6B01901 Дефектология в "Ақмешіт" гуманитарлық-техникалық институты

Көру, есту, сөйлеу мүшелерінде, ақыл-ойының дамуында табиғи кемістігі бар балаларды оқыту мен тәрбиелеу мәселелерімен танысады. Мақсаты; бұзылыстың шығу тегін, психикалық функциялардың дамуындағы себеп-салдарлық байланыстарды анықтау және бала өмірінің әлеуметтік-педагогикалық жағдайларын зерттеу, оқытудың, тәрбиелеудің, түзетудің, орнын толтырудың тиімді құралдары мен әдістерін қолдану дағдыларын дамытады.

Пән әртүрлі кемістіктерді тұғызатын себептермен клиникалық ерекшеліктерін зерттейді. Есту, көру және сөйлеу мүшелерінің анатомиясы, физиологиясы, патологиясы курсының мақсаты - өз мамандығына әртүрлі сезім мүшелерінде кемістіктері бар балаларды оқытып-тәрбиелеу негізінде анализаторлардың анатомиясынан, физиологиясы мен патологиясынан хабары бар, ғылыми және тәжірибелік білімді, коррекциялық педагогика мамандарын даярлау процесіне ықпал етеді.

Болашақ мамандарда сыбайлас жемқорлыққа қарсы іс-қимылдың экономикалық шаралар жүйесі туралы тұтас түсінік қалыптастыру, сондай-ақ ол үшін экономикалық ғылымның заңдылықтары мен әдістерін пайдалана отырып, сыбайлас жемқорлыққа қарсы мінез-құлық үлгілерін зерделеу.

Экология мәселелері, экологияның жаһандық, ұлттық мәселелері баяндалады. Табиғи ресурстар, есепке алу, бағалау, ұтымды пайдалану және қорғау мәселелері, жасыл экономика мәселелері қарастырылады. Студенттерді әртүрлі сипаттағы төтенше жағдайларда халықты және аумақтарды инженерлік қорғау негіздерімен таныстырады

Интеллектісі бұзылған балаларды қоғамға енгізіп, құқықтық бейімдеу және оңалту, дамыту, тәрбиелеу және оқыту теориясы мен тәжірибесін жүзеге асырады. Мақсаты ақыл-ой кемістігі бар мектеп оқушыларын оқыту, тәрбиелеу, әлеуметтік бейімдеу және оңалту, қоғамға интеграциялау теориясы мен тәжірибесі түсініктерін қалыптасады.

Естуінде ауытқуы бар балаларды және ересектерді оқыту мен тәрбиелеу білім жүйесін ұйымдастырады. Мақсаты: естуінде кемістіктің түрі мен құрамын анықтау, оның деңгейлерін ажырату арқылы балаларды оқуға, білім алуға, дамуға ынталандыру, педагогикалық жағдайда оқу әрекетін ұйымдастыру үшін қажетті икемділік пен дағдыларды қалыптастыру, ауызша және жазбаша сөйлеу тілін дамыту, таным процестерін белсендіру мен қажетті түзетушілік қолдаудың көлемін белгілеу.

Инклюзивті тәжірибені ұйымдастыру мен жобалау аумағында студенттердің кәсіби құзыреттіліктерінің деңгейін көтеру. Мақсаты: "Инклюзивті білім беру" - студенттерге жалпы білім беру үдерісіне Ерекше қажеттіліктері бар немесе ерекше білімді қажет ететін балаларға психологиялық-педагогикалық сүйемелдеуді ұйымдастыру және қамтамасыз ету мақсатында базалық білім беру. Пән инклюзивті практиканы жобалау мен ұйымдастыру саласында студенттердің кәсіби құзыреттілігінің деңгейін арттыруды және ерекше балаларды оқытудың мазмұны мен әдістерінің тиімділігін психологиялық бағалау әдістерін, зерттеу әдістерін, интеграцияланған оқытудың заманауи вариативтік модельдерін, жалпы білім беру жүйесінде ерекше қажеттіліктері бар балаларға арнайы білім беруді ұйымдастыру әдістерін меңгеруді қамтамасыз етеді.

Пән алынған білімді пайдалану мақсатында ғылыми жұмысты жүргізудің стандартты әдістері мен тәсілдерін қарастырады және нақты проблемалық жағдайларды талдайды. Ғылыми жұмысты рәсімдеу дағдыларын қалыптастырады.

