6B09102 Тағам қауіпсіздігі в С.Сейфуллин атындағы Қазақ агротехникалық университеті

Жануарлар ағзасы құрылымының жалпы заңдылықтарын зерттейді, жануарлар денесінің бөлімдері мен бағыттарын анықтайды. Остеология, синдесмология, миология, дерматология бөлімдерін қарастырады.

Жануарлардың ішкі мүшелерінің құрылымдық заңдылықтарын және түріне байланысты топографиялық мәліметтердің ерекшеліктерін зерттейді. Асқорыту, тыныс алу, зәр шығару, эндокриндік, иммундық және жануарлардың көбею жүйесінің құрылымын сипаттайды.

Қазақ (орыс) кәсіби әдеби тілінің барлық нормаларын сақтай отырып, жазбаша және ауызша сөйлеу дағдыларын қалыптастырады; мамандық бойынша кәсіби мәтіндерді оқу кезінде әртүрлі функционалдық стильдегі кәсіби мәтіндердің мағыналық құрылымдық ерекшеліктері туралы білім, коммуникативтік дағдылар және сөйлеу дағдылары.

Жүрек-тамыр және жүйке жүйесі мүшелерінің құрылымын, жануарлардың түріне байланысты олардың құрылымдық ерекшеліктерін сипаттайды. Қан айналымы және лимфа айналымы жүйесі мүшелерінің ерекшеліктерін және талдағыштардың мәнін (көру, есту, иіс сезу, жанасу және дәм мүшелері) зерттейді.

Сыбайлас жемқорлыққа қарсы іс-қимыл шарты ретінде қазақстандық қоғамның әлеуметтік-экономикалық қатынастарын жетілдіру сыбайлас жемқорлық мінез-құлық табиғатының психологиялық ерекшеліктері сыбайлас жемқорлыққа қарсы мәдениетті қалыптастыру жастардың сыбайлас жемқорлыққа қарсы мәдениетін қалыптастыру ерекшеліктері Сыбайлас жемқорлыққа қарсы мәдениетті қалыптастырудың этникалық ерекшеліктері әртүрлі салалардағы сыбайлас жемқорлық әрекеттері үшін моральдық-этикалық жауапкершілік. Сыбайлас жемқорлық құқық бұзушылықтар үшін заңдық жауапкершілік

Экономикалық теория пәні мен зерттеу әдістерін, қоғамдық өндіріс негіздері мен қоғамдық шаруашылық нысандарын, нарықтық жүйенің жұмыс істеу механизмін, өндірісті, компанияның шығындары мен кірістерін, ұлттық экономиканы білуге ықпал етеді. Экономикалық тұрақсыздықтың көрінісі ретінде экономикалық өсу мен нарықтық экономиканың тұрақсыздығына, инфляцияға және жұмыссыздыққа баға беру. Ұлттық экономика мен экономикалық қауіпсіздікте қаржы және ақша - кредит жүйесінде білім мен іскерлікті көрсету. Мемлекет және құқық теориясының негіздері, конституциялық, әкімшілік, азаматтық, еңбек, отбасылық, қылмыстық құқық негіздері туралы білімді меңгеру.

Білім алушылардың тіршілік әрекетінің қауіпсіз және зиянсыз жағдайларын жасау бойынша, қауіпті жағдайлардың туындау себептері мен жағдайларының алдын алу бойынша, төтенше жағдайлардың ықтимал салдарларынан халықты және өндірістік қызметкерлерді, халық шаруашылығы объектілерін қорғау бойынша білімдерін, практикалық дағдыларын қалыптастыру. Сонымен қатар әйелдер мен жастардың еңбегін қорғау ерекшеліктері, еңбекті қорғау жөніндегі заңнаманың орындалуын қадағалау және бақылау, еңбекті қорғау талаптарын бұзғаны үшін жауапкершілік негіздерін зерттеу.

