6B01402 Дене шынықтыру мұғалімдерін даярлау в Mardan Saparbaev Instityty

Таңдаған спорт түрінен спорттық дайындықты жүргізуде тұлғаның үйлесімді дамуына бағытталған міндеттер қоя білу, шешу және оларлы анықтау. Таңдаған спорт түрінен дене сапаларын дамытудың техника және тактикасын оқытудың әдістемесін меңгеру. Дене тәрбиесінде жаттығушылардың жас шамасын және психологиялық ерекшеліктерін ескеру арқылы сабақ жоспарларын ұйымдастыру, сабақ өту барысында инновациялық технологияларды, кәсіби лекиканы қолдану. Таңдаған спорт түрінен жарыстарды ұйымдастыру мен өткізудің әдістемесін білу.

"Кәсіби қазақ (орыс) тілі" пәні - өз мамандығы бойынша кәсіби лексика мен ғылыми терминологияны еркін пайдалануға бағытталған. Түрлі стилдерде жазылған өз мамандығына сәйкес оқулықтар мен ғылыми зерттеулерді оқып, қажетті мәліметті алу дағдыларын қалыптастыру. Әртүрлі тасымалдағыштардағы орыс тіліндегі ақпараттарды тыңдау, түсіну және талдай білу. Орысша өз пікірін ашық білдіру, сөйлеу қабілеттілігін дамыту. Спорт саласындағы құжаттарды сауатты жүргізу. Аударма жасау, кәсіби бағыттағы түсіндірмелік сөздіктерді қолдана алу.

Кәсіпкерлік іс-әрекетте инновацияларды қолдану, ресурстарға қажеттілікті бағалау және оларды пайдалануды жоспарлау, кәсіби қызметінде жаңа идеяларды жетілдіріп, мәселелерді шешу тәсілдерін іске асыру. Инновациялық технологияларды және жаңа өнімдерді қолдану, қазақстандық жағдайларға икемді шетелдік тәжірибені жинақтау мен бейімдеу, орын алған жағдайлардан нәтиже шығару және шешім қабылдау мүмкіндіктерін дамыту.

"Анатомия, спорттық морфология негіздері" пәні адам ағзасының пішінін, құрылысын және дамуын зерттейді. Анатомия және спорттық морфология дене тәрбиесі бойынша педагогтарды медициналық-биологиялық даярлаудың іргелі теориялық пәні ретінде мамандардың болашақ қызметінің объектісін білуін ғана емес, сонымен қатар әртүрлі маманданған спортшылардың денесінің пропорциясын, конституцияларын және ағзадағы морфологиялық қайта құрылымдарды анықтаудың қажетті практикалық дағдыларын үйретеді.

"Аурудың алдын алу негіздері" пәні аурудың алдын алудың мақсатын, жолдарын, сонымен бірге қазіргі кездегі аурудың алдын алудың өзекті мәселелері мен тұрғындар денсаулығын нығайтудың әдістерін оқытады. Жұқпалы және жұқпалы емес аурулардың медико-әлеуметтік маңызын және аурудың алдын-алудың жолдарын білу. Олардың тұрғындар аурушаңдығында, мүгедектігінде және өлім жағдайында алатын орны мен ролін анықтау. Аурудың алдын алу шараларын ұйымдастыру және іске асыру жолдарын зерттеу.

"Акробатика" пәні – акробаттарды бастапқы сатыдан жоғары спорттық шеберлікке дейінгі даярлаудың көп жылдық кезеңдерінің теориялық - әдістемелік және практикалық материалдарынан тұрады. Спортшылардың шеберлігінің көп жылдық қалыптасу процесінің бірізділігі мен үздіксіздігі, олардың денсаулығын нығайту, спортпен шұғылдануға тұрақты қызығушылықты тәрбиелеу, жоғары спорттық нәтижелерге қол жеткізу үшін алғышарттар жасау, біліктілігі жоғары спортшыларды, ҚР құрама командаларына резерв дайындау міндеттерін шешу көзделеді.

"Жас ерекшелік физиологиясы және мектеп гигиенасы" пәні онтогенездің әр түрлі кезеңдерінде ағзаның тіршілік әрекетінің ерекшеліктерін, ағзалар мен ағза жүйелерінің қызметін, оның өсуі мен дамуына қарай, осы функциялардың әр жас кезеңінде өзіндік ерекшелігін зерттейді. Пәннің мақсаты- студенттерді мектепте, колледжде білім алушылардың оқу-тәрбие үрдістерінің физиологиялық-гигиеналық негіздерін және еңбек және тынығу режимін ұйымдастыруға үйрету.

