6B05202 Қоршаған орта және тұрақты даму в Нархоз Университеті

Курс ел экономикасының қызметі туралы түсініктерді қалыптастыруға және ойлау мәдениетін арттыруға бағытталған. Cтуденттер макроэкономикалық көрсеткіштерді қолдануды меңгереді, cондай-ақ экономикалық ақпарат көздері негізінде шаруашылық жүргізуші субъектілердің мінез-құлқын талдауды үйренеді,аналитикалық және зерттеу жұмыстарының нәтижелерін таныстыруды дайындау және қорғау, экономикалық мәселелерге қатысты өз пікірін сыни тұрғыдан қалыптастыру және қорғау дағдыларын меңгереді

Курс студенттерде экономикалық ойлауды қалыптастыруға бағытталған, экономикалық субъектілердің мінез - құлық заңдылықтары және микро және макро деңгейлерде экономиканың жұмыс істеу механизмі туралы жалпы түсінік береді. Курстың мазмұны экономикалық категорияларды, экономикалық заңдарды және өндірістегі, бөлудегі, алмасудағы және тұтынудағы қатынастарды реттейтін шаруашылық жүргізу механизмін, сондай-ақ экономикалық жүйенің әртүрлі құрылымдық деңгейлерін зерттеуді қамтиды. Курсты оқу барысында студенттер тауарлар мен ресурстардың нақты нарықтарындағы жағдайларды талдаудың практикалық дағдыларын игеріп, проблемалық жағдайларды микро және макроэкономикалық деңгейде анықтауға үйренеді.

Курсты оқу ғылыми зерттеулер жүргізудегі құзыреттілікті, сондай-ақ, академиялық ортада тиімді қарым-қатынас жасау үшін қажетті жазбаша ғылыми коммуникацияны дамытуға және жетілдіруге бағытталған. Студенттер ғылыми мәтінді құрылымдау дағдыларына ие болады, түпнұсқалық дереккөздермен жұмыс істеуді үйренеді, электрондық ресурстарда дәйексөзділік индексі жоғары мақалаларды іздейді, нәтижесінде ғылыми мақалаларды, аннотацияларды, абстрактілерді, рецензияларды және эсселерді өз бетінше жасау дағдыларына ие болады, сондай-ақ, ғылыми жұмыстарды көпшілік алдында ұсынып, талқылай алады.

Математикалық модельдер құру, программалық қамтамасыз етуді қолдану және смарт технологиялармен байланысты практикалық міндеттерді шешудің заманауи әдістерін оқып үйренуге арналған математикалық логика мен математикалық модельдеу, статистика, ықтималдылық теориясы, қаржылық математика негіздерінен тұрады. Өмірдің барлық салаларына қатысты міндеттерді шешуге арналған программалық өнімдермен жұмысқа ерекше назар аударылады.

Студенттер экология, техногенді әсер етудің негізгі түсініктерін және тұрақты дамудың принциптерін меңгереді. Студенттер практикалық тапсырмаларды орындай отырып, биосфераның негізгі заттарының белгілерін сипаттайды, тірі ағзалардың жаһандық рөлін түсіндіреді. Топпен жұмыс жасай отырып, студенттер халықаралық ұйымдардың статистикалық материалдарына сүйене отырып, тұрақты дамудың жергілікті, өңірлік, мемлекеттік және жаһандық деңгейлерінің сипаттамасын құрайды.

Академиялық мақсаттағы ағылшын тілі B2 деңгейлі материалдың бірінші бөлігін - академиялық тілді оқытудың негізгі стандартымен танысуға арналған. Курс академиялық мақсаттағы ағылшын тіліндегі қазіргі заманғы зерттеулерге шолу жасайды, сөйлеу әрекетінің барлық түрлерін одан әрі дамыту бойынша практикалық тапсырмаларды ұсынады. Курстың мақсаты - ағылшын тілінде оқуға дайын студенттерге қажетті дағдылар мен академиялық тілді жетілдіру. Курс шынайы материал, кіріктірілген дағдылар және академиялық тіл, академиялық контекстегі барлық 4 дағдыларды прогрессивті қамтудан тұрады.

Бұл пәнде азық-түлік қауіпсіздігінің ішкі және сыртқы қатерлері, эконарық сегменттері мен ерекшеліктері, экологиялық бизнестің қазіргі мүмкіндіктері қарастырылатын болады. Студенттер ішкі және сыртқы мүдделі тараптар үшін экологиялық қызмет нарығындағы сұраныс пен ұсынысты басқару мақсатындағы ақпараттарды талдай отырып, экологиялық өнімдер мен бизнес жобаларды әзірлейді.

