6B01512 География- Биология в QYZPU

Пәндер

• Жаратылыстану және жертану

  Пән - Жердің атмосфера, гидросфера, биосфера, литосфера қабықтары, Жердің пайда болуы және оның дамуы, Жерде тіршіліктің пайда болуы және оның эволюциясы, табиғат пен қоғамның өзара жүйелі байланысы туралы білімдер қалыптастырады. Студенттер Жердің қабаттары және олардың өзіне тән ерекшеліктерін көрсетеді. Жерде адамның пайда болуы және оның эволюциясы туралы ғалымдардың ғылыми пікірлерін талқылайды. Табиғи құбылыстар мен үрдістердің пайда болу себептерін анықтайды.

  Оқу жылы - 1
  Семестр - 1
  Несиелер - 6
  

• Экономика және кәсіпкерлік негіздері

  Пән студенттердің кәсіпкерлік дағдылары мен іскерлік ойлауын қалыптастыруға бағытталған. Студенттер экономиканың, кәсіпкерлік қызметті жүзеге асыру шарттарын, оның ішкі және сыртқы ортасының заңдылықтарымен жан-жақты танысу арқылы бизнес-жоспар, жеке бизнесті құру және өз бизнесін сәтті жүргізу дағдыларына ие болады.

  Оқу жылы - 1
  Семестр - 2
  Несиелер - 5
  

• Құқықтық сауаттылық және сыбайлас жемқорлыққа қарсы мәдениет негіздері

  Курс құқықтық сауатты, заңға бағынатын тұлғаны қалыптастыруға бағытталған. Студенттер өздерінің құқықтары мен міндеттерін біледі және сыбайлас жемқорлыққа мүлдем төзбеушілік танытады. Студенттер өз қызметінде қазақстандық қоғамның әлеуметтік, құқықтық және этикалық нормаларын қолдана алады . Курс қоғамдағы заңның үстемдігі, этикалық принциптері мен сыбайлас жемқорлықпен күресу принциптері туралы түсінік қалыптастырады.

  Оқу жылы - 1
  Семестр - 2
  Несиелер - 5
  

• Ботаника

  Курсты меңгеру барысында студенттер өсімдіктердің ішкі және сыртқы құрылыс ерекшеліктерін сипаттайды, өсу және даму заңдылықтарын зерттейді. Клетка құрылысына, ұлпаларға, тұқымға, көбеюге байланысты зертханалық сабақтарда өтілетін тақырыптарға талдаулар жасай алады. Студенттер ғылыми өндірістік және практикалық жұмыстарды жүргізу кезінде салыстырмалы морфологиялық әдісті және алған білімдерін қолдана алады.Сонымен қатар, өсімдіктердің табиғи жіктелуін, түрді анықтаудың әдістерін зерттейді.

  Оқу жылы - 1
  Семестр - 2
  Несиелер - 5
  

• Көшбасшылық негіздері және инновацияларға бейімделу

  Пәнді игеру арқылы әрбір студент жеке тұлға ретінде көшбасшылық қасиеттерін ашу және дамыту, инновациялық үдерістерден туындаған жаңалықтарға бейімделу дағдыларын дамыту, сонымен бірге ғылыми-техникалық үдерістер нәтижелерін кәсіби қызметінде қолдана алу мүмкіндіктеріне үйренеді.Басқарудағы көшбасшылық қасиеттер мен адами фактордың қазіргі жағдайы мен даму перспективаларын оқып біледі.

  Оқу жылы - 1
  Семестр - 2
  Несиелер - 5
  

• Эмоционалды интеллект

  Пән педагогтарға Қазақстанның мемлекеттік білім беру саясатының стратегиялық бағыттары мен басым бағыттары контекстінде тьютордың рөлін меңгертуге бағытталған. Студенттер эмоционалды интеллект пен икемді құзыреттіліктердің заманауи мектептің оқу-тәрбие процесіндегі орнын анықтайды. Олар икемді дағдыларды, оның ішінде цифрлық ортада дамытуды ескере отырып, оқу қызметін ұйымдастырудың заманауи әдістері мен технологияларын қолданады. Әртүрлі жасерекшелік топтарындағы білім алушылардың эмоционалды интеллектін бағалау және дамыту технологияларын меңгерген.

  Оқу жылы - 1
  Семестр - 2
  Несиелер - 5
  

• Математикалық статистика негіздері

  Пәннің мақсаты - студенттерді жүйелі ойлаудың формалары мен заңдылықтарымен таныстыру, студенттерді жүйелі ойлауға үйрету, оларда негізделген дәлелдеу дағдыларын дамытуға көмектесу болып табылады. Студенттер деректерді жинау, өңдеу және идеялар ұсыну процесін түсінеді, қарастырылатын объектінің немесе құбылыстың жағдайын бағалауда деректерді сандық және сапалық талдауды қолдану дағдылары қалыптасады.

