6B05247 Экология в Қ.А.Ясауи атындағы Халықаралық қазақ-түрік университеті

Пәндер

• Қоршаған орта туралы ілім

  Пән білім алушыларда биосфераның құрамдас бөліктері, қоршаған ортаны қорғау және табиғи ресурстарды тиімді пайдалану туралы білімдерін қалыптастырады. Пән экологиялық факторларының қоршаған орта мен адам денсаулығының жай-күйімен байланысын, осы әсерді бағалау әдістерін және қолайсыз өзара әрекеттесулерді азайту шараларын ұйымдастыруды қарастырады. Курс тұрғындардың экологиялық сауаттылығын арттыру, қоршаған ортаны қорғау шараларын насихаттау және табиғатты ұтымды пайдалану үшін алған білімдерін пайдалануға үйретеді.

  Оқу жылы - 1
  Семестр - 1
  Несиелер - 5
  

• Түрік тілі (А1)

  Бұл курс түрік тілінің бастапқы деңгейін оқуға арналған. Курстың мақсаты - "Шет тілін меңгерудің жалпы еуропалық құзыреттеріне" сәйкес студенттердің А1 деңгейінде практикалық дағдыларын қалыптастыру. Курс студенттердің мәдениетаралық және коммуникативтік қарым-қатынасқа дайындығы мен қабілетін дамытуға бағытталған. Пәнді оқу нәтижесінде студент нақты мәселелерді шешуге бағытталған таныс күнделікті сөздер мен қарапайым сөз тіркестерін түсінеді және қолданады.

  Оқу жылы - 1
  Семестр - 1
  Несиелер - 5
  

• Академиялық жазбаға кіріспе

  Пән академиялық жазбаның жанрлық ерекшеліктері мен құрылымын меңгеруге бағытталады. Білім алушылардың жазбаша ойды сауатты және жүйелі жеткізу, түрлі форматтағы академиялық мәтіндер (эссе, есеп, т.б.) құрастыру дағдылары дамытылады. Жазбаша тілдің лексикалық, грамматикалық және стилистикалық нормаларын сақтау, ресми-академиялық стильде жазу құзіреттіліктері қалыптастырылады. Академиялық адалдық қағидаттарын сақтай отырып, халықаралық ғылыми дерекқорларды және ғылыми журналдардың онлайн жүйелерін пайдалану дағдылары игеріледі. Академиялық жазбалармен жұмыс барысында жасанды интеллект технологияларын тиімді қолдану тәсілдері қарастырылады.

  Оқу жылы - 1
  Семестр - 1
  Несиелер - 3
  

• Химия

  Пән білім алушыларда экологиялық мәселелерді шешуге қажетті химияның іргелі білімдер жүйесін қалыптастырады. Курс биосфераның химиялық ластануы кезіндегі қазіргі жағдайы туралы, экологиялық қауіпті химиялық қосылыстар мен элементтердің маңызды топтары, олардың көші-қоны трансформациясы және қоршаған ортаның жекелеген компоненттерінде жинақталуы туралы түсініктерді қалыптастырады. Пән химиялық заттардың қоршаған ортаға әсері мен химия саласындағы ғылыми-зерттеу және практикалық жұмыстардың негізгі әдістері мен тәсілдерін оқытады.

  Оқу жылы - 1
  Семестр - 1
  Несиелер - 5
  

• Түрік тілі (А2)

  Бұл курс түрік тілінің жалғастырушы деңгейін үйренуге арналған, "Шет тілін меңгерудің жалпыеуропалық құзыреттеріне" сәйкес А2 деңгейінде білім алушылардың практикалық дағдыларын дамытады. Курс білім алушылардың тілдік деңгейіне байланысты жазбаша (оқылым, жазылым) және тікелей ауызша (айтылым, тыңдалым) коммуникативтік дағдыларын дамытуға бағытталған. Пәнді оқу нәтижесінде білім алушы қарапайым күнделікті әлеуметтік тақырыптарда сөйлесе алады, қарапайым жағдайларды сипаттай алады.

  Оқу жылы - 1
  Семестр - 2
  Несиелер - 5
  

• Жануарлар мен өсімдіктер экологиясы

  Пән биологиялық әртүрлілікті, тірі организмдердің физикалық компоненттерімен өзара әрекеттесуін қарастырады және олардың әртүрлі тіршілік ету орталарына байланысты бейімделушіліктерін, ортаның экологиялық факторларының, әсіресе абиотикалық факторлардың әсері туралы заңдылықтарын меңгертеді. Білімгер организмдердің құрылысын, кеңістікте таралуын және бейімделуінің әртүрлі формаларын меңгереді. Нәтижесінде табиғатты қорғауға және сақтауға бағытталған іс-шаралар жобаларын жоспарлауға және экологиялық қауіпсіздік қызметін ұйымдастыруға машықтанады.