«Мектепте гимнастиканы оқыту әдістемесі» пәні бойынша гимнастика сабағын оқушылардың жас ерекшеліктеріне, жыныстарына қарай ұйымдастыру, жоспарлау дағдыларын қалыптастыру. Гимнастика амалдарын дене тәрбиесі үшін қолдана білу, дене қимылы ережелері мен спорттық кемелдену шараларын ұйымдастыра білу. Гимнастика атауларын меңгеру және бағдарлама көлеміндегі жаттығуларды дұрыс айта, жаза және сызып бейнелей білу. Гимнастикадан дене тәрбиесі сабағының жоспар-конспектісін құрып жаза білу. Саптық, жалпы дамыту, еркін жаттығуларды даму әдістерін меңгеру. Гимнастика жабдықтарында акробатика жаттығуларын, секіру шеберліктерін қалыптастыру.

"Кәсіби бағытталған шетел тілі" пәні кәсіби қызметке дайындықтың тұжырымдамалық негіздерін әдістемелік-теориялық дамытуға бағытталған. Мамандыққа қатысты лексика мен терминдері, күрделі синтаксистік құрылымдарды пайдалануға дағдыландыру. Ағылшын тілінде өзінің көзқарасын білдіру, оны дәлелді түрде қорғау. Күнделікті өмірде кәсіби салаға қатысты сұхбаттарға еркін араласа алу, сөйлесу дағдыларын қалыптастыру. Кәсіби бағыттағы ақпараттарды түсіну, талдау жүргізу, ғылыми мақала мен баяндамалар жазуға қабілетті болу.

"Емдік дене тәрбиесі және массаж" пәні - балалар, жасөспірімдер мен ересектер организмінің анатомо-физиологиялық ерекшеліктерін, онтогенезінің әр кезеңінде функционалдық бұзылулар мен оларды түзету тәсілдерін оқытады. Ағзаның жағдайына медициналық-биологиялық және психологиялық-педагогикалық бақылау жүргізе алу; ғылыми-зерттеу жұмыстарын ұйымдастыру және жүргізу әдістерін; жарақаттанудың алдын алу және алғашқы медициналық көмек көрсету іс-шараларын жоспарлау және жүргізу. Ағзаның физикалық реабилитациясының әртүрлі құралдары мен әдістерін қолдану; спортшыларды оңалтуда массаждың түрлері мен жасаудың әдіс-тәсілдерін игереді.

Этнопедагогика халық педагогикасының теориясы ретінде-әртүрлі гуманитарлық ғылымдардың тоғысқан жерінде құрылған, пәнаралық сипатқа ие заманауи педагогикалық ғылымның саласы. "Этнопедагогика" пәнінің мақсаты-Қазақстан Республикасында тұратын әрбір этностың дамуын ынталандыру, жалпы мәдени құндылықтарды меңгеру арқылы Қазақстан этнопедагогикасының жалпы негіздерін оқыту негізінде студенттердің педагогикалық ойлау, педагогикалық мәдениет және жалпы кәсіби құзыреттілігін қалыптастыру. Студенттерді этнопедагогиканың мәні мен ерекшелігі туралы біліммен қаруландыру, ұлттық сананың ерекшеліктері мен ерекшеліктерін ескере отырып, өсіп келе жатқан ұрпақты тәрбиелеуде халықтар��ың салт-дәстүрлерін енгізу, Қазақстан Республикасындағы этномәдени білім беру тұжырымдамасының негізгі идеяларымен таныстыру.

«Мектепте мини-футболды оқыту әдістемесі» пәні оқушыларды мини-футбол ойынының техникасы мен тактикасына, осы ойынның ережелері мен ерекшеліктеріне, алған білімдерін практикада бекіте отырып үйретуге бағытталған. Жас спортшыларда олардың техникалық шеберлігін, тактикалық ойлауын, матч барысын, қалыптасқан проблемалық жағдайды талдау қабілетін жетілдіру. Ұжымда жұмыс істей білуді дамыту, балаларды мини – футболмен белсенді сабақтарға тарту, оқушылар арасында салауатты өмір салтын насихаттау.

«Дене тәрбиесі мен спорт түрлерінің физиологиялық негіздері» пәні -әртүрлі спортпен айналысатын спортшылардың жаттығу барысында қаңқа бұлшықеттердің қызметтік ерекшеліктерімен, тыныс алу, қан айналу, жүйке және басқа да жүйелердің физиологиялық өзгерістерін білу, оларға бақылау жүргізу тәсілдерін меңгеруге бағытталған. Дене сапаларын арттыру мақсатында дене жүктемелерін дұрыс ұйымдастыру кезінде физиологиялық көрсеткіштерді ескеру, спортшылардың психологиялық бейімделу жұмыстарын жүргізуді қарастырады.

"Дене шынықтыру және спорт педагогикасы" пәні - дене шынықтыру жаттығуларымен және спортпен шұғылдану кезінде тәрбие (білім беру және оқыту) заңдылықтарын, мазмұнын зерттейді. Пәннің мақсаты: дене шынықтыру және спорт саласындағы педагогиканың мәні мен ерекшелігі, заңдылықтары туралы біртұтас түсінік қалыптастыру, педагогикалық концепциялардың алуан түрлілігіне бағдарлануға көмектесу, студенттерді педагогикалық іздестірудің белсенді үдерісіне қосу. Оқу-тәрбие қызметін жүзеге асыруда өз мүмкіндіктерін және кәсіби өзін-өзі жетілдіру перспективаларын өздігінен тануға ықпал ету.

