6B02202 Теология в Ш.Уәлиханов атындағы Көкшетау университетi

Пәндер

• Діндер тарихы

  «Діндер тарихы» пәні әлемдік және дәстүрлі діндердің пайда болуын, дамуын және адамзат тарихындағы рөлін зерттеуге бағытталған. Курста діни ілімдердің мәдениетке, қоғамдық қатынастарға және тарихи процестерге әсері ашылады. Қазақстан тарихы мен әлемдік өркениеттер контекстінде ислам, христиан, буддизм және басқа да конфессиялар тарихына ерекше назар аударылады.

  Оқу жылы - 1
  Семестр - 1
  Несиелер - 5
  

• Ислам тарихы

  Пәннің мақсаты студенттерге исламның пайда болуы мен даму тарихын, алғаш мұсылмандардың діни өмірі мен меккелік мүшриктермен қарым-қатынастарын, қақтығыстарын таныту. Пәнді оқу нәтижесінде студент алғаш ислам мемлекетінің ішкі және сыртқы саясатын, Мұхаммед Пайғамбардың саяси, әскери және діни лидерлігін, діни қоғам құру қиыншылықтары мен жетістіктерін үйреніп, төрт рашид халифалар кезеңін, аббастық және османлы халифат кезеңдерін және Орта Азияға исламның таралу тарихын меңгереді.

  Оқу жылы - 1
  Семестр - 1
  Несиелер - 5
  

• Тіршілік қауіпсіздік негіздері

  Пән адамның тіршілік ету ортасымен (өндірістік, тұрмыстық, қалалық, табиғи) қауіпсіз өзара әрекеттесу негіздерін қарастыруға бағытталған. Техногендік және табиғи сипаттағы теріс әсер ететін факторлардан қорғаудың негізгі әдістері зерттелуде. Тиімді кәсіби қызмет және салауатты және қауіпсіз өмір салтын ұйымдастыру дағдылары қалыптасады.

  Оқу жылы - 1
  Семестр - 2
  Несиелер - 3
  

• Экология және тұрақты даму

  Пән тірі ағзалардың, әртүрлі деңгейдегі экожүйелердің, барлық биосфераның жұмыс істеу заңдылықтарын және олардың тұрақтылығын, зерттеу мәселелерін қарастырады. Сонымен қатар, қоршаған ортаға антропогендік (техногендік) әсерге байланысты мәселелерді талдайды. Пән табиғатты қорғау қызметі, тұрақты дамудың тұжырымдамасы, стратегиясы мен практикалық міндеттері туралы түсінік қалыптастырады – бұл мәселелер әлемнің түрлі елдерінде және Қазақстан Республикасында қарастырылады.

  Оқу жылы - 1
  Семестр - 2
  Несиелер - 3
  

• Практикалық араб тілі І

  Пәннің мақсаты араб тілінің фонетикалық, грамматикалық және лексикалық ережелерін білу арқылы, ауызша және жазбаша түрде қарапайым тұрмыстық сөйлемдерді меңгерту. Пәнді оқу барысында студент араб тілінің ережелеріне сай өз ойын ауызша және жазбаша түрде жеткізе алады, араб тіліндегі қарапайым мәтіндерді оқып, түсінеді. Араб тілінде жазылған еңбектерді түпнұсқа дереккөздерден оқу және шетелдік тәжірибені меңгеру үшін ақпараттарды аудару дағдыларын жетілдіреді.

  Оқу жылы - 1
  Семестр - 2
  Несиелер - 5
  

• Инклюзивке кіріспе: негіздер мен тәжірибе

  «Инклюзияға кіріспе: негіздер мен практика» пәнінің мақсаты - студенттерде инклюзияның негізгі принциптері мен әлеуметтік практикалары туралы түсінік қалыптастыру, бұл барлық азаматтарға, оның ішінде ерекше қажеттіліктері бар адамдарға тең мүмкіндіктер жасауға бағытталған. Пән инклюзивті тәсілдің теориялық аспектілерін, сондай-ақ болашақ мамандарға өз мамандықтарына байланысты инклюзивті принциптерді кәсіби қызметте қолдануға мүмкіндік беретін практикалық дағдыларды игеруге бағытталған.

  Оқу жылы - 1
  Семестр - 2
  Несиелер - 3
  

• Жасанды интеллект және нейрожелілік технологиялар

  «Жасанды интеллект және нейрожелілік технологиялар" пәні студенттерді заманауи деректерді өңдеу және шешім қабылдау технологияларының негіздерімен таныстырады. Курс жасанды интеллекттің негізгі тұжырымдамаларын, соның ішінде машиналық оқыту және нейрондық желілерді, сондай-ақ олардың түрлі салалардағы қолданылуын қамтиды. Негізгі назар ЖИ-дің практикалық қолданылуына және оның пәнаралық мүмкіндіктеріне аударылады.

  Оқу жылы - 1
  Семестр - 2
  Несиелер - 3
  

• Ислам діні негіздері

  Пәннің мақсаты студенттерге ислам дінінің негізгі сенім негіздері турасында білім беру. Пәнді оқу нәтижесінде студент исламдағы иман негіздерін, ислам шарттарын, құран мен сүннет, исламдағы бес парыз және ғибадаттар және оның пайдаларын ғылыми негіздер бойынша үйреніп, исламның негізгі қайнар көздері мен ұстанымдарын ханафилік және матуридилік сенімі негізінде меңгереді. Курста түсіндіру, сипаттау әдістері қолданылады.