  Оқу жылы - 1
  Семестр - 2
  Несиелер - 6
  

• Икемді дағдылар

  Пән адамның өзгермелі жағдайларға бейімделуге қажет икемді дағдыларды қалыптастырады. Курс барысында студенттер көпшілік алдында сөйлеу, презентация жасау, аудиторияның назарын аудару, сондай-ақ инклюзивті ортада тиімді қарым-қатынас жасау дағдыларын дамытады. Нәтижесінде студент проблемалардың басымдылықтарын анықтап, оларды шешуде креативті ойлауды және тәуекелдерді болжауды үйренеді. Сонымен қатар, студент өз мүдделері мен сұхбаттасушының мүдделері үшін екіжақты ақпарат алмасуды инклюзивті тәсілдерді ескере отырып тиімді қамтамасыз ете алады.

  Оқу жылы - 2
  Семестр - 1
  Несиелер - 3
  

• Экологиялық химия

  Пән тіршілік ортаның жағдайы, адам қызметінің қоршаған тіршілік ортасына әсері, табиғат ресурстарын тиімді пайдалану мәселелерін ашып түсіндіреді. Білімгер табиғи үдерістерге әртүрлі ластаушы заттардың әсерін, олардың тірі ағзалар мекендейтін ортасына енуін алдын алу әдістерін, пайда болатын өзгерістерді меңгереді. Нәтижесінде инновациялық әдістерді қолдана отырып, химиялық ластаушы қосылыстарға экологиялық мониторинг жүргізудің ролін түсінеді.

  Оқу жылы - 2
  Семестр - 1
  Несиелер - 6
  

• Ясауитану

  Пән ясауилік құндылықтармен таныстырады, академиялық, жеке, мәдени, кәсіби қатынастарда ғылым, діни төзімділік, адамдар қатынасы, құқығы туралы ясауилік ұстанымдарды қалыптастырады. Білім алушы Ясауи мәдениетінің ерекшелігін түсініп, қоғамдағы әлеуметтік, этикалық, конфессиялық, мәдени ерекшеліктермен салыстыра біледі. Ясауи ілімінің түркі халықтарының ұлттық мәдениеті, діни түсінігіндегі маңыздылығын түсінеді, қоғамдық ынтымақ, бірлікке ұйытқы болатын «хикметтің» ұлт руханиятындағы орнын саралап, белсенді кәсіби, әлеуметтік қатынас орнату қабілеттерін қалыптастырады.

  Оқу жылы - 2
  Семестр - 1
  Несиелер - 3
  

• Ататүрік принциптері

  Пән білім алушыларда Түркияның тарихи дамуы туралы жан-жақты түсінік қалыптастырады, тарихи ақпарат жинау, талдау және жалпылау дағдыларын дамытады, Ататүрік принциптерін ғылыми бағалауды қалыптастырады. Курсты оқу барысында білім алушы дүниежүзілік-тарихи процесс контекстінде Түркия тарихының негізгі заңдылықтары, кезеңдері мен мазмұны туралы білімдер алады, студенттердің шығармашылық қабілетін, пайымдау еркіндігін, Ататүріктің рухани, тарихи-мәдени мұрасын зерттеу, сақтау, қолдану және арттыруға деген қызығушылығын оятады.

  Оқу жылы - 2
  Семестр - 1
  Несиелер - 3
  

• Түркі мемлекеттер тарихы

  Пән студенттердің дүниежүзілік тарихи үдерісте түркі халықтары мен мемлекеттерінің орны мен рөлі туралы біртұтас түсініктерін қалыптастыруға, студенттердің тарихи ақпаратты іздеу, жүйелеу және жан-жақты талдау дағдыларын меңгеруге, өткен мен бүгінгі күннің тарихи процестерінің мән-жайын түсінуге, ақиқатқа бағдарланған өзіндік ұстанымдарын қалыптастыруға, азаматтық, отаншылдық, ұлттық бірегейлік, ұлтаралық және дінаралық толеранттылық көзқараста тәрбиелеуге бағытталған.

  Оқу жылы - 2
  Семестр - 1
  Несиелер - 3
  

• Экологиялық биогеография

  Пән қоршаған орта факторларының организмдерге әсерін және олардың таралуын бағалау тұрғысынан биогеографияның экологиялық негіздері бойынша білім алуға ықпал етеді. Пән қоршаған орта факторларының организмдерге әсерін және олардың таралуын бағалау тұрғысынан биогеографияның экологиялық негіздері туралы білімді қалыптастырады. Курс биогеографиялық объектілерге қатысты салыстырмалы географиялық әдістермен, биогеографиялық объектілер мен құбылыстарды талдаудың жалпы принциптерін оқытады.

  Оқу жылы - 2
  Семестр - 1
  Несиелер - 5
  

• Топырақтану

  Пән топырақ туралы түсінікті, оның қоршаған ортамен байланысын, іргелі теоретикалық ғылыми білімдерді үйретеді. Білімгер ластағыштардың физика-химиялық айналуын, уақыт-кеңістік бойынша таралу, жинақталу заңдылықтарының, антропогенді, табиғи факторлардың әсерінен болатын химиялық зиян заттардың әртүрлі топырақ типтеріне әсерін зерттейді. Нәтижесінде білімгер топырақ түрлеріне байланысты экологиялық арнайы мониторинг жүргізіп, мәселелерді шешу жолдарын ұсынуға жан-жақты машықтанады.

  Оқу жылы - 2
  Семестр - 2
  Несиелер - 6
  

• Сыбайлас жемқорлыққа қарсы мәдениет негіздері

  Пән сыбайлас жемқорлыққа қарсы мәдениетті және академиялық адалдықты тарихи, сондай-ақ қазіргі заманғы мәтіндерде қалыптастырады, сыбайлас жемқорлықтың туындауының әмбебап мәнін, табиғатын, орнықтылығының себебін ашады. Білім алушы сыбайлас жемқорлыққа қарсы іс-қимылдың әлеуметтік-экономикалық, құқықтық, мәдени, адамгершілік-этикалық аспектілері бойынша материалдарды цифрлық технологиялар көмегімен жинау, талдау және ситуациялық міндеттерді өз бетінше немесе командада шешу арқылы сыбайлас жемқорлыққа қарсы қызметті дербес ұйымдастыру дағдыларын меңгереді.

  Оқу жылы - 2
  Семестр - 2
  Несиелер - 5
  

• Көшбасшылық теориясы

  Пән көшбасшылық қасиеттерді, стильдерді, әсер ету әдістерін тиімді қолдану арқылы адамдардың мінез-құлқы мен өзара әрекетін тиімді басқару әдістемесі мен практикасын қарастырады. Пән мамандарды іргелі даярлаудың алғышарты болып табылады және қызметтің белгілі бір принциптерін талап ететін өзінің күшті жақтары мен қоршаған ортаның мүмкіндіктерін ұтымды пайдалануға қабілетті, шығармашылық белсенді тұлғаның қалыптасуын қамтамасыз етуге арналған.

  Оқу жылы - 2
  Семестр - 2
  Несиелер - 5
  

• Қаржылық сауаттылық

  Пән алған білімдері мен оларды іс жүзінде қолдану, қаржылық ақпаратты пайдалану арасында тікелей байланыс құру негізінде жеке қауіпсіздік пен қаржылық сауаттылықты ескере отырып, қаржылық шешімдер қабылдау үшін білім алушылардың жауапкершілігін қалыптастыруды көздейді. Сондай-ақ тұтынушының, салымшының, қарыз алушының, акционердің, салық төлеушінің, сақтанушының, қаржы нарығындағы инвестордың әлеуметтік-экономикалық рөлін және пирамидалар мен қаржылық алаяқтықтардан тұтынушылардың қауіпсіз мінез-құлқын тиімді орындау дағдыларын қалыптастырады.

  Оқу жылы - 2
  Семестр - 2
  Несиелер - 5
  

• Экономика, кәсіпкерлік және бизнес негіздері

  Пән экономикалық білімді қалыптастырады, кәсіпкерлік жүргізудің ғылыми негіздерін зерттейді. Кәсіпкерлік іс-әрекетті меңгеру барысында білімгер цифрлық технологияларды қолдана отырып мәліметтерді жинақтайды, бизнестің қыр сырын меңгере отырып, өз бетінше басқарушылық мәселелерді шешеді, алдында тұрған мақсаттарға қол жеткізу дағдыларын қалыптастыру арқылы көшбасшылық қабілетін көрсетеді. Білім алушы кәсіпті жүзеге асыру әдістерімен танысады, бизнесті ұйымдастыру мен басқару шешімдерін қабылдауға дағыдаланады.

  Оқу жылы - 2
  Семестр - 2
  Несиелер - 5
  

• Геоэкология

  Пән жердің физика-химиялық сипаттамасын, геожүйелері мен литосфераның ластануын, жер геосфералары және олардың негізгі ерекшеліктерін, жер жүйесін басқарудағы негізгі механизмдері мен үрдістерін, табиғи техникалық жүйенің құрылымдық геоэкологиялық мәселелерін қарастырады. Білімгер экологиялық заңдар мен заңдылықтар негізінде табиғи, табиғи-антропогендік жоғары иерархиялық геожүйелер шеңберінде қарастыруға дағдыланады. Нәтижесінде білімгер экологиялық мониторинг жүргізу арқылы жер бедеріндегі өзгерістерді анықтауға машықтанады.

  Оқу жылы - 2
  Семестр - 2
  Несиелер - 5
  

• Жасанды интеллект негіздері

  Пән жасанды интеллект саласындағы (ЖИ) негізгі ұғымдарды, ЖИ технологияларының архитектурасы мен жұмыс істеу принциптерін, қолдану әдістері мен мүмкіндіктерін оқытады. Курсты оқу барысында білім алушылар ЖИ технологияларының теориялық және практикалық негіздерін меңгеріп, оларды құқықтық және этикалық нормалар аясында кәсіби салалардағы міндеттерді шешуде тиімді қолдану дағдыларын қалыптастырады.

  Оқу жылы - 2
  Семестр - 2
  Несиелер - 5
  

• Экология және өмір қауіпсіздігі

  Пән білім алушыларда адамның қоршаған ортамен өзара іс-қимылы, экологиялық және техногендік тәуекелдер, тіршілік қауіпсіздігін қамтамасыз ету қағидаттары және қоғамның тұрақты дамуы тұжырымдамасы туралы білім жүйесін қалыптастырады. Білім алушы тұрақты даму мақсаттарын, инклюзивті орта ерекшеліктерін ескеріп, тіршілік әрекетінің қауіпсіздігін қамтамасыз ету жөніндегі іс-шараларды әзірлеуді және негіздеуді меңгереді. Төтенше жағдайлар мен тәуекелдерді бақылау, талдау және алдын алу құралдарын қолдануға дағдыланады.