«Мүмкіндігі шектеулі балаларға арналған гимнастикалық дәстүрлі емес түрлері» пәні -мүмкіндігі шектеулі балалармен жұмыс жасаудың педагогикалық негіздерді, ағзаның физиологиялық жағдайын бағалауды және балалардың денсаулығын нығайту мен оңалтуға бағытталған гимнастикалық жаттығуларды үйретуге бағытталған. Мүмкіндігі шектеулі балалардың денсаулығына анатомо-физиологиялық сипаттама беру, гимнастикалық жаттығулардың түрлерін, гимнатикалық құралдарды қолдану ережелерін білуді үйретеді. Мүмкіндігі шектеулі балалармен жұмыс істеуде психологиялық бейімделу жұмыстарын жүргізу әдістерін қарастырады.

"Биомеханика" пәні –жаттығушылардың бойында адамның қозғалыс әрекетінің биомеханикалық негіздері туралы білімді қалыптастыруға бағытталған. Бағдарлама төрт негізгі бөлімнен тұрады: спорттық қозғалыстардың кинематикасы, спорттық қозғалыстардың динамикасы, қозғалыс іс – қимылдарын оқытудың биомеханикалық заңдылықтары және қозғалыс сапасының биомеханикасы.

«Мүмкіндігі шектеулі балаларға арналған гимнастиканы оқыту әдістемесі» пәні - қимыл-қозғалыс аппараты бұзылған немесе оңалтуды қажет ететін мүмкіндігі шектеулі балаларды оқытудың әдістемесін игеруге бағытталған. Баланың физиологиялық денсаулығына нығайтуға қажетті гимнастикалық жаттығуларды таңдауды, жеке дене дайындығы кешендерін ұйымдастыруды үйретеді. Мүмкіндігі шектеулі балаларға гимнастиканы оқытудың педагогика-психологиялық ерекшеліктерін қарастырады.

"Мектепте футболды оқыту әдістемесі" пәні мектепте футболды жүргізудің кәсіби педагогикалық білімі мен дағдыларын қалыптастыруға бағытталған. Футболды 1-4, 5-7, 8-9, 10-12 сыныптарда оқытудың оқыту әдістемесін игеру. Футболшылардың техникалық және тактикалық дайындық негіздерін, жалпы дене касиеттерін дамытудын әдістемелік тәсілдерін қолдануға дағдылану. Жас футболшылардың физиологиялық дене дамуына, жасына сай жүктемелер берілуіне мән беру. Сыныптан тыс және спорттық жұмыстарды ұйымдастыру. Футбол сабағында материалдық-техникалық камтамасыз етілгендігін қадағалау және кауіпсіздік техникасы сақтау ережелерін білу.

"Жалпы және жас ерекшелік психологиясы" пәні жалпы және психологиялық мәдениетті арттыруға, өмір жолының әр түрлі кезеңдеріндегі адамның психологиялық дамуының заңдылықтары туралы тұтас түсініктерді қалыптастыруға бағытталған. Пәннің негізгі міндеті-әртүрлі жас кезеңдерінің психологиялық ерекшеліктерімен танысу.

«Мини-футбол» пәні - ойынның пайда болу тарихы және дамуын, ойын ережелері мен спортшылардың дене дайындығын дұрыс қалыптастыруды, шабуыл және қорғаныс барысында техникалық іс-қимыл негіздерін қарастырады. Бұл пән сондай-ақ жасөспірімдерді шағын футболмен айналысуға тарту, жарыстарға қызығушылығын арттыруды, жаттығу, ойын барысында ойыншының дене дайындығы және оның моральдық-ерік қасиеттерін дамыту көздейді.

«Мектептегі жеңіл атлетиканы оқыту әдістемесі» пәні – жалы орта білім беру орындарында жеңіл атлетиканы оқытудың теориялық және әдістемелік негіздерін игеруге бағытталған. Жеңіл атлетикалық жаттығуларды жас ерекшеліктеріне қарай орындау ережелерін, жүгіру, секіру, лақтыру жекеленген түрлерінің техникасын орындау әдістемелерін меңгереді.

«Мектепте волейболды оқыту әдістемесі» пәні - мектепте және сабақтан тыс уақытта волейболдан жаттығу жұмыстарын ұйымдастыру мен жүргізу әдістемесін оқытуға негізделген. Сонымен қатар волейболдың ережелері мен дайындық деңгейлерін бағалау әдістері қарастырылады. Ойын әрекеттерін оқыту барысында педагогикалық қағидаларды пайдалануды үйретеді.

