6B01402 Визуалды өнер, көркем еңбек, графика және жобалау в Қазақ ұлттық қыздар педагогикалық университеті

Курс өз құқықтары мен міндеттерін білетін, сыбайлас жемқорлықтың кез келген көріністеріне төзбейтін заңды сауатты, заңға бағынатын адамды қалыптастыруға бағытталған.Құқықтық және сыбайлас жемқорлыққа қарсы мәдениет Қазақстан Республикасының заңдарын, сондай-ақ сыбайлас жемқорлыққа қарсы заңнаманы және сыбайлас жемқорлық әрекеттері үшін заңдық жауапкершілік мәселелерін зерделеу арқылы дараланады.

Пән студенттердің кәсіпкерлік дағдылары мен іскерлік ойлауын қалыптастыруға бағытталған. Студенттер экономиканың, кәсіпкерлік қызметті жүзеге асыру шарттарын, оның ішкі және сыртқы ортасының заңдылықтарымен жан-жақты танысу арқылы бизнес-жоспар, жеке бизнесті құру және өз бизнесін сәтті жүргізу дағдыларына ие болады.

Пән тұлғаