6B03202 Журналистика, SMM және PR в Семей қаласының Шәкәрім атындағы университеті

Пәндер

• Қазіргі журналистиканың жанрлық түрлері мен қызметі

  Пәнде журналистика жанрлары және олардың қоғамдағы қызметі туралы теориялық және практикалық білім береді. Пән журналистиканың негізгі жанрларын – ақпараттық, аналитикалық, публицистикалық, көркем және басқа да жанрларды зерттейді. Әр жанрдың құрылымы, стилі, мақсаттары мен әдістері талқыланады. Сонымен қатар, журналистиканың қоғамдық қызметі, оның саяси, әлеуметтік, мәдени және білім беру салаларындағы орны мен рөлі қарастырылады.

  Оқу жылы - 1
  Семестр - 1
  Несиелер - 5
  

• Мамандыққа кіріспе

  Пәнде журналистиканың негізгі принциптері мен функциялары, SMM және PR салаларының негізгі ұғымдары мен бағыттары қарастырылады. Журналистикада ақпаратты жинау, өңдеу және тарату процестері, этикалық стандарттар мен журналистік жанрлар меңгеріледі. SMM әлеуметтік желілер арқылы маркетингтік стратегиялар мен аудиториямен тиімді байланыс жасау әдістерін үйретеді. PR Пән PR - қоғаммен байланыс орнату, имидж қалыптастыру және дағдарыс коммуникациясын басқару аспектілерін қамтиды. Білім алушылар осы үш бағыт бойынша кәсіби дағдыларды меңгеріп, заманауи медиа құралдарымен жұмыс жасауға дайындалады.

  Оқу жылы - 1
  Семестр - 1
  Несиелер - 3
  

• Құқық негіздері және антикоррупциялық мәдениет

  Пәннің мақсаты-негізгі құқықтық ұғымдарды , қағидаттар мен нормаларды, азаматтардың құқықтарын қорғау тетіктерін зерделеу, сондай-ақ құқық бұзушылықтардың алдын алу мақсатында қоғамда сыбайлас жемқорлыққа қарсы сананы қалыптастыру. Курс заңнаманы талдауды, сыбайлас жемқорлыққа қарсы күрес тетігін және этикалық стандарттарды қамтиды. Құқықтық сауаттылықты дамытуға және әрбір азаматтың құқықтық тәртіп пен әділеттілікті сақтаудағы рөлін түсінуге баса назар аударылады.

  Оқу жылы - 1
  Семестр - 2
  Несиелер - 5
  

• Экономика және кәсіпкерлік негіздері

  Бұл негізгі экономикалық принциптерді, нарықтық тетіктерді, меншік нысандарын және экономикалық қызмет заңдылықтарын зерттейтін пән. Курс сұраныспен ұсыныстың, бәсекелестіктің, салық салудың, қаржыландырудың, инвестициялаудың және бизнесті жоспарлаудың негізгі аспектілерін қамтиды. Кәсіпкерлік ойлауды дамытуға, тәуекелдерді талдауға және бизнесті басқару стратегияларына ерекше назар аударылады. Бұл пәнді оқу бизнес жүргізудің, экономикалық негізделген шешімдер қабылдаудың практикалық дағдыларын қалыптастыруға көмектеседі.

  Оқу жылы - 1
  Семестр - 2
  Несиелер - 5
  

• Журналистика тарихы

  Пәнде баспасөз тарихының дамуы, жанрлық жіктелу сипаты мен стильдік ерекшеліктерін, сыртқы пішіні мен ішкі мазмұнын анықтау, тақырыптың алуан түрлілігі мен сюжеттік байлығын, тілдік және терминологиялық ерекшеліктерін меңгереді. Курста шығармашылық ізденіс пен журналистік шеберліктің нәтижесінде цензураны айналып өтудің түрлі әдіс-тәсілдерін меңгеруде тәжірибе жинақтайды. Білім алушылар әлемдік ақыл-ой мен журналистиканың дамуына орасан зор үлес қосқан қазақ публицистері туралы қызықты деректермен танысады.

  Оқу жылы - 1
  Семестр - 2
  Несиелер - 5
  

• Бұқаралық коммуникация тілі мен стилі: сөйлеу мәдениеті және редакциялау

  Пән БАҚ-та және коммуникациялық ортада қолданылатын тіл мен стиль ерекшеліктерін зерттейді. Курста бұқаралық коммуникациядағы мәтін түрлері, ақпаратты беру тәсілдері, тілдік нормалар, стилистикалық құралдар және сөйлеу мәдениетінің талаптары қарастырылады. Сонымен қатар, қазіргі медиа кеңістікте тілдің трансформациясы мен рөліне талдау жасалады. Курс тіл мен стильдің ерекшеліктерін, сондай-ақ журналистік мәтіндерді қалай жазу және өңдеу керектігін зерттейді. Журналистер қолданатын тілдің грамматикалық, лексикалық және синтаксистік ерекшеліктері талқыланады.

  Оқу жылы - 1
  Семестр - 2
  Несиелер - 3
  

• Қаржылық сауаттылық негіздері

  Пәнің мақсаты- білім алушылардың жеке қаржысын басқарудағы негізгі білімдері мен практикалық дағдыларын дамытуға бағытталған. Курс негізгі экономикалық түсініктерді, ұтымды бюджеттеу, инвестициялау, жинақтау және қаржылық тәуекелдерден қорғау принциптерін қамтиды. Несиелеу, инвестициялау, қаржылық қызмет көрсету мәселелеріне ерекше көңіл бөлінеді. Бұл курсты аяқтау білім алушыларға негізделген қаржылық шешімдер қабылдауға, қарыз тұзақтарынан, қаржылық пирамидалардан аулақ болуға және өз қаражаттарын тиімді басқаруға көмектеседі.

  Оқу жылы - 1
  Семестр - 2
  Несиелер - 5
  

• Тұрақты даму, экология және тіршілік қауіпсіздігі негіздері

  Бұл пән өмірдің әртүрлі салаларында қауіпсіздік негіздерін оқытуға, сондай-ақ адамның табиғатпен өзара әрекеттесуін зерттеуге бағытталған. Ол қоршаған ортаны қорғау мәселелерін қамтиды және жаһандық экологиялық және әлеуметтік қиындықтарды шешу үшін стратегияларды бағалау мен әзірлеу дағдыларын қамтиды. Курстың аясында су ресурстарының, ауа сапасының, жердің деградациясының, азық-түлік қауіпсіздігінің, сондай-ақ адам әрекетімен туындаған табиғи және техногендік апаттардың қауіпсіздігі мәселелері қарастырылады және олардан қорғау әдістері тұрақты даму мақсаттары контекстінде талқыланады.

  Оқу жылы - 1
  Семестр - 2
  Несиелер - 5
  

• Инклюзивті қоғам құндылықтарын қалыптастыру

  Пән студенттердің инклюзия құндылықтарын, әртүрлілікке құрметпен қарау, мүмкіндіктер мен білім алуға қолжетімділікте теңдік қағидаларын түсінуін дамытуға бағытталған. Курсты оқу барысында білім алушылар инклюзивті тәжірибе қағидаттарын меңгеріп, инклюзияның құқықтық және этикалық аспектілерін талдайды, сондай-ақ мультимәдениетті және инклюзивті ортада тиімді өзара іс-қимыл жасау дағдыларын қалыптастырады. Бағдарлама әлеуметтік жауапкершілік пен төзімділікті негізгі кәсіби құзыреттер ретінде дамытуға ықпал етеді

  Оқу жылы - 1
  Семестр - 2
  Несиелер - 5
  

• Заманауи әлемдік масс-медиа

  Пән әлемдік масс-медианың эволюциясы, жаңа технологиялардың ықпалы және әлеуметтік медиа платформаларының рөлі туралы ақпарат береді. Білім алушылар әлемдегі жетекші ақпараттық агенттіктер, телеарналар, интернет-журналдар мен әлеуметтік желілердің жұмыс істеу принциптерін, медиа этикасы мен заңнамаларын, сондай-ақ масс-медиа индустриясының жаһандық саяси және мәдени процестерге әсерін зерттейді. Пәнде шетелдік үздік журналистердің жұмыс тәжірибесі қарастырылады.

