7M01602 Тарих 1,5 в Махамбет Өтемісов атындағы Батыс Қазақстан университеті

Пәннің мақсаты: Магистранттардың ғылыми-зерттеуді дайындаудың принциптері мен әдістерін игеруі, зерттелетін мәселенің мазмұны мен құрылымының негізгі элементтерін бөліп көрсету, тақырыптың теориялық және әдіснамалық базасын заманауи тұжырымдамалық тәсілдерге сәйкес анықтау, ғылыми зерттеудің мәнін ашудың нақты әдістері мен тәсілдерін белгілеу, көптеген дереккөздері мен ғылыми әдебиеттерді зерттеу негізінде тақырып бойынша қажетті мазмұнын анықтау, зерттеу жұмысын жазу кезіндегі техникалық және нормативтік құралдар кешенін практикалық тұрғыда зерттеу әдістерін меңгереді. Қазіргі ғалымдардың ірі зерттеу жұмыстарының мысалында ғылыми зерттеуді жазу тәжірибесін үйренеді.

Курстың мақсаты: ҚР-ның Ислам елдерімен саяси, экономикалық және мәдени саладағы қарым-қатынасын зерттеу. Курстың міндеттері: ҚР халықаралық ислам ұйымдарына қатысуын зерттеу; ислам әлеміндегі Қазақстанның сыртқы саясатындағы басымдықтарды талдау; қазіргі Қазақстандағы исламның рөлін зерттеу. Игерілген білім жоғары және орта оқу орындарында сабақ берудің практикалық қызметінде, насихаттық жұмыста, мемлекеттік органдар мен экономикалық бірлестіктерде қызметте пайдаланыла алады.

Магистранттар басқару психологиясы, оның мақсаттары мен міндеттері туралы ұғымдарды меңгереді. Практикалық тапсырмаларды орындай отырып, басқару барысындағы әртүрлі жағдаяттардың тиімді әдістері мен тәсілдерін зерттейді. Топтарда жұмыс жасай отырып, топпен және ұжымдармен тиімді өзара іс-қимыл жасау, даулы жағдайларды шешу әдістері мен тәсілдерін әзірлейді

Курстың мақсаты: ХХ ғасырдағы кеңестік кезеңдегі Қазақстан тарихының өзекті мәселелері, социалистік жүйенің орнауы мен дәуірлеуі, дағдарысы және ыдырау кезеңдерін ғылыми-теориялық негізде қарастыру. Оқыту барысында магистранттар ХХ ғасыр оқиғаларын - Қазақстандағы кеңестік саяси жүйенің қалыптасу үдерісі мен мәнін, қазақ қоғамын большевиктік жаңғыртудың мазмұны мен салдарын, кеңес құрылысының мәні, саяси-экономикалық аспектілері, КСРО ыдырауының себептері мәселелерін - жаңа теориялық-әдіснамалық көзқарастар тұрғысынан талдайды және интерпретациялайды.

Мақсаты:магистранттардың шет тілінде жазбаша және ауызша сөйлемдерді құрау, құжаттама жүргізу және іскерлік хат алмасу негіздерін білуге бағытталған. Сонымен қатар, шет тілдердегі мәтіндік материалды оқи біліп, монологиялық және диалогтік сөйлеу дағдыларын меңгереді.

Пәннің мақсаты: қоғамның тарихи даму динамикасының концептуалды моделін, оның негізінде зерттеу коммуникациясынның түрі мен тәсілін, дәуірлердің ауысуы мәселелерін зерттеу. Пәнді оқыту барысында қоғамдық дамудың тарихи теориясы мен концепцияларын заманауи көзқарас тұрғысында қарастырып, ерекшеліктерін түсіндіруге бағытталған сыни тұрғыдан қарау әдістемесін меңгереді.

