7M04201 Құқықтану в Манаш Қозыбаев атындағы Солтүстік Қазақстан мемлекеттік университеті

Білім алушы академиялық адалдық, ғылыми аргументация принциптерін біледі; жазбаша коммуникацияның қазіргі заманғы нормаларын ескере отырып академиялық мәтін жасайды; ақпаратты өңдеу және түсіндірудің заманауи әдістерін пайдалана отырып, көздермен жұмыс істейді, өз көзқарасын ұсынады, негіздейді; академиялық жазбаша жұмысты бағалау критерийлерінің жүйелерімен жұмыс істейді; өзінің кәсіби саласында кәсіби құжаттарды, мақалалар мен мәтіндерді сауатты жазу талаптарын ескере отырып мәтіндер жасайды.

Пән құқықтық пәндерді оқыту әдістемесінің ерекшеліктерін, құқықтық пәндерді оқытудың академиялық әдістерін, олардың проблемалық дәріс, дәріс-кеңес, дәріс – пресс-конференция және т.б. түрлерін, сонымен қатар дәрістік сабақтарда зейінді белсендіру тәсілдерін, сабақ өткізудің семинарлық түрлерін, құқықтық терминдерді баяндау және меңгеру әдістемесін, оқытудың белсенді және интерактивті әдістерін оқытады.

Пән психологиядағы қазіргі концепцияларды, ұйымдарды басқару принциптерін, басқарушылық шешімдерді қабылдаудың психологиялық аспектілерін, командада жұмыс істеу принциптерін оқытады; пәнді оқу нәтижесінде білім алушы персоналдың мінез-құлқын жобалау, команда құру, тиімді коммунициялау, өзін-өзі жүзеге асыру, тұлғааралық қарым-қатынасты орнату және қолдау қабілеті; оқу кезінде проблемалық баяндау, еркін талқылау, эксперимент әдістері қолданылады.

Пән мәдениетаралық-коммуникативтік құзыреттілікті қалыптастыруға, ауызша, жазбаша шетел тілін жетілдіруге бағытталған; пәнді оқу нәтижесі бойынша академиялық адалдық ережелері бойынша білім алушы шет тілінде өз көзқарасын баяндай алады, оны әртүрлі есеп формаларына, хаттарға, ғылыми мақалаларға, баяндамаларға рәсімдей алады, шет тілінде аналитикалық мақалалармен жұмыс істей алады, дайындық бағыты бойынша ғылыми әдебиеттерді оқи алады, лингвистикалық төзімділікті қалыптастырады.

Пән заң пәндерін оқыту әдістемесінің ерекшеліктерін, құқықтық оқыту процесінің заңдылықтарын, оқыту әдістерінің құқықтық дамудағы білімнің рөлімен өзара байланысын; белсенді оқыту нысандары мен әдістерінің белгілерін, олардың дәстүрліден айырмашылығын зерделейді; пәнді зерделеу нәтижелері бойынша білім алушы заманауи білім беру технологияларын; ойын технологияларын және белсенді оқытудың ойын емес имитациялық әдістерін пайдалана отырып, пәндерді оқытуға қабілетті.

Пән жоғары білім беруді дамытудың әлемдік үрдістерін, педагогикалық концепцияларды, білім беру стратегияларын, білім беру үрдістерін басқару заңдылықтарын оқытады; пәнді оқу нәтижесі бойынша білім алушы оқытудың кредиттік технологиялары, оқытудың жаңа концепциялары бойынша білім беру үдерісін құрастыра алады, қашықтықтан оқытуды қоса, өз қызметінің нәтижелерін талдайды, өзін-өзі дамыту үшін жағдай жасайды, қажетті ақпаратты өз бетінше іздестіруді жүзеге асырады.

Пән парадигмалар модельдерін, ғылыми таным әдістері мен формаларын, пәнаралық принциптерін оқытады; пәнді оқу нәтижесі бойынша білім алушы ғылыми-зерттеу жұмысы барысында туындайтын міндеттерді тұжырымдай және шеше алады; өзінің ғылыми ізденісінің нақты міндеттеріне сүйене отырып, зерттеудің оптамалды әдіснамасын таңдай алады, ғылыми зерттеу әдістерін және ұжымдық ғылыми-зерттеу жұмысын ұйымдастыру әдістерін меңгерген.

