоғамның, адам және адамның ойлау қабілетінің дамуын, жаһандану мен табиғатты басқарудың негізгі санаттары мен тұжырымдамаларын, адамзат мәдениетіндегі жаһандану қызметін, адам өміріндегі және қоғамдағы жаһанданудың рөлін зерттейді. Әлемнің ғылыми, философиялық және діни бейнелерінің негіздерін, жаһандық дамуының негізгі кезеңдерін біледі. Әлеуметтік-экологиялық жаһандану саласындағы әлемдік көзқарасты қалыптастырады, табиғат пен қоғам арасындағы жаһандық деңгейдегі өзара іс-қимыл саласын зерттейді.

Курсты оқу барысында студенттерге академиялық жазба саласы, ғылыми жұмысты дайындау ерекшеліктері туралы, академиялық жазба түрлері, кәсіби лексика туралы, терминология, деректермен, әдебиетпен ғылыми-зерттеулік жұмыс жасау туралы, сілтеме жасау ережесі туралы білімдер беріледі. Коммуникативтік, мәдениаралық, жетістікке жету сынды маңызды кәсіби құзыреттіліктер, сондай-ақ талдау жасау, сыни ойлау, ғылыми жұмысты сауатты рәсімдеу дағдылары дамытылады.

Курстың мақсаты: Батыс Еуропа елдері мен Шығыс елдерінің ортағасырлық дәуірі туралы, орта ғасырдың әлемдік өркениет тарихындағы орны туралы түсінік беру. Студенттер феодалдық жүйенің генезисін, ортағасырлық феодалдық қоғамның әлеуметтік-саяси құрылымын зерттейді. Олар сол дәуірдің европалық мемлекеттері дамуының негізгі проблемаларын, нақты афро-азиялық қоғамның даму кезеңдері мен проблемаларын талдайды.

Білім беру сапасын анықтау және оқыту нәтижелерін баға береді. Білім берудегі нормативтік құжаттар, бағалау объектілерінің талаптарын меңгереді. Педагогикалық процестегі критериалды бағалаудың теориялық негіздерін ажыратады, біледі. Өлшемдік бағалау технологиясын меңгереді, қолданады. Оқушыларды объективті бағалау, оқыту нəтижелерін жоспарлау, сараптау дағдыларын меңгереді. Оқу жетістіктеріне диагностика жүргізе біледі. Оқу жетістіктерін критериалды бағалау технологиясын практикада пайдаланады. «Географияны оқытудағы бағалаудың өлшемдік технологиясы» пәнінің мақсаты, міндеттері мен мазмұнын анықтайды, түсінеді.

Өлкетануды көпқырлы, комплексті құбылыс ретінде таныстыру, мазмұны бойынша тарихи, географиялық, бөлімдерін түсінеді. Өлкетанудың зерттеу объектілері болып табылатын табиғат, тұрғындар және өлке экономикасы, өлке тарихы, өлке өнері, климат, мәдениет және тұрмысы туралы жүйелік түсінік қалыптасады. Өлкенің топонимикасы, мұрағат құжаттары, өнімдер,флора, фауна, өлкетану библиографиясы, тарих және мәдениет ескерткіштері, пайдалы қазбалары туралы білімдерін жетілдіреді.

ТМД-ның географиялық орнын, табиғатының қалыптасу кезеңдерін біледі. ТМД елдерінің геологиялық құрылысы, жер бедерінің ерекшеліктерін анықтайды. Климаты, ішкі сулары, топырақ және өсімдік жамылғысы, табиғат зонасытуралы білім негіздерін қалыптастырады. ТМД елдеріне жалпы шолу жасап, салыстырады. ТМД елдерінің территориясының физикалық - географиялық ерекшеліктерін анықтайды. ТМД елдерінің ірі физикалық -географиялық аймақтарын сипаттайды.

«Этнология» пәні этнографиялық деректер мен зерттеу әдістерін, этнология ғылымының қалыптасу тарихын, этнологиялық мектептер мен әлем халықтарын классификациялау принциптерін, этнос теориясын, этногенез және этникалық тарихтың теориялық аспектілерін, мәдениет және этникалық психология негіздерін, этникааралық коммуникация, этникалық жанжал оны шешу және болдырмау жолдарының концепцияларын оқытады. Этнологияның теориялық және қолданбалы аспектілермен байланысты ұғымдарды меңгереді.

Аймақтық физикалық география бойынша алған білімдерін кәсіби, педагогикалық, әдістемелік және ғылыми-зерттеу қызметінде пайдаланады; әлемнің әр түрлі өңірлерінің табиғи жағдайлары мен ландшафттарын сипаттайды; кеңістіктік аймақтық физикалық-географиялық дифференциация факторларын анықтайды; аймақтық геоэкологиялық мәселелерді бағалайды. Оқу пәнінің ұғымдық-терминологиялық аппаратын және аймақтық физикалық география бойынша білім көздерімен жұмыс істеу дағдысын меңгереді; белгілі бір материалды жалпылау және талдау дағдылары мен тәсілдерін және географиялық таным әдістерінің жүйесін меңгереді.

Материктер мен мұхиттардың табиғат кешендері туралы біртұтас білім жүйесін қалыптастырады. Материктердің қазіргі ландшафттарының көптүрлілігін анықтайды. Географиялық орны, табиғи ортаның даму тарихы, морфоструктуралық, литологиялық және геоморфологиялық ерекшеліктер ажыратады. Климат және климаттық белдеулер арасындағы байланысты түсінеді. Жануарлар мен өсімдік жамылғысын сипаттайды. Адамның шаруашылық әрекетінің қоршаған ортаға әсерне баға береді. Ландшафттардың қалыптасуының ғаламдық, ірі аймақтық заңдылықтарын ажыратады. Құрлықтардың табиғи құрылымдарының шаруашылық әсерінен трансформациялану бағыты мен қарқынына баға береді.

Географияны оқытудың жалпы мәселелерін анықтайды. Базалық географиялық білімнің құрылымы мен мазмұнын меңгереді. Мектеп географиясын оқыту әдістерін практикада пайдаланады. Мектеп географиясын оқыту технологияларын ажыратады. Географияны оқытудың педагогикалық-психологиялық негіздерін түсінеді. Географияны оқыту құралдарын жіктейді. Мектепте географиялық-ақпараттық жүйелерді пайдалану тәжірибесін меңгереді. Мектеп географиясының жеке курстарын оқыту әдістемесін игереді.

Пән ежелгі дәуірден бастап, XVIII ғ. басына дейінгі Қазақстан территориясында орын алған тарихи үдерістер туралы білім береді. Ежелгі қоныстанушылар, ортағасырлық мемлекеттер, моңғолдық кезең, Қазақ хандығының құрылуы, оның саяси және әлеуметтік-экономикалық үдерістерін, мәдениетін зерттей отырып, студенттер тарихи бағалау дағдыларын игереді. Жалпыадамзаттық мәдениеттің жетістіктері мен ұлттық ерекшеліктеріне негізделген білім мен тәжірибені игереді.

Курсты оқу барысында жаңа замандағы Еуропа мен Америка елдерінің саяси, әлеуметтік-экономикалық және мәдени даму ерекшеліктері зерттеледі. Ал оның негізгі мазмұны феодалдық-абсолюттік қатынастардан буржуазиялық-капитализмге өту болып табылатындықтан, Англия, Франция, Италия мен Солтүстік Америкадағы буржуазиялық революцияларға, сонымен бірге ескі отарлық империялардың күйреп жаңаларының пайда болуына баса назар аударылады.

Қазақстан Республикасының географиялық орнының ерекшеліктері, ауданы, шекарасының ұзындығы, шеткі нүктелері, шекаралас мемлекеттері туралы білім негізі қалыптасады. Қазақстан территориясының зерттелу тарихын меңгереді. Тектоникалық - геологиялық құрылымының ерекшеліктерін анықтайды. Жер бедерінің пайда болуының басты ерекшеліктерін салыстырады. Климаты мен климат қалыптастырушы факторлар маңызын ажыратады. Ішкі суларын сипаттайды. Топырақ және өсімдік жамылғысы, жануарлар дүниесінің таралу заңдылығын түсінеді. Аудандастыру мәселелерін анықтау дағдыларын қалыптастырады.

Пән XVIII – ХХ ғ. басындағы Қазақстан территориясындағы тарихи үдерістерді, тарих ғылымындағы қазіргі замандағы әдістемелік көзқарастар контексінде көрші елдер халықтарының тарихымен өзара байланыста және өзара әрекетте оқытады. Ресей империясы саясатының ықпалымен көшпелі қоғамдағы өзгерістер, қазақ қоғамының бейімделу механизмдері, империя саясатының қазақ халқының мәдениетіне тигізген әсері зерттеледі

Қазақстан аумағын физикалық-географиялық аудандастырудың қалыптасу және даму тарихын біледі; Қазақстанның физикалық-географиялық аудандастырудың принциптері мен әдістерін біледі; таксономиялық бірліктер жүйесін және аумақты физикалық-географиялық аудандастырудың түрлерін анықтайды. Әр түрлі авторлар мен ғылыми мектептердің физика-географиялық аудандастыру сызбаларын салыстырады. Кеңістіктік физика-географиялық саралаудың негізгі факторларын және олардың Қазақстан ландшафтарының аймақтық әртүрлілігінде әсерін біледі; ірі физикалық-географиялық елдер туралы ақпаратты іріктейді және салыстырады; табиғи аймақтардың ерекшеліктерін анықтау үшін салалық карталарды талдайды; зерттелетін аймақ үшін табиғат компоненттерінің арасындағы өзара байланысты анықтайды; зерттелетін табиғи объектілердің кешенді сипаттамаларын құрастыру және баяндау әдістемесін біледі; аймақтар табиғатының ерекше белгілерінің адамдардың өмірі мен қызметіне әсерін бағалайды.

Бұл курсты оқу барысында студенттер қазіргі интеграциялық үдерістерді, жаһандану үдерісін зерттеудің теориялық-методологиялық негіздері, Тәуелсіздік мәселесі және жаһандану, әлемдік әлеуметтік даму, жаһандық қауіпсіздікті қамтамасыз ету мәселелері және т.б. жаһанданудың халықаралық қатынастар жүйесіндегі маңыздылығы, жағымды және жағымсыз әсерлері туралы түсінік қалыптастырады.

Курс студенттерді оқыту мен тәрбиелеудің психологиялық-педагогикалық мақсаттарын жүзеге асыруға бағытталған ақпараттық-коммуникациялық технологиялардың қазіргі заманғы құралдарын тиімді пайдалану және жасақтау тәжірибесімен, олармен білім беру саласын қамтамасыз ету үдерісімен таныстырады. География мен тарихты оқытуда сандық білім беру технологияларын оқу үдерісіне енгізудің негізгі өлшемдерін ашады, ақпараттық кеңістікте бағдарлануға дағдыландырады, ақпараттық белсенділікті, медиасауаттылықты қалыптастырады.

Пәнді игеруде қазақ халқының ұлт ретінде қалыптасуы үдерісіндегі қазақ мемлекеттілігінің құрылуының маңызын ұғынады, Қазақ мемлекеттілігінің сан ғасырлық даму тарихынан базалық білімді игеріп, ғылыми еңбектерге өзбетінше тарихнамалық шолу жасайды, тарихи деректерден алынған ақпараттарды талдайды, Отан тарихының мәселелеріне қатысты теориялық білімдер жүйесін қалыптастырады.

Кәсіби шетел тілі пәнінің география, тарих мұғалімдерін кәсіби жағынан даярлаудағы маңызын анықтайды. Курстың кәсіби бағытталған мазмұнын ажыратады. Сөйлесу мәнері мен тілді жан-жақты дамытудың негізгі талаптарын меңгереді. Дүниетанымдық көзқарастарын дамытады. Жаңаша ойлау дағдысы қалыптасады. Жаңа заман талабына сай жоғары білімді маман болудағы кәсіби шет тілінің ролін анықтайды.

Пәннің басты мақсаты кеңестік және тәуелсіздік кезеңдегі Қазақстан тарихының тарихнамасы мен дереккөздерінен, оларды зерттеп игерудің тұжырымдамаларынан жан-жақты білім беру болып табылады. Пәнді игеру барысында білім алушылар өз бойларына деректер және тарихи еңбектермен жұмыс істеу дағдыларын қалыптастырады және оларды талдау, саралау, зерттеу жұмыстарына пайдалану әдіс-тәсілдерін меңгереді.

