6B01901 Арнайы педагогика в Қазақ ұлттық қыздар педагогикалық университеті

Пән студенттердің заманауи экологиялық білімі мен мәдениетін қалыптастырады, өмір қауіпсіздігі үшін техникалық құралдар мен технологиялық процестердің қауіпсіздігін арттыру әдістерін қолдану дағдыларын дамытады. Пән әртүрлі деңгейдегі ұйымның экожүйелері қызметінің, тұтастай биосфераның негізгі заңдылықтарын, адам мен табиғаттың өзара қарым-қатынасында туындайтын қайшылықтарды, сондай-ақ табиғат пен экологияға ұқыпты қарау қажеттігін айқындайды

Курсты оқу барысында студенттер медициналық-психологиялық-педагогикалық консультацияларда жұмыс істеуді, баламен психологиялық-педагогикалық жұмыс бағдарламасын әзірлеу кезінде медициналық ұсынымдарды есепке алу дағдыларын меңгереді. Аурулардың, патологиялық процестердің, жай-күйі мен реакциялардың пайда болуының, дамуының және аяқталуының себептерін, механизмдерін, жалпы заңдылықтарын зерделейді және сипаттай алады; оларды анықтау, емдеу және алдын алу принциптерін, әдістерін тұжырымдайды

Курс өз құқықтары мен міндеттерін білетін, сыбайлас жемқорлықтың кез келген көріністеріне төзбейтін заңды сауатты, заңға бағынатын адамды қалыптастыруға бағытталған. Құқықтық және сыбайлас жемқорлыққа қарсы мәдениет Қазақстан Республикасының заңдарын, сондай-ақ сыбайлас жемқорлыққа қарсы заңнаманы және сыбайлас жемқорлық әрекеттері үшін заңдық жауапкершілік мәселелерін зерделеу арқылы дараланады.

Пән студенттердің кәсіпкерлік дағдылары мен іскерлік ойлауын қалыптастыруға бағытталған. Студенттер экономиканың, кәсіпкерлік қызметті жүзеге асыру шарттарын, оның ішкі және сыртқы ортасының заңдылықтарымен жан-жақты танысу арқылы бизнес-жоспар, жеке бизнесті құру және өз бизнесін сәтті жүргізу дағдыларына ие болады.

Пәнді оқу нәтижесінде студент есту, көру, сөйлеу мүшелерінің анатомиялық құрылысы туралы білімдерді; есту, көру және сөйлеу жағдайын анықтау үшін негізгі диагностикалық сынамаларды; есту, көру және сөйлеу мүшелерінің функционалдық бұзылулары мен ауруларының алдын алу әдістерін; шұғыл жағдайларда алғашқы көмек көрсету тәсілдерін меңгереді.

Пәнді игеру арқылы әрбір студент жеке тұлға ретінде көшбасшылық қасиеттерін ашу және дамыту, инновациялық үдерістерден туындаған жаңалықтарға бейімделу дағдыларын дамыту, сонымен бірге ғылыми-техникалық үдерістер нәтижелерін кәсіби қызметінде қолдана алу мүмкіндіктеріне үйренеді. Басқарудағы көшбасшылық қасиеттер мен адами фактордың қазіргі жағдайы мен даму перспективаларын оқып біледі

Эмоционалды интеллект және ұйымдастыру мәдениеті. Эмоционалды интеллекттің топтық көрсеткішітері. Эмоционалды менеджмент. Эмоционалды интеллект және тиімді команда құру. Жеке адамның эмоционалды интеллектін дамыту. Отандық және шет елдік ұйымдарда эмоционалды интеллект енгізудің жүйелі амалдары: жеке адамның мотивациясын орайластыру, топты қалыптастыру тәсілдері, даудамайларды шешу, кері байланыс орнату.

Пән тұлғаның жеке әлеуметтік жауапкершілігін дамытуға және адамның жеке әлеуетін жандандыруға, ерікті және өтеусіз көмек көрсетуге және өзара көмек көрсетуге, азаматтық қоғамның игілігі үшін кең ауқымды қызмет көрсету, басқа да азаматтық шараларды орындауға үйретуге бағытталған. Пән еріктілер қызметінің маңыздылығын аша отырып, бұл қызметтің Қазақстандағы мәселелері мен даму перспективаларын айқындайды.

Пәнді оқу барысында студенттер ұғымдарды, дамудың тарихи аспектісін, психикалық және дене дамуында бұзылулардың теориялық аспектілерін; балалардың топтастырылуын; жалпы білім беретін оқу-тәрбие процесіне баланың ықпалдасуының мүмкіндіктері мен қиындықтарын зерттейді. Курс студенттерді қажетті түзетудің психологиялық-педагогикалық негіздерімен таныстыруды, балаларға арналған әр түрлі ұйымдармен практикалық танысуды көздейді.

Пән, дамуында бұзылыстары бар балалардың психофизиологиялық даму ерекшеліктерін; оларды оқыту мен тәрбиелеудің заңдылықтарын; ақыл-ой және дене дамуының бұзылыстарын жеңуге ықпал ететін жағдайларды зерделеуге бағытталған. Дамуында ерекшеліктері бар балаларға түзету-педагогикалық әсер ету жүйесімен және түзету-педагогикалық үдерістегі арнайы педагогтың рөлімен танысады.

Пән дамуында бұзылыстары бар ерте жастағы балаларды психологиялық және педагогикалық сүйемелдеу саласында зерттеу есептерін қою және шешу үшін арнайы (дефектологиялық), педагогикалық, психологиялық, медициналық-биологиялық әдебиеттерді талдау дағдыларын қалыптастырады. Дамуда онтогенезбен және дизонтогенезбен, ерте жастағы балалардың психологиялық-педагогикалық диагностикасының әдістері мен тәсілдерімен, дамуында бұзылулары бар ерте жастағы балалардың ата-аналарымен жұмыс істеу тәсілдерімен танысады.

«Оқушылардың жас ерекшелік физиологиясы» курсы әр түрлі жас кезеңдеріндегі адам ағзасының мүшелері мен мүшелер жүйесінің қызметін, организмнің даму динамикасы мен механизмдерін, ерекшеліктерін зерттейді. Курсты меңгеру барысында студенттің алған білімдері болашақ мамандардың ғылыми ой-өрісін кеңейтуге, педагогикалық іс-әрекетке дайындығының теориялық және тәжірбиелік білімдерін қалыптастыруға мүмкіндік береді.

Пән студенттердің болашақ педагог мамандығына қызығушылықтарын дамытуға және кейін өзін-өзі жетілдіру мақсатында кәсіби өз бетінше білім алуға ынталандыруға бағытталған. Курс студенттердің педагогикалық үдерісті жоспарлау, болжау, ұйымдастыру, басқару және талдау дағдыларын дамытуға; орта білімнің жаңартылған мазмұны аясында тәрбиелеу мен оқытудың технологиялары мен әртүрлі әдістемелерін меңгеруге бағытталған.

Оқу үдерісін ұйымдастыру және әдістемелік материалдарды әзірлеуге арналған цифрлық технологияларды қолдану дағдыларын қалыптастыруға бағытталған практикалық курс. Курс білім беруді цифрландырудың барлық бағыттарында: білім беру басқармасы мен мекемелерінде компьютерлік бағдарламалар, оқытудың цифрлық технологиясы; АКТ дидактикалық мүмкіндіктері; виртуальды орта және қашықтықтан оқыту технологияларында цифрлық бағдарламалар мен техникалық құралдарды меңгеру дағдыларын қалыптастырады.

Арнайы педагогикалық қызметтің мәні мен ерекшелігін, арнайы мектептегі тәрбие процесін, оның заңдылықтарын, жүзеге асыру принциптері мен әдістерін, тәрбиелеу жүйелері мен тұжырымдамаларын, арнайы мектептегі тәрбие жұмысының мақсаты, мазмұны, құралдары мен әдістемесін зерттейді. Студент арнайы ұйымдарда тәрбие жұмысының әдістері мен тәсілдерін қолдану дағдыларын, ерекше қажеттіліктері бар балаларға түзету-тәрбие көмегін көрсету жолдарын меңгереді.

Білім берудің жаңа парадигмаларын, сондай-ақ қазіргі заманғы тәжірибе әзірлеген тәсілдер мен ұғымдарды зерттейді. Оқу процесін ұйымдастыру туралы түсініктерді қалыптастырады, инклюзия жағдайында ЕБҚ бар балаларды оқыту және тәрбиелеу әдістері туралы білімді меңгереді. Психологиялық-медициналық-педагогикалық консультацияның, оңалту орталығының консультациясының, арнайы мектепке дейінгі ұйымдардың, арнайы мектеп ұйымдарының, психологиялық-педагогикалық түзеу кабинеттерінің жұмысын ұйымдастырудың ерекшеліктерімен танысады.

Ерте жастан көмек көрсету жүйесінің теориялық аспектілерін, ҚР түрлі ұйымдарында ерте араласу технологиясын енгізу тәжірибесін зерттейді. Шетелде көмек көрсету тәжірибесі, ерте араласу бағдарламаларын талдау, Ерекше қажеттіліктері бар балаларға көмек көрсету жүйесіне ерте араласу технологиясы ұсынылған. Ерекше қажеттіліктері бар балалармен ерте жастан көмек көрсету кабинетінде жұмыс істеу дағдысына ие болады.

Білім алушы ерекше білімді қажет ететін балалардың отбасына педагогикалық-психологиялық қолдауды ұйымдастырудың негізгі ерекшеліктерін, заңдылықтарын, принциптерін, әдістерін біледі, ата-аналарға кеңес беру, түзете-дамыту үдерісіне белсенді қатыстырудың педагогикалық өзара әрекеттесу әдістерін және психологиялық әсер ету әдістерін меңгереді

Пәнді оқу барысында студенттер әртүрлі жас кезеңінде дамуында бұзылыстары бар балалардың даму ерекшеліктерін; дамуында ауытқушылыққа әкелетін аурулардың клиникалық көріністерін; психомоторлық дамуында ауытқушылықтың пайда болу тарихы мен патогенезін зерттейді.

Пәнді игеру барысында студент арнайы және инклюзивті білім берудің нормативтік құжаттарының базасын біледі, білім беру саласы, білім беру бағдарламаларының мәні, мазмұны мен құрылымы, қызметті құқықтық реттеу әдістері туралы білімдер жүйесін игереді. Білім беру мекемесінде басқару шешімдерін қабылдайды, кәсіби қызмет саласында ЕҚБ бар адамдарды оқытуды жүзеге асырады.

Инклюзивті білім беру тұжырымдамасы. Шетелде және Қазақстан Республикасында инклюзивті білім беруді дамыту. Ерекше білім беруді қажет ететін жандар үшін оқу іс-әрекетін ұйымдастыру және жоспарлау. Ерекше білім беруді қажет ететін жандарды психологиялық-педагогикалық қолдау бойынша жағдай жасау үшін әртүрлі профильдегі мамандар тобында жұмыс істеу дағдылары. Оқу жоспарларын бейімдеу және инклюзивті оқыту жағдайында репетиторлық практиканы ұйымдастыру.

Пәнді игеру нәтижесінде білім алушы мектеп жасына дейінгі және мектеп жасындағы ЕБҚ оқушыларына арналған білім беру бағдарламаларының дизайнын, жеке және әлеуметтік дамудың негізгі ерекшеліктерін, заңдылықтарын, принциптерін, әдістерін, білім беру және тәрбиелеу түрлерін біледі; оқушылардың жеке ерекшеліктерін анықтау әдістеріне, оқушылардың жеке басы мен қабілеттерін дамытуға қолайлы педагогикалық өзара әрекеттесу әдістеріне және психологиялық әсер ету әдістерін меңгереді