  Оқу жылы - 1
  Семестр - 2
  Несиелер - 3
  

• Сыбайлас жемқорлыққа қарсы мәдениет негіздері

  Пән заңнаманың даму динамикасын, сыбайлас жемқорлықтың түсінігін, себептері мен түрлерін, сыбайлас жемқорлық құқық бұзушылықтар үшін жауапкершілікті, сыбайлас жемқорлыққа қарсы күрес модельдерін зерттейді. Сыбайлас жемқорлық деңгейін бағалаудың рейтингтік жүйесінің сыбайлас жемқорлыққа қарсы халықаралық стандарттарды, ұйымдарды және сыбайлас жемқорлыққа қарсы және Қылмыстық жолмен алынған ақшаны жылыстатуға бағытталған халықаралық нормативтік құқықтық актілерді қарайды.

  Оқу жылы - 1
  Семестр - 2
  Несиелер - 3
  

• Ғылыми зерттеу негіздері

  Пәнді оқытудың мақсаты студенттердің ғылыми-зерттеу қызметінің дағдыларын дамыту; ғылыми білімге баулу, олардың ғылыми-зерттеу жұмыстарын жүргізуге дайындығы мен қабілеті болып табылады. Пәнді оқу міндеттері: студенттердің ғылыми зерттеулер жүргізудегі практикалық дағдыларын дамыту; ақпарат көздерімен өз бетінше жұмыс істеу дағдыларын жетілдіру. Компьютерлік презентацияларды пайдалана отырып, интерактивті дәрістер, белсенді практикалық сабақтар және/немесе зертханалық жұмыстар жүргізу, білім беру процесінде ғылыми зерттеулердің АКТ-мен өзара байланысы.

  Оқу жылы - 1
  Семестр - 2
  Несиелер - 3
  

• ХIХ -ХХ ғғ Қазақстандағы діни-рухани ағартушылықтың тарихы

  Осы пәнді оқып – үйрену барысында студенттер Қазақстандағы діни-ағартушылықтың даму жағдайларын ХIХ ғ. мен ХХ ғ – дың 20-шы жылдарына дейінгі аралықта зерделеу мүмкіндігіне ие болады. Қазақстандағы діни-ағартушылық қызмет атқарған рухани орталықтардың қызметі, мешіт-медреселердің рөлі. Қазақстандағы мұсылманшылық мәдениет тарихындағы ағартушылық қозғалыстағы жәдитшілдік пен мұсылман мектептері тарихы, Мұсылмандық білім мен тәрбиенің қазақ халқының сол кездегі ұлттық-мәдени дамуындағы рөлі қарастырылады.

  Оқу жылы - 2
  Семестр - 1
  Несиелер - 5
  

• Ясауитану

  Пәннің мақсаты діни және сопылық қайнар көздерден алынған ясауилік ілімінің мәнін сипаттау және бағалау қабілеттерін қалыптастыру. Пәнді оқу нәтижесінде студент сопылық терминдер мен категориялардың мәнін, олардың метафоралығын түсінудің теориялық және әдіснамалық негізін меңгеріп, Қожа Ахмет Ясауидің «Диуани Хикмет» шығармасының сопылық мәнін зерттеп, оның мәдени-рухани әлеуетін анықтауға қолдана білу дағдысын қалыптастырады.

  Оқу жылы - 2
  Семестр - 1
  Несиелер - 5
  

• Құран оқу

  Пәннің мақсаты құран кәрімнің отызыншы парасындағы қысқа сүрелерді тәжуид ережелеріне сай оқуды меңгерту. Пәнді оқу нәтижесінде студент араб әріптерінің дыбысталу ерекшеліктерін (махраждарын), араб әріптерін қосып оқу және тәжуид ережелерін меңгеріп, құран сүрелерін оқу, жаттау барысында практикалық тұрғыдан тәжуид ережелерін қолдануды үйренеді, құран кәрім сүрелерін өз бетінше еркін оқу дағдысын қалыптастарады.

  Оқу жылы - 2
  Семестр - 1
  Несиелер - 6
  

• Экономика және кәсіпкерлік негіздері

  Пәі студенттердің экономиканың қызмет етуі және кәсіпкерлік қызметті жүргізу негіздері туралы білімдерін қалыптастыруға бағытталған. Курс шеңберінде негізгі экономикалық категориялар, нарықтық экономика тетіктері, бизнесті ұйымдастыру қағидалары, кәсіпкерліктің құқықтық негіздері, салық салу, қаржылық жоспарлау және ресурстарды басқару оқытылады. Кәсіпкерлік ойлауды дамытуға, кәсіпкердің экономикадағы рөлін түсінуге ерекше көңіл бөлінеді.

  Оқу жылы - 2
  Семестр - 1
  Несиелер - 5
  

• Қаржылық сауаттылық негіздері

  Курс шеңберінде білім алушылар қаржы саласындағы барлық құралдарды іс жүзінде қолдануға, жинақтарды сақтауға және көбейтуге, бюджетті сауатты жоспарлауға, жеке салықтарды есептеуге және салық есептілігін толтыруға, қаржылық ақпаратты талдауға және қаржы өнімдеріне бағдарлануға үйренеді. «Қаржылық сауаттылық негіздері» курсы білім алушының танымдық қана емес, практикалық қызметін де белсендіретін тәжірибеге бағытталған оқытуды, іскерлік ойынды өткізуді көздейді.