  Оқу жылы - 2
  Семестр - 2
  Несиелер - 5
  

• Биосфера құрылымы және эволюциясы

  Пәннің биосфераның даму кезеңдері, негізгі постулаттары, В.И. Вернадскийдің ілімдері мен Жердің күрделі жүйе ретіндегі ерекшеліктері және биосфераның биотикалық құрамдас бөлігі ретінде тірі материяның геохимиялық рөлі туралы білімдерді қалыптастырады. Пән жердің тіршілік қабаттары, биосфераның шекаралары, адамзат пен табиғат арасындағы қарым қатынастар, ноосфера, жер бетінде тіршіліктің пайда болуы, қоршаған ортаның өзгеру динамикасы мен биосфераға әсерінің осы кездегі көзқарастарымен таныстырады.

  Оқу жылы - 3
  Семестр - 1
  Несиелер - 5
  

• Биогеохимия және экотоксикология

  Пән тipi организмдердің тіршілік етуінің биогеохимиялық негіздерін, химиялық элементтердің тіршілік ету процесінің организмдік және клеткалық деңгейіндегі рөлін, макро, микроэлементтер, негізгі минералдардың құрамын, қасиетін, олардың өмір қауіпсіздігіне әсерін ұғындырады. Білімгер геохимиялық ландшафттар, токсикалық заттардың экожүйелерге әсерін зерттейді, барьерлер, ксенобиотиктер туралы түсінік қалыптастырады. Нәтижесінде экологиялық мониторинг жүргізіп, анықталған мәселелердің шешу жолдарын ұсынуды, экологиялық қауіпсіздік қызметін ұйымдастыруды ұғынады.

  Оқу жылы - 3
  Семестр - 1
  Несиелер - 5
  

• Аймақтарды геоэкологиялық аудандастыру

  Пән білімгерлерге табиғи ортаның мүмкін болатын өзгерістерін немесе олардың салдарын географиялық жүйенің белгілі бір шекарасындағы экологиялық ортаны сақтауды қамтамасыз етудің қажеттілігі тұрғысынан бағалауды және аудандарға жіктеуді үйретеді. Білімгер географиялық аймақтарды ажыратуды игереді, аймақтардың геоэкологиялық аудандастыруда Қазақстанның заманауи экологиялық жағдайын айқындауды меңгереді. Табиғатты қорғауға және сақтауға бағытталған іс-шаралар жобаларын жоспарлауға, дайындауға, экологиялық қауіпсіздік қызметін ұйымдастыру әдістерін қолдануға машықтанады.

  Оқу жылы - 3
  Семестр - 1
  Несиелер - 5
  

• Өнеркәсіптік экология

  Пән білімгерлерге өндіріс ошақтарының қоршаған ортаға әсерін бағалауды және зияндық есептеу жолдарын, құжаттамасын рәсімдеуді үйретеді. Білімгер қоршаған ортаны инженерлік қорғау әдістері туралы көзқарас қалыптастырып, техникалық шешім қабылдауда экологиялық тиімді бағалау әдістерін жасауды меңгереді. Нәтижесінде білімгер инновациялық әдістерді қолдана отырып, экологиялық мәселелердің шешу жолдарын, кәсіпорындардың зиянды заттарының қоршаған ортаға әсерін бағалауға машықтанады.

  Оқу жылы - 3
  Семестр - 1
  Несиелер - 5
  

• Сандық экологиялық зерттеу әдістері

  Пән геоэкологиялық мониторинг, қоршаған ортаны басқару және қорғау, табиғатты ұтымды пайдалану саласында Жерді қашықтықтан зондтаудың, бейнелерді компьютерлік өңдеудің және ГАЖ-технологиялардың заманауи әдістерін меңгертеді. Курс қашықтық бақылау құралдарымен, аэроғарыштық түсірілімдердің әртүрлі санаттарымен, суреттердің геометриялық, кескіндік және ақпараттық қасиеттерімен таныстырады. Білімгерлер түсірілімдерді дешифрлейді және аэроғарыштық ақпарат негізінде карталарды құру технологиясы мен әдістеріне қатысты материалдарды игереді.

  Оқу жылы - 3
  Семестр - 1
  Несиелер - 5
  

• Химиялық және биологиялық қауіпсіздік негіздері

  Пән өндірістік қауіптіліктер мен кәсіптік зияндылықтарды үйретеді. Білімгер өндірістік жарақаттанушылықты, жұмыскерлердің кәсіптік ауруын, апаттар мен өрттерді жою мақсатымен оларды болдырмау, әлсірету әдістерін меңгереді. Нәтижесінде білімгер тіршілік ету ортасының қазіргі жағдайы және жағымсыз факторлары, адам мен қоршаған орта арасындағы қауіпсіздікті қамтамасыз ету құралдары мен әдістерін игереді. Химиялық және биологиялық қауіпті қосылыстарға мониторинг жүргізіп, қауіптіліктің алдын-алуға машықтанады.

