6B01507 Химия - Биология мұғалімін даярлау в ОҚМПУ

Пәндер

• Бейорганикалық химия

  Оқу курсы химияның негізгі ұғымдары мен заңдарын, Зат құрылысы теориясын, периодтық заңын, термодинамика және кинетика негіздерін, ерітінділер мен электрохимиялық процестердегі заттардың негізгі заңдылықтарын қарастырады. Ғылыми-зерттеулерде модельдеуді қолдану, есептерді шешуде ЦБР-ды пайдалану, тұлғааралық қарым-қатынаста коммуникативтілік, ақпараттық мәдениет көрсету және пәнаралық білімдерді интеграциялау жолдары сипатталады.

  Оқу жылы - 1
  Семестр - 1
  Несиелер - 8
  

• Мамандыққа кіріспе

  Мамандыққа кіріспе жоғары білімнің жұмыс істеуінің жалпы принциптері, оның нормативтік-құқықтық базасы, жоғары оқу орындарында оқу процесін ұйымдастыру туралы білім жүйесін құрайды, сонымен қатар студенттерді болашақ мамандықтың теориялық негіздерімен, оның қоғамдағы орны мен оны игеру құралдарымен таныстырады, студенттерге оқу пәнін игерудің перспективаларын ашады.

  Оқу жылы - 1
  Семестр - 1
  Несиелер - 5
  

• Ботаника

  Өсімдіктердің құрылысы, дамуы, классификациясы, таралуы, табиғаттағы маңызы, таксономиялық категориялары, жеке және эволюциялық дамуы барысында қалыптасу процесі мен заңдылықтары қарастырылады. Өсімдіктер дүниесінің қазіргі жағдайы мен мәселелері, биологиялық теориялар мен базалық түсініктерді білу, негізгі концепциялар мен даму перспективаларын меңгеру, тірі организмдердің түрлері, құрылысы мен тіршілік әрекеті, далалық бақылауды ұйымдастыру жолдары сипатталады.

  Оқу жылы - 1
  Семестр - 2
  Несиелер - 5
  

• Элементтер химиясы

  Периодтық жүйенің химиялық элементтерінің қосылыстарын қарастырады: ядро заряды, атомдардың электронды формулалары, валенттілік, химиялық байланыс, тотығу күйі, радиус, химиялық қасиеттер, топ пен периодтың өзгеру сипаттамалары, есептерді шешу. Теориялық білімді практикада қолдану, химияның ғылымдағы рөлі, орны, жобалық жұмыстарды орындаудағы коммуникативтілік, пәнаралық білімді интеграциялау сипатталған.

  Оқу жылы - 1
  Семестр - 2
  Несиелер - 6
  

• Зоология

  Пән жануарлар дүниесінің алуан түрлілігін, филогениясын, ұйымдасуын, экологиясын, негізгі таксондарының практикалық маңызын, материалистік жаратылыстану-ғылыми дүниетанымды қалыптастыруды, жануарлар патшалығының мегасистемасының қазіргі жағдайы мен мәселелерін қарастырады. Жүйелі ойлау негізінде білімді практикада қолдану, комуникативтілігі мен ақпараттық мәдениетін көрсету, пәнаралық білімдерді интеграциялау жолдары сипатталады.

  Оқу жылы - 2
  Семестр - 1
  Несиелер - 5
  

• Сапалық анализ

  Периодтық жүйедегі элементтер иондарының және олардың химиялық қосылыстарының қасиеттері мен сапалық сипаттамалары қарастырылады. Химиялық қосылыстар, шикізат пен өндірістік өнімдердің заманауи зерттеу әдістерін қолдану, мәселенің шешімін талдау, пәнаралық білімдерді интеграциялау, ақпараттық мәдениет көрсету жолдары сипатталады.