Курс болашақ мұғалімдерге «Тарих» пәнін оқытудың ғылыми педагогикалық заңдылықтары мен әдістемелік қамтамасыз етілу шарттарын жан-жақты меңгертуді көздейді. Жалпы орта білім беру мазмұнындағы оқу пәнінің алар орны мен ерекшелігі, оқыту формалары мен әдіс-тәсілдері туралы білім, білік, дағдылармен қаруландырады, білім мазмұнын мақсатты меңгертудегі мұғалімінің педагогикалық шеберлігін, кәсіби әдістемелік даярлығын қамтамасыз етеді.

Пәнді игеруде кеңістіктік ойлау қабілеті, оларды зерттеу және басқару мақсатында нақты әлем объектілерінің кеңістіктік моделін құру қабілеті қалыптасады. Геоақпараттық технологиялар саласындағы студенттердің базалық білімі нақтыланады және кеңейеді, геоақпараттық жүйелер класының қазіргі заманғы бағдарламаларымен жұмыс істеудің практикалық дағдылары қалыптасады және жетіледі, геоақпараттық технологиялар саласындағы жаңа жетістіктермен танысады.

Жаңартылған мазмұндағы білім беруде, оқыту әдістерінің кез келген түрін белсенді әрекетке айналдыру. Мұғалімнің бағалаудағы ролі.Ғылым мен техника жаңалықтары.Жаңа педагогикалық технологиялар.Мұғалімдердің бойында орта білім мазмұнын жаңарту жағдайында пән бойынша жаңартылған білім беру бағдарламасын іске асыру үшін қажетті дағдыларды қалыптастыру.

Қазақстанның қасиетті рухани құндылықтарының мән-мағынасын және еліміздегі табиғат, тарих және мәдениет ескерткіштерінің әртүрлілігі мен орналасу ерекшелігін ұғынады. Қазақстанның киелі жерлер географиясы жобасы және оның жүзеге асырылу мәселелерін қарастырады. Қазақстанның киелі нысандарын анықтау мен жүйелеу жұмыстарының маңыздылығын түсінеді. Киелі жерлер географиясын оқытудағы жаңа әдістерді меңгереді. Қазақстанның қасиетті жерлерінің мәдени-географиялық белдеуі туралы білімді жергілікті жер материалдарымен толықтыруды игереді.

Облыстың географиялық орналасуын, табиғаттың қалыптасу кезеңдерін анықтайды. Ақтөбе облысының геологиялық құрылысын, олардың жер бетінің бедерімен байланысын сипаттайды. Климаттың, су ресурстарының, топырақ-өсімдік жамылғысының ерекшеліктерін анықтайды. Табиғатты тиімді пайдалану әдістерін меңгерген. Ақтөбе облысының табиғи байлықтарын бағалайды. Аймақтың табиғи ресурстары мен экологиялық мәселелерін сипаттайды.

Курстың мақсаты: Шығыс елдерін батыстың отарлық жаулап алу кезеңін, отарлау жүйесінің қалыптасуын және адамзат тарихындағы алғашқы бірыңғай әлемдік капиталистік шаруашылықтың құрылуын (XVII ғ.ортасы-ХХ ғ.басы) оқыту. Студенттер тарихнамалық материалдарды зерттеу негізінде Шығыс елдеріне қатысты кезеңдеу мәселелерін, отарлау кезеңдерін және метрополия елдерінің отарлауына қарсы күрес процесін оқиды.

Ландшафт туралы және оның құрылымы түсінікті меңгереді. Ландшафттық дифференция дәрежесін анықтайды. Ландшафт классификациясының түрлерін ажыратады. Биіктік белдеулер, ендіктік зоналылық ұғымдарын меңгерелі, практикада пайдалану дағдысы қалыптасады. Қазақстан ландшафттары және оларды қорғау мәселелерін анықтайды. Ландшафттық табиғи-аумақтық кешендерін сипаттап, салыстырады. Ландшафттық бірліктертуралы білім негізін пайдаланады. Ландшафттану тұжырымдамасының қалыптасу тарихының кезеңдерін ажыратады. Ландшафттың аймақтық және аудандық бөлшектенуін түсінеді, пайдаланады. Ландшафт компоненттері және ландшафтты қалыптастырушы факторлар арасындағы байланысты ажыратады. Ландшафт морфологиясын сипаттайды. Ландшафт кешендерінің дамуы және динамикасы туралы білімін анықтайды. Жердің ландшафттық сферасын классификациялай алады.

