7R01114 Радиология в Қ.А.Ясауи атындағы Халықаралық қазақ-түрік университеті

Пәндер

• Ядролық медицина

  Пәнді оқу барысында ядролық медицина және радиациялық қауіпсіздік саласындағы мамандардың қызметін регламенттейтін негізгі нормативтік және құқықтық құжаттармен танысады. Радионуклидтік диагностиканың жалпы сұрақтары. Ядролық медицинаға арналған радиофармпрепараттар. Радионуклидті зерттеудің әдістері мен принциптері – бір фотонды және позитронды эмиссиялық томография. Эндокриндік, жүрек-тамыр, сүйек-буын жүйелері және бауыр ағзасы мен зәр шығару жолдарының радионуклидтік диагностикасы.

  Оқу жылы - 1
  Семестр - 2
  Несиелер - 10
  

• Магнитті-резонансты томография

  Емханалар мен стационарларда магнитті-резонансты томографияны ұйымдастыру. Олардың қызметін анықтайтын негізгі директивалық құжаттар. Жұмыстың санитарлық-гигиеналық нормативтері. Қызметкерлер мен пациенттердің еңбекті қорғау және радиациялық қауіпсіздігі. МРТ-нің физика - техникалық негіздері, әдіс принциптері, қондырғы түрлері, сканерлеу технологиясы мен хаттамасы, контрастілеу технологиясы, томограммаларды қайта құру, артефактілері. Ересектер мен әртүрлі жастағы балалардағы барлық ағзалар мен жүйелер ауруларының магнитті-резонансты томографиясы.

  Оқу жылы - 1
  Семестр - 2
  Несиелер - 20
  

• Маммалогиядағы радиология

  Сүт бездері ауруларын сәулелік диагностикалаудағы әдістерінің нормасы және интерпретациясы (маммография, томосинтез, сандық контрастты маммографиясы, КТ, МРТ, ПЭТ/КТ, радиоизотопты диагностика). BI-RADS жүйесі бойынша маммографиялық классификация. Сүт безі қатерлі ісігінің скринингі. Маммологиядағы интервенциялық диагностикалық әдістер (дуктография, пневмоцистография, жұқа инелік аспирациялық биопсия, сәулелік әдістердің бақылауымен сүт бездерінің трепан- биопсиясы, вакуумдық -аспирациялық резекциялық биопсиясы, сандық маммографиясындағы стереотаксикалық биопсия, фотодинамикалық сцинтиграфия және фотодинамикалық терапия және т.б.)

  Оқу жылы - 1
  Семестр - 2
  Несиелер - 10
  

• Рентгенология

  Рентгенологиялық қызметті ұйымдастыру және директивалық құжаттар: бұйрықтар, нұсқаулықтар, ережелер. Рентген сәулелерінің биологиялық әсері. Сәулелік диагностикалық зерттеулерді регламенттеу. Рентгенологиялық зерттеу әдістері: флюорография, рентгеноскопия, рентгенография, томография және денситометрия. Бірқатар зақымданулар мен ауруларды тануды зерттеу, рентген сәулелерін қолдана отырып ағзалар мен тіндерді зерттеу. Тірек-қимыл, тыныс алу, жүрек-тамыр, ас қорыту және несеп-жыныс жүйесі ауруларының рентгеносемиотикасы және рентгенодиагностикасы.

  Оқу жылы - 1
  Семестр - 2
  Несиелер - 30
  

• Онкорадиология

  Онкологиялық аурулардың сәулелік диагностикасы және семиотикасы, ісіктердің ерте (клиникаға дейінгі) диагностикасы, онкологиялық аурулардың скринингі, анықталған онкологиялық өзгерістердің диагностикасы және дифференциалды диагностикасы, тірек-қимыл, тыныс- алу, жүрек-қан тамырлары, ас қорыту және несеп-жыныс жүйесі ауруларының барлық деңгейінде ісік процесінің таралуын бағалау үшін позитронды-эмиссиялық томографияны (ПЭТ), кейіннен компьютерлік томография немесе магнитті-резонанстық томограияны қолдану. Онкологиядағы радиологиялық зерттеудің көрсеткіштері мен қарсы көрсеткіштері.

  Оқу жылы - 2
  Семестр - 2
  Несиелер - 4
  

• Ультрадыбыстық диагностика

  Ультрадыбыстық қызметті ұйымдастыру және директивалық құжаттар: бұйрықтар, нұсқаулықтар, ережелер, ультрадыбыстық бөлімдердің есептері. Жұмыстың негізгі принциптері. Пайдалану басымдықтары. УДЗ әдістері - бір өлшемді эхография, ультрадыбыстық сканерлеу, доплерография, дуплексті сонография. Ересектер мен балалардағы органдар мен жүйелер ауруларының ультрадыбыстық диагностикасы. Сүт безідерін УДЗ. Жаңа туылған нәрестелердегі ультрадыбыстық зерттеудің ерекшеліктері. Ағзалар мен тіндерді визуализациялау. Ағзалар мен жүйелердің ультрадыбыстық скиалогиясы.