  Оқу жылы - 2
  Семестр - 1
  Несиелер - 7
  

• Жасерекшелік психологиясы

  Пәнді оқыту барысында әр түрлі мектеп жасындағы балалардың өз жас ерекшелігіне сай психикалық даму өзгешеліктері психологияның сан алуан әдістерін қолдану арқылы айқындалып қарастырылады. Сонымен қатар, мектепке дейінгі жас бастауыш сынып оқушылары, жеткіншектік кезең мен жасөспірімдік шақтағы балалардың психикалық қасиеттерінің қалыптасу жолдары айқындалады.

  Оқу жылы - 2
  Семестр - 1
  Несиелер - 4
  

• Оқушылардың физиологиялық дамуы

  Оқушылардың физиологиялық тұрғыдан даму заңдылықтарының негізінде балалар мен жасөспірімдердің анатомия-физиологиялық ерекшеліктеріне, жеке басының қалыптасуына, денсаулығын сақтауға, нығайтуға қатысты мәселелер қарастырылады. Оқушылардың қабілеттерін айқындау мен дамыту, оқытушы мен оқушы арасындағы қарым-қатынасты бекіту біліктілігін қалыптастырудың және балалардың денсаулығын қорғау, дене шынықтыру, еңбекке баулу жұмыстарын ұйымдастырудың әдіс-тәсілдері сипатталады.

  Оқу жылы - 2
  Семестр - 1
  Несиелер - 3
  

• Сандық анализ

  Химиялық қосылыстардағы еріткіштер, қатты үлгілердегі әртүрлі компоненттердің сандық құрамын анықтау, экспериментальды жұмыстарды жүргізу, титрлеу, нақты аспаптарда жұмыс істеу қарастырылады . Химиялық қосылыстар, шикізат пен өндірістік өнімдердің заманауи зерттеу әдістерін қолдану, мәселенің шешімін талдау, пәнаралық білімдерді интеграциялау, ақпараттық мәдениет көрсету жолдары сипатталады.

  Оқу жылы - 2
  Семестр - 2
  Несиелер - 6
  

• Адам және жануарлар физиологиясы

  Тірі организмдегі тіршілік процестерінің негізгі заңдылықтары туралы білім жүйесін қалыптастыру. Тірі организм және оның жүйелерінің қасиеттері, организмдегі жүйелердің негізгі принциптері туралы түсінік. Курс биологиялық процестер мен жануарлар мен адамдардың әртүрлі жүйелері мен мүшелерінің жұмысының физиологиялық механизмдерінің негізін құрайды.

  Оқу жылы - 2
  Семестр - 2
  Несиелер - 6
  

• Педагогика және тәрбие жұмысының әдістемесі

  Пән педагогикалық ғылымның метапәндік идеялары негізінде оқу-тәрбие үдерісінің білімі мен түсінігін, тәрбие жұмысының формаларын, әдістерін, құралдарын тәжірибеде қолдануды зерттейді. Кәсіби міндеттерді шешу жолдары, оқу-тәрбие процесінің ғылыми әдістерін меңгеру, пәнаралық білімдерді кіріктіру, Қазақстан Республикасындағы қазіргі білім беру тұжырымдамалары, мектеп пен сыныптың тәрбие жүйесі және тәрбие жұмысының диагностикасы сипатталған.

  Оқу жылы - 2
  Семестр - 2
  Несиелер - 5
  

• Жасуша биологиясы

  Пәннің мазмұны студенттерде жасушаның құрылысы мен физиологиясының негізгі заңдылықтары, ағзадағы негізгі ұлпалар жүйесі мен жіктелуі туралы түсініктерді қалыптастырады. Жасушаның биология ғылымдарындағы орны мен рөлін дәйектеу және жоба бойынша жұмыстарын орындауда коммуникативтілік, ақпараттық мәдениет көрсету сипатталады. Пәнаралық білімдер интеграцияланады.