  Оқу жылы - 2
  Семестр - 1
  Несиелер - 5
  

• Дін және дәстүр

  Бұл пәннің негізгі қарасытыратын мәселелері ол әлем халықтары тарихындағы дін мен дәстүрдің өзара байланысы мен ықпалдастығы. Діни құндылықтар мен халықтық, ұлттық құндылықтардың синкреттілігі. Әлемдік діндер мен қазіргі заманғы ұлттардың дінді ұстанудағы ерекшеліктері қарастыралады. Сонымен бірге дін мен дәстүр құндылықтарының проблемалық мәселелері қазақ ұлтының мысалында қарастырылады.

  Оқу жылы - 2
  Семестр - 1
  Несиелер - 5
  

• Құқық негіздері

  Пән мемлекеттік құрылымның және құқықтық мемлекеттің негіздерін қарастырады. Конституциялық, отбасылық, азаматтық, әкімшілік, қылмыстық, қаржылық құқықтың жалпы ережелерін зерделейді. Құқық қолдану және құқықтарды қорғау тетіктері туралы түсініктерді қалыптастырады. Белсенді азаматтық ұстанымды, заңға бағынатын азаматтың құқықтық мәдениеті мен құқықтық санасын қалыптастыруға және сыбайлас жемқорлыққа қарсы мәдениетті қалыптастыруға бағытталған.

  Оқу жылы - 2
  Семестр - 1
  Несиелер - 5
  

• Шоқантану

  Пән қазақтың көрнекті ғалымы, ағартушы, саяхатшы Шоқан Уәлихановтың өмірі мен ғылыми мұрасын жан-жақты зерттеуге бағытталған. Курс студенттерді оның ғылымға, мәдениетке, этнографияға, шығыстануға қосқан үлесімен, сонымен қатар қоғам мен мемлекеттілік туралы озық көзқарастарымен таныстырады. Шоқан Уәлиханов идеяларының призмасы арқылы тарихи ойлауды, азаматтық жауапкершілік пен патриотизмді қалыптастыруға ерекше көңіл бөлінеді.

  Оқу жылы - 2
  Семестр - 1
  Несиелер - 5
  

• Практикалық араб тілі II

  Пәннің мақсаты араб тілінің грамматикалық ережелеріне сай теологиялық мәтіндерді оқып, аударуды үйрену. Пәнді оқу барысында мазмұн күрделігі орта және күрделі теологиялық мәтіндерді оқып, түсінеді. Араб тілінде жазылған түпнұсқа дереккөздерді өзара салыстыра қарастыру әдіс-тәсілдерін меңгереді.

  Оқу жылы - 2
  Семестр - 1
  Несиелер - 5
  

• Дін феноменалогиясы

  Бұл курс бойынша студенттер діни феномендер жүйесі мен құрылымдарын, діндердің түрлі типтік - түрлерін, соның ішінде діни феномендердің ерекше жақтарының қоғамдық-әлеуметтік құбылыстың ерекше форма-құбылыс ретінде қарастырады. Сондай-ақ діни феномен құбылыстары туындатқан ерекше діни тәжірибенің өзіндік мағыналарын оқып-үйренудің методологиялық қағидаларын зерделейді.

  Оқу жылы - 2
  Семестр - 1
  Несиелер - 5
  

• ХІХ-ХХ ғғ. Қазақстанның солтүстік өңіріндегі дінбасыларының жағдайы

  Осы пән бойынша студенттер Солтүстік өңірдегі дін өкілдерінің жағдайы:Ресей империясы құрамындағы Қазақстан, Кеңес өкіметі және Тәуелсіз Қазақстан Республикасы яғни үш тарихи кезеңдерде қарастырылады. Оның ішінде Солтүстік өлкедегі діни қауымдастықтар институттарының эволюциясы олардың өңірлік дәстүрлік ерекшеліктері Ресей империясы мен Кеңес өкіметінің,Тәуелсіз Қазақстанның дін өкілдеріне қатысты жүргізген діни руханият саласындағы саясаты зерделенеді.

  Оқу жылы - 2
  Семестр - 2
  Несиелер - 5
  

• Жаңа діни қозғалыстар және жастар

  Жаңа діни қозғалыстар және жастар пәнін оқып-үйрену барысында студенттер ХХ ғасырда пайда болған діни-рухани құбылыс болып табылатын жаңа діни қозғалыстармен, олардың шығуы даму генезисімен, ЖДҚ қазіргі заманғы жастардың әр түрлі әлеуметтік топтарға тигізіп отырған ықпалдары қарастырылады. Сонымен ЖДҚ ерекшелік сипаттары олардың жастар қауымдастықтары арасындағы жұмыс жасауының әдіс-тәсілдері зерделенеді.

  Оқу жылы - 2
  Семестр - 2
  Несиелер - 5
  

• Солтүстік Қазақстан өңіріндегі конфессияаралық қарым-қатынастар тарихы

  Солтүстік өңірдегі конфессияаралық қарым -қатынастар тарихы. Осы пәннің негізігі қарастыратын нысаны ол Солтүстік өңірдегі түрлі конфессиялардың шығу тегі олардың ортағасырлық және жаңа замандық кезеңдердегі тарихын, өзара қарым-қатынасын, олардың даму эволюциясын ерте замандардан бүгінгі күнге дейін зерделенеді. Өңірдегі Ресей империясы құрамындағы Кеңестік атеистік және Қазақстанның тәуелсіздік кезеңіндегі Солтүстік Казақстан территориясындағы конфессияаралық қатынастар олардың өңірлік ерекшеліктері қарастырылады.

  Оқу жылы - 2
  Семестр - 2
  Несиелер - 5
  

• Науан Хазірет дін мектебінің дәстүр жолы

  Науан Хазіреттің Солтүстік өңірдегі мұсылмандық діни дәстүрді жаңғыртушы, қазақ халқының рухани мәдениетін қорғауға еңбек сіңірген дін-теологының рухани мұрасы, Сарыарқа қазақтары арасында ислами діни ғұрып дәстүрлерін қайта орнықтырушы тұлғаның қазақ халқының ислами діни-дәстүр жолымен тәрбие беруге сіңірген еңбегі, қалыптастырған дәстүр жолы қарастырылады.

  Оқу жылы - 2
  Семестр - 2
  Несиелер - 5
  

• ХIХ-ХХ ғғ. Қазақстанның Солтүстік өңіріндегі ислам дін өкілдерінің жағдайы

  Осы пән бойынша студенттер Солтүстік өңірдегі ислам дін өкілдерінің жағдайы:Ресей империясы құрамындағы Қазақстан, Кеңес өкіметі және Тәуелсіз Қазақстан Республикасы яғни үш тарихи кезеңдерде қарастырылады. Оның ішінде Солтүстік өлкедегі ислам қауымдастығы институттарының эволюциясы олардың өңірлік дәстүрлік ерекшеліктері Ресей империясы мен Кеңес өкіметінің,Тәуелсіз Қазақстанның ислам дін өкілдеріне қатысты жүргізген діни руханият саласындағы саясаты зерделенеді.

  Оқу жылы - 2
  Семестр - 2
  Несиелер - 5
  

• Қазақ халқының мәдениеті және ислам құндылықтары

  Осы пәнді оқып – үйрену барысында студенттер қазақ халқының ұлттық мәдени тәжірибесін игеру, ислам басты құндылықтарын талдау, олардың салыстырылуы және құндылықтарды түсінуі жүзеге асады. Ұлттық мәдениет пен дәстүрдің негізгі бағыттары мен тенденциялардағы оның қалыптасу және даму заңдылықтарын талданады. Этнодіни мәдениеттің тарихы және этноаймақтық ұлттық феномендерін зерттеленеді, олардың табиғи болмысы анықталады.Әртүрлі этнодіни мәдени ілімдердің идеялары, мен концепциялары қарасытырылады. Қазіргі қоғамдағы этнодіни мәдениеттің дамуындағы заманғы даму тенденцияларын қамтиды.

  Оқу жылы - 2
  Семестр - 2
  Несиелер - 5
  

• Академиялық хат

  Академиялық мәтіндердің ұғымымен, функцияларымен және жанрларымен, жазуға қойылатын талаптармен таныстыру; деректермен, кітапханалық және Интернет-ресурстармен жұмыс істеу дағдыларын қалыптастыру; академиялық ортадағы плагиат мәселелерін талқылау; академиялық мәтінді сауатты ресімдеу дағдыларын қалыптастыру (аннотация, эссе, рецензия, реферат, курстық және дипломдық жұмыс). Әдістемелік материалдарды қолдана отырып, оқу процесінде белсенді және интерактивті әдістерді қолдана отырып практикалық сабақтар өткізу.

  Оқу жылы - 2
  Семестр - 2
  Несиелер - 3
  

• Дін әлеуметтануы

  Бұл курс әлеуметтану саласы болып табылады және дін мен қоғам арасындағы өзара әрекеттесу сипатын зерттейді. Пән діннің негізгі әлеуметтік институттардың бірі ретіндегі қазіргі орны мен рөлін және дінмен байланысты проблемалардың әлеуметтік аспектілерін анықтайды; Қазіргі әлемдегі және Қазақстандағы діни жағдайды талдайды; қоғамның шоғырлануы мен интеграциясындағы діннің рөлін, сондай-ақ жаһандану үдерісіндегі оның орнын қарастырады

  Оқу жылы - 3
  Семестр - 1
  Несиелер - 5
  

• Хадис негіздері

  Пәннің мақсаты Мұхаммед пайғамбардың сөздері мен іс-әрекеттері, мұсылман қоғамдастығының өмірінің діни және құқықтық аспектілеріне әсері туралы ақпарат қалыптастыру. Пәнді оқу нәтижесінде студент хадис негіздеріндегі сөздік (қаули), іс-әрекет (фиғли), мақұлдау (тақрири), Мұхаммед пайғамбардың бейнесі (васфи) сияқты сүннеттің түрлерін үйреніп, мутеуатир және ахад хабарларды және, сахих, хасан, әлсіз және мауду хадистердің айырмашылықтарын меңгереді.

  Оқу жылы - 3
  Семестр - 1
  Несиелер - 5
  

• Діни психология

  Бұл пәнді оқу барысында студенттер дін психологиясының негізгі бағыттарымен, оның даму тарихымен, қазіргі зерттеу бағыттарымен танысады; сенуші психикасының танымдық, эмоционалды-еріктік, мотивациялық және реттеуші салаларын, жеке тұлға, ойлау, қарым-қатынас және сенушілердің іс-әрекеті мәселелерін сипаттайтын тұжырымдамалық аппаратты меңгереді Діни процестерді зерттеуге психологиялық көзқарас дін туралы ғылыми түсінік береді, өйткені дін психикада бар және оның заңдарына сәйкес жұмыс істейді.

  Оқу жылы - 3
  Семестр - 1
  Несиелер - 5
  

• Католицизм сенім негіздері

  Пәннің мақсаты студенттерге католик ағымының шығу тарихы мен сенім жүйесін, папалық басқару иерархиясын, католиктік сакраменттерді, діни жоралғылар мен рәсімдерді, католик теологтар мен философтардың көзқарастарымен таныстыру. Пәнді оқу нәтижесінде студент католик сенім негіздеріндегі Иса тұлғасы, Мариям ананың тәңірлік рөлі, жанның уақытша тозақта қалу шарттары, апокалипсис, креационизм теориясы, католик шіркеулері, католиктік ағымдар және олардың құлшылық негіздері мен рәсімдерін меңгереді.

  Оқу жылы - 3
  Семестр - 1
  Несиелер - 5
  

• Қазақ дін ойшылдары

  Пәннің мақсаты қазақ даласынан шыққан дін ойшылдарының мәдени-рухани мұрасын және олардың дін туралы айтқан пікірлері мен тұжырымдарын таныстыру. Пәнді оқу нәтижесінде студент қазақ дін ойшылдарының ислам діні туралы айтқан пікірлерін меңгеріп, олардың еңбектеріндегі дін туралы ойларын зерттеп дәстүрлі діни танымның қалыптасуына қосқан үлесін көрсете алады. Пәнді оқу нәтижесінде салыстыру, сипаттау, бағалау әдістері қолданылады.

  Оқу жылы - 3
  Семестр - 1
  Несиелер - 5
  

• Православ ағымының тарихы

  Пәннің мақсаты суденттерге христиан-ортодокс бағытының қалыптасуы, оның батыс христиандығынан бөліну себептері және олардың даму тарихы туралы таныстыру. Пәнді оқу нәтижесінде студент православ ағымының қалыптасуы мен даму тарихын, православ шіркеулерінің ерекшеліктерін біледі, иконалар мәдениеті, құлшылық негіздері, христиан православиесінің сенімдік ілімдері мен рәсімдерін, құрылымдық мәселелерін меңгереді. Курста сипаттау, талдау, салыстыру әдістері қолданылады.

  Оқу жылы - 3
  Семестр - 1
  Несиелер - 5
  

• Тафсир негіздері

  Пәннің мақсаты студенттерге исламның жазба мәдениетін танытатын тәпсір мәтіндерін оқып талдауды үйрету, құран аяттарының мағынасын дұрыс түсінуді, уақыт шарттарына қарай қабылаудың тәсілдерін меңгерту. Пәнді оқу нәтижесінде студент ислам дінінің негізгі дереккөзінің бірі саналатын құран аяттарына қатысты жазылған тәпсірлердің түрлерін, мазхабтық тәпсірлерді және тәпсір іліміне қатысты негізгі ұғымдарды меңгереді. Курста компаративистикалық және герменевтикалық әдіс қолданылады.

  Оқу жылы - 3
  Семестр - 1
  Несиелер - 5
  

• Ислам антропологиясы

  Пәннің мақсаты адамның Алла тағала жаратқан тіршілік иесі ретіндегі ерекше ұстанымын құрайтын халиф жайында Құран тұжырымдамасын қарастыру. Пәнді оқу нәтижесінде студент адамның эпистемологиялық мәртебесін иемденуінде өзіне, басқа адамдармен және сыртқы әлеммен қарым-қатынаста жүктелетін ерекше міндеттерді меңгеріп, адам болмысының жаратылу мақсаты мен мәнін ұғынады, ислам ойшылдарының антропологиялық зерттеулеріне салыстырмалы түрде талдау жасайды.

  Оқу жылы - 3
  Семестр - 1
  Несиелер - 5
  

• Христиан дінінің тарихы

  Пәннің мақсаты студенттерді христиан дінінің шығу тарихы және даму кезеңдерімен, Інжіл кітабы және қасиетті мәтіндермен таныстыру. Пәнді оқу нәтижесінде студенттер христиандықтағы сенім негіздерін, сакраменттерді, құрылтайлар мен ондағы қабылданған діни үкімдерді, католик, православ және протестанттық бағыттар арасындағы ерекшеліктерді меңгереді, христиан дінінің тарихи дамуына талдау жасай отырып, бұл діннің қазіргі жаһандану жағдайындағы орнын анықтайды.

  Оқу жылы - 3
  Семестр - 1
  Несиелер - 5
  

• Калам

  Пәннің мақсаты исламдағы теологиялық, діни-құқықтық және практикалық нұсқаулықтарды басшылыққа алып, теологиялық және философиялық тақырыптарда құранды басшылыққа алып пікір білдірген жетекші сунниттік мектеппен және оның негізін салушылармен таныстыру. Пәнді оқу барысында студенттер идеологиялық ағымдардың пайда болу ерекшеліктерімен танысып, кейінгі дәуір ғалымдарының теологиялық көзқарастарына келтірген дәлелдерін меңгереді. Теологиялық мектептер арасындағы көзқарас айырмашылықтар туралы мәліметке ие болады.

  Оқу жылы - 3
  Семестр - 2
  Несиелер - 5
  

• Діни радикализм психологиясы

  Пәннің мақсаты діни фанатизмнің тарихи аспектілері мен этимологиясын, психологиялық аспектідегі қарапайым және ғылыми қолданысын қарастыру. Пәнді оқу нәтижесінде студент діни-құқықтық, және зайырлылық ұстанымдар негізінде, діни радикализм психологиясының ерекшеліктерін, діни феномендер жүйесіндегі фанатизмнің орны мен оның психологиялық, психопатологиялық және психоәлеуметтік тұрғыдан түсіндірмелерін меңгереді. Курста талдау, салыстыру, сипаттау, түсіндіру, бағалау әдістері қолданылады.

  Оқу жылы - 3
  Семестр - 2
  Несиелер - 5
  

• Ислам құқығы әдістемесі

  Пәннің мақсаты студенттерге ислам құқығының қалыптасуының тарихи кезеңдерінде орын алған дәстүрлі және классикалық әдістер, фиқх және усул ұғымдары мен әдістемесін (фиқх усулі) таныту. Пәнді оқу нәтижесінде студент пайғамбар, сахаба және табиин дәуіріндегі ислам құқығы әдістері, мужтахид имамдар дәуірі және және олардың әдістері, ислам құқығында негізгі және қосымша дереккөздер, шариғат үкімдері және бүгінгі күнгі ислам құқығына қатысты мәселелерді меңгереді.

  Оқу жылы - 3
  Семестр - 2
  Несиелер - 5
  

• Теологиялық оңалту

  Пәннің мақсаты деструктивті ағымдарға кірудің себептері мен жолдары, радикалды көзқарастардың ерекшеліктері, теріс діни ағымдардың сипаттамалары сияқты мәселелерді қарастырады. Пәнді оқу нәтижесінде студент деструктивті діни ағымдардың ерекшеліктерін меңгере отырып, ханафилік-матуидилікке негізделген дәстүрлі діни таным бойынша түсіндірме жұмыстарын жүргізеді, әртүрлі психологиялық әдістерді қолданып, тесттік режимде күрделі ситуациялық диалогтар алгоритмді әзірлеу арқылы жүзеге асырады.

  Оқу жылы - 3
  Семестр - 2
  Несиелер - 5
  

• Каллиграфия

  Пәннің мақсаты студенттерге каллиграфия ұғымының анықтамасын және қол жазбалар мен сәулет туындылардағы жазу үлгілерінің ерекшеліктерімен таныстыру. Пәнді оқу нәтижесінде студент ислам каллиграфиясындағы куфи, насх, сүлс, райхани, риқға және т.б жазу түрлерінің айырмашылықтарын меңгереді, тарихи еңбектердегі қол жазбаларды оқып түсіне алады және өткен ғасырдағы мәдениеттің әлемдік мәдениетке қосқан үлесін бағалай алады. Курста сипаттау және тарихилық әдісі қолданылады.

  Оқу жылы - 3
  Семестр - 2
  Несиелер - 5
  

• Мемлекеттік-конфессияаралық қатынастар

  Пәннің мақсаты мемлекеттегі конфессияаралық қатынастарда туындайтын мәселелерді заңнамалық тұрғыдан шешу жолдарын меңгерту. Курс барысында студенттер дін және адам құқығы, ар-ұждан және діни сенім бостандығы, діни бірлестіктер әрекетінің конституциялық-құқықтық негіздері, мемлекет және діни бірлестіктер, ҚР-ғы және шет елдердегі мемлекеттік-конфессияаралық қатынастар, шет елдердің дін туралы заңнамалары, зайырлық қағидаты, конфессияаралық келісімді сақтау мәселелерін меңгереді.

  Оқу жылы - 3
  Семестр - 2
  Несиелер - 5
  

• Хадис мәтіні

  Пәннің мақсаты студенттерге исламның жазба мәдениетін танытатын хадис мәтіндерін оқып талдауды үйрету, хадистердің мағынасын дұрыс түсінуді, уақыт шарттарына қарай қабылаудың тәсілдерін меңгерту. Пәнді оқу нәтижесінде студент ислам дінінің негізгі дереккөзінің бірі саналатын хадис мәтіндерінің пайда болған күннен бастап, бүгінгі күнге дейінгі дәуірлерін назарға ала отырып, мәтіндердің жазылу тарихы мен хадисшілер жайлы мәліметке ие болады, хадистерді дұрыс түсіндіру әдістерін меңгереді.

  Оқу жылы - 3
  Семестр - 2
  Несиелер - 5
  

• Протестантизм тарихы

  Пәннің мақсаты христиан дінінің бағыты ретінде протестантизмнің қалыптасуы, оның батыс христиандығынан бөліну себептері және даму тарихын қарастыру. Пәнді оқу нәтижесінде студент протестантизм ағымдары, олардың айырмашылықтары, Христиан протестант сенімдік ілімдері, құлшылық негіздері мен рәсімдері, құрылымдық мәселелер туралы жылпы түсінікке ие болады, протестант ағымдардың сенімдерімен байланысты көзқарастарға талдау жасауды үйренеді. Курста салыстыру, сипаттау, талдау әдісі қолданылады.

  Оқу жылы - 4
  Семестр - 1
  Несиелер - 5
  

• Ислам этикасы

  Пәннің мақсаты студенттерге исламның негізгі қайнар көздері болып табылатын құран және хадиске негізделген этикалық норма және ережелерді таныту. Пәнді оқу нәтижесінде студент ислам этикасындағы негізгі категориялар мен ұғымдарды және исламдағы жақсылық пен жамандық мәселелерін меңгеріп, ахлақ тақырыбына байланысты ислам ойшылдарының көзқарастарына салыстырмалы түрде талдау жасайды. Курста сипаттау, талдау, салыстыру әдістері қолданылады.

  Оқу жылы - 4
  Семестр - 1
  Несиелер - 5
  

• Тафсир мәтіні

  Пәннің мақсаты студенттерге құранды түсіндіретін теориялық білімді үйрету және классикалық және қазіргі таңдағы тәпсір мәтіндерін таныту. Пәнді оқу нәтижесінде студент ғылыми, ишари, мазхабтық, тақырыптық және әртүрлі бағытта жазылған тәпсірлерден үлгі мәтіндерді өз бетінше оқып, түсіне алады, тәпсіршілердің құран тәпсіріндегі қолданған әдіс-тәсілдеріне салыстырмалы түрде талдау жасай алады. Курста салыстыру, талдау, герменевтикалық әдістер қолданылады.

  Оқу жылы - 4
  Семестр - 1
  Несиелер - 5
  

• Ислам өнері

  Пәннің мақсаты студенттерге ислам дінінің дiни-көркемдiк даму заңдылықтарын, өнер мен дiн арасындағы кездесетiн рухани өмiрдiң эстетикалық-көркемдiк, дiни-культтiк көрiнiстерiндегi ерекшелiктерін, исламдық өнер туындыларын меңгерту. Пәнді оқу нәтижесінде студент мәдени дәстүрлердің киелілік сипатының қалыптасу негіздеріне талдау жасап, мәдени дәстүрлердің жалпы білім жүйесіндегі орны, исламдық әдебиет және сәулет туындылары, олардағы безендіру мотивтері мен тәсілдері туралы жалпы мәліметке ие болады.

  Оқу жылы - 4
  Семестр - 1
  Несиелер - 6
  

• Түркі ислам тарихы

  Пәннің мақсаты түркі халықтарының мәдени дәстүрлері мен ислам діні арасындағы сабақтастық мәселелерін және олардың өзара ықпалдастығына қатысты мәселелерді меңгерту. Пәнді оқу нәтижесінде студенттер түркі халықтарының ислам дінін қабылдау жолдары мен мәдени дәстүрлерін сақтап қалуларына қатысты білімге ие болып, түркі халықтарының мәдени дәстүрі мен ислам дінінің сабақтастығын зерттеу дағдыларын қалыптастырады.

  Оқу жылы - 4
  Семестр - 1
  Несиелер - 6
  

• Тасаууф

  Пәннің мақсаты исламдық ілімдер ішіндегі мистикалық және эзотериялық ілім ретінде өзіндік орны бар ауқымды мәселелерді қамтитын тасаууф ілімінің мәні мен маңызын, ислам мәдениеті тарихында алатын орнын және сопылықтың өзіне тән философиясымен терминдерін таныту. Пәнді оқу нәтижесінде студент тасаууфтың басқа ғылымдармен байланысын және негізгі дереккөздерді меңгеріп, сопылық бағыттағы әртүрлі діни ұйымдардың қалыптасуы мен даму тарихы туралы зерттеулер жүргізе алады.

  Оқу жылы - 4
  Семестр - 1
  Несиелер - 5
  

• Теологиялық коммуникация

  Пәннің мақсаты теологиялық жүйелердің жалпы ерекшелігі мен ішкі логикасын түсіндіре отырып, басқа да діни дүниетаныммен арақатынасын көрсету. Пәнді оқу нәтижесінде студент дін және білім, дін және демократия, зайырлылық және атеизм, діни жіктелушілік, діндерарасы диалог, жаңа салафилік пен фундаментализм, радикалдылық және теорроршылдық, жаһандану және дін, дәстүр және модернизация сияқты мәселелердің арақатынасын айқындауды меңгереді.

  Оқу жылы - 4
  Семестр - 1
  Несиелер - 5
  

• Христиандық мистикасы

  Пәннің мақсаты студенттерге христиан дінінің мистикалық және эзотериялық болмысын және христиан дінінің ауқымды бөлігін алатын эзотерика мәселелерінің діни ағымдарда қабылдану жолдарын, ерекшеліктері мен мистикалық таным қабаттарын меңгерту. Пәнді оқу нәтижесінде студент христиандық мистицизмнің конфессионалды ерекшеліктерін және қазіргі таңдағы христиандық мистицизм сипаттарын меңгеріп, басқа діндердегі мистикалық таным қабаттарын салыстыру арқылы талдау дағдыларын қалыптастырады.

  Оқу жылы - 4
  Семестр - 1
  Несиелер - 5
  

• Ислам философиясы

  Пәннің мақсаты студенттерге исламда философиялық ұғымдардың қолданылу ауқымын, антика философиясымен салыстырылуын, философтардың географиялық-климаттық тұрғыда жіктелулерін, ислам ойшылдары мен олардың шығармаларын таныту. Пәнді оқу нәтижесінде студент ислам философиясы ауқымында сунниттікпен шииттік түсіндірмелерін, философиялық мәселелерде миф пен діни даналықтың, философия мен сенім, мәдени практиканың мәселелерін меңгереді. Ислам философтарының көзқарастары мен тұжырымдарына салыстырмалы талдау жасайды..

  Оқу жылы - 4
  Семестр - 1
  Несиелер - 6
  

• Ислам мазхабтары

  Пәннің мақсаты студенттерге ислам тарихындағы мазхабтардың шығу тарихы мен түрлерін, шығу себептерін, дін мен ағымдардың арақатынасы, басты араларындағы ерекшеліктерді таныту. Пәнді оқу нәтижесінде студенттер итиқади, фиқхи және саяси мазхабтардың доктриналық ұстанымдарын, махзабтар арасындағы айырмашылықтарды, мазхабтардың жазба мәдениетіне қатысты діни әдебиет ауқымын және мазхабтардың таралу аймақтарын меңгереді. Курста сипаттау, талдау, салыстыру әдістері қолданылады.

