6B01403 Дене шынықтыру және спорт в Ы. Алтынсарин атындағы Арқалық педагогикалық институты

Бұл курс мұғалім мамандығына алғашқы кіріспе ұсынады. Атап айтқанда, студенттер тұтас педагогикалық процесті түсіну және олардың кәсіби жеке бағдарларын қалыптастыру, педагогикалық және психологиялық мәселелер мен жағдайларды сыни тұрғыдан шешу үшін қажетті базалық білім мен дағдыларды дамытады. Курс студенттерге мұғалім мамандығын игеруге деген ынтасын қайта қарауға мүмкіндік береді.

Бұл курста білім алушы мектептегі білім беру жүйесін, таңдалған спорт түрі бойынша оқу-әдістемелік құжаттаманы жүргізуді, волейболдан оқу-әдістемелік құжаттаманы жүргізуді, гимнастика сабақтарында физикалық қасиеттерді дамытуды, мектепте жеңіл атлетиканы оқыту әдістемесін, мектепте жүзуді оқыту әдістемесінің ерекшеліктерін, мектептегі білім беру жүйесінде шаңғы спортын оқыту әдістемесінің ерекшеліктерін, әртүрлі жас топтарында шаңғы спортын оқытудың ерекше әдістерін, шаңғы спорты сабақтарында физикалық қасиеттерді тәрбиелеуді зерделейді.

Курс салауатты, қауіпсіз және қолайлы білім беру ортасын қалыптастыру мақсатында мектеп жасындағы оқушылардың өсуі мен дамуының физиологиялық ерекшеліктерін зерттеуге бағытталған. Студенттер балалар мен жасөспірімдердің физиологиялық және гигиеналық ерекшеліктерін, сонымен қатар физиологиялық функциялардың педагогикалық әсерге жауап беру ерекшеліктерін талдайды. Сонымен қатар, курсты оқу барысында студенттер мүшелердің, мүшелер жүйесінің, жалпы организмнің сыртқы ортамен байланысты қызметінің ерекшеліктерін салыстырады. Осыған байланысты студенттер оқу процесін ұтымды етуге, аурудың алдын алуды жүзеге асыруға бағытталған оқушының үйлесімді дамуы мен функционалдық мүмкіндіктерін арттыру әдістерін қолданады.

Білім алушы адам денесінің құрылымы мен формасы, оның қызметі мен дамуына байланысты оның мүшелері туралы білімді меңгереді. Адам ағзасындағы сүйек, бұлшықет, ас қорыту, тыныс алу және жүйке жүйелерінің қалыптасу кезеңдерін, сондай-ақ оған физикалық спорттық жаттығулардың әсеріне байланысты олардың өзгеруін зерттейді.

Бұл курс педагогикаға ғылым ретінде шолу, оның диалектикалық, қарама-қайшылықты және әдіснамалық ерекшелігін ұсынады. Студенттер дүниетанымды, әлеуметтік және жеке маңызды педагогикалық мәселелерді талдайды, тұтас педагогикалық процестің заңдылықтары мен принциптері туралы сыни тұрғыдан ойластырады. Білім беруді цифрландыру жағдайында педагогика, киберпедагогика, киберкеңістік және кибер әлеуметтендірудегі киберонтологиялық тәсілге ерекше назар аударылатын болады.

Пәнді оқу барысында білім алушы мектепте дене шынықтыру сабағында өтетін баскетбол сабақтары әдістерін, волейбол сабақтары әдістерін, гимнастика сабақтары әдістерін, жеңіл атлетика сабақтары әдістерін, жүзуге үйрету сабақтары әдістерін, ерекшеліктерін, шаңғы спортын сабақтары әдістерін үйренеді.

«Педагогикалық психологиясы» курсы педагогикалық процесс және оқыту тұжырымдамаларына, білім беру психологиясының негізгі бағыттарына, түсініктері мен категорияларына шолу ұсынады. Студенттер оқу іс-әрекетінің құрылымын сыни тұрғыдан бағалауға және талдауға, педагогикалық іс-әрекеттің психологиялық заңдылықтары мен оқу-тәрбие процесінің әр түрлі кезеңдеріндегі педагогикалық әсерге шағылыстыруды үйренеді.