  Оқу жылы - 1
  Семестр - 2
  Несиелер - 5
  

• Журналистикадағы құқықтық стандарттар

  Пәнде журналистік қызметті реттейтін құқықтық-нормативтік база, БАҚ қызметінің заңнамалық негіздері, журналистердің құқықтары мен міндеттері, сондай-ақ сөз бостандығы, цензура, жалған ақпарат пен жеке өмірді қорғау мәселелері қарастырылады. Білім алушылар авторлық құқық, ақпаратқа қол жеткізу, этика мен құқықтық жауапкершілік аясындағы ұлттық және халықаралық стандарттарды меңгереді. Курста білім алушылар құқықтық нормаларды қолдану арқылы журналистік іс-әрекеттерді заң аясында ұйымдастыру әдістерін меңгереді.

  Оқу жылы - 2
  Семестр - 1
  Несиелер - 5
  

• Цифрлық медиа және жасанды интеллект

  Пәнде цифрлық медианың даму тенденциялары мен жасанды интеллектінің медиа индустрияда қолданылу негіздері қарастырылады. Білім алушылар цифрлық контент өндірісінде жасанды интеллект алгоритмдерінің рөлі, деректерді өңдеу, автоматтандырылған журналистика, медиа-аналитика және персонализация туралы білім алады. Пән цифрлық медианың дамуы мен ағымдағы тенденцияларын талдауды, жасанды интеллект көмегімен жаңалықтар репортажын автоматтандыруды және фактчекинг жүргізу әдістерін үйретеді. Пән жасанды интеллект арқылы креативті мультимедиялық контент құруға бағытталған.

  Оқу жылы - 2
  Семестр - 1
  Несиелер - 5
  

• Цифрлық платформадағы жаңалық форматы

  Пән цифрлық медиада жаңалық дайындаудың заманауи тәсілдерін, құрылымын, тілдік және визуалды ерекшеліктерін қолдануды үйретеді. Пән аясында мобильді журналистика, мультимедиялық контент жасау, деректер журналистикасы, интерактивтілік, кросс-платформалық жариялау мен жасанды интеллект құралдарын пайдалану қарастырылады. Білім алушылар цифрлық платформада жаңалықты жедел, нақты әрі тартымды түрде ұсыну дағдыларын меңгереді.

  Оқу жылы - 2
  Семестр - 1
  Несиелер - 5
  

• Жаңалық және ойлау технологиялары / жаңалықтар фабрикасы

  Курс жаңалық журналистиканың теориялық және практикалық негіздерін қарастырады. Жаңалықтарды сыни тұрғыдан бағалау, ақпараттың шынайылығын тексеру және медиадағы жаңа технологияларды қолдану тәсілдерін қамтиды. Білім алушылар ақпаратты тексеру, манипуляция және жалған жаңалықтарды анықтау әдістерін үйренеді. Сонымен қатар жаңалықтарды жазу стилі мен әдістері, креативті ойлау: жаңалықтарды жасау процесінде шығармашылық және инновациялық ойлау қабілеттерін дамытады. Жаңалықтар фабрикасы: яғни жаңалықтарды редакциялау процесін жүзеге асыратын механизмдерді үйренеді.

  Оқу жылы - 2
  Семестр - 1
  Несиелер - 5
  

• Телевизия және радиохабар дайындау технологиясы

  Пәнде телебағдарламалар мен радиохабарларды жасалу процесінің барлық техникалық аспектілері, тәсілдері мен құралдары қарастырылады. Көрініс пен мәтіннің бірізділігі, теледидардың көркемдік құралдары: аудиовизуалды, бейнелік бейнелер, көркем шешендік сөздер қолданысы меңгеріледі. Сондай-ақ білім алушыларға телевизия мен радио хабарларын дайындау, түсіру, монтаждау, эфирге шығару, сонымен қатар әртүрлі техникалық құралдарды қолдану әдістерін үйретеді. Курста телевизиялық жабдық және теледидар камерасының ерекшеліктері, камераны басқару, жарықтандыру, кадр құрылымы, композиция туралы түсінік беріледі.

  Оқу жылы - 2
  Семестр - 1
  Несиелер - 5
  

• Digital журналистика

  Пәнде цифрлық медиа мен интернет платформаларында ақпаратты жинау, өңдеу және тарату және басқару әдістері оқытылады. Білім алушылар сандық медиа-контент жасау (мәтін, бейне контент, инфографика), әлеуметтік медиа мен блогтар жүргізу, мультимедиялық редакциялау және веб-дизайн, онлайн-аудиториямен интеракция жасау дағдыларын меңгереді. Сонымен қатар цифрлық журналистиканың этикалық және құқықтық аспектілері талданады. Курс интернетте кәсіби контент жасауға дайындайды.

  Оқу жылы - 2
  Семестр - 1
  Несиелер - 5
  

• Телевизиялық өндіріс

  Курста тележурналистиканың негіздерін, телебағдарламаларды дайындау және көрсету процесін түсінуге мүмкіндік береді. Телеарналар мен басқа да медиа ұйымдардағы өндіріс процестерімен таныстырады. Бұл пәнде телебағдарламалардың түрлері, түсірілімнің техникалық және шығармашылық аспектілері, монтаждау, аудио, бейнеконтент жасау, телеоператорлық және режиссуралық дағдылар сияқты маңызды мәселелер қарастырылады. Білім алушылар жоспарлау, түсіру, дыбыс және бейнемазмұнды үйлестіру, сондай-ақ телевизиялық студия мен сыртқы түсіру алаңдарында жұмыс істеудің негізгі әдістері мен технологияларын меңгереді.

  Оқу жылы - 2
  Семестр - 1
  Несиелер - 5
  

• Жаңалықтар және аналитикалық журналистика

  Журналистиканың негізгі ұғымдары ашылып, екі бағыт – жаңалықтар және талдамалы бағыттары сипатталады; жаңалықтар журналистикасының неғұрлым белсенді жанрлық нысандары және талдамалы журналистиканың жанрлық нысандары сипатталады; қазақстандық БАҚ-тың жаңалықтар және талдамалы материалдары талданады.

  Оқу жылы - 2
  Семестр - 1
  Несиелер - 5
  

• Журналистиканың құқықтық негіздері және медиасауаттылық

  Бұл курс журналистика мен медиа сауаттылықтың құқықтық аспектілері қарастырады. Журналистердің жұмысын заң тұрғысынан реттейтін ережелер мен принциптерді, сондай-ақ аудиторияны ақпаратты дұрыс қабылдауға және сыни тұрғыдан ойлауға үйрететін дағдыларды қамтиды. Курста журналистиканың құқықтық негіздері, сөз бостандығы, ақпарат тарату, құқықтық жауапкершілік және этикалық нормалар қарастырылады. Құқықтық ақпаратты дұрыс қабылдау мен түсіну, құқықтық сауаттылықты арттыру, құқық бұзушылықтар мен заңдарды қоғамға түсіндіру тәсілдері қарастырылады.

  Оқу жылы - 2
  Семестр - 1
  Несиелер - 5
  

• Тележурналистика: сценарийлік және режиссерлік шеберлік

  Курс индустрияда қабылданған сценарийді рәсімдеу форматтарын таныстыруға бағытталған. Сценарий жоспарын құру әдістемесі, сценарийлік-режиссерлік көркемдік шешімдер, шығармашылық бағытты іздестіру, сценарий типтері мен олардың ерекшеліктері қарастырылады. Білім алушыларды бейнеконтентті түсіру және оны дұрыс көрсету үшін қажетті сценарий жазу және режиссерлік дағдылармен таныстыруға арналған. Курс жаңа медиа форматтарында (тележурналистика, интернетжурналистика, деректі фильмдер және басқа да визуалды контент) шығармашылық және техникалық дағдыларды дамытуға мүмкіндік береді.

  Оқу жылы - 2
  Семестр - 1
  Несиелер - 5
  

• Журналистикадағы маркетинг пен менеджмент, жарнама және PR

  Пән ұйымдағы коммуникациялар арқылы іскерлік келіссөздер жүргізу, менеджер қызметі мен бизнес дискурсын қалыптастырумен танысады. Коммуникациялық процесті ұйымдастырудың принциптері, құралдары, технологияларын біледі. Қоғаммен байланыстың қажеттілігі мен қарым-қатынас орната білу тиімділігін тани алады. Жарнама маркетингі мен менеджментінің бүгінгі нарықтағы көрінісіне талдаулар жасалады. Маркетинг: баға қалыптастыру мәселері, жарнама мен оны өткізуді ынталандыру қызметтері туралы мағлұматтар беріледі.

