6B04105 Мемлекеттік және жергілікті басқару в Қ.Жұбанов атындағы Ақтөбе өңірлік университеті

Пәндер

• Пәнаралық білім беру модулі (Қаржылық сауаттылық және кәсіпкерлік негіздері, Құқық және сыбайлас жемқорлыққа қарсы мәдениет негіздері, Экология және өмір қауіпсіздігі)

  Модуль пәндері қаржы өнімдерін тұтыну кезінде туындайтын мәселелердің ықтималдығын азайту мақсатында қаржылық сауаттылық бойынша, кәсіпкерлік қызмет негіздері, экономикалық ойлауды қалыптастыру және өз ісін құру, құқық негіздері, құқықтық өзін-өзі тануды және сыбайлас жемқорлыққа қарсы мәдениетті арттыру, экология және экологиялық мәдениет негіздері, тіршілік қауіпсіздігі бойынша білім алушылардың білімі мен дағдыларын игеруіне арналған.

  Оқу жылы - 1
  Семестр - 1
  Несиелер - 5
  

• Экономикалық теория

  "Экономикалық теория" курсы аясында экономикалық заңдылықтардың негізгі мәселелері, оның ішінде экономиканың қалыптасу кезеңдері қарастырылады. Сонымен қатар, курс микроэкономика және макроэкономика саласында іргелі білімді қалыптастыруды қамтамасыз етеді және студенттерге практикада қолдана отырып, әртүрлі экономикалық бағыттардың рөлін түсіну үшін қажет практикалық дағдылар жүйесін қалыптастырады. Бұл курсты оқыту оқытудың мынадай белсенді әдістерін қолданумен қатар жүреді: дәріс-презентация, тренинг, дискуссиялық талқылау, бизнес-жоба, кейстік әдіс.

  Оқу жылы - 1
  Семестр - 1
  Несиелер - 6
  

• Мамандыққа кіріспе

  "Мамандыққа кіріспе" пәні бойынша білім алушылар есептің даму тарихымен, есепке алудың мәні мен түрлерімен, бухгалтерлік есепке алу мен аудиттің ерекшеліктерімен танысады, Қазақстан Республикасындағы бухгалтерлік есепке алу мен аудитті нормативтік реттеуді қарастырады, сондай-ақ халықаралық қаржылық есептілік стандарттарының және халықаралық аудит стандарттарының негіздерін зерттейді.

  Оқу жылы - 1
  Семестр - 2
  Несиелер - 6
  

• Микроэкономика

  "Микроэкономика" курсы тауарлар мен қызметтер нарығындағы тұтынушылар мен экономикалық субъектілердің экономикалық мінез-құлқын, кәсіпорындардың өндірістік қызметінің мәні мен механизмін және өндіріс шығындарын, жетілген және жетілмеген бәсекелестік нарықтарының жұмысын зерттейді. Сондай-ақ, пәнді оқу кезінде нарықты мемлекеттік реттеу, қоғамдық тауарлар, сыртқы әсерлер және ақпараттың ақпараттың асимметриясы ашылады.

  Оқу жылы - 2
  Семестр - 1
  Несиелер - 6
  

• Қаржы негіздері

  урста қаржының негізгі аспектілері ұсынылады. Онда қаржы және қаржы жүйесінің рөлі, қаржылық механизмнің заңдылықтары келтіріледі. Аталмыш курс экономиканың барлық салаларында қаржы теориясын кеңінен түсінуіне назар аударады, атап айтсақ бюджет және бюджет жүйесі, салық жүйесі, банк жүйесі, мемлекеттік қаржы-несие қатынастары, үй шаруашылықтарының қаржысы, шаруашылық жүргіуші субъектілердің қаржысы және т.б. Сондай-ақ қазіргі жағдайдағы қаржының көкейтесті проблемалары да қарастырылады.

