6B01513 Информатика, ақпараттық-коммуникациялық технологиялар және робототехника в Ы.Алтынсарин атындағы АПИ

Пәндер

• Жоғары деңгейлі программалау технологиясы

  Жоғары деңгейлі программалау тілдерінің негізгі синтаксисі мен семантикасын біледі; көптеген мәселелерді шешуге инкапсуляция, мұрагерлік, полиморфизм принциптерін практикада іс жүзінде қолданады; ойындарды, күрделі жүйелерді модельдеу үшін объектілік тәсілді және жоғары деңгейлі бағдарламалау тілі арқылы нақты жоба пайдаланады.

  Оқу жылы - 1
  Семестр - 1
  Несиелер - 6
  

• Компьютерлік жүйелердің архитектурасы және информатиканың теориялық негіздері

  Білім алушы компьютерлік техниканың даму тарихы, компьютер архитектурасы, ішкі құрылғылардың физикалық қасиеттерімен танысады; ақпараттың сандық көрінісі және компьютердің арифметикалық, логикалық, алгоритмдік негіздерін игереді; формальды тілдер мен автоматтар теориясы, есептеу теориясының негізгі принциптерін іс жүзінде қолданады. Алгоритмдердің күрделілігі мен тиімділігін бағалайды.

  Оқу жылы - 1
  Семестр - 1
  Несиелер - 5
  

• Компьютерлік графика және 3D модельдеу

  Білім алушылар компьютерлік графика мен 3D модельдеудің негіздерін біледі; 3D объектілердің модельдерін, графикалық примитивтерді, векторлық кескіндерді жасау, векторлық кескіндерді құруды игереді; графикалық жобаларды құрастыру кезінде дизайн принциптері мен композицияны қолданады; Blender, Sweet Home 3D, Scultris, SketchUp Make, nanoCad free бағдарламаларында кәсіби жобалар мен шығармашылық тапсырмаларды орындауды жүзеге асыра алады.

  Оқу жылы - 1
  Семестр - 2
  Несиелер - 5
  

• Python тілінде программалау негіздері

  Курс соңында Python алгоритмдік тілдің құрылымын, тілдің мүмкіндіктерін, бағдарламалау ортасында алгоритмдер құру принциптерін сипаттайды; Python-ның басқару құрылымдарын, алгоритм түрлерін, циклдерді, тізімдер, кортеждер, жиындар мен сөздіктерді, массивтерді, алгоритмнің трассировкасын игереді; Python-ғы негізгі стандартты модульдерді, қолданбалы есептерді талдау, жобалау және бағдарламалау әдістерін, алгоритмдер мен бағдарламаны құрудың барлық кезеңдерінде дұрыс технологияны пайдаланады

  Оқу жылы - 1
  Семестр - 2
  Несиелер - 5
  

• Балалардың жас және физиологиялық даму ерекшеліктері

  Болашақ мұғалімдер психиканың қалыптасуымен, оның қызметімен және даму заңдылықтарымен танысады. Болашақ мұғалімдер білім алушылардың даумын бақылай алады және соған сай жас ерекшеліктеріне сәйкес оқу үрдістерін жоспарлап, жүзеге асыра алады және білім алушылардың жеке қажеттіліктерін ескере алады. Болашақ мұғалімдер әр түрлі жағдайларда шығармашылық тұрғыда және жағдаятқа сай әрекет ете алады және жалпы білім беру мен білім алушылардың игілігін сақтай алады.

  Оқу жылы - 1
  Семестр - 2
  Несиелер - 3
  

• Білім беру жүйесіндегі жасанды интеллект

  Білім алушылар білім беру процесінде жасанды интеллект пен нейрожелілерді қолданудың негіздерін біледі; нейрондық желілердің принциптерін, олардың архитектурасын, алгоритмдері мен ассоциативті жад желілерін түсінеді; ЖИ тілдік моделдерін тиімді промпттар арқылы басқарады; білім беру деректерін визуализациялайды және талдайды; ЖИ көмегімен геймификация әдістерін қолданады; қолданбалы мәселелерді шешуде ойлау процестерін модельдеу мен нейрожелілерді қолданудың практикалық аспектілерін зерттейді.

