6B06103 Компьютерлік мехатроника в Сәрсен Аманжолов атындағы Шығыс Қазақстан мемлекеттік университеті

Пәннің мақсаты бұлттық есептеулер архитектурасын, виртуалдау технологиясын жүзеге асыратын орталарды және аталған орталарды болашақта кәсіби қызметтерінде қолдана білуге үйрету. Курста келесі сұрақтар қарастырылады: Бұлттық есептеулер негіздері. Бұлттық құрылымдар. Есептеулерді жалпы басқару. Бұлттық технологияларға кіріспе. Бұлттық технологиялар шешімдері. Қазақстан Республикасында бұлттық технологияларды енгізу. Мобильді оператордың бұлттық технологиялары. Пән студенттердің білімдерін тәжірибе жүзінде қолдану қабілеттілігін; пәндік облыстарында есептерді шешуде ақпараттық технологиялар негізгі модельдерін және оларды қолдану тәсілдерін пайдалану дағдыларын қалыптастыруға бағытталған.

Пәннің мақсаты экономика негіздері мен кәсіпкерлікті қалыптастыру болып табылады. Пән кәсіпкерлік қызметтің даму тенденциясы мен рөлін, бизнесті жүргізудің ұйымдастырушылық және қаржылық негіздері мен кәсіпкерлікті аспаптық қолдауды, кәсіпкерлікті мемлекеттік реттеу, өміртіршілігінің әртүрлі салаларында экономикалық білім мен экономикалық ғылымдардың әдістерін қолдануға, кәсіпкерлік қызмет саласында оңтайлы ұйымдастырушылық-басқарушылық шешімдер қабылдау қабілетін дамытуға бағытталған.

Пәннің мақсаты білім алушыларда экология негіздері және қауіпсіз тіршілік ортасы туралы білім жүйесін қалыптастыру болып табылады. Пән халықты табиғи және техногендік сипаттағы қауіптердің ықтимал салдарларынан қорғау бойынша экологиялық ойлау, болжау және төтенше жағдайлар кезінде дұрыс шешімдер қабылдау дағдыларын, адам қызметінің қауіпсіздігі мен қолайлы жағдайларын қамтамасыз ету әдістері мен құралдары туралы білімді қалыптастыруға бағытталған.

Пәннің мақсаты робототехникалық электронды құрылғыларды құру, техникалық және математикалық қамтамасыз ету негіздерін, пайдалану ерекшеліктерін оқып үйрену. Пән электронды жүйелер мен механизмдердің жұмысын зерттеуге, микроконтроллерлер, олардың архитектурасы және бағдарламалау негіздері туралы жүйелі білім алуға бағытталған. Курста Arduino тобының контроллерлері оқытылады.

Пәннің мақсаты – білім алушылардың академиялық жазу саласындағы білім жүйесін, академиялық жанрлардың ерекшеліктерін, ғылыми мәтіндерді жазу ережелері мен принциптерін қалыптастыру. Пән әртүрлі көздерден алынған ақпаратты синтездеу және талдау дағдыларын қалыптастыруға және дамытуға, өз идеяларын құрылымдық түрде баяндауға, ғылыми жұмыстың ерекшеліктерін ескере отырып, ғылыми және академиялық жанрдың әртүрлі мәтіндерін құра білуге ​​бағытталған.

Пәннің мақсаты бағдарламалық өнімдерді әзірлеу процесінде адам-машина интерфейстерін жобалау, іске асыру және тестілеу саласында студенттердің кәсіби құзыреттіліктерін қалыптастыру болып табылады. Пән студенттердің адам-машина интерфейсі мен бағдарламалық қамтамасыз етуді жобалау және пайдалану кезінде теориялық білімді пайдалану қабілетін қалыптастыруға, заманауи аспаптық құралдар мен бағдарламалау технологияларын қолдана отырып, аппараттық-бағдарламалық кешендер мен мәліметтер базасының компоненттерін жасауға бағытталған.

Пәннің мақсаты өлшеу техникасының тораптарын құрастыру, реттеу және баптаудың технологиялық процестерінің негіздерімен, сондай-ақ пайдаланылатын жабдықта қолданылатын сынау түрлерімен таныстыру болып табылады. Пән ажыратылатын және біртұтас қосылыстар технологиясының негіздерін, электрлік қосылыстар технологиясын дәнекерлеудің және беткі монтаждаудың технологиялық негіздерін оқуға, сынақтардың түрлерімен және жіктелуімен және оларды қолдану әдістерімен танысуға бағытталған.

Пәннің мақсаты робот техникасы және жасанды интеллект жүйелерін жобалау саласы бойынша білім негіздері мен дағдыларын жетілдіру. Бұл курс Робот техникасының негіздері, пайдалану салалары, түрлері, LEGO® MINDSTORMS® EV3 Education, Arduino UNO, Fishertechnik жинақтары негізінде құрылатын жасанды интеллектің негізгі ұғымдары мен олардың қолданылу салаларына бағытталған. Білім алушылар курс барысында әртүрлі есептерді шығару үшін роботтардың үлгілерін әзірлейді, оларды жасау техникасын бағдарламалайды және роботтар құрастырады.

Пәннің мақсаты дербес туындылы дифференциалды теңдеулерді және бастапқы мәліметтер бойынша дифференциалды теңдеулер құра білу, шешу әдістерімен таныстырады. Пән қарапайым дифференциалдық теңдеулер теориясының негізгі ұғымдары мен білім-біліктерін меңгеруге, әртүрлі дифференциалдық теңдеулер мен теңдеулер жүйесін шешу әдістерін оқытуға, дифференциалдық теңдеулерді шешуде практикалық дағдыларды дамытуға, сонымен қатар ғылымның және өндірістің әртүрлі салаларында дифференциалдық теңдеулердің қолданылуын зерттеуге бағытталған. Сандық қоғамда математикалық, функционалдық сауаттылықты қалыптастыруға ықпал етеді

Пәннің мақсаты білім алушыларда өмірдің әр түрлі салаларындағы интеллектуалды роботтың сәулеті бойынша білім жүйесін қалыптастыру, интеллектуалды роботтың аппараттық және бағдарламалық іске асыруында практикалық дағдыларды қалыптастыру. Пән білім алушыларға интеллектуалды робот және жасанды интеллект технологиясы, интеллектуалды роботтың құрылымы және оның басқару жүйесі, интеллектуалды роботты басқару жүйесін құру тәсілдерін, сонымен қатар оларды қолдану саласын талдауға бағытталған.

Пәннің мақсаты-нақты механика түйіндерін электронды, электротехникалық және компьютерлік компоненттермен біріктіруге негізделген ғылым мен техника саласындағы білімді игеру. Пән білім алушыларды электроника және мехатроника негіздерімен, мехатроникалық және электрондық жүйелерді дамыту мен қолданудың негізгі алғышарттарымен таныстыруға, сондай-ақ мехатроникалық және робототехникалық құрылғыларды зерделеуге және жобалауға бағытталған.

Пәннің мақсаты робототехникалық жүйелерді компьютерлік моделдеуде қолданылатын математикалық модельдерді оқып үйрену, олардың қозғалысын математикалық сипаттау және жұмыс органдарының траекторияларын жоспарлау. Пән робототехниканың есептерін шешуде қолданылатын сандық әдістер мен математикалық аппарат әдістерінің негізінде жатқан робототехникалық жүйелерді компьютерлік модельдеу саласындағы қолданбалы есептерді шешудің маңызды әдістерін қолдануға бағытталған, оның ішінде интерполяция және тригонометриялық көпчлендер мен сплайндармен функцияларды аппроксимациялау әдістері, қарапайым дифференциалдық теңдеулерді сандық интегралдаудың сызықтық көп бағытты әдістері, роботтардың бағдарламалық қозғалысын құру әдістерін, қатты денелер жүйелерін кинематикаға қолданудағы кватернион алгебра әдістерін, Коши есебін сандық шешудің сызықтық көп бағытты әдістерін қоса алғанда, робототехникалық есептерді шешу кезінде инженерлік есептердің сандық әдістерінің арсеналын қолдану бойынша тұрақты дағдыларды қабылдау қабілеті.

