6B06102 Ақпараттық жүйелер в Ілияс Жансүгіров атындағы Жетісу университеті

Студенттердің экономиканың қызмет ету заңдылықтары жайлы кешенді түсініктерін қалыптастыруға, іскерлік білім алуына бағдарланған, өз бизнесін ашу және оны сәтті жүргізудің ерекшеліктерін айқындайды. Тірі ағзаның, әртүрлі деңгейдегі ұйымдар экожүйесінің, жалпы биосфераның қызмет етуінің негізгі заңдылықтарын және олардың тұрақтылығын қарастырады. Тіршілік қауіпсіздігінің теориялық негіздерін, тіршілік қауіпсіздігінің құқықтық, нормативтік-техникалық және ұйымдастырушылық негіздерін және техникалық құралдар мен технологиялық үдерістердің қауіпсіздігін арттыру әдістерін қамтиды. Ілияс Жансүгіровтің өмірбаяны мен шығармашылық қызметін, әдебиеттану ғылымындағы орнын қарастырады. Оның отандық әдебиеттің көркемдік қағидаларын қалыптастырудағы үлесін зерттейді. Білім алушылардың бойында ғылыми-зерттеу іс-әрекетінің дағдылары мен құзіреттіліктер қалыптастырады.

Пән алгоритмнің негізгі түсініктерін, алгоритмдердің негізгі құрылымдарын, алгоритмдерді құрудың құрылымдық тәсілдері туралы түсініктерін, программалаудың негізгі түсініктерін, программаны құруда ішкі программаларды қолдану, алгоритмдік тілдер, алгоритмдік тілдің мақсаты мен оған қойылатын талаптарын, процедуралы-бағытталған тілдерді зерттейді.

Курс жоғары математиканың негізгі ұғымдарын және олардың осы пән аясындағы қолданылуын зерттейді. Математикалық интуицияны дамытуға, математикалық мәдениетті тәрбиелеуге, үйренген әдіс-тәсілдерді нақты есептерді шешуде пайдалана білуге ықпал етеді.

Пәнді оқу барысында, студенттер жобаларды абстрактілі деңгейде сипаттау және қолдаудың заманауи құралдарын пайдалана отырып күрделі бағдарламаларды құру дағдыларын, сондай-ақ объектілі-бағытталған программалау әдістемесін қолдана отырып процедуралық-бағытталған тілде бағдарламалар құрудың заманауи технологияларын меңгереді.

Пәнді оқу барысында, студенттер .NET программалау жүйесін қолдана отырып объектілі-бағытталған программалаудың негіздерін үйренеді, объектілерді құрудың әр кезеңін көптеген мысалдарда егжей-тегжейлі зерделеп, объектілерді құрастырумен танысады. Зерттелетін объектінің немесе жүйенің ақпараттық моделін құру мен жобалау кезеңдеріне баса назар аударылады.

Курс әр түрлі қосымшаларды жобалауға арналған жетілдірілген тіл болып табылатын Kotlin бағдарламалау тілін үйренуге арналған

Веб-ресурстармен және веб-қызметтермен желіде жұмыс істеу дағдыларын; қазіргі заманғы Web-ресурстарды құру және оның жұмыс істеу принциптері, Web-ресурстың құрылымы туралы түсініктерін қалыптастырады; кәсіби қызметіндегі қазіргі заманғы Web-технологиялардың негізгі әдістерімен, сондай-ақ шешім қабылдауды қолдау құралдарымен және оларды кәсіпорынның ақпараттық ресурстарын басқару міндеттерінде қолдану мүмкіндіктерімен таныстырады.

Қазіргі Java технологиясының бағдарламалық қамтамасыз етілуінің негізгі түсініктерін, түрлерін және сипаттамаларын; Java платформасының негізгі түсініктерін; заманауи ОЖ жобалау принциптерін және әртүрлі жіктеу әдістерін; Java объектіге-бағытталған тілінің мүмкіндіктерін; қолданушы интерфейсінің негізгі объектілерін; пакеттермен жұмыс істеудің негізгі тәсілдерін оқытады.

Курс бағдарламалық жасақтама жасаудың заманауи технологияларын, бағдарламалық жасақтаманы әзірлеудің командалық процестерін қарастырады, бағдарламалық жасақтаманың ресми және икемді технологияларын талдайды және құралдарды қарау кезінде Visual Studio мен Team Foundation Server архитектурасы мен функционалдылығына баса назар аударады.