  Оқу жылы - 2
  Семестр - 1
  Несиелер - 3
  

• Мультимедиадағы фото

  Пән мультимедиялық журналистика мен визуалды коммуникация саласындағы фотографияның негіздерін зерттейді. Фотосуреттің техникалық аспектілерін, медиа форматтарда кескіндерді редакциялау, фотосуреттерді жасау, өңдеу әдістерін үйретеді. Суреттерді мультимедиялық контентке қосу, оларды шығармашылық тұрғыда өңдеуге назар аударылады. Білім алушылар цифрлық фотосурет негіздерін, композиция ережелерін, жарық пен түс үйлесімін меңгереді. Курста фотожурналистика, деректі және жарнамалық фотография, әлеуметтік медиа үшін визуалды контент жасау әдістері қарастырылады.

  Оқу жылы - 2
  Семестр - 1
  Несиелер - 5
  

• Журналистің кәсіби этикасы және заң

  Пән журналистердің кәсіби қызметінде этикалық және заңдық нормаларды сақтау мәселелерін қарастырады. Журналистика саласындағы кәсіби этика мен ҚР-ның «Ақпарат туралы», «БАҚ туралы», «Құқық қорғау қызметі туралы» заңдары түсіндіріледі. Пәнде журналистің қоғам алдындағы жауапкершілігі, объективтілік, адалдық және дәлдік принциптеріне негізделген этикалық стандарттар мен міндеттері, сондай-ақ заңды жауапкершілік, жеке өмірді қорғау және сөз бостандығы мәселелері зерттеледі.

  Оқу жылы - 2
  Семестр - 1
  Несиелер - 5
  

• PR және бұқара коммуникациялары

  Курс қоғамдық қатынастар және бұқаралық коммуникация жүргізу саласындағы негізгі теориялық және практикалық дағдыларды игеруге бағытталған. PR стратегиялары, бұқаралық ақпарат құралдарымен өзара әрекеттесу, дағдарыс жағдайындағы коммуникациялары, корпоративтік имидж және брендті қалыптастыру әдістері қарастырылады. Медиамен жұмыс істеу және пресс-релиздер жазу сияқты тақырыптарды қамтиды. Сонымен қатар, бұқаралық ақпарат құралдары арқылы тиімді қарым-қатынас жасау және қоғамдық пікірді басқару әдістері оқытылады.

  Оқу жылы - 2
  Семестр - 2
  Несиелер - 5
  

• Конвергенттік журналистика негіздері

  Пән қазіргі заманауи медианың өзгеру тенденцияларын, конвергентті журналистика мен редакциялық процестердің ерекшеліктерін зерттейді. Білім алушылар мультимедиалық контент жасаудың (мәтін, фото, видео, аудио контентті біріктіру, кросс-платформалық материал дайындау, сторителлинг, лонгридтер, подкасттар, деректі фильмдер, интерактивті репортаждар), ақпаратты әртүрлі платформаларға бейімдеу және редакциялық жұмысты басқару әдістерін үйренеді. Осы курста цифрлық журналистика, медиа саласындағы трансформация, деректерді визуализациялау, медиа-аналитика және фактчекинг дағдылары қалыптасады.

  Оқу жылы - 2
  Семестр - 2
  Несиелер - 5
  

• Медиаиндустриядағы конвергенция

  Бұл пәнде медиаиндустриядағы қазіргі тенденцияларды, оның ішінде түрлі медиа платформалардың конвергенциясын, ақпаратты таратудағы жаңа тәсілдерін және оның журналистика саласына әсерін қарастырылады. Білім алушылар дәстүрлі және жаңа медианың интеграциясын, медиа индустриядағы инновацияны және конвергенцияның журналистикаға қалай ықпал ететінін түсінеді. Курс ақпаратты жеткізу тәсілдерінің өзгеруін, медиа технологиялардың дамуын, медиа өндірісінің жаңа модельдерін, цифрлық құралдардың ықпалдасуын және аудиториямен өзара әрекеттесу формаларын қарастырады.

  Оқу жылы - 2
  Семестр - 2
  Несиелер - 5
  

• Абай әлемі

  Пән тарихи фактілерді, Абай Құнанбайұлы, Шәкәрім Құдайбердіұлы шығармаларының идеялық-эстетикалық құндылықтарды қалыптастыратын философиялық-көркемдік негіздерін игерте отыра, студенттің өз пікірін айта білу, практикалық дағдыларды және адамгершілік, адалдық, көркем мінез сияқты адами қасиеттерді қабылдауды меңгертеді. Қазақ әдебиеті қаламгерлерінің данышпандық қырлары мен М.Әуезовтің Абай мұрасын зерттеу, насихаттаудағы рөлін, шығармаларының тарих, әдебиет, ғылым үшін маңызын айқындайды.

  Оқу жылы - 2
  Семестр - 2
  Несиелер - 3
  

• Журналистік шеберлік және контент дайындау негіздері

  Бұл курста білім алушылар мәтіндік, аудиовизуалды және цифрлық контентті құрудың заманауи әдістерін үйренеді. Лингвистикалық стильге, медиа этикасына және шығармашылық шеберлікке ерекше мән беріледі. Пәнде журналистиканың жанрлық түрлері (ақпараттық, сараптамалық, көркем-публицистикалық жанрлар), жаңалық жазу принциптері (5W+H формуласы, фактчек, сенімді дереккөздер), цифрлық платформаларға контент дайындау (сайт, әлеуметтік желілер, блогтар), фото және видеоны мәтінмен үйлестіру, т.б. тақырыптар қарастырылады.

  Оқу жылы - 2
  Семестр - 2
  Несиелер - 5
  

• Біріктірілген коммуникация негіздері

  Бұл пәнде білімалушылар журналистика мен коммуникация саласының негіздерін, оларды түрлі медиа-арналар арқылы тиімді әрі дұрыс тарату әдістерін үйренеді. Білім алушылар біріктірілген коммуникация құралдарын және олардың журналистика саласындағы маңызын түсінеді, медиа-кеңістіктегі ақпараттық үдерістердің әртүрлі аспектілерін талдайды. Курста жарнама, PR, маркетинг, бренд менеджменті және әлеуметтік медиа сияқты түрлі коммуникация құралдарын бір жүйе ретінде қолдану тәсілдерін үйретеді.

  Оқу жылы - 2
  Семестр - 2
  Несиелер - 5
  

• Инновациялық публицистика

  Бұл курс қазіргі БАҚ пен журналистиканың даму үрдістерін, публицистикалық жанрлардың жаңаруын, жаңа медиа кеңістігіндегі публицистикалық стильдер мен тәсілдерді зерттейді. Қазіргі ақпараттық қоғамдағы публицистиканың рөлі мен маңызын, оның әлеуметтік, саяси, мәдени үдерістерге әсерін түсіндіреді. Пәнде цифрлық журналистика мен дәстүрлі публицистиканың байланысы, қазіргі публицистикалық жанрлар мен форматтар; мультимедиалық, мобильдік және әлеуметтік желі публицистикасы, публицистикалық мәтіндердің аналитикалық және сын тұрғысынан талдануы қарастырылады.

  Оқу жылы - 2
  Семестр - 2
  Несиелер - 5
  

• PR-ға кіріспе

  Пән PR саласына кіріспе ретінде ұсынылады. Білім алушылар қоғаммен байланыс, оның негізгі құралдары мен әдістері, PR-дың заманауи тенденциялары, медиа құралдарын пайдалану, стратегиялық коммуникацияларды ұйымдастыру, мақсатты аудиториямен қарым-қатынас орнату сияқты тақырыптармен танысады. Курста сонымен қатар, PR-ды басқару, дағдарыс жағдайларында тиімді коммуникация жасау және ақпараттық-насихаттау технологияларын меңгеру мәселелері қарастырылады.

  Оқу жылы - 2
  Семестр - 2
  Несиелер - 5
  

• PR теориясы мен практикасы

  Пән қоғамдық қатынастардың негізгі теориялық негіздері және олардың практикалық қолданылу әдістерін зерттейді. Курста білім алушылар PR саласындағы негізгі ұғымдар мен тұжырымдамалар, PR-компаниялардың жоспарлауы мен жүзеге асырылуы, медиа және қоғаммен байланыс орнатудың тиімді стратегиялары туралы білім алады. Сондай-ақ, PR-стратегияларын әзірлеу, қоғаммен жұмыс істеу, ұйымдардың имиджін қалыптастыру және дағдарыстық жағдайларды басқару тәсілдері қарастырылады.

  Оқу жылы - 2
  Семестр - 2
  Несиелер - 5
  

• Заманауи баспасөз қызметі

  Бұл курста заманауи баспасөздің қызметі мен даму бағыттары ұсынылады. Пәнде онлайн басылымдардағы жазбалардың мақсаты мен міндеті айқындалып, сараптамалар жүргізіледі, цифрлық медианың дамуы және интернет-басылымдардың жұмыс істеу принциптері қарастырылады. Білім алушылар веб-редакцияның құрылымы, электронды баспасөздегі ақпаратты жинау, талдау және тарату үдерісіне белсене қатысып, контент өндірісі, аудиториямен өзара әрекеттесу тәсілдері, SEO (Search Engine Optimization), SMM (Social Media Marketing) және деректер журналистикасы негіздерімен танысады.

  Оқу жылы - 2
  Семестр - 2
  Несиелер - 5
  

• Мультимедиалық журналистика

  Пән қазіргі заманғы цифрлық медиа кеңістігінде ақпарат тарату тәсілдерін үйрететін, журналистиканың заманауи формаларын меңгеруге бағытталған. Сондай-ақ, мультимедиа платформалары: сайт, әлеуметтік желі, YouTube, подкаст, сторителлинг: оқиғаны бейнелі әрі тартымды жеткізу тәсілдері, фото және видео түсіру негіздері, аудио-журналистика (подкаст, сұхбат жазу, монтаж), интерактивті контент: инфографика, карта, слайдшоу жасау, цифрлық құралдар туралы, жылдам ақпарат тарату және мобильді репортаж, этикалық және құқықтық аспектілер туралы қарастырылады.

  Оқу жылы - 3
  Семестр - 1
  Несиелер - 5
  

• Медиамәтінді тану және интерпретациялау

  Пән медиаконтент түрлері мен жанрларын, олардың құрылымын және негізгі элементтерін зерттеуге бағытталған. Пәнде мәтіндер мен бейнеконтенттерді (баспасөз материалдары, телевизиялық хабарлар, әлеуметтік медиа посттары, жарнамалар, блог жазбалары, репортаждар) талдау әдістері, мәтіндердің аудиторияға әсері және коммуникативтік функциялары қарастырылады. Білім алушылар медиамәтіндердің мағынасы мен құрылымын терең түсініп, оларды нақты контексте дұрыс интерпретациялау дағдыларын меңгереді.

  Оқу жылы - 3
  Семестр - 1
  Несиелер - 5
  

• Аймақтық зерттеу журналистикасы

  Пән аймақтық деңгейдегі әлеуметтік, экономикалық, экологиялық, саяси және мәдени мәселелерді зерттеу тәсілдерін үйретеді. Білім алушылар аймақтық медиа кеңістіктегі жаңалықтар мен оқиғаларды талдап, маңызды ақпаратты сауатты жеткізу дағдыларын меңгереді. Курста деректерді жинау мен талдау, интервью мен сауалнама жүргізу, құжаттық және кешенді зерттеу әдістерін қолдану қарастырылады. Сондай-ақ аймақтық медиа нарығы мен жергілікті қоғамдастықтағы өзекті мәселелерді терең зерттеу үйретіледі.

  Оқу жылы - 3
  Семестр - 1
  Несиелер - 5
  

• Блог жүргізу және PR мәтіндерін жазу

  Бұл пәнде білімалушылар журналист-блогер жұмысының шығармашылық әдіс-тәсілдері мен принциптерін игереді. Курс блогосфераның ерекшелігі мен журналистиканың осы жаңа бағыты туралы практикалық білім туралы түсінік береді. Білім алушылар блогосфераға тән негізгі типологиялық сипаттамаларды меңгереді, блогосферада қолданылатын материалдарды құруды үйренеді, интернет-кеңістікте өз блогтарын жүргізу дағдыларын меңгереді. Білім алушылар PR мәтіндерінің ерекшеліктері: пресс-релиз жазу тәртібі, жарнама мен PR мәтіндерінің айырмашылығы, тақырып қою әдістерімен танысады.

  Оқу жылы - 3
  Семестр - 1
  Несиелер - 5
  

• БАҚ-тағы Flash технологиялар

  Курс мультимедиялық контент жасау үшін қолданылатын Flash технологияларын зерттеуге арналған. Білім алушылар Flash бағдарламасында анимация, интерактивті графика және веб-қосымшаларды әзірлеу негіздерін үйренеді. Flash технологиясының медиада қолдану ерекшеліктерін түсініп, ActionScript бағдарламалау тілінің негіздерін меңгереді. Пәнді меңгеруде білім алушылар журналистика саласында интерактивті инфографика және веб-жарнамалар жасау дағдыларын дамытады. Курс мультимедиялық жобаларды жоспарлауға және жүзеге асыруға бағытталған.

  Оқу жылы - 3
  Семестр - 1
  Несиелер - 5
  

• Сторителлинг және визуалды журналистика

  Пәнде білім алушылар оқиғаны креативті әрі әсерлі түрде баяндаудың әдістерін меңгереді. Журналистикада сторителлинг әдістері мен визуалды құралдарды қолдану тәсілдерін, түрлі оқиғаларды, идеялар және ақпаратты тартымды әрі көрнекі түрде жеткізуді үйренеді. Пәнде мәтін мен бейнеконтенттің үйлесімі, инфографика, фотосуреттер, видеоматериалдар, мультимедиа және басқа да визуалды элементтер арқылы оқырманға немесе көрерменге әсер ету жолдары қарастырылады. Сторителлингтің негізгі принциптері мен техникалары қарастырылады.

  Оқу жылы - 3
  Семестр - 1
  Несиелер - 5
  

• Спичрайтерлік сөйлеу техникасы

  Пән журналистика саласында кәсіби сөйлеу мәдениетін қалыптастыруға бағытталған. Бұл курста білім алушылар ресми, бейресми және қоғамдық мәтіндердің жазылуын, спичрайтерлік стиль ерекшеліктерін, сөйлеу құрылымын дұрыс құру және мазмұнға қойылатын талаптарды үйренеді. Нақты ақпарат беру әдістерін қарастырады. Сондай-ақ, әртүрлі коммуникативті жағдайларда мазмұнды, әсерлі және сенімді сөз дайындау, сөйлеу тілі мен стилін қалыптастыру, импровизация, сахна мәдениеті дағдыларын дамытады.

  Оқу жылы - 3
  Семестр - 1
  Несиелер - 5
  

• Мультимедиялық журналистика & Видеосторителлинг

  Курсты оқу барысында білім алушылар мәтінді, фотосуреттерді, аудио, бейне және графикалық элементтерді біріктіре отырып, жан-жақты журналистік материалдарды дайындауды меңгереді. Пәнді оқытуда мультимедиялық журналистиканың негізгі принциптерін түсіндіреді және журналистикадағы инновациялық технологиялар мен трендтерді қарастырады. Білім алушылар сторителлинг негіздері – оқиға құрудың құрылымын (басталуы, шиеленісу, шарықтау шегі, шешімі), инфографика жасау – ақпаратты графикалық түрде беру, визуалды нарратив – визуал арқылы оқиға айту тәсілдерін т.б. үйренеді.

  Оқу жылы - 3
  Семестр - 1
  Несиелер - 5
  

• PR және спичрайтинг

  Курс PR және спичрайтинг (сөйлеу мәтіндерін жазу) саласындағы негізгі ұғымдар мен әдістерді қарастырады. Қоғаммен тиімді қарым-қатынас жасау үшін қолданылатын стратегиялық коммуникациялар мен PR құралдарын меңгертеді. Білім алушылар спичрайтинг негіздері, мемлекеттік және қоғамдық тұлғаларға арналған сөздерді жазу, сөз сөйлеу стильдері мен техникалары, тыңдаушылармен өзара әрекеттесу туралы практикалық дағдылар қалыптастырылатын болады. Білім алушылар қоғамдық пікірді қалыптастыру және басқару үшін сөз сөйлеудің күшін тиімді пайдалануы үйренеді.

  Оқу жылы - 3
  Семестр - 1
  Несиелер - 5
  

• Журналистік материалдарды жазу практикумы

  Курс білім алушылардың жазу дағдыларын дамытуға, кәсіби стандарттарға сәйкес жазу шеберліктерін қалыптастыруға бағытталған. Курста жаңалық жазу тәжірибесі – қысқа, нақты, құрылымы дұрыс жаңалық мәтіндерін жазу; сұхбат алу – сұрақ қою техникасы, сұхбатты стенограммаға түсіру және өңдеу; оқиға орнынан репортаж жазу, атмосфераны жеткізу тәсілдері, редакциялау және өзін-өзі өңдеу дағдылары – мәтінді грамматикалық, стилистикалық тұрғыдан түзету, мультимедиялық контентпен жұмыс – мәтінді фото, видео, инфографикамен толықтыру, т.б. үйретіледі.

