6B01512 География- Биология в Қазақ ұлттық қыздар педагогикалық университеті

Пән табиғи құбылыстар мен үрдістердің пайда болу себептерін, өзара байланысын және табиғатты біртұтас қарастырады. Сонымен қатар, жердің географиялық қабықшасының жалпы заңдылықтары, оның заттық құрамы, құрылымы, дамуы және аумақтық бөлінуі, зат пен энергия айналымы, адам қоғамы мен табиғаттың өзара әрекеттесуі туралы білімді қалыптастыруға бағытталған.

Курс өз құқықтары мен міндеттерін білетін, сыбайлас жемқорлықтың кез келген көріністеріне төзбейтін заңды сауатты, заңға бағынатын адамды қалыптастыруға бағытталған.Құқықтық және сыбайлас жемқорлыққа қарсы мәдениет Қазақстан Республикасының заңдарын, сондай-ақ сыбайлас жемқорлыққа қарсы заңнаманы және сыбайлас жемқорлық әрекеттері үшін заңдық жауапкершілік мәселелерін зерделеу арқылы дараланады.

Пәнді игеру арқылы әрбір студент жеке тұлға ретінде көшбасшылық қасиеттерін ашу және дамыту, инновациялық үдерістерден туындаған жаңалықтарға бейімделу дағдыларын дамыту, сонымен бірге ғылыми-техникалық үдерістер нәтижелерін кәсіби қызметінде қолдана алу мүмкіндіктеріне үйренеді. Басқарудағы көшбасшылық қасиеттер мен адами фактордың қазіргі жағдайы мен даму перспективаларын оқып біледі

Пән студенттердің заманауи экологиялық білімі мен мәдениетін қалыптастырады, өмір қауіпсіздігі үшін техникалық құралдар мен технологиялық процестердің қауіпсіздігін арттыру әдістерін қолдану дағдыларын дамытады. Пән әртүрлі деңгейдегі ұйымның экожүйелері қызметінің, тұтастай биосфераның негізгі заңдылықтарын, адам мен табиғаттың өзара қарым-қатынасында туындайтын қайшылықтарды, сондай-ақ табиғат пен экологияға ұқыпты қарау қажеттігін айқындайды

Пән тұлғаның жеке әлеуметтік жауапкершілігін дамытуға және адамның жеке әлеуетін жандандыруға, ерікті және өтеусіз көмек көрсетуге және өзара көмек көрсетуге, азаматтық қоғамның игілігі үшін кең ауқымды қызмет көрсету, басқа да азаматтық шараларды орындауға үйретуге бағытталған. Пән еріктілер қызметінің маңыздылығын аша отырып, бұл қызметтің Қазақстандағы мәселелері мен даму перспективаларын айқындайды.

Эмоционалды интеллект және ұйымдастыру мәдениеті. Эмоционалды интеллекттің топтық көрсеткішітері. Эмоционалды менеджмент. Эмоционалды интеллект және тиімді команда құру. Жеке адамның эмоционалды интеллектін дамыту. Отандық және шет елдік ұйымдарда эмоционалды интеллект енгізудің жүйелі амалдары: жеке адамның мотивациясын орайластыру, топты қалыптастыру тәсілдері, даудамайларды шешу, кері байланыс орнату.

Пән студенттердің кәсіпкерлік дағдылары мен іскерлік ойлауын қалыптастыруға бағытталған. Студенттер экономиканың, кәсіпкерлік қызметті жүзеге асыру шарттарын, оның ішкі және сыртқы ортасының заңдылықтарымен жан-жақты танысу арқылы бизнес-жоспар, жеке бизнесті құру және өз бизнесін сәтті жүргізу дағдыларына ие болады.

Пән мазмұнында стерильді қоректік орталарда өсімдіктерді микроклональды өсіру әдістерін, биотехнологиялық зертханада қолданылатын жабдықтармен танысып, стерильді жағдайда жұмыс істеу дағдыларын меңгереді. Сонымен қатар, қоректік ортада стерильді дақылдарды алуды, өсімдіктерді микроөсіруді және дақылдау әдістерін, өсімдік биотехнологиясы саласындағы заманауи ғылыми зерттеулер туралы түсінік алады.