  Оқу жылы - 2
  Семестр - 1
  Несиелер - 5
  

• Менеджмент

  Бұл курстың мазмұны басқарудың ұйымдастырушылық элементтерін, басқарудың негізгі әдістерін, коммуникация процестерін, шешімдер жасақтау мен қабылдау, топтық жұмыс ерекшеліктерін, көшбасшылық теоорияларын, жанжалдар мен өзгерістеді басқаруды, корпоративтік мәдениет пен басқару этикасын қамтиды. Пәнді оқып-үйрену классикалық менеджмент негіздерін меңгеруге, білім алушыларда ұйымды басқарудың функциялары мен принциптері туралы білімдер кешенін игеруге, басқарушылық қызметтің әрқилы түрлерін орындаудың практикалық дағдыларын қалыптастыруға мүмкіндік береді.

  Оқу жылы - 2
  Семестр - 1
  Несиелер - 5
  

• Ұлттық руханият

  Курс рухани құндылықтар жүйесін, қазақтың ұлттық болмысын, руханияттың этномәдени бастауларын, ұлттық сананы, салт-дәстүрлерді, әдет-ғұрыптарды, дүниетанымды, діни шыдамдылықты, салт-дәстүрлерді, өнерді, әдебиетті, ұлттық тәрбиені, дәстүрлі мәдениетті, жоғары сананы тәрбиелейтін рухани мұраны зерттейді. Пән әлемдік және жалпыадамзаттық құндылықтарды, халықтық дәстүрлерді, ата-баба мұрасын құрметтеу рухында тәрбиеленген рухани-адамгершілік тұлғаны қалыптастырады.

  Оқу жылы - 2
  Семестр - 1
  Несиелер - 3
  

• Статистика

  Курстың мақсаты-жаппай әлеуметтік құбылыстар мен процестердің сандық жағымен байланысты статистикалық әдістер мен әдістерді, заңдылықтары мен даму тенденцияларын зерттеу. Әлеуметтік динамиканы зерттеудегі статистикалық көрсеткіштерді талдау, басқарушылық шешімдер қабылдау үшін зерттелетін құбылыс көрсеткіштерінің өзгеруіне факторлардың әсерін бағалаудың теориялық негіздері қарастырылады.

  Оқу жылы - 2
  Семестр - 1
  Несиелер - 6
  

• Маркетинг

  "Маркетинг" курсы шеңберінде маркетингтік зерттеулер негіздерін қоса алғанда, маркетингтік тетіктің мәнін көрсететін негізгі мәселелер қарастырылады. Сонымен қатар, курс кәсіпорынды маркетингтік басқару саласында іргелі білімді қалыптастыруды қамтамасыз етеді және студенттерге тауарлар мен қызметтерді жылжыту әдістерінің рөлін түсіну, практикада қолдана отырып, әртүрлі маркетингтік зерттеулердің тұтас кешенін қолдану үшін қажет практикалық дағдылар жүйесін қалыптастырады. Бұл курсты оқыту оқытудың мынадай белсенді әдістерін қолданумен қатар жүреді: дәріс-презентация, тренинг, дискуссиялық талқылау, бизнес-жоба, кейстік әдіс.

  Оқу жылы - 2
  Семестр - 1
  Несиелер - 6
  

• Ғылыми зерттеу әдістері

  Бұл курс ғылыми зерттеудің мазмұны мен әдістері туралы жүйелі түсініктерді қалыптастыруға, түрлі салаларда зерттеулер жүргізуге мүмкіндік беретін білім, дағды, технологиялар мен әдістерді игеруге бағытталған. Пән бағдарламасы ғылыми зерттеу тақырыбын, мақсаттары мен міндеттерін тұжырымдау жөніндегі әдістемелік ұсынымдарды; теориялық және эксперименттік зерттеулердің әдіснамасын зерделеу; зерттеулерді талдау және тұжырымдар мен ұсыныстар беруді қамтиды. Ғылыми зерттеулердің енгізілуі мен тиімділігіне, сондай-ақ ғылыми-зерттеу және дипломдық жұмыстарды ресімдеу ережелеріне көп көңіл бөлінеді.

  Оқу жылы - 2
  Семестр - 2
  Несиелер - 5
  

• Макроэкономика

  Макроэкономиканы зерттеу жалпы ұлттық экономиканың көрсеткіштерін анықтау үшін қажет, ұлттық табысты, жұмыссыздықты, инфляцияны, мемлекеттік бюджетті және елдің төлем балансы мен экономикалық өсуін анықтайтын факторларды зерттеу, ақша секторын зерттеу, оның нақты сектормен өзара әрекеттесуі және экономикалық өсудің ауытқуын зерттеу.