  Оқу жылы - 2
  Семестр - 1
  Несиелер - 3
  

• Физика есептерін шығару практикумы

  Бұл курс есептерді шешу арқылы физика курсын тереңірек зерттеуге, физикалық есептерді шешуде әдіснамалық білімді қалыптастыруға ықпал етеді. Болашақ мұғалімдердің білімін, іскерлігі мен дағдыларын қалыптастыруға және тұрақты бақылауға бағытталған; есептерді шешудің әртүрлі әдістерін (аналитикалық, графикалық, эксперименттік және т.б.) меңгереді. Курс барысында мектеп физика курсының есептерін талдап, шығару жолдары мен шешімдерін айқындайды.

  Оқу жылы - 2
  Семестр - 1
  Несиелер - 4
  

• Білім берудегі психология және өзара әрекеттесу мен коммуникация тұжырымдамалары

  Болашақ мұғалімдер заманауи психологиялық теориялар мен үлгілер, сондай-ақ тұлғаның қызметі және оның жеке қасиеттері туралы білімге ие. Олар бұл білімді әртүрлі білім беру мән мәтінінде мұғалімдік қызметінде қолдана алады. Болашақ мұғалімдер білім беру үрдісінде диалогты, өзара әрекеттесу мен коммуникацияны дамыта отырып, білім алушылардың қолайлы дамуына ықпал етеді. Олар білім алушылардың отбасыларымен, сондай-ақ серіктестіктің басқа да түрлері шеңберінде қарым-қатынас жасауға, өзара әрекеттесуге және ынтымақтасуға және өздерінің педагогикалық қызметін дамытуға қолайлы жаңа өзара байланыстар жасауға қабілетті.

  Оқу жылы - 2
  Семестр - 1
  Несиелер - 3
  

• ОЖ және қолданбалы информатика

  ОЖ мен қолданбалы бағдарламалардың негізгі функцияларын сипаттайды; әр түрлі форматтағы файлдар, жұмыс процесін автоматтандыру, ОЖ-нің утилиталарын, қолданбалы бағдарламалар мүмкіндіктерін пайдаланады; компьютерлік қауіпсіздік негіздерін, компьютерді құрастыру мен жаңғырту, бағдарламалық жасақтаманы баптау жұмыстарын іс жүзінде шешуге дағдыланады.

  Оқу жылы - 2
  Семестр - 1
  Несиелер - 4
  

• Жоғары математика

  Білім алушылар жоғары математиканың нақты және кешенді айнымалылар, функциялар, шектер, үзіліссіздік, дифференциалдау мен интегралдау ұғымдарын түсінеді; бір және бірнеше айнымалылы функциялардың туындысы мен интегралын, дифференциалдық теңдеулер, олардың шешу әдістерін информатикада модельдеуде пайдаланады; векторлық алгебра, матрицалар, анықтауыштар, сызықтық теңдеулер жүйесін информатиканың практикалық міндеттерін шешуде практика жүзінде қолданады.

  Оқу жылы - 2
  Семестр - 1
  Несиелер - 4
  

• Физика

  Білім алушы жалпы физика курсының іргелі заңдарын меңгереді, физикалық идеяларды сипаттайды, мектеп физика курсының негізгі бөлімдерін қарастырады, есептерді талдап шығарады, заңдылықтарды қолдана алады. Физикалық аспаптарды қолданып өлшеулер жүргізеді, алынған нәтижелерді өңдеп саралайды, оқу әдістемелік және анықтамалық әдебиеттерді пайдаланады.

  Оқу жылы - 2
  Семестр - 1
  Несиелер - 4
  

• Білім беру туралы ғылым және оқытудың негізгі теориялары

  Болашақ мұғалімдер орта білім беру жүйесінде педагогикалық қызметті тиімді жүзеге асыру үшін қажетті негізгі оқыту теорияларын, білім беру тұжырымдамаларын және заманауи оқыту технологияларын меңгерген. Болашақ мұғалімдер педагогикалық ғылымның негіздерін, адамның табиғаты туралы тұжырымдамалық көзқарастарды қарастырады. Оқытудың теориялары мен педагогикалық модельдерді зерттейді. Теориялық тұжырымдамаларды түсіну негізінде болашақ мұғалімдер әртүрлі оқу жағдайларына сәйкес педагогикалық таңдау жасай алады. Мұғалімнің кәсіби қызметіндегі оқыту технологиялары ,білім беру технологияларының түрлері (дәстүрлі, инновациялық, цифрлық) меңгереді.