Пәннің мақсаты Python тілінде алгоритмдеу және императивті бағдарламалау негіздерін меңгеру, заманауи аспаптық құралдарды қолдана отырып бағдарламалық кодты әзірлеу дағдыларын игеру. Пән бағдарламалау әдістемесін, алгоритмдік құрылымдарды, іздеу және сұрыптау алгоритмдерін, процедуралар мен функцияларды, модульдерді, функциялар мен сынып шаблондарын қолдана отырып параметрлеуді, Windows үшін құралдарды қолдана отырып кодты әзірлеуді, объектіге бағытталған бағдарламалауға кіріспе.

Пәннің мақсаты білім алушыларға өндірістің әртүрлі салаларында қолданылатын мехатрондық құрылғыларды құрастырудағы білік пен дағдыларын қалыптастыра отырып, роботтарды басқаруға үйрету. Мехатроника ғылым мен техниканың жаңа және серпінді дамып келе жатқан саласы болып табылады. Ол механика, электроника және компьютерлік басқару салаларының білімі мен жетістіктеріне негізделген және қазіргі заманғы машина жасау дамуының жоғары деңгейін білдіреді Курс барысында білім алушылар электр және гидрожетегі бар мехатрондық модульдерді құрастыру бойынша жалпы ережелермен және модульдердің базалық конструктивтік элементтерінің сипаттамаларымен және оларды есептеу әдістерімен танысады.

Пәннің мақсаты жұмыс орнында заңнамалық және нормативтік құжаттар жүйесін әзірлеу, соның негізінде қауіпсіз еңбек жағдайларын қамтамасыз ететін әлеуметтік-экономикалық, техникалық және гигиеналық шаралар әзірлеу болып табылады. Сондай-ақ жұмыс орнының қауіпсіздігі бойынша барлық нормативтік-құқықтық актілер мен талаптарды зерделеу. Болашақ мамандарды өндірісте және төтенше жағдайларда еңбекті қорғау бойынша қажетті біліммен қамтамасыз ету.

Пәннің мақсаты операциялық жүйелердің теориялық негіздерін, олардың құрылымдық ұйымдастырылуын, сипаттамаларын, есептеу жүйесінің аппараттық құралдарының логикалық мүмкіндіктері мен пайдаланушылардың бағдарламалары арасындағы байланысты қамтамасыз ету мәселелерін шешуге арналған жұмыс принциптерін зерттеу болып табылады. Пән операциялық жүйелердің дамуының қысқаша тарихын, негізгі анықтамалары мен түсініктерін, ОЖ үзілістерінің механизмін, есептеу жүйесінің аппараттық құралдарының логикалық мүмкіндіктері мен пайдаланушылардың бағдарламалары арасындағы байланысты қамтамасыз ету мәселелерін шешуге арналған жұмыс принциптерін зерттейді.

Пәннің мақсаты студенттердің физиканың негізгі идеялары мен заңдары туралы түсініктерін қалыптастыру болып табылады. Пән білім алушылардың физиканың негізгі физикалық процестерін, модельдерін, формулалары мен заңдарын, оларды кәсіби және өндірістік қызмет процесінде туындайтын міндеттер мен мәселелерді шешуде қолдану мүмкіндіктерін, заманауи оқу және ғылыми жабдықтардың құрылымы мен жұмыс принципін игеруге бағытталған.

Пәннің мақсаты студенттер арасында әртүрлі мақсаттарға арналған машиналық оқыту әдістерінің қазіргі жағдайы туралы тұтас түсінік қалыптастыру. Пән машинамен оқыту әдістеріне біртұтас көзқарас қалыптастыруға бағытталған. Машинамен оқытудың келесі тараулары қамтылған: Басқарылатын машиналық оқыту. Басқарылмайтын машиналық оқыту. Жіктеу. Кластерлеу. Үлгіні тану. Генетикалық алгоритмдер. Терең оқыту.