  Оқу жылы - 2
  Семестр - 2
  Несиелер - 5
  

• Алифатты қосылыстардың органикалық химиясы

  Органикалық қосылыстардың жіктелуі, Бутлеровтың химиялық құрылыс теориясы, номенклатурасы, изомериясы, түрлі кластарының химиялық қасиеттері, реакция механизмдері, қолданылуы қарастырылады. Теориялық білімдерді практикада қолдану, мәселенің шешімін талдау, химияның нақты өмірдегі орны мен рөлін дәйектеу, пәнаралық білімдерді интеграциялау жолдары сипатталады.

  Оқу жылы - 3
  Семестр - 1
  Несиелер - 7
  

• Өсімдіктер физиологиясы

  Пән өсімдіктердің функционалдық белсенділігінің негізгі заңдылықтарын, су тепе- теңдігін сақтау, фотосинтез, тыныс алу, қоректену ерекшеліктерін, өсімдіктердің қозғалысын, өсу мен дамуын қарастырады. Өсімдіктердің тіршілік әрекеті туралы негізгі базалық түсініктерді, ғылыми ақпараттарды іздестіруді меңгеру, оларда жүретін физиологиялық процестердің механизмін білу, ғылыми зерттеу жұмыстарының нәтижелерін практикада қолданукөзделеді.

  Оқу жылы - 3
  Семестр - 1
  Несиелер - 6
  

• Химиядан типтік есептер шығару

  Мектеп химиясының оқулығында қарастырылатын химиялық есептерді шешудің әдіс-тәсілдері, есеп құрастыру жолдары мен бағалау критерийлері және оларды практикада дидактикалық материалдар ретінде қолдану жолдары қарастырылады. Есептерді шешуде теориялық білімді практикада қолдану, ЦБР-ды пайдалану, жоба жұмыстарын орындауда коммуникативтілік, ақпараттық мәдениет көрсету және пәнаралық білімдерді интеграциялау жолдары сипатталады.

  Оқу жылы - 3
  Семестр - 1
  Несиелер - 6
  

• Химия-биологияны оқыту әдістемесі

  Пән, химия-биологияны мектепте оқыту мақсаты мен міндеттерін, ұстанымдарын, әдістерін, қалыптары және мазмұнын, ұғымдарды қалыптастыру, есеп шығаруға үйрету, сабақты және сыныптан тыс жұмыстарды ұйымдастыру мен өткізу, бейіндік оқыту, білімін практикада қолдану мәселелерін қарастырады. Сабақ жоспарын жасау, пәнаралық білімдерді интеграциялау, ақпараттық мәдениет көрсету, инклюзивті білім беруде инновациялық әдістерді қолдану жолдары сипатталады.

  Оқу жылы - 3
  Семестр - 1
  Несиелер - 6
  

• Инклюзивті білім берудегі арнайы педагогикалық технологиялар

  Инклюзивті білім беру жүйесінің негізгі ұғымдары, білім беру қызметінде инклюзивті білім берудің ерекшеліктері, пәнаралық білімді интеграциялай білу, инклюзивті білім беру жағдайында, оқу-тәрбие процесінде баланы әлеуметтік қорғау, әлеуметтік-психологиялық кеңес беру, диагностикалау, коррекциялаудың әдістері қарастырылады, инклюзивті білім беру тәжірибесінде, даулы жағдайларда туындаған проблемаларды шешудің креативтілігін бағалай білу сипатталады

  Оқу жылы - 3
  Семестр - 2
  Несиелер - 5
  

• Генетика

  Генетика – тірі материяның екі іргелі қасиеттерін, яғни тұқымқуалаушылық пен өзгергіштікті зерттейтін біріктіруші биологиялық пән. Генетиканың интеграциялаушы рөлі, ол – тірі материяның әмбебап қасиеттерін ағзаның барлық ұйымдасу деңгейлерінде және барлық таксономиялық топтарында зерттейді. Ғылыми зерттеулерде модельдеу, инновациялық технологияларды қолдану, проблемаларды шешудің креативтілігін бағалау және білімін практикада қолдану сипатталады.