  Оқу жылы - 3
  Семестр - 1
  Несиелер - 5
  

• Дыбыс жазу мен өңдеудегі цифрлы технологиялар

  Пән дыбыс жазу мен өңдеуде қолданылатын заманауи цифрлық технологиялар туралы білім береді. Білім алушылар дыбыс жазудың негізгі әдістерін, өңдеу принциптерін және цифрлық дыбыспен жұмыс істеуге арналған бағдарламалық құралдарды меңгереді. Журналистикада қолданылатын цифрлық аудиотехнологиялармен танысады. Радиохабарлар мен подкасттар жасау үшін дыбыс сапасын жақсарту әдістері, цифрлы дыбыс форматтары, студиялық жазба жасау, анимация, кино индустриясындағы дыбыс жазу ерекшеліктері қарастырылады.

  Оқу жылы - 3
  Семестр - 1
  Несиелер - 5
  

• Журналистік зерттеу

  Курста журналистік зерттеудің қоғамға тигізетін әсері, құқықтық және этикалық нормалар, заманауи технологияларды қолдану мәселелері қарастырылады. Журналистік зерттеудің әдістері мен принциптерін зерттеуге арналған бұл пәнде білімалушылар ақпаратты терең талдауға, дереккөздермен жұмыс істеуге, құжаттарды қарауға үйренеді, аналитикалық ойлауды дамытады. Курс білім алушыларды тәуелсіз ойлауға, сараптамалық талдау дағдыларын дамытуға және кәсіби зерттеу жүргізуге үйретеді.

  Оқу жылы - 3
  Семестр - 1
  Несиелер - 5
  

• Медианарық мониторингі

  Курс медианарықты зерттеу әдістерін, БАҚ рейтингтері мен нарықтық трендтерді талдауды, цифрлық медиадағы аналитика құралдарын пайдалануды үйретеді. Курста білім алушылар заманауи медиа саласының құрылымымен, оның даму тенденцияларымен, аудитория сұранысы және ақпараттық контенттің таралуымен танысады. Пән журналистерге медиа-нарықты кәсіби деңгейде талдауға және сапалы контент әзірлеуге көмектеседі. Сонымен қатар, медиаконтентті сараптау, мониторинг платформалары мен аналитикалық бағдарламалар туралы қарастырылады.

  Оқу жылы - 3
  Семестр - 1
  Несиелер - 5
  

• Дағдарыстық PR

  Курс ақпараттық технологиялардың, жаһандық телекоммуникациялардың қарқынды дамуы барлық әлеуметтік-экономикалық жүйелерді басқарудағы PR-дың өзекті маңыздылығын және қоғаммен байланыс дағдыларын меңгерген білікті мамандарды практикалық даярлау қажеттілігін айқындайтынын қарастырады. Пәнде дағдарыстарды болжауға, оларға дайындалуға, олар туындаған жағдайда дұрыс әрекет етуге, кейіннен ұйымның беделін қалпына келтіруге көмектесу жолдары қарастырылады. Білім алушылар дағдарыс деген не, оның түрлері мен себептерін, дағдарыстың алдын алу т.б. әдістерімен танысады.

  Оқу жылы - 3
  Семестр - 1
  Несиелер - 5
  

• PR-мәтіндерін редакциялау

  Қоғамдық байланыстар саласындағы мәтіндерді талдау және олардың тиімділігін бағалау дағдыларын дамытуға бағытталған. Пәнде медиа және PR мәтіндерінің ерекшеліктері, аудиторияға әсер ету әдістері, ақпараттың маңыздылығын арттыру үшін тілдік құралдарды қолдану мәселелері қарастырылады. Білім алушылар түрлі PR-материалдарды (баспасөз хабарламалары, интервьюлер, жарнамалық буклеттер, әлеуметтік медиа посттары, кейс-стадилер және т.б.) талдап, олардың қоғамдық қабылдауға қалай әсер ететінін зерттейді.

  Оқу жылы - 3
  Семестр - 1
  Несиелер - 5
  

• Журналистік мәтін жазуда деректерді визуалдау

  Бұл курста үлкен көлемдегі ақпаратты анық әрі түсінікті түрде ұсыну әдістерін үйретеді. Пәнде сонымен қатар, деректерді визуализациялаудың негізгі принциптері, құралдары және әдістері қарастырылады. Білім алушылар интерактивті графика, инфографика және диаграммаларды құру дағдыларын үйренеді. Деректер журналистикасының негіздері, деректерді іздеу және талдау, деректерді өңдеу және тазарту, кросс-платформалық сторителлинг және инфографика, Python, Excel және Google Sheets сияқты құралдарды пайдалануды меңгереді.

  Оқу жылы - 3
  Семестр - 1
  Несиелер - 5
  

• Журналистикадағы тәсілдер мен трендтер

  Бұл пәнде білім алушыларға қазіргі журналистикада қолданылатын әдіс-тәсілдерді (зерттеу, сараптамалық, мобильді, цифрлық журналистика және т.б.) және жаңа медиатехнологиялардың дамуынан туындаған трендтерді (подкастинг, SMM, деректер журналистикасы, мультимедиа форматтар) талдайды. Сондай-ақ аудитория сұранысына сай контент жасау ерекшеліктері үйретіледі. Пән білім алушыларға жаһандық және жергілікті медиатрендтерді, журналистиканың заманауи тәсілдерін меңгеруге мүмкіндік береді.

  Оқу жылы - 3
  Семестр - 1
  Несиелер - 5
  

• PR және баспасөз қызметінде кәсіби жұмыс дағдылары

  Пән негізінен білім алушыларға қоғаммен байланыс және баспасөз қызметі саласында кәсіби жұмыс істеу үшін қажетті негізгі дағдыларды меңгертуге бағытталған. Ақпараттық технологиялардың, жаһандық телекоммуникациялардың қарқынды дамуы барлық әлеуметтік-экономикалық жүйелерді басқарудағы PR-дың маңыздылығын және қоғаммен байланыс дағдыларын меңгерген білікті мамандарды практикалық даярлау қажеттілігін анықтайды. Ұйымның мақсаттарына, типологиясына және құрылымына байланысты осы іс-әрекеттегі тәсілдерді ажыра білуді үйретеді.

  Оқу жылы - 3
  Семестр - 1
  Несиелер - 5
  

• Көрнекі журналистика

  Курс журналистикада көрнекі элементтердің рөлін, визуалды контенттің маңыздылығын және оның аудиториямен байланыс орнатудағы әсерін меңгертеді. Ақпаратты тартымды ұсыну үшін көрнекі құралдарды қолдану әдістері мен техникалары оқытылады. Визуалды журналистиканың құралдары: фото, инфографика және бейне; мәтін мен бейненің үндестігі: ақпаратты визуалды жеткізудің тиімді тәсілдері үйретіледі Пәнде білім алушыларға фотосуреттер, видеоматериалдар, инфографика, анимациялар, басқа визуалды элементтер арқылы жаңалықтарды, оқиғаларды қалай жеткізге болатыны түсіндіріледі.

  Оқу жылы - 3
  Семестр - 2
  Несиелер - 5
  

• Медиатексті жазу шеберлігі және сөз мәдениеті

  Пән қазіргі заманғы медиаортада кәсіби жазу машықтарын, соның ішінде журналистік, PR, және саяси-коммуникациялық мәтіндерді (спичрайтинг) құрастыра білу қабілетін дамытуға бағытталған. Бұл пән медиатексттерді (ақпараттық, аналитикалық, публицистикалық, көркем-публицистикалық және жарнамалық мәтіндер) жазудың практикалық және теориялық негіздерін, сондай-ақ спичрайтинг өнерін үйретеді. Білім алушылар әртүрлі мақсаттағы аудиторияға арналған мәтіндерді сауатты құрастыру, ораторлық шеберлік пен спикердің бейнесін жасау жолдарын меңгереді.