  Оқу жылы - 2
  Семестр - 1
  Несиелер - 4
  

• Робототехника негіздері

  Бұл пәнді меңгеру нәтижесінде студенттер робототехника негіздерін игереді; сенсорлардың жұмыс жасау принципін түсінеді, EV3 негізіндегі модельдерді бағдарламалайды; робот әрекетін талдап, алгоритм жұмысын бағалайды; қолданбалы есептерді нақты немесе имитацияланған ортада шешу үшін өз шешімдерін құрады.

  Оқу жылы - 2
  Семестр - 2
  Несиелер - 6
  

• Сыбайлас жемқорлыққа қарсы мәдениеттің негіздері

  Пән сыбайлас жемқорлыққа қарсы мәдениетті қалыптастыру мәселелерін тарихи және қазіргі контексте қарастырады. Сыбайлас жемқорлықтың әмбебап мәнін, шығу сипатын, себептерін ашумен қатар, Қазақстан Республикасындағы сыбайлас жемқорлыққа қарсы күрестің әлеуметтік-экономикалық, құқықтық, мәдени, моральдық-этикалық аспектілері де талданады. Курс азаматтарды құқықтық тәрбиелеу мәселелерін, сыбайлас жемқорлыққа қарсы бақылау және ашықтық институттарын қалыптастыру үдерісін қарастырады. Курстың мақсаты – студенттердің сыбайлас жемқорлыққа қарсы санасын және құқықтық құндылықтарды дамыту.

  Оқу жылы - 2
  Семестр - 2
  Несиелер - 5
  

• Дискретті математика

  Білім алушылар информатика саласындағы теориялық және практикалық есептерді шешуде дискретті математиканың негізгі ұғымдарын біледі; логикалық формулаларды, жиындар теориясын, қатынастар мен функцияларды есептерді шешуде пайдаланады; комбинаторлық әдістерді, графтар мен ағаштардың қасиеттерін алгоритмдерді талдау мен модельдеуді практика жүзінде қолданады.

  Оқу жылы - 2
  Семестр - 2
  Несиелер - 4
  

• Arduino платформасында бағдарламалау

  Кур соңында Arduino микроконтроллерінің құрылымын, жұмыс принципін, қолдану салаларын біледі; цифрлық, аналогтық кіріс/шығыс порттарымен, сенсорлық құрылғылармен жұмыс жасау негіздерін игереді; Arduino IDE ортасында программалауда жобалық, зерттеу және шығармашылық жұмыстарды ұйымдастыру қабілетін көрсетеді.

  Оқу жылы - 2
  Семестр - 2
  Несиелер - 4
  

• Ғылыми зерттеу әдістері

  Зерттеу тәсілдері. Индуктивті және дедуктивті әдістер. Сапалық, сандық, аралас зерттеу әдістері. Бастапқы және қосымша зерттеулер. Action research. Зерттеудің дизайны – сипаттамалық, корреляциялық, эксперименттік, квазиэксперименттік, көлденең қималық, бойлық, case study, этнографиялық, ізденімпаздық, түсіндірмелі. Айнымалылар мен гипотезалар. Зерттеудің сенімділігі мен негізділігі. Орындалу және қайталану. Кездейсоқ және жүйелі қате. Триангуляция. Іріктеу. Іріктеуді қалыптастыруға қосу және алып тастау критерийлері. Іріктеу әдістері. Мәліметтерді жинау – сауалнамалар, сұхбаттар, тәжірибелер, бақылау зерттеулері, жүйелі шолу. Мәліметтерді тексеру. Сұхбаттың транскрипциясы. Мәліметтерді талдау – статистикалық талдау, мазмұнды талдау, дискурс-талдау, тақырыптық талдау, мәтінді талдау. Зерттеу этикасы. Алқалық рецензиялау.