Студенттердің инновациялық дамудың іргелі тұжырымдамалары, нарықтағы инновациялық кәсіпорынның бәсекеге қабілеттілігін қамтамасыз ету үшін жаңа технологиялар саласындағы кәсіпкерлік қызметті жүзеге асырудың заманауи тәсілдері туралы білімдерін қалыптастыру. Инновациялық кәсіпкерліктің, бизнесті жоспарлаудың, венчурлық қаржыландырудың экономикалық мәнін түсіну және венчурлық капиталы бар фирмалардың түрлерін білу. Экономикалық өсудің шарты ретінде тәуекелдерді басқаруда, инновациялық менеджментте және инновациялық процестерде адам ресурстарын басқаруда дағдыларға ие болу

Табиғи-климаттық жағдайларға байланысты әртүрлі жануарлардың таралуының негізгі заңдылықтарын зерттейді. Жануарлар дүниесі экологиясы саласында теориялық білім қалыптастырады.

Молекулярлық генетикалық талдау негіздерін, оның жануарлар селекциясындағы рөлін зерттейді. Мал шаруашылығы құрылымдарында селекциялық жұмыстың теориялық және тәжірибелік дағдыларын қалыптастырады.

Жасушалардың микроскопиялық және субмикроскопиялық құрылымын және тіршілігінің негізгі аспектілерін, бөлінуі мен дифференциациясын, ағза ұлпаларының жіктелуін, олардың дамуы мен құрылысының ерекшеліктерін, реактивтіліктің морфологиялық негіздерін, ағзалар мен ұлпалардың адаптациясын және ерекшеліктерін зерттейді. Микроскопиялық және электронды-микроскопиялық техника түрлерін қолдану дағдыларын қалыптастырады.

Жануарлардың құрылымдық және функционалдық ұйымдастырылуының негізгі зерттеулері, гомеостаз, функциялардың жүйке және гуморальдық реттелу принциптері, ОЖЖ бөлімдері мен жүйке жүйесінің вегетативтік бөлімінің физиологиясы, ми жарты шарларының қыртысы, этология, жүрек жүйесінің физиологиясы, ас қорыту және тыныс алу жүйелері туралы қазіргі заманғы түсініктер бойынша теориялық білімді қалыптастырады.

Әр түрлі жануарлардың жер бетінде таралу заңдылықтары мен икемденулерін, олардың жүйеленуін, әр түрлі жануарлардың шығу тегін, даму жолдарын, жануарлардың алуан түрлілігін, олардың табиғаттағы рөлін, жануарлар экологиясын зерттейді. Омыртқасыздардың түрлері және омыртқалы жануарлардың барлық түрлері қарастырады.

Генетикалық талдаудың цитологиялық және молекулалық негіздерін қолдана отырып, қазіргі генетика негіздерін, тұқым қуалаушылық және өзгергіштік заңдылықтарын зерттейді. Түраралық және тұқымаралық будандастыруды қолдану, эксперименттік деректерді статистикалық өңдеу дағдыларын қалыптастырады.

Жануарлардың ішкі мүшелерінің гистологиялық құрылысын қарастырады. Ол жалпы эмбриология негіздерін (жыныс жасушалары мен бездердің құрылысын, гаметогенез кезеңдерін, сүтқоректілер мен құстардың эмбриогенез кезеңдерін) зерттейді.

Мемлекеттік ветеринариялық зертханалардың құрылымдарымен, қызметімен және өткізілетін зерттеу түрлерімен таныстырады, ветеринариялық зертханаларда жұмыс жүргізген кездегі қауіпсіздік ережелерін айқындап көрсетеді. Жануарлардың жұқпалы және жұқпалы емес этиологиядағы ауруларын диагностикалау үшін зертханалық және ғылыми зерттеулердің заманауи әдістерін зерттеп оқытады.

Ауру қоздырғыштарының систематикасын, генетикасын, таралуын, морфологиясын, физиологиясы мен иммунологиясын зерттейді. Микроорганизмдердің мәдени және биохимиялық қасиеттерін зерттеу, су, сүт, топырақ, ауа микрофлорасын зерттеу бойынша құзыреттіліктерді қалыптастырады.

Ветеринариялық зертханада теориялық және практикалық жұмыс дағдыларын қалыптастырады, жануарлар ауруларын зертханалық диагностикалаудың заманауи әдістерін зерттейді. Ветеринариялық зертханаларда жұмысты ұйымдастыру және қажетті құжаттаманы жүргізу қағидаларын айқындайды.