Пән Педагогиканы оқыту мазмұнын, педагогикалық ғылымның қалыптасуының негізгі кезеңдерін және қазіргі педагогиканы зерттеу пәнін қарастырады. Адам өмірінің анатомиялық және физиологиялық параметрлерін ескере отырып, педагогикалық процестердің негізгі механизмдерін талдау бойынша ғылыми-зерттеу жұмыстарын жүргізу дағдыларын игеруге ықпал етеді.

Сөйлеу тілі бұзылыстарының себептерін, механизмдерін, белгілерін, түзету әрекеттерінің жүйесін зерттейді және оларды арнайы оқыту және тәрбиелеу арқылы анықтау алдын алу және жою жолдарын қалыптастыруға мүмкіндік береді. Мақсаты сөйлеу тілінің артикуляциясындағы ауытқуларды анықтай білу дағдылары қалыптасады.

Көруінде ауытқуы бар балаларды оқыту мен тәрбиелеу білім жүйесін ұйымдастырады. Мақсаты; көру қабілетін жаң жақты психологиялық-педагогикалық, клиникалық тұрғыдан зерттейді,көрмейтін және нашар көретіндердің дамуындағы қемістіктердің орның толықтыру, қайта қалпына келтіру оларды түзету жағдайларын дамытады.

Пән мектептегі тәрбие процесінің негізгі ұғымдарын, тәрбиенің қозғаушы күштерін,тәрбие процесін ұйымдастырудың негізгі әдістерін, құралдары мен формаларын қарастырады. Тәрбие процесіне және тәрбие процесін басқару әдістеріне сәйкес сабақтардың құрылымдық схемаларын әзірлеу дағдыларын қалыптастырады.

Мүмкіншілігі шектелген балалардың дамуының клиникалық ерекшеліктерімен, жүйке-психикасының бұзылуына жетектеуші негізгі себептерімен және ақыл-ой ауытқуының түрлерімен танысады, оларды түзету әдістеріне және алдын-алуға, емдеуге үйренеді. Мақсаты:дамуында түрлi ауытқуы бар балалардың ерекшелiктерiн зерттейтiн ғылымның қәзiргi жағдайын, балалардың физикалық, жүйке-психикалық, зияты дамуының жағдайын бағалауды және бұл жағдайды нормамен салыстыруды, зияты кемiстiгiмен байланысты жүйке-психикалық бұзылыстарды ажырата алуды меңгереді.

Педагогика ғылымының құрамдас бөлігі ретінде дефектология туралы толық білімдерін қалыптастыру. Мақсаты; мүмкіншілігі шектеулі тұлғаларды тәрбиелеу мен оқытуды ұйымдастыру, мазмұны, құралдары мәселелері бойынша ғылыми-теориялық зерттеулер және арнайы білім беру мәселелерін шешудің заманауи тәсілдері туралы толық түсініктерін меңгереді.

Білім беру ұйымындағы педагог-дефектологтың негізгі қызметі психофизикалық ерекшеліктеріне және когнитивтік қабілетінің әртүрлі ілеспелі бұзылыстарына байланысты негізгі жалпы білім беру бағдарламасын меңгеруде қиындықтарға тап болатын мүмкіндігі шектеулі балаларды оңалтуға бағытталған іс-әрекет құрылымын меңгереді. Мақсаты – білім беру бағдарламасының академиялық компонентін мейлінше табысты меңгеруді қамтамасыз ету, баланың танымдық, сөйлеу, эмоционалдық, әлеуметтік, адамгершілік дамуына ықпал ету, мүмкіндігі шектеулі баланың өмірлік құзыреттіліктерін дамыту, сол арқылы оның қоғамға табысты ену мүмкіндігін арттыру.

Еңбек әрекетін қалыптастыру негізінде оқушылардың жеке тұлғасын тәрбиелеу технологияларын меңгереді. Мақсаты оқушы тұлғасының жағымды қасиеттерін тәрбиелеу, еңбек түрлері бойынша бастауыш білімдерін жеткізу, еңбек дағдыларын қалыптастыру, еңбектің қолжетімді әдістеріне үйрету, түзету жұмысына еңбек тапсырмаларын орындауға қажетті бірқатар дағдыларды дамытуды үйренеді.