  Оқу жылы - 1
  Семестр - 2
  Несиелер - 5
  

• Қаржылық сауаттылық

  Пән білім алушылардың қаржы жүйесі, қаржылық тәуекелдер, қаржы институттары және олардың өнімдері туралы білімдерін игеруге бағытталған. Нәтижесінде студенттер әртүрлі дерек көздерден қаржылық ақпаратты іздеуді, талдауды, түсінуді, бағалауды үйренеді және алған ақпаратты қаржылық мәселелерді шешу үшін пайдалана алады.Жалпы бұл курс қаржылық алаяқтықтың жоғары тәуекелі жағдайында білім алушыларда сауатты, ұтымды қаржылық мінез-құлықты қалыптастырады.

  Оқу жылы - 1
  Семестр - 2
  Несиелер - 5
  

• Экология және тұрақты даму

  Экология және тұрақты даму курсы студенттердің экологиялық дағдыларын дамытуға, заманауи экологиялық мәселелерді шешуге, қоғам мен табиғат арасындағы қарым-қатынасты дамыту жолдарын қалыптастыруға, студенттердің экологиялық санасын және қоршаған ортаны қорғауға жауапкершілігін арттыруға бағытталған.Нәтижесінде студенттер экологиялық тенденцияларды талдау және басым бағыттарды қалыптастыру, табиғатты қорғау бойынша нақты міндеттерді қою арқылы өмірлік маңызды тұрақтылықты сақтауды үйренеді. Сондай-ақ студенттер қазіргі заманғы экологиялық саясаттың негізгі бағыттарын, жаһандық, аймақтық және жергілікті деңгейде экологиялық проблемаларды шешудің практикалық тәсілдерін анықтай алады, сонымен қатар тұрақты даму мақсаттарына жету үшін табиғи ортаның сапасын басқарудың әртүрлі құралдарын қолдана алады.

  Оқу жылы - 1
  Семестр - 2
  Несиелер - 5
  

• Энтомология

  Студенттер насекомдардың шығу тегін, систематикасын, құрылысының морфологиялық-анатомиялық ерекшеліктерін, биологиясын, өсу және дамуының экологиялық ерекшеліктерін, практикалық маңызын, пайдалы және зиянды насекомдар түрлері мен оларды шаруашылықта қолдану жолдарын зерттейді. Биологиялық объектілердің әртүрлілігі туралы негізгі түсініктерге , биосфераның тұрақтылығы үшін биоәртүрліліктің маңызы, биологиялық объектілерді бақылау, сипаттау, сәйкестендіру, жіктеу, өсіру әдістерін қолдану мүмкіндігіне ие болады.

  Оқу жылы - 2
  Семестр - 1
  Несиелер - 6
  

• Зоология

  Пәнді оқу шеңберінде студенттер омыртқасыз және омыртқалы жануарларды жүйелейді. Олардың эволюциясы мен филогенетикалық байланыстарын, тіршілік әрекеттерін, қоршаған ортада таралуын зерттейді. Олардың құрылыс ерекшеліктерін сипаттайды, салыстырады. Табиғи және бекіткіш сұйықтардағы жануарларды, зертханалық жабдықтарды қолданады. Жануарлардың әртүрлілігі, ұйымдық ерекшеліктері, өмір салты, шығу тегі мен эволюциясы, табиғатта және адам өміріндегі маңызын зерттейді.

  Оқу жылы - 2
  Семестр - 1
  Несиелер - 6
  

• Картография

  Пән - географиялық карталар, картографиялық бейнелеу түрлері, карта бойынша өлшеу жұмыстарын жүргізу туралы білім қалыптастырады. Студенттер картографияның теориялық негіздерін, карталардың мазмұнын, математикалық және геодезиялық негіздерін, элементтерін біледі. Карталардың түрлері мен типтерін жіктейді. Карта бойынша масштабын, координаталар жүйесін, шартты белгісін анықтайды. Карталардағы бұрмалану мен картографиялық проекциялардың түрлерімен, географиялық карталарды жасаудың технологияларымен танысады. Карталарды құрастыруды, картаны құру принциптерін, картографиялық кескін жасауды және оны түрлендіруді түсінеді. Географиялық карталарды дұрыс пайдалануды біледі.

  Оқу жылы - 2
  Семестр - 1
  Несиелер - 5
  

• Академиялық жазылым

  Академиялық жазылым пәні білім алушыларды функционалды стиль түрлері мен ғылыми мақала жазу, салалық пәндік терминология, іс-қағаздарын жүргізу, академиялық сауаттылық дағдысын қалыптастырады. Сондай-ақ ғылыми баяндамалар жасауға, мәтіндерді кәсіби тұрғыдан талдай білуге, сыни ойлауға, плагиаттан сақтану жолдарын меңгертеді және ғылыми деректер қорынан ақпаратты табуға, жазба жұмысын жүйеліндіруге машықтанады.