Бұл курс ауыр атлетиканы оқытудың теориялық, әдістемелік және практикалық негіздерін қалыптастырады. Білім алушы ауыр атлетті көп жылдық даярлауды жоспарлау, ағзаның функционалдық мүмкіндіктерін арттыру туралы білімді меңгереді, жалпы және арнайы физикалық қасиеттерді, техникалық, тактикалық және психологиялық дайындықты, сондай-ақ ауыр атлетикадан жарыстар өткізу ережелерін жетілдіру.

Бұл курста жеңіл атлетикалық жаттығулардың (жүгіру түрлері, техникалық түрлері, көпсайыс, жүру) жіктелуі мен жалпы сипаттамасы сипатталады. Студент жалпы білім беретін мектептердің дене шынықтыру бағдарламасына кіретін жеңіл атлетика түрлерін оқыту техникасы мен әдістемесінің практикалық орындалуын меңгереді, жеңіл атлетика бойынша жарыстар өткізуді, қажетті құжаттаманы (ереже, хаттамалар, бас судьяның есебі) ресімдеуді үйренеді.

Экологиялық мәдениет курсы экологиялық сауаттылық және тіршілік қауіпсіздігі саласындағы нормативтік құқықтық актілерге сәйкес салауатты, қолайлы қоршаған ортаны қамтамасыз ету үшін экологиялық мәдениеттілікті дамыту жолдарын және тіршілік қауіпсіздігі негіздерін үйренуге бағытталған. Студенттер қоршаған ортаның өзара әрекеттесуін сыни тұрғыдан бағалайды, төтенше жағдайларда қорғанудың әдіс тәсілдерін меңгереді, экологиялық мәдениет дамыту үдерісін белсенді ұйымдастырады.

Студенттердің бойында жалпы адамгершілік және ұлттық құндылықтар аясында адал азаматтың құндылықтарын қалыптастырады. Адалдықтың құндылығы мен азаматтық ұстанымды жүйелі білім арқылы меңгереді. Рухани-адамгершілік және азаматтық-патриоттық тәрбиелеу контекстінде адал азаматты қоғам ортасында қалыптастыру мәселелері жүйеленеді. Білім алушылардың ішкі тұлғалық мәдениетін нығайту негіздерінің әлеуметтік-экономикалық, құқықтық, адамгершілік-этикалық аспектілері талданады.

Бұл курста дене тәрбиесі мен спорт түрлерінің физиологиялық негіздері мазмұнын және басқа ғылымдармен байланысын; оқу-тәрбие жұмысындағы маңызын түсінеді. Дене тәрбиесі мен спорт түрлерінің физиологиялық негіздері дамуындағы негізгі кезеңдерін үйренеді; спортшылар шаршауының және қалпына келуінің физиологиялық негіздерін анықтай алуды; жас спортшыларды шынықтырудың және оларды іріктеудің физиологиялық негіздерін талдай алуды менгереді.

Курста Ұлы даланың ұлы ағартушылары мен ғалымдарының педагогикалық мұраларына шолу жасалады. Оқу барысында студенттер Ұлы Дала ғалымдарының өмірі мен шығармашылығына талдау жасайды: әл-Фараби, А.Құнанбаев, А.Байтұрсынов, М.Дулатов. М.Жұмабаев, Ы.Алтынсарин және басқалар Курс студенттерге Қазақстандағы педагогика ғылымының пайда болуы мен дамуы мәселесінде ұлы ғалымдардың еңбектерінің маңыздылығын қайта қарастыруға мүмкіндік береді.

Білім жүйесіндегі менеджменттің ғылыми негізін студенттерде қалыптастыру, басқару жүйесі түрлерін игерген теориялық білімін нақты тәжірибелік дағдылармен іске асыра білуі; игерген теориялық және тәжірибелік білімдерінің негізінде білім беруді басқаруды дамытады,басқару жайлы білімді өздігінен жаңартады, басқарудың тәжірибелік ғылыми негізі шығармашылық тұрғыда болуы керектігін түсінеді.

Білім алушы санитарлық-гигиеналық талаптарды және өрт қауіпсіздігі талаптарын, дене шынықтыру және спорт сабақтарын өткізу кезіндегі қауіпсіздік қағидаларын, ҚР Мәдениет және спорт министрінің 2014 жылғы бұйрығымен бекітілген спорттық іс-шараларды өткізу қағидаларын біледі, сондай-ақ алғашқы медициналық көмек көрсету әдістерін біледі және меңгереді. Әртүрлі спорт түрлері бойынша дене шынықтыру сабақтарында қауіпсіздік техникасы бойынша нұсқаулықтарды өз бетінше құрастыра алады.