Қоршаған шындықтың дұрыс көп қырлы көп функционалды идеясын қалыптастыру үшін сенсорлық үрдістерді дамыту, баланың ойлау қабілетін, психикалық дамуын оңтайландыруға ықпал етуді үйренеді. Мақсаты сөйлеуді және жоғары психикалық функцияларды дамытуға бағытталған сенсорлық когнитивтік тәжірибені байыту, барлық сезім мүшелерінің жұмысын белсендіру, қоршаған шындықтың құбылыстары мен объектілерін олардың қасиеттерінің жиынтығында барабар қабылдау негізінде қалыптастыру.

Екі немесе одан көп ауытқушылықтары бар балалардың психикалық, физиологиялық ерекшеліктерін ескере отырып оқыту және тәрбиелеу дағдыларын игеруге ықпал етеді.Мақсаты психикалық қасиеттердің дамуын диагностикалаудың нақты психологиялық әдістері мен әдістерін қолдану дағдыларын дамытады.

Жүйке жүйесі ауруларының себебі мен механизмін анықтау, емдеу және олардан сақтандыру әдістері туралы білімдерді қалыптастырады. Мақсаты; жүйке жүйесінің барлық бөлімдерінің құрылысымен жүйелі түрде танысады, оның қызметінің және дамуының негізгі заңдылықтары туралы түсініктерін қалыптастырады.

Зияты зақымдалған балаларды тілге оқытудың негізгі заманау әдістері мен технологиялардың мазмұнымен танысу және балалардың психикалық дамуының негізгі заңдылықтарын зерттеуге арналған пән. Мақсаты: Зияты зақымдалған балалардың жазбаша сөйлеу тіліндегі бұзылыстарды зерттеу және тілге оқытудың ғылыми негіздегі әдістерін зерттеу дағдысы қалыптасады.

Ерекше білімді қажет ететін балалардың білім алуы мен тәрбиесімен қатар баланың қоршаған ортада өзін еркін ұстауға, әлеуметтік-тұрмыстық бейімделуіне, өзіне қызмет ете алу дағдыларын қалыптастырудың жолдарын үйренеді. Мақсаты түзете-дамыта оқыту сыныбындағы өткізілетін әлеуметтік-тұрмыстық бейімделу сабағында балалардың өзін-өзі басқара алуға, өзі өмір сүретін ортаны толық бағдарлай білуге, тұрмыстық құралдармен жұмыс жасай алу қабілеттерін дамыту жұмыстары жөнінде түсінік беріледі.

Пән әдістер жүйесіндегі кәсіби қарым-қатынастың орнын, рөлі мен маңыздылығын қарастырады. Әңгімелесушімен сенімді қарым-қатынасты дұрыс орнату және сендіру дағдыларын дұрыс пайдалану, сондай-ақ өзара әрекеттесу процесінде адамдарды қолдау дағдыларын дамытады.

Ерекше білім беруді қажет ететін балалардың сапалы білім алуы үшін жағдай туғызу қажеттілігі туралы түсініктерді қалыптастырады, мүмкіндігі шектеулі балаларды қолдау мен оңалту үшін ассистивті технологиялардың маңыздылығын түсінеді, оларды білім беру инклюзивті білім беру кеңістігіне қосуды үйренеді. Мақсаты ассистивті құралдарды пайдалана отырып, инклюзивті білім беру ортасының обьектілерінің мақсатқа бағыттылығын біліп түсінуі, білім беру вертикалінің түрлі баспалдақтары үшін инклюзияның басымшылықтарын анықтап алуы түрлі категориядағы ерекше білімді қажет ететін тұлғалар үшін арнайы дамытушылық ортаны құру қабілеттерін меңгерту.

Оқу үрдісінің динамикасындағы танымдық белсенділікті арттыру жолдарын, өнімді өзара әрекеттесуді түзету және дамытудың тәсілдерін меңгереді. Мақсаты көрнекі қабылдау мен тануды дамыту, көру жадын, заттардың қасиеттері (түсі, пішіні, өлшемі) туралы жалпылама түсініктерді қалыптастыру, кеңістіктік бейнелерді және бағдарлауды дамыту, уақытша түсініктерді дамытуды, есту зейіні мен есте сақтау қабілетін дамыту фонетикалық және фонематикалық бейнелеуді дамыту, дыбыстық талдауды қалыптастыру әдіс-тәсілдерін үйренеді.