Пәннің мақсаты: Қазақстандағы XVIII-XX ғасырлардағы саяси мемлекеттіліктің түбегейлі өзгеруі мен қоғамдық сананың ауысуы туралы ғылыми тұжырымдамаларды талдау. Оқыту барысында магистранттар ғылыми іргелі зерттеулер мен құжаттық деректер негізінде ХҮІІІ-ХІХ ғасырлардағы Қазақстандағы әкімшілік басқару туралы реформалар, патшалық отаршылдық саясаттың салдарлары, елдегі әлеуметтік-экономикалық өзгерістер, қоғамдық-мәдени өмір туралы мағлұматтарды жан-жақты талдап, сараптау әдістемесін меңгереді.

Магистранттар басқарудың практикалық мазмұны мәселелерін зерттейді, басқару туралы білім кешені қалыптасады, басқарушылық қызметтің әртүрлі түрлерін жүзеге асырудың нақты дағдылары, басқару жүйелерін талдау және оларды жобалау. Магистранттар негізгі салаларда, негізгі процестерді ұйымдастыру, кәсіпорынды жоспарлау және басқару мәселелерінде басқарушылық шешімдер қабылдау дағдыларын меңгереді

Пәннің мақсаты: Отан тарихын-Қазақстан тарихын кезеңдерге бөлудің ғылыми-методологиялық әдістемесін қарастыру, магистранттарға Отан тарихындағы басты оқиғалар мен кезеңдерді категориялар мен ұғымдарға бөліп қарастыруды үйрету. Пәнді оқыту барысында кеңестік және тәуелсіздік кезеңдегі зерттеушілердің тұжырымдары мен зерделеудегі ғылыми көзқарастарды сараптап, өзіндік талдаулар жасауға басты назар аударылады.

Пәннің мақсаты: Шығыс елдеріндегі қазіргі заманғы саяси, әлеуметтік-экономикалық, гуманитарлық және мәдени процестер мен даму проблемаларының мәнін, ерекшеліктері мен үрдістерін, оларда жүргізілетін жаңғырту ерекшеліктерін, халықаралық стратификациядағы өзгерістерді, әлемдік саясаттағы Шығыс елдерінің орны мен рөлін, олардың жаһандану мен батыстануға реакциясын зерттеу, білім алушылардың талдау қабілетін дамытуға бағытталған, өзгермелі әлемдегі Шығыс елдерінің одан әрі динамикасының модельдері мен тенденцияларын болжау.

Курстың мақсаты-отандық тарихтың өзекті мәселелерін зерттеу, сонымен қатар қазақстандық, ресейлік және шетелдік авторлардың әртүрлі дереккөздерін және зерттеулерін қолдана отырып, тарихи оқиғалардың мазмұнын дұрыс бағалауға мүмкіндік беретін, саяси, экономикалық, мәдениет ақпараттарының маңыздылығын ашып көрсету, сондай-ақ отандық тарихтың маңызды мәселелерін зерделеудің жай-күйі туралы біртұтас ғылыми көзқарасты қалыптастыру.

Курстың мақсаты-информатиканың негізгі принциптері мен тұжырымдамаларымен, компьютерлік жүйелерімен және технологияларымен жұмыс жасау және оларды тарихи зерттеулерде қолдану ерекшеліктерін бағалау қабілетін жетілдіру. Пәнді оқу магистрантьттарға электрондық мәтіндермен, Қазақстан мен әлемнің жетекші кітапханаларының электрондық каталогтарымен, Қазақстан және басқа елдердің мұрағат қызметінің Интернет-ресурстарымен жұмыс істеуге; әртүрлі типтегі дереккөздердің материалдары бойынша мәліметтер базасын құруға, кәсіби қызмет үшін ғылыми әдебиеттер мен электрондық ақпараттық-білім беру ресурстарына шолулар жасауға мүмкіндік береді.

Магистранттар ғылыми-зерттеу жұмыстарын ұйымдастыру және жоспарлау дағдыларын меңгереді. Практикалық тапсырмаларды орындай отырып, деректерді статистикалық өңдеу әдістерін, зерттеу әдістерін қолданады. Топтарда жұмыс істей отырып, ғылыми-зерттеу жұмысының жоспарын құрастырады, ұйымдастыру тәсілдерін, ғылыми аппаратты және ғылыми психологиялық-педагогикалық зерттеудің құрылымын талдайды және талқылайды.