Курс қазақстандық спорттың тарихын, оның қалыптасу кезеңдерін, атақты спортшылардың өмірбаяндарын, сондай-ақ жекелеген спорт түрлерінің және жалпы спорттың дамуына қомақты үлес қосқан тұлғаларды зерттеуге бағытталған. Студент туристік дайындық негіздеріне, спорттық туризм техникасы мен тактикасының элементтеріне; топография және жергілікті жерге бағдарлау негіздеріне, спорттық-сауықтыру жорығын ұйымдастыру қағидаларына оқытылады.

"Кәсіпкерлік негіздері" курсы студенттерге кәсіпкерлік қызметті басқару саласындағы теориялық дайындықтың негіздеріне кең шолуды ұсынады. Студенттер кәсіпкерлік тетіктерін талдайды, кәсіби қызметте ұтымды шешімдер қабылдау механизмін сыни бағалайды. Кәсіпкерлік саласындағы жоспарлау, ұйымдастыру, ынталандыру және бақылау әдістерін талдайды. Студенттер осы проблемалық мәселеде жаңа әдіснамалық тәсілдерді қайта қарастырады, кәсіпкерлік объектілері мен субъектілерін жіктейді. Кәсіпкерлікті жоспарлау, қаржыландыру, талдау және бағалау саласында дағдыларды меңгереді.

Бұл курста баскетбол бойынша сабақтарды ұйымдастыруда қолданылатын әдістер мен тәсілдер; баскетбол бойынша сабақтарды өткізуде қолданылатын спорттық құрал-саймандар мен жабдықтар; жарақаттанудың алдын алу және алдын алу шаралары; Баскетболдағы спорттық жаттығудың құралдары, құрылымы, міндеттері мен принциптері; оқу-жаттығу циклдері туралы түсінік; дене жүктемелерін мөлшерлеу меңгеріледі.

Бұл курс болашақ мұғалімнің кәсіби дайындығының міндетті компоненті болып табылады. Бұл пәнді игеру студенттерге «Мәңгілік Ел» және «Рухани жаңғыру» ұлттық идеясына сәйкес мектеп оқушыларымен тәрбие жұмысын жүргізуге, жоспарлар мен конспекттер жасауға, сыныптан тыс тәрбие жұмыстарын ұйымдастыруға және өткізуге мүмкіндік береді. Курс студенттерге заманауи мектепте сынып жетекшісінің қызметін қайта қарауға мүмкіндік береді.

Бұл курста шаңғы тебу тәсілін дұрыс сипаттауды, сырғанау түрлерін талдап шығаруды; шаңғыны қолдану қабілетін қалыптастыруды; тактикасын тәжірибе уақытында қажетке пайдалануды; шаңғы тебудің негізгі әдістерін зерделеуді; шаңғы жаттығуларына арналған оқу үдерісін және жарыстарын ұйымдастыру жүйелілігін арттыруға қажетті әдістерді менгереді.

Бұл курс қазіргі әлемдегі инклюзивті білім беруге шолу жасап ұсынады. Студенттер «инклюзия» ұғымын ажырата алады, арнайы білім беруді реформалау мәселесін аша алады, ұлттық арнайы білім беру жүйесінің қалыптасуы мен даму тарихын қарастырады, балаларды интеграциялау модельдерін талдайды және салыстыра алады, мүмкіндігі шектеулі, инклюзивті білім беруді басқарудың құқықтық және этикалық негіздерін түсіндіреді.

Білім алушы әлемдегі және Қазақстандағы баскетбол тарихын, Баскетболдағы техникалық тәсілдерді, оларды жетілдіруге арналған арнайы жаттығуларды, ойын ережелерін, тактикалық іс-қимылдарға байланысты ойыншылардың функцияларын, баскетболшыны дайындауды жоспарлау процесінің негіздерін, баскетбол алаңының параметрлерін және қажетті құжаттаманы ресімдеумен жарыс өткізуді зерделейді.

Білім алушы шаңғы қозғалысын және олардың арасындағы өзара байланыс жолын қарастыруды, шаңғы жүрісін немесе олардың уақыт өзгеруін есептеуді; студенттер шаңғының негізгі тактикалық және техникалық әдістерін сын тұрғысынан сипаттауды; оларды тәжірибеде тиімді қолдануды; курс кезінде алған білімдерінің нәтижесінде шаңғы спортының пайдалы және қажетті процестерін тануға мүмкіндік алады.