Курс барысында студенттер сөйлеу бұзылысының топтарымен танысады; сөйлеу әрекетінің онтогенезі және дизонтогенезімен; мектеп жасына дейінгі балаларда сөйлеу тілінің бұзылуының таралуы және себептерімен. Логопедиялық жұмыстың негізгі қағидаларын, кәсіби құзыреттілігін және логопед мұғалімінің жеке қасиеттерін меңгереді, сөйлеу бұзылыстарының алдын алуды және мектепке дейінгі ұйымдарда логопедиялық көмекті ұйымдастыруды біледі

Пән инновациялық технологияларды оқу үдерісінде практикалық қолдануды оқытады. Курс білім беру мақсатындағы таксономияның негізінде және білім алушының білім деңгейіне сәйкес оқыту нәтижелерін бағалаудың критерийлері мен формативтік және жиынтық тапсырмаларды әзірлеу дағдыларын қалыптастыра отырып, оқыту нәтижелері мен әдістерінің өзара талаптары мен мақсаттарын үйретеді және бақылаудың рейтингтік жүйесінің тұжырымдамасын ашады.

ЕҚБ балалардың математика мен тілді меңгеру ерекшеліктерін, тіл мен математиканы оқытудың арнайы әдістемесін, арнайы мектепте оқыту кезеңдерін, бағдарламаларды талдауды, қысқа мерзімді және ұзақ мерзімді жоспарлауды құрастыруды және сабақтың мақсатын айқындауды үйренеді. Пән бойынша балалардың жетістіктерін бағалау критерийлерін, ЕҚБ балаларға математика және тіл сабақтарын жоспарлау және өткізу дағдыларын меңгереді.

Зияты зақымдалған балалардағы сөйлеу бұзылыстарының этиологиясы мен патогенезін, зияттың бұзылыстары бар балалардағы әртүрлі сөйлеу патологиялары түрлерінің сараланған диагностикасын, логопедиялық тексерудің ерекшелігін, екіншілік сөйлеу бұзылыстарының кешенді алдын алу әдістерін, зияты бұзылған балалармен және жасөспірімдермен логопедиялық жұмыстың әдістемесі мен ұйымдастырылуын зерделейді.

Пән ғылыми стильдің жанрлық түрлері туралы білімді, кәсіби қызмет саласындағы ақпарат пен материалдарды жинау, сақтау және өңдеудің заманауи әдістерін меңгеруді, сондай-ақ сөйлеу қызметінің төрт түрін (оқу, сөйлеу, жазу, тыңдау) академиялық қарым-қатынас жасау мақсатында білігі мен дағдыларын қалыптастырады.

Мультимедиялық құралдар мен ілеспе технологиялардың түрлері мен формалары. Түзету практикасында қолданылатын негізгі компьютерлік бағдарламалардың құрылғысы және мақсаты. Компьютерлік бағдарламалардың ерекше қажеттіліктері бар баланың орталық жүйке жүйесіне әсер етуінің психологиялық механизмдері. Оқытудағы ақпараттық-коммуникациялық технологиялардың функциялары. Ақпараттық және коммуникациялық технологияларды қолдану.

Курс болашақ маманның кәсіби қызығушылықтары саласында ғылыми-зерттеу компоненттерін дамытуға бағытталған. Пән студенттердің ғылыми әдебиеттермен жұмыс істеу, зерттеуді ұйымдастыру және жүргізу (таңдалған облысқа сәйкес), ғылыми эксперименттер жасау, зерттеу нәтижелерін академиялық сипатта сауатты рәсімдеу және оларды көпшілік алдында таныстыра білу дағдыларын қалыптастырады.

СТЖД кезіндегі логопедиялық жұмыстың принциптері, міндеттері мен әдістерін; сөйлеу әрекетінің нормативтік және патологиялық дамуының негізгі көрсеткіштерін; диагностикалық және түзету жұмыстарының әдістері мен алдын алу шаралары жүйесіндегі негізгі бағыттарды; логопедиялық жұмыстың негізгі кезеңдері мен мазмұнын; ғылыми білімнің қазіргі жағдайын және СТЖД түзету бойынша жұмыс технологиясы саласындағы оның даму перспективаларын зерттейді.