  Оқу жылы - 3
  Семестр - 2
  Несиелер - 6
  

• Циклді қосылыстардың органикалық химиясы

  Циклді қосылыстардың алифатты органикалық қосылыстармен химиялық қасиеттерін, құрылысын байланыстыратын жалпы заңдылықтарды, номенклатурасын, изомериясын, түрлендіру жолдарын, реакция механизмдерін қарастырады. Реакциялық тұжырымдарын дәлелді ой-қорытулар жасауда сыни тұрғыдан қарау негізінде білімін практикада қолдану, мәселенің шешімін талдау, химияның нақты өмірдегі орны мен рөлін дәйектеу, пәнаралық білімдерді интеграциялау жолдары сипатталады.

  Оқу жылы - 3
  Семестр - 2
  Несиелер - 5
  

• Биохимия

  Биохимия тірі организмдердің химиялық құрамын, ақуыздардың, нуклеин қышқылдарының, көмірсулардың, липидтердің тіршілік әрекетін, құрылымын, қасиеттерін, организмдегі химиялық түрленуді, тіршілік әрекетінің физика-химиялық негіздерін қамтамасыз ететін химиялық процестерді анықтайды. Теориялық білімді практикада қолдану, мәселені шешуді талдау, химияның нақты өмірдегі рөлі мен орнын, пәнаралық білімді біріктіру жолын дәлелдеу сипатталады.

  Оқу жылы - 3
  Семестр - 2
  Несиелер - 6
  

• ЖМҚ химиясы

  Бірнеше мыңнан бірнеше (кейде көп) миллионға дейінгі молекулалық салмақпен сипатталатын жоғары молекулалық қосылыстарды (полимерлерді) зерттейді. Жоғары молекулалық қосылыстардың (макромолекулалардың) молекулаларына химиялық байланыстармен байланысқан мыңдаған атомдар кіреді. Шығу тегі бойынша жоғары молекулалық қосылыстар табиғи немесе биополимерлерге (мысалы, белоктар, нуклеин қышқылдары, полисахаридтер) және синтетикалық (мысалы, полиэтилен, полистирол, фенол-альдегидті шайырлар) бөлінеді.

  Оқу жылы - 3
  Семестр - 2
  Несиелер - 5
  

• Бағалаудың заманауи технологиялары

  Пән бағалау саласында қолданылатын соңғы әдістер мен тәсілдерді зерттеуге бағытталған. Сондай-ақ білім беру, психология, әлеуметтік педагогика сияқты әртүрлі салалардағы бағалауға қатысты аспектілерді қамтиды. Бағалау қағидалары мен теорияларын, бағалау әдістері мен құралдарын, бағалау деректерін талдауды және әділдікті қамтамасыз ету, біржақтылыққа жол бермеу, тест тапсырушының құпиялығын қорғау және бағалау әдістерінде адалдықты сақтау сияқты бағалауға қатысты этикалық мәселелер мен нұсқауларды зерттеуді үйренеді.

  Оқу жылы - 3
  Семестр - 2
  Несиелер - 5
  

• Физикалық және коллоидты химия

  Химиялық реакцияның жылдамдығы, химиялық тепе-теңдік, термодинамика заңдары, электролит ерітінділері, электролиз, металдардың коррозиясы, дисперсиялық жүйелердегі беттік құбылыстары, түзілу теориясы, коагуляция қарастырылады. Физколлоидтық химияның тұжырымдарына дәлелді ой-қорытулар жасауда сыни тұрғыдан қарау негізінде білімді практикада қолдану, мәселенің шешімін талдау, химияның нақты өмірдегі орнын, рөлін дәйектеу, пәнаралық білімдер интеграциялау жолдары сипатталады.

  Оқу жылы - 4
  Семестр - 1
  Несиелер - 6
  

• Қаржылық сауаттылық

  «Қаржылық сауаттылық»– курсы кірісті және отбасылық бюджетті, несие алу, инвестициялау, сақтандыру, зейнетке шығу және салық төлемдерін жоспарлау арқылы қаржылық қауіпсіздікке қолжеткізу және риск-менеджментті үйрету.