Курс дене шынықтыру қағидаларын, жалпы педагогикалық және ерекше әдістер мен құралдарды зерделеуге, дене шынықтыру бойынша жоспарлау және есептілік құжаттарын әзірлеуге, спорт түрлері бойынша қозғалыс дағдыларын қалыптастыру әдістемесіне, жеке және командалық спорт түрлерінде физикалық қасиеттерді, тактикалық және психологиялық даярлықты дамытуға; шағын жинақталған мектептерде дене шынықтыруды оқыту әдістемесіне, сондай-ақ жарақаттанудың алдын алуға бағытталған.

Бұл курста дене шынықтыру және спорт саласындағы ғылыми және зерттеу қызметін білуді; ғылыми зерттеудің бағытын таңдау және жоспарлай алуды; ғылыми жұмыстардың түрлері, оларды ұсыну нысандарын анықтауды; ғылыми-әдістемелік жұмыстың тілі мен стиліне қойылатын жалпы сипаттама және талаптарын меңгереді.

Білім алушы курс бағдарламасында волейболдың қалыптасу тарихын, волейболды оқытудың дидактикалық және психологиялық негіздерін, волейболдағы тактикалық іс-әрекеттерге оқыту әдістерін, оқу процесін жоспарлауды, волейболдан сабақтың жоспар-конспектісін және оқу-жаттығу сабақтарын жасауды, волейболдан практикалық сабақтарды, әртүрлі жастағы волейболшылардың физикалық және техникалық қасиеттерін тестілеуді өткізу әдістемесін, сондай-ақ волейболдан жарыстарды ұйымдастыру және өткізу қағидаларын зерделейді.

Курста білім алушы дене шынықтыру және спорт басқармасы мен бөлімі маманының функцияларын, атап айтқанда, қоғамдық және коммерциялық ұйымдарды, дене шынықтыру және спорт қоғамдық бірлестіктерін (спорт түрлері федерациясы) басқаруды жүзеге асырады; әртүрлі дене шынықтыру және спорт ұйымдарында адам ресурстарын басқаруды оқыту тарихын зерделейді; спорт менеджментін оқытуда жеке ресурстарды пайдаланады.

Бұл курс студенттердің ішкі өзгерістерін сезіну және бекіту тетіктерін, шығармашылық, педагогикалық іс-әрекетке ұмтылуды ұсынады. Пәнді меңгеру нәтижесінде студенттер педагогикалық шеберліктің құрамдас бөліктерін сипаттай алады, педагогикалық техниканы көңіл-күйін, эмоциясын, сөйлеу техникасын, дауыс ырғағын студенттерді тәрбиелеу мен тәрбиелеу саласындағы өзіндік мінез-құлқын талдауды, кәсіби сапасын бағалау меңгереді.

Бұл курста студенттер дене шынықтыру саласында цифрлық білім беру ресурстарын пайдалану дағдыларын меңгереді, әсіресе техникалық-тактикалық дайындық кезінде оқыту үшін ақпараттық технологиялардың мүмкіндіктерін қолдануға; қозғалыстың биомеханикасын көрнекі түрде зерделеуге; әртүрлі жаттығуларды орындау кезінде ағзадағы химиялық процестерге; оқушылардың дене дайындығын тестілеу қорытындылары бойынша алынған ақпаратты өңдеуге, салыстыруға және талдауға үйренеді; сондай-ақ зиянды әдеттердің алдын алу үшін тәрбие жұмысы барысында.

Білім алушы спорттық жаттығуға қойылатын жалпы талаптарды, волейбол ойынының техникасы мен тактикасын оқыту әдістемесін, төрешілердің, жаттықтырушылар мен ойыншылардың міндеттерін, волейболшының теориялық және арнайы дайындығын; тәрбие жұмысын және педагогикалық бақылауды, оқу-жаттығу процесінде модельдеу мен бақылауды меңгереді.

Бұл курс футболдың негізгі ұғымдарын және олардың анықтамаларын сипаттайды: техниканы жіктеу, ойын тактикасы, спорттық жаттығудың теориялық және әдістемелік негіздері, футболшыларды спорттық іріктеудің теориялық негіздері, футболды жоспарлау, спорттық дайындық түрлері, футбол техникасы мен тактикасын оқыту мен жетілдірудің формалары мен әдістері, команданы басқару, әртүрлі біліктілігі мен жасындағы спортшыларды футболда даярлау ерекшеліктері, футболдағы кешенді бақылау және оны өткізу әдістемесі.