  Оқу жылы - 2
  Семестр - 1
  Несиелер - 5
  

• Педагогикалық психология

  Пәннің мақсаты әр түрлі жас кезеңдерінде оқыту және тәрбиелеу психологиясы саласындағы білімді қалыптастыру болып табылады. Оқушыларды мектепте жетістікке жетуге ынталандырудың психологиялық жолдары туралы нақты түсінік қалыптасады және танымдық процестердің сапасын бағалайды. Студенттер мұғалім-оқушы-ата-ана жүйесінде сындарлы қарым-қатынас үлгілерін ассимиляциялау арқылы коммуникативтік құзыреттіліктерін дамытады. Курстың соңында олар білім берудегі психологиялық-педагогикалық тәсілдерді сыни тұрғыдан бағалау дағдыларын меңгереді.

  Оқу жылы - 2
  Семестр - 1
  Несиелер - 6
  

• Академиялық мақсаттағы ағылшын тілі

  Пән студенттерде ғылыми стильдің жанрлық түрлері туралы білімн қалыптастырады, кәсіби қызмет саласында ақпарат пен деректерді жинаудың, сақтаудың және өңдеудің заманауи әдістерін меңгертеді, сонымен қатар сөйлеу әрекетінің оқу, сөйлеу, сөйлеу. жазу, тыңдау сияқты төрт түрі бойынша академиялық байланыс дағдыларын дамытады.

  Оқу жылы - 2
  Семестр - 1
  Несиелер - 5
  

• Қоршаған орта туралы ілім

  Пәнді оқу барысында студенттер қоршаған ортаның экологиялық ахуалын, биосфера компоненттері мен эволюциясын, процесстердің даму заңдылықтарын меңгереді. Тірі зат концепциясы мен тіршілік тұрақтылығы және тұрақты даму концепцияларын қарасытарады. Адам қоныстарының генезисі, қалалық аумақтардың фаунасы мен флорасының құрылымы туралы, экологиялық мониторингтің әдіснамасы, биосфераға деген ғылыми ойлауы мен дүниетанымын және ғылыми көзқарас қалыптасады.

  Оқу жылы - 2
  Семестр - 2
  Несиелер - 5
  

• Климатология және гидрология

  Пән-климат оның типтері, қалыптасуы, жер бетінде таралуы және уақыт бойынша өзгеруі. табиғи суларда өтіп жатқан процестер, су нысандарының гидрологиялық жағдайы туралы білім қалыптастырады. Студенттер Жер планетасының климаттық ерекшеліктерін, олардың себептері мен жағдайларын, климаттың қалыптасуын түсінеді. Жаһандық және жергілікті климаттың өзгеруін, жылыну процестерін, су ресурстарын тиімді пайдалану жолдарын талдайды. Климаттың типтерін жіктейді, климат өзгерістерін салыстырады.

  Оқу жылы - 2
  Семестр - 2
  Несиелер - 5
  

• Географиялық орта және тұрақты даму

  Пән - географиялық орта және қоғамның тұрақты дамуының негізгі заңдылықтарын, географиялық ортаның экологиялық факторларын, ғаламдық экологиялық мәселелерді, тұрақты даму саласындағы концепцияларды, Қазақстанның тұрақты даму бағыттары туралы білім қалыптастырады. Студенттер географиялық ортадағы экологиялық проблемаларды талдайды. Адам, қоғам, табиғат арасындағы қарым-қатынастарды саралайды. Географиялық ортаның экологиялық жағдайы мен тұрақтылығын болжайды. Табиғат ресурстарын тиімді пайдалануды негіздеід, географиялық ортаны оңтайландырудың жолдарын ұсынады.

  Оқу жылы - 2
  Семестр - 2
  Несиелер - 5
  

• Геология және геоморфология

  Пән -Жердің пайда болуы мен дамуы, геологиялық процестер, жер бедері, оның түрлері мен пішіндері, жаратылысы, таралуы туралы білімдер қарастырылады. Студенттер Жер бедерінің пішіндерін, сыртқы және ішкі процестерді сипаттайды. Пайдалы қазбалардың пайда болуы және оларды тиімді пайдалану жолдарын біледі. Тау жыныстарының абсолюттік және салыстырмалы жасын анықтайды. Тау жыныстары мен минералдарды салыстырады. Геологиялық, геоморфологиялық карталарды талдайды. Геологиялық қима дайындайды.

  Оқу жылы - 2
  Семестр - 2
  Несиелер - 5
  

• Педагогика және дидактика

  Пәннің мақсаты ғылым ретінде педагогика туралы жалпы түсінік пен зерттеуге бағытталған оқыту концепцияларын қалыптастыру. Студенттер педагогика ғылымының дамуының тарихи алғы шарттарын меңгереді, дидактиканың негізгі заңдылықтары мен қағиаларын түсінеді. Студенттер цифрлық құралдарды пайдалана отырып, өзекті ғылыми ақпараттарды іздеуді және талдауды жүзеге асырады, педагогика мен дидактиканың іргелі негіздеріне сүйене отырып, өз көзқарасын білдіруге қабілетті.