Дене шынықтырудың қоғамдағы орны. «Дене шынықтыру теориясы мен әдістемесі» оқу пәні мен ғылымы мен оның негізгі кезеңдеріне қысқаша тарихи шолу. «Дене шынықтыру теориясы мен әдістемесінің» нысандары мен оның оқу және ғылыми пән ретіндегі құрылымы. Негізгі түсініктерді анықтау: дененің дамуы, дене жаттығулары, дене бітімі, дененің жетілуі, дене тәрбиесі жүйесі, дене шынықтыру, спорт және т.б. Дене шынықтыру теориясындағы ғылыми зерттеу әдістері мен әдістемелік негіздер.

«Жазғы сауықтыру лагерлерінде спорттық-ойын іс-шараларын өткізудің әдістемелік негіздері» пәні - жазғы демалыс кезінде балалардың денсаулығын нығайту, сондай-ақ ересек тұрғындарды дене шынықтырумен спортпен айналысуға тарту, салауатты өмір салтын қалыптастыруға бағытталған. Оқушылардың иммундық және жүйке жүйесін нығайтуға арналған профилактикалық сауықтыру, спорттық іс-шараларды жүргізе білу. Жазғы сауықтыру лагерлері мен емдеу мекемелерінде балалардың дене, адамгершілік, психикалық сауықтыруға бағытталған спорттық- сауықтыру іс-шаралар кешенін жоспарлау және өткізу дағдыларын меңгеру.

«Оқу-жаттығу жиындарын өткізу әдістемесі» пәні - cтуденттерге техникалық және тактикалық дайындықтың негізгі теориялық білімдерін тәжірибеде қолдануға бағытталған. Оқу- жаттықтыру жиындары, жарыстарды ұйымдастыру және өткізу, жоғары спорттық разрядтары бар және бастаушы спортшыларды жаттықтыру жүйесі қаралады. Студенттер техникалық тәсілдерді орындайды, тактикалық дайындықтарын көрсетіп, оқу- жаттықтыру сабақтарын өткізеді, спорттық жарыстарда командаға жетекшілік жасап, таңдалған спорт түрінен жарыстарды ұйымдастыру әдістемелерін меңгереді. Ғылыми-зерттеу жұмыстарын жүргізудің кәсіби-педагогикалық дағдылары қалыптасады.

"Мектепте қимыл-қозғалыс ойындарын оқыту әдістемесі" пәні әртүрлі жастағы балаларға арналған қозғалмалы ойындарды ұйымдастыру және өткізу негіздерін оқып үйренуді, балалардың дене тәрбиесіндегі қозғалмалы ойындардың рөлі мен маңызы туралы түсінік беруді қарастырады. Интерактивті технологияларды қолдану арқылы қозғалмалы ойындарды оқытудың заманауи педагогикалық әдістерін меңгеру. Мектепте дене тәрбиесі бойынша оқу үрдісінде қозғалмалы ойындар өткізуді жоспарлай білу. Әртүрлі спорт түрлерінде қолданылатын қозғалмалы ойын элементтері бар спорттық іс-шараларды ұйымдастыру.

"Футбол" пәні - футбол ойындарының теориялық негіздерін, спорттық ойын түрінде футболдың пайда болуы мен дамуын, футбол ойындарының сипаты мен терминологиясын үйренеді. Курс сондай-ақ, футболшылардың физикалық дайындығын, техникалық-тактикалық және психологиялық дайындығын жетілдіру әдістері мен бақылау кешендерін қарастырады. Футбол бойынша жарыстарды ұйымдастыру және өткізу, нәтижелерді талдау, құжаттарды толтыру. Жеке, топтық және командалық жұмысты басқару.

"Базалық спорт түрлері бойынша оқыту теориясы мен әдістемесі (мектеп бағдарлама бойынша)" пәні базалық спорт түрлері бойынша сабақтарды ұйымдастыру әдістері мен өткізу әдістемесін зерттеуге бағытталған. Базалық спорт түрілеріндегі дене қасиеттерін дамытудың әдістемесін меңгеру. Базалық спорт түрінен дидактикалық білімді қалыптастыру. Кәсіби маңызды қозғалыс қимылдарының техникасын игеру. Базалық спорт түрінен төрешілік ету негіздерін білу. Сабақ өтудегі спорттық құрылығылардың ерекшеліктері мен қауіпсіздік техникасын білу.

"Мектепте көпсайысты оқыту әдістемесі" курсы - дене шынықтыру және спорт студенттерінің көпсайыстың теориясы мен әдістемесін, жарыстарды ұйымдастыру мен өткізу негіздерін, мектептегі көпсайыс бойынша дербес педагогикалық және ұйымдастырушылық жұмыс үшін қажетті білім, білік және дағды алуды қарастырады.

"Кәсіби-коммерциялық спортты ұйымдастыру" пәні-спорттың коммерциялық сегменттеріндегі спорттық менеджменттің ерекшеліктерін және спорттық және ойын-сауық құрамдастарының, спорттың сауықтыру және мәдени-демалыс қызметтерінің ара қатынасын қарастырады. ҚР кәсіби, коммерциялық спорттың даму және қалыптасу заңдылықтарын білу.