  Оқу жылы - 2
  Семестр - 2
  Несиелер - 20
  

• Балалар рентгенологиясы

  Балалар емдеу мекемелерінде рентгенологиялық қызметті ұйымдастыру: стационар және емхана. Рентген сәулелерінің биологиялық әсері. Балаларды рентгенологиялық зерттеудің әдістемесі мен техникасы. Ерте жастағы балаларды рентгенологиялық тексеруге арналған техникалық құралдар мен құрылғылар. Рентгенологияның физика-техникалық негіздері. Балалардағы органдар мен жүйелерді рентгендік зерттеу әдістерінің ерекшеліктері. Тірек - қимыл, тыныс алу, жүрек–тамыр, ас қорыту және несеп-жыныс жүйелері ауруларының рентгеносемиотикасы.

  Оқу жылы - 2
  Семестр - 2
  Несиелер - 12
  

• Компьютерлік томография

  Емханалар мен стационарларда компьютерлік томография бөлмесін ұйымдастыру. Компьютерлік томографияның физика-техникалық негіздері. КТ - жұмыс принципі, қондырғы түрлері, сканерлеу технологиясы мен хаттамасы, контрастирлеу технологиясы, томограммаларды қайта құру, түрлендіру. Тірек - қимыл, жүрек-тамыр, тыныс алу, ас қорыту және зәр шығару жүйесі ауруларының және кіші жамбас ауруларының компьютерлік томографиясы. Компьютерлік томографиялық зерттеудегі балалардың жас ерекшеліктері.

  Оқу жылы - 2
  Семестр - 2
  Несиелер - 20
  

• Ағзалар мен жүйелер ауруларының кешенді сәулелік диагностикасы

  Мүшелер мен жүйелер ауруларының кешенді сәулелік және дифференциалды диагностикасы. Бас және мойын ағзалары, сүйек-буын, тыныс алу, жүрек-тамыр, ас қорыту, зәр шығару жүйесі ауруларының рентгеносемиотикасы және рентгенодиагностикасы. Бас сүйегінің, мидың патологиясы мен зақымдануының, өкпенің кәсіби ауруларының, жүйелі аурулардың, қолқа аневризмасы мен склерозының, өңеш ахалазиясының, асқазан жарасының, ішек өтімсіздігінің, бауыр циррозының, бүйректің несеп-тас ауруының, сүйектердің сынуы мен остеопорозының сәулелік диагностикасы.

  Оқу жылы - 2
  Семестр - 2
  Несиелер - 12
  

• Қантамырлар мен жұмсақ тіндердің ультрадыбыстық диагностикасы

  Ультрадыбыстық анатомия және бас пен мойын, жүрек, жоғарғы және төменгі аяқ тамырларын В режимінде, энергетикалық режимде, спектральды және түсті доплерлік режимде зерттеу әдістері. Қан тамырлары жүйесін, сканерлерді, сенсорларды зерттеудің негізгі принциптері. Диабеттік ангиопатияның ультрадыбыстық диагностикасы. Брахиоцефалдық артериялар мен көктамырлардың экстракраниалдық бөлімдерін зерттеу әдістемесі. Бұлшықеттердің, фассиялардың, байламдардың, сіңірлердің, кейбір бездердің және тері астындағы май қабатының жағдайын бағалаудағы диагностикалық әдістер.

  Оқу жылы - 2
  Семестр - 4
  Несиелер - 4
  

Профессии

Оқыту нәтижелері

• Клиникалық қорытындыны тұжырымдауға, диагностикалау жоспарын тағайындауға және медициналық көмек көрсетудің барлық деңгейлерінде дәлелді практика негізінде оның тиімділігін бағалауға қабілетті;
• Пациент үшін үздік нәтижелерге қол жеткізу мақсатында, оның ортасымен, денсаулық сақтау мамандарымен тиімді өзара іс-қимыл жасай алады;
• Медициналық көмектің сапасы мен қауіпсіздігінің жоғары деңгейін қамтамасыз ету үшін тәуекелдерді бағалауға және неғұрлым тиімді әдістерді пайдалануға қабілетті;
• Өз мамандығы бойынша Қазақстан Республикасының денсаулық сақтау жүйесінің құқықтық және ұйымдастыру алаңы шеңберінде әрекет етуге, төтенше жағдайларда базалық медициналық көмек көрсетуге, ұлт денсаулығын нығайту саясатын жүзеге асыру үшін кәсіптік топтар құрамында жұмыс істеуге қабілетті;
• Адекватты зерттеу мәселелерін тұжырымдауға, кәсіби әдебиетті сыни бағалауға, өзінің күнделікті қызметінде халықаралық деректер базасын тиімді пайдалануға, зерттеу командасының жұмысына қатысуға қабілетті;
• Өз бетінше оқуға және кәсіби команданың басқа да мүшелерін оқытуға, пікірталастарға, конференцияларға және үздіксіз кәсіби дамудың басқа да нысандарына белсенді қатысуға қабілетті.

Ұқсас БББ