Психотерапияның негізгі түрлерін, нысандарын және заманауи модельдерін меңгереді; музыкалық терапияның, ертегі терапияның, арт-терапияның мақсатын, міндеттерні және негізгі әдістерін біледі. ЕБҚ балаларға арт-терапиясын,музыкалық терапиясын, ертегі терапиясын қолдана отырып, психологиялық көмек көрсетудің негізгі кезеңдері мен рәсімдерін меңгереді. Психотерапияның теориялық және әдіснамалық тәсілдері мен заманауи даму тенденцияларын арнайы педагогикада қолдану дағдыларын игереді.

Курсты оқу барысында студенттер сөйлеу екпіні мен ырғақтылығы бұзылған балалардың жас және жеке ерекшеліктерін ескере отырып, іс-әрекеттік, құзіреттілік, жеке даралық тұрғыларды жүзеге асырудың қазіргі заманғы педагогикалық технологияларын меңгереді. Сөйлеудің екпіні мен ырғақтылығының бұзылу тетіктері мен белгілерін зерттейді. Тұтықпаны, тахилалия мен брадалалияны түзету кезіндегі логопедиялық жұмыстың қазіргі заманғы технологияларын меңгереді.

Пәнді оқу барысында студенттер дислалияның, ринолалияның, дизартрияның және дауыс бұзылуының әртүрлі түрлерін даралап диагностикалауды меңгереді; дислалия, ринолалия, дизартрия және дауыс бұзылыстары бар балалармен логопедиялық жұмыстың әдістері мен тәсілдерін даралап таңдауды жүзеге асырады. Дислалияны, дизартрияны, ринолалияны түзету кезінде логопедиялық жұмыстың практикалық дағдыларын меңгереді

Психикалық дамуының жалпы және ерекше заңдылықтарын; ПДТ бар балалардың психикалық дамуын зерттеу әдістерін оқытады. ПДТ бар мектеп жасына дейінгі және мектеп жасындағы балалармен түзету жұмыстарын ұйымдастыру және жоспарлау дағдыларын меңгереді; ПДТ бар балалармен жұмыстың ерекше тәсілдерін меңгереді

Эмоциялық ерік-жігер саласының бұзылуының қалыптасуы мен динамикасына негіз болып табылатын тетіктердің мәнін; психикалық және мінез-құлықтық бұзылулардың белгілерін; дамудың ауытқуы феноменінің мәнін зерттейді. Студент эмоциялық ерік-жігер саласы бұзылған адамдарға психологиялық-педагогикалық диагностика және түзету-педагогикалық жұмыс жүргізу дағдыларын меңгереді

Ерекше қажеттіліктері бар балаларды әлеуметтік-тұрмыстық бағдарлау жұмысының мақсаты мен міндеттерін; әлеуметтік-тұрмыстық бағдарлау бойынша сабақтар жүйесін; ерекше қажеттіліктері бар балалардың әлеуметтік-тұрмыстық бағдарын қалыптастыру әдістемесін зерттейді. ӘТБ бойынша сабақ өткізу дағдыларын меңгереді.

Пәнді оқу барысында студенттер баланың даму ерекшеліктерін, психикалық жағдайын объективті бағалау тәсілдерін біледі. Психологиялық түзету жұмысының әртүрлі әдістерін; психокоррекциялық бағдарламаларды әзірлеу технологияларын; дамуында ерекшеліктері бар балалардың түрлі топтарын, психокоррекциялық жұмыстың мақсаттары, міндеттері, негізгі әдістері, нысандарын; психологиялық диагностика технологиялары, психотерапия әдістерін қолдана алады

Курс аясында студенттер кәсіптік қызметте зерттеу есептерін құру және шешу мақсатында арнайы, педагогикалық, психологиялық, лингвистикалық, медицина-биологиялық білім салаларының жағдайын зерттейді. Сөйлеу бұзылыстары бар тұлғалардың психологиялық ерекшеліктерін; танымдық, эмоционалды-ерікті салаларындағы бұзылулардың себептерін, механизмдерін, симптоматикасын, құрылымын; сөйлеу дамуындағы бұзылыстары бар балалардың тұлғааралық қарым-қатынасының ерекшеліктерін зерттейді.