Курстың негізгі мазмұны студенттерді ғылыми мақала жазуға дайындаудан бастап ғылыми жұмысты толық жазуға дейін және оны көпшілік алдында қорғауға, сондай-ақ әртүрлі ғылыми-зерттеу жобаларын қаржыландыру көздерін іздеуге байланысты ғылыми-зерттеу қызметінің дағдыларын игеруді көздейтін заманауи зияткерлік технологияларға белсенді қатысуға даярлаудың құзыреттілік бағытын көрсетеді.

Пән электрондық курстарды оқу процесінде дайындау және пайдалану әдістерін; оқу процесінде және ғылыми зерттеулерде қолдану үшін электрондық құжаттар мен аудиобейнематериалдарды ұжымдық құру және бірлесіп пайдалану технологияларын зерделеуге бағытталған.

Курс Python тілінде бағдарламалау негіздерін үйренуге мүмкіндік береді, негізгі және қарапайым бағдарламалардан бастап әртүрлі бағдарламалау стильдерін - функционалды, модульдік, объектілі-бағытталған жобаларды құруға дейін. Бағдарламалаудың функциялары мен функционалдық стилі және өзара әрекеттесетін модульдер жиынтығы түріндегі күрделі жобаларды құру, пайдалы қызметтердің жеке кітапханасын құру, объектілі-бағытталған стильде жобаларды құру мүмкіндігі, жоғары стандартты қолдану ережелері. сапалы бағдарламалау, жасалған жобалардың дұрыстығы мен тұрақтылығы, ерекше жағдайларды дұрыс өңдеу мәселелері, итераторлар, генераторлар қарастырылады

Ақпараттық процестердің негізгі модельдерін, физикалық және арна деңгейіндегі ақпараттық процестерді ұйымдастыру, әртүрлі ақпараттық жүйелерді құрудың заманауи әдістері мен тәсілдерін оқып үйренеді; әртүрлі санаттағы және мақсаттағ ақпараттық жүйелерді құру әдістері мен модельдері аймағындағы арнайы білімдерін қалыптастырады.

Пән заманауи микроэлектрондық өнімдерді құру, пайдалану принциптерін және олардың функционалдық мүмкіндіктерін зерттейді; арнайы мақсаттағы интегралдық микросхемаларды жобалау бойынша дағдаларын меңгереді; өнеркәсіптік электроника құрылғыларындағы микросхемалардың әртүрлі түрлерін қолдану негіздерін үйретеді.

Ол ағылшын тілін іскерлік қызметтің әртүрлі салаларында, кәсіби қызметінде, ғылыми-практикалық жұмысында, шетелдік әріптестермен қарым-қатынаста, өзін-өзі тәрбиелеу және басқа да мақсаттарда пайдалануға мүмкіндік беретін коммуникативтік құзыреттіліктің қажетті және жеткілікті деңгейінде меңгереді.

Бұл пәнде студенттер объектілі-бағытталған программалаудың негізгі, іргелі білімдерімен танысады, объектілі-бағытталған программаларды құру және тестілеу принциптерін, сондай-ақ қолданбалы программаларды құруды үйренеді.

Бұл пән - табиғат туралы іргелі ғылым болып табылады. Білімгерлер жаратылыстану-ғылыми танымдық әдістерді, олардың мүмкіндіктері мен қолдану аймақтарын оқып үйренеді. Білімгерлер табиғатты танып-білу процесінде эксперименттер жүргізуді үйренеді.

Пән WindowsAPI ортасындағы архитектураны, баптауды және әкімшілік етуді, сондай-ақ кәсіпорындардың корпоративтік желілерінде (интранет) іскерлік процестерді жүзеге асыру үшін есептеу ортасын құрудағы (баптаудағы) тәжірибелік дағдыларды үйретеді.

Пән студенттерге ғылыми таным әдісі ретінде модельдеу, компьютерді ғылыми-зерттеу құралы ретінде пайдалану туралы түсінік береді. Модельдердің негізгі ұғымдары мен қасиеттерін; компьютерлік модельдеудің жалпы принциптерін; модельдерді құру технологиясын қарастырады.