«Ботаника» ғылымы өсімдік органдарының ішкі құрылысын микроскопиялық деңгейде зерттей отырып, өсімдік жасушасының, содан кейін өсімдік ұлпаларының сипаттамасынан бастап, олардың әртүрлі мүшелерге орналасу заңдылықтарын зерттейді. Ботаника мәдени өсімдіктердің сорттарының арасындағы айырмашылықты олардың экономикалық құнды белгілері бойынша анықтауға мүмкіндік береді.

Студенттерді Қазақстанның өсімдіктер және жануарлар дүниесі ресурстарының алуантүрлілігімен, Қазақстандағы пайдалы өсімдік және жануар түрлерін, жеке топтарын шаруашылықта игерудің және негізгі зерттеу тарихының кезеңдерімен, шикізат алу тәсілдері және оларды қолдану жолдарымен, сонымен қатар биоресурстарды тиімді пайдалану және оларды қорғау шараларымен, Қазақстандағы ресурстанулық зерттеу жұмыстарының мүмкіншіліктерімен таныстыру.

Пән топографиялық картаның элементтерін, бейнелеу әдістерін, жіктелуін, мазмұнын, электронды тахометр мен GPS/Глобус ғарыштық қабылдауыштарының негізінде аумақты картаға түсірудің заманауи технологияларын қарастырады. Сонымен қатар, аумақты жоспарлаудағы геодезия мен картографияның маңызын қарастырады; геодезиялық приборларды пайдаланудың заманауи технологияларын, жер бетіндегі нүктелердің орынын, географиялық және тік бұрышты координаттар жүйелерін, нүктенің биіктігігн анықтау әдістерімен таныстырады.

«Оқушылардың жас ерекшелік физиологиясы» курсы әр түрлі жас кезеңдеріндегі адам ағзасының мүшелері мен мүшелер жүйесінің қызметін, организмнің даму динамикасы мен механизмдерін, ерекшеліктерін зерттейді. Курсты меңгеру барысында студенттің алған білімдері болашақ мамандардың ғылыми ой-өрісін кеңейтуге, педагогикалық іс-әрекетке дайындығының теориялық және тәжірбиелік білімдерін қалыптастыруға мүмкіндік береді.

Пән Жер қыртысының құрылысын, құрамын, пайда болуын, даму тарихын, жер беті мен оның қойнауында өтіп жатқан түрлі құбылыстарды қарастырады. Жер бедері және оның пішіндері, эндогендік және экзогендік процестер олардың бедер түзудегі маңызы, Қазақстан аумағындағы қазіргі геоморфологиялық процестер сипатталған. Сонымен қатар, Жердің географиялық қабығындағы су объектілерінің, гидрологиялық және климаттық процестердің таралуы мен рөлін түсінуге бағытталған.

«Омыртқасыздар зоологиясы» курсы жануарлар әлемінің алуан түрлілігін, филогениясын, ұйымдасуын, экологиясын және омыртқасыздардың негізгі таксондарының практикада маңызын көрсететін биологиялық білім беру пәндерінің циклінің бөлігі болып табылады. «Омыртқалы жануарлар зоологиясы» курсы ғылыми пән ретінде биологиялық білімнің ажырамас бөлігі болып табылады. Бұл ғылым омыртқалылар туралы жан-жақты ақпаратты қамтиды - олардың әртүрлілігі, ұйымдық ерекшеліктері, өмір салты, шығу тегі мен эволюциясы, табиғатта және адам өміріндегі маңызын зерттейді.

Қоршаған ортаның экологиялық ахуалы. Жер тірі материяның тіршілік ету орны. Биосфера компоненттері мен эволюциясы. Биосфера туралы ілім. Тірі зат концепциясы мен тіршіліктің тұрақтылығы және тұрақты даму концепцияларын қарастырытын пән.

Пән экофизиология өсімдіктер физиологиясы мен экологиясын біріктіретін (интеграцияланған) іргелі пән. Экофизиология - экологиялық факторлардың өзгеруі кезінде өсімдіктердің өмір сүруінің физиологиялық және биохимиялық негіздерін зерттеу. Экофизиология өсімдік қызметінің физиологиялық процестері, абиотикалық стерсс жағдайында құрғақшылық, температура, жаһандық өзгерістер қоршаған ортаның өзара әрекеттесуін талдауға бағытталған.

Цитология, гистология, эмбриология-даму процесінде және функционалды қарым-қатынаста жасушалардың, ұлпалардың және мүшелердің құрылымдық ұйымдастырылуының заңдылықтарын зерттейтін жаратылыстану бөлімдері. Курс тірі ағза жүйелерінің қызметін заңдылықтарын терең түсіну негізінде кәсіби міндеттерді тиімді шешу және кәсіби қызметті ұйымдастыру үшін қажетті негізгі құзыреттіліктерді қалыптастыруға бағытталған.

Пән мутацияның пайда болу себептері, жіктелуі, түрлері, мутагендік факторларды, мутагендік типтер және оның механизмдерін қарастырады. Сонымен қатар, қоршаған ортаның экологиялық қауіпті факторлары мен мутагендер, радиоактивті ластану, радиациялық мутагенез мәселелері, қоршаған ортаның ауыр металдармен, пестицидтермен ластануы және олардың мутациялық әсерлері, мутагенездің биологиялық факторларын оқытуға бағытталады.

Пән физикалық - географиялық аудандастыруды, табиғи жағдайлар мен табиғи ресурстарды, климаттық аудандастыруды, материктер мен мұхиттардың табиғи-рекреациялық ресурстарын оқытуға бағытталған. Жеке материктер мен мұхиттардың жер бедерінің, климатының, ішкі суларының, топырағының, өсімдіктер жамылғысы мен жануарлар дүниесінің қалыптасуы мен таралу заңдылықтарын, адамның шаруашылық әрекетінен қоршаған ортаның өзгеруіне байланысты қазіргі экологиялық мәселелер мен оларды шешу жолдарын қарастырылады.

Оқу үдерісін ұйымдастыру және әдістемелік материалдарды әзірлеуге арналған цифрлық технологияларды қолдану дағдыларын қалыптастыруға бағытталған практикалық курс. Курс білім беруді цифрландырудың барлық бағыттарында: білім беру басқармасы мен мекемелерінде компьютерлік бағдарламалар, оқытудың цифрлық технологиясы; АКТ дидактикалық мүмкіндіктері; виртуальды орта және қашықтықтан оқыту технологияларында цифрлық бағдарламалар мен техникалық құралдарды меңгеру дағдыларын қалыптастырады.

Пән физикалық және экономикалық географиядағы экономикалық-әлеуметтік және табиғи құбылыстар мен процесстерді зерттеуде қолданылатын дәстүрлі және инновациялық әдістер мен оларды қолданудың жолдарын оқытады. Географиялық мәліметтерді топтастыру, жинақтау, сақтау мен тарату, талдау, үлгілеу және аудандастырудың технологиясы мен әдістемесі қарастырылады.

Пән студенттердің болашақ педагог мамандығына қызығушылықтарын дамытуға және кейін өзін-өзі жетілдіру мақсатында кәсіби өз бетінше білім алуға ынталандыруға бағытталған. Курс студенттердің педагогикалық үдерісті жоспарлау, болжау, ұйымдастыру, басқару және талдау дағдыларын дамытуға; орта білімнің жаңартылған мазмұны аясында тәрбиелеу мен оқытудың технологиялары мен әртүрлі әдістемелерін меңгеруге бағытталған.

Инклюзивті білім беру тұжырымдамасы. Шетелде және Қазақстан Республикасында инклюзивті білім беруді дамыту. Ерекше білім беруді қажет ететін жандар үшін оқу іс-әрекетін ұйымдастыру және жоспарлау. Ерекше білім беруді қажет ететін жандарды психологиялық-педагогикалық қолдау бойынша жағдай жасау үшін әртүрлі профильдегі мамандар тобында жұмыс істеу дағдылары. Оқу жоспарларын бейімдеу және инклюзивті оқыту жағдайында репетиторлық практиканы ұйымдастыру.

Пән қазіргі кезеңдегі әдістемелік ғылымның даму бағыттарын, географияның тәрбие теориясы мен дидактикасымен байланысын, орта және арнайы оқу орындарында географияны оқытудың инновациялық әдістері мен технологияларын пайдалану мәселелерін оқытады. Сонымен қатар, географиялық білімнің мазмұнын, оқытудың мақсатын, әдістері мен, оқытуды ұйымдастыру формаларын, оқыту әдістері мен технологияларын, құралдарын қолдануды үйретеді.

Пән ғылыми стильдің жанрлық түрлері туралы білімді, кәсіби қызмет саласындағы ақпарат пен материалдарды жинау, сақтау және өңдеудің заманауи әдістерін меңгеруді, сондай-ақ сөйлеу қызметінің төрт түрін (оқу, сөйлеу, жазу, тыңдау) академиялық қарым-қатынас жасау мақсатында білігі мен дағдыларын қалыптастырады.

Пәннің мазмұнында экономикалық аудандастыру негізінде қоғамның өндірістік күштерін тиімді аумақтық ұйымдастыру мәселелерін кешенді зерттеу қарастырылады. Пән: біртұтас, әр түрлі және динамикалық өзгеретін әлем туралы географиялық білім жүйесін, табиғаттың, халықтың және шаруашылықтың барлық аумақтық деңгейлердегі өзара байланысын, адамзаттың жаһандық мәселелерін және оларды шешу жолдарын меңгеруге бағытталған.

Пән қоғам мен табиғаттың өзара іс-қимыл мәселелерін шешуде қолданбалы географияның мүмкіндіктерін, аймақтық қолданбалы географиялық мәселелерді шешу жолдарын, өндіріс пен халықтың аумақтық ұйымдастырылуы, география ғылымының қолданбалы мәселелері, география ғылымының теорияларын практикада пайдалану жолдарын, шаруашылықта географиялық білімді пайдаланудың негіздерін қарастырады. Сонымен қатар, қолданбалы географияның шаруашылық объектілерді орналастырумен, оларды ұтымды пайдаланумен және тұрақты дамуымен байланыстылығы көрсетіледі.

Пән технологияны оқу үдерісінде практикалық қолдануды оқытады. Курс білім беру мақсатындағы таксономияның негізінде және білім алушының білім деңгейіне сәйкес оқыту нәтижелерін бағалаудың критерийлері мен формативтік және жиынтық тапсырмаларды әзірлеу дағдыларын қалыптастыра отырып, оқыту нәтижелері мен әдістерінің өзара талаптары мен мақсаттарын үйретеді және бақылаудың рейтингтік жүйесінің тұжырымдамасын ашады

Курс барысында студенттер ГОСО іске асыру контекстінде орта мектепте биологияныны оқытудың заманауи мақсаттары мен міндеттерін жалпы білім беретін мектептегі негізгі биология курсының құрылымы мен мазмұнын, жаңартылған пәндік мазмұнын зерттейді; мәліметтер базасымен, кестелік процессорлармен, IT-технологиялармен, Smart және бұлтты технологиялармен жұмыс істеу дағдыларын дамытады.

Курс болашақ маманның кәсіби қызығушылықтары саласында ғылыми-зерттеу компоненттерін дамытуға бағытталған. Пән студенттердің ғылыми әдебиеттермен жұмыс істеу, зерттеуді ұйымдастыру және жүргізу (таңдалған облысқа сәйкес), ғылыми эксперименттер жасау, зерттеу нәтижелерін академиялық сипатта сауатты рәсімдеу және оларды көпшілік алдында таныстыра білу дағдыларын қалыптастырады.

Пән картаны педагогикалық, ғылыми және тәжірибелік жұмыстарда дұрыс пайдалану, әр түрлі деректердің негізінде графиктік редакторлардың, геоақпараттық технологиялардың көмегімен тақырыптық картографиялық өнімдерді құру әдістері туралы білімдерді береді. Сонымен қатар, сандық картаға түсіру технологиясы, картографияның теориялық негіздері, ГАЖ міндеттері, атқаратын қызметі, ГАЖ құралдары арқылы картографиялық және шартты белгілі деректер базасын құруын қарастырады.

"Микробиология және вирусология негіздері" курсы микробиологияның негізгі ұғымдары мен әдістерін, бактериялардың метаболизмі, олардың өсуі, көбеюі, таксономия мәселелерін зерттеуді қамтиды. Сонымен қатар, микроорганизмдердің дамуы, құрылымы және тіршілік әрекеті туралы, тірі табиғаттағы микроорганизмдердің рөлі, басқа организмдермен байланысы және микробиологияның маңызды заңдылықтары мен тұжырымдамалары қарастырылады.