  Оқу жылы - 3
  Семестр - 1
  Несиелер - 5
  

• Қоршаған ортаға әсерді бағалау

  Пән қоршаған ортаға әсердi бағалауды жүргiзу тәртiбiн, рәсімін, қоршаған ортаға трансшекаралық әсерді бағалау жүргізуді қарастырады. Білімгер қоршаған ортаға әсерді бағалау - қоршаған ортаға, халықтың денсаулығына тікелей немесе жанама әсер ететін қызмет түрлерін ұйымдастыруды, оларды жүзеге асыру кезіндегі міндетті шараларды меңгереді. Нәтижесінде білімгер экологиялық мониторинг жүргізіп, анықталған мәселелердің шешу жолдарын ұсынуға, әртүрлі зиянды қосылыстардың қоршаған ортаға әсерін бағалауға машықтанады.

  Оқу жылы - 3
  Семестр - 1
  Несиелер - 5
  

• Зерттеудің физика-химиялық әдістері

  Пән заттардың физика-химиялық талдау теориясы мен практикасының негіздерін, қоршаған ортаны зерттеудің физика-химиялық әдістерінің негізгі тәжрибелік заңдылықтарын, олардың қазіргі технологиялармен байланысын зерттеуге ықпал етеді. Білім алушылар заттардың құрылымын зерттеудің әртүрлі физика-химиялық әдістерінің деректері негізінде қосылыстарды анықтауға мүмкіндік беретін кәсіби құзыреттіліктерді меңгереді. Пән, заттардың физикалық-химиялық қасиеттері мен құрылымын зерттеудің іргелі заңдылықтары мен негізгі әдістері туралы заманауи білім мен түсініктерді қалыптастырады.

  Оқу жылы - 3
  Семестр - 1
  Несиелер - 5
  

• Зерттеудің биоиндикациялық тәсілдері

  Пән биологиялық мониторингтің ішкі жүйесі, биоиндикатор-ағзалар, биоиндикация деңгейлері мен әдістері ретінде биоиндикацияны жүргізу туралы білімді қалыптастырады. Пән табиғи ортаның антропогендік ластануының негізгі көздерін және қоршаған ортадағы жағымсыз өзгерістерді, биосфераның негізгі ластаушыларының құрамын, қасиеттері мен әсер ету механизмдерін, олардың мазмұны мен қоршаған орта объектілеріне кіру жолдарын жедел тіркеуге болатын биоиндикатор организмдерін білуге ықпал етеді.

  Оқу жылы - 3
  Семестр - 1
  Несиелер - 5
  

• Ауа сапасын басқару

  Пән атмосфераның құрамы, атмосферадағы шағын газ қоспаларының таралу заңдылықтары мен ауа сапасын бақылау бағдарламалары және болжау әдістері, атмосферада өтетін физикалық процестердің заңдылықтары, атмосферадағы ластаушы заттардың таралуын зерттеу әдістері туралы жүйелі білімді қалыптастырады. Білімгер атмосфералық ауаның сапасын бақылау, нормалау және басқаруды меңгереді. Нәтижесінде экологиялық мониторинг жүргізу арқылы, анықталған мәселелердің шешу жолдарын ұсынуға дағдыланады.

  Оқу жылы - 3
  Семестр - 2
  Несиелер - 5
  

• Экологиялық мониторинг

  Пән мониторинг түрлері мен қоршаған табиғи орта приоритетті бақыланатын параметрлері, мониторингті жүзеге асыру құралдары туралы білімді меңгертеді. Білімгер қоршаған ортаның физика-географиялық жағдайларына байланысты ластаушы заттар эмиссияларын анықтауда инновациялық технологияларды қолдануды пайдалануды жан-жақты меңгеріп, келешектегі практикалық қызметтерінде қолдануға машықтанады. Нәтижесінде кәсіпорындардың зиянды заттарының қоршаған ортаға әсерін бағалау мақсатында экологиялық мониторинг жүргізуді жан-жақты ұғынады.

  Оқу жылы - 3
  Семестр - 2
  Несиелер - 5
  

• Баламалы энергетика мәселелері

  Пән білімгерлерге энергетика мен отын өнеркәсібінің жаңартылатын шикізатқа перспективалық көшу, өркениетті дамыту мен сақтау үшін қоршаған табиғи ортаны қорғау, табиғатты тиімді пайдалану әдістерін үйретеді. Білімгер энергия өндірудің әр түрлі тәсілдерінің экономикалық, экологиялық тиімділік факторларын зерделейді. Инновациялық әдістерді қолдана отырып, экологиялық мәселелердің шешу жолдарын, кәсіпорындардың зиянды заттарының қоршаған ортаға әсерін бағалауды меңгереді.