  Оқу жылы - 2
  Семестр - 2
  Несиелер - 5
  

• Кәсіпкерлік негіздері және қаржылық сауаттылық

  Курс студенттердің бизнесті жүргізу, қаржыны басқару және ұтымды экономикалық шешімдер қабылдау дағдыларын дамытады, бұл олардың нақты экономикалық ортаға сәтті бейімделуіне ықпал етеді. Бұл пән студенттердің кәсіпкерлік саласындағы білімдері мен дағдыларын, экономика негіздерін, қаржы менеджментін және негізделген қаржылық шешімдерді қабылдауға бағытталған. Курс барысында студенттер қаржылық жоспарлау және бюджеттеу мәселелерін талдайды. Олар жеке қаржыны басқару және отбасылық бюджетті ұстау дағдыларын меңгереді.

  Оқу жылы - 2
  Семестр - 2
  Несиелер - 5
  

• Бастауыш мектептегі визуалды бағдарламалау негіздері

  Білім алушылар бастауыш сатыға арналған визуалды бағдарламалау орталарының принциптерін біледі; оқушылардың алгоритмдік ойлау қабілеттерін дамыту, жас ерекшеліктеріне сай оқыту әдістерін игереді; программалау негіздерін үйретуде шығармашылық, жобалық жұмыстарды ұйымдастыруда кәсіби құзыреттілігін көрсетеді.

  Оқу жылы - 2
  Семестр - 2
  Несиелер - 5
  

• Экология және тіршілік қауіпсіздігі негіздері

  «Экология және тіршілік қауіпсіздігі негіздері» пәні тірі ағзалар мен экожүйелердің ұйымдасу деңгейлері мен қызмет етуінің негізгі заңдылықтарын, олардың тұрақтылығын, биосфера құрамдастарының өзара әрекеттесуін және табиғатты пайдаланудың артуы жағдайындағы адам әрекетінің экологиялық салдарын қарастырады. Пәнде әлем елдерінде және Қазақстан Республикасында тұрақты дамудың қазіргі заманғы тұжырымдамалары, стратегиялары мен практикалық мақсаттары қаралады. Сонымен қатар, тіршілік қауіпсіздігінің негізгі қағидалары, тәуекелдер мен төтенше жағдайлар, оларды талдау мен басқару жолдары зерттеледі. Қазіргі қоғамдағы әлеуметтік, діни, саяси және экономикалық тұрақсыздық факторлары, күнделікті өмірдегі қауіптер, сондай-ақ қауіпсіздік мекемелерінің қызметі мен оны құқықтық реттеу мәселелері қамтылады. Пән студенттерге экологиялық ойлау, қауіпсіздік мәдениетін қалыптастыру және жаһандық тұрақты даму мақсаттарына сай әрекет ету қабілеттерін дамытуға бағытталған.

  Оқу жылы - 2
  Семестр - 2
  Несиелер - 5
  

• Білім берудегі смарт технологиялар

  Смарт технологиялардың мәнін, түрлерін және білім берудегі рөлін түсінеді; білім беру процесінде қолданылатын смарт құрылғылар мен жүйелерді, цифрлық білім беру платформаларын қолданады; смарт оқыту ортасын жобалап, оқытудың интерактивті және дербестендірілген әдістерін қолдануды практика жүзінде көрсетеді.

  Оқу жылы - 2
  Семестр - 2
  Несиелер - 5
  

• Web бағдарламалау

  Білім алушылар HTML, CSS және JavaScript негіздерін иегереді; веб-беттердің құрылымы мен әрекетін түсінеді; интерактивті интерфейстер жасап, Веб-эргономиканың ереекшеліктерін, клиент-сервер өзара әрекеттесулерін талдайды; код сапасы мен өнімділігін бағалайды; заманауи фреймворктар мен технологияларды қолдана отырып, толық жұмыс істейтін веб-қосымшаларды әзірлейді.

  Оқу жылы - 3
  Семестр - 1
  Несиелер - 6
  

• Педагогикалық зерттеулер және инновация

  Болашақ мұғалімдер зерттеулерге негізделген жаңа білім алады, мұғалімнің білімі мен кәсібін жетілдіру мақсатында оқытудың инновациялық тәсілдерін игереді, сондай-ақ білім алушыларды оқыту мен басқарудың әртүрлі салаларында этикалық тұрғыдан практикалық зерттеулер жүргізеді. Мұнда инновациялық тәсілдер ұғымы жаңашыл, тиімді және шығармашылық негіздегі әдістер мен технологияларды оқыту процесіне енгізу арқылы білім беру жүйесін заманауи талаптарға сәйкестендіруге бағытталған шешімдерді білдіреді. Бұл ұғым оқытудың дәстүрлі модельдерінен ерекшеленіп, тәжірибеге негізделген, эксперименттік және сындарлы ойлау әдістерін қолдану арқылы педагогикалық ортада өзгерістер мен жаңалықтарды енгізуді көздейді. Курс студенттерді мұғалімнің кәсіби дамуының маңызды құралы ретінде педагогикалық зерттеулердің негіздерімен таныстырады. Оған педагогикалық зерттеудің негізгі әдістері – сандық, сапалық және аралас тәсілдер, сонымен қатар білім беру саласындағы ғылыми зерттеудің негізгі кезеңдері (мәселені тұжырымдаудан нәтижелерді талдауға дейін) кіреді. Сонымен қатар, курс заманауи зерттеу тәсілдеріне (Lesson study, Action research, Case study, Mixed methods research) назар аударады. Ғылыми әдебиеттерді сыни тұрғыдан талдауға, зерттеу сұрақтарын нақты тұжырымдауға, деректерді жинау мен талдау үшін ең қолайлы әдістерді таңдауға, сондай-ақ зерттеу қызметіндегі этикалық принциптерді сақтауға ерекше мән беріледі.

  Оқу жылы - 3
  Семестр - 1
  Несиелер - 5
  

• Информатиканы оқыту әдістемесі

  Бұл курста - ҚР Білім беру саласындағы нормативтік актілерін, мектептегі іс жүргізу әдістерін, бағалаудың негізгі тәсілдерін біледі; информатиканы оқытуда қолданылатын дәстүрлі және заманауи әдіс-тәсілдерді, цифрлық білім беру ресурстарын қолданады; әртүрлі оқу контенттері мен АКТ құралдарын пайдаланып, оқушылардың жас ерекшелігі мен дайындық деңгейіне сай оқыту әдістерін талдайды;

  Оқу жылы - 3
  Семестр - 1
  Несиелер - 5
  

• Инклюзивті білім беру ортасы

  Бұл курста болашақ мұғалімдер оқу процесінде оқушылардың әртүрлілігін түсінеді және оларды оқу жағдайында ескереді. Болашақ мұғалімдер тиісті ақпараттық-коммуникациялық технологияны, оқу және ассистивті технологияларды қолдана отырып, ерекше білім беру қажеттіліктері бар оқушыларға білім беруге қолдау көрсетуді үйренеді. Сондай-ақ ерекше білім беру қажеттіліктері бар оқушылардың психологиялық және этикалық әл-ауқатын қолдау үшін қауымдастықтармен (мұғалімдер, оқушылар, ата-аналар/қамқоршылар) ынтымақтасады. Курс болашақ мұғалімдерді инклюзивті білім беруде ерекше білім беру қажеттіліктері бар бар білім алушылардың қажеттіліктерін қанағаттандыруды қамтамасыз етуге бағытталған қажетті кәсіби құзыреттермен қамтамасыз етеді.

  Оқу жылы - 3
  Семестр - 1
  Несиелер - 4
  

• Бағалау және дамыту

  Мақсаты: оқу процесінде бағалаудың маңыздылығын түсіну және оқу процесінің әртүрлі кезеңдерінде этикалық тұрғыдан сындарлы бағалауды қамтамасыз ету және бағалауға қатысты түсініктер мен тәжірибелерді сыни тұрғыдан бағалау және талдау мүмкіндігі Студенттер, мүмкін: • бағалау мен кері байланыстың әртүрлі әдістерін жақсы түсіну (мысалы, қалыптастырушы және қорытынды бағалау) • оқушылардың білім беру құзыреттілік деңгейлерін анықтау және тану бойынша педагогикалық принциптерді қолдану

  Оқу жылы - 3
  Семестр - 1
  Несиелер - 4
  

• Big Data технологиялары

  Білім алушылар Big Data технологияларының негізгі ұғымдарын, құралдарын және әдістерін біледі; SQL тілінде сұраныс жасап, деректерді өңдеудің тиімді әдістерін қолданады; мәліметтерді визуализациялау және талдау үшін заманауи құралдарды пайдалана алады; үлкен деректер негізінде аналитикалық шешімдер қабылдап, деректердің сапасын бағалайды.