Пән адам мен табиғи-ресурстық әлеуетті бағалауды, Қазақстанның экономикалық - географиялық дамуының аймақтық ерекшеліктерін, дүниежүзі елдерімен сыртқы экономикалық байланыстарын оқытуға бағытталған. Сонымен қатар, Қазақстанның табиғи ресурстық әлеуетін, халқын, шаруашылығының құрылымын, өндіргіш күштерді орналастыру қағидаларын, экономикалық-географиялық аудандастыру және оның дамуын болжау, өндіргіш күштерді орналастыру ерекшеліктерін салыстыру және талдау мәселелерін қарастырады.

Адам анатомиясы пәнін меңгеру барысында студенттер - адам денесінің формасы мен құрылымы, пайда болуы және дамуы туралы мағлұматтарды игереді. Анатомия - жасы, жынысы және жеке ерекшеліктерін ескере отырып, организмнің бөліктері мен мүшелерінің пішінін, құрылымын, орналасуын және типографиялық байланыстарын жүйелі түрде сипаттайды.

Пән Жер жүйесіндегі геосфералардың геоэкологиялық мәселелерін, техногенез нәтижесінде қалыптасатын табиғи-антропогендік және геотехникалық жүйелердің қызметтерін, антропогендік әсердің геоэкологиялық салдары мен оның алдын алу, қоршаған ортаны оңтайландыру шараларын, табиғатты тиімді пайдаланудың географиялық негіздерін, табиғатты пайдаланудың түрлерін, табиғатты пайдалануды басқару тетіктерін, табиғатты пайдалану мәселелерінің туу себептері мен шешу жолдарын қарастырады.

Пән Жерді қашықтықтан зерделеу деректерін алудың негізгі көздерін, өңдеу принциптері мен әдістерін зерттеуге бағытталған. Курста жердің табиғи ресурстарын зерттеу үшін Жерді қашықтықтан зерделеудің қазіргі заманғы әдістерінің сипаттамасы, қоршаған орта мониторингін жүзеге асыру, төтенше жағдайлар аймақтарының мониторингі қарастырылады. Сонымен қатар, қашықтықтан зерделеу деректерін алуда, өңдеуде және түсіндіруде кәсіби дағдыларды қалыптастырады.

Пән жаңа материалдарды жасаудың технологиялық үдерістерін, биотехнологиялық процестердің қоршаған орта мәселелерін шешуде қолданылуын, өндірістік масштабта қоректік ақуыздарды, витамин, ферменттердің, трансгендік өсімдіктер мен жануарларды, күрделі және қымбат өнімдерді, қоршаған ортаны ластаушы заттар, экологиялық таза энергия көзін алу, күн энергиясын пайдалану, сутегі өндірісі, су көздерін тазарту, тұрмыстық қалдық заттарды қайта өңдеу мен алуды қарастырады.

Курс мазмұнында Шоқан Уәлихановтың Қазақстан мен Орта Азия, оның ішінде Жетісу, Ыстықкөл, Тянь-Шань және Шығыс Түркістан бойынша географиялық зерттеулері, жүріп өткен жерлерін карта-сызбаға түсіруі, ландшафттық бақылаулары, флора мен фаунаны суреттеуі, өзен жүйелері мен көлдердің сипататамасын беру ерекшеліктері оқытады. Шоқанның халықтарды, елдерді және табиғатты географиялық сипаттауы барысында қолданған әдістері, тәсілдері мен стилистикасы қарастырылады.

Пән елдің физикалық-географиялық жағдайын және табиғи компоненттерді, табиғи-аумақтық кешендердің ерекшеліктерін, қоршаған орта экологиясының мәселелерін, республиканың жер қойнауын тиімді пайдалануды, табиғат ескерткіштерін қорғауды оқытуға бағытталған. Курс Қазақстанның табиғаты, табиғат жағдайлары мен ресурстары, оның ішкі өзара байланысы мен аумақтық айырмашылықтары туралы терең әрі жүйелі білім негіздерін қалыптастырады.