  Оқу жылы - 3
  Семестр - 2
  Несиелер - 5
  

• Климаттың ғаламдық өзгеруі және жасыл технологиялар

  Пән дамудың қазіргі кезеңіндегі негізгі экологиялық проблемалар туралы білімді және "жасыл" даму стратегияларын әзірлеудің халықаралық әдістері мен тәсілдерін практикалық меңгеру дағдыларын қалыптастырады. Пән экологиялық инновациялық жобаларды әзірлеудің практикалық дағдыларын дамытуға, қоршаған ортаға әсерді төмендетудің нарықтық тетіктеріне қатысуға ықпал етеді. Білімгер мониторинг жүргізу әдістерін меңгеріп, климаттың ғаламдық өзгерістерін болжауға машықтанады.

  Оқу жылы - 3
  Семестр - 2
  Несиелер - 5
  

• ҚР экологиялық проблемалары

  Пән өнеркәсіптік өндірістердің экологиялық қауіпсіздігін, адам, шаруашылық қызмет объектілері мен қоршаған орта арасындағы технологиялық, экономикалық, биологиялық, әлеуметтік және басқа да байланыстарды қамтамасыз ету саласындағы білім мен біліктер кешенін қалыптастырады. Білімгер антропогендік факторлармен байланысты қоршаған ортаның негізгі проблемаларына талдау жасай отырып, экологиялық қауіпсіздік негіздерін қарастыруды, табиғатты қорғау және сақтау іс-шаралар жоспарларын жасауды игереді.

  Оқу жылы - 3
  Семестр - 2
  Несиелер - 5
  

• Ноосфера туралы ілім және ғаламдық экологиялық проблемалар

  Пән ноосфера ілімі тұрғысынан адамның дүниедегі орны және іргелі экологиялық дүниетанымы туралы түсініктерді қалыптастырады. Пән экологиялық мәселелерді шешуде жаңа технологияларды сауатты енгізу дағдыларын және қоршаған табиғи ортаға адамның іс-әрекетінің салдарын бағалауды қалыптастырады. Білімгер биосфера мен техносфераны зерттеумен тығыз байланысты қоршаған ортаны зерттеуде жүйелік талдау әдістерін және синергетикалық тәсілді қолдана алады.

  Оқу жылы - 3
  Семестр - 2
  Несиелер - 5
  

• Қалдықтарды өңдеу мәселесіндегі жаңа технологиялар

  Пән техногендік қалдықтарды өңдеудің физика-химиялық және биохимиялық әдістерін әзірлеу, енгізу және қолдану бойынша білім мен дағдылар кешенін қалыптастырады. Пән білім алушыларда қалдықтарды өңдеудің жаңа технологиялары, азқалдықты өңдірісті енгізу туралы білімдерді қалыптастырады. Пән техногендік қалдықтарды өңдеу процестеріне теориялық талдау және есептеулер жүргізу және қалдықтарды қайта өңдеудің инновациялық үлгілерін құру дағдыларын қалыптастырады.

  Оқу жылы - 3
  Семестр - 2
  Несиелер - 6
  

• Экологиялық стандарттау және сертификаттау

  Пән құралдар мен жабдықтарды дайындау, метрологиялық –экологиялық қамтамасыз ету, сонымен қатар тіршілік әрекеті қауіпсіздігі салаларындағы мемлекеттік стандарт жүйелерін меңгертеді. Пән экологиялық стандарттардың сертификация саласындағы құжаттаманы дұрыс жүргізуге дағдылайды. Пән қосымша әдебиет көздерін, электрондық ақпараттық ресурстарды, ғылыми-техникалық құжаттамаларды зерделеу және рефераттар, презентациялар дайындау арқылы экологиялық сертификаттау және стандарттау саласындағы білімдерді қалыптастырады.

  Оқу жылы - 4
  Семестр - 1
  Несиелер - 5
  

• Экологияны оқытудың кәсіби дайындығы

  Пән қоршаған ортаны қорғауда әртүрлі әдістер мен заманауи технологияларды кәсіби қызметінде қолдану дағдыларын қалыптастырады. Білімгер экология негіздеріне сүйене отырып, кәсіби экологияны оқытудың ерекшеліктерін анықтау барысында экологиялық қауіпсіздік қызметін ұйымдастыруға дағдыланады. Пән табиғи және техногендік өзгерістерді сипаттау және анықтау мақсатында табиғи және жасанды экожүйелерге бақылау жүргізуге ықпал етеді.

  Оқу жылы - 4
  Семестр - 1
  Несиелер - 5
  

• Жүйелі экология негіздері

  Пән әртүрлі деңгейдегі биологиялық жүйелердің бар болуын, өзара әрекеттесуін анықтайтын негізгі экологиялық заңдардың жүйелі базистік білімін қалыптастырады. Білімгер тірі табиғат объектілерінің қоршаған табиғи ортамен өзара әрекеттесуінің негізгі принциптерін, табиғатты пайдаланудағы менеджмент пен маркетингті іске асырудағы негізгі стратегиялар мен тактикаларды игереді. Нәтижесінде білімгер табиғатты қорғауға және сақтауға бағытталған іс-шаралар жобаларын жоспарлауға, дайындауға, және ұйымдастыруға дағдыланады.