  Оқу жылы - 3
  Семестр - 2
  Несиелер - 5
  

• Ақпаратты қорғау және криптография

  Білім алушылар курс осңында деректерді қорғау әдістері мен криптографияның негіздерін біледі; шифрлау және декодтау тәсілдерін түсінеді; ЭЦҚ, деректердің тұтастығын қамтамасыз ету жолдарын, ақпараттық қауіпсіздікті басқару жүйелері мен криптоталдау әдістерін қолданады; стандарттарға сәйкес ақпаратты қорғау құралдарын тиімді пайдаланады; қауіпсіздік жүйелерін талдайды және ақпараттық қауіпсіздік шешімдерін синтездейді.

  Оқу жылы - 3
  Семестр - 2
  Несиелер - 4
  

• Олимпиадалық есептерді шығару әдістемесі

  Бағдарламалау тілдерінің алгоритмдері мен деректер құрылымдарын біледі; Олимпиадалық форматтағы есептерді талдайды және шешу стратегиясын құрастыра алады; бағдарламалау тілдері бойынша олимпиадалық есептерді шешу дағдыларын көрсетеді; алған білімдерін кәсіби саласында оқу-практикалық қызметіндегі мәселелерді зерттеу және шешу үшін қолданады.

  Оқу жылы - 3
  Семестр - 2
  Несиелер - 6
  

• Нейрoндық желiлiк технологиялар

  Студенттер жасанды нейрондық желілердің теориялық негіздерін, құрылымын,оларды қолдану салаларын біледі; нейрон типтері, қабаттар, белсендіру функциялары игеріп, нейрондық желілерді программалай алады; нейрондық желілердің мүмкіндіктері мен шектеулерін бағалап, машиналық оқыту жобаларын ұйымдастыруды кәсіби саласында көрсетеді.

  Оқу жылы - 3
  Семестр - 2
  Несиелер - 5
  

• Инклюзивті білім беру жағдайында информатика мен робототехниканы оқыту әдістемесі

  Инклюзивті білім беру ұғымын, ерекше білім беру қажеттіліктері бар оқушыларға арналған цифрлық құралдар мен ресурстарды біледі; инклюзивті ортада информатика пәнін оқытуды ұйымдастырады және цифрлық, техникалық құралдарды инклюзивті білім беру мақсатында тиімді пайдаланады; оқушылардың жеке ерекшеліктерін ескере отырып, оқыту стратегияларын құрастып, робототехника элементтері арқылы оқушылардың танымдық белсенділігін арттыру әдістерін іс жүзінде көрсетеді.

  Оқу жылы - 3
  Семестр - 2
  Несиелер - 5
  

• Мәліметтер қоры және ақпараттық жүйелер

  Студенттер ақпараттық жүйелер мен мәліметтер қорының негізгі ұғымдары мен түрлерін біледі; реляциялық мәліметтер қорының құрылымын және жұмыс принциптерін түсінеді; SQL тілінде деректер қорын құру, мәліметтерді сұрыптау, сүзгілеу, есептер құрастыруды іс жүзінде қолданады; мәліметтер қорының құрылымын бағалап, ақпараттық жүйелерді жобалау шешімдерін синтездейді.

  Оқу жылы - 3
  Семестр - 2
  Несиелер - 5
  

• STEM - білім беру технологиясы

  Курс соңында STEM білім берудің мәнін, мақсатын және құрылымын біледі; проблемаға негізделген және жобалық оқыту әдістерді, STEM-жобаларды жасауды іс жүзінде көрсетеді; Робототехника, 3D модельдеу, микроконтроллерлер, зертханалық құралдар технологияларын STEM оқытудың құрамдас бөлігі ретінде қолданады.

  Оқу жылы - 4
  Семестр - 2
  Несиелер - 5
  

• Мобильді құрылғыларға арналған қосымшалар әзірлеу

  Білім алушылар мобильді қосымша құрудың негіздерін түсінеді; интерфейс пен қолданба логикасы принциптерін иегереді; MIT App Inventor бағдарламасында жобалар жобалап, Android қолданбаларының архитектурасын талдайды; қолданушы тәжірибесін бағалап, Android Studio бағдарламасында толық функционалды қосымшаларды әзірлейді.