  Оқу жылы - 2
  Семестр - 2
  Несиелер - 6
  

• Мемлекеттік басқару теориясы

  «Мемлекеттік басқару теориясы» пәні, негізінен, мемлекеттік басқарудың теориялық тұстарын зерттейді, атап айтқанда, мемлекеттің типтері, функциялары, мемлекеттік басқару жүйесі, формалары, әдістері және принциптері. Мемлекеттік басқаруды ақпараттық, құқықтық және ресурстық қамтамасыз ету сұрақтары зерттеледі. Сонымен қатар, пәнді оқып-үйрену барысында білім алушылар мемлекеттік басқарудың заманауи әдістері мен технологиялары бойынша білімді меңгереді.

  Оқу жылы - 2
  Семестр - 2
  Несиелер - 6
  

• Бухгалтерлік есеп және аудит

  Пәнді оқу студенттердің бухгалтерлік есеп пен аудиттің негіздері мен жүйесі туралы білімін, мүдделі менеджерлерге басқару саласындағы шешімдерді қабылдау үшін мәліметтер мен ақпаратты ұсынудың негізгі нысаны ретінде, сондай-ақ тексеру дағдылары мен тәжірибесін алуды қалыптастырады. және қызметтер аудитіне қажетті деректерді алу. Курс сонымен қатар кәсіпорынның активтері, міндеттемелері және капиталы туралы ақпаратты жинау және қорытындылау әдістерін және қаржылық есеп беру саласындағы білімдерді зерттейді.

  Оқу жылы - 2
  Семестр - 2
  Несиелер - 5
  

• Заманауи мемлекеттік басқару

  Қазіргі заманғы мемелкеттік басқару пәні мемлекеттік басқарудың жаңа әдіс-тәсілдерін, мемлекеттік шешім қабылдаудағы жаңа техноглогияларды, сервистік мемлекеттік тетіктерін және жасақтау механизмдерін, мемлекеттік қызмет көрсетудегі коммуникация, әдеп талаптарының мемлекеттік мекемелердегі жүзеге асыру нормалары, персоналдық құзіреттілігі және оның нәтижелілігн өлшетін бағалау критерилерінің сапалық және сандық сипатта жүзеге асырылуын оқытады.

  Оқу жылы - 3
  Семестр - 1
  Несиелер - 6
  

• Мемлекеттік қызмет

  Пән мемлекеттік қызметтің мәні мен түсінігін, принциптері мен түрлерін зерттейді. Қазақстандағы мемлекеттің қызметтің жүйесі, құқықтық реттелуі, принциптері, мемлекеттік қызметшілердің жіктелуі, құқықтары мен міндеттері, мемлекеттік қызметшілерді сайлау және тағайындау, мемлекеттік қызметке кіру, мемлекеттік қызметте өту, мемлекеттік қызметшілердің этикасы, мемлекеттік қызметтегі мансап, басқару шешімдерін қабылдау, коммуникациялық қарым-қатынас және қоғаммен байланыс саласында білім алады.

  Оқу жылы - 3
  Семестр - 1
  Несиелер - 6
  

• Аймақтық экономика және басқару

  «Аймақтық экономика және басқару» пәні бойынша білім алушылар аймақтық экономиканың теориялық негіздерімен және аймақтардың дамуын мемлекеттік реттеу жолдарымен танысады. Атап айтсақ, аймақты шаруашылық жүргізу объектісі ретінде қарастырып, оның экономикалық әлеуетін бағалау жүргізу жолдарын меңгереді. Сонымен қатар аймақтық саясаттың ерекшеліктеріне талдау жүргізеді.

  Оқу жылы - 3
  Семестр - 1
  Несиелер - 6
  

• Цифрлық мемлекет

  Пән мемлекеттік басқару мен қоғам өмірін цифрландыру саласындағы қазіргі заманғы үрдістерді зерделеуге, мемлекеттік басқаруда қазіргі заманғы коммуникациялық-ақпараттық технологияларды қолдану дағдыларын қалыптастыруға бағытталған. Курста экономика салаларындағы цифрлық қайта құрулар, цифрлық инфрақұрылымды, Инновациялық экожүйені дамыту, мемлекеттік органдардың қызметін цифрландыру, цифрландырудың жаһандық трендтері және халықаралық тәжірибе мәселелері ашылады.