Бұл пәнде дәстүрлі емес және жаңартылатын энергия көздері, технологиялары және оларды пайдалану, рентабельділік есептері, сонымен қатар «жасыл» экономиканы басқару принциптері қарастырылады. Студенттер әртүрлі баламалы қондырғылардың (гидротурбиналар, жер қондырғылары, күн коллекторлары) параметрлерін есептейді, оның экономикалық тиімін анықтайды, қауіптіліктерді айқындайды. Командалық жұмыс барысында баламалы энергияны пайдалану бойынша нақты жобаларды экологиялық экономикалық критерийлер бойынша анықтап бағалайды.

Академиялық мақсаттағы ағылшын тілі курсы В1 деңгейінің екінші бөлігін - тіл бойынша академиялық дайындықтың базалық жеткіліктілігін оқып - үйренуге арналған. Курс студенттерді академиялық ортада ағылшын тілінде оқуға дайындайды. Курс академиялық мәтіндерді оқу, академиялық жазу, дәрістерді тыңдау арқылы тілдік дағдыларды дамытады, сонымен қатар жалпы білім, сыни ойлау, бастапқы көздермен жұмыс жасау, ақпаратты талдау және қорытындылау, өз ойыңызды ауызша және жазбаша түрде жеткізуге үйретеді.

Курс A2 жеткілікті деңгейде ағылшын тілін меңгеруде 4 негізгі дағдыларды дамытады: сөйлеу, тыңдау, оқу және жазу. Курс A1 деңгейінде алған білімдерін қайталауға және бекітуге арналған. Бұл деңгейде сөздік қор 1500 және одан көп сөзге дейін кеңейеді және келесі тақырыптарды қамтиды: тамақтану, достар, ойын-сауық, отбасы, хобби, саяхат, жаңалықтар, жануарлар т.б. Бұл білім күрделі сөздерді, жұмысқа, бизнеске арналған арнайы тақырыптарды есте сақтауға арналған лексикалық платформа болып табылады. Коммуникативті әдістермен қатар кейс-стади, рөлдік ойын, жобалық жұмыс сияқты интерактивті әдістер қолданылады.

Курста өсімдіктер, жануарлар және басқа да ағзалар қауымдастығының географиялық таралу мен орналасу заңдылықтары қарастырылады. Студенттер жер бетінде ағзалардың және олардың қауымдастықтарының қазіргі таралуы мен қауымдастықтың түрлік құрамының өзгеру себептерін түсіндіре алады. Практикалық сабақтарда ареалдардың кадастрлық-анықтамалық карталарын құрастырады және сыртқы белгілері бойынша тірі ағзалардың мүмкін мекен ету орындарын анықтайды.

Пәнде әртүрлі экожүйедегі биоалуандылық, сонымен қатар, адам мен табиғи жүйенің тұрақты өзара байланысындағы қауіпсіздікті қамтамасыз ету және оларды сақтаудың принциптері қарастырылады. Студенттер биоалуандылықтың индексін, бета-алуандылықтың бастапқы элементтерін үйренеді. Жер бетінде ағзалардың қазіргі таралу себептерін айқындай алады. Практикалық және зертханалық сабақтарда студенттер өз бетінше табиғи қауымдастықтар жіктемесін жүргізеді, биотадағы алуандылықтың уақытша өзгерісін анықтайтын факторларды анықтауды үйренеді.

Бұл курста климаттық үдерістер жүйесі, олардың ғаламдық үдерістермен байланысы, қоршаған ортаға және табиғатты пайдалануға әсерін зерттеу мен болжаудың әдістері сипатталатын теориялық білімдер қарастырылады. Студенттер SWOT, PESTEL әдістерімен және басқа да экологиялық, басқарушылық ақпараттарды талдаудың түрлерін пайдалана отырып талдау жүргізеді, климаттың өзгеруі салдарынан болатын экологиялық қауіптер мен техногенді қауіптерді анықтайды, статистикалық дерек көздерін пайдалана отырып, климаттық сценарийлерді құрастыратын болады.

Бұл пәнде қоғамдық денсаулық және денсаулықты сақтау негіздері, қоғамдық денсаулықтың даму заңдылығы мен жай-күйі туралы ілімдер қарастырылады. Студенттер қоғамдық денсаулықты сипаттайтын медико-демографиялық көрсеткіштерді айқындайды, оның деңгейі мен динамикасын анықтайды, жазбаша және ауызша тапсырмаларды орындап оны топпен талқылайды. Практикалық сабақ барысында студенттер әлемнің әртүрлі өңірлеріндегі денсаулыққа ықпал ететін қауіптілік факторларын салыстырады және анықтайды.