  Оқу жылы - 4
  Семестр - 2
  Несиелер - 5
  

• Информатика және робототехника бойынша ғылыми зерттеу жұмысын ұйымдастыру

  Кур соңында информатика және робототехника саласындағы ғылыми зерттеулердің негізгі қағидаларымен, әдістерімен және кезеңдерін біледі; ғылыми-зерттеу жұмысын жоспарлау, талдау, қорытындылау, ғылыми этика мен академиялық адалдық қағидаларын сақтауды іс жүзінде көрсете алады; жобалық және зерттеу қызметіне қажетті заманауи цифрлық құралдарды пайдаланады.

  Оқу жылы - 4
  Семестр - 2
  Несиелер - 6
  

• Бағдарламалау ортасында қолданбалы физика есептерін моделдеу

  Студенттер қолданбалы физика есептерін модельдеуге қажетті математикалық және физикалық негіздерді, бағдарламалау тілінің принциптерін біледі; бағдарламалау ортасында физикалық модельдерді құрып, оларды визуалдай алады; Қолданбалы есептерге модельдеу әдісін пайдалану арқылы болжау немесе шешім қабылдауды жүргізеді.

  Оқу жылы - 4
  Семестр - 2
  Несиелер - 5
  

• Компьютерлік желілер және желілік технологиялар

  Білім алушылар желілер мен хаттамалардың негіздерін біледі; компьютерлік желілерді ұйымдастыруды түсінеді; Cisco Packet Tracer ішінде желілерді модельдейді; конфигурациялар мен маршруттарды талдап, шешімдердің тұрақтылығы мен қауіпсіздігін бағалайды; берілген шарттарға сәйкес оңтайландырылған желілік архитектураларды жобалайды.

  Оқу жылы - 4
  Семестр - 2
  Несиелер - 6
  

• Цифрлық контентті әзірлеу

  Курс соңында мәтіндік, графикалық, аудиовизуалды, анимациялық, интерактивті контент түрлерін игереді; контент әзірлеуге арналған заманауи бағдарламалық құралдардың принциптерін біледі; цифрлық өнімнің визуалды және функционалдық моделін құрастырып, білім беру үрдісіне, әр түрлі мақсатты аудиторияға бейімделген мазмұнды жобалайды.

  Оқу жылы - 4
  Семестр - 2
  Несиелер - 5
  

• IoT және блокчейн технологиясы

  Курс соңында IoT және блокчейн технологияларының негізгі ұғымдарын, архитектурасын және даму тарихын біледі; IoT құрылғыларының жұмыс істеу принциптерін және оларды құрастыру мен бағдарламалау әдістерін практика жүзінде көрсетеді; Әр түрлі салаларда IoT және блокчейн қолдану мен деректер қауіпсіздігі, дербестік, сенімділік мәселелерін талдай алады.

  Оқу жылы - 4
  Семестр - 2
  Несиелер - 5
  

• Педагогиканың заманауи цифрлық құралдары

  Студенттер оқыту мен тәрбиелеу қызметінде заманауи АКТ, цифрлық ресурстар, онлайн платформалар, білім беру қосымшалары туралы түсінеді; оқушылардың цифрлық сауаттылығын арттыру мен білім беру процесіне цифрлық технологияларды кіріктіру әдістерін қолданады; цифрлық педагогика мен оның білім берудегі тиімділігін бағалай алады.

  Оқу жылы - 4
  Семестр - 2
  Несиелер - 5
  

• IT Startup жобалау

  Кур соңында IT- Startup құрылу кезеңдері, инновациялық идеяларды генерациялау, педагогикалық мақсаттарға бағытталған бизнес-модельдер жасау, стартап экожүйесінің негізгі компоненттерін игереді; жобаны жоспарлау әдістерін, жүйелеу дағдыларын көрсетеді; жобаны іске асыру үшін қажетті Crowdfunding платформаларды және ұйымдастырушылық ресурстарды талдайды; IT стартапты білім беру мекемелерінде енгізу, пайдалану және педагогикалық әсерін бағалайды.