Пән Қазақстан Республикасындағы конституциялық дамудың негізгі кезеңдерін, ҚР Конституциялық заңнамасының қазіргі жүйесінің қалыптасуын, оның даму мәселелерін, сондай-ақ конституциялық құрылыс негіздерін, адамның және азаматтың конституциялық мәртебесін реттеу мәселелерін, адамның құқықтары мен бостандықтарының кепілдігін, биліктің конституциялық жүйесін: теориялық және құқықтық мәселелерді оқытады.

Пән ғылыми заңдық зерттеудің ерекшеліктерін, объектіні, үрдісті немесе құбылысты жан-жақты зерттеуге бағытталған іс-әрекет ретінде, ғылыми заңдық зерттеудің объектісі мен пәнін, зерттеудің нысандары мен әдістерін, ғылыми зерттеу кезеңдерінің мәні мен мазмұнын, ғылыми зерттеудің әдісі мен әдіснамасы ұғымын, ғылыми заң зерттеудің тақырыбын таңдау процедурасының ерекшеліктерін, ғылыми зерттеудің тілі мен стилінің ерекшеліктерін, ғылыми жұмыстарды дайындау, рәсімдеу және қорғау тәсілдерін оқытады.

Пән адамды өзінің құқықтық көріністерінде, өлшемдерінде, сипаттамаларында әлеуметтік болмыс ретінде зерттейді; ежелгі дәуірден бүгінгі күнге дейінгі адамдардың қоғамдық өмірінің құқықтық формаларын зерттейді; осы құқықтық пәннің пәндік саласына құқықтық жүйелер және тұтастай алғанда әртүрлі қауымдастықтарда, әртүрлі этникалық топтарда, әртүрлі дәуірлерде және әлемнің әртүрлі аймақтарында қалыптасатын құқықтық құбылыстардың бүкіл кешені кіреді.

Пән сыбайлас жемқорлық ұғымын және Қазақстандағы сыбайлас жемқорлық құқық бұзушылықпен күресудің даму тарихын, мемлекеттік аппаратты реформалау және нарықтық қатынастарға көшу жағдайында сыбайлас жемқорлықтың таралу үрдістерін, қазіргі Қазақстанда сыбайлас жемқорлық құқық бұзушылықтардың таралуының әлеуметтік-экономикалық және саяси аспектілерін, сыбайлас жемқорлыққа қарсы заңнаманы қолдану мәселелерін, мемлекеттік аппаратта сыбайлас жемқорлықтың алдын алу және жоюдың жалпы шараларын оқытады.

Пән Қазақстан Республикасының Ұлттық құқығын және ҚР заңнамасын қолданудың теориясы мен тәжірибесінің ерекшеліктерін, ҚР Ұлттық-құқықтық жүйесін қалыптастыру кезеңдерін және оның негіздерін, адамның және азаматтың конституциялық құқықтары мен бостандықтарын қорғау мәселелерін, Қазақстан Республикасының ұлттық құқықтық жүйесінің негізгі даму тенденцияларын, сондай-ақ Қазақстан Республикасының құқықтық саясат тұжырымдамасын оқытады.

Пән қылмыстық құқық бұзушылықтарды қылмыстық құқықтың маңызды бөлігі және әділет органдарының практикалық қызметінде кеңінен қолданылатын қылмыстық құқық ғылымының маңызды ұғымдарының бірі ретінде саралаудың ғылыми негіздерін зерделейді; оған қылмыстық құқық бұзушылық құрамы ұғымы, оның жекелеген элементтерінің ерекшеліктері, қылмыстық құқық бұзушылықтарды саралаудың ғылыми теориялары, қылмыстарды саралау кезінде жіберілетін неғұрлым тән қателер кіреді.

Пән Азаматтық құқық және азаматтық заңнама теориясы мен практикасы мәселелерін, Азаматтық құқық субъектілері мен объектілерінің құқықтық мәртебесінің ерекшеліктерін, Қазақстан Республикасының азаматтық құқығы бойынша заттық құқықтарды: теория және практика мәселелері, Қазақстан Республикасының азаматтық заңнамасы бойынша шарттық міндеттемелер: теория және практика мәселелері, Қазақстан Республикасының азаматтық заңнамасы бойынша шарттан тыс міндеттемелер.