  Оқу жылы - 2
  Семестр - 2
  Несиелер - 6
  

• Экофизиология

  Пәнді оқу шеңберінде студенттер өсімдіктердің физиологиялық және экологиялық факторларға өзгергіштігін, биохимиялық негіздерін зерттейді. Өсімдіктердің қоршаған ортадағы физиологиялық процестермен, температурамен, абиотикалық стресс жағдайындағы жаһандық өзгерістермен өзара әрекеттесуін талдайды. Білім алушылар тірі организмдердің физикалық тіршілік ету ортасының факторларымен немесе басқа организмдермен экологиялық байланыста қолданылатын биофизикалық, биохимиялық және физиологиялық процестермен өзара әрекеттесуін зерттеуде жаңа құзыреттерге ие болады.

  Оқу жылы - 2
  Семестр - 2
  Несиелер - 5
  

• Инклюзивті білім беру

  Пән студенттердің әрбір мүшесі өзінің құндылығы мен маңыздылығын сезінетін инклюзивті қоғам қағидалары туралы түсінігін қалыптастыруға және дамытуға бағытталған. Оқушылар жас ерекшеліктеріне байланысты физиологияны, анатомияны жақсы біледі, жасерекшелік физиологиясы туралы терең білімге сүйене отырып, танымдық дағдылардың қағидаларын түсінеді, ерекше білімді қажет ететін балалармен жұмыс жасай алады, инклюзивті білім беру ортасын құрудың стратегияларын біледі және оны жүзеге асыра алады.

  Оқу жылы - 2
  Семестр - 2
  Несиелер - 6
  

• Кәсіби этика және сәйкестік

  Пәннің мақсаты студенттерді кәсіби педагогикалық ортада қабылданған көзқарастармен, құндылықтармен, білімдермен, сенімдермен және дағдылармен таныстыру. Студенттер педагогикалық немесе басқа да қызмет аясында көшбасшылық және белсенділік дағдыларын, Қазақстанның ұлттық және мәдени құндылықтарына деген сүйіспеншілігін дамытады, кәсіби этикамен танысады, оны құндылық ретінде қабылдай отырып, қатаң сақтауды үйренеді. Студенттер мансап жолын жоспарлай отырып, өзін-өзі талдау және өзін-өзі басқару дағдыларын дамытады.

  Оқу жылы - 3
  Семестр - 1
  Несиелер - 5
  

• Биологияны оқыту әдістемесі

  Пәнді оқу барысында студенттер биология курсын оқу бағдарламасы деңгейінің “Мемлекеттік жалпыға міндетті білім беру стандартына” сәйкес іске асыру контекстінде оқытудың заманауи мақсаттары мен міндеттерін жалпы білім беретін мектептегі негізгі биология пәнінің құрылымы мен жаңартылған пәндік мазмұнын зерттейді. Критериалды бағалау жүйесін түсініп, педагогикалық әдіс-тәсілдерді қолданады. Орта мектептерде, IT технологияларын қолдана отырып биология сабақтарын өткізе алады. Білім алушылардың оқу-зерттеу қызметіне жетекшілік ету қабілетіне ие болады.

  Оқу жылы - 3
  Семестр - 1
  Несиелер - 5
  

• Жасанды интеллект негіздері

  Бұл пәнді оқудың мақсаты жасанды интеллект (ЖИ) саласындағы теориялық білім мен дағдыларды және жасанды интеллекттің заманауи құралдары мен әдістерін қолданудың практикалық дағдыларын қалыптастыру.Студенттер AI туралы негізгі түсініктермен танысады; негізгі AI тұжырымдамалары мен әдістерін үйренеді; негізгі интеллектуалды бағдарламалық жүйелерде ЖИ ұсынылған теорияларын, әдістері мен принциптерін қолдану қабілетін алады.

  Оқу жылы - 3
  Семестр - 1
  Несиелер - 5
  

• Әлемнің физикалық-географиялық аймақтары

  Пән-материктер мен мұхиттар туралы білім қалыптастырады. Материктердің физикалық - географиялық ерекшеліктері, мұхиттардың экологиясы және олардың табиғи ресурстарын тиімді пайдалану жолдары көрсетіледі. Студенттер құрлықтардың пайда болуын, ашылу тарихын, зерттелу кезеңдерін, мұхит суларының ерекшеліктерін біледі. Студенттер материктердің жер бедерін, климатын, ішкі суларын, топырағын, өсімдіктер жамылғысы мен жануарлар дүниесін салыстырады. Материктердің ұқсастығы мен айырмашылығын анықтайды.

  Оқу жылы - 3
  Семестр - 1
  Несиелер - 6
  

• Географияны оқыту әдістемесі

  Пән - географияны оқытуда оқу жұмысын жоспарлау мен ұйымдастыру формаларын, инновациялық технологиялар, педагогикалық әдістер туралы білім қалыптастырады. Студенттер География бойынша мектеп бағдарламалары мен оқулықтарының мазмұнын біледі, сабақ жоспарларын әзірлейді, критериалды бағалау жүйесін меңгерген, инновациялық әдістер мен технологияларды, географиялық оқыту құралдарын пайдаланады. Студенттер оқыту әдістері мен оқушы білімін байланыстыра отырып, педагогикалық шеберлігін жетілдіреді, оқушының таным қабілетін дамыту мүмкіндіктерін ашады.