Арнайы психологияның негізгі түсініктерін, адамның танымдық және тұлғалық дамуының заңдылықтарын, фактілерін, феномендерін, арнайы психологияның теориясы мен тұжырымдамасын, психологиялық зерттеу мен тексерудің ерекше әдістерін, арнайы психологиялық білімнің практикалық қосымшаларының негізгі салаларын, арнайы психологтың жобалаудың кешенді мәселелерін шешудегі функцияларын, әртүрлі деңгейдегі білім беру ортасын сараптау мен түзету және психологиялық көмекті ұйымдастыруды үйренеді.

Пәнді оқу барысында студенттер арнайы білім беру ұйымдарында ерекше білім беруге қажеттілігі бар балалармен логопедтің пәнаралық жұмысының дағдыларын меңгереді. Келесі тақырыптар қарастырылады: пәнаралық байланыстардың тарихи саласы; пәнаралық байланыс – ерекше қажеттіліктері бар балаларды оқыту мен тәрбиелеудегі кешенділік ретінде; болашақ логопед-мұғалім меңгеруге тиісті болатын жалпы ғылыми және жалпы кәсіби құзыреттіліктер арасындағы тығыз байланыстың қажеттілігі.

Курсты оқу барысында студенттер сенсорлық кіріктіру әдісінің мәнін және оның мидың интегративті қызметін дамыту үшін маңызын; функционалды жүйелер мен тұтас ағза деңгейіндегі компенсаторлық процесстер туралы ережені біледі. Ерекше қажеттіліктері бар балалармен сенсорлық интеграция тәсілдерін қолдану дағдыларын меңгереді

Олигофренопедагогиканың ғылым ретінде қалыптасуы мен дамуының тарихи аспектісі. Олигофренопедагогиканың объектісі, пәні, пәні, міндеттері. Олигофренопедагогикадағы зерттеу әдістері. Ақыл-ой кемістігі, психикалық дамуы тежелген балалардың санаттары. Интеллектісі бұзылған балаларға арналған арнайы (түзету) мектеп оқушыларын оқыту және тәрбиелеу әдістемесі. Олардың бұзылған функцияларына түзету әсерінің құралдары мен әдістері.

Пәнді игеру нәтижесінде студент АСБ бар балаларды тәрбиелеудің теориялық және әдіснамалық негіздерін, түзете-дамытудың заманауи технологиялары мен ата-аналармен және басқа мамандармен өзара әрекеттесудің негізгі бағыттарын, формаларын біледі; балаға психологиялық көмек көрсету саласында диагностикалық, кеңестік және психокоррекциялық жұмыстарды ұйымдастыру; жалпы психологиялық климатты оңтайландыру бойынша арнайы жұмыстарды ұйымдастыру және жүргізу, дағдыларын меңгереді

Адамның жоғары психикалық функцияларын және олардың дамуын зерттейді. Бұзушылықтың түрлері мен ерекшеліктері. Пән мазмұны қазіргі нейропсихологияның маңызды теориялық ұстанымдарын, балалардағы жоғары психикалық функциялардың, соның ішінде сөйлеудің бұзылуын диагностикалау мен түзетуді жетілдіру әдістерін қамтиды

Пән сабақтың 7 модульге сәйкестігін кешенді бағалауға бағытталған. Ол келесі дағдыларды қалыптастырады: - оқытудың жаңа тәсілдерін қолдану; - сыни ойлау; - оқытуды бағалау; - дарынды және талантты балаларды оқыту; - білім беру ақпараттық-коммуникациялық технологияларын қолдану; - оқушылардың жас ерекшеліктеріне сәйкес оқу қызметін модельдеу; - білім берудегі басқару және көшбасшылық.