Бездердің ішкі секрециясының физиологиясын, простагландинді, олардың жануарлар денесіндегі әсерін, энергияны, метаболизмді: липидтерді, дәрумендерді, минералды қосылыстарды, суды, шығару жүйесінің физиологиясын, зәр шығару механизмін; сүзу, реабсорбция, секреция, синтез процестерін, сонымен қатар ас қорыту жолдары мен тыныс алу органдарының экскреторлық функцияларын зерттейді.

Негізгі инфекциялық аурулардың қоздырушыларын зерттейді: патогенді кокктар, энтеробактериялар тұқымдасы, бруцеллез, туберкулез, шошқа қызылшасы, листериоз, лептоспироз, сібір жарасы, патогенді анаэробтар, патогенді спирил, дерматомикоз. Жануарлардың жиі кездесетін инфекциялық ауруларының заманауи диагностикасы мен спецификалық алдын алу мәселелерін қарастырады.

Кәсіби құзіреттілік деңгейін арттыру үшін болашақ мамандардың кәсіби шет тілін қалыптастыру, жазбаша және ауызша ақпарат алмасуды жүзеге асыру үшін кәсіби шет тілін білу, сөйлеу қызметін одан әрі дамыту. Әлеуметтік-тұрмыстық және академиялық салалардағы қарым-қатынастың стилі мен сипатына байланысты кәсіби қарым-қатынас жағдайларына сәйкес сөйлеу мінез-құлқының ережелері.

Пән, жануарлар мен құстарды бағып күту, азықтандыру және суару жүйесінің санитарлық-гигиеналық бағалауын анықтайды. Әртүрлі климаттық факторлардың: ауа температурасы, ауаның қозғалғыштығы, ылғалдылық, атмосфералық қысым, жарқын энергиясы, жануарлар мен құстардың денсаулығы мен өнімділігіне әсерін зерттейді.

Гормондар, ферменттер, ақуыздар, нуклеотидтер, нуклеозидтер, ДНҚ, РНҚ құрылымдары, нуклеин қышқылдарының биосинтезі, Аминоацил-тРНҚ синтетаза бойынша теориялық және практикалық білім береді. Ақуыз синтезінің кезеңдерін, ақуыз синтезінің мультиферменттік механизмін, рекомбинантты молекулаларды және гендік инженерия мәселелерін, будандастыру әдістерін, ақуыз биосинтезін, қан биохимиясын, бұлшықет тінін, зәр шығаруды, сүт пен сүт түзуді зерттейді.

Жануарлардың ішкі ағзалары ауруларының этиологиясы, патогенезі, ауру белгілері, ағымы, диагностикасы және дифференциалды диагностикасы мәселелерін зерттейді. Жеке жүйелер мен мүшелерді қазіргі заманғы клиникалық және зертханалық зерттеу әдістерін қарастырады. Рентгенологиялық диагностика: флюорография, рентгенография, КТ, флюорография әдістері бойынша құзыреттерді қалыптастырады.

Мал шаруашылығы өнімдерін өндіруде жануарларды азықтандырудың маңызы мен рөлін, азықтың қоректілігін бағалауды, азықты зоотехникалық талдау әдістерін зерттейді. Түрін, тұқымын, жасын, өнімділігін ескере отырып, жануарларды дұрыс, нормаланған азықтандыруды тағайындау және іріктеу дағдыларын қалыптастырады.

Вирустардың сипаттамасын, оқшаулануын және көбеюін, вирустардың қоршаған ортаға төзімділігін, вирустардың генетикасы мен экологиясын, вирустық аурулардың патогенезін, ағзаның вирусқа қарсы иммунитетін анықтайды. Ауыл шаруашылығы жануарларының вирустық ауруларын диагностикалау және арнайы алдын алу дағдыларын қалыптастырады.

Вирустардың жалпы сипаттамасы, химиялық құрамы, олардың түрлі физикалық-химиялық және биологиялық факторларға төзімділігі, құрамында вирусы бар материалдармен жұмыс істеу ережесі мен қауіпсіздік техникасы, вирустарды тауық эмбриондары мен жасуша өсінділерінде өсіру тәсілдері, вирустарды балаудың иимунологиялық әдістері, вирустық аурулардың шығуы мен таралуы, оларды балау, емдеу мен алдын алу шараларын жүргізу ерекшеліктерін зерттейді