  Оқу жылы - 3
  Семестр - 2
  Несиелер - 5
  

• Деректер журналистикасы

  Пән деректерді жинау, талдау және оларды журналистикада қолдану әдістерін үйретуге бағытталған. Білім алушыларға көлемді деректер жиынтығын анық және қолжетімді түрде визуализациялау, статистикалық талдау жүргізу және оларды оқырманға жеткізу дағдылары үйретіледі. Деректер журналистикасы ақпараттың дәлдігі мен сенімділігін қамтамасыз ету мақсатында көлемді деректермен жұмыс істеу тәсілдерін қамтиды. Деректерді журналистиканың жаңа мүмкіндіктерін пайдалану арқылы өңдеп аудиторияға маңызды ақпарат ұсынуды үйренеді.

  Оқу жылы - 3
  Семестр - 2
  Несиелер - 5
  

• Деректерді өңдеу және талдау

  Курс журналистикада деректерді өңдеу, талдау және интерпретациялау әдістерін үйретуге бағытталған. Үлкен көлемдегі деректерді жинау, тазалау, жүйелеу, статистикалық талдау жасау және оларды түсінікті және қолжетімді түрде жеткізу дағдылары ұсынылады. Деректердің мәнін түсінуге, оны дұрыс талдауға және журналистік контексте пайдалану үшін құралдар мен әдістерді игеруге көмектеседі. Деректерге негізінде журналистік зерттеу жүргізу әдістерін және ақпаратты әртүрлі аудиторияға тиімді ұсынуды үйретеді.

  Оқу жылы - 3
  Семестр - 2
  Несиелер - 5
  

• Әлеуметтік медиа және контент жасау мәселелері

  Пән әлеуметтік медиа платформаларының ерекшеліктерін, олардың аудиторияға әсерін және контент жасаудың заманауи әдістерін зерттейді. Білім алушылар әлеуметтік желілердегі трендтерді, контент түрлерін (мәтін, фото, видео, подкаст), олардың таралу стратегияларын және алгоритмдердің жұмысын меңгереді. Сондай-ақ, әлеуметтік медиадағы ақпараттың шынайылығы, этикалық нормалар және фейк жаңалықтар мәселелері қарастырылады. Курс блогерлер, SMM-мамандар, журналистер, PR және маркетинг саласында жұмыс істегісі келетіндер үшін маңызды.

  Оқу жылы - 3
  Семестр - 2
  Несиелер - 5
  

• SMM нарығы

  Курста білім алушыларға теледидар, радио, онлайн БАҚ-та журналистік шығармашылық түрлері мен әдістерін білу, эфирлік және баспа контентін өз бетінше жасай білуді үйретеді. Түрлі форматтағы технологиялар, фото, аудио, видео, мультимедиялық технологияларды игереді. Іскерлік басылымдардың типологиясын, дизайнының ерекшелігін, PR-құрылымдар қызметінің әдістері мен нысандарын, БАҚ және бизнестің өзара әрекет ету тәсілдері туралы білімін қалыптастырады.

  Оқу жылы - 3
  Семестр - 2
  Несиелер - 5
  

• Контент жасаудың заманауи әдістері

  Пән цифрлық технология мен әлеуметтік желілердің дамуымен қатар пайда болған, ақпаратты тұтынушыға заманауи әрі интерактивті түрде ұсынатын медиа түрлері туралы түсінік береді. Білімалушылардың заманауи медиаконтент форматтарын қысқа әрі визуалды тартымды видеолар арқылы оқиғаны баяндау дағдылары қалыптасады. Сонымен қатар подкасттар, аудио форматтағы сұхбаттар, пікірлер, репортаждарды заманауи платформаларда тарату жолдарын үйретеді. Репортаждар, деректі бейнематериалдарды жылдам, тұтынуға ыңғайлы, қысқа формада беру тәсілдерін меңгереді.

  Оқу жылы - 3
  Семестр - 2
  Несиелер - 5
  

• Дизайн және басылымды безендіру

  Курс басылым макетін визуалды безендіру және дизайн жасау негіздерін үйретеді. Басылымның сыртқы түрін, құрылымын, графикалық элементтерді пайдалану, түстердің, шрифттер мен макеттердің үйлесімін түсіну, тиімді дизайн принциптерін игеру ұсынылады. Басылымдардың стилі мен эстетикалық көрінісін қалыптастыруға бағытталған практикалық дағдылар мен әдістер қарастырылады. Білім алушылар басылым өнімдерінің графикалық дизайн негіздері, шрифт және және типография: мәтінмен жұмыс істеу әдістерін үйренеді.

  Оқу жылы - 3
  Семестр - 2
  Несиелер - 5
  

• Data-журналистика

  Курс білім алушыларға ақпаратты сандық форматта жинау, өңдеу, талдау және визуализациялау дағдыларын үйретеді. Деректермен жұмыс істей отырып, аудиторияға нақты және түсінікті ақпарат ұсынуға мүмкіндік береді. Пән ақпаратты тек мәтін түрінде ғана емес, сонымен қатар графикалар, диаграммалар, карталар және интерактивті құралдар арқылы беруге бағытталған. Курс ақпаратты статистикалық әдістермен талдауға, цифрлық құралдарды пайдалануға, деректерден маңызды мәліметтерді бөліп көрсетуге мүмкіндік береді.

  Оқу жылы - 3
  Семестр - 2
  Несиелер - 5
  

• Инфографика және визуальды коммуникация

  Пән ақпаратты көрнекі түрде ұсынудың заманауи әдістері мен құралдарын зерттейді. Бұл пән графикалық дизайн, деректер визуализациясы, медиа және цифрлық технологиялар саласындағы білім мен дағдыларды дамытуға бағытталған. Білім алушылар инфографиканың түрлерін, визуалды коммуникацияның негізгі қағидаларын, визуалды мәдениет пен қабылдау заңдылықтарын меңгереді. Сонымен қатар, бағдарламалық қамтамасыз ету (Adobe Illustrator, Canva, Piktochart т.б.) арқылы практикалық жұмыстар жүргізіледі

  Оқу жылы - 3
  Семестр - 2
  Несиелер - 5
  

• Медиаконтенттің жаңа форматтары

  Пән заманауи медиаиндустриядағы жаңа медиаформаттарды, технологияларды және платформаларды зерттейді. Курс білім алушыларға медиаконтенттің дәстүрлі және заманауи түрлерінің айырмашылығын, жаңа форматтардың (подкасттар, бейнеблогтар, инфографика, интерактивті контент, мемдер, AR (артық шындық) және VR (виртуалды шындық, т.б.) пайдалануды және олардың аудиторияға әсерін түсінуге мүмкіндік береді. Курс медианы цифрлық дәуірдегі инновациялық өзгерістерге бейімдеуге бағытталған. Білім алушыларға медиа саласындағы жаңа технологиялар мен контент форматтарын тиімді пайдалануды үйретеді.

  Оқу жылы - 3
  Семестр - 2
  Несиелер - 5
  

• Медиа дизайн және графикалық дизайн

  Пән медиа индустрияда графикалық дизайнның рөлі мен қолдану принциптерін қарастырады. Курс визуалды коммуникация, түстер теориясын, типографияны, макеттеу және цифрлық құралдарды арқылы контент жасау әдістерін қамтиды. Білім алушылар Adobe Photoshop, Illustrator, InDesign, т.б. бағдарламалармен жұмыс істеп, баспа және сандық медиаға арналған дизайн жасайды. Графикалық дизайнның негізгі принциптерін, визуалды коммуникация және ақпаратты графикалық түрде ұсыну, композиция, негіздерін терең түсінуді қамтамасыз етеді.

  Оқу жылы - 3
  Семестр - 2
  Несиелер - 5
  

• Ақпараттық қауіпсіздік

  Пәнде журналистік қызметтегі ақпараттық қауіпсіздіктің негізгі ұғымдары, принциптері мен қауіп-қатер түрлері қарастырылады. Білім алушылар деректерді қорғау, жеке және редакциялық ақпараттың қауіпсіздігін сақтау, фейк пен манипуляцияларды тану, кибершабуылдарға қарсы әрекет ету және цифрлық қауіпсіздік құралдарын қолдану дағдыларын меңгереді. Курста барысында интернет-журналистика құралдарын пайдалану арқылы әлемдік және отандық БАҚ-тың ақпараттық қауіпсіздік саласындағы заманауи тәжірибесімен танысады.

  Оқу жылы - 4
  Семестр - 1
  Несиелер - 5
  

• Деректерді визуализациялау

  Пән ақпараттық журналистика мен цифрлық коммуникация саласындағы маңызды бағыттардың бірі. Бұл пән білім алушыларды күрделі мәліметтер мен статистиканы визуалды түрде түсінікті, көрнекі және тартымды етіп ұсыну дағдыларына үйретеді. Сондай-ақ, журналистикада, медиа саласында және қоғамдық коммуникацияда қолданылатын деректерді графикалық түрде ұсыну тәсілдерін меңгеруге бағытталған. Білім алушылар диаграмма, график, инфографика, карталар мен интерактивті визуализация құралдарын қолдана отырып, ақпаратты аудиторияға түсінікті және әсерлі түрде жеткізуді үйренеді.

