RU
Қолданыстағы білім беру бағдарламасы

6B06103 Есептеу техникасы және бағдарламалық қамтамасыз ету в ОАИУ

Пәндер

Оқыту нәтижелері

  • Желілік ақпараттық ресурстарға, клиент-сервер архитектурасына, электрондық коммерцияны ұйымдастыруға арналған бағдарламалық жасақтама құрады. Компьютерлік графиканың мамандандырылған құралдарын пайдалану және жарнама дизайнында, полиграфияда, Web-дизайнда монтаждау дағдыларын көрсетеді. Интернеттегі электронды бизнесті жоспарлау және ілгерілету үшін ақпаратты талдайды және бағалайды.
  • Компьютерлік ақпараттарды өңдеудің заманауи принциптеріне негізделген компьютерлік жүйелер мен желілерді, микропроцессорлық жүйелерді құрудың арифметикалық, логикалық және функционалдық негіздерін біледі және түсінеді. Компьютерлік желілер мен операциялық жүйелерді әкімшілендіру бойынша жұмыс дағдыларын көрсетеді. Алгоритмдердің әртүрлі типтерінің ерекшеліктерін және алынған теориялық және практикалық білімдерді білім беру практикасында оқу және практикалық мәселелерді шешу үшін қолдана отырып, бағдарламаларды құру принциптерін түсінеді.
  • Таратылған және мобильді қосымшаларды, веб-қосымшаларды, үлестірілген мәліметтер базасын басқару технологияларын жасау үшін синтаксисті, семантиканы және тілдерді қолдану принциптерін түсінеді. Әр түрлі қосымшаларды құру саласындағы кәсіби мәселелерді шешу үшін теориялық және практикалық білімдерін өндірістік практикада қолдана отырып, компьютерлік жобалау және бағдарламалық қамтамасыздандыру әдістерін жетік біледі.
  • Деректер қоры құрылымын және қолданушы интерфейсін объектіге бағытталған жобалау және бағдарламалау әдістерін қолдана отырып жасайды. Бағдарламалық өнімді құру кезінде мәселелерді шешуге арналған дәлелдерді тұжырымдайды, алған білімі мен дағдыларын өндірістік тәжірибеде бекітеді.
  • Ақпаратты өңдеу саласындағы кәсіби есептерді шешуде математикалық аппаратты, сандық әдістерді, бағдарламалық жабдықтарды, математикалық талдау мен модельдеуді, физикалық құбылыстарды, негізгі электрондық құрылғылар жұмысының теориялары мен принциптерін туралы білімдер мен түсініктерді қолданады.
  • Тарихи процестер мен шындықты философиялық тұрғыдан түсіну ерекшеліктерін ескере отырып, әлеуметтік, саяси, мәдени, психологиялық құбылыстардың ерекшеліктерін олардың қазақстандық қоғамды жаңартудағы рөлі тұрғысынан талдайды.
  • Кәсіби салада ғылыми зерттеу және академиялық жазу әдістерін қолданады, академиялық адалдық принциптері мен мәдениетін құрметтейді, оның интеллектуалды және мәдени деңгейін дамытады, формальды, ресми және бейресми білім беру шеңберінде қосымша білім беруді жобалайды.
  • Заманауи технологиялар мен бағдарламалау тілдерін қолдана отырып, бағдарламалық өнімдерді құру принциптері мен әдістерін, кәсіби салада коммуникацияларды жүзеге асырудың тілдік құзыреттіліктерін жетік біледі. Алған теориялық және практикалық білімдерін өндірістік практикада шоғырландырады.
  • Ақпаратты жинау және интерпретациялау үшін заманауи цифрлық технологияларды қолдана отырып, әлеуметтік-этикалық нормалар мен ғылыми идеяларды ескере отырып, тұжырым жасайды.
  • Жүйелік бағдарламалық жасақтаманы баптауды және, оның ішінде операциялық жүйелерді конфигурациялауды баптауларды жүзеге асырады, есептеу жүйелеріне арналған басқару бағдарламаларын әзірлейді. Ақпараттық қауіпсіздікті қамтамасыз ету үшін желілік технологияларды, бағдарламалық интерфейсті әзірлеу құралдарын, кодтау әдістерін пайдаланады.
  • Жасанды интеллект жүйелерінің архитектурасын, ұйымдастыру және оқыту принциптерін сипаттайды, интеллектуалды және роботтандырылған жүйелерді басқару бағдарламаларын жасайды.
  • Тұлғааралық және мәдениаралық қарым-қатынас мәселелерін шешу үшін әр түрлі байланыс арналарын қолдана отырып, мемлекеттік, орыс және шетел тілдерінде нақты және виртуалды салада кәсіби ауызша және жазбаша сөйлеу дағдыларын көрсетеді.
  • Адам мен қоршаған орта арасындағы байланысты дәлелдейді, жеке мүмкіндіктер мен ерекшеліктерді ескере отырып, әлеуметтік және кәсіби қызметті қамтамасыз ету үшін инклюзивті мәдениет, қауіпсіз және салауатты өмір салтының құндылықтарын іске асырады.
  • Тұрақты азаматтық ұстанымын, кәсіпкерлік қабілетін, қаржылық сауаттылық, көшбасшылық қасиеттері мен сыни ойлау қабілеттерін көрсете отырып, қоғамдық сананы жаңғыртуға ықпал етеді.
Top