Пән организмдердегі тұқым қуалаушылықтың теориясын, өзгергіштік қасиетін, генетикалық түсініктерді, әдістерді, талдаулардың негізін, генетиканың қазіргі кездегі жағдайын, адамның тұқым қуалайтын аурулары мен олардың пайда болу себептерін қарастырады. Сонымен қатар, адам баласына қажетті мол өнім беретін, суыққа, ауруға төзімді өсімдік сорттарын, мал тұқымдарын және микроорганизмдердің штампыларын қысқа мерзімде шығару және жақсартуды оқытуға бағытталады.

Пән гендік инженерияның даму тарихын, зерттеу әдістерін, ғылыми жаңалықтарын, гендік инженерия ғылымындағы жетістіктердің қолдану аясы мен тиімділігін, биологиялық жаңа түрлер мен тұқымы өзгерген ағзаларды алу жолдарын оқытуға бағытталады. Гендік инженериясы молекулалық биологияның жаңа саласындағы ғылыми бағыттағы ізденістер зертханалық әдістер арқылы генетикалық жүйелерге араласып, тұқымы өзгерген ағзаларды алу жолдарын қарастырады.

Пән Қазақстанның өңірлік және жергілікті маңызы бар бірегей палеомәдени, тарихи және табиғи киелі орындардың шығу тарихын, кеңістіктік таралуын, ерекшеліктерін оқытады. Сонымен қатар, Қазақстанның киелі нысандары, киелі жерлерінің табиғаты, органикалық дүниесі, халқы, шаруашылығы, қазіргі экологиялық мәселелері, тарихының негізгі кезеңдері, мәдениет, әдебиет, өнер, сәулет ескерткіштері, өлкетанулық білімнің теориялық, тәжірибелік, қолданбалы, бөліктерін қарастырады.

Бұл курста адамның және адамның нәсілінің эволюциясы, адамның физикалық құрылымы, этникалық және басқа да халықтардың морфологиялық және физиологиялық ерекшеліктерін меңгереді. Студенттер адам мәдениеті мен өркениетін қалыптастыру, әр түрлі тарихи кезеңдерде және әртүрлі аумақтарда адамзат қоғамының құрылымын зерттейді.

Пән сабақтың 7 модульге сәйкестігін кешенді бағалауға бағытталған. Ол келесі дағдыларды қалыптастырады: - оқытудың жаңа тәсілдерін қолдану; - сыни ойлау; - оқытуды бағалау; - дарынды және талантты балаларды оқыту; - білім беру ақпараттық-коммуникациялық технологияларын қолдану; - оқушылардың жас ерекшеліктеріне сәйкес оқу қызметін модельдеу; - білім берудегі басқару және көшбасшылық.

Курс ғылым ретіндегі геоглоболистиканың ерекшеліктерін, жалпы ғаламшарлық үрдістер мен құбылыстардың кеңістіктік көрністерін, ғаламдық экологиялық, энергетикалық, шикізаттық, азық-түліктіктік, демографиялық міселелерді, адамзаттың басқада келелі мәселелерінің туу себептерін мен шешу жолдарын, қоғам мен табиғаттың дамуының басқада астарларын, адамзаттың ғаламдық келелі мәселелерін шешудегі халықаралық конвенциялардың маңызын қарастырады.

Пән терминологиялық аппаратты, негізгі теориялық концепцияларды, әлемнің әр түрлі аймақтарындағы туризмді дамыту бағыттарын, табиғи рекреациялық ресурстарды зерттеуге бағытталған. Ғылымның негізгі теориялық концепцияларын салыстыру және талдау, рекреация және туризм сияқты құбылыстарға байланысты негізгі ұғымдар мен терминдерге шолу, халықаралық туристік байланыстардың мәнін талдау және әлемнің жекелеген елдерінде туризмнің тартылуының негізгі аймақтарын анықтау қарастырылады.

Курста топонимдер мен топонимика туралы ұғымдар мен түсініктер, топонимиканың теориялық негіздері, географиялық атаулардың негізгі топтары, Қазақстан және Орталық Азияның топонимикалық жүйелері, топономикалық жүйелердің қалыптасуына әсер етуші факторлар қарастырылады. Дүние бөліктерінің, Еуропа, Азия, Америка және Аустралия елдерінің топонимиясы, сирек кездесетін топонимдер, географиялық атауларды стандарттау, тарихи атауларды қалпына келтіру мәселелері көрсетіледі.