Мектепке дейінгі балаларды тәрбиелеу және білім беру туралы заңдылықтарын ғылым ретінде анықтау. Коррекционды білім беру жүйесінде үш негізгі тәсілдер қарастырылады: білім беру, тәрбиелеу және психофизикалық дамуында ауытқуы бар компенсация және коррекция негізінде жеке тұлғасын қалыптастыру. Мақсаты ақыл есі кем балалардың жазбаша сөйлеу тіліндегі бұзылыстарды зерттеу және тілге оқытудың ғылыми негіздегі әдістерін қалыптастыру.

«Сауат ашу» пәнінің маңыздылығы – оқушылардың өмірінде жаңа пайда болған «жетекші әрекет» – оқу әрекетіне бейімдеу, тұрақты зейіні мен жадын, логикалық ойлауы мен білім алуға деген қызығушылығын қалыптастырып, ой-өрiсiн жетiлдiру, сөздік қорын молайтып, байланыстыра сөйлеуге үйрету міндеттерін жүзеге асыруында. Сауат ашу пәнінің мақсаты – айтылым, тыңдалым, жазылым және оқылым дағдыларын қалыптастыру үдерісі арқылы функционалды сауаттылығының негізін қалап, білім алуға ынталы жеке тұлғаның дамуына мүмкіндік жасау.

Оқу бағдарламасын меңгеруде қиындықтарға кездесетін үлгермеуші яғни, эмоционалдық ерік-жігер саласы жетілмеген, психикалық дамуы тежелген балаларға арнайы білім беру тәсілдерін меңгереді.

Ақыл-ойы кемістігінің дәрежелеріне қарай тұлғалардың дамуындағы ерекшеліктерін ескере отырып, әлеуметтік ортаға бейімдеудің тиімді әдістерін меңгереді. Мақсаты ақыл-ойы кем балаларды қоғамда өз бетінше өмір сүруге дайындау, әлеуметтік-тұрмыстық бағдарлау негізінде тәрбие беру.

Психикалық және физиологиялық дамуында ауытқу бар балалардың психикалық қабілеттер мен олардың танымдық әрекетті тексеруді жүзеге асыруда психидиагностикалық әдістемелердің түрлерін қолдануды және психологиялық- медициналық - педагогикалық тексеру жұмыстарының ұйымдастыруды үйренеді. Мақсаты: Кіші мектеп жасындағы дамуында ауытқуы бар балалардың зияткерлік даму қабілеттерін диагностикалаудың ғылыми-теориялық және практикалық мәселелерін қарастыру.

Әр түрлі коммуникативтік жағдайларда кәсіби терминдерді қолдана білуге машықтанады, зияты зақымдалған балалардың сөйлеу тілінің бұзылыстарын түзетуді, сауат ашуға оқытудың қағидаларын, әдістерін, формаларын, практикада теориялық білімдерін қолдануды үйренеді.

Сөйлеу тіл бұзылыстары бар балаларға жүргізілетін ритмикалық гимнастика және логомассаж тәсілдерімен түзету жолдары қалыптасады. Мақаты: Білім берудің арнайы ұйымдарында логопедиялық сабақтарды түзету ритмика мен логомассаж әдістерін енгізу үшін қажетті икемділіктерді мен дағдыларды қалыптастыру.

Зияты зақымдалған тұлғаларға әлеуметтік көмек жұмысын ұйымдастыру, оқытумен тәрбиелеудің жалпы педагогикалық негіздерін ашып көрсетеді. Мақсаты мүмкіндігі шектеулі тұлғаларды оңалту және бейімдеу үшін студенттерге арнайы түрдегі бағдарламаларды жасауға, әртүрлі кемістіктері бар балалардың кемістіктерін анықтауға, олармен арнайы жұмыс жүргізе алуға үйрету.

Мектеп жасына дейінгі зияты зақымдалған балалардың сөйлеу тілін тексеру, сөйлеу тілі бұзылыстарын түзету бойынша жұмысты жоспарлау. Мақсаты: Мектеп жасына дейінгі зияты зақымдалған балалардың сөйлеу тілін тексеру, зерттеу заманауи психокоррекциялық технологияларды қолдану еркшеліктері жөніндегі теоретикалық және практикалық түсініктерін қалыптастыру.