Пәннің мақсаты студенттердің үлестірілген жүйелерді құру саласындағы іргелі білімді игеру, көпагентті жүйелерді құру тәсілдерін және оларды талдау әдістерін, сондай-ақ оларды практикалық қолдану салаларын зерттеу болып табылады. Пән көпагентті жүйелерді қолдану және жобалаудың базалық теориясымен, көпагентті жүйелердің архитектурасымен, зияткерлік агенттермен, агенттер кооперациясының моделімен, семантикалық паутинамен, көпагентті жүйелерді құру әдістерімен танысуға бағытталған.

Пәннің мақсаты білім беру бағдарламаның мазмұны мен даму бағыттарына концептуалды көзқарас қалыптастыру. Білім беру бағдарламаның құрамына енгізілген бірнеше кәсіби салалардың байланысы негізінде қалыптасатын құзіреттіліктерді сипаттап, болашақ еңбек нарығын көрсету. STEM- аббревиатурасының мағынасын түсіндіріп, білім беру бағдарламасы құрамындағы математика, информатика, мехатроника, робототехника, материалтану, электроника салалары пәндерін оқуда қарастырылған кәсіби қабілеттіліктерінің үлесі мен маңыздылығын ашуға бағытталған.

Пәннің мақсаты роботталған жүйелерді модельдеу, жобалау, жоспарлау және басқару негіздерімен таныстыра отырып, білім алушылардың инженерлiк, конструкторлық, шығармашылық қабілеті мен әлеуетін арттыру. Практикалық жобаларды орындау принципіне негізделіп құрастырылған курста робот техникасы және инженерлік жүйелерді жобалау саласы бойынша білім негіздері мен дағдылары меңгертіледі. Білім алушылар курс барысында әртүрлі есептерді шығару үшін роботтардың үлгілерін әзірлейді, оларды жасау техникасын бағдарламалайды және роботтар құрастырады.

Пәннің мақсаты қазіргі заманғы ОББ тілдерін қолдана отырып, объектіге бағытталған бағдарламалаудың негізгі принциптерін зерттеу, көпфункционалды қосымшаларды құрудың негізгі әдістерін үйрету, Заманауи бағдарламалау технологияларының даму жағдайын түсіндіру. Пән бағдарламалау жүйелері, блок-схемалар, символдық айнымалылар мен жолдарды өңдеу айнымалыларының түрлері және динамикалық жад, динамикалық деректер құрылымдары, модульдік бағдарламалау туралы жалпы ақпаратты зерттеуге бағытталған.

Пәннің мақсаты білім алушыларды басқа пәндерге қажетті алгебралық әдістермен таныстыру болып табылады. Пән аналитикалық геометрия элементтерімен сызықтық және векторлық алгебра туралы, математикалық талдаудың негізгі ұғымдары туралы, сондай-ақ ықтималдықтар теориясы мен математикалық статистика элементтері туралы білімді қалыптастыруға, жоғары математикадағы типтік және күрделі есептерді шешу әдістемесін игеруге бағытталған.

Пәннің мақсаты компоненттік бағдарламалау технологиясының теориялық негіздерін оқып үйрену және компоненттік модель және компоненттік бағдарламалау технологиясы туралы студенттер арасында тұтас түсінік қалыптастыру. Пән студенттерді компоненттік бағдарламалау технологиясының негіздерімен таныстыруға, осы бағдарламалау технологиясының даму тенденцияларын және компоненттік технологиялардың кәсіби қызметіндегі рөлін анықтауға бағытталған, күрделі бағдарламалық жасақтаманы жасауда студенттердің білімі мен дағдыларын тереңдетуге көмектеседі: проблемалар көздерін анықтау және оларды шешудің әдістерін табу.

Пәннің мақсаты компьютерлік модельдеудің заманауи әдістері туралы жүйелі білімді қалыптастыру Пән модельдеуді таным әдісі, модельдерді жіктеу, модельдеу түрлері, модельдердің өзара байланысы, модель құрудың кезеңдері мен мақсаттары, модельді компьютерлерге арналған бағдарлама түрінде жүзеге асыру, құрылымдық модельдер, құрылымдық модельдерді құру тәсілдері, белгісіздік жағдайында модельдеу, Имитациялық модельдеу, модельдік эксперименттерді жоспарлау, Excel жүйесіндегі физикалық құбылыстарды модельдеу, Delphi-де физикалық құбылыстарды модельдеу, Delphi-де диалогтық орта құру, функциялар графигінің модельдерін құру, объектілердің өзара әрекеттесуі мен қасиеттерін талдау, күрделі динамикалық кескіндерді синтездеу, Mathcad ортасында физикалық жүйелерді модельдеуді оқытуға бағытталған.

Пәннің мақсаты білім алушының конструкциялау, бағдарламалау, робототехникалық жобаларды әзірлеу білім, білік, дағдыларын қалыптастыру барысында инженерлік ойлауын дамыту. Пән конструктормен және контроллермен, бағдарламалау ортасымен танысуға, құрастырудың тереңдетілген курсын өтуге, механизмдерді құруға, 3D-модельдеудің базалық құралдарын меңгеруге, негізгі алгоритмдермен және датчиктермен жұмыс істей білуге, релелік реттеуішті құру үшін оларды одан әрі қолдануды үйретуге бағытталған.

Пәннің мақсаты статикалық және динамикалық модельдермен танысу болып табылады. Курс үлгілеу теориясының негізгі ұғымдарын, модельдердің жіктелуін және оларды пайдалану саласын, үлгілеу есептерін, жобаны бөлшектеудің әр түрлі сатыларында жүйелерді жобалау процесінде қолданылатын үлгілеудің негізгі құралдарын, жүйелерді модельдеу және талдау әдістерін, модельдерді құру принциптерін оқытады. Пәнді оқу үрдісі студенттерде күрделі жүйелерді модельдеу қабілетін қалыптастыруға, қазіргі заманғы бағдарламалық құралдарды пайдалана отырып статикалық және динамикалық модельдерді құруға бағытталған.

Пәннің мақсаты-электротехника негіздерін, үш фазалы тізбектерді, тармақталған және тармақталмаған электр тізбектерін зерттеу. Пән болашақ мамандардың оқу үрдісінде электротехникалық құрылғыларды сауатты пайдалану, сондай-ақ өнеркәсіптік электр жабдықтарын жобалау, монтаждау және пайдалану мәселелерін шешу бойынша теориялық және тәжірибелік дағдыларын қалыптастыруға бағытталған.

"Қолданбалы статистика" пәнінің мақсаты білім алушылардың алдында статистиканың ғылыми пән ретіндегі мазмұнын ашу, оның негізгі ұғымдарымен, қоғамдық өмір құбылыстары мен процестерінің жай-күйі мен дамуын көрсететін аса маңызды статистикалық көрсеткіштерді есептеу әдіснамасы мен әдістемесімен танысу болып табылады. Пән үлестірудің сандық сипаттамаларын нүктелік бағалауды, параметрлердің интервалдық бағалауын, сенімді интервалдар мен т.б. оқып үйренеді, статистикалық ғылым негізінде жатқан теорияны оқып үйренеді, компьютерді қолдана отырып қажетті есептеулерді орындай алады және стандартты әдістерді тәжірибеде қолдана алады.

Пәннің мақсаты білім алушыларға заманауи компьютерлер мен компьютерлік жүйелердің сәулеттік қабілеттерін, функционалды түйіндерді жобалау негіздерін, есептеу кешендерін ұйымдастыру негіздерін үйрету болып табылады. Пән компьютерлерді ұйымдастыру принциптерін зерттеуге және олардағы деректерді, компьютерлердің жадын ұйымдастыру принциптерін, интерфейс жүйелерін, компьютерлік жүйелер архитектурасының заманауи түрлерін, компьютерлерді ұйымдастыру принциптерін, компьютерлік технологияның даму тарихын, компьютер буындарын және олардың жіктелуін зерттеуге бағытталған.