  Оқу жылы - 3
  Семестр - 1
  Несиелер - 6
  

• Мемлекеттік саясат және басқару

  Курсты оқуда студент мемлекеттің негізгі жүзеге асыратын саясаты мен мемлекеттік басқару ғылымдарының дамуына әсер еткен негізгі теориялық тәсілдерді, оның ішінде қазіргі концепцияларды білуі керек. Сонымен бірге қоғамның мемлекеттік саясат пен басқарудағы өкілдігі мен қатысуының негізгі нысандарын ажырата білу, мемлекеттік басқару теорияларын корреляциялау және оларды іс жүзінде жүзеге асыру дағдыларын меңгеру қажет.

  Оқу жылы - 3
  Семестр - 1
  Несиелер - 6
  

• Мемлекеттік басқарудағы жасанды интеллект

  Курста мемлекеттік басқарудағы жасанды интеллекті қолдану артықшылығы, бағыттары, құқықтық реттелуі және әлеуетті тәуекелдері қарастырылады. Жасанды интеллектті экономика және құқық салаларын мемлекеттік басқаруда, халыққа мемлекеттік қызмет көрсетуде, мәліметтер базасымен жұмыс жасауда, мемлекеттік сатып алуда, бюджетті басқаруда, төтенше жағдайлар мен түрлі құқық бұзушылықтың алдын алуда тиімді пайдаланылу мүмкіндіктері оқытылады. Мемлекеттік қызметшерді оқыту процесіне ML моделін енгізу мәселелері зерттеледі.

  Оқу жылы - 3
  Семестр - 1
  Несиелер - 6
  

• Қала экономикасы

  Пән кеңістіктің факторларды және жергілікті деңгейдегі қаланың ерекшелігін, қаланың әлеуметтік-экономикалық әлеуетін, қала модельдері туралы ұғымдарды, жергілікті өзін-өзі басқару органдарының құрылымын, кеңістікті экономикалық талдауды, қала типологиясын құруға функционалдық тәсілді, ірі қаланың имиджін және ребрендингін зерделейді

  Оқу жылы - 3
  Семестр - 1
  Несиелер - 6
  

• Үлкен деректер негізінде шешім қабылдау

  "Үлкен деректер негізінде шешім қабылдау " пәнін оқыту үлкен деректерді өңдеудің, талдаудың, интерпретациялаудың әдістері мен технологияларын меңгерту арқылы басқарушылық, стратегиялық және бизнес-шешімдерді қабылдауға қабілеттілігін қалыптастырып, дамытуға бағытталады. Үлкен деректердің көздері, құрылымдары, аналитика әдістері оқытылады. Студент деректер сапасы мен шынайылығын бағалауды, деректерді басқаруды үйренеді, Big Data, деректерді өңдеу құралдарымен, программаларымен жұмыс жасауға машықтанады, деректерді талдау әдістерімен, шешім қабылдауды қолдау жүйесімен танысады. Мемлекеттік басқару саласында үлкен деректермен жұмыс жасау тұстары зерттеледі.

  Оқу жылы - 3
  Семестр - 2
  Несиелер - 5
  

• Бюджеттік жоспарлау және бюджет қаражаттарын пайдалану

  «Бюджеттік жоспарлау және бюджет қаражаттарын пайдалану» пәнінің мақсаты – бюджет құралдарын жоспарлауға, негіздеуге, бөлуге және пайдаланылуын бақылауға қажетті білім мен дағдыны білім алушылардың бойында қалыптастыру. Курс барысында түрлі деңгейлердегі бюджетті жоспарлау әдістері мен қағидалары, бюджет кірісі мен шығысының қалыптасуы, бюджет қаражатының мақсатты, тиімді және заңды пайдаланылуы, бюджет шығыстарына бақылау және аудит жүргізу, қазақстандық бюджет жүйесін реттейтін құқықтық-нормативтік құжаттар, бюджеттік процесте қолданылатын цифрлық технологиялар қарастырылады.