Пәннің мақсаты: отандық және шетелдік тарихнамада осы пәнді қалыптастыру процесін зерттеу арқылы Деректанудың теориялық-әдіснамалық негіздерін оқып үйрену. Оқу барысында магистранттардың тарихи талдаудың негізгі әдістерін меңгеруі, әр түрлі дереккөздерінің ерекшеліктерін анықтай білу, текстологиялық талдау жүргізу және дереккөздің репрезентативтілігін анықтау болжанады. Қолжазба мәтінін сипаттау және сараптау дағдыларына, дереккөзді, тарихи оқиғаларды сыртқы талдау әдістемесіне, археография негіздеріне және деректерді (қолжазбалар мен басқа да материалдар) және т. б. анықтау әдістеріне оқытылады.

Курстың мақсаты: жоғары оқу орындарында тарихи білім берудің заманауи инновациялық әдіс-тәсілдерін терең меңгеріп және оны жетілдіре отырып, еңбек нарығының сұранысына сәйкес университет базасында оқу-әдістемелік және ғылыми тұрғыдан жан-жақты кәсіби маманды қалыптастыруды көздейді. Магистрант жастарды оқу-әдістемелік және ғылыми шығармашылыққа негіздей отырып, жұмыс жасаудың түрлі инновациялық әдістерін үйретеді, тарихи оқиғаларды талдайды, интеграцияланған, блокты және жаңартылған оқыту әдістемесін тереңдетіп, ЖОО-ның үздік профессор-оқытушыларының тәжірибесін үйренеді. Оқыту барысында магистрант әдістемелік тәжірибе жинақтап, портфолиосын құруды үйренеді, жоғары мектептегі оқу процесін жоспарлап, білім алушылардың өзіндік жұмыстарын ұйымдастырады.

Пәннің мақсаты магистранттарда пәнаралық зерттеулер саласындағы маңызды кезеңдер мен жетекші тенденциялар туралы терең кәсіби білімді қалыптастыру болып табылады. Пәнді оқыту кезінде білім алушылар зерттеулердегі және әлеуметтік маңызы бар жобаларды іске асырудағы заманауи пәнаралық тәсілдер негізінде ғылыми зерттеу нәтижелерін талдауға және қорытындылауға үйренеді.

Курстын мақсаты: этнологияның іргелі мәселелерін, этнология тарихын және этнологияның қазіргі жағдайын ғылым ретінде қарастырады. Этнологияның заманауи концепцияларын, әдістерін сыни талдайды. Этнология саласындағы міндеттерді іс жүзінде шешу, тұжырымдай білуді дамытады. Қазіргі кезеңдегі этнологиялық ғылымның іргелі мәселелерін білу саласында ойлауды дамытады.

Курстың мақсаты - Қазақстан археологиясының қалыптасуы мен дамуын, оның негізгі жетістіктері мен іргелі мәселелелерін жан-жақты ашып көрсету. Соңғы археологиялық жаңалықтар бойынша зерттеулерді қарастырып, магистранттар ежелгі уақыттан бастап ортағасырлық кезеңге дейінгі Қазақстан аумағындағы жергілікті халықтың қалыптасу сипаты мен табылған жәдігерлердің ерекшеліктерін сараптап үйренеді. Оқыту барысында археологиялық зерттеу әдістемесін тәжірибе жүзінде қолдану және зертханалық қызмет дағдыларын дамыту көзделген.

Пәннің мақсаты: ХХ ғ. басындағы Қазақстан тарихының өзекті мәселелерін және Алаш қозғалысының зерттеу әдіснамасын, деректік және тарихнамалық мәселелерін зерттейді. Пәнді оқыту барысында Алаш, Алаш-орда түсініктерін, тарихи қайраткерлердің ғұмырнамалық деректік қорын, соңғы ғылыми зерттеу жұмыстарының нәтижелерін, ХХ ғасырдың 20-50 жылдарындағы қуғын-сүргін саясатының мәнін, оқиғалардың заңдылықтарын, іргелі еңбектермен басылымдардағы алаш тарихының баяндалуын мұрағаттық құжаттар мен дереккөздер бойынша жан-жақты ғылыми талдаудың әдістемесін жетілдіреді.