"Спорттық метрология" пәні– студенттерді спорттық метрология, стандарттау және бақылау негіздерін; дене шынықтыру және спорт саласында пайдаланылатын өлшеу құралдарын метрологиялық сипаттамалары мен бақылауды; физикалық жай-күй көрсеткіштерін, техникалық-тактикалық шеберлік пен жаттығу жүктемелерін өңдеу мен талдауды тіркеу тәсілдерін метрологиялық қамтамасыз етуге бағытталған.

«Столдағы ұлттық ойындар» пәні - cтолдағы ұлттық ойын түрлерінің шығу тарихын, сипаттамасы мен ойын техникасын, тактикасын білу мен бағалауға, талдау жасауға бағытталған. Ойлау, стандартты емес шешімдер қабылдау, ойын барысында психологиялық тұрақтылықты сақтау әдістерін меңгеру.Тоғызқұмалақ ойынының техникасы мен тактикасын білу. Ұлттық спорт түрлерінің адамның физикалық және рухани дамуына әсері.

«Мектепте регбиді оқыту әдістемесі» пәні - мектепте регбиді оқытудың педагогикалық әдістерін, ойын ережелері мен тактикалық-техникалық тәсілдерін меңгеруді, регби сабақтарындағы қауіпсіздік ережелерін сақтауды үйретуге бағытталған. Сыныпта, аулада, сауықтыру лагерінде және т. б. орындарда регбиден жарыстар ұйымдастыру және өткізуді қарастырады. Сонымен қатар, регби спортының қозғалыс элементтерін физикалық қасиеттерді дамыту үшін және белсенді демалыс құралы ретінде пайдалануды қарастырады.

«Кәсіби спорт» пәні - cпорт түрлерінің кәсіби және әуесқой, олимпиадалық спорт түрлері мен даму кезеңдерін, кәсіби спорттың теориялық және әдістемелік негіздерін оқытуға бағытталған. Кәсіби спорттық жаттығулардың қағидаттары мен заңдылықтарын меңгереді. Кәсіби спортшыны дайындау жүйесіндегі басқару, жоспарлау мен бақылау жұмыстарын ұйымдастыруды қарастырады. Спортшының даярлығын тестілеу, спортшыларды іріктеу және жетістіктерін бағалады үйретеді. Кәсіби спорттағы келісім жасаудың құжаттамалық негіздерін, шетелдік спорт ұйымдарымен байланыстарды орната білуді игереді.

" Қимыл-қозғалыс ойын түрлері" пәні - білім алушылардың денсаулығын нығайтуға және жан-жақты дамуына жағдай жасауға бағытталған. Ағзаның барлық жүйелерінің функционалдық мүмкіндіктерінің жоғары деңгейіне қол жеткізу, оның бейімделу қасиеттерін арттыру. Оқушылардың дене шынықтыру және спортпен шұғылдануға тұрақты қажеттілігін қалыптастыру, адамгершілік және ерік қасиеттерін тәрбиелеу.

"Мектепте ұлттық спорт түрлерін оқыту әдістемесі" пәні - дене шынықтыру сабақтарында түрлі спорттық жаттығуларда ұлттық спорт түрлерінің әдістемесін қолдануға бағытталған. Ұлттық спорт түрлерін дамытудың ережелері мен кезеңдерін, оларды жаңғырту әдістерін меңгеру. Мектепте ұлттық спорт түрлері бойынша секциялардың жұмысын ұйымдастыру, оқушылар арасында ұлттық спорт түрлерін насихаттау. Ұлттық спорт түрлері бойынша оқу бағдарламаларын дайындау бойынша бастауыш, орта және жоғары сынып оқушыларын оқыту.

"Волейбол" пәні дене шынықтыру және спорт бойынша маманның кәсіби дағдылары мен іскерліктерін дамытуға, волейболды оқытудың теориясы мен әдістемесі мәселелерін зерделеуге, техникалық тәсілдер мен тактикалық іс-әрекеттерді меңгеруге, волейбол бойынша іс-шараларды ұйымдастыруға және өткізе алатын шұғылданушылардың әр түрлі контингенті бар оқытушының өзіндік жұмысы үшін қажетті білімдер мен іс-әрекеттерді меңгеруге бағытталған (спорттық мерекелер, фестивальдар және т. б.).), сондай-ақ түрлі білім беру мекемелері мен спорт ұйымдарында оқу-жаттығу процесін дұрыс құра білуге бағытталған.

«Мектепте баскетболды оқыту әдістемесі» пәні - мектептегі баскетболды оқыту әдістемесінің ерекшеліктерін,ойын дағдыларының реттілігін оқушыларға үйретуді, жас ерекшеліктеріне қарай топтарға жіктеуді және соған сәйкес дене жүктемелері мен оқу жоспарын жасауды үйретуге бағытталған. Пән мектептегі баскетбол сабақтарында дене қаситетерін тәрбиелеуді қарастырады.