Бұл пәнде әлеуметтік-экологиялық мәселелер спектрі тереңнен қарастырылады, адамның әлеуметтік және табиғи ортаға әсер етуінің себепті-салдарлы байланыстары ашылады. Студенттер статистикалық ақпараттарды өңдейді, негізгі әлеуметтік мәселелер (кедейшілікті жою, демографиялық дағдарыс) бойынша ғылыми жұмыстарға талдау жасайды.

Пән топтау, орташа шамалар, вариация көрсеткіштері және деректерді талдаудың басқа әдістері сияқты қоғамның экономикалық, әлеуметтік дамуын сипаттайтын статистикалық деректерді өңдеу және зерттеу әдіснамасын қамтиды. Студенттер жеке немесе топтық зерттеулер негізінде нақты статистикалық деректерді жинап, талдап, әрі қарай шешім қабылдау мақсатында нәтижелерді жоба түрінде қалыптастырады.

Курстың мазмұны: экологиялық мониторингті ұйымдастыру және оның құрылымын, түрлерін қарастыру. Студенттер тәжірибелік, егістік зерттеулерге қатыса отырып, судың, топырақтың, атмосфералық ауаның ластануының өлшемдерін ала отырып, соңында экологиялық зертханаларда үлгілерді химиялық өңдеулерден өткізеді. Нақты өнеркәсіптік нысандарда қолданылатын шаблондарды пайдалана отырып және қоршаған орта сапасының нормативтері мен жүргізілген мониторинг нәтижелеріне сүйене отырып, экологиялық көрсеткіштер бойынша әртүрлі есептіліктерді құрастырады.

Курстың негізгі мақсаты ретінде студенттерді менеджменттің заманауи ұғымдарымен таныстыру, ұйым менеджменті саласында негізгі теориялық білім мен практикалық дағдыларды қалыптастыру. Курсты меңгеру барысында студенттер: басқарудың қажеттілігі мен табиғатын; басқару деңгейлері мен еңбек бөлінісінің түрлерін; қазіргі заманғы бизнес пен кәсіпкерлікті дамыту бағыттары тұрғысынан менеджерлердің кәсіби құзыреттілігіне қойылатын талаптарды; негізгі функцияларды, олардың ұйым мақсаттарына қол жеткізу үшін өзара байланысы мен маңыздылығын; ұйымдық құрылымдардың әртүрлі түрлерін, менеджменттің байланыстырушы процестері және адами ресурстарды басқарумен байланысты негізгі ұғымдарды меңгереді. Кәсіби қызметтерді жүзеге асырумен байланысты мақсаттарды анықтап, міндеттерді тұжырымдай алады; басқарушылық шешімдер қабылдау дағдыларын қолдана алады. Студенттер білім алу барысында менеджменттің негізгі аспектілері бойынша дағдыларға кейс-стади, пікірталас, талқылаулар, топтық және жеке жұмыстар, презентациялар жасау арқылы ие болады.

Пән тәуекел-менеджменттегі шешімдер негізінде тәуекелдерді статистикалық талдау әдістемесінен тұрады. Студент тәуекелдер деңгейін бағалай алады, түрлі жағдайларда тәуекелдерді анықтай алады және қабылданған шешімдердің тәуекелдердің төмендеуіне әсерін бағалай алады. Практикалық сабақтарда студенттер жағымсыз оқиғалардың пайда болу ықтималдығын бағалайды, ортаның сыртқы және ішкі факторлары арасындағы байланысты анықтайды, сапалық және сандық әдістер негізінде болашақ тәуекелдерге болжау жасайды.

Академиялық мақсаттарға арналған ағылшын тілі курсы B1 деңгейінің бірінші жартысын - академиялық тілді оқытудың негізгі жетістігін оқып-үйренуге арналған. Курстың міндеттері: студенттерді академиялық ортада ағылшын тілінде оқуға дайындау. Курс тілдік дағдыларды - академиялық мәтіндерді оқу, академиялық жазу, дәрістерді тыңдау арқылы, сонымен қатар, жалпы білім, сыни ойлау, түпнұсқалық дереккөздермен жұмыс жасау, ақпаратты талдау және қорытындылау, өз ойыңызды ауызша және жазбаша түрде жеткізуді дамытады.

Академиялық мақсаттағы ағылшын тілі B2 деңгейлі материалдың екінші бөлігін - академиялық тілді оқытудың негізгі стандартымен танысуға арналған. Курс академиялық мақсаттағы ағылшын тіліндегі қазіргі заманғы зерттеулерге шолу жасайды, сөйлеу әрекетінің барлық түрлерін одан әрі дамыту бойынша практикалық тапсырмаларды ұсынады. Курстың мақсаты - ағылшын тілінде оқуға дайын студенттерге қажетті дағдылар мен академиялық тілді жетілдіру. Курс шынайы материал, жетілдірілген дағдылар және академиялық тіл, академиялық контекстегі барлық 4 дағдыларды прогрессивті қамтудан тұрады.