  Оқу жылы - 4
  Семестр - 1
  Несиелер - 5
  

• Химия-биологияны оқытудың инновациялық технологиялары

  Мектептегі химия, биологияны оқытудағы заманауи инновациялық педагогикалық технологияларға сипаттама беру және оларды жүзеге асырудағы ерекшеліктер. Химияны оқытудағы инновациялық технологиялардың вариативтілік ауқымын көрсету және инновациялық қызметтегі психологиялық кедергілер мәселелерін талқылау; болашақ педагогикалық қызмет үдерісінде қолданылатын химия бойынша тақырыптарды таңдау; ҚР және дамыған шет елдердегі білім беру саласындағы инновациялық технологияларды салыстыру; химия және биология пәндері бойынша ашылған тақырыптың мақсаттары мен міндеттеріне қол жеткізуде ең тиімді және қолайлы технологияның көптеген нұсқаларын талдауын сипаттайды.

  Оқу жылы - 4
  Семестр - 1
  Несиелер - 5
  

• Химиялық экология

  Табиғи ортадағы химиялық айналымды, ластануды, ескерту жолдарын, "жасыл химия" принциптерін, қалдықсыз және қалдықсыз технологияларды, атмосферада, гидросферада, топырақ ортасында өмір сүретін организмдердің әртүрлілігін, табиғатты қорғау жолдарын қарастырады. Химиялық-экологиялық зерттеулерді практикалық қолдану жолдары, тұжырымдарды талдау, химияның нақты өмірдегі орны мен рөлін дәлелдеу, пәнаралық білімді интеграциялау, ақпараттық мәдениетті қамтамасыз ету жолдары сипатталады.

  Оқу жылы - 4
  Семестр - 1
  Несиелер - 6
  

• Экономика және кәсіпкерлік негіздері

  Экономика мен бизнес салаларына қатысты негізгі ұғымдар мен олардың арасындағы байланыстар қарастырылады. Кәсіпкерлік, көшбасшылық және инновациялық дағдыларды меңгеруде заңнамалық және тұжырымдамалық құжаттарды талдау мен қолданудың әдіс-тәсілдері сипатталады.

  Оқу жылы - 4
  Семестр - 1
  Несиелер - 5
  

• Экология және өмір қауіпсіздігі

  Пән қоршаған орта жағдайының өзгеруін бақылау, бағалау және болжау туралы білім береді. Табиғи тұрақтылықтың өзгеру себептерін, табиғи жүйенің біртұтастығы мен құрылымын және қоршаған ортаны қорғау шараларын қарастырады. Азаматтық қорғаныс ұйымының атқаратын жұмыстарымен, зақымдану ошағы және улы заттардың ерекшеліктерімен танысады. Пәннің нақты өмірдегі орнын мен рөлін дәйектеу, пәнаралық білімдерді интеграциялау сипатталады.

  Оқу жылы - 4
  Семестр - 1
  Несиелер - 5
  

• Микробиология және вирусология

  Микробиология және вирусология негіздері пәні негізігі білімді және кәсіби құзыреттілікті қалыптастырып, прокариотты және эукариотты микроорганизмдермен вирустар әлемінің морфологиясын, құрылысын, құрылымдарын, атқаратын қызметтерін, классификациясын зерттейтін ілім. Сонымен бірге, курс барысында бактерия жасушаларының морфо-физиологиясы мен құрылымдық компоненттері және вирустардың классификацияануы, ультрапаразиттік тіршілік жасауы, репродукциялық кезеңдердің заңдылықтары қарастырылады.