Жалпы патологиялықпроцестерді зерттеп, оқытады: жалпынозология, танато-логия, жалпыэтиология, қоршаған ортаның патогенді факторлары туралы түсінік; патологиялар дамуына тұқым қуалаушылықтың, резистенттіліктің, реактивтіліктің, иммун жүйесінің әсері

Ветеринариялық фармакология пәні мен оның міндеттерін, дәрілік заттардың жіктелуін, дәрілік заттар мен организмнің биосубстанцияларының өзара байланыс құруының жалпы заңдылықтарын, сонымен қатар, дәрілік заттардыңфармакокинетикасын, фармакодинамикасын оқытады. Орталық нерв жүйесін күйзелтетін және қоздыратын заттардың (басым түрде ми қыртысының, сопақша ми мен жұлынныңфункцияларын ынталандыратынана-лептиктер, жалпы тыныштандыратын заттектердің) әсер ету механизмдерін айқындайды.

Топырақ гигиенасын, қиды шығару, сақтау және залалсыздандырудың түрлі әдістерінің санитарлық-гигиеналық бағасын, суды зерттеу мен залалсыздандырудың ветеринариялық-санитарлық әдістерін, азықтар сапасын бағалауды, сонымен қатар, азықтар сапасына қойылатын ветеринариялық-санитарлық нормалар мен талаптарды зерттеп, оқытады.

Малшаруашылық ғимараттарына қойылатын санитарлық-гигиеналықталаптарды, малшаруашылық ғимараттарының желдетілуінің са-нитарлық-гигиеналық бағасын, ауылшаруашылық жануарларын ұстау кезіндегі зоогигиеналық талаптарды, малшаруашылық ғимараттарын жобалау негіздерін зерттеп, оқытады.

Инфекцияны, оның түрлерін және олардың індеттанулық маңыздылығын, індеттік процестің теориясын, оның қозғаушы күштері мен зерттеу әдістерін, жануарлардың барлық түрлеріне ортақ инфекциялық ауруларды зерттейді. Білім алушылардың жануарлардың инфекциялық ауруларын диагностикалауды, дауалауын және сауықтыру іс-шараларын жүргізуді жүзеге асыру қабілетінің дамуын қалыптастырады.

Патологиялық процестердің түрлерін, қоршаған ортаның патогендік факторларын, тұқым қуалаушылықтың, резистенттіліктің, реактивтіліктің, иммундық жүйенің аурудың дамуына әсерін зерттейді. Жасушалардың патофизиологиясы мен патоморфологиясы, некроз және апоптоз, перифериялық қан айналымы, микроциркуляция, қабыну, реттеу, тіндердің өсуі, ісіктер, лейкоздар, аштық белгілерінің пайда болуы, компенсаторлық-бейімделу көріністері мәселелерін қарастырады.

Афферентті нерв ұштарының сезімділігін өзгертетін, төмендететін және жоғарылататын, организмдегі жекелеген физиологиялықпроцестерге әсерін тигізетін заттектерді, жүрек гликозидтері ментамыр тарылтатын заттектерді, диуретикалықзаттарды, қанға әсер ететін заттектерді, жатырға әсер ететін заттарды, бауырфункциясына әсер ететін заттарды, сонымен қатар, алмасу процестеріне әсер ететін дәрілік заттарды зерттеп, оқытады.

Иондаушы сәулеленудің ауыл шаруашылығы жануарларының организміне әсер ету механизмдерін зерттейді. Радиобиологияда өлшеу аспаптарымен жұмыс істеу дағдыларын қалыптастырады. Жануарларды иондаушы сәулелену әсерінен қорғау мәселелерін және сәулелену әсеріне ұшыраған жануарларға көмек көрсету әдістерін қарайды.

Иондаушы сәулелердің жануарлар организміне биологиялық әсер ету заңдылықтарын қарастырады. Дозиметрия, радиометрия саласында белгілі бір білім береді.

Инфекциялық аурулар (сібір жарасы, клостридиоздар, бруцеллез, туберкулез, паратуберкулез, ИНАН, құс тұмауы, орнитоз, нодулярлық дерматит), микоздар және микотоксикоздар (аспергиллез, кандидоздар, дерматомикоздар), гельминттер тудыратын аурулар (описторхоз, эхинококкоз, пироплазмидоздар, саркоцистоздар) кезінде ағза мүшелері мен жүйелерінің патоморфологиясын зерделейді. Жануарлар мен құстардың өлекселерін ашу әдістері мен техникасы игеріледі.