Курс тарихи процестердің заңдылықтарын, оларды зерттеу барысындағы деректану мен тарихнаманың теориялық-әдістемелік мәселелерін қарастырады. Курсты оқыту барысында магистранттар ғылыми әдебиеттер мен дереккөздерді сыни бағалау тәсілдерін, нақты тарихи және кешенді гуманитарлық зерттеулердің ғылыми талдау әдіс-тәсілдерін меңгереді, сонымен бірге тарихи және тарихнамалық деректерді ғылыми талдаудағы теориялық пәнаралық зерттеулерді жүзеге асыру қабілетін қалыптастырады.

Пәннің мақсаты: посткеңестік мемлекеттердегі геосаяси, әлеуметтік-экономикалық факторларға, посткеңестік мемлекеттердің егемендігінің қалыптасуына, оларда жүргізіліп жатқан жаңғырту ерекшеліктеріне байланысты саяси проблемалардың мәні мен ерекшелігін зерттеу, білім алушылардың посткеңестік кеңістіктегі мемлекетаралық қатынастардың одан әрі дамуын бағалау және болжау үшін тарихи компаративистика әдіснамасын, жүйелі талдау әдістерін қолдану қабілетін дамытуға бағытталған.

Пәннің мақсаты: дүние жүзі тарихының іргелі мәселелерінің мәні мен ерекшеліктерін көрсету, теориялық-әдіснамалық мәселелерді қарастыру; ХХ ғ.соңы мен ХХІ ғ. басындағы тарих ғылымындағы дәстүрлер мен жаңашылдықтар; дүниежүзілік тарихты зерделеудің қазіргі заманғы тәсілдерін ашып көрсету; біртұтас – стадиалды тәсілдің негізгі концепциялары (позитивистік, формациялық, постиндустриалды қоғам) және тарихи-әлеуметтік тұжырымдамалары, тарихи-экономикалық бағыттағы тұжырымдамалар, еуразиялықтардың тарихи тұжырымдамалары қарастырылады.

Курстың мақсаты: "Ұлы даланың ұлы тұлғалары"призмасы арқылы тарихи және рухани-мәдени байланыстарды зерттеудегі жеке тұлға факторының мәнінің ғылыми тенденцияларын қалыптастыру. Пәнді оқу барысында магистранттарда тарихи оқиғаларды түсіну және болып жатқан оқиғалардағы тұлғаның рөлі мен орнын анықтау, олардың маңызды мәселелерді шешуге әсері, Қазақстан тарихының әр түрлі кезеңдеріндегі тарихи тұлғалардың сипаттамаларының ерекше қызметері мен ролін атап көрсету қабілетін қалыптастыру.

Курстың мақсаты: тарихи білім мен тарих ғылымының дамуын зерттейтін негізгі пән ретінде шетелдік зертттеулер мен іргелі еңбектерді қарастырып, тарихи әдебиеттерді талдай білу, оған өзінің көзқарасын анықтау, сонымен қатар шетелдік тарихи, гуманитарлық саладағы зерттеушілердің үздік ғылыми ой-тұжырымдарын өз қызметінде пайдалану.

Курстың мақсаты: Тарих және аралас әлеуметтік-гуманитарлық ғылымдар саласында қолданылатын қазіргі теориялық-әдіснамалық тәсілдер негізінде халық-азаттық қозғалыстарын зерттеу саласында ғылыми-зерттеу жұмыстарын өз бетінше жүзеге асыру қабілетін қалыптастыру. Осы курсты оқу барысында және нәтижесінде Магистрант: - Қазақстандағы ұлт-азаттық қозғалыстардың теориялық-әдіснамалық мәселелерін зерттеу; -ұлт-азаттық қозғалыстардың типологиялануының негізгі белгілері мен белгілерін анықтау; - Қазақстандағы антиколониалды наразылық мәселелері бойынша отандық және шетелдік тарихнаманың еңбектеріне баға беру.