  Оқу жылы - 4
  Семестр - 1
  Несиелер - 5
  

• Экологиялық сараптама және аудит

  Пән білім алушылардың экологиялық бақылау және сараптамалық қызмет саласындағы білімдерін, экологиялық сараптама мен аудиттің принциптері, ұйымдастырылуы, әдістері туралы білімдерін қалыптастырады. Білім алушылар қоршаған ортаны бақылау және қорғау саласындағы басқару қағидаттарын, әдістері мен тәсілдерін меңгереді. Пән экологиялық сараптама, экологиялық менеджмент және аудит әдістері мен құралдарын қолданудың практикалық мәселелерін қамтамасыз ететін жүйелік және экологиялық тәсілдердің әдіснамасына негізделген.

  Оқу жылы - 4
  Семестр - 1
  Несиелер - 5
  

• Экологиялық менеджмент

  Пән экологиялық апат жағдайларын басқаруды және заңнамаларды үйретеді. Білімгер кәсіпорын беделінің көтерілуіне, денсаулық пен қауіпсіздік қауіп қатерін болдырмауға бағытталған іс-шаралар мен әдістердің маңызын түсінеді. Табиғи ресурстарды пайдалануды азайту арқылы қоршаған ортаға келтіретін зиянды кеміту үшін жасалатын іс-шаралардың қажеттігін меңгереді. Нәтижесінде экологиялық нормативтік құжаттар мен заңнамаларды ұғынып, кәсіби қызметінде қолдануға дағдыланады.

  Оқу жылы - 4
  Семестр - 1
  Несиелер - 5
  

• Радиациялық экология

  Пән экожүйелерде радионуклидтердің миграциялану тәртібі мен заңдылықтарын, радиациялық ластанудың экологиялық салдарларын жан-жақты оқып үйретеді. Білімгер радиация зардаптарынан жапа шеккен ҚР-ның радиациялық жағдайы туралы және радионуклидтермен ластанған аймақтарда экологиялық, экономикалық және әлеуметтік қайта қалпына келтіру бойынша қолданылатын шаралар туралы ұғымдарды меңгереді. Нәтижесінде білімгер кәсіпорындардың зиянды заттарының қоршаған ортаға әсерін бағалауға машықтанады.

  Оқу жылы - 4
  Семестр - 1
  Несиелер - 5
  

• Экологиялық заңнама және нормалау

  Пән экологиялық нормалаудың теориялық және әдістемелік негіздері және қоршаған ортаны қорғаудың негізгі құралы ретіндегі экологиялық заңнаманың рөлі туралы жүйелі түсініктерді қалыптастырады. Курсты меңгергеннен кейін білімалушылар экологиялық нормалау мен заңнаманың қолданыстағы жүйесін талдайды және практикада табиғатты пайдаланудың әртүрлі бағыттары үшін қолданады. Пәнді оқу барысында қоршаған ортаға антропогендік әсерді бағалаудың әдістері игеріледі.

  Оқу жылы - 4
  Семестр - 1
  Несиелер - 5
  

• Адам экологиясы

  Пән қалыптасқан құзыреттерге сәйкес қоршаған ортамен бірегей биопсихоәлеуметтік мәні бар биологиялық түрдің өкілі ретінде адамның өзара әрекеттесу ерекшеліктері туралы білімді қалыптастырады. Білімгер зерттеудің жаңа әдістерін, кәсіби қызметтің жаңа салаларын өз бетінше игеруге және қолдануға қабілетті. Курс адамның қоршаған ортаға бейімделуінің физиологиялық механизмдерінің әдістерін, экологиялық жағдайдың шиеленісуі жағдайында жеке қауіпсіздігін зерттейді.

  Оқу жылы - 4
  Семестр - 1
  Несиелер - 5
  

• Экологиялық ресурстарды қорғау

  Пән табиғат пен оның ресурстарын өзгертуге байланысты адам қызметін жүзеге асыруға, табиғи-аумақтық жүйелердің жұмыс істеуінің жалпы принциптерін меңгеруге бағытталған. Білімгер табиғат пайдаланудың жалпы ұғымдарымен, заңдарымен және табиғатты пайдаланудың аумақтық, салалық, құрылымдық аспектілерімен жан-жақты танысады. Білімгер экологиялық мәселелердің шешу жолдарын үйреніп, табиғат қорларын қорғауға, сақтауға бағытталған іс-шаралар жобаларын жоспарлауға дағдыланады.

  Оқу жылы - 4
  Семестр - 1
  Несиелер - 5
  

• Экологиялық статистика

  Пән экологиялық деректерді статистикалық өңдеудің классикалық әдістерінің негіздерін және оларды өңдеу үшін математикалық есептеуді қолдану дағдыларын қалыптастырады. Білім алушы алынған нәтижелерді талдай отырып және ақпаратты өңдеу кезінде статистикалық сауатты қорытынды жасап, экологиялық деректерді өңдеуде статистиканың заманауи әдістерін қолданады. Пән компьютерлік бағдарламаларды қолдана отырып деректерді статистикалық өңдеудің стандартты әдістерінің жиынтығын қолдану дағдыларын қалыптастырады.