Хирургиялық ауру жануарларды емдеу кезінде хирургиялық ойлау дағдыларын қалыптастырады. Хирургиялық патологияларды анықтау және жануарлардың өмірін сақтауға және олардың өнімділігін арттыруға бағытталған емдік және профилактикалық іс-шараларды жүргізу мәселелері қарастырылады.

Ұсақ жануарлардағы хирургиялық патология ағымының ерекшеліктерінің теориялық және практикалық дағдыларын қалыптастырады. Хирургиялық ауруларды диагностикалау және емдеу әдістерін анықтайды.

Химиялық шығу тегі және мақсаты бойынша улардың жіктелуін, улардың уыттылығының негізгі өлшемдерін және токсикометрия параметрлерін, сондай-ақ уланудың пайда болу себептерін зерттейді. Улануды диагностикалау, емдеу және алдын алу, химиялық-токсикологиялық талдау әдістері және жануарлардан алынатын өнімдердің сапасын бағалау дағдыларын қалыптастырады.

Күйіс қайыратын жануарлардың ауруларын ауруларын зерделейді: ауруды анықтау, оны зерттеу тарихы, қоздырғышы, эпизоотологиялық ерекшеліктері, патогенезі, клиникалық белгілері, патологоанатомиялық өзгерістері, диагностикасы және емі, алдын алу және бақылау шаралары. Балау, жалпы және арнайы дауалау, дауалаулық және індетке қарсы іс-шараларды жоспарлау және ұйымдастыру дағдыларын қалыптастырады.

Жануарлардың ішкі аурулары кезінде емдеу-алдын алу іс-шараларын жүргізу кезінде дәрігерлік ойлау дағдысын және терапевтік техниканы пайдаланудың практикалық білігін қалыптастырады.

Ветеринариялық қызметтің ұйымдық құрылымын, республика және облыс деңгейінде оған басшылық етуді, аудандарда, ауылдық округтерде ұйымдастыруды оқып меңгереді. Жұқпалы және жұқпалы емес этиологиядағы жануарлар ауруларының алдын алу және жою кезінде шаруашылық жүргізуші субъектілерде ветеринариялық іс-шараларды ұйымдастыру машығын қалыптастырады.

Ветеринариялық істің жалпы ұйымдастырымдық мәселелерін, заңнамалық реттелуін және құрылымын, ветеринариялық шаралардың жоспарлануын, ветеринариялық қызметтің материалды-техникалық қамтамасыз етілуін зерттеп оқытады

Өсімдік өнімдері мен ара өнімдерінің жалпы сипаттамасын, химиялық құрамын, жіктелуін, сапасын бақылау түрлерін, ақауларын және тағамдық құндылығын сипаттайды. Тұздалған, маринадталған, кептірілген жемістер мен көкөністерді өндіру технологиясы мен сапасын бақылау негіздерін, көкөніс консервілерін, ара өнімдерін (бал, прополис, перга, ара сүті, ара уы) өндіру технологиясын зерттейді

Жануарлардың ішкі аурулары және жануарларды клиникалық тексеру, диспансерлеу, терапиялық техника, физиотерапия және физио профилактик аерекшеліктері туралы жалпы түсінік қалыптастырады.

Нормативтік құжаттарды, мал шаруашылығы өнімдерін санитарлық-гигиеналық зерттеу әдістерін зерттейді және оларды ветеринариялық-санитариялық бағалау ережелерін анықтайды. Малды союдың технологиясы мен гигиенасы, сойғаннан кейінгі ветеринариялық-санитариялық сараптама негіздерін оқиды. Ұшалар мен ішкі ағзалардың жұқпалы емес, жұқпалы және паразиттік ауруларға ветеринариялық-санитариялық сараптауды зерттейді.

Ауыл шаруашылығы жануарларының жыныстық аппаратында жыныстық жетілу, буаздылық, туу және туғаннан кейінгі кезеңде пайда болатын патологиялық үрдістерді, жаңа туған төлдердің ауруларын, сүт бездерінің ауруларын, туу әдістерін, акушерлік көмек көрсетудің хирургиялық әдістерін, диагностикасын, емдеуді зерттейді. Акушерлік аурулардың алдын алу және әртүрлі жануарлар түрлерінің аналықтарының сүт бездерінің құрылысы мен қызметінің ерекшеліктерін анықтайды.

Сүтті ветеринариялық-санитарлық сараптауды және өндіру технологиясының негіздерін, ауру малдан алынған сүтті сараптауды зерттейді. Мал шаруашылығы шикізатының ветеринариялық-санитариялық сараптамасын зерттейді (былғары мен жүн, кератинді, ішек, қосалқы өнімдер).

Ветеринария саласындағы халықаралық ынтымақтастық, ветеринариялық қызметті ғылыми, қаржылық және материалдық-техникалық қамтамасыз ету мәселелерін оқып меігереді. Ветеринариялық іс-шаралардың экономикалық тиімділігін есептеу машығын қалыптастырады.

Шет елдердегі ветеринариялық қызмет мәселелерін, халықаралық ветеринариялықұйымдардың жағдайын, заңнамалық реттелуін, ветеринариялық істің құрылымын зерттеп, оқытады. Ветеринария мамандарының даярлығын және ветеринариялық қызметтің ғылыми қамтамасыз етілуін жүзеге асырады.

Балық етінің тағамдық құндылығын, өнеркәсіптік балықтардың сипаттамаларын, инфекциялық, инвазиялық, микозды аурулар кезіндегі балықтарды ветеринариялық-санитарлық сараптау, консервіленген, кептірілген, қақталған, тұздалған және ысталған балық өндірутехнологиясы мен олардың сапасын бақылауды зерттеп, оқытады. Теңіз сүтқоректілері мен жотасыздары етінің сапасын бақылау.

Ет өндірісінің даму перспективаларын, ет өнімдерінің тағамдық құндылығы мен жіктелуін, шұжық өндірісіндегі технология негіздері мен гигиенаны зерделейді. Сынамалрды алу, шұжық өнімдерін санитарлық-гигиеналық зерттеу және технохимиялық бақылау әдістерін өткізу машығын қалыптастырады.

Сүт өнімдерін өндіру технологиясы негіздері мен гигиенасын, олардың тағамдық құндылығы мен жіктелуін, шикізаттар мен дайын өнімдер сапасына қойылатын талаптарды зерттеп, оқытады. Сынамалрды алу, сұйық қышқыл-сүт өнімдерін, қаймақ, ірімшік, сүзбе ірімшік, сары май, ұлттық сүт өнімдерін санитарлық-гигиеналық зерттеу әдістерін өткізу машығын қалыптастырады.

Биогенді заттармен ластанған мал шаруашылығы өнімдері мен жануарлардан алынатын техникалық шикізаттарды зерттеу әдістерін және ветеринариялық-санитариялық бағалау ережелерін анықтайды.

Бөгде заттардың жалпы түсінігін, тағам өнімдерінің сапасы мен қауіпсіздігін реттейтін нормативтік құжаттарды, биогендік текті бөгде заттармен (микробтық ластаушылар) ластанған кездегі мал шаруашылығы өнімдерінің қауіпсіздігін бағалайды.

Техногенді бөгде заттармен ластанған мал шаруашылығы өнімдері мен жануарлардан алынатын техникалық шикізаттарды зерттеу әдістерін және ветеринариялық-санитариялық бағалау ережелерін анықтайды

Биогенді заттармен (антибиотиктер, гормоналды препараттар, микроскопиялық саңырауқұлақтар және микотоксиндер) ластанған кездегі тағам өнімдерінің қауіпсіздігін бағалауды, сонымен қатар генетикалық түрлендірілген тағам өнімдерінің қауіпсіздігін бағалайды.

Құс еті мен құс өнімдерін ветеринариялық-санитариялық сараптау әдістерін, құс еті мен жұмыртқасын жұқпалы емес, жұқпалы және паразиттік ауруларға ветеринариялық-санитариялық бағалау әдістерін зерттейді.

Паразиттер мен олардың иелері арасындағы қарым-қатынастың экологиялық заңдылықтарын, трансмиссивті табиғи-ошақтық инвазиялық ауруларды, паразиттердің жіктелуін, өмірлік циклдерін, олар тудыратын паразитоздарды диагностикалау, емдеу және алдын алу бойынша инновациялық тәсілдерді зерделейді. Заманауи гельминтологиялық диагностика дағдыларын қалыптастырады.