Арнайы мектептерде дүниетануды оқытудағы білімділік, түзетушілік және тәрбиелік мақсаттарды ашу. Дүниетануды оқытуда арнайы әдістерді қолдану үшін жағдайлар жасау және педагогикалық-түзетушілік үрдісті ұйымдастыру. Мақсаты студенттерге үздіксіз білім беру контексінде дүниетануды оқыту феноменін түсінуге мүмкіндік беретін теориялық білім кешенін беру.

Пән белгілі бір ауруды анықтау және емдеу кезінде медицина қызметкерінің психологиялық ерекшеліктерін қарастырады. Науқастың психикасына әсер етудің түзету әдістерін, оны емдеу кезінде қолданылатын әдістерді игеруге ықпал етеді, дәлелдер қалыптастырады.

Мектепке дейінгі сурдопедагогика туралы теориялық білімдермен танысады, кәсіби дайындықтарының деңгейін көтереді. Мақсаты есту қабілеті зақымдалған мектеп жасына дейінгі балалардың білім беру үрдісі мен жүйесінің мәнін, мазмұнын, құрылымын, жалпы және арнайы білім беру сферасында педагогикалық технологиялар және инновациялық үрдістерді; арнайы педагогикалық-психологиялық зерттеулерді жүргізу әдістері туралы білімдерін қалыптастыру.

Ерекше білімді қажет ететін мектеп жасына дейінгі білім алушылардың инклюзия негіздері туралы білімдері мен түсініктерін қалыптастыру. Мақсаты арнайы білім беру ұйымындағы оқыту мен тәрбиелеудің теориясы мен әдістемесін біледі, арнайы педагогиканың заманауи тенденцияларын, ерекше білімді қажет ететін білім алушылармен түзете-тәрбиелеу жұмысының мазмұны мен оның ұйымдастырылуы туралы тенденцияларын қалыптастырады.

Тұқымқуалаушылық заңдылықтарын қарастыратын генетика тәсілдерін тәжірибеде қолданылуын қамтиды. Сонымен бірге, неғұрлым ғылыми заңдарды еске алу мен оқуды және табиғи құбылыстарды түсіндіруді қалыптастыратын жаңа білімдер, жүйелік-генетикалық зерттеулер мәселелерін талқылайды. Мақсаты: Жүйелік-генетикалық зерттеулерде қолданылатын логикалық, тәжірибелік моделдерді, сонымен қатар негізгі қағидалар мен тәсілдерді дағдыларды жетілдіру.

Инклюзивті ортада есту қабілеті зақымдалған тұлғаларды қолдаудың теориялық және практикалық негіздері туралы білімдері мен түсініктері қалыптасады. Мақсаты инклюзивті ортадағы есту қабілеті зақымдалған балаларды қолдаудың ерекшеліктерін біледі, әлеуметтік педагогикалық қолдауды көрсете алуды үйренеді, есту қабілеті зақымдалған балалар мен олардың ата-аналарына психологиялық-педагогикалық қолдаудың барлық субьектілерін арасындағы өзара әрекеттесу тәсілдерін жүзеге асыру мәселелерінде құзіретті болады.

Медициналық көрсеткіштері бойынша үй жағдайында білім алатын және жалпы білім беру үрдісіне қосылған ерекше білім беруді қажет ететін балалардың тұлғалық дамуы мен жасерекшеліктерін, педагогикалық-психологиялық заңдылықтарын біліп, түсінеді. Мақсаты инклюзивті ортадағы ерекше білім беруді қажет ететін балаларды қолдаудың ұйымдастырушылық, технологиялық және құқықтық негіздерін, инклюзивті ортадағы ерекше білім беруді қажет ететін балаларды педагогикалық қолдаудың формалары мен қағидаларын, бейімделген оқу жұмыс бағдарламасын және жеке оқу жоспарын жасай алуы мен үй жағдайында білім алатын ерекше білім беруді қажет ететін балаларды әлеуметтендіру бойынша іс-шараларды жүргізе алу білімін қалыптастыру.

Студенттерде пәннің ғылыми-теориялық негіздерін қалыптастырады. Мақсаты көрмейтін және нашар көретін балалардың таным процестерінің ерекшеліктері мен олардың сурет салу іс-әрекетіндегі әсерін, көру қабілеті зақымдалған балалардың сурет салу іс-әрекетіне оқытудың офтальмогигиеналық және психологопедагогикалық негіздерін, көру қабілеті зақымдалған балаларды тифлографикаға үйрету ерекшеліктерін қалыптастыру.

МШ балалардың коммуникативті дағдыларын дамыту бойынша теориялық білімдерін қалыптастырады, педагогикалық процесске шығармашылық көзқарас, болашақ педагогтың тұлғалық кәсіби қасиеттерін тәрбиелейді. Мақсаты; МШ балалардың коммуникативті дағдыларын дамытудың ерекшеленген технологиялар негізінде түзете дамыту процессті іске асыруға; МШ балалардың коммуникативтік дағдыларын дамыту бойынша міндеттерін, мазмұнын, ұйымдастыру формаларын, негізгі жұмыс бағыттарын айқындау мәселелерінде құзырлы болады.

МШ балаларға білім беру жүйесі бойынша теориялық білімдермен танысады. Мақсаты жалпы және арнайы білім беру үрдісінің құрылымын, педагогикалық технологиясын, мүмкіндігі шектеулі балалардың психикалық даму заңдылықтарын, арнайы психологиялық және педагогикалық зерттеу әдістерін білу және мүмкіндігі шектеулі балаларға заманауи білім беру бойынша құзіреттіліктерді қалыптастыру.

МШ балалардың психомоторлық және дене дамуының ерекшеліктерін зерттеуді, студенттерде МШ балалардың аномальды дамуының жалпы заңдылықтарын, психомоторлық дамуының бұзылыстарының негізгі патопсихологиялық заңдылықтары туралы түсініктерін қалыптастырады. Мақсаты мектепке дейінгі арнайы білім беру ұйымдарында сауықтыру-дене шынықтыру бойынша сабақтардың мазмұнын анықтауды және ұйымдастуд, дене және қозғалыс бұзылыстары бар балаларды жіктеуді және МШ балалардың психомоторлық дағдыларын дамытуда әдіс-тәсілдерін қолдануды үйренді.

Түзету-педагогикалық процесінде артпедагогика әдістерін пайдалану формалары мен мүмкіндіктерін, педагогика пен өнерді өзара әрекеттестіріп жұмыс істеуді үйренеді. Мақсаты; түзету-педагогикалық процесінде артпедагогика және арттерапия әдістерін пайдалану арқылы түзету жұмыстарын жүргізу жолдарын меңгереді.

Арнайы мектепте бейнелеу өнері мен еңбекке оқыту сабағының теориясы мен технологиясы ол адамның санасы мен сезіміне әсер етіп, ондағы өмір ағысы мен құбылыстарына деген белгілі бір қатынасты тәрбиелейді, шынайы өмірді теренірек және толығырақ тануға көмектесетін пән. Мақсаты:Бейнелеу өнері мен қол еңбекке оқытудың әдістердің мазмұны мен көркемдік түрі бойынша жаңа технологиялық көзқарасты қалыптастыру.

Қазақстан тарихының және философияның, ұлттық және жеке қорларының, мәдени ашықтық пен экономикалық білімдердің теориялық негіздерімен әдіснамалық тәсілдерін біледі, негізгі тарихи оқиғаларды, экономикалық деректерді және әлеуметтік-экономикалық, саяси-мәдени даму үдерістерін талдайды, ағылшын тілін біледі, қазақша және орысша сөйлейді, тәрбие, оқыту және білім беру тәжірибесінің пайда болып дамуы және әр тарихи дәуірдегі тәлімдік ой-пікірлер мен теорияларды жүйелеп талдай алады.

Тәрбие және оқыту процестерінің нормаларымен танысады. Мүмкіндігі шектеулі балалардың психологиялық ерекшеліктері туралы біледі. Есту, көру, сөйлеу мүшелерінің құрлысын зерттеп, даму барысын қарастырады және әр түрлі сезім мүшелерінде кемістігі бар балалардың патологиялық ауруларын, себептерін, клиникалық ерекшеліктерін теорияларды жүйелеп талдай алады.

Педагогика және психология саласындағы терең кәсіби білім мен түсініктерді, сондай-ақ педагог-психологтың кәсіби және жеке қасиеттерін практикада қолдану.