  Оқу жылы - 3
  Семестр - 2
  Несиелер - 5
  

• Мемлекеттік-жеке әріптестік

  «Мемлекеттік-жеке әріптестік» пәні жеке кәсіпкерлікті құру мақсатына байланысты мемлекеттің икемділігін, яғни кәсіпкерлікті дамытудағы мемлекет пен бизнес арасындағы қатынастардың рөлін, экономикалық өсу мәселелерін шешудегі мемлекеттің қызметін түсіндіруді көздейді. Аталған курс мемлекеттің және азаматтық қоғамның байланысы мен экономиканың түрлі салаларындағы бизнестің даму жағдайын оқытады.

  Оқу жылы - 3
  Семестр - 2
  Несиелер - 5
  

• Белгісіздік жағдайында шешім қабылдау

  "Белгісіздік жағдайында шешім қабылдау" пәні білім алушыға ақпарат толық болмай, әрі қарай іс-әрекет нәтижесінің қалай болатыны белгісіз болып немесе оны болжау мүмкін болмаған жағдайда оңтайлы шешім қабылдау әдістерін, модельдерін, тәсілдерін үйретеді. Білім алушы белгісіздіктің түрлерімен танысады, шешім қабылдаудың теорияларын, модельдерін зерттейді, белгісіздік жағдайында орын алуы мүмкін тәуекелдерді басқару стратегиясын әзірлеуге, шешім қабылдаудың балама нұсқаларын анықтап, бағалауға, салыстырып, іріктеуге дағдыланады, өзгермелі жағдайларда да жарамды болатындай шешімдерді әзірлеп, қабылдау тәсілдерін оқып үйренеді.

  Оқу жылы - 3
  Семестр - 2
  Несиелер - 5
  

• Мемлекеттік басқарудағы ақпараттық-аналитикалық жұмыстар

  «Ақпараттық қоғам», «ақпараттық саясаты», «ақпараттық ресурстар», «ақпараттық инфрақұрылым», «аналитикалық технология» түсініктері қарастырылады. Мемлекеттік билік органдарында басқару шешімдерін қабылдау үшін ақпараттарды жинау, тексеру, талдау, өңдеу жұмыстары, ақпараттық қамтамасыз етуге байланысты қабылданатын шешімдердің сапасы, қисындылығы, салдары туралы білім беріледі. Мемлекеттік қызметшілердің ақпараттық-аналитикалық жұмыстарының мақсаты, міндеттері, ұйымдастырылуы, кадрлық, материалдық, қамтамасыз етілу сұрақтары зерттеледі. Аналитикалық құжаттармен жұмыс жасау дағдысы үйретіледі.

  Оқу жылы - 3
  Семестр - 2
  Несиелер - 6
  

• Аймақтық жоспарлау және болжау

  Курсты оқу барысында студенттер аймақты болжау мен жоспарлаудың теориясы мен әдістемесін жоспарлауды және болжау құралдарын қолданудың шетелдік тәжірибесін талдауды, сонымен бірге аймақтың болжамдық және жоспарлау құжаттарын құрастыру дағдыларын меңгереді.

  Оқу жылы - 3
  Семестр - 2
  Несиелер - 5
  

• Мемлекеттік сатып алуды басқару

  Мемлекеттік сатып алуларды басқаруда басты тұжырымдамасы мен тетігін, мемлекеттің сатып алуларды басқарудың қағидатын, сатып алуларды басқаруларды дамытудағы осы күнгі үрдісті, тендерлер рәсімдері мен шартын зерделеп отыр. Мемлекет және бизнестердің арасында ынтымақтастықтардың үйлесімділік пен оңтайлы құралын жасату мен мемлекеттегі сатып алулардың тиімді жақтарын жетілдіруге қолайлы рақ жағдай жасау керектігін оқытады .