Пәннің мақсаты нейропсихология, неврология, лингвистика, жасанды интеллект, математикалық модельдеу саласындағы соңғы жетістіктер туралы білімді меңгеру; қабылдау, зейінді бақылау, ойлау механизмдері, Тіл және есептерді шешу, когнитивті даму, когнитивті бұзылулар сияқты әртүрлі танымдық процестердің негізінде жатқан механизмдерді зерттеу; адам миының нейрондық желілері туралы түсініктерді қалыптастыру, олардың қалыптасуы мен жұмыс істеу ерекшеліктері.

Пәннің мақсаты студенттердің Заманауи бағдарламалау тілдерінің объектіге бағытталған моделін қолдана отырып, бағдарламалық жасақтама жасау саласындағы теориялық білімдері мен практикалық дағдыларын қалыптастыру болып табылады. Пән белгілі бір пәндік саланың дерексіз типтерін объектіге бағытталған талдау және жобалау әдістемесін және сәйкесінше осы типтегі деректерді өңдеу әдістерін зерттеуге бағытталған, білім алушыны кәсіби қызметтің пайдалану-технологиялық және сервистік түріне дайындауды қамтамасыз етеді.

Пәннің мақсаты – білім алушыларда ғылыми зерттеулердің негіздері, ғылыми-зерттеу жұмыстарын орындау үшін қажетті ғылыми танымның негізгі тәсілдері мен әдістері туралы білім жүйесін қалыптастыру. Пән ғылыми зерттеулердің принциптерін, заңдарын, нысандарын зерделеуге және зерттеу әдістерін таңдау, іске асыру, зерттеу процесін ұйымдастыру технологияларын қолдану, талдау, жалпылау, ғылыми зерттеу нәтижелерін ресімдеу дағдыларына бағытталған.

Пәннің мақсаты – болашақ мамандардың құқықтық мәдениеті мен саналы парасаттылығын қалыптастыру. Пән білім алушыларды әлеуметтік процестерді құқықтық реттеудің негізгі жолдарымен, мемлекетті, экономиканы басқарудағы, құқықтық тәртіп пен ұйымдастыруды қамтамасыз етудегі құқықтың рөлімен таныстыруға, сыбайлас жемқорлыққа қарсы іс-қимыл бойынша білім мен болашақ кәсіби қызметтегі осы құбылысқа қатысты азаматтық ұстанымды, дағдыларын қалыптастыруға бағытталған.

Пәннің мақсаты 3D-үлгілеу және прототиптеу технологиясы туралы білім негіздерін қалыптастыру, практикалық ғылыми-техникалық міндеттерді шешу құралы ретінде білім алушыларды заманауи технологияларды қолдануға дайындау. Пән екі және үш өлшемді үлгілеудің математикалық негізі, CAD көмегімен объектілерді модельдеу туралы білімді қалыптастыруға, әртүрлі құрылғылар конструкциясының жеке элементтерін жасау және практикалық дайындау үшін жобалау және 3D үлгілеу принциптерін, бөлшектерді баспаға дайындау, 3D принтерді баптауды үйренуге бағытталған.

Пәннің мақсаты жарыстық робототехника көмегімен білім алушыларда танымдық, оқу-зерттеу және жобалау іс-әрекетін, мәселелерді шешу дағдыларын, тәжірибелік міндеттерді шешу әдістерін өз бетінше іздеуге, танымның түрлі әдістерін қолдануға қабілетін қалыптастыру. Пән жарыстық робототехника және оның түрлері туралы ұғымды қалыптастыруға, нақты есептерді шешу үшін жарыстық роботтарды құрастыруға және бағдарламалауға, робототехникалық конструкторларды пайдалануға және қолдан жасалған роботтарды жобалауға бағытталған.

Пәннің мақсаты техникалық сызбаларды орындау және оқу, бөлшектердің эскиздерін, өндірістің конструкторлық және техникалық құжаттарын орындау үшін мамандарға қажетті білім мен дағдыларды қалыптастыру. Пән машина жасау және құрылыс сызбаларында кескіндерді құрудың теориялық негіздерімен танысуға және сызбаларды орындау үшін қажетті білімдер мен практикалық дағдыларды алуға, бөлшектердің эскиздерін түсіру және оларды өлшеуге бағытталған.