Инклюзивті оқыту – барлық балалардың мұқтаждықтарын ескеретін, ерекше қажеттіліктері бар балалардың білім алуын қамтамасыз ететін жалпы білім үрдісінің дамуын зерделейді. Инклюзивті оқыту балалардың оқу үрдісіндегі қажеттіліктерін қанағаттандырып, оқыту мен сабақ берудің жаңа бағытын өңдеуге үйренеді. Инклюзивтік білім беру - барлық балаларды жалпы білім үрдісіне толық енгізу және әлеуметтік бейімдеуге, жынысына, шығу тегіне, дініне, жағдайына қарамай, балаларды айыратын кедергілерді жоюға, ата - аналарын белсенділікке шақыруға, баланың түзеу - педагогикалық және әлеуметтік қажеттіліктерін арнайы қолдау, қоршаған ортаның балаларды жас ерекшеліктеріне және білімдік қажеттіліктеріне бейімделуіне жағдай қалыптастырады.

Студенттерді қазіргі интеграциялық үдерістерді, жаһанданудың халықаралық қатынастар жүйесіндегі маңыздылығы мен ықпалын, жағымды-жағымсыз әсерлерін білуге үйретеді. Жаһандану үдерісін зерттеудің теориялық-методологиялық негізі, жаһандану және әлемдік әлеуметтік даму, жаһандық қауіпсіздікті қамтамасыз ету мәселелері оқытылады.

Курстың мақсаты: ХХ ғасырдың басына таман империализмнің отарлық жүйесінің қалыптасу процесі мен оның екі дүниежүзілік соғыс нәтижесінде бөлінуін, отарлық жүйенің күйреуі және Шығыс елдерінің саяси тәуелсіздік алуы туралы білім беру. Студенттер Азия және Африка елдерінің XX-XXI ғғ. даму аспектілерін, шығыс қоғамын модернизациялау проблемаларын, оның геосаяси дамуын зерттейді.

ТМД елдерінің шаруашылық салаларының өнеркәсіп, ауыл шаруашылығы, көлік және өндірістік емес сала сипаттамасын біледі. Халықтың көші-қон процестерінің құрылымын, құрамын, қоныстандыру принциптерін, тұрақты өсуін, көші-қон процестерін қарастырады. ТМД елдерінің қазіргі экономикалық және әлеуметтік жағдайы туралы ақпаратты меңгереді. ТМД елдерінің әлеуметтік-экономикалық жағдайын сипаттайды.

Курсты оқытудың негізгі мақсаты студенттердің Еуропа және Америка елдерінің қазіргі замандағы саяси, әлеуметтік-экономикалық және мәдени дамуының негізгі заңдылықтарын игеруі, маңызды оқиғалардың хронологиясын білуі, оларды талдауы және ой қорытуы, сонымен бірге студенттерде батыс елдерінде постиндустриалдық қоғамның қалыптасуы, жаңа ұлттық мемлекеттердің құрылуы мен дамуы туралы нақты, объективті түсініктің қалыптасуы.

Музей және архив түрлері, нормативтік-құқықтық базасы туралы объективті түсінікті қалыптастыруды мақсат етеді. Музей, архив құжаттамасымен жұмыс жасау дағдыларын қалыптастыра отырып, жолсілтермен, тізімдемелермен жұмыс, архив-музей каталогтарымен жұмыс жасау, қазіргі заңнамалық құжаттардың, ақпараттық технологияның көмегімен музейлердің құжаттарын ғылыми-техникалық өңдеуден өткізу, жеке анықтамалар дайындауға, музей, архив құжаттарын айналымға енгізу жолдарымен танысады

Пәнді меңгеру қоршаған табиғи ортаға зиян келтірмей адамзат қызметінің әлеуметтік, экономикалық және экологиялық аспектілерінің өзара байланысында, тұрақты даму туралы қазіргі заманғы түсініктер туралы білімді, қазіргі заманғы жаһандық және аймақтық экологиялық мәселелер туралы ақпаратты, экологиялық қауіпсіздік саласындағы зерттеулерді, тұрақты даму саласындағы озық тәжірибені және қабілеттілігі мен дайындығын, жеке мемлекеттердің, аумақтардың, шаруашылық жүргізу тәсілдерінің тұрақты даму индикаторларына сәйкес дербес талдау, пайдалану мүмкіндіктері туралы білім негіздерін қалыптастырады.