Эпизоотологиялық зерттеу мен мониторингтің жалпы қағидаттарын, эпизоотологиялық талдау әдістерін, профилактикалық және эпизоотияға қарсы іс-шараларды жоспарлауды зерделейді. Эпизоотологиялық тексеру жүргізу, алынған деректерді статистикалық өңдеу, ветеринариялық іс-шараларды ұйымдастыру дағдыларын қалыптастырады.

Жануарларды, жануарлардан алынатын өнімдер мен шикізатты тасымалдаудың барлық түрлерімен экспорттық-импорттық операциялар кезінде орын ауыстыруды ұйымдастыру бойынша білімді қалыптастырады. Жүру жолында аурулардың таралуының алдын алу, тасымалдау кезінде ветеринариялық-санитариялық талаптарды орындау жөніндегі шараларды зерделейді.

Автокөлік, темір жол және әуе көлігінің жүру жолдарында аурулардың таралуының алдын алу бойынша ветеринариялық-санитариялық іс-шараларды жүргізу, ветеринариялық-санитариялық шараларды орындау және шекарада және көлікте қауіпсіздікті қамтамасыз ету мәселелерін зерделейді. Бақылаудағы тауарларды бақылау және есепке алу, құжаттаманы жүргізу дағдыларын қалыптастырады.

Патологиялық-анатомиялық диагноздың құрылымы мен логикасы туралы білім негізінде құқықтық, тергеу және сот практикасында туындайтын сот мәселелерін шешу үшін білім мен дағдыларды қалыптастырады.

Жеке гельминтологияны, ветеринарлық акарологияны, протозоологияны және энтомологияны, жануарларды және олардан алынған сынамаларды гельминтоздарға, арахноэнтомоздарға және протозооздарға зерттеу әдістерін зерделейді. Адам, жануарлар, құс және балық паразитоздарына қарсы емдеу-профилактикалық іс-шараларды ұйымдастыру бойынша теориялық және практикалық дағдыларды қалыптастырады.

Дау-дамайлы жағдайларда соттық іс қозғалуы мәселелерін, қасақана жалғандау, соттық ветеринариялық жарып-сою, соттық іс қозғалуы кездеріндегі токсикология және танатология мәселелерін зерттеп, оқытады. Өткізілген сараптамалар туралы құжаттамалар рәсімдеген кездегі білімді қалыптастырады.

Дезинфицирлеуші заттардың сипаттамаларын, ет-сүт кәсіпорындарындағы санитариялық-гигиеналық бақылау әдістерін зерттейді. Ет-сүт кәсіпорындарында экологиялық қауіпсіздікті ескере отырып, адамдардың жұқтырылуына жол бермеу мақсатында заманауи әдістерді, препараттар мен жабдықтарды пайдалана отырып, санитариялық жұмыстар өткізу машықтарын қалыптастырады.

Тағам өнімдерінің ластануының ықтимал көзі ретінде техногенді заттармен (улы элементтермен, пестицидтермен, азоттық қосылыстармен), полимерлік және басқа материалдармен ластанған кезде тағам өнімдерінің қауіпсіздігін бағалауды зерттейді.

Антропогендік ластану кезінде жануарлардан алынатын өнімдер мен жануарлардан алынатын шикізатты ветеринариялық-санитариялық бағалауды және детоксикациялау әдістерін зерттейді

Жануарлардың трансшекаралық және экзотикалық ауруларының көрініс заңдылықтарын, эпизоотиялық процестің ерекшеліктерін зерделейді және осы ауруларды диагностикалау, емдеу және алдын алуда қазіргі заманғы әдістерді пайдалану дағдыларын қалыптастырады.