Курс мазмұны: биоалуандылықты сақтау принциптері, ерекше қорғалатын табиғи аумақтардағы (ЕҚТА) жұмыстардың құқықтық және ұйымдастырушылық аспектілері және экотуризм негіздері. Студенттер топпен немесе жекелей ҚР қорғалатын аумақтарында зерттеу жұмыстарын жүргізе отырып, ЕҚТА басым бағыттары мен механизмдерін талдайды және жазады; рекреациялық жүктеменің мүмкін нормаларын анықтайды және туристік соқпақ жолдармен нысандардың құрылысы туралы іс-шараларды ұсына алады.

Бұл курс студенттерге теңсіздікпен салыстырғанда (ұлттық және ғаламдық деңгейде) әлеуметтік, экономикалық және саяси интеграция принциптерін оқытуға бағытталған. Ол адамдарға теңсіздіктің әсері мен теңдік үшін жерге, меншікке және табиғи ресурстарға деген құқықтың маңыздылығын қамтиды. Ол сонымен қатар, бюджеттік теңдік, еңбекақыдағы теңдік және ұлттық және ғаламдық саясат пен институттардағы әлеуметтік теңсіздікті және оларды жою үшін қабылданған саяси шараларды қамтитын болады. Ол әлеуметтік, экологиялық және экономикалық дамуға халықаралық көмектің көлемі мен әсерін қамтитын болады. Студенттер қазіргі теңсіздіктің тарихи тамырын (трансұлттық компанияларды қоса алғанда) қарастыратын болады, сонымен қатар, әділетсіздіктің басқа да түрлері мен табыстың теңсіздігін жеңу шараларын ұсынатын теориялық және практикалық шараларды салыстырады. Курс барысында студенттер теңсіздіктің әртүрлі түрлерін, олардың өзара байланысын, теңсіздікті сипаттайтын және өлшейтін индикаторларды, қолданылатын статистикалық мәліметтерді білетін болады және шешім қабылдауда олардың маңызын түсінетін болады яғни теңсіздік жеке қанағаттанбаушылық пен әлеуметтік мәселелердің қозғаушы күші болып табылады, сол үшін студенттер теңсіздікті жоюда қолданылатын шешімдерді қарастырып, теңсіздікті қысқарту бойынша стратегияны жоспарлап, жүзеге асырып, бағалайды.

Пән келесілерді қамтиды: жобаларды басқару аясындағы үдерістік және жағдайлық тәсілдер негізіндегі білім мен тәжірибелік дағдыларды меңгеру. Студент сандық технологияларды (MSProject) пайдалану арқылы жобалар жұмысына қатыса алады; жоба бойынша басқарушылық ақпараттармен қамтамасыз етіп, түсіндіреді; жобаларды тиімді жүзеге асыру үшін жобалық ресурстарды оңтайлы пайдалану мен мерзімдік шектерді сақтауды айқындайды. Студенттер мұндай іс-шараларды тәжірибеге барынша жақын жоба жасау арқылы меңгереді

Курсты аяқтау нәтижесінде студенттер нанотехнологияның терминологиясы мен бағыттарын бағдарлай алады. Сабақ барысында студенттер табиғи ортада қалыпты функционалды өмірді қамтамасыз ететін ағзалардың тіршілік әрекетін басқару үшін нанобөлшектерді, наноқұрылымдарды, наноматериалдарды, наноқосылыстарды зерттеуде қолданылатын биологиялық және технологиялық әдістермен танысады. Топтық жұмыс форматында олар нанотехнологияның негізгі жетістіктері мен даму жобаларын талдайды және өз көзқарастарын қорғап, шығармашылық тапсырмаларды орындайды.

Курста өңірлік экологиялық қауіпсіздік, қоршаған ортаны қорғау туралы ақпараттардың ашықтығы, экологиялық құқық бұзушылық болған жағдайдағы мүлікке және адам денсаулығына келген зиянның орнын толтыру мәселелері қамтылады. Студенттер егістік зерттеулерге және экспедицияларға (Арал, Байқоңыр, Ферғана алабы), сонымен қатар, ұтымды жобалармен айналысатын сарапшылардың мастер-кластарына қатысады. Экономикалық, экологиялық, демографиялық және әлеуметтік көрсеткіштерге талдау жүргізеді және өңірдің тұрақты дамуына арналған мүмкін жолдарын қарастырады.