  Оқу жылы - 3
  Семестр - 2
  Несиелер - 6
  

• Стратегиялық мемлекеттік басқару

  Курстың негізгі мақсаты – басқару жағдайын талдауды және оның мәселелерін және факторларын анықтау барысында қоғам мен мемлекет дамуының негізгі процестері стратегиялық басқарудың жүзеге асыру принциптері, нысандары, ғылыми-практикалық әдістерін зерттеу болып табылады. Пән мемлекеттік мекемелердегі тиімді басқарушылық дағдысын дамыту мүмкіндіктерін арттырады.

  Оқу жылы - 3
  Семестр - 2
  Несиелер - 5
  

• Мемлекеттік қызметтегі коммуникациялар

  Пән коммуникация түсінігін, байланыс формалары мен түрлерін зерттейді. Білім алушылар тәжірибелік сабақтарда мәдениетаралық қарым-қатынас түрлерін қолданады. Білім алушыларға мемлекеттік мекемелерде ресми хат жазу дағдыларын үйренеді. Білім алушыларға ресми әлеуметтік желідегі жазбаларды нанымды жазу және ресми әлеуметтік парақша ережелерін сақтау үйретіледі.

  Оқу жылы - 3
  Семестр - 2
  Несиелер - 5
  

• Сыни ойлау және аналитика

  Курс ақпараттармен жүйелі жұмыс жасау негізінде түрлі басқару деңгейіне қатысты ахуалға сапалы талдау жасау, жағдайды бағалау, қорытынды шығару, мәселені дұрыс анықтап, оған кешенді түрде қарау, шешімдер нұсқасын әзірлеу және оңтайлы шешім қабылдау үшін білім алушыда сыни тұрғыдан және логикалық ойлау дағдысын қалыптастыру мен дамытуға бағытталады.

  Оқу жылы - 4
  Семестр - 1
  Несиелер - 6
  

• Дизайн-ойлау

  «Дизайн-ойлау» пәнінде эмпатияны, креативтілікті, прототиптеуді қолдану арқылы қалай мәселелерді шешуге, жаңа өнімдерді, модельдерді, қызметтерді ұсынуға болатындығы зерттеледі. Дизайн-ойлау қағидалары мен сатылары, нақты әдістерді қолданып, тұтынушының қажеттіліктері мен тілектерін зерттеу арқылы мәселені анықтау, тұжырымдау, идеяларды генерациялап, шешімдер нұсқаларын әзірлеу, өнімді (қызметті, модельді, процессті) прототиптеу, тестілеу, кері байланыс жасау арқылы қателіктерді түзету сұрақтары қарастырылады. Студент эмпатияға, тұтынушыға бағдарлануға, командамен жұмыс жасауға, идеяларын ұсынуға, стандартты емес ойлауға дағдыланады.

  Оқу жылы - 4
  Семестр - 1
  Несиелер - 6
  

• Мемлекетті басқарудағы тәуекел-менеджмент

  Мемлекеттік басқару саласындағы тәуекел түрлері, туындау себептері, тәуекелді басқару қажеттілігі қарастырылады. Студенттер тәуекелді бағалау әдіснамасын үйренеді, мемлекеттік басқару саласындағы тәуекелді басқарудың шетелдік тәжірибесімен танысады. Қазақстандағы мемлекеттік органдардың қызметіне тәуекел-менеджментті енгізу мәселелері, тәсілдері, тәуекел-менеджменттің енгізудегі оң нәтижелер жөнінде мағлұмат беріледі. Мемлекеттік қызмет көрсетуде, стратегиялық шешімдерді дайындап, жүзеге асыруда, мемлекеттің қатысуымен орындалатын жобаларды басқаруда тәуекел-менеджмент әдіснамасын қолданудың мүмкіндіктері оқытылады.

  Оқу жылы - 4
  Семестр - 1
  Несиелер - 6
  

• Мемлекеттік саясатты талдау және бағалау

  «Мемлекеттік саясатты талдау және бағалау» курсы бойынша білім алушылар саясат түрлерін анықтай келе, мемлекеттік саясаттың негізгі бағыттарымен танысады. Мемлекеттік саясаттың артықшылықтарына, кемшліктеріне баға беріп талдау жасайды. Сонымен қатар мемлекеттік басқаруда жүзеге асырылатын болжау, бағалау әдістерін меңгереді.