Жануар текті өнімдер мен шикізаттардың өндірілуі, тасымалдануы, сақталуы және пайдаға асырылуы кезінде ветеринариялық-санитарлық сараптама жүргізу, бақылау жүргізу ережелерін білу, ветеринариядағы менеджмент пен заңнамалық регламенттеуді, ветеринаиялық шаралар кезіндегі экономикалық шығындарды және экономикалық тиімділігін анықтау әдіснамаларын білу

Тірі организмдер белгілерінің өзгеруінің тұқым қуалаушылық заңдылықтарын түсіндіру, бастапқы материалды биометриялық өңдеу дағдыларын игеру, жануарлар мен құстардың ұстау, азықтандыру және суару жүйелерінің санитариялық-гигиеналық бағалануын өткізу, азықтың химиялық құрамы мен зоотехникалық көрсеткіштерін анықтау, жануарлардың қалыпты азықтандыруын ұйымдастыру

Індеттік процесті, инфекциялық және вирусты ауру қоздырушыларының жүйеленімін, генетикасын, морфологиясы мен физиологиясын білу, ветеринарияда менеджмент пен заңнамалық реттеуді жүзеге асыру, диагноз қою, аллергиялық және клиникалық, індеттанулық зерттеулер жүргізу, жануарларды вакцинациялау, жануарлардың инфекциялық аурулары кезінде іс-шаралар жоспарын әзірлеу

Зоологияның негізгі заңдылықтарын, жануарлар әлемінің түрлерін жүйелеуді түсіндіру, ауру жануарларды, құстарды, балықтарды емдеу үшін паразитке қарсы препараттардың негізгі топтарын қолдану және олардың сапасы мен тиімділігін бағалау

Жалпы білім беру пәндері саласындағы білімді сипаттау және байланыстыру, құқықтық және сыбайлас жемқорлыққа қарсы мәдениет туралы жалпы ұғымдарды білу, Академиялық адалдық қағидаттары мен мәдениетінің маңыздылығын, ғылыми зерттеулердің заманауи әдістерін анықтау, сондай-ақ жаңа технологиялар саласындағы кәсіпкерлік қызметтің заманауи тәсілдерін меңгеру. Экономика мен құқықтың даму заңдылықтары туралы білімдерін көрсету, экономикалық ой тұжырымдамаларын және нарықтық жүйенің жұмыс істеу тетіктерін бағалау, еңбекті қорғау аспектілерін білу.

Шекара мен көліктегі, ет-сүт кәсіпорындарындағы ветеринариялық-санитарлық бақылауды жүргізе білу, ет-сүт өнімдерінің толық құндылығын анықтай алу, өсімдік-, балық- және ара шаруашылығы өнімдерінің сапасын бақылауды жүргізу, өнімдердің бөгде заттармен контаминациялануы кезінде санитарлық баға беру ережелерін білу

Ветеринариялық радиобиологияның теориялық және практикалық негіздерін білу, дозиметриялық құралдармен жұмыс жасай білу, зертханалық, клиникалық диагностикалық зерттеу, диспансерлеу, терапиялық техника бойынша машықтану, хирургиялық, акушерлік-гинекологиялық және ішкі жұқпалы емес аурулардың емдік-профилактикалық шараларын жүргізу

Кәсіби тақырып аясында ағылшын, қазақ (орыс) тілдерінде ауызша және жазбаша сөйлеуді білу және түсінуді көрсету

Сойыс жануарларына ветеринариялық қызмет көрсету тәртібін, жануар текті өнімдерді өндіру технологиясы мен гигиенасы ережелерін меңгеру, мал шаруашылығы өнімдерін өндірудің әр кезеңінде ветеринариялық-санитариялық сараптамалау мен бағалау, сондай-ақ соттық ветеринариялық сараптама жүргізу дағдыларын меңгеру.

Жануарлар ағзалары мен жүйелерінің зоологиялық жүйелілігі мен морфологиялық құрылымдық ерекшеліктерін қалыптастыру, жануарлар организміндегі физиологиялық процестердің мәні мен биохимиялық процестердің принциптерін түсіну, жасушаларды, ұлпалар мен мүшелер жүйелерін микроскопиялық зерттеу әдістерін қолдану

Дәрілік заттар тудыратын фармакодинамикалық әсерлердің негізгі механизмдерін түсіну және ветеринариялық препараттарды мөлшерлеу принциптерін білу. Уыттылыққа зерттеу әдістерін орындай алу, ауылшаруашылық жануарларының улануларының себептерін анықтай білу және осы кезде алғашқы жәрдем түрлерін көрсете алу. Олардың байқалулары кезіндегі патологиялық процестерді және аурулар кезіндегі маңызын білу, жануар өлекселерін жарып-союды әдістемелік тұрғыдан дұрыс өткізе алу.