Курс заманауи эволюциялық теорияның қалыптасу тарихын және оның негізгі ережелерін, микро- және макроэволюция процестерінің ерекшеліктерін, түртүзілу концепциясын, популяцияның генетикалық құрылымын, модификация мен мутациялық өзгергіштіктің себептерін, абиотикалық, биотикалық және антропогендік факторлардың тірі организмдердің тұқым қуалаушылық пен өзгергіштікке әсерін зерттеуге бағытталған.

Курсты игеру барысында студент тірі организмдердің химиялық құрамын және олардағы химиялық процестер мен реакциялар туралы білім алады. Ең маңызды биологиялық қосылыстардың - ақуыздардың, нуклеин қышқылдарының, көмірсулардың, липидтердің құрылымы мен қасиеттерін; олардың ағзадағы химиялық өзгерістері және тіршіліктің физика-химиялық негіздерін түсіну үшін осы түрлендірулердің маңызын меңгереді.

Пән ең алдымен генетикалық ақпаратты сақтау мен білдіру механизмдеріне бағытталған. Молекулярлық биологияның негізгі мақсаты гендер құрылымын және көбеюін зерттеу, сондай-ақ оларда кодталған ақпарат негізінде РНҚ мен ақуыздарды синтездеу туралы білімді қалыптастыруға бағытталған. Молекулярлық биология сонымен қатар РНҚ мен белоктың құрылымын, өзара әрекетін және физиологиялық функцияларын зерттейді.

«Нуклеин қышқылдарының биологиясы» курсы нуклеин қышқылдарының құрылымы мен қызметін, тұқым қуалайтын ақпараттарды жүзеге асырудың принциптері мен механизмдерін, жасушалардың құрылымы мен функцияларының молекулалық негізін, өсу, даму, бөліну, ісіктердің өзгеруі және жасуша өлімін меңгеруге бағытталған.

Зертханалық жағдайда алынған тәжірибелік мәліметтерді түсіндіреді және салыстырады, өз бетінше талдайды және қажетті ақпаратты таңдайды.

Инновациялық және волонтерлік қызметке дайын, жаһандық проблемаларға бей-жай қарамайтын және икемді дағдылары бар (Soft skills), ұлттық рухта тәрбиеленген іскерлік және құқықтық мәдениетті түсінеді.

Жаһандық деңгейде аймақтық физикалық - географиялық, әлеуметтік - экономикалық және саяси үрдістердің дамуын талдайды.

Оқытудың педагогикалық қызмет нәтижелерін бағалау және талдау әдістері мен тәсілдерін меңгереді.

Зерттеудің мақсаттары мен принциптерін анықтайды, биологиялық тәжірибелердің нәтижелерін ескере отырып, ғылыми негізделген шешімдерді қабылдай біледі, алынған нәтижелер туралы қорытындыларды нақты тұжырымдайды.

Пәндік салада зерттеу нәтижелері мен академиялық жазбаны, оның ішінде шетел тілінде, таныстыра алатын, ғылыми-зерттеу жұмыстарын жүргізе алатын дағдыларды меңгерген

Білім алушылардың жас кезеңдері ерекшеліктерін ескере отырып, жаңартылған жүйедегі педагогикалық процессті жүзеге асыра алатын негізгі білім мен дағдыларды, сонымен қатар цифрлық білім беру технологиясын қолдану дағдыларын меңгерген

Жаңа тұрғыда өсімдіктер, жануарлар мен микроорганизмдердің қоршаған ортаға таралуы, жүйеленуі, эволюциясы және филогенетикалық байланысының принциптерін қолданады.

География және биология ғылым салалары бойынша теориялық білімдері мен практикалық дағдыларын көрсете алады

География ғылымының негіздерін біледі, табиғат пен қоғам арасындағы себеп - салдарлық байланыстарды орнатуға (анықтауға) қабілетті.

Қашықтықтан зерделеудің әдістері мен тәсілдерін қолдану негізінде геоақпараттық жүйелерді пайдаланып, географиялық құбылыстар мен процестердің мониторингісі мен болжауын жасай алады