Пән модельдердің негізгі кластарын және модельдеу әдістерін, ақпараттық процестердің модельдерін құру принциптерін, заманауи компьютерлік құралдардың көмегімен модельдерді ресімдеуін, алгоритмдеу және іске асыру әдістерін; имитациялық модельдеу техникасын пайдалана отырып, есептеу эксперименттерін жүргізу әдістерін қарастырады.

Пән деректер қорының теориялық негіздерін, оны құрудың практикалық әдістері мен құралдарын, сондай-ақ деректер қорын құру, қызмет көрсету және оның өмірлік циклымен байланысты сұрақтарды оқуға бағытталған. Физикалық деңгейде деректерді сақтау әдістері мен құралдары оқытылады. ДҚБЖ терең оқытылады.

Бұл пән барысында білімгерлер физикалық процестер мен құбылыстарды моделдеу, табиғатты танып білудегі теория мен эксперименттің рөлі, физикалық шамаларды, физикалық шамаларды өлшеу қателіктерін, физикалық заңдылықтарды, физикалық заңдылықтарды қолдану шегін, әлемнің физикалық суретінің түсініктерін оқып біледі.

Білімгерлерді деректер қорын жобадаудың келесідей негізгі әдіснамаларымен: реляциялық, иерархиялық және желілік деректер қоры мысалында тұжырымдамалық, логикалық және физикалық жобалаумен таныстырады. Білімгерлер деректер қорын басқару және сипаттау тілдерінің, сондай-ақ сұраныстар құру тілдерінің негізін оқып-үйренеді. Деректер қоры жүйесінің қолданылу аймағы, олардың сәулеті мен жобалаудың негізгі тәсілдері туралы түсініктері қалыптасады.

Экономикалық, басқарушылық, өнеркәсіптік, ғылыми және басқа да мақсаттағы корпоративтік ақпараттық жүйелерде есептеу процестерін ұйымдастыруды қамтамасыз ететін қазіргі заманғы операциялық жүйелер мен ортаның (оның ішінде таратылған) құрылымы мен сәулетінің принциптері туралы теориялық білімдерді қалыптастырады.

Есептеу жүйелерінің архитектурасын құрудың негізгі ұғымдары және принциптері; есептеу жүйелерінің түрлері және олардың сәулеттік ерекшеліктері; компьютерлік жүйелердің негізгі логикалық блоктары жұмысының ұйымдастырылуы мен принциптері; компьютерлік архитектураның барлық деңгейлеріндегі ақпаратты өңдеу сұрақтары қарастырылады.

Компьютерлік желілерде ақпаратты қорғау тәсілдерін; компьютерлік вирустардың зиянды әсерінен деректерді қорғау құралдарын; компьютерлік жүйелермен жұмыс істеу кезінде ақпаратты қорғаудың негізгі бағдарламалық әдістері мен антивирустық қорғау әдістерін және ұйымдастыру шараларын оқытады

Пән күрделі жүйелерді талдаудың және халықаралық стандарттарға негізделген ақпараттық жүйелерді жобалаудың ақпараттық технологияларын оқып, үйретеді; жүйелердің ақпараттық және функционалдық модельдерін тұрғызу принциптерін, алынған нәтижелерге талдау жүргізу, ақпараттық жүйелерді жобалауды қолдаудың құралдарын қолдануды меңгереді.

Компьютерлік графика негіздерін теориялық зерделеу және практикалық игеруді, графикалық ақпаратты өңдеу бойынша компьютерлік технологияларды оқытуды қарастырады, өйткені Ақпараттық технологиялар саласындағы қазіргі маманның кәсіби қызметі графикалық ақпаратты компьютерлік өңдеудің түрлі әдістерін практикада кеңінен қолданумен байланысты

Бұл пән білімгерлерді Delphi ХЕ-де объектілі-бағытталған программалаудың негізгі, іргелі білімдерімен таныстырады, Delphi ХЕ-де объектіге бағытталған программаларды құру және тестілеу принциптерін, сондай-ақ қолданбалы программаларды құруды үйренеді.

Студенттерді әр түрлі дизайн бағыттарында жобаларды жүзеге асыру үшін қажетті негізгі сандық технологиялармен таныстырады. Растрлық, векторлық және 3D-графика, анимация, бейне және аудио - монтаждау, веб-жобалау, презентациялық графика және т. б. саласындағы қолданбалы бағдарламаларды пайдаланудың бастапқы дағдыларын қалыптастырады.