Пән студенттерді арнайы мектепте оқытылатын негізгі пәндердегі сабақтың ерекшеліктерімен таныстырады (көркем өнер жұмысы және сыртқы әлеммен танысу); мектеп оқушыларымен түзету жұмыстарын жүргізудің дәстүрлі және кейбір инновациялық әдістерін ұсынады, қысқаша нұсқаулардан тұрады. Келесі тақырыптар қарастырылады: сабақты ұйымдастыру, жоспарлау және өткізу формалары

Психодиагностикалық процесстің теориялық-әдіснамалық негіздерін, дамуында ерекшеліктері бар балаларды оқытуды ұйымдастыру мен әдістемелік қамтамасыз етудің қазіргі заманғы тәсілдерін, ерекше қажеттіліктері бар балалардың түрлі санаттарымен жүргізілетін диагностикалық жұмыстың ерекшеліктерін, психодиагностикалық әдістемелерді және талдау жолдарын зерттейді. Дамуы бұзылған баланы тәрбиелеп отырған отбасымен кеңес беру жұмысының тәсілдері мен дағдыларын меңгереді

Бұл студенттердің жүйелік сипаттағы сөйлеу тілі бұзылған жағдайда және диагностикалық негізде оқу, жазуды бұзу, сөйлеу терапиясы бойынша жұмысты жоспарлау, әдіс-тәсілдер мен әдістерді таңдау және енгізу қабілеттерін қалыптастырады. Сөйлеу бұзылыстарын түзету және қалпына келтіру құралдарын, оқу, жазу бұзылған жүйелік сипаттағы сөйлеу бұзылыстарының көріністерін қалыптастырады

Кәсіби қызметті арнайы және инклюзивті білім беру саласындағы ҚР нормативтік-құқықтық құжаттарына сәйкес жүзеге асырады

Пәндік салада зерттеу нәтижелері мен академиялық жазбаны, оның ішінде шетел тілінде, таныстыра алатын, ғылыми-зерттеу жұмыстарын жүргізе алатын дағдыларды меңгерген

Білім беруде ерекше қажеттіліктері бар оқушының денсаулығын сақтау мен нығайтуға, психикалық дамытуға және жеке тұлғасын қалыптастыруға бағытталған білім беру тапсырмаларының дәйектілігін құрастырады

Жаңартылған мазмұнды ескере отырып, білім алушылардың психофизиологиялық, жас ерекшеліктері мен жеке білім беру қажеттіліктерін ескере отырып, білім беру-түзету, тәрбие процесін жобалайды

Ой-өрісі кең және ойлау мәдениеті жоғары білімді тұлғаны қалыптастыруға ықпал ететін базалық білімді меңгерген

Білім берудің барлық деңгейлерінде оқытудың интеграциясы мен сабақтастығы принциптерін ескере отырып, арнайы және инклюзивті білім беру саласындағы педагогикалық, оқу-ағарту жұмыстарын жүргізеді

Инновациялық және волонтерлік қызметке дайын, жаһандық проблемаларға бей-жай қарамайтын және икемді дағдылары бар (Soft skills), ұлттық рухта тәрбиеленген іскерлік және құқықтық мәдениетті түсінеді.

Білім беруде ерекше қажеттіліктері бар баланың жалпы және ерекше заңдылықтары мен даму ерекшеліктеріне сәйкес келетін АКТ, инновациялық технологиялар негізінде оқу-түзету, логопедтік қызметті ұйымдастырады

Білім алушылардың жас кезеңдері ерекшеліктерін ескере отырып, жаңартылған жүйедегі педагогикалық процессті жүзеге асыра алатын негізгі білім мен дағдыларды, сонымен қатар цифрлық білім беру технологиясын қолдану дағдыларын меңгерген

Білім беруде ерекше қажеттіліктері бар балалардың потенциалды мүмкіндіктері мен осы кездегі жағдайын, бұзылыс құрылымын ескере отырып жұмысты жоспарлай алады

Білім беруде ерекше қажеттіліктері бар балалармен медициналық-психологиялық-әлеуметтік-педагогикалық жұмысты модельдеудің, болжаудың, диагностикалаудың теориялық негіздері мен технологияларын меңгереді