8D01701 Қазақ тілі мен әдебиеті в Қазақ ұлттық қыздар педагогикалық университеті

Ғылыми зерттеу әдістері мен әдіснамасы, ғылыми жұмыстардың түрлері, әдістері, кезеңдері, отандық және шетелдік ғалымдардың қазіргі жетістіктері негізінде ғылыми зерттеулер жүргізу тәсілдері. Ғылыми зерттеу тақырыбын таңдау, ғылыми мәліметтер іздеу, талдау, эксперименттеу, деректерді өңдеу, ақпараттық технологияларды пайдалану.

Ғылыми-техникалық қызметті ұйымдастырудың принциптері мен нысандары, оның нәтижелері, технология және технологиялар трансфері ұғымдарының мазмұны; Педагогикалық технологиялардың коммерциялық әлеуетін, оның пайдалылығы мен әлеуетті құнын бағалаудың негізгі әдістерінің мазмұны; Ғылыми зерттеулер нәтижелерін коммерцияландыру кезеңдері, ғылыми-педагогикалық зерттеулер нәтижелерін коммерцияландыру модельдері; Ғылыми-педагогикалық зерттеулер нәтижелерін коммерцияландыру процесінде зияткерлік меншік объектілерін және оларды пайдалану құқықтарын қорғау; Ғылыми зерттеулер мен педагогикалық әзірлемелер нәтижелерін коммерцияландырудың бизнес-жоспарын құрудың теориялық және әдіснамалық аспектілері; Технологиялар трансфері. Мемлекеттік құрылымдармен, компаниялармен, ғылыми ұйымдармен өзара іс-қимыл жасау.

Ғылыми зерттеу: дәстүрлі тәсіл және халықаралық тәжірибе. Ғылыми стиль. Стильдің ерекшеліктерін талдау. Ғылыми жұмыс құрылымы. Ғылыми мақалаларды жазу. Ғылыми хатта дәлелдеме. Жазбаша ғылыми жұмыстың орындалу кезеңдері. Пайдаланылған әдебиеттер тізімін рәсімдеу. Ғылыми жазба жұмыстарын дайындау, ресімдеу және қорғау ерекшеліктері. Курстық жұмыс. Докторлық диссертация. Аннотация мен түйіндемені құрастыру. Презентация жасау.

Түркі тілдерін топтастыруда негізге алынатын тарихи, географиялық, фонетикалық, фономорфологиялық, т.б.с.с. принциптер туралы ұғым қалыптастырылып, түркі жазуының даму кезеңдері, графика түрлері, руникалық ескерткіштер, олардың таралу шегі мен зерттелу тарихы, руникалық алфавиттің шығуы мен генезисі, қазіргі ұлттық түркі тілдерінің графикасы мен орфографиясы туралы мәселелер жайы қозғалады. Түркі тілдері, олардың жалпы сипаты, жеке өзіндік ерекшеліктерін тереңірек қарастыру.

XX-ХХІ ғ.ғ. ұлт зиялыларының қазақ сөз өнері, оның ішінде әдебиеттану ғылымы саласындағы ғылыми-теориялық ой-пікірлері, кәсіби көркем сынды дамытудағы сыншылдық-эстетикалық көзқарастарын жүйелеп, бір ізге салу осы пәннің басты мақсаты болып табылады. XX-ХХІ ғ.ғ. қазақ әдебиеттану ғылымының өркендеп, өсу кезеңіндегі даму ерекшеліктері. Ұлттық әдебиеттанудың қалыптасу тарихы. Әдеби-терминдік құндылықтар. ХX-ХХІ ғ.ғ. көркемдік үдерістерді әлемдік әдебиеттану контекстінде қарастыру.

Пән мақсаты - әлемдік әдебиеттанудың жетістіктері, уақыттың дамуы барысында туған жаңа пікірлер, тың теориялық бағыттар аясында докторанттың дербес ізденуі мен зерттеу жүргізе білу қабілетін дамыту. Әдебиет теориясының ғылыми парадигмаларымен, бағыттарымен, көркем мәтін поэтикасымен, семиотикалық, герменевтикалық, структуралистік тәсілдермен таныстыру көзделеді. Формализмнің теориялық ұстанымы. Тұрпайы социологизм ағымы. Структурализм эстетикасы. Рецептивті эстетика.

Пәннің мақсаты - докторанттардың тіл жүйесі мен тілдің антропоөзектік идеясы аясында дербес ізденуі мен зерттеу жүргізуін қамтамасыз ететін құзіреттілікті қалыптастыру. Ғылыми парадигмалар теориясы тұрғысынан қазіргі тіл білімі. Полипарадигматикалық зерттеулер. Антропоөзектік парадигманың мәні. Қазіргі тіл біліміндегі антропоцентрлік парадигма және осы ғылыми пәннің категориялық аппаратының негізін құрайтын ұғымдар. Антропоөзектік парадигманың төрт бағыты.

Тіл заңдылықтары мен әдеби туындылардың көркемдік әлемін, өнер туындыларын зерделеудің тәсілдерін сыни талдап, қазіргі тарихи-мәдени және әдеби үдерістердің даму заңдылықтарын айқындайды.

Әдебиеттану мен лингвистиканың әдіснамалық мәселелерін, қазіргі заманғы теорияларын, концепцияларын түсініп, әдеби туындыларды әдеби-лингвистикалық талдау мен сараптауды меңгереді.

Академиялық хат жанрларының ерекшеліктерін терең түсінеді, ғылыми стиль, дағдыларын меңгереді.

Кәсіби қызметте ғылыми зерттеу технологияларын қолданады.

Әлемдік әдебиет теориясының жетістіктері, тың теориялық заманауи бағыттары мен ғылыми парадигмалары аясында дербес ізденіп, зерттеу жүргізе алады.