  Оқу жылы - 4
  Семестр - 1
  Несиелер - 6
  

• Мемлекеттік сектордағы жобалық басқару

  Жобаны басқару саласындағы халықаралық стандарттар негізінде жобаларды құру, жоба сатыларын басқару технологиясы туралы білім беріледі. Білім алушылар жобаның құнын, ресурстарын, сапасын, уақытын, сатып алуды, жеткізуді, жобалау процесіндегі өзгерістерді, тәуекелді басқару тәсілдерімен танысады. Жобамен жұмыс жасау барысында мүдделі тараптармен, жоба тобымен тиімді коммуникациялық қарым-қатынас орнату дағдыларына үйренеді. Пәнді тиімді игеру үшін жобаларды басқаруға арналған программалық өнімдермен жұмыс жасалады.

  Оқу жылы - 4
  Семестр - 1
  Несиелер - 7
  

• Мемлекеттің әлеуметтік саясаты

  Курс әлеуметтік саясаттың мәнін, негізгі принциптері мен категорияларын және оның халықтың өмір сүру деңгейіне әсер ететін жобаларды жүзеге асыруда билік органдары қоғаммен байланысуын, сонымен бірге шешім қабылдауда өзара әрекеттесуін зерттейді. Ұсынылған пән білім алушының жоғары патриоттық сана-сезімі мен толеранттылығын көрсететін әлеуметтік, ұлттық және рухани құндылықтар контексінде қалыптасқан. Сондай-ақ экономиканың әлеуметтік саласын дамытуға мемлекеттің араласуы зерттелуде.

  Оқу жылы - 4
  Семестр - 1
  Несиелер - 6
  

• Өзгерістерді басқару

  «Өзгерістерді басқару» пәні ұйымның әр түрлі сыртқы және ішкі сын-тегеуріндерге тұрақты болып, бейімделуі үшін өзгерістерді зерттеудің, талдаудың, жоспарлаудың, енгізудің, басқарудың және тиімділігін бағалаудың тәсілдерін үйретеді. Білім алушы трансформациялану қажеттігін анықтайтын факторлармен танысады, өзгерістердің мақсатын, сатыларын, стратегиясын анықтауға, ұйымды трансформациялаудың нақты қадамдарын жүзеге асыруға, өзгерістерге қарсылық танытатын жағдайларды басқаруға, өзгеріс нәтижелерін талдауға, бағалауға, іс-әрекеттерді түзетуге дағдыланады. Пәнді оқу барысында білім алушы өзгерістерді басқарудың негізгі модельдерімен жұмыс жасайды.

  Оқу жылы - 4
  Семестр - 1
  Несиелер - 6
  

• HR-басқару және аналитика

  Курсты оқыту мінсіз кандидатты іздеу, іріктелген кандидаттың нәтижелерінің сапасын бағалау және кадрларды ауыстырудың дұрыс тәсілдерін қолдану үшін ұйымдастырушылық- басқару шешімдерін қабылдай білу, сонымен қатар кадрлық мәселерді анықтау, шешу, олардың салдарын бағалау дағдысына үйретеді. Білім алушы жүргізілген зерттеу қорытындыларын ғылыми баяндама, мақала немесе есеп түрінде баяндай алады. Ұйымдастырушылық-стратегиялық міндеттерді шешу үшін басқарудың жаңа әдістері қарастырылады, мысалы, қызметкерлерді ұстап қалудағы, таланттарды басқарудағы, жұмыс беруші брендін қалыптастырудағы креативтік тәсілдер. Білім алушы персоналды басқаруға аналитикалық шолу жасап, оның тиімділігін бағалау әдістемесін үйренеді.