Пәннің мақсаты кластерлік және регрессиялық талдауды оқып үйрену, деректерді интеллектуалды талдау есептерін практикалық шешу дағдыларын меңгеру болып табылады. Пән жасанды интеллект және деректерді интеллектуалды талдауды; модельдерді және интеллектуалды талдау әдістерін; yейронды желілерді; генетикалық алгоритмдерді; бұлыңғыр логиканы; бейнелерді тану есептерін; жіктеу және кластерлеу алгоритмдерін зерделеуді қарастырады.

Пәннің мақсаты ақпаратты қорғау жүйелерін қолданудың теориялық негіздерін анықтау, әдістерді, қауіпсіздік модельдерін қолдану тәжірибесін талдау. Пән ақпаратты қорғау әдістерінің теориялық негіздерін, ақпаратты қорғау мәселесінің өзектілігін, ақпаратты өңдеу, беру және сақтау процесінде ақпаратты қорғаудың негізгі принциптерін, әдістері мен құралдарын ақпараттық жүйелерде компьютерлік құралдарды қолдана отырып зерттеуге бағытталған.

Пәннің мақсаты білім алушыларда роботталған жүйелер, оларды басқару әдістері мен алгоритмдері туралы жүйеленген білімді қалыптастыру. Пән манипуляторлардың математикалық сипаттамасымен танысуға, манипуляторлардың кинематикасы мен динамикасының есептерін шешу әдістерін меңгеруге, роботтарды басқару есептері үшін соңғы автоматтарды жасау дағдыларын қалыптастыруға бағытталған.

Пәннің мақсаты білім алушыларда өндірістің әртүрлі салаларында роботтарды басқаруды бағдарламалаудың заманауи білімдерін қалыптастыру және осы бағыт бойынша практикалық қызметке дайындау. Пән білім алушыларда роботтарды басқаруды бағдарламалау үшін қажетті технологиялық білім және білік жүйесін қалыптастыруға және дамытуға бағытталған. Білім алушылар курс барысында әртүрлі есептерді шығару үшін роботтардың үлгілерін әзірлейді, оларды жасау техникасын бағдарламалайды және роботтар құрастырады.

Пәннің мақсаты роботтар мен робототехникалық жүйелерді жобалау әдістерін зерттеу. Курста робототехникалық жүйелерді жобалау негіздері, роботталған жүйелердің механикалық элементтерін жобалау, роботталған жүйелерді басқару жүйелерін жобалау, роботталған жүйелерді алгоритмдік және бағдарламалық қамтамасыз етуді жобалау сұрақтары оқытылады. Білім алушылар курс барысында әртүрлі есептерді шығару үшін роботтардың үлгілерін әзірлейді, оларды жасау техникасын бағдарламалайды және роботтар құрастырады.

Пәннің мақсаты мобильді квадрокоптердің ұшуын басқару моделі мен алгоритмін, бағдарламалық-техникалық құралдарын іске асыру. Мехатроника саласының негізгі мақсаттарының бірі адам қолы жетпейтін немесе денсаулығы үшін қауіпті аймақтарда оның орнын ауыстыра алатын автоматты құрылғыларды жасау болып табылады. Ұшқышсыз ұшу аппараттарын осы мақсаттарда пайдалану да орынды болып келеді. Қазіргі кезде ұшуды басқару навигацияны қолданып, оператор бұйрықтарымен жартылай дербес түрде немесе баcқару пульті арқылы қашықтықтан басқару режимімен жүзеге асырылады. Курста дербес роботтандырылған ұшқыш дрон – квадрокоптердің жел кезіндегі ұшу реттелуі мен ұшу бағытын ұстап отыруының көрнекі моделі ұсынылады.