  Оқу жылы - 4
  Семестр - 1
  Несиелер - 5
  

• Діни философия

  Пәннің мақсаты дін мен философияның байланысы, ондағы тақырыптар мен мәселелер туралы ақпарат беру және әлемдік діндердің тарихымен, өркениеттік және заманауи құндылықтармен таныстыру. Пән діндерді жете түсіну барысында діни-философиялық процестерге жалпы сипаттама бере білуін қамтамасыз етеді, әлемдік және ұлттық діндердің мифтік-философиялық тақырыптары мен теологиялық мәселелерін талдай білу дағдыларын меңгертеді. Курста сипаттау, талдау, салыстыру әдістері қолданылады.

  Оқу жылы - 4
  Семестр - 1
  Несиелер - 5
  

• Ханафилік және Матуридилік негізінде қазақ діни дәстүрі

  Пәннің мақсаты Ханафилік және Матуридилік ілімдері ықпалында ғасырлар бойына қалыптасқан қазақ діни дәстүрлерінің ерекшеліктері мен қазақ ойшылдары, олардың шығармашылығы, ұстанымдары, діни көзқарастары, исламдық үкімдермен сабақтастығына қатысты түсінік қалыптастыру. Пәнді оқу нәтижесінде студенттер қазіргі қоғамдағы тұрақтылыққа кері ықпалын тиігізіп отырған радикалды діни топтардың теріс қызметі мен ханафилік және матуридилік ілімдерінің оңды позицияларына теологиялық тұрғыдан талдау жасайды.

  Оқу жылы - 4
  Семестр - 1
  Несиелер - 5
  

• Католик шіркеуі тарихы

  Пәннің мақсаты христиан шіркеуінің Батыс және Шығыс болып бөлінуін, католицизмнің пайда болуын, католик ағымының негіздерін, Інжіл және Дәстүрлер, Шығыс шіркеуінен теологиялық және литургиялық айырмашылықтарын қарастыру. Пәнді оқу нәтижесінде студенттер христиандықтағы тәубеге келу мен сатисфакция принциптерін, култь пен қажылықты, монахтық және серілік ордендерді, католик шіркеуінің ағарту мен жаңа дәуірдегі саяси позицияларды және католик шіркеуінің тарихын меңгереді.

  Оқу жылы - 4
  Семестр - 1
  Несиелер - 6
  

Профессии

Оқыту нәтижелері

• Діни қатынастар саласында мәдени-ағарту жұмыстарын жүргізу; ғылыми зерттеулер мен кәсіптік қызметті ұйымдастыру, сондай-ақ оларды басқару дағдыларына ие болу; конфессияаралық және басқа да қоғамдық қатынастардың жағдайын, олардың өзара әрекеттесуін анықтай білу; дін саласындағы мемлекеттік саясатты баяндау.
• Оқу саласында ғылыми зерттеу әдістерін, жасанды интеллект пен академиялық жазуды қолдану, кәсіби қызметте академиялық адалдық принциптерін ұстану, дене тәрбиесінің практикалық негіздерін білімін көрсету
• Қазақтың дәстүрлі мәдени және ислам құндылықтарының ерекшеліктерін түсіндіре білу, қазақ халқының діни және ұлттық салт-дәстүрлері туралы терең білім алу.
• Қазақстан тарихының негізгі білімі мен негізгі заңдылықтарын, философиялық, әлеуметтік-саяси, экономикалық, жаратылыстану-ғылыми және құқықтық білімнің негіздерін көрсету, қазақ, орыс және шет тілдерінде ауызша және жазбаша нысанда коммуникация дағдыларын қолдану.
• Қоғамның әртүрлі – діни және зайырлы өкілдерімен мәдениетаралық және конфессияаралық қарым-қатынас жасау дағдыларын меңгеру, заманауи діни және теологиялық мәселелер бойынша өз көзқарастарын білдіру және қорғау;
• Дін тарихы мен діни ағымдарды салыстыра білу, діни-теологиялық және тарихи-ғылыми ұғымдарды білу; ислам ілімдерін, діннің қайнар көздерін зерттеу әдістерін меңгеруі, дәстүрлі және дәстүрлі емес діндердің аражігін ажырата білу, діни ұстанымдарға негізделген теологиялық талдау дағдыларын меңгеру;
• Діни және рухани көшбасшылардың өмірі мен қызметі туралы білу, Қазақстанның солтүстік аймағындағы дәстүрлі және дәстүрлі емес діндер туралы объективті түсінікке ие болу, түркі-мұсылман халықтарының жалпы тарихын білу.
• Діни мәтіндерді оқу ережелерін білу, діни-философиялық мәтіндер мен шығармаларды талдау, қоғамның мәдени сан алуандығы жағдайында әр түрлі әлеуметтік топтардың, этностар мен діндердің өкілдерімен кәсіби, сындарлы қарым-қатынас жасау, одан әрі өздігінен білім алу және өзін-өзі жетілдіру үшін мемлекеттік және шет тілдерінде коммуникативтік дағдыларды қолдану.
• Тәурат, Інжіл, Забур, Құранның қасиетті жазбаларына түсініктемелерді білу; көне заманнан бүгінгі күнге дейін Құранды оқу, талдау және түсіндіру әдістемесін меңгеру; ауызша және жазбаша мәтін құра білу, хадис, кәлам, ислам құқығы негіздерін түсіндіре білу.
• Қазақстанның әртүрлі аймақтарындағы этносаралық және конфессияаралық қарым-қатынас процестеріне, сондай-ақ этностар мен конфессиялардың діни өміріндегі өзгерістер жағдайларына талдау жасай білу.

Ұқсас БББ