Курс студенттерді деректер көздеріне қол жетімділікті жүзеге асыруда қолданылатын әртүрлі тәсілдермен таныстырады, деректерге қол жетімділіктің қолданыстағы әдістерін, соның ішінде ODBC, OLE DB және ADO талдауын ұсынады, Интернетте қашықтағы деректер көздерін жариялау механизмдерін талқылайды. Курста Delphi, JBuilder және Microsoft VisualStudio .NET бағдарламалау жүйелерімен берілген мәліметтер қорымен жұмыс жасау үшін қолданылатын сыныптарға шолу жасалады.

Пәнді оқып-үйрену барысында білімгерлер жоғары деңгейдегі C # тілінің қазіргі заманғы құралдарын пайдалана отырып күрделі бағдарламаларды құру дағдыларын меңгереді, C # програмалау тілінде бағдарламалар жасаудың заманауи технологияларын меңгереді, программаларды тестілеу және тексеруді жүргізе алады.

Пән үш бөлімнен тұрады: Сызба геометриясы, инженерлік графика және компьютерлік графика. Сызба геометриясында сызба геометриясының пәні мен әдісі туралы сұрақтар қарастырылады. Инженерлік графика жобалық құжаттама, сызбаларды жобалау мәселелерін қарастырады. Компьютерлік графика бөлімінде AutoCAD графикалық бағдарламасындағы жұмыс зерттеледі.

Студентті жобалаудың әртүрлі салаларында жобаларды іске асыру үшін қажетті негізгі сандық технологиямен таныстырады. Растрлық, векторлық және 3D графика саласындағы қолданбалы бағдарламаларды қолданудың бастапқы дағдыларын қалыптастырады; анимациялар; бейне және дыбыстық өңдеу; веб-дизайн, презентация графикасы және т.б.

Пәннің оқылуы барысында Big Data технологиялары және оларды практикада қолданудың ерекшеліктері мен перспективалары туралы терең түсініктер беріледі. BigData технологияларын пайдаланудың технологиялық және экономикалық ерекшеліктерін, сондай-ақ ұйымда нақты пайдалану үшін қажетті инфрақұрылымды құру нұсқаларын зерттейді.

Пән жобалауды жүзеге асырудың қандай да бір ақпараттық технологияларын жүзеге асыруға арналған автоматтандырылған жүйелерді оқытуға бағытталған. Білімгерлер тәжірибе жүзінде проектті құрудың құраушылары болып табылатын процесстердің адамнан тәуелсіз қызмет етуін қамтамасыз ететін техникалық жүйелермен танысады.

Жергілікті желіні Интернет ауқымды желісіне қосу және ауқымды желіде деректерді беру технологияларымен; байланыс жабдықтары мен оларды іске асыру технологиясының функционалдық мүмкіндіктерімен; желілердегі трафикті талдау құралдарымен және оны азайту тәсілдерімен; жергілікті желілерді жобалау және оны ауқымды желіге қосу технологияларымен таныстырады

Пән ашық ақпараттық жүйелерді құру принциптерін, ақпараттық жүйелердің архитектурасын, үлгілері мен ресурстарын, тұтастай жүйе үшін түбегейлі маңызды ақпараттық жүйелердің негізгі компоненттері, сондай-ақ ақпараттық жүйелердің архитектурасын құру құралдарын қарастырады.

Пән жобаларды құруға арналған программалық құралдарды зерттеу, жіктеу мен тізімдеуге; құрал-саймандық бағдарламалық қамтамасыз етудің қолдану бағытын, құрамын, әдістерін және құралдарын анықтауға; құрал-саймандарды қолдану мүмкіндіктері мен сипаттамаларын және оларды ақпараттық қамтамасыз ету мүмкіндіктерін оқытуға бағытталған.

Пәнде Android және IOS операциялық жүйелеріне арналған қосымшаларды құрудың негізгі принциптері және Android және IOS арқылы Java және C # тілдерін қолдану арқылы мобильді қосымшаларды жасау технологиялары қарастырылады.

Ақпараттық жүйе ретінде веб-сайт құрылымын жобалау технологиясын; клиенттік және серверлік бағдарламалау құралдары арқылы веб-сайт құру технологияларын; web-сайтты серверге орналастыру, қолдау және қызмет көрсетуді оқытады.