  Оқу жылы - 4
  Семестр - 1
  Несиелер - 6
  

• Коучинг және менторлық

  Курстың мақсаты студенттерді коучинг және тәлімгерлік құралдарымен таныстыру; жеке және командалық коучинг сабақтарын өткізу алгоритмдерін меңгеру; тәлімгерлік үшін коучинг құралдарын меңгеру. Пәнді меңгеру нәтижесінде студент: коучинг сессиясын өткізудің негізгі құралдарын білу; коучинг және тәлімгерлік технологияларын өмірдің әртүрлі салаларында қолдану ерекшеліктері; коучидің сұраныстарымен жұмыс істей білу, коучинг сессиясының мақсаттарын анықтау және клиентті мақсатқа жетуге ынталандыру; коучинг құралдарын пайдалану арқылы тәлімгерлік дағдыларының болуы

  Оқу жылы - 4
  Семестр - 1
  Несиелер - 6
  

Профессии

Оқыту нәтижелері

• Әлеуметтік, ұлттық, рухани құндылықтарды және экологиялық мәдениетті демонстрациялайды, жоғары патриоттық сана мен толеранттылықты танытады.
• Өз бетімен қажет ақпаратты іздейді, алынған ақпаратты өңдеу мен талдауға сыни тұрғыдан қарайды, мәселені анықтайды, басқару шешімін әзірлеу үшін негізді тұжырым жасайды.
• Іскерлік қатынасты жүргізеді, сауатты хат жаза біледі, шет тілдерін біледі, сөйлеу мәдениетін меңгереді, қоғаммен байланысты орнатады.
• Мемлекеттік басқару саласында заманауи ақпараттық технологияларды және жасанды интеллектті қолдану дағдысын меңгереді, цифрлық түрлендірулерді қолдану арқылы деректерді, ақпаратты іздеу, жинау, өңдеу, талдау және беру әдістерінің жүйесін дайындай алады, электрондық құжат айналымымен жұмыс жасай біледі, үлкен деректерді өңдеу, талдау, интерпретациялау арқылы шешімдер қабылдауға қабілетті болады.
• Қоғамдағы және кәсіби этика нормаларын сақтайды, қолданыстағы нормативтік-құқықтық актілерді басшылыққа алады, өз өкілеттігі шеңберінде тиісті басқару шешімдерін қабылдайды, олардың нәтижесіне жауап береді.
• Ғылыми-зерттеу жұмыстарын жүргізе алады, олардың нәтижелерін практикалық қызметінде пайдалана біледі, мемлекеттік саясат пен басқару саласында талдау және болжау және бағалау әдістерін қолдана алады.
• Ел мен аймақтың әлеуметтік-экономикалық дамуына талдау жасайды, экономиканың түрлі салаларының даму үдерістері бойынша тұжырым жасайды, микро-макродеңгейдегі экономикалық процестерді сипаттайтын әлеуметтік-экономикалық көрсеткіштерді есептеу мен талдаудың, бюджетті жоспарлаудың және бюджет қаражатын тиімді пайдаланудың, ел және аймақ дамуының стратегиялық құжаттары мен бағдарламаларын әзірлеудің заманауи әдістерін игереді.
• Дамыған коммуникациялық дағдыларды меңгереді, топта жұмыс жасайды және адамдарды басқара алады, өзін-өзі дамыту мен кәсіби өсуге ұмтылады, жоба құру және басқару дағдысын меңгереді, жеке имиджімен айналысады, көшбасшылық қасиетін дамытады.
• Жанжалдың алдын алады және шешеді, айқынсыздық, тәуекел жағдайында жұмыс жасауға, өзгерістерді басқаруға және оңтайлы шешім қабылдауға қабілетті болады, жаңа жағдайларға бейімделеді, креативті идеялар ұсынады.
• Билік органдарындағы басқару процесін зерттеп, талдауға мүмкіндік беретін мемлекеттік басқарудың типтерін, формаларын, әдістерін және жүйесін біледі, мемлекеттік басқару және экономиканы реттеу саласында заманауи әдістерді, принциптерді және технологияларды қолдана алады.
• Мемлекеттік қызмет көрсетуде эмпатия мен стандартты емес ойлау көмегімен клиентке бағдарлану және нәтижелік қағидаларын ұстанады, қоғамдық қажеттіліктер үшін тауарлар мен қызметтерді сатып алуды жоспарлайды және ұйымдастырады.
• Түрлі қызмет сфераларында құзыретті шешім дайындау үшін маркетинг, менеджмент, қаржы, есеп және аудит, сонымен қатар кәсіпкерлік негіздері салаларындағы базалық білім мен дағдыларды қолданады.

Ұқсас БББ