Білім алушы футбол мен футзалдың техникалық әдістері мен тактикалық өзара іс-қимылын, амплуасына (шабуылшы, қорғаушы, жартылай қорғаушы және қақпашы) байланысты қозғалыс дағдыларын үйрету және футболшының арнайы физикалық қасиеттерін дамытуды меңгереді, қорғау және шабуыл тактикасын, ойын қағидаларын, төрешілік негіздерін және футбол жарыстарын ұйымдастыруды, психологиялық даярлық негіздерін және командада жағымды моральдық ахуал қалыптастыруды меңгереді.

Білім алушы мектепте диагностикалық жұмыстар арқылы психологпен бірлесе отырып, ғылымға икемді, дарынды балаларды анықтауды; - тәрбие жұмыстары арқылы оқушылардың ғылымға деген жағымды көзқарасын қалыптастыруға түрткі жасауға; Оқушылардың ғылыми қоғамы мұғалімдермен бірлесе отырып, балалардың ынтасы, қабілеттерін ескеріп, өз қалауларына жол ашып, іздену, зерттеу тақырыптарын алуды ұйымдастыру, ғалымдармен тікелей байланыса отырып, ұйымдастыру жұмыстарын жүргізуді меңгереді

Білім алушы курста оқыту мен оқудағы спорттық нысандардағы құрал-жабдықтарды пайдалану тәсілдерін қамтиды; жөндеу және пайдаланудың жалпы принциптерін қолдана отырып сипаттауды; тұрғылықты жері бойынша, жұмыс орнында, медициналық және сауықтыру мекемелерінде, мектепке дейінгі, мектепте кең ауқымды спорттық және бұқаралық жұмыстарды зерделеп пайдалануды инновациялық спорттық технологияларды меңгеру барысында оқыту әдістерінің артықшылығы мен кемшіліктерін анықтауды; педагогикалық шеберлік нәтижесінде оқытуда жеке ресурстарды пайдалануды менгереді.

Білім алушы теннистің даму тарихын, ойын ережесін, спорттық құрал-жабдықтарды пайдалануды, теннистегі төрешілік ету тәртібін үйреніп оның жүйелілігін арттыруға қажетті әдістерді қолдануды меңгереді. Теннистің дамуындағы өзекті мәселелерін оның жүйелілігін арттыруға тиімді әдіс-тәсілдерді қолданады. Үстел теннисінен жаттықтырудың тәсілі мен мен құралын қолдануды үйренеді. Үстел теннисі техникасын үйрету құрал-жабдықтарын мен тренажерларды қолдануды меңгереді.

Бұл курста білім алушы әр түрлі қашықтыққа жүзу кезіндегі қозғалыс жылдамдығының өзгерістерін, жүзушінің техникалық даярлығын бағалу критерийлерін, сөрелік күйді орындау ережелерін, сөрелік күйлер мен бұрылу критерийлерін, жүзудің спорт тәсілдерінің (кроль әдісімен етпеттеп жүзу, кроль әдісімен шалқалап жүзу және брасс, баттерфляй) әдістерін үйеренеді.

Бұл курста білім алушы игерген материалдарын шығармашылықпен талдап, өңдеп, қорытындылап, өз көзқарасын қорғай алуды; Жеке қабілеттеріне қарай шығармашылық жұмыстарға белсене араласып, белгілі бір ғылыми білім саласында өз мүмкіндігін көрсете алуды; Ілімді жаңалық ашуға немесе ілімді іс жүзінде қолданудың жаңа жолдарын ізденуге ; Оқушылар ақпаратты талдау, талқылау, жүйелеу, топтау және жинақтауда өз идеяларын ұсына білуді және қате пікірінен бас тартуға, шыдамдылық танытуды меңгереді.

Бұл курста ұлттық спорт түрлері кіретін мектеп бағдарламасына сүйене отырып, ұлттық спорт түрлерін оқытудың негізгі әдістерін, ережелері мен техникалық тәсілдерін зерделей отырып, орта және жоғары сыныптарға арналған жарыстарды ұйымдастыру мен өткізудің кәсіби қабілеттері қалыптасады, сондай-ақ спорттың осы түрлерін оқытудың негізгі осы іс-шараларды тәрбие жұмысында пайдалануды меңгереді.