  Оқу жылы - 4
  Семестр - 1
  Несиелер - 5
  

• Экологиялық білім беру және дүниетаным

  Пән білімгерлердің болашақ кәсіби қызметінде биосфераның алуантүрлілігіне антропогендік фактордың кері әсерін азайтуда және жол бермеуде теориялық, тәжірибелік дағдыларын қалыптастырады. Білімгер табиғи кешендер, тіршілік иелері туралы ұғымды, индивидтер мен популяцияның қауымдастығын қоршаған орта өзгерісіне тигізетін әсерін, тірі организмдердің табиғи ортада өмір сүру заңдылықтарын жан жақты игереді. Экологиялық қауіпсіздік қызметін ұйымдастыру мақсатында табиғатты қорғауға, сақтауға бағытталған іс-шаралар жобаларын дайындауға машықтанады.

  Оқу жылы - 4
  Семестр - 1
  Несиелер - 5
  

• Топырақ ағзаларының экологиясы

  Пән агроэкожүйелердің азық түлік қауіпсіздігінің кепілі ретінде оның өнімділігін бағалау үшін топырақ сапасының көрсеткіштерін анықтау дағдыларын қалыптастырады. Білім алушы алған білімін ауыл шаруашылығы қызметінің мәселелерін практикалық талдау үшін, экологиялық егіншілікті қамтамасыз ету үшін заңнамалық және нормативтік актілерді пайдалана білу үшін қолданады. Білім алушы организмдердің тіршілік әрекетіне әсерін анықтау үшін топырақтың экологиялық функцияларын зерттеудің зертханалық әдістерін қолдана алады.

  Оқу жылы - 4
  Семестр - 2
  Несиелер - 5
  

• Су ресурстарын тиімді басқару

  Пән су шаруашылығы баланстары мен су ресурстарын басқару схемаларын құрастыру және талдау дағдыларын қалыптастырады. Білімгер су ресурстарын және әлемдік қоғамдастықта су саласын үйлесімді дамыту мен басқаруға, инновациялық әдістерді экологиялық мәселелерді шешуде қолдануға машықтанады. Табиғатты қорғауға, сақтауға бағытталған іс-шаралар жобаларын жоспарлап, дайындауды игереді. ҚР экономикасының су секторын басқару жүйесін жетілдіруге, қолайлы құқықтық жағдайлар жасай, ұйымдық орта қалыптастыруға дағдыланады.

  Оқу жылы - 4
  Семестр - 2
  Несиелер - 7
  

• Азық-түлік экологиясы

  Пән экологиялық қауіпсіздік саласындағы ғылыми-зерттеу, жобалау және өндірістік қызметте қажетті азық-түлік қауіпсіздігі бойынша теориялық және практикалық білімді қалыптастырады. Білімгер азық-түлік шикізаты мен дайын тамақ өнімдерінің қауіпсіздік көрсеткіштерін айқындау үшін стандартты сынақтарды жүргізуде аймақтағы тұрғындардың негізгі тамақ өнімдеріне қажеттілігін анықтай алады. Пән тамақ шикізаты мен дайын тамақ өнімдерінің қауіпсіздік көрсеткіштерін анықтау үшін стандартты сынақтарды жүргізу әдістерін үйретеді.

  Оқу жылы - 4
  Семестр - 2
  Несиелер - 5
  

Оқыту нәтижелері

• Зерттелетін салада мәліметтерді жинақтау және сыни көзқараспен талдау нәтижесінде, инклюзивті қағидаттарды ескере отырып, өз бетінше шешімдер қабылдау арқылы көшбасшылық қабілетті және қаржылық сауаттылықты қалыптастырады
• Интернационалдық ортада мемлекеттік және шетел тілдерінде кәсіби, академиялық, ғылыми және әлеуметтік қарым-қатынастар орнатады
• Кәсіби қызметте ғылыми зерттеу әдістерін, академиялық жазу негіздерін меңгереді, академиялық адалдық принциптерн негізге ала отырып жасанды интеллект технологияларын тиімді қолданады
• Кәсіби қызметтегі рухани құндылықтар мен орнықты даму мақсаттарына бейілділігін көрсетеді, экономикалық, инклюзивті, экологиялық, құқықтық және сыбайлас жемқорлыққа қарсы қағидаттарды сақтайды.
• Қоршаған ортаға әсер ететін антропогендік іс-әрекетті анықтау кезінде негізгі физика-химиялық әдістерді қолданады
• Қоршаған ортаны өнеркәсіптік ластанудың әсерінен қорғаудың заңнамалық нормативтері мен техникалық әдістерін қолданады
• Тірі организмдердің жағдайына экологиялық факторлардың әсерін талдайды
• Экологиялық заңдылықтарға сәйкес геоэкологиялық проблемаларды шешу жолдарын әзірлейді
• Шаруашылық қызметтің әртүрлі түрлерінің қоршаған ортаға әсерін бағалау үшін инженерлік және экологиялық зерттеулер жүргізу арқылы жобалық құжаттаманы әзірлейді
• Экологиялық мониторинг деректері және өндірістік экологиялық бақылау нәтижелері бойынша экологиялық құжаттама мен есептілікті әзірлейді
• Қоршаған ортада түзілетін әртүрлі қалдықтарды өңдеу мен кәдеге жаратудың заманауи әдістері мен тәсілдерін көрсетеді
• Экологиялық мәселелер бойынша ғылыми-зерттеу жұмыстарын жүргізеді

Ұқсас БББ