Пәнде табиғи ресурстарды пайдаланудың ғаламдық мәселелері (табиғи ресурстардың таусылуы және оның ластануы), осы мәселелердің себептері, олардың негізгі теріс салдары қарастырылады. Студенттер командада жұмыс істей отырып, табиғи ресурстарды жеке түрлері бойынша орналастырудың экологиялық салдарын, табиғи ресурстық потенциалдың жай-күйін талдайды, ресурсүнемдеу мен ресурссақтаудың мүмкіндіктері бойынша шешімдерді қарастырады.

Пәнді оқу барысында қоршаған табиғи ортамен өзара байланысты дамудың күрделі заңдылықтары бар ерекше жасанды жүйе ретінде қаланың экологиялық компонентінің тұжырымдамалық негіздері қарастырылады. Студенттер шақырылған практиктердің дәрістеріне, Алматы қаласын дамыту орталығының воркшоптарына қатыса отырып, урбоэкологияны басқару құралдарын зерделейді, Қаладағы тұрғын үйдің экологиясына әсер ететін факторларды және әлемдік урбандалу процесінің үрдістерін талдайды және бағалайды. Курстың қорытынды жұмысы-топтық жобаны қорғау болып табылады.

Бұл курста қалдықтарды басқару механизмдері, қалдықсыз өндірістің негізгі принциптері, қалдықтармен жұмыс жасаудағы инновациялық технологиялар қарастырылады. Студенттер инфрақұрылым жай-күйін бағалайды; қалдықтарды басқару мәселелерінің шешімдерін ұсынады және талдайды; қалдықтарды сауықтыруға арналған экологиялық жобаларды әзірлейді; есептіліктерді құрастырады. Сабақ барысында қонақ дәрістерге, көшпелі сабақтарға, қалдықтарды басқару жөніндегі экологиялық акцияларға студенттерді қатыстыру алдын-ала қарастырылған.

Пәннің мазмұны: топырақ түзілудің негізгі үдерістері мен факторлары, топырақтың құрамы мен қасиеті. Студенттер топырақ жамылғысының қазіргі жағдайына баға береді және түсіндіреді. Практикалық және зертханалық жұмыстарда студенттер топырақтың әртүрлі қасиеттерін анықтайды, талдамалық практикада өлшегіш приборларды, зертханалық құралдарды пайдалана отырып, топырақ құрамындағы әртүрлі ластаушы заттарды анықтап, оларға талдау жүргізеді.

Курс барысында студенттер өндірістік технологиялық іс-әрекеттерде негізгі экологиялық принциптерді пайдаланудың экологиялық маңыздылығын қарастырады. Студенттер экологиялық зертханаларда қоршаған орта құрамындағы зиянды заттардың максималды жерүсті шамасын және ШРШ есептеулерді үйрену арқылы зиянды шығарындылардың түзілуі жағдайындағы үдерістерге техникалық параметрлердің әсерін талдайтын болады. Курс соңында студенттер өнеркәсіптік салалардан болатын экологиялық зиянды бағалай отырып, командалық жобаны қорғап шығатын болады.

Курс экологиялық мәдениеттің және тәрбиенің қазіргі мәселелерін зерттеуге және ноосфералық үздіксіз білім берудің қазіргі трендтерін үйренуге бағытталған. Студенттер экологиялық білім берудің балама модельдерін экологиялық сананың экоцентрлік түрі мен экологиялық білім берудің сабақтастығын жүзеге асыру технологиялары бойынша түсіндіре отырып талдайды және зерттейді..

Бұл курста «жасыл» экономиканың пайда болуы мен даму тарихы қарастырылады, курсты оқи отырып студенттер ғылыми зерттеулерде «жасыл» экономиканың әдістері мен құралдарын пайдаланады. «Жасыл» экономика талаптарын ескере отырып, қоршаған ортаның жай-күйіне талдау жүргізіп, бағалай алатын болады.

Пәнде тұрақты көліктің дамуының негізгі міндеттері, транспорттық жоспарлау, транспорттық жүйенің тұрақтылық критерийлері қарастырылады. Практикалық сабақ барысында студенттер дәстүрлі және тұрақты көліктерді салыстырып, анықтайды және Қазақстанның тұрақты көлік моделін құрастырады.

Пәнде Қазақстан өңірлерінің минералдық-шикізат ресурстарын тиімді пайдалану бойынша инновациялық және техникалық үдерістері қарастырылады. Студенттер Қазақстандағы ұлттық инновациялық жүйенің дамуын зерттейді. Командамен жұмыс істей отырып, студенттер Қазақстан экономикасының энергетикалық тиімділігін жоғарылату, арнайы экономикалық және индустриалдық зоналарды дамыту бойынша міндеттердің шешімін қарастырады. Табиғи ресурстардың жеке түрлерін орналастырудың экологиялық салдарына және табиғи-ресурстық потенциалдың жай-күйіне болжам жасайды. Экономиканың басымдық секторларына инвестиция тарту жолдарын қарастырады. Курс соңында студенттер транспорттық логистиканы дамыту, шикізаттық емес экспортты жылжытуды бағалау бойынша командалық жобаларын қорғайтын болады.

Курста іскерлік байланыстың психологиялық теориялары; көшбасшылық пен көшбасшылықтың психологиялық теориялары, ұйымдағы қарым-қатынастың психологиялық негіздері; менеджер психологиясы; іскерлік байланыстарды құрудың психологиялық аспектілері қарастырылды. Курсты оқығаннан кейін студенттер халықтың әр түрлі категорияларымен жұмыс жасау дағдыларына ие болады, сонымен қатар іскери қарым-қатынастың тиімді дағдылары мен әдістерін игере алады. Студенттер белсенді тыңдау әдістерін, қарым-қатынастағы манипулятивті технологияларды, вербальды және вербальды емес әдістерді және іскери қарым-қатынастағы әсер ету әдістерін меңгереді. Пәннің сәтті дамуы шетелдік және жергілікті практиканың нақты және заманауи жағдайларын, іскери ойындар мен Алматыдағы практик-психологтардың қатысуымен тренингтерді қолдану арқылы жоспарланған.

Пәнді оқытудың мақсаты қазіргі және болашақ ұрпақ үшін табиғи орта мен ресурстарды сақтау және ұтымды пайдалану, қоршаған ортаның қолайлы сапасын қамтамасыз ету және табиғатты ұтымды пайдалануды ұйымдастыру, биосфера мен адам үшін қоршаған ортаның ластануы мен техногендік әсерді азайту, қоршаған ортаны құқықтық қорғау және қоршаған ортаның жай-күйін реттеудің табиғи биологиялық тетігі мүддесінде қоғам мен табиғаттың өзара іс-қимылы саласындағы экологиялық қатынастарды реттейтін құқықтық нормалар жүйесін зерделеу болып табылады. Экологиялық құқық бойынша міндеттерді шеше отырып, экологиялық құқық мәселелері бойынша шығармашылық тапсырмаларды орындай отырып, оның ішінде таныстырылымдар дайындау арқылы студент кәсіпкерлік субъектілерін қорғау бойынша, оның ішінде қауіпсіздік талаптары мәселелері бойынша қабылданған шешімдердің құқықтық салдарын бағалау, дәлелдер ұсыну және зерттеулер жүргізу арқылы дағдыларға ие болады.

Пән барысында студенттер ЭРА компьютерлік бағдарламасын қолдана отырып, ластанудың экологиялық-экономикалық есептеулерін жүргізу әдісін үйренетін болады. Студенттер компьютерлік өңдеу көмегімен топырақ және су ресурстарының, әуе бассейнінің жай-күйіне «есептік» байқау нәтижелерін бағалайды. Имитациялық компьютерлік модельдер негізінде (оқытушымен ұсынылатын және студенттер өздері әзірлейтін) қоршаған ортаға әсер ету деңгейі бағаланады. Ол бағалауды студенттер топпен не болмаса жеке есеп түрінде өткізетін болады.

Оқу практикасы кәсіпорындарда, ұйымдарда немесе кафедра базасында жұмыс арқылы оқу үдерісінде алынған теориялық білімді бекіту мен тереңдетуді қамтитын бастапқы кәсіби құзыреттіліктерді алуға бағытталған. Оқу практикасынан өту барысында студенттер болашақ кәсіби қызметінің функциялары мен міндеттерімен, ұйымдастыру-құқықтық формасымен, ұйымның құрылымымен танысады және ұйымдастыру үдерісіне қатысады, іскерлік хат-хабарлар мен есеп беруді жүргізеді, сондай-ақ еңбек ұжымында жұмыс істеу дағдысына ие болады. Практикадан өту барысында студенттер есеп жазу үшін ақпараттық базаны қалыптастырады және талдайды, оны студенттер практикадан өту нәтижелері бойынша тапсырады және қорғайды.