  Оқу жылы - 3
  Семестр - 1
  Несиелер - 5
  

• Критериалды бағалау технологиясы

  Пән технологияны оқу үдерісінде практикалық қолдануды оқытады. Курс білім беру мақсатындағы таксономияның негізінде және білім алушының білім деңгейіне сәйкес оқыту нәтижелерін бағалаудың критерийлері мен формативтік және жиынтық тапсырмаларды әзірлеу дағдыларын қалыптастыра отырып, оқыту нәтижелері мен әдістерінің өзара талаптары мен мақсаттарын үйретеді және бақылаудың рейтингтік жүйесінің тұжырымдамасын ашады

  Оқу жылы - 3
  Семестр - 1
  Несиелер - 5
  

• Цитология, гистология және эмбриология

  Пәнді оқу барысында студенттер организмдердің ядросын және жасушаның бөліну типтерін, клетка қосындыларын, ядро қабықшасын, протоплазмасын, жасуша құрылымындағы жалпы заңдылықтарды меңгереді. Ұлпалардың классификациясы, қызметі және жыныс жасушаларының қалыптасуы, дамуы мен ұрықтану процесі, эмбрионалды дамудың негізгі кезеңдері жайлы білімдері қалыптасады. Жасушаның, ұлпаның микроскопиялық құрылысын зерттеу әдістерін меңгереді. Гистологияның анатомия, биохимия және физиология ғылымдары арасындағы органикалық байланысын анықтайды.

  Оқу жылы - 3
  Семестр - 1
  Несиелер - 6
  

• Клеткалық патология

  Бұл пәнде білім алушылар жасушаішілік гомеостаздың бұзылуымен сипатталатын типтік патологиялық процесстерді қарастырады. Жасушаның функционалдығын шектейтін және оның өліміне немесе өмір сүру ұзақтығының төмендеуіне әкелуін зерттейді. Ұлпалар мен ағзадағы жасушаның патологиялық бұзылуын, гистопатология және цитопатологиялық молекулалық әдістерді, қатерлі ісік ауруларының бастапқы деңгейі туралы білімдерін толықтырды. Тірі ағзалардағы ауруға байланысты дамитын патологиялық процестердің морфологиялық негіздері туралы білімі қалыптасады.

  Оқу жылы - 3
  Семестр - 1
  Несиелер - 6
  

• Адам анатомиясы

  Пәнді игеру барысында студенттер адам ағзасының формасы мен құрылымын, пайда болуы мен дамуын зерттейді. Жас, жыныстық және жеке ерекшеліктерін ескере отырып, дене бөліктері мен мүшелерінің пішінін, құрылымын, орналасуын және топографиялық қатынастарын жүйелі түрде сипаттайды. Өзінің болашақ кәсібінің әлеуметтік маңыздылығын түсінеді, кәсіби қызметті жүзеге асыруға қабілетті болады. Негізгі биологиялық ұғымдарды, биологиялық заңдар мен құбылыстар туралы білімді меңгереді.

  Оқу жылы - 3
  Семестр - 2
  Несиелер - 6
  

• Геоглобалистика

  Пән - ғаламдану процестері, жаһандық проблемалардың (климаттың жылынуы, шөлдену үдерісі, демографиялық дағдарыс, кедейшілікпен күрес, соғыс және бейбітшілік) табиғаты мен себептері, өзара қарым қатынасы және оларды шешудің ықтимал жолдары туралы білім береді. Антропогендік әрекеттердің биосфераға әсерін, қоғам мен табиғаттың өзара қарым-қатынасы туралы түсінік қалыптастырады. Студенттер ғаламдық проблемалардың оң және теріс әсерлерін, жағымсыз әсерлердің алдын алу жолдарын және жаһандық проблемаларды шешудегі Қазақстандық сектордың роліне талдау жасайды.

  Оқу жылы - 3
  Семестр - 2
  Несиелер - 5
  

• Жеке даму биологиясы

  Курсты игеру барысында студенттер ағзалардың онтогенетикалық даму заңдылықтарын меңгереді. Студенттер организмдерде өтетін макро - және микроморфологиялық, физиологиялық-биохимиялық, молекулалық және генетикалық процестер туралы, сондай-ақ жануарлар мен өсімдік организмдерінің онтогенезінің барлық кезеңдерінде даму процесін басқаратын факторлар мен механизмдер туралы түсініктерді біледі. Ақпараттық-коммуникациялық технологияларды пайдалана отырып және ақпараттық қауіпсіздіктің негізгі талаптарын ескере отырып, кәсіби қызметтің стандартты міндеттерін шешуге дайын болу.