Қазақстанның экономикалық-географиялық жағдайының ерекшеліктері, оның экономика дамуына әсерін біледі. Еліміздің аумағының көлемі, халқының саны, табиғат байлығының түрлері мен қоры, өнеркәсіп және ауыл шаруашылығының өнім көлемінен ТМД мен әлемде алатын орнын ажыратады. Қазақстан табиғатына тән ерекшеліктер, оның шаруашылыққа әсерін анықтайды. Табиғат ресурстарының алуан түрлілігін, оның шаруашылықтың энергетикалық және шикізаттық базасы екендігін түсінеді. Табиғатты қорғау, оның ресурстарын ұтымды пайдалану бағыттарын меңгереді. Қазақстанның халқы және еңбек ресурсы, қазақстан шаруашылығының дамуы мен орналасуы туралы білім негіздерін меңгереді. Қазақстан өнеркәсібінің салалық құрлымы, алатын орны, оның даму жайы түсінеді. Қазақстанның энергетикалық ресурстары, оның түрлері және өнеркәсіптегі орны, қазіргі даму жайына баға береді. Қоғамдық өндірісті ұйымдастырудың формаларын ажыратады. Қазақстан аумағы экономикалық аудандастыру ерекшеліктерін біледі.

Географияны оқытудың жалпы мәселелерін анықтайды. Базалық географиялық білімнің құрылымы мен мазмұнын меңгереді. Мектеп географиясын оқыту әдістерін практикада пайдаланады. Мектеп географиясын оқыту технологияларын ажыратады. Географияны оқытудың педагогикалық-психологиялық негіздерін түсінеді. Географияны оқыту құралдарын жіктейді. Мектепте географиялық-ақпараттық жүйелерді пайдалану тәжірибесін меңгереді. Мектеп географиясының жеке курстарын оқыту әдістемесін игереді.

Курсты оқып үйрену барысында әлемнің елдері мен аймақтарының саяси, экономикалық және мәдени сипаттамаларын, геоэкономика теориясы мен негізгі ұғымдарын, түсініктерін, геоэкономикалық жүйелердің жұмыс істеуі мен даму үрдістерін, әлеуметтік-экономикалық процестер мен құбылыстар туралы деректерді талдау әдістері мен құралдары туралы қажетті білім жиынтығын алады, геоэкономикалық тұрғыдан қоғамда пайда болатын процестер мен құбылыстарды талдау дағдыларын игереді.

Әлемдік шаруашылықтың экономикалық - әлеуметтік сипаттамасын біледі. Саяси, әлеуметтік және экономикалық географияның идеялары мен тұжырымдамаларын зерттейді, географиялық зерттеу әдістерін меңгерген. Табиғи жағдайлар мен ресурстарды анықтайды. Қоршаған ортаны қорғау мәселелерін меңгерген. Әлем халықтарының орналасу заңдылықтарын, өңірлер халқының құрамын, урбанизациясын, миграциясын, демографиясын біледі. Еңбек ресурстарын бағалайды. ҒТР дәуіріндегі еңбектің әлемдік шаруашылық және географиялық бөлінуін салыстырады. Аумақтық және салалық шаруашылық құрылымдарын анықтайды.

Пәнді игеруде педагогикалық шеберліктің методологиялық, теориялық негіздерін, педагогикалық шеберлік элементтері, педагогикалық техника, өзін-өзі басқару, тиімді қарым-қатынас, қарым-қатынас стильдері, формалары, түрлері, ықпал етудің негізгі тәсілдері, педагогикалық құзыреттілік, қазіргі мектепті жаңғырту аясындағы тарих пәні мұғалімдерінің қызметі, олардың кәсіби шеберлігіне, білімділігіне, мәдениеттілігіне қойылатын талаптар, тарихты оқытудағы педагогикалық шеберлікті қалыптастыру жолдары, әдіс-тәсілдері оқытылады.