Пән қазіргі кезеңдегі еңбек және әлеуметтік заңнамаларды қолдану мәселелерін зерттейді; талданатын мәселелер шеңберіне әлеуметтік серіктестік түсінігі, принциптері, оның мәні, Ұжымдық келіссөздер жүргізу және ұжымдық шарттар жасасу ерекшеліктері, еңбек шартын жасасу, өзгерту және тоқтату кезіндегі қатынастарды құқықтық реттеу мәселелері кіреді.

Пән Мемлекеттік басқарудың мәні мен ерекшеліктерін, Мемлекеттік басқарудың ұйымдық құрылымын жетілдіру мәселелерін, Мемлекеттік қызмет институтының қалыптасуы мен дамуын, мемлекеттік қызметшілердің құқықтық мәртебесін жетілдірудің өзекті мәселелерін, Қазақстан Республикасында мемлекеттік қызметті және кадр саясатын реформалаудың тұжырымдамалық негіздерін оқытады.

Пән жергілікті өзін-өзі басқаруды халық билігінің бір түрі ретінде, мәслихаттарды қалыптастыру тәртібін, жергілікті өзін-өзі басқару және жергілікті мемлекеттік басқару органдарының өзара іс-қимылының тиімділігін, жергілікті өзін-өзі басқаруды дамытудағы шет елдердің тәжірибесін, Қазақстан Республикасындағы жергілікті өзін-өзі басқаруды дамыту мәселелері мен перспективаларын оқытады.

Пән азаматтық құқық институты ретінде зияткерлік меншік құқығының ерекшеліктерін, авторлық құқықты қорғау мәселелерін, сабақтас құқықты жүзеге асыру мәселелерін, патент иеленушілердің құқығын жүзеге асыру мәселелерін, азаматтық айналымға қатысушыларды дараландыру құралдарын қорғау мәселелерін, коммерциялық құпияны және зияткерлік меншіктің басқа түрлерін қорғау мәселелерін қарастырады.

Пән медиация түсінігі мен принциптерін, Қазіргі әлемдегі Медиация түрлері мен модельдерін, Қазақстан Республикасының Медиация туралы заңнамасын, Медиация құралдарын, медиатордың құқықтық мәртебесін, Медиация мәселелерін, азаматтық, еңбек, отбасылық құқықтық қатынастардан туындайтын дауларды шешу ерекшеліктерін, сондай-ақ медиация саласындағы халықаралық тәжірибені зерделейді

Пән "құқықтық талдау әдіснамасы" курсы бойынша теориялық білімді қазіргі заманғы ғылыми зерттеулер тұрғысынан және құқықтық пәндердің пәнаралық байланыстарын пайдалана отырып, құқықтық жағдайды талдау әдістерін, құқық нормаларын (институттарын) талдау әдістерін, нормативтік-құқықтық актілерді және олардың тұжырымдамаларын талдау әдістерін зерделейді.

Пән трансұлттық ұйымдасқан қылмыстың қазіргі даму тенденцияларын және оған қарсы күресті, ұйымдасқан қылмыс ұғымын, ұйымдасқан қылмыстық қауымдастықтарға тән маңызды белгілерді, олармен күрес әдістерін, трансұлттық ұйымдасқан қылмысқа қарсы әрекет ету мақсатында күрестің тиімділігін күшейту және мемлекетаралық өзара іс-қимыл мәселелерін зерттейді.

Пән азаматтық-құқықтық, жауапкершілік ерекшеліктерін, ортақ және субсидиарлық жауапкершілік, регрестік жауапкершілік, үшінші тұлғалардың іс-әрекеттері үшін азаматтық-құқықтық жауапкершілік, сонымен қатар материалдық және моральдық зиянды өтеу ерекшеліктерін, нақты залал мен жіберілген пайданы, азаматтық-құқықтық жауапкершілік мөлшерінің өзгеруін, ақшалай міндеттемелерді бұзғаны үшін жауапкершілік ерекшеліктерін қарастырады.

Пән гуманитарлық білім жүйесіндегі заң ғылымының ерекшеліктерін, заң ғылымының мәселелерін, қазіргі заң ғылымы мен юриспруденцияның құрылымы мен жүйесін, заң білімінің сапасын қамтамасыз ету мәселелерін және Қазақстан Республикасындағы жоғары заң білімінің перспективаларын, заң пәндерін оқыту әдістемесінің өзекті мәселелерін зерттейді.

Пән дауларды реттеудің баламалы тәсілдерін реттеудің құқықтық негіздерін, дауларды альтернативті шешу саласындағы негізгі ұғымдарды, дауларды реттеудің баламалы тәсілдерінің түрлерін, дауларды реттеудің баламалы тәсілдерін қолданудың шетелдік тәжірибесін, дауларды реттеудің әдісі ретінде келіссөздер түсінігін, келіссөздер моделін оқытады.

Құқықтық қызметтің нақты салаларында құқықтық нормаларды қолдануға, құқықтық саладағы проблемалар мен процестерді шешу үшін ғылыми-құқықтық әдістерді пайдалануға қабілетті

Оқытудың кредиттік технологиясы, орта білімнің жаңартылған мазмұны жағдайында қашықтықтан оқытуды сүйемелдеу жүйесі негізінде оқытудың жаңа ақпараттық-коммуникациялық технологияларын пайдалана отырып, білім беру және педагогикалық қызметті жүзеге асыруға қабілетті.

Оқытудың кредиттік технологиясының талаптарына сәйкес, білім беру үдерісін әдістемелік қамтамасыз ете отырып, жоғары мектепте арнайы пәндерін оқытудың инновациялық технологиялары мен әдістерін пайдалана отырып, оқу ақпаратын таратуға қабілетті, соның ішінде осы ғылымында ғылыми зерттеулердің теориялық-әдістемелік негіздеріне сәйкес білім беру ортасының зерттеу қызметін жүзеге асыруға қабілетті, оқу үрдісінде білім алушылардың танымдық іс-әрекеті психологиясының біліміне негізделе отырып командада жұмыс істеуге, шешімдер қабылдауға, даулы жағдайларды шешуге қабілетті

Заң тұрғысынан маңызды процестер мен құбылыстарды, мемлекет пен құқықтың теориялық және әдіснамалық негіздерін ғылыми танудың әдіснамасын түсінуге қабілетті

Шешендік өнер, құқықтық сипаттағы құжаттарды әзірлеу және құрастыру дағдыларын меңгеруге, өз ойларын ауызша және жазбаша нысанда дұрыс және қисынды рәсімдеуге қабілетті

Кәсіби қызмет үшін қажетті құқықтық және өзге де ақпаратты іздеу, жинау және талдау дағдыларын қолдануға; кешенді құқықтық зерттеулер контексінде құқықтық ғылымның қазіргі заманғы проблемаларын, салалық, өңірлік, ұлттық және жаһандық проблемаларды талдауға қабілетті

Құқықтық білімді қызметтің әртүрлі салаларында қолдануға, күнделікті кәсіби қызмет пен білім беруді жалғастыру үшін қажетті білімді кеңейтуге және тереңдетуге қабілетті

Жаһандану және интернационализация жағдайында отандық ғылымның дамуының қазіргі үрдістерін, бағыттары мен заңдылықтарын талдауды жүзеге асыруға, алынған зерттеу нәтижелерін ресімдей отырып, ғылыми зерттеу әдістерін пайдалана отырып, жаратылыстану ғылымдары, АКТ саласында жоспарлауды жүзеге асыруға және зерттеулер жүргізуге, ғылыми зерттеулер әдіснамасы саласында құзыретті болуға қабілетті.

Әртүрлі тілдік және мәдени ортада еркін қарым-қатынас дағдыларын меңгерген, өзінің кәсіби саласында ғылыми коммуникация мен халықаралық ынтымақтастықты жүзеге асыруға қабілетті, өз ойын академиялық адалдық ережелерін қарастырып ауызша және жазбаша нысанда дұрыс ресімдеуге қабілетті

Қолданыстағы құқықтық тұжырымдамаларды, процестер мен құбылыстарды талдаудың теориялары мен тәсілдерін сыни тұрғыдан талдай білу, зерттеу мәселелерін шешу үшін әртүрлі құқықтық пәндер аясында алынған білімді біріктіре білу.