  Оқу жылы - 3
  Семестр - 2
  Несиелер - 6
  

• Әлемнің экономикалық географиясы

  Пән дүние жүзіндегі мемлекеттердің экономикалық-әлеуметтік жағдайын сипаттайды. Елдердің экономикалық, әлеуметтік, саяси, экологиялық мәселелерін, мемлекеттер арасындағы геоэкономикалық байланыстарды қарастырады. Студенттер дүние жүзінің саяси картасының қалыптасу кезеңдерін, сандық және сапалық өзгерістерін талқылайды, дүние жүзі елдерін топтастырады, дүние жүзілік шаруашылықтың салаларын (өндіруші және өңдеуші) бөледі, дүниежүзінің табиғат байлықтарын, халқын, еңбек ресурстарын жіктейді, дүние жүзі елдерінің әлеуметтік-экономикалық дамуын салыстырады.

  Оқу жылы - 3
  Семестр - 2
  Несиелер - 6
  

• Қазақстанның физикалық географиялық аймақтары

  Пән - Қазақстан аумағының қалыптасуы мен дамуы, геологиялық кезеңдері туралы білім қалыптастырады. Студенттер Қазақстан аумағы табиғатының зерттелу тарихын біледі. Қазақстанның географиялық орнын, табиғат жағдайын, пайдалы қазбалардың түрлерін сипаттайды, табиғи-аумақтық кешендердің ерекшеліктерін біледі. Қазақстанның климатын, ішкі суларын, топырағын, жануарларын, өсімдіктерін, пайдалы қазбаларын зерттейді. Физикалық аймақтары мен ерекше қорғалатын аумақтарына шолу жасайды. Жер қойнауын тиімді пайдалануды, қоршаған орта экологиясының мәселелерін талқылайды.

  Оқу жылы - 3
  Семестр - 2
  Несиелер - 5
  

• Қазақстаннның экономикалық географиясы

  Пән - Қазақстанның әкімшілік-аумақтық бөлінісін, халқы мен еңбек ресурстарын, экономикасын, шаруашылығын сипаттайды. Қазастанның табиғи ресурстарын, шаруашылық салаларын жіктейді. Студенттер Қазақстанның экономикалық, әлеуметтік және геосаяси жағдайын, әлем елдері арасындағы рөлі мен орнын талқылайды. Қазақстанның экономикалық дамуын басқа елдермен салыстырады. Қазақстанның сыртқы экономикалық байланыстары туралы пікір білдіреді. Қазақстанның қазіргі экономикалық жағдайын бағалайды. Қазақстанның экономикалық аудандары мен аймақтарын бөледі.

  Оқу жылы - 3
  Семестр - 2
  Несиелер - 5
  

• Өсімдіктер мен жануарлар селекциясы

  Курсты игеру кезінде студент өсімдіктер мен жануарлардың өсіруінің заманауи әдістерімен және бағыттарымен, селекциялық ғылымның алдында тұрған мәселелермен, өсімдіктерді генетикалық және селекциялық жақсарту әдістерімен танысады. Фенотипті қалыптастырудағы тұқым қуалаушылық пен ортаның арақатынасын, адамзаттың әл-ауқатын жақсартудағы селекцияның рөлін зерттейді. Генетика мен селекцияның негізгі заңдылықтары мен қазіргі жетістіктері, геномика, протеомика туралы негізгі идеяларды меңгереді.

  Оқу жылы - 4
  Семестр - 1
  Несиелер - 4
  

• Педагогикалық зерттеулер негіздері

  Пән педагогикалық зерттеу саласында зерттеушілік дағдыларды дамытуға бағытталған. Студенттер зерттеудің негізгі сапалық және сандық әдістерін біледі, ғылыми әдебиеттерді талдай алады, Action research, lesson study әдістемелерін, бақылау мен рефлексияны меңгерген. Студенттер деректерді өңдей алады және көпшілікке ұсыну үшін зерттеу нәтижелерін ауызша және жазбаша түрде құрастыра алады.

  Оқу жылы - 4
  Семестр - 1
  Несиелер - 10
  

• Қазақстанның туризм географиясы

  Пән - Қазақстан Республикасының туристік-рекреациялық ресурстарының аймақтық ерекшеліктерін ескере отырып, сыртқы және ішкі туризм туралы білім береді. Қазақстанның қызмет көрсету түрлерін, туризм индустриясының дамуын, туристік потенциалын қалыптастыру жолдары туралы түсінік қалыптастырады. Студенттер Қазақстанның ерекше қорғалатын табиғи аумақтары (қорықтары, ұлттық саябақтары, табиғат ескерткіштері) және олардың ерекшелігі, табиғатты қорғаудағы, туризмді дамытудағы маңызын біледі. Студенттер Қазақстан Республикасында жергілікті саяхаттарды, турларды өткізуді жоспарлайды. Туризмнің әр түрлі саласында белсенді жорықты ұйымдастырады.

  Оқу жылы - 4
  Семестр - 1
  Несиелер - 5
  

• Топонимика

  Пәнде топонимика туралы ұғымдар мен түсініктер, топонимиканың теориялық негіздері, топонимдер, географиялық атаулардың негізгі топтары, топономикалық жүйелердің қалыптасуына әсер етуші факторлар қарастырылады. Пән географиялық атауларды, олардың шығу тегін, семантикалық мағынасын, мәнін, топонимика бөлімшелерін, топонимдердің мен этимологиясын, топонимикадағы сөзжасам принциптерін, картографиялық топонимикадағы қатарлар заңын, жергілікті дамуын, қазіргі жағдайын, негізгі топтарын, жазылуын және айтылуын оқытады. Студенттер топонимдерді топтар бойынша біріктіреді, географиялық атаулардың мағынасын анықтайды.