Жаңартылған мазмұнда оқу процесін ұйымдастырудың әдіс-тәсілдерін меңгертуге бағытталады. Курстың мазмұны білім беру бағдарламаларын жаңарту, критериалды бағалауды енгізу тұрғысынан педагогикалық дағдыларды жетілдіру, білім алушылардың функционалдық сауаттылығын қалыптастыру, шығармашылық, сыни ойлауды өз бетімен дамытуға бағытталған білім берудің белсенді формаларын енгізу мәселелерін қамтиды.

Жаратылыстану және гуманитарлық саладағы озық білімдерге негізделген ғылыми бағыттардың іргелі мәселелеріне қатысты теориялық білімдер жүйесін қалыптастырады, география мен тарихтың жалпы ғылымдардағы орны мен рөлін көрсетеді.

Географиялық және тарихи үдерістер мен құбылыстардың мазмұнына қатысты білім мен түсініктерін кәсіби деңгейде қолданады, география мен тарих ғылымдарының заңдылықтарын түсінеді, осы салаларға қатысты өзекті мәселелерді шешеді.

Философиялық-этикалық және мәдени құндылықтарды меңгере отырып тұжырымдар жасайды, қоғамның саяси-әлеуметтік құрылысын талдайды, құқықтық білімін жетілдіреді, жаратылыстану және гуманитарлық ғылымдар тұжырымдамаларын ескере отырып, географиялық және тарихи үдерістерді сыни талдайды, баға беруге негізделген пайымдаулар қалыптастыру үшін ақпаратты жинауды және түсіндіруді жүзеге асырады.

География және тарих ғылыми бағыттары бойынша алған теориялық білімдерін және зерттеу әдіс-тәсілдерін өңірлер мен аймақтардың тарихи географиялық бейнесін жасауда ГАЖ технологиясы әдістерін қолдана отырып, табиғаттану және өлкетанудың мәселелерін зерттеуде пайдаланады; педагогикалық қызметінде өз саласына қатысты алған теориялық-практикалық білімдерін кәсіби қолданады.

Көшбасшылық дағдыларын арттыру және одан әрі оқуды өз бетінше жалғастыру үшін ғылыми зерттеу аппаратын, педагогикалық, географиялық және тарихнамалық талдау әдістерін меңгереді; пікірлерді сыни бағалайды және қорытынды жасайды, өз пікірін білдіреді.

География және тарихтың ғылыми бағыттарының ғылыми-зерттеу әдістерін игеріп, зерттеу жұмысының бірлескен іс-әрекетін жүйелі үйлестіреді, география және тарих ғылымы саласындағы жаңа жетістіктерді, ғылыми-әдіснамалық білім мен білікті пайдалана отырып, академиялық жазу дағдыларын жүзеге асырады.

Адамзат қоғамының, географиялық және тарихи процестің даму заңдылықтарының айырмашылықтары мен ортақ белгілерін ажыратады, жаратылыстану мен гуманитарлық ғылымның дамуына қатысты теорияларды сыни талдайды, жаhандану үдерістеріне өзіндік баға беруге дағдыланады.

Академиялық адалдық ұғымдары мен принциптерін, оларды қолдану мақсаттары мен міндеттерін айқындай отырып, өзінің қызметі мен өмір жолында академиялық адалдық қағидаларын ұстанады

Географ-тарихшының құзыреттілігі аясында көптілді және көпмәдени қоғамда коммуникация үшін орыс және шет тілдерін меңгерген, іс қағаздарын жүргізеді, кәсіби қызметте тілді қолдану дағдыларын дамытады.

Қазіргі заманғы ақпараттық технологиялар мен ақпараттық жүйелер туралы білімді игереді, компьютерлік желілермен жұмыс жасайды, ақпаратты іздеу, сақтау, өңдеу, тарату үшін интернет-ресурстары және мобильді сервистерді тарата біледі.

Инклюзивті және жаңартылған білім беру жүйесінің мазмұны шеңберінде және қазіргі қоғамға кіруге бағытталған іргелі педагогикалық, психологиялық білім мен дағдыларды меңгереді. Білім мекемелерінде оқу және тәрбие жұмыстарын ұйымдастырады, дәстүрлі педагогикалық мәдениет тарихымен танысады, «Рухани жаңғыру» бағдарламасын іске асыру бойынша іс-шаралар жоспарлайды және жүзеге асырады.