Олигофрен балаларды қоғаммен таныстыруға және олардың құқықтық бейімделу, оңалту, дамыту, тәрбиелеу және оқыту теориясын, практикасын іске асыруға; кешенді психологиялық-педагогикалық және клиникалық тексеру жүргізе отырып, зағип және нашар көретіндерді түзету және оңалту жағдайларын анықтауға; дене, зияткерлік, әлеуметтік, эмоционалдық, тілдік және басқа да дағдыларға қарамастан тәрбиелеудің жалпы әдістерін іс жүзінде енгізуге қабілетті, тұлғаның басқа да ерекшеліктерін ескере отырып, инклюзивті білім беру; мүмкіндігі шектеулі тұлғаларға әлеуметтік көмек, оқыту және тәрбиелеуді ұйымдастырудың жалпы педагогикалық негіздерін ашуға қабілетті; мүмкіндігі шектеулі тұлғаларға арналған оңалту және бейімдеудің арнайы бағдарламаларын әзірлейді, әртүрлі ауытқулары бар балалардың кемшіліктерін анықтайды, олармен арнайы түзету жұмыстарын жүргізеді.

Кәсіби қызметте дефектологтың түзету жұмысын ұйымдастырудың міндеттері мен әдістерін жүзеге асыруға қабілетті; сөйлеу және есту бұзылыстары кезіндегі түзету іс-шараларының себептерін, механизмдерін, симптомдарын, ағымын, құрылымын, жүйесін зерттеуге қабілетті және оларды арнайы оқыту мен тәрбиелеу арқылы пайда болуын ескертеді.

Балалардың бастауыш білімін еңбек түрлері бойынша жетілдіруге және дағдыларды қолжетімді әдістер мен технологиялармен қалыптастыруға қабілетті; балада сенсориканы дамыту, ойлау қабілеті мен ақыл-ой дамуын оңтайландыруға ықпал етеді; ақыл-ой кемістігі бар балалардың тілдік бұзылыстарын түзетудің ғылыми негізделген әдістерін пайдаланады.

Арнайы педагогика бойынша білімдерін іс жүзінде іске асыруға; жүйке жүйесі ауруларын түзету және алдын алу дағдыларын дамытуға; түзетудің тиімді әдістерінің көмегімен мүмкіндіктері шектеулі адамдардың ойлау, сөйлеу, ерік күшін дамыту қабілетін дамытуға; зияткерлік мүмкіндіктері шектеулі адамдарды әлеуметтік бейімдеудің тиімді әдістерін пайдалануға қабілетті.

Есту қабілеті бұзылған балаларға әлеуметтік-тең бағытталған білім берудің негізгі міндеттерін жүзеге асыра алады, сондай-ақ қолжетімді түзету тәрбиесін ұйымдастыра алады және ол үшін арнайы жағдай жасай алады.

Арнайы (түзету) мектепте сурет салу мен еңбекке үйрету бойынша, балалардың жас ерекшелігіне қарай ойын түрлерін талдай алады, заманауи инновациялық технологиялардың, идеалардың, бағыттардың кең спектрін талдай алады, ғылыми педагогикалық зерттеу әдістері жүйесі зерттеушінің басшылыққа алатын қағидасымен және зерттеу әдістері жүйесі мен оны жіктеуі туралы біледі.

Мүмкіндігі шектеулі балалардың клиникалық даму ерекшеліктерін және олардың пайда болу себептерін, генетикалық өзгерістерді бағалай алады және оларды түзету әдістерін қолдана алады; арнайы мектептерде оқыту тілін біледі; педагогикалық процесте артпедагогика және арт-терапия әдістерін қолдана отырып түзету жұмыстарын жүргізеді.

Мүмкіндігі шектеулі балаларды оңалтуға бағытталған дефектолог қызметінің негізгі түрлерін көрсетуге қабілетті; зейіні мен есте сақтау қабілетін, фонетикалық және фонематикалық бейнені дамыту, дыбыстық талдауды қалыптастыру әдістері мен тәсілдерін қолдана отырып; күрделі ақаулары бар балаларда қоршаған ортада еркін мінез-құлық, өзіне қызмет көрсете отырып, леуметтік-тұрмыстық бейімделу дағдыларын қалыптастырады.