  Оқу жылы - 4
  Семестр - 1
  Несиелер - 5
  

• Генетика және молекулалық биология негіздері

  Пәнді оқу барысында студенттер генетика және молекулалық биологияның даму тарихы мен зерттеу әдістерін және басқа ғылымдармен байланысын оқып үйренеді. Сонымен қатар тұқым қуалаушылықтың материалдық негізідері яғни ядроның, хромосоманың, ДНҚ-ның құрылымдық ерекшеліктерімен танысады. Г.И. Мендель заңдарына тоқталып, яғни моно және дигибридті (аллельді емес гендердің әрекеттесуі) будандастыруға есептер шығара отырып тұқым қуалаушылық пен өзгергіштіктің ұрпақтар бойында сақталуын анықтай алады және онтогенез барысында, адам генетикасына тоқалып шежіре құру әдісін үйренеді. Жасушаның макромалекулалары ақуыз, нуклейн қышқылдарына және олардың жүру процесстеріне кеңінен тоқталады. Трансляция, транцкрипцияның жүруі, гендер экспрессиясының механизмдерімен танысады.

  Оқу жылы - 4
  Семестр - 1
  Несиелер - 4
  

• Антропология

  Бұл курста студенттер адамның және адамның нәсілінің эволюциясы, адамның физикалық құрылымы, этникалық және басқа да халықтардың морфологиялық және физиологиялық ерекшеліктерін меңгереді. Студенттер адам мәдениеті мен өркениетін қалыптастыру, әр түрлі тарихи кезеңдерде және әртүрлі аумақтарда адамзат қоғамының құрылымын зерттейді. Биологиялық процестерді зерттеуге қазіргі эволюциялық көзқарастың дәлелін, биологияны оқытудың заманауи ғылыми негізделген әдістерін, әдістері мен құралдарын, оның ішінде оқытудың техникалық құралдарын, ақпараттық және компьютерлік технологияларды пайдалану дағдыларын меңгереді.

  Оқу жылы - 4
  Семестр - 1
  Несиелер - 5
  

• Эволюциялық ілім

  Курс заманауи эволюциялық теорияның қалыптасу тарихын және оның негізгі ережелерін, микро- және макроэволюция процестерінің ерекшеліктерін, түртүзілу концепциясын, популяцияның генетикалық құрылымын, модификация мен мутациялық өзгергіштіктің себептерін, абиотикалық, биотикалық және антропогендік факторлардың тірі организмдердің тұқым қуалаушылық пен өзгергіштікке әсерін меңгеруге бағытталған.

  Оқу жылы - 4
  Семестр - 1
  Несиелер - 5
  

• Географиялық зерттеу әдістері

  Пән географиялық білім беру мен географиялық зерттеулер жүргізуде географиялық зерттеу әдістерін қолданудың теориясы мен практикасын меңгертеді. Пән географиялық зерттеу әдістерінің мәні мен зерттеу нысандарын, негізгі және заманауи әдістерін оқытады. Студенттер географиялық зерттеу әдістерінің мәнін түсініп, географиялық әдістерді жіктейді. Тәжірибелік, эксперименттік, аналитикалық жұмыстарды жүргізуде географиялық әдістерді қолданады. Географиялық нысандарды, құбылыстарды, процесстерді зерттеу барысында географиялық жазбаларды құру, графикалық материалдарды алу үшін географиялық әдістер мен тәсілдерді пайдаланады. Жобаларды дайындап, талқылайды.

  Оқу жылы - 4
  Семестр - 1
  Несиелер - 5
  

• Биохимия

  Курсты игеру барысында студент тірі организмдердің химиялық құрамын және олардағы химиялық процестер мен реакциялар туралы білім алады. Ең маңызды биологиялық қосылыстардың - ақуыздардың, нуклеин қышқылдарының, көмірсулардың, липидтердің құрылымы мен қасиеттерін; олардың ағзадағы химиялық өзгерістері және тіршіліктің физика-химиялық негіздерін түсіну үшін осы түрлендірулердің маңызын меңгереді. Биохимия саласындағы негізгі теорияларды, тұжырымдамалар мен принциптерді біледі және қолданады, жүйелік ойлауға қабілетті болады.

  Оқу жылы - 4
  Семестр - 1
  Несиелер - 5
  

• Энзимология негіздері

  Энзимология негіздері пәнін оқу барысында студенттер ферменттер туралы білімдерін жетілдіреді. Биохимиялық процестерге негізделген және әртүрлі өндірістерде, ауыл шаруашылығында және медицинада қолданылатын биохимиялық реакциялар үшін протеин катализаторларының жұмыс істеу принциптерін игереді. Далалық және зертханалық биологиялық ақпаратты өңдеудің, талдаудың және синтездеудің заманауи әдістерін қолданады, ғылыми-техникалық жобалар мен есептерді құрастыру принциптерін біледі.

  Оқу жылы - 4
  Семестр - 1
  Несиелер - 5
  

• Геоинформатика

  Пән географиялық ақпараттық жүйелердің құрылымы, классификациясы, функционалдық мүмкіндіктері, географиялық ақпарат пен жүйелердің дерекқорын әзірлеу туралы түсінік қалыптастырады. Студенттер географиялық ақпараттарды енгізу, сақтау, өңдеу, талдау, визуализациялау үшін қолданылатын толық функционалды бағдарламалармен танысады. Бағдарламалық құралдарды пайдалануды, компьютерлік желілерде жұмыс жасауды үйренеді. Студенттер геоақпараттық технологияларды пайдалана отырып, географиялық деректердің топтарын құрады, картографиялық жұмыстардың түрлерін құрастырып, өңдейді.

  Оқу жылы - 4
  Семестр - 1
  Несиелер - 5
  

Профессии

Оқыту нәтижелері

• Әлеуметтік-мәдени әртүрлілікті ескере отырып, қарым-қатынастың әртүрлі форматтарын пайдаланады, әл-ауқатты және инклюзивті ортаны қалыптастыруда білім берудегі теңдік пен қолжетімділік қағидаларын құрметтейді, көшбасшылық қасиеттерге ие және оларды ұжымдық әлеуетті дамыту үшін қолдана алады.
• Кәсіби тапсырмаларды орындау үшін өзін-өзі реттеу мен рефлексияға қабілетті, жоғары деңгейдегі сыни және шығармашылық ойлау дағдыларын меңгерген.
• Сандық технологияларды зерттеулер мен қолдануда әдеп және құқықтық нормаларды сақтайды және біледі. Сандық ақпаратпен және деректерді қорғаумен жұмыс істеу кезінде қауіпсіздік шараларын қолданады, сандық ресурстарды белсенді, қауіпсіз және әдепті пайдалануға ықпал етеді.
• География ғылымының тарихын, теориялық негіздерін, негізгі мәселелерін, болашағын талқылайды, Жер шарына тән заңдылықтарды, табиғи құбылыстар мен үрдістердің пайда болу себептерін біледі, болжайды, анықтайды, салыстырады, физикалық-географиялық жағдайды, табиғат компоненттерінің өзара байланыстарын түсінеді, сипаттайды, табиғи аумақтық кешендерді және олардың орналасу ерекшеліктерін ажыратады, географиялық нысандар мен рекреациялық орындарды анықтайды.
• Экономикалық-географиялық жағдайды сипаттайды, әлеуметтік-экономикалық дамуы мен рекреациялық қызметтің сапасын салыстырады, бағалайды, геоэкономиканың категорияларын, табиғи ресурстарды тиімді пайдалану жолдарын біледі, жіктейді, елдер мен аймақтардың географиялық кеңістіктегі рөлін анықтайды, геоэкономикалық жағдайды талқылайды, бағалайды.
• Саяси географияның мәнін, негізгі түрлерін, қоршаған ортаны қорғаудың жолдарын біледі, сыртқы және ішкі геосаясатты, әкімшілік-аумақтық бөлінуі мен аймақтық саясатын, саяси идеяларды талқылайды. Қалалық агломерацияларды салыстырады, қалалық дамудың стратегиялық бағыттарын, қоршаған орта экологиясының мәселелерін талқылайды, талдайды, тұрақтылығын болжайды.
• Географиялық карталар мен пландарды жасайды, талдайды, картографиялық-геодезиялық өлшеу және далалық зерттеу жұмыстарын жүргізеді. Географиялық ұғымдар мен терминдерді, географиялық атаулардың мағынасын анықтайды, географияның оқыту құралдарын, топографиялық құралдарды, геодезиялық аспаптарды, геоақпараттық технологияларды, географиялық зерттеу әдістерін біледі, жіктейді, қолданады.
• Өсімдіктер, жануарлар мен микроорганизмдердің қоршаған ортаға таралуы, жүйеленуі, эволюциясы және филогенетикалық байланысының принциптерін оқыту үдерісінде қолданады.
• Молекулалық биология, биотехнология, және микробиологиялық зерттеу әдістерін меңгереді, ғылыми жобаларда қолданады.
• Адам ағзасының негізгі құрылымын, тарихи дамуын, жас ерекшеліктерін және оның қоршаған ортамен өзара әрекеттесуін талдайды.
• Қазіргі заманғы биология ғылымы саласындағы білімдерді меңгереді, жоғары кәсіби оқытушылардың тәжірибесін зерттейді, жинақтайды, қолданады және таратады.
• Географияны мен биологияны оқытудың инновациялық әдістерін және практикалық іс-әрекет тәсілдерін, критериалды бағалау жүйесін қолдана білуге қабілетті. Педагогикалық және географиялық, биологиялық тәжірибелерді меңгереді, зерттеулер нәтижесін кәсіби қызметінде қолданады.

Ұқсас БББ