Пәннің мақсаты-отандық тарихтың өзекті мәселелерін ұлттық фольлорлық деректер негізінде оқып үйрену және зерттеу жүргізу. Отандық тарихтың ежелгі, ортағасырлық, жаңа және қазіргі замандағы кезеңдерінің мәселелерін қазақ фольклоры мен этнографиясындағы ауыз әдебиеті, сөздіктер, ұлттық тұрмыстық заттай деректер арқылы зерттеудің теориясы мен әдістемесін, фольклор үлгілерін жинау, жариялау, зерттеу жұмыстарының әдістемесін үйретеді. Пәнді оқу барысында жинақтаған білімдерін магистранттар өздерінің ғылыми еңбектерін жазуда қолдана алады.

Курстың мақсаты: жаһандық проблемалардың мәнін анықтау, адамзаттың жаһандық мәселелері, олардың мәні, пайда болу себептері және осы проблемалардың әрқайсысының шешу жолдары туралы білімді жинақтау және жүйелеу.

Пәннің мақсаты: әлемдік саясат пен экономикаға әсер ету факторларын, халықаралық қатынастардың тұрақтылығы мен қауіпсіздігіне қазіргі заманғы сын-қатерлер мен қауіптерді, қазіргі заманғы этносаралық проблемалардың ерекшеліктерін зерделеу, жаңа әлемдік тәртіптің қалыптасуы жағдайында жаңа саяси күштерді орталықтандыруды түсіндіру, білім алушылардың саяси талдау әдістерін қолдану негізінде әлемдік саясат динамикасының үрдістерін талдау, бағалау, болжау қабілетін дамытуға бағытталған.

Өзінің кәсіби қызметінде әлеуметтік-гуманитарлық ғылымдар әдістерін және археологиялық, этнографиялық экспедициялар бойынша практикалық жұмыс тәжірибесін қолданады.

Қазіргі заманғы ақпараттық технологияларды пайдалана отырып, ғылыми ақпаратты алу, өңдеу және сақтау әдістерін меңгереді.

Ғылыми, философиялық және діни сананың арақатынасын, жаратылыстану-ғылыми және гуманитарлық білімнің тарихи өзара әрекеттестігіндегі терең байланысын, тарихтың ғылым ретінде қалыптасу кезеңдерін, оның негізгі бағыттарын саралайды.

Орта және жоғары білім беру бағдарламасы бойынша педагогикалық шеберлікті, әдіснамалық дағдыларды, тарих кабинеттерін құру бойынша әдістемелік және ұйымдастырушылық жұмысты, оқу-тәрбиелік жағдайларды талдау дағдыларын дамытады.

Әлемдегі тарихи үдерістің динамикасын, әр түрлі аймақтардың діни-өркениеттік ерекшеліктерін зерттеудің заманауи әдістері мен әдістемелерін қолдана отырып баға береді.

Ғылыми коммуникацияны жүзеге асырады және ана тілі мен шет тілінде өзіндік бірегей зерттеулерді әзірлейді, өзінің зерттеу нәтижелерін ұлттық және халықаралық деңгейде жариялайды.

Таңдалған ғылыми білім беру бағдарламасы бойынша ғылыми-зерттеу, эксперименталды-зерттеу қызметін жоспарлау және жүргізу кезінде қазіргі заманғы ғылыми және практикалық мәселелерді тұжырымдайды және шешеді.

Әр түрлі қоғамдық-әлеуметтік ортада тез қалыптасуы үшін жұмыс профилін ауыстыруда алынған дағдыларды әлеуметтік, экономикалық, кәсіби рөлдердің динамикасы жағдайында ұтымды және жауапты пікірталаста қолданады