  Оқу жылы - 4
  Семестр - 2
  Несиелер - 6
  

• Бұлттық технологиялар негіздері

  Бұлттық есептеудің негізгі ұғымдары мен архитектураларын біледі; бірлесіп жұмыс істеу құралдарын қолданып, платформалар мен шешімдерді талдайды; бұлттық ортада қауіпсіздік пен деректерді қорғау принциптерін, қарапайым веб-қосымшаларды бұлтқа орналастыруды қолданады; бұлтты технологиялар негізінде өздерінің білім беру орталарын құрады және педагогикалық құндылығын бағалайды.

  Оқу жылы - 4
  Семестр - 2
  Несиелер - 5
  

• Білім мен дағдыларды бағалау практикумы

  Курс болашақ информатика пәні мұғалімінің кәсіби саласы бойынша педагогикалық, әдістемелік дағдыларды, цифрлық құзыреттіліктерін дамытуға бағытталған. Практикум барысында информатика ғылымының негіздері мен ақпараттық процестерді біледі. Әдістемелік құзыреттіліктерін қалыптастыруда заманауи программалау тілдері, компьютерлік жүйелер және графика құру әдістерін қолданады. Зерттеушілік құзыреттіліктерін дамытуда мәліметтер қоры, Wеб-жобалау мен бейнеконтент жасау дағдыларын көрсетеді. Курс соңында бітіруші түлектер педагогтың білімін бағалау біліктілігін алу мүмкіндігіне ие болады.

  Оқу жылы - 4
  Семестр - 2
  Несиелер - 5
  

• Виртуалды және кеңейтілген шындық

  Курс соңында виртуалды және кеңейтілген шындық технологияларының теориялық негіздерін, құралдарын, қолдану салаларын, айырмашылықтарын біледі; 3D модельдеу, визуализация , білім беру және әр түрлі салаларда қолдану мүмкіндіктерін интерактивті жобаларды әзірлеуде, инновациялық цифрлық өнімдерді жасауда көрсетеді.

  Оқу жылы - 4
  Семестр - 2
  Несиелер - 5
  

Профессии

Оқыту нәтижелері

• Информатика, іргелі математика, заманауи ақпараттық технологиялар саласындағы теориялық білімдерді таратады;
• Компьютерлік жүйелердің құрылымын, информатиканың теориялық негіздерін, есептеу модельдерін сипаттап, операциялық жүйелер, желілер мен қауіпсіздік жүйелерінің қағидаларын түсінеді және оларды практикалық міндеттерді шешуде қолданады.
• Кәсіби стандарт талаптарына сәйкес меңгерген құзыреттіліктерін, информатика пәнін оқыту әдістемесін, бағалау жүйесін, олимпиадалық және физикалық есептерді шешудің тиімді әдістерін, ШЖМ, қашықтықтан оқыту, инклюзивті білім беру жағдайындағы инновациялық технологияларды меңгергендігін көрсетеді;
• Кәсіби саласында білім алушылардың жас және физиологиялық ерекшеліктерін ескере отырып, психологиялық-педагогикалық білімдер мен әдістерді оқу процесінде, оқушылармен өзара әрекетте тиімді пайдаланып, тәрбие жұмысын жоспарлап, жүргізе алады;
• Түрлі деңгейдегі программалау тілдері мен технологияларын, алгоритмдік ойлау веб, мобильді және жүйелік бағдарламалау, үлкен ақпаратты жүйелерді қорғау, шифрлау әдістерін қолданады.
• Роботтық жүйелердің нобайын, Arduino, нейрондық желілер негізінде құрылғылар мен интеллектуалды жүйелерді смарт және цифрлық технологияларды кіріктіре отырып жобалайды.
• 3D моделдеу принциптерін, VR/AR, информатика мен STEM саласында цифрлық білімдік ресурстарды жобалауда оқушылардың ғылыми-зерттеу жұмыстарын басқарудың теориялық және әдіснамалық негіздерін кәсіби салада белсенді көрсетеді;
• Кәсіпкерлік және қаржылық сауаттылық негіздерін түсініп, ІТ стартаптар жобаларын әзірлеу мен ұйымдастыру, экологиялық және сыбайлас жемқорлыққа қарсы саласындағы білімдерін көрсетеді.

Ұқсас БББ