Пәнді оқу барысында студент қағидаларды оқып үйренеді және дене сапаларының сезімтал даму кезеңдерін ескере отырып, сондай-ақ әртүрлі спорттық құралдарды пайдалана отырып, бастауыш сынып оқушылары үшін қозғалмалы ойындарды өткізуді үйренеді; ұлттық спорт түрлерін (тоғызқұмалақ, асық ату, бес тас, жаяу жарыс, қазақ куресіне жетекші жаттығулар және т.б.) оқытудың тиімді әдістерін меңгереді.

Білім алушы бұл курста қазақ күресінің жарыс ережелерінің негізгі бөлімдері, жарыс түрлері, қатысушылар құрамы, төрешілер құрамы және олардың міндеттері, жеңімпаздарды анықтау және жарыс ережелеріндегі соңғы өзгерістерді меңгереді. Жарыс ережесінде, жаттығу мен оқыту әдістемесінде, техникадағы өзгерістердегі өткен жылдардағы болған өзгерістермен салыстыра отырып сараптама жасауды меңгереді.

Осы курсты оқу барысында оқу процесін дұрыс ұйымдастыру - жарақаттанудың алдын алудың негізгі алғышарттарын, жарақаттанудан айырмашылығы мен басқа спорт түрлеріндегі алдын алу мәселелерін шешу қабілеті дамиды. Допты ойынға қосу, соққыны үйрету әдістемесін, сондай-ақ ойынның техникалық-тактикалық тәсілдерін меңгерген.

Бұл курста самбо және дзюдо күресінде қолданылатын жаттығуды толығымен орындау әдістемесі, жаттығуды бөліктерге бөліп орындату әдістемесі, сөз әдістемесі ойын түрі әдістемесі, жарыс түрі әдістемесі, көрнекілік әдістемесі, сынақ әдістемесі, даралап үйрету әдістемесі, бақылау әдістемесі, және талдау әдістемелерін қолднауды меңгереді.

Бұл курстаспорттық құрылыстарды жоспарлауды, жобалауды және ұйымдастырудың негізгі қағидаларын игереді; спорттық құрылыстардағы құралдарды пайдаланудың негіздерін; қала мен ауылдағы спорт кешендерін, спорттық құрылыстардың құрылыстық және төрешілік өлшемдерін, жеңіл атлетикаға арналған, спорттық ойын түрлеріне арналған және жалпы дене шынықтыруға арналған спортық тренажерларды пайдалану ережелерін менгереді.

Білім алушы жүзуден дене шынықтыруды ұйымдастыру және өткізу дағдыларын; спорттық жүзу техникасы мен оқыту әдістерін тиімді енгізу дағдыларын қалыптастырады; жүзудің спорттық тәсілдерін және жүзуде оқыту әдістемесін меңгереді, дене шынықтыру қозғалысының әртүрлі буындарында оқыту және бастапқы спорттық жаттықтыру міндеттерін шешуге мүмкіндік беретін студенттердің кәсіби-педагогикалық іскерліктерін қалыптастыруды игереді.

Орта білім берудің жаңартылған мазмұны, инклюзивті білім беру жүйесі, сондай-ақ шағын жинақталған мектеп жағдайында оқыту, критериалды бағалау әдістерін қолданады;

Дене шынықтыру және спорт саласындағы теориялық білімді практикада қолданады;

Мектептің оқу үрдісінде экологиялық мәдениет пен инновациялық идеяларды интеграциялау негізінде білімді табысты қолданады, адал азамат құндылықтарын насихаттайды, іс жүргізу негіздерін біледі.

Кәсіби салада цифрлық білім беру ресурстарын пайдалану дағдыларын көрсетеді;

Спорттық құрал-саймандарды, спорттық ғимараттарды пайдаланудың, бұқаралық спорттық іс-шараларды ұйымдастырудың практикалық дағдыларын көрсетеді;

Өзінің зерттеу жұмысын ұйымдастырады және білім алушылардың зерттеу жұмыстары үшін жағдай жасайды;

Білім алушылардың жас ерекшеліктерін ескере отырып педагогика, психология, анатомия және физиологияның теориялық негіздерін қолданады; оқу-тәрбие жұмысын, білім беру мен спорт менеджментін жоспарлап жүргізе алады;

Дене шынықтыру-спорт қызметін ұйымдастыру және өткізу кезінде қауіпсіздікті ұйымдастырады, жарақаттанудың алдын алуды жүзеге асырады, сабақ процесінде зардап шеккендерге дәрігерге дейінгі алғашқы көмек көрсетеді.