Дене шынықтыру және спорт гигиенасы саласында жүйеленген білімді, дене шынықтыру және спортпен айналысу процесінде гигиеналық факторларды қолданудың практикалық дағдыларын қалыптастыру, сондай-ақ профилактикалық медицина саласында білім алу. Негізгі спорттық-сауықтыру құрылыстары мен жабдықтарының құрылымына қойылатын гигиеналық талаптарды білу. Спорттық киім мен аяқ киімге, спорттық мүкәммалға, жабдыққа және еден жабындарына қойылатын жалпы гигиеналық талаптарды бағалау әдістерін меңгеру.

"Балалар мен жасөспірімдер спортының теориясы мен әдістемесі" - дене шынықтыру және спорт саласындағы кәсіби қызметті анықтайтын іргелі білім жүйесін қалыптастыратын оқу пәні болып табылады. Дене шынықтыру және спортпен шұғылдану кезінде бейімделу процестерін қамтамасыз ету, балалар мен жасөспірімдер ағзасының функцияларын реттеудің негізгі физиологиялық механизмдерін білу. Балалар мен жасөспірімдер спортының жалпы және арнайы дене дайындығын құру. Жас спортшыларды дайындауды ұйымдастыру, жоспарлау және бағдарламалау. Спорттық дайындықты басқару технологиясын меңгеру.

"Туризм" пәні туризмді ұйымдастыру негіздерін, туристік фирманың жұмыс формалары мен әдістерін, туристік қызметті ұйымдастыру тәсілдерін, туризм түрлерінің жіктелуін, саяхаттау негіздерін, туристік формальдылықтардың ерекшеліктерін, туризмдегі келісім шарттарды жасауды, туризм саласындағы мемлекеттік және халықаралық-құқықтық реттеу мәселелерін қарастырады және оқытады.

"Гандбол" пәні гандболды оқыту теориясы мен әдістемесінің мәселелерін, техникалық тәсілдер мен тактикалық іс-әрекеттерді меңгеруді, гандбол бойынша оқытушының әр түрлі контингентпен өзіндік жұмысы үшін қажетті дағдылар мен іскерліктерді игеруді қарастырады. Сонымен қатар, студенттердің денсаулығын сақтау және нығайту үшін дене шынықтыру және спорт құралдарының бірі ретінде гандболдың маңыздылығы, болашақ кәсіби қызметке психофизикалық дайындық және өзін-өзі дайындау туралы тұтас түсінігін қалыптастыру.

"Күрес түрлері, жекпе-жек" курсы күрес техникасын, тік қалыпта және партердегі тәсілдерді орындауды үйретуді және жетілдіруді, спорттық жекпе-жектердегі техника-тактикалық шеберлік пен дағдыларды көздейді. Спорттық жекпе-жек арқылы оқыту, тәрбиелеу және дамыту мәселелерін шеше алатын дене шынықтыру және спорт мұғалімдерінің кәсіби қызметінде студенттердің дағдыларын қалыптастыру.

"Ұлттық спорт түрлері" пәні - дене тәрбиесі және салауатты өмір салты жүйесіндегі ҰСТ-нің рөлі мен орнын, ұлттық спорт түрлерімен таныстыруды, ұлттық спорт түрлерін оқытудың теориясы мен әдістемесі мәселелерін зерделеуді қарастырады. Ұлттық дәстүрлер мен ұлттық спорт түрлерін жаңғыртуды қарастырады. Техникалық тәсілдерді орындай білу, оқу – жаттығу сабақтарын сауатты жүргізу, спорттық жарыстарда команданы басқару, ұлттық спорт түрлерінен жарыстар ұйымдастыру және өткізу.

"Регби" пәні-регби бойынша базалық физикалық жаттығуларды оқытуға, физикалық қасиеттерді оңтайлы дамытуға, әртүрлі өмірлік маңызды қозғалыс біліктілігі мен дағдыларын қалыптастыруға, спорттық қимыл-қозғалыс біліктілігі мен дағдыларын қалыптастыруға бағытталған. Регбидегі техникалық-тактикалық дайындық негіздерін оқыту әдістемесін меңгеруді қарастырады. Регби бойынша жарыстарды ұйымдастыру және өткізуді оқытады.

«Коммерциялық және спорттық туризм» пәні – коммерциялық және спорттық туризмнің әдістемелік негіздерін, спорттық туризмдегі тактикалық-техникалық дайындықты жетілдіру және бұқаралық туристік және оқу іс-шараларын қаржыландыру, туристік слеттер мен жарыстарды ұйымдастыру негіздерін оқытады.

