8D06102 Информатика в Л.Н.Гумилев атындағы Еуразия ұлттық университеті

Пәнді оқу барысында процедуралық және өнімділік программалау тілдері құрылымының мәні олардың формальды математикалық модельдерін құру арқылы қалыптасады. Программалау тілінің семантикасын формализациялау тілді сипаттау, тілдің қасиеттерін анықтау үшін де, осы программалау тілінде программаларды формалды верификациялау мақсатында да қолданылуы мүмкін. Өнімді программалау тілін семантикалық талдауды орындауға және өнім жүйесінің жалпы метамоделін жасауға мүмкіндік береді.

Пән аясында программа орындау барысында компьютер орындайтын тіл құрастырушысы мен функционалдық программалау тілдерінің нақты іс-қимылдарының арасындағы сәйкестік белгіленеді; формалдық теориялардың және функционалдық программалау тілдерінің семантикалық көрінісін математикалық модельдеу жолдарының эволюциясына қатысты маңызды ғылыми зерттеулер қарастырылады. Пән программалаудың логикалық тілінің интерпретаторын, логикалық программаларды, логикалық программалардың семантикасын, көптеген сұраныстарды қарастыруға бағытталған. Бұл курс процедуралық программалардың логикалық семантикасын, олардың дұрыстығын дәлелдеуге және программалаудың логикалық тілінің процедуралық семантикасын (оны жүзеге асыру семантикасын) логикалық қарама-қайшылыққа тексеруге мүмкіндік береді, яғни программалаудың логикалық тілінің интерпретаторын логикалық дұрыстыққа тексеруге мүмкіндік береді.

Академиялық хат докторанттарға өзінің ғылыми мәтіндерін құрылымдауға және форматтауға, ғылыми салада жазбаша және ауызша сөйлеу дағдыларын дамытуға мүмкіндік береді. Теориялық материал және практикалық тапсырмалар білім алушыларға ғылыми стильдің тілдік құралдарын меңгеруге, өзіндік ғылыми мәтіндерді құру және жобалау дағдыларын жетілдіруге, зерттеушіге ғылыми мәтін қысқа, сенімді және өзге зерттеушілер үшін ыңғайлы болатындай етіп жазуға, сондай-ақ информациялық технологиялар мен киберқауіпсіздік бойынша ғылыми терминологияны білуге және қолдануға көмектеседі

Курс ақпараттық технологиялар саласындағы ғылыми зерттеулер нәтижелерін талдаудың әдістерін тиімді пайдалануға, ақпаратты іздеу, өңдеу және киберқауіпсіздік теориялық-әдіснамалық және практикалық аспектісін оқып-үйренуге бағытталған. Нәтижесінде білім алушылар теориялық және қолданбалы деңгейде тәжірибелік жолмен алынған ғылыми фактілерді іздеу нәтижелерін өңдеу және ғылыми қорытындылар үшін эмпирикалық базаны қалыптастыруды, ғылыми тұжырымдамаларға сәйкес практикалық мәліметтерді түсіндіруді үйренеді.

Пәнде дедуктивтік талдау және үлгілерді тексеру сияқты тәсілдердің негіздері берілген. Тақырыптар тізімі: талаптардың формальды спецификациясының әдістері (программалық келісімшарттар және сызықтық уақыттың темпоралдық логикасы), программалардың дұрыстығын дәлелдеу әдістері (индуктивті тұжырымдау әдісі және фундирленген жиындар әдісі) және модельдерді тексеру әдістері (айқын және символдық формадағы теориялық-автоматты тәсіл).

Пәнді оқу барысында нейрокомпьютерлерді құру негіздері, нейронды есептеулер және оларды жүзеге асыру әдістемелері, сондай-ақ нейрондық желілер арқылы шешілетін мәселелер қарастырылады. Пән жасанды нейрон мен жасанды нейронды өзінің элементі ретінде қолданатын желінің негізгі модельдерін, желіні оқыту нұсқасын зерттеуге мүмкіндік береді.

Пән формальды верификация ұғымдары мен тәсілдерін, программалық жүйелерді әзірлеу мәселелерін зерттеуге және программалау тілдері мен олардың құралдарының көмегімен программалардың формалды верикациясының әртүрлі әдістемелерін қолдануға бағытталған. Бұл курс функционалды және логикалық программалау тілдеріндегі программаларды верификациялау үшін заманауи тәсілдермен, құралдармен танысуға мүмкіндік береді.

Нейрондық желілер аппаратын қолдану арқылы пәндік аймақтың моделін құру және қосымшаларды қолдану арқылы нейрондық есептеулерді есептеу

Программалау тілдеріндегі программаларды формалдық верификациялау дағдысын меңгеру.

Программалау тілдерінің семантикасын формализациялау үшін ғылыми зерттеулер мен үдерістерге талдау жүргізу

Нақты ғылыми сала бойынша зерттеу дағдыларын қалыптастыру және ғылым мен білім беру саласындағы ғылыми нәтижелерді объективті сараптау әдістерін қолдану