Орындалу деңгейінде программаларды жобалау үшін UML тілінің негіздерін оқытады: - UML-дың графикалық құрылымы; - UML тілінде модельдеу кезінде қолданылатын құрылымдардың негізгі типтері.

Курс интеллектуалдық жүйелер мен роботтық кешендерді құрудың теориясы мен әдіснамасына негізделген. Курста интеллектуалды жүйелер теориясының негіздері: білімді ұсыну, шешімдерді іздеу әдісі қарастырылады. Эксперттік жүйелерді құру әдістемелері мен мысалдары беріледі. Кескінді тану және кескінді тану жүйелері теориясының негіздері, компьютермен табиғи тілде сөйлеу және сөйлеу байланыс жүйесі қарастырылған.

Пәнді оқу барысында білімгерлер параллель есептеу жүйелерін жобалауды сауатты әдіснамалық талдауға қажетті теориялық білімдер мен практикалық дағдыларын,таратылған немесе ортақ жедел жады бар көп процессорлы есептеуіш кешендерде параллель есептеулерді ұйымдастырудың негізгі технологияларын игереді.

Әр түрлі мақсаттағы есептеуіш жүйелердің құрылымы мен жұмыс істеу принциптері, есептеуіш желілердің зерттеу әдістері және оларды жобалау негіздері туралы жүйеленген ақпараттарды оқытады. Параллель есептеулердің әртүрлі архитектураларын зерттеу арқылы есептеу және программалау бойынша білім мен дағдыларды жүйелейді.

Бұл курс JavaScript бағдарламалау негіздерін, сонымен қатар JavaScript-ті тәжірибеде пайдалану үшін қажет кейбір құралдар мен деректер үлгілерін қамтиды.

Әлеуметтік және кәсіби қарым-қатынас деңгейінде шет тілдерінде еркін сөйлеу, арнайы лексика және кәсіби терминологияны пайдалана алу

Көптілді ортада тұлғааралық және мәдениаралық коммуникация барысында әлеуметтік, саяси, мәдени, психологиялық ғылым салаларындағы іргелі білім мен дағдылар негізінде олардың казақстандық қоғамды жаңғырту мен цифрландырудағы рөлі аясында белсенді азаматтық позицияны таныту

Құқықтық, кәсіпкерлік, өндірістік, экологиялық ортада қоғамдық, әлеуметтік маңызға ие құбылыстар мен үдерістерді түсінудің инновациялық әдістерін бағалау мен қолдану

Ақпараттық жүйелерді құру және енгізу саласында отандық және шетел тәжірибелерін талдау, ақпараттық жүйелерді жобалау мен құруда басқа салалардағы мамандармен өзара әрекеттесу

Кибернетика және интеллектуалды робототехникалық жүйелер мен өнеркәсіптік-зерттеу кешендерін жобалау, құру және диагностикалау саласындағы компьютерлік технологияларды білу

Программалық кешендерді құрудың ерекшеліктерінің, алгоритмдерді безендендірудің типтік әдістемелерін және оларды жобалаудың негізгі тәсілдерінің негіздерін білу және түсіну; программалаудың заманауи технологияларын, программалау ортасы мен құралдарын меңгеру

Кәсіби қызметінде ақпараттық-коммуникациялық технологиялардың әртүрлі түрлерін пайдалану: ақпаратты іздеу, сақтау, өңдеу, қорғау және таратудың бұлттық және мобильді қызметтері, интернет-ресурстар

Математикалық және физикалық модельдерді құра алады, математикалық және физикалық есептерді қою, жоғары сапалы математикалық және физикалық зерттеулер жүргізе алу, жүргізілген талдаулар негізінде практикалық ұсыныстар әзірлей алу

Ақпараттық жүйелерді жобалау мен деректер қорын басқарудың заманауи технологияларын, әдістері мен модельдерін білу

Телекоммуникациялық желілер мен жүйелерді жоспарлау, жобалау, енгізу және пайдалану, оларды техникалық, ақпараттық және бағдарламалық қамтамасыз ету дағдыларын көрсету

Информатика, ақпараттық технологиялар, ақпараттық қауіпсіздік және деректерді қорғау саласындағы кәсіби білім дағдыларын қолдану