"Теннис" пәні дене тәрбиесі жүйесіндегі теннистің орны мен маңызы, ойынның мазмұны туралы теориялық білім алуға, студенттердің теннистің техникасы мен тактикасының негіздерін зерделеуге, жарысты ұйымдастыру мен төрешілік дағдыларын меңгеруге, халықтың түрлі категорияларымен теннис сабақтарын өткізу әдістемесін меңгеруге бағытталған

"Тәрбие жұмысының теориясы мен әдістемесі" пәні болашақ дене шынықтыру және спорт мұғалімдерінің тәрбие процесінің негіздерін, тәрбие қызметін ұйымдастыру және жүзеге асыру технологиясын танудағы кәсіби-педагогикалық құзыреттілігін қалыптастыруға бағытталған. Пәннің міндеттері: студенттерде тәрбие жұмысының теориясы, әдістемесі және технологиясы саласында кәсіби-педагогикалық құзыреттілікті меңгеруді дамыту; студенттерде жалпы педагогикалық және арнайы құзыреттіліктерді қалыптастыру: мақсатты болжау, коммуникативтік, диагностикалық, аналитикалық және т. б.; тәрбие теориясы бойынша білімді кеңейту және тереңдету.

"Баскетбол" пәні дене тәрбиесі жүйесіндегі баскетболдың орны мен маңызы, ойын мазмұны, жарыс әрекеті, ойын техникасы мен тактикасы, спортшыларды дайындау жүйесі, шұғылданушылардың жыныстық және жас ерекшеліктері және оқытушының ғылыми қызметі туралы теориялық білім алуға бағытталған. Дене шынықтыру қозғалысының әр түрлі буындарында бұқаралық және спорттық жұмыстарды басқару және жарыстар ұйымдастыру, оқу және спорттық жаттықтыру міндеттерін шешуге мүмкіндік беретін студенттердің кәсіби-педагогикалық іскерліктері мен практикалық дағдыларын қалыптастыру және жетілдіру.

"Мектептегі жүзудің теориялық және әдістемелік негіздері" пәні - спорттық және қолданбалы жүзу элементтерін оқыту әдістемесін қарастырады. Жүзу техникасын оқыту және жетілдіру кезінде жаңа әдістемелік тәсілдерді қолдану. Педагогикалық тәсілдер есебінен оқушылардың жүзуге қарым-қатынасы мен эмоционалдық күйге әсерін арттыру. Жүзудің гидродинамикалық негіздерін үйрену.

"Дене шынықтыру және спорт менеджменті" пәні қазіргі заманғы спорттық ұйымның құрылымын құру негіздерін, менеджмент қызметінің мазмұнын, ұжымның басқару әдістерін, елдің спорттық қозғалысының жекелеген буындарындағы менеджменттің ерекшеліктерін, спорттық іс-шаралар менеджментін, халықаралық спорттық және олимпиадалық қозғалыстардың басқару аспектілерін оқытады.

"Су добы" пәні - студенттердің су добы спортының пайда болуы мен дамуы туралы түсінігін қалыптастыруға, сондай-ақ су добында техника мен тактика негіздерін және жүзудің барлық тәсілдерін үйретуге бағытталған. Су добында ойнау техникасында машықтар мен дағдыларды жетілдіру. Су добына ойнау кезінде арнайы физикалық қабілеттерін дамыту. Су добынан жарыс төрешілігінің ережелерімен таныстыру. Ойыншының денсаулығы мен жалпы дамуына ықпал ету.

Әлеуметтік, этникалық, конфессиялық және мәдени айырмашылықтарды толерантты қабылдай отырып, ұжымда жұмыс істей білу. Әлеуметтік және гуманитарлық ғылымдар, оның ішінде психология және педагогиканың негізгі ережелері мен әдістерін өмір тіршілігінің әр түрлі салаларында қолдану. Заманауи әдістемелер негізінде сабақтар мен сыныптан тыс іс-шараларды өткізу үшін оқу-әдістемелік материалдарды дайындау. Адам денсаулығын нығайтуда, халық арасында тәрбиелеу және аурулардың алдын алуда бұқаралық спорттың рөлін анықтау.

Болашақ кәсіби саламен тікелей байланысты кәсіби қазақ, орыс және шетел тілдерін қолдануды меңгеру, кәсіби еркін сұхбат құра білу. Ғылыми және ресми-іскерлік стилдің ерекшеліктері туралы түсінікке ие болу. Оқу орындарында теориялық және практикалық сабақ барысында сөйлеу кәсіби техникасын меңгеру, оқу үрдісінде әртүрлі жағдайларда өз ойын дұрыс білдіру және дәлелді негіздеу.

Педагогикалық, жаттықтырушылық, мәдени-ағартушылық және ұйымдастыру-басқарушылық қызметтерді атқару барысында қазіргі заманғы педагогикалық оқыту және тәрбиелеу технологияларды, өзекті дидактикалық және ақпараттық-коммуникациялық технологияларды қолдана білу. Дене шынықтыру және спорт пәндерін оқыту әдістемесін меңгеру.

Жүйке, тірек-қимыл және сенсорлық жүйелерінің құрылымы, олардың тыныштық және дене белсенділігі кезіндегі организм функциясының физиологиялық өзгерістері туралы білімдерге ие болу. Балалар мен жасөспірімдерді оқыту және тәрбиелеу жұмыстарын ағзаның әртүрлі жас кезеңдеріне сай анатомиялық, физиологиялық ерекшеліктерін ескере отырып, мектеп ғимараты мен оқу бөлмелері, ауа алмасу жүйесін, жиһаздарын, құрал-жабдықтарды гигиеналық талаптарға сай ұйымдастыра білу. Білім алушылардың физиологиялық жасына және физикалық жағдайына байланысты дене жүктемесін жоспарлау және құра білу.

Кәсіби қызметте спорт ғимараттарын жобалау, салу, жөндеу және пайдалану негіздері бойынша білімді қолдану. Спорттық бөлмелерге, құрылғыларға, құрал-жабдықтарға қойылатын санитарлық-гигиеналық нормалар мен талаптарды білу. Спорттық тренажерларды қолдану барысында жаттығушы адамның өмірі мен денсаулығын сақтауды қамтамасыз ету.

Ақпаратты жинау, талдау әдістері мен құралдарын және оларды кәсіби қызметінде тиімді қолдана білу. Ғылыми зерттеулерді жүргізу, әртүрлі педагогикалық жағдайларды сипаттау мен болжау үшін модельдерді құру және пайдалану. Оларға сапалық және сандық талдау жүргізу.

Дене шынықтыру мен спорттағы өлшеулердің теориясы мен техникасының метрологиялық негіздерін, спорттағы дене, психологиялық және техникалық – тактикалық дайындықты өлшеу әдістері туралы білімді меңгеру. Дене шынықтыру мен спортта өлшеу нәтижелерін сапалық және сандық бағалай білу. Өлшеу және тестілеу дағдыларын игеру.

Экономикалық деректерді талдауға және түсіндіруге қабілетті болу. Ситуациялық және практикалық есептерді шешуде теориялық экономикалық білімді қолдану. Жергілікті, аудандық және республикалық деңгейлерде дене шынықтыру мен спорттың дамуын жоспарлау және болжау. Басқарушылық шешімдер қабылдау. Дене шынықтыру-бұқаралық және спорттық іс-шараларды ұйымдастыру және өткізу. Қаржы-шаруашылық құжаттама және элетрондық деректер қорларымен жұмыс істеу. Кәсіби қызметте инновациялық технологияларды қолдана білу.

Кәсіби қызметте оқытудың, тәрбиелеу мен дамытудың әртүрлі теорияларын, негізгі білім беру бағдарламаларын пайдалануға дайын болу. Кәсіби этика қағидаларын сақтай отырып, кәсіптің әлеуметтік маңыздылығын түсіне алу, кәсіби міндеттерді жауапкершілікпен және сапалы орындай алу. Дене шынықтыру және спорт ерекшелігіне негізделген педагогика проблемаларына бағдарлана білу. Педагогикалық зерттеулердің принциптерін және әдістерін меңгеру.

Емдік денешынықтыру және массаж бойынша теориялық негіздерді және игерілген практикалық дағдыларды меңгеру. Дене мүмкіндіктері шектеулі немесе тірек-қимыл аппаратының жарақаттарын алған балалар мен ересектерді оңалту үшін, сондай-ақ жарақаттар мен аурулардың алдын алу және қалпына келтіру мақсатында гимнастиканың дәстүрлі емес түрлері бойынша жаттығуларды қолдана білу.

Жалпы, арнайы заңдылықтарды және психологиялық, психофизиологиялық жеке ерекшелерді дамыту, әртүрлі жас ерекшеліктеріне қарай мінез-құлық ерекшеліктері мен тұлғаның қызметінде қолдана білу. Балаларды психикалық дамуы мәселелері бойынша педагог- тәрбиешілер мен ата-аналарға психологиялық білім беруді жүзеге асыру. Дене мүмкіндіктері шектеулі балалармен жұмыс жасау барысында олардың психофизиологиялық ерекшелерді еске отырып арнайы тәсілдерді қолдана білу.

Балалар мен жасөспірімдер және кәсіби спорттың теориялық негіздері туралы білімді игеру. Дене шынықтыру теориясы мен әдістемесі, дидактика ережелері негізінде білім алушылардың ерекшеліктерін ескере отырып, базалық, ұлттық, таңдаған спорт түрі бойынша оқу сабақтарын жүргізе білу. Жарыстар мен төрешілік қызметін ұйымдастыру және өткізуді білу. Дене шынықтыру-рекреациялық, сауықтыру-оңалту, спорттық, кәсіби-қолданбалы және гигиеналық міндеттерді шеше білу және іске асыру.

Спорттық, коммерциялық туризмді ұйымдастыру қағидаларын және альпинизм негіздерін, спорттық коммерциялық саяхаттарға дайындық жүргізу және өткізу дағдыларын меңгеру. Туристік базаларда спорттық ойын-сауық іс-шаралары мен ойындарды өткізе білу. Экстремалды жағдайларда кедергілерді жеңу техникасынан бастап адам физиологиясына дейінгі арнайы білімдерді меңгеру.