  Оқу жылы - 4
  Семестр - 1
  Несиелер - 5
  

• Медиа жобаларды продюсерлеу

  Пән медиа индустриядағы жобаларды басқару және продюсерлеу негіздерін үйретуге арналған. Курста білім алушылар медиа өнімдерді жоспарлауды, қаржыландыру, басқару және тарату жолдарын меңгереді. Контент өндіру, аудиторияны зерттеу, медиа жобаларды монетизациялау және оларды нарыққа шығару стратегиялары қарастырылады. Пәнде медиа жобаны жоспарлау және оның құрылымы, бюджеттеу және қаржыландыру көздері: продюсердің рөлі, медиа жобалардың маркетингі тақырыптары қамтылған.

  Оқу жылы - 4
  Семестр - 1
  Несиелер - 6
  

• Медибизнесті ұйымдастыру теориясы мен практикасы

  Курс медианарықтың құрылымы мен даму ерекшеліктерін, сондай-ақ іскерлік журналистиканың негізгі принциптерін зерттейді. Журналистика, медиа-менеджмент, PR, маркетинг және кәсіпкерлік саласында жұмыс істегісі келетіндер үшін маңызды. Білім алушылар медиа-бизнестің экономикалық және басқарушылық аспектілерін, қаржылық модельдерді, жарнама мен PR-дың рөлін меңгереді. Пәнде іскерлік журналистиканың стандарттары, аналитикалық шолулар жасау, қаржы, экономика және бизнес тақырыптары бойынша ақпарат дайындау әдістері қарастырылады.

  Оқу жылы - 4
  Семестр - 1
  Несиелер - 6
  

• Авторлық бағдарламалар

  Пән қазіргі медиа кеңістіктегі авторлық бағдарламалардың құрылымы, олардың формалары мен жанрлары, сондай-ақ жүргізуші мен редактордың шығармашылық рөлі туралы білім береді. Білім алушылар авторлық бағдарламаларды құру, олардың мазмұнын таңдау және аудиториямен тиімді байланыс жасау дағдыларын үйренеді. Пәнде сонымен қатар бағдарламалар концепцияларын, сценарий жазу үрдісін, техникалық және шығармашылық аспектілерді, редакциялық жұмыстарды талдайды. Авторлық бағдарламаларға және олардың қоғамдық-әлеуметтік маңыздылығына ерекше назар аударылады.

  Оқу жылы - 4
  Семестр - 1
  Несиелер - 6
  

• Интернет кеңістіктегі ақпараттық қауіпсіздік мәселелері

  Курс интернет желісінде ақпараттық қауіпсіздікті қамтамасыз етудің негізгі қағидалары мен әдістерін зерттеуге бағытталған. Білім алушылар онлайн платформаларда киберқауіптер, деректерді қорғау, фишинг, зиянды бағдарлама, әлеуметтік инженерия және ақпараттық қауіпсіздік шаралары туралы білетін болады. Курс цифрлық қауіптерден қорғануды және интернеттегі ақпаратпен қауіпсіз жұмыс істеуге үйретеді. Пән аясында кибершабуылдардың алдын алу, жеке деректерді қорғау тақырыптары қамтылған.

  Оқу жылы - 4
  Семестр - 1
  Несиелер - 5
  

• Цифрлық сторителлинг

  Бұл пән журналистика, PR, жарнама және цифрлық контент өндірісінде кеңінен қолданылатындықтан, қазіргі медиа кеңістікте оқиғаларды креативті әрі әсерлі форматта баяндау дағдыларын үйретеді. Пәнде білім алушылар оқиғаны мәтін, фото, видео, аудио, графика және анимация элементтерін біріктіре отырып, әртүрлі цифрлық платформаларда (әлеуметтік желілер, сайттар, мобильді қосымшалар) тартымды түрде жеткізу өнерін үйренеді. Сондай-ақ, пән оқиғаны креативті құрылымдау мен көркемдеу арқылы аудиториямен эмоционалды байланыс орнатуға бағытталған.

  Оқу жылы - 4
  Семестр - 1
  Несиелер - 5
  

• Іскерлік және имидждік коммуникация

  Пән журналистика және медиа саласында жұмыс істейтін мамандардарға іскерлік қарым-қатынас және имидж қалыптастырудың негіздерін үйретеді. Курста білім алушылар ұйымдар мен жеке тұлғалардың имиджін қалыптастырудың, бұқаралық ақпарат құралдарында жарнамалаудың, PR-акциялар өткізудің және корпоративтік мәдениетті қалыптастырудың тиімді әдістері мен тәсілдерін меңгереді. Сондай-ақ, іскерлік коммуникацияның заманауи трендтері мен әлеуметтік желілердегі корпоративтік имиджді басқарудың үрдістері туралы білім беріледі.

  Оқу жылы - 4
  Семестр - 1
  Несиелер - 6
  

• Цифрлық медиа және подкастинг

  Курста цифрлық медиа мен подкастингтің негіздері мен оларды журналистикада қолдану әдістерін қарастырады. Цифрлық медиа алаңдарында контент жасаудың ерекшеліктері, подкастингтің пайда болуы мен дамуы, аудио және бейнеконтентті жасау, тарату және аудиториямен байланыс орнату дағдылары үйретіледі. Білім алушылар подкаст жобаларын жасауға қажетті барлық білім мен дағдыларды меңгеріп, цифрлық медиа форматтарын қолдана отырып тиімді хабарлар тарату жолдарын үйренеді.

  Оқу жылы - 4
  Семестр - 1
  Несиелер - 6
  

• Ғылыми-танымдық журналистика

  Курс ғылыми-танымдық жаңалықтар мен ғылыми ақпаратты әлеументке түсінікті әрі қызықты түрде жеткізуге бағытталған. Білім алушыларға ғылыми зерттеулерді, эксперименттерді, ғылыми жетістіктерді, ғылым мен шығармашылық салаларын дұрыс көрсету әдістерін үйретеді. Пәнде ғылыми тақырыптар мен зерттеулерді журналистік тұрғыдан сауатты жазуды және түсіндіру қажеттігін үйренеді. Курстың мазмұны ғылыми материалдарды бұқаралық ақпарат құралдарында тиімді жариялау әдістері мен тәсілдерін қамтиды.

  Оқу жылы - 4
  Семестр - 1
  Несиелер - 5
  

• Қоғаммен байланыс және имиджмейкинг

  Пән аясында білім алушылар қоғаммен байланыс стратегияларын құру, қоғаммен байланыстың түрлі құралдарын қолдану, медиа мен қоғам арасындағы қарым-қатынасты нығайту туралы білім алады. Курста жеке тұлғалар мен ұйымдардың қоғамдық имиджін жасау және оны басқару, ақпараттық кампанияларды ұйымдастыру әдістері талқыланады. Имиджмейкинг – жеке тұлғалар немесе ұйымдардың қоғамдағы және медиадағы оң имиджін жасау және басқару процесі қарастырылады.

  Оқу жылы - 4
  Семестр - 1
  Несиелер - 5
  

• Медиаөнім стандарттары

  Курс медиаөнімдердің құрылымы мен сапасына қойылатын талаптарды түсінуге бағытталған. Медиаөнім – журналистік материалдарды дайындау мен тарату барысында сақталуы тиіс ережелер мен талаптар жиынтығын меңгереді. Білім алушылар медиаөнімнің барлық кезеңдерінде қолданылатын кәсіби стандарттарды, соның ішінде мәтіннің құрылымы, редакциялық жұмыс, журналистік этика және құқықтық нормаларды үйренеді. Курста медиа түрлеріне (радио, теледидар, баспа, интернет-журналистика) және әртүрлі аудиторияларға ақпаратты ұсынудың талаптарына назар аударады.

  Оқу жылы - 4
  Семестр - 1
  Несиелер - 6
  

• Практикалық журналистика

  Пән журналистік шеберліктің негізгі дағдыларын үйретуге бағытталған. Пәннің мазмұны жаңалықтар жазу, репортаж дайындау, сұхбат алу, деректермен жұмыс істеу және ақпаратты тексеру тәсілдерін қамтиды. Сондай-ақ этика, медиа тіл және заманауи медиа құралдарымен жұмыс істеу тәжірибесі қамтылады. Білім алушылар жаңалықтарды жазудың құрылымы және ақпаратты сұрыптау тәсілдерін, интервью алу техникасы сияқты тәжірибелік дағдыларды меңгереді. Пән тәжірибеге негізделген тапсырмалармен жүргізіледі.

  Оқу жылы - 4
  Семестр - 1
  Несиелер - 5
  

• Ақпараттық соғыс

  Пәнде ақпараттық соғыс ұғымы, ақпараттық соғыстың теориялық негіздері мен стратегиялары, үгіт-насихат, фейк жаңалықтар, манипуляция және қоғамдық санаға ықпал ету құралдары қарастырылады. Білім алушылар ақпараттық қарсы шабуылдардың түрлерін, медиатехнологиялар арқылы ықпал ету әдістерін, медиалық манипуляция стратегияларын, сондай-ақ ақпараттық қақтығыстар мен идеологиялық күрестің журналистикадағы көріністерін талдайды. Пән аясында заманауи медиамәтіндерді талдау арқылы ақпараттық ықпал ету тактикаларының қолданылу тәсілдері меңгеріледі.

  Оқу жылы - 4
  Семестр - 1
  Несиелер - 5
  

• PR және PR-брендинг

  Курс PR және PR-брендинг саласындағы теория мен практиканың негіздерін қамтиды. Білім алушыларға PR-журналистикасының маңызы, PR әдістері мен құралдары, ұйымдар мен тұлғалар үшін брендинг және оны PR-да қолдану туралы түсінік беріледі. PR-брендингі – брендті құру және дамыту, оның қоғамдағы бейнесін және тұтынушылармен қарым-қатынасын басқару процесі. Пән аясында түрлі PR-акцияларды өткізу, медиа-кампаниялар құру, сондай-ақ қоғаммен тиімді қарым-қатынас орнату мәселелері талқыланады.

  Оқу жылы - 4
  Семестр - 1
  Несиелер - 5
  

• Ғылыми-зерттеу жұмыстарының әдістемесі

  Курс журналистика саласы бойынша ғылыми зерттеу жүргізу мен ғылыми жұмыстың әдіс-тәсілдерін үйретуге бағытталған. Ғылыми зерттеу тақырыбы мен мақсатын таңдауды, ғылыми әдебиетпен жұмыс істей білуді, деректерді талдауды, зерттеу нәтижелерін жариялау тәртібін үйретеді. Білім алушыларға зерттеу жұмыстарын жүргізу барысында қолданылатын контент талдау, сауалнама, интервью, эксперимент, тарихи әдіс, әлеуметтік зерттеу, фокус топ, бақылау, т.б. негізгі әдіс-тәсілдерді түсіндіреді. Журналистік зерттеу дағдыларын қалыптастырады.

  Оқу жылы - 4
  Семестр - 1
  Несиелер - 5
  

• Мамандандырылған журналистика

  Саяси журналистиканың ерекшеліктері, экономикалық тақырыптарды жазу әдістері, ғылыми-танымал материалдарды дайындау, мәдени журналистика: шолу және сын, спорттық журналистика: репортаж және аналитика, салалық дереккөздермен жұмыс тақырыптары қамтылған. Білім алушылар салалық дереккөздермен жұмыс істеуді үйренеді. Пән тәжірибеге негізделіп оқытылады.

  Оқу жылы - 4
  Семестр - 1
  Несиелер - 5
  

• Ғылыми медиажурналистика

  Пән журналистика мен ғылымды біріктіретін сала болып табылады. Ғылыми журналистиканың негізгі қағидалары, әдістері мен ерекшеліктері қарастырылады. Ғылыми ақпаратты қоғамдық медиада тиімді және анық жеткізу әдістерін үйретеді. Білім алушыларға ғылыми ақпаратты талдау, күрделі ғылыми ұғымдарды қарапайым және түсінікті тілмен баяндау, ғылыми зерттеулер мен жаңалықтарды қоғамға жеткізу тәсілдерін үйретеді. Сондай-ақ ғылыми этика, фактчекинг, жалған ақпаратпен күресуді және ғылыми контентті визуализациялау әдістерін қамтиды.

  Оқу жылы - 4
  Семестр - 1
  Несиелер - 5
  

• Жасанды интеллект және журналистика

  Пән білімалушыларға жасанды интеллекттің негіздерін, оның журналистика саласындағы қолдану мүмкіндіктерін, жасанды интеллекттің құралдары мен әдістерін үйретуге бағытталған. Пән шеңберінде білімалушылар ЖИ арқылы жаңалықтарды автоматты генерациялау, фейк ақпаратты анықтау, контентті дараландыру сияқты технологиялардың жұмыс істеу принциптерін меңгереді, деректер журналистикасы және медиа этика аспктілерімен танысады. Сонымен қатар, ЖИ құралдарының журналистік зерттеулерде, ақпаратты жинау мен сараптауда, контент жасау мен таратуда қалай қолданылатыны қарастырылады.

  Оқу жылы - 4
  Семестр - 1
  Несиелер - 5
  

• Журналистің жеке стилі

  Пән журналистің жеке қолтаңбасын, кәсіби имиджін қалыптастыруға, авторлық мәнерін дамытуға бағытталған. Білім алушылар журналистік жанрлардағы стильдік ерекшеліктерді, мәтін құрылымын, риторика мен публицистикалық тәсілдерді, тілдік құралдарды тиімді қолдану жолдарын меңгереді. Пәнде авторлық баяндаудың бірегейлігін қалыптастыру, аудиториямен байланыс орнату және медиа ортада өзін-өзі таныту әдістері қарастырылады. Курс кәсіби журналистика, публицистика, блогинг, медиаөндіріс және авторлық журналистика салаларында жұмыс істегісі келетіндер үшін маңызды.

  Оқу жылы - 4
  Семестр - 1
  Несиелер - 5
  

• Заманауи PR технологиялары

  Курс өнімді өндіру, компания қызметін басқару технологияларын түсінуге бағытталған. Пән аясында білім алушылар PR (Public Relations) саласындағы заманауи трендтерді, цифрлық коммуникация тәсілдерін, әлеуметтік медиа платформаларын пайдалануды, имидж және бренд қалыптастыру стратегияларын, дағдарыс жағдайындағы коммуникация әдістерін меңгереді. Сонымен қатар контент жасау, мақсатты аудиториямен өзара әрекеттесу, медиа-жоспарлау және аналитика құралдарын қолдану жолдары қарастырылады.

  Оқу жылы - 4
  Семестр - 1
  Несиелер - 5
  

Профессии

Оқыту нәтижелері

• Қоғамның қазіргі даму үрдістерін ескере отырып, әлеуметтік-мәдени, экономикалық-құқықтық, экологиялық білімдер мен коммуникативтік дағдыларды, ақпараттық технологияларды қолдану
• Журналистік материал дайындауда құқықтық және этикалық ережелер мен медиа ақпараттық сауаттылықтың негізгі қағидаларын пайдалану
• Журналистік материалдарды саралау мен дайындауда журналистика жанрлары мен формаларымен, ақпарат көздерімен жұмыс істеуге бейімдеу.
• Дәстүрлі және жаңа медианың технологиялық мүмкіндіктері, баспа, радио, теледидар, интернет материалдары негізінде жаңа форматтарда журналистік өнім жасау.
• Ақпарат кеңістігінде цифрлы құзіреттіліктерді пайдалану арқылы цифрлық медиа мен жасанды интеллектінің мүмкіндіктерін қолдану
• Ақпаратты анықтау және тарату, елдегі әлеуметтік-экономикалық жағдайды аналитикалық бағалау үшін SMM және PR коммуникация әдістерін пайдалану
• Отандық медиа индустрияның проблемалары, БАҚ тұрақтылығы көрсеткіштері, БАҚ тұтынудағы өзгерістер, медиабизнестің бөлігі ретінде блогосфераның пайда болу жағдайына бейімдеу
• Медиадағы әлеуметтік маркетинг, жалпы ережелері, медиаменеджерлерге арналған SMM қызметі жағдайларын пайдалану
• Мультимедиялық талдау арқылы ақпарат алудың формалары мен әдістерін қолдану, мультимедиялық форматтарды веб-ресурстарға орналастыру
• Деректер журналистикасындағы үлкен көлемдегі деректерді талдау, визуализация құралдарын пайдалану, әрбір жеке деректер элементінің мәнін ашу

Ұқсас БББ