Пәннің мақсаты арнайы пәндер бойынша білімдерін бекітуПән электронды оқулықтардың ерекшеліктерін көрсету, HTML бағдарламалау тілін қолдану арқылы веб-беттерді құру, электронды оқулықтарды жасау, материалдарды дайындау, Front Page бағдарламаларымен жұмыс істеу, веб-құжаттарды құру негіздері мен технологиялары, веб-беттерге қойылатын талаптар, WEB-сайт туралы түсінік, бағдарламалау технологиялары,Java және JavaScript бағдарламалау тілдері,электрондық оқулықтарды модельдеу ұғымдарын қалыптастыруға бағытталған.

Пәннің мақсаты студенттерге оларды құрудың технологиялық процесін қолдану және оларды әзірлеу мен пайдаланудың жоғары сапасына қол жеткізу үшін кәсіпорындардың ақпараттық жүйелерін жобалауды автоматтандырудың заманауи құралдарын қолдануға үйрету болып табылады. Пән автоматты басқару теориясы саласында, ақпараттық және автоматтандырылған жүйелердің аппараттық-бағдарламалық құралдарын құрумен, базалық және арнайы білімді, заманауи аналитикалық әдістер мен модельдерді пайдаланумен байланысты кешенді талдау есептерін шешу тәсілдерін алуға бағытталған.

Пәннің мақсаты байланысқан басқару жүйелердегі үрдістердің заңдылықтарын зерттеу негізінде зияткерлі роботтың қызметінің үлгісін жасау. Пән Кибернетика зерттейтін сұрақтарымен таныстырады. Жасанды интеллект және басқару салаларының байланысы мен даму тарихынан. Техникалық кибернетика құрамы және робот – зияткер сипаттамасы. Кибернетикалық орталардағы ақпаратты енгізу, сақтау, тасымалдау және өңдеу заңдары мен тәуелділіктер. Антропоморфизм, бейімдеу, бионика, нейрокибернетика қасиеттері. Андроидтар үлгілері. Зияткерлі робот үлгісі және басқару заңдылықтары. Роботтарды зерттеудегі кибернетикалық көзқарас.

Пәннің мақсаты виртуалды ортада ақпаратты ұсыну және қолданудың теориялық негіздерін зерделеу. Пән білім алушыларды виртуалды шынайылықтың негізгі ұғымдарымен таныстыруға, виртуалды шынайылықтың объектілері мен жүйелерін зерделеуге, виртуалды ортада қолданылатын жүйелердің құрылымы, сипаттамалары мен түрлері туралы түсініктерін қалыптастыруға, виртуалды ортада қолданылатын түрлі модельдерді талдай білу, білім инженериясының бағдарламалау тілдерін және осындай жүйелерді құратын аппараттық құралдарды қолдану қабілеттерін дамытуға; виртуалды шынайылық жүйелерінің жекелеген модельдерімен жұмыс істеу дағдыларын қалыптастыруға, виртуалды шынайылық жүйелерін қолдану қабілетін қалыптастыруға бағытталған.

Экономикалық, әлеуметтік, мәдени және ғылыми тұжырымдамаларды ескере отырып, пәндік саладағы ақпарат пен процестерді түсіндіру

Базалық кәсіби дайындық есептерін шешу

Lego Mindstorms EV3 LabView және Arduino зертханалық кешендерін RoboPro, RoboTrack сервистерінде пайдалану

С++, Arduino IDE, Robot C, Python, Scratch орталарында бағдарламалау

Мехатроникалық жүйелерді зерттеудің математикалық моделі мен әдістерін таңдау

Электроника қолдана отырып роботталған жабдықтарды құрастыру

Стандартты құрылғыларды қолдана отырып мехатрондық жүйелермен басқару

Қолданбалы есептерді шешу мақсатында робототехникалық жүйелермен бағдарламалық басқару

Робототехникалық жабдықтаманы оқу мақсатында қолдануға баптау және бейімдеу

3D принтерде нәтижесін алу үшін көпөлшемдік компьютерлік үлгілер әзірлеу

Бейнелерді тану амалдарын таңдау және жүзеге асыру

Робототехникалық жүйелерді басқару есептерінде жасанды интеллект әдістерінің мүмкіндіктері мен шектеулерін бағалау