  Оқу жылы - 4
  Семестр - 1
  Несиелер - 6
  

• Химияны оқытуда компьютерлік технологияларды қолдану

  Химияны оқытуда компьютерлік технологияларды қолдану компьютерлік технологияда студенттерді сапалы жаңа деңгейде оқыту үшін таусылмайтын мүмкіндіктер бар екендігіне байланысты. Олар студенттердің жеке басын дамытуға және олардың қабілеттерін жүзеге асыруға кең мүмкіндіктер береді. Компьютерлік технологиялар химияны оқуға деген ынтаны едәуір арттырады, оқытудың Даралану деңгейін арттырады, оқу процесін күшейтеді және т. б.

  Оқу жылы - 4
  Семестр - 1
  Несиелер - 5
  

• Құқық және сыбайлас жемқорлыққа қарсы мәдениет негіздері

  ҚР құқықтық жүйесі және заңнамасы, мемлекеттік-құқықтық және конституциялық дамуы, сыбайлас жемқорлыққа қарсы мәдениет негіздері, академиялық адалдық қағидаттарына қатысты негізгі ұғымдар мен олардың арасындағы байланыстар қарастырылады.

  Оқу жылы - 4
  Семестр - 1
  Несиелер - 5
  

• Ғылыми зерттеулердің әдістері

  Зерттеу барысында отандық және шетелдік ғалымдардың заманауи жетістіктері негізінде ғылыми зерттеулерді жүргізудің негізгі теориялық ережелері, технологиялары, операциялары, практикалық әдістері бойынша білім алуға мүмкіндік береді ғылыми зерттеу тақырыбын таңдау, ғылыми ізденіс, талдау, эксперимент, деректерді өңдеу, ақпараттық технологияларды пайдалана отырып, негізделген тиімді шешімдерді алады

  Оқу жылы - 4
  Семестр - 1
  Несиелер - 5
  

• Молекулалық биология

  Молекулалық биология - бұл ағзаның тіршілік етудегі молекулалық негіздерін, зерттеулердің негізгі бағыттарын, генетикалық ақпараттарды сақтау механизмдерін, оларды іске асыру және тарату жолдарын қарастырады. Молекулалық биологияның қазіргі заманғы жетістіктері мен даму перспективаларын, ғылыми зерттеулерде модельдеу, инновациялық технологияларды қолдану, проблемаларды шешудің креативтілігін бағалау және білімді практикада қолдану сипатталады.

  Оқу жылы - 4
  Семестр - 1
  Несиелер - 4
  

Профессии

Оқыту нәтижелері

• инновациялық технологияларды оқытудың мақсат-міндеттеріне және оқушылардың дара ерекшеліктеріне сәйкес жіктейді;
• химия мен биология бойынша ғылыми жұмыстарды жүргізу кезінде ғылыми зерттеу әдістерін және академиялық жазбаларды пайдаланады;
• пәнді оқытуда АКТ-ны пайдалана отырып, білімгерлердің жеке қызығушылығына сәйкес оқу процесін ұйымдастырады;
• химиялық теорияларды дәлелдеу мен ой-қорытулар жасауда, есептер шешуде сыни тұрғыдан жүйелі ойлау негізінде білімін практикада қолданады;
• Саладағы мета-пәндік идеяларға негізделген химия-биология заңдарын тұжырымдайды;
• оқу үдерісінде критериалды бағалау, диагностикалау, қысқа мерзімді оқу бағдарламаларын әзірлеу технологияларын жоспарлайды;
• танымдық, кәсіби және ғылыми зерттеулерде модельдеуді қолдану негізінде мәселелерді шешу жолдарын талдайды;
• тұлғааралық қарым-қатынаста коммуникативтілігін, командада жұмыс істеу дағдыларын және академиялық адалдық мәдениетін көрсетеді
• технологияларды қолдану мен инклюзивті білім беру тәжірибесінде, даулы жағдайларда туындаған проблемаларды шешудің креативтілігін бағалайды;
• оқушының тұлғалық дамуын қалыптастыруда, өмір бойы білім алуда пәнаралық білімді интеграциялайды;

Ұқсас БББ