Бұл пәнде әріптестіктің түрлері қарастырылады, тұрақты даму саласындағы жаһандық күн тәртібінің маңызды бағытын қалыптастыратын жаһандық қауымдастық зерттеледі. Студенттер БҰҰ, БДСҰ, ЮНЕСКО секілді жаһандық ұйымдардың ұзақ әріптестік қатынастарының техникалары мен құралдарын айқындайды, олардың есептіліктерін зерттейді, даму саласындағы бағдарламаларына мониторинг жүргізеді, ТДМ міндеттеріне елдердің қол жеткізуіне жағдай жасайтын әріптестік орталығының желілік сценарийін құрастырады. Практикалық сабақ барысында студенттер жоғары деңгейде келіссөз жүргізудің дағдыларын меңгереді, жаһандық келісім жасау жолдарымен танысады және көпжақты әріптестікті жүргізу дағдыларын үйренеді.

Өндірістік практика оқыту үдерісінде алынған білімді бекітуге, тәжірибелік дағдыларды меңгеруге және озық тәжірибені меңгеруге бағытталған. Практика білім алушылардың кәсіби қызметтің барлық түрлерін кешенді меңгеруін, жалпы және кәсіби құзыреттерді, сондай-ақ командалық жұмыс дағдыларын қалыптастыруды мақсат етеді. Практика студенттің бастамасы бойынша және білім беру бағдарламасының бейініне сәйкес келетін ЖОО ұсынған немесе таңдалған мекемеде/ұйымда өтеді. Практика аяқталғаннан кейін студенттер жоспарланған оқу нәтижелеріне қол жеткізуді көрсете отырып, есепті тапсырады және қорғайды.

Курс барысында студенттер экологиялық-экономикалық талдау принциптерін үйренеді және тәжірибелік кейстерді шешу үшін экономикалық-математикалық үлгілеу әдістерін қолданады. Соның ішінде, экологиялық игіліктер мен табиғи ресурстардың құндылығын бағалайды, қаржылық нарықтың тұрақсыздық қауіптілігін, шикізатқа бағаның төмендеуін және т.б. есептейді. Студенттер топтық жобаларды орындай отырып, экологиялық-экономикалық реттеудің нақты механизмдерін ұсынады және дөңгелек үстел түрінде баяндамалар әзірлейді.

Дипломалды практикасы дипломдық жұмысты (жобаны) дайындауға және жазуға бағытталған. Дипломалды практикасы кезінде білім алушы кәсіпорын қызметімен және зерттеу міндеттері контекстіндегі есептілікпен танысады; зерттеу тақырыбы бойынша қаржылық-экономикалық және практикалық материалдарды жинауды жүзеге асырады, өз тақырыбы шеңберінде компанияның негізгі мәселелерін зерттейді. Практика есепті тапсырумен және қорғаумен аяқталады, ал практика нәтижелері дипломдық жұмысты (жобаны) жазу үшін пайдаланылатын болады.

Курс су ресурстарын бірлесе басқаруды (СРББ) оны ұтымды пайдалану және тиімділігін бағалау әдістерін қарастырады. Студенттер өңірдегі СРББ принциптерін жүзеге асыруды бағалайды, ҚР су пайдалануды, су ресурстарының жай-күйін және ШӘҰ елдеріндегі су заңдылығын сыни тұрғыдан талқылайды. Трансшекаралық өзен бассейндері арқылы СРББ экономикалық, саяси, институционалдық, технологиялық көрсеткіштерінің динамикасын бағалайды.

Пәннің мазмұны тұрақты даму парадигмасына сәйкес, кәсіпорындағы ISO 14000 және 9001 стандарттарын қолдайтын табиғатты пайдалануды басқару принциптерінен тұрады. Студенттер кәсіпорынның экологиялық саясатын, экоменеджментін ұйымдастыру мен ендіру жөніндегі құралдармен қоршаған ортаның сапасын басқару жүйесін зерттейді, кәсіпорынның экологиялық аспектілерін қарастырады, экоаудит жүргізу бойынша нақты кейстерді шешеді. ISO 19011 экоаудитті және стандартты жүргізу бойынша сарапшылармен қонақ дәрістер қарастырылған.

Пәнде табиғи және антропогендік әсерлерден пайда болатын географиялық ортаның және оның компоненттерінің қалыптасуының, динамикасының және дамуының геоэкологиялық ерекшеліктері қарастырылады. Студенттер геоэкологиялық мониторинг пен егістіктік және экспериментальды геоэкологиялық зерттеулер, соның ішінде карталау (геоэкологиялық көріністер) көмегімен әртүрлі аудандардағы геоэкологиялық кешендердің антропогендік өзгерістерінің деңгейін талдайды және бағалайды.

Мазмұны: экологиялық сараптаудың құқықтық және нормативтік-әдістемелік негіздері және жоспарланған әрекеттің экологиялық негіздемесі. Студенттер ҚР НҚА номенклатурасын, ҚОӘБ жататын халықаралық келісімдер мен стандарттарды қарастырып талқылайды; жалпыміндеттемелік нормативтерді айқындай отырып, салыстырмалы талдаулар жүргізеді. Экологиялық қауіпсіздік туралы сараптау барысында сәйкес бақылаушы органдарға ұсынылатын кәсіпорынның құжаттамалық түрлерінен тұратын нақты кейстер жинағы портфолио жасауға арналған негіз болып табылады.

ТД, қоғамның қажеттілігін қанағаттандыруға және оның қауіпсіздігін қамтамасыз етуге қабілетті экологиялық-экономикалық жобалар саласындағы тиімді бағдарламаларды әзірлеу мен жүзеге асыруға қатысуға, тұрақты дамуға қабілетті тұрақтылықтың күрделі мәселелерін шешу үшін шешімнің әртүрлі сызбасын қолдануға, өмірлік тұрақты, инклюзивті және әділетті шешімі бар нұсқаларын әзірлеуге қабілетті.

Алынған ақпаратты жалпылау үшін табиғат пен қоғамның өзара байланысының негізгі мәселелерін талдай алуға және биогеохимиялық процестер негізінде қоршаған ортаның жағдайы мен қасиеттерін сипаттауға қабілетті.

Өзінің кәсіби қызметі процесінде, оның ішінде шет тілінде коммуникативтік дағдыларын (ауызша және жазбаша тиімді қарым-қатынасқа түсуге дайындығы) көрсете отырып, елдердің тұрақты дамуы бойынша экологиялық, әлеуметтік және экономикалық шараларды талдау үшін экономикалық құралдарды пайдаланады.

Академиялық жазу және көпшілік алдында сөйлеу дағдыларын көрсете отырып, экономикалық, әлеуметтік және саяси компоненттерді ескеру арқылы қоршаған ортада болып жатқан үдерістер мен құбылыстарды талдауға және мазмұнды түсіндіруге қабілетті.

Әр түрлі деңгейдегі жүйелердің әлеуметтік-экологиялық-экономикалық дамуын бағалауға, қоғамның ұзақ мерзімді өмір сүруін қамтамасыз ететін экологиялық және әлеуметтік факторлардың рөлін ескеруге қабілетті, жергілікті қауымдастықтағы және (жаһандық) қоғамдағы рөлі туралы ойлауға; өз іс-әрекеттерін үнемі бағалап, ынталандыруға қабілетті.

Ақпараттық қауіпсіздік талаптарын ескере отырып және ақпараттық-кмоммуникативті технологияларды, қазіргі техникалық құралдарды қолданумен кәсіби іс-әрекеттерді ұйымдастырушылық және құжаттамалық қамтамасыз ету деңгейіндегі міндеттерін шешуге.

Әр түрлі елдердің тұрақты дамуы бойынша экологиялық, әлеуметтік және экономикалық шаралардың даму тиімділігін бағалауға, сонымен қатар талдамалық, кәсіби және басқарушылық ақпаратты ұсынуға қабілетті.

Заңнамалық, құқықтық нормаларды қолдануда пайда болатын қауіптерде және белгісіздік жағдайында экономикалық және ұйымдастырушылық сипаттағы шешімдерді қабылдау барысында кәсіби іс-әрекетпен байланысты туындайтын жағдайлар мен жағдаяттарға икемді әрі ұтқыр болуға қабілетті.

Мүдделер қақтығысы мен ымыралар, белгісіз білім мен қарама-қайшылықтар жағдайында тұрақты дамудың құндылықтарын, принциптерін, мақсаттары мен міндеттерін үйлестіру үшін әлеуметтік, этикалық және ғылыми көзқарастарды ескере отырып, дұрыс пайымдаулар жасауға, ақпаратты жинауға және түсіндіруге, олардың іс-әрекеттерінің негізін құрайтын нормалар мен құндылықтарды түсінуге және ойлауға қабілетті.

Зерттеу және қолданбалы есептерді шешу кезінде қоршаған орта туралы ғылым саласындағы білімді базалық деңгейде қолдануға, бұл ретте өзекті ақпаратты талдауға және әртүрлі талдамалық әдістерді пайдалануға; күрделі жүйелердің әртүрлі салаларға, әртүрлі масштабтарға қалай ауысатынын және белгісіздікпен қалай күресуге болады.

Қоршаған ортаның жай-күйін бақылау үшін, ауаға, суға, топыраққа физикалық-химиялық және биологиялық әдістер арқылы талдау жүргізуге, қоршаған орта компоненттерінің өзгерісін айқындайтын қоршаған ортаны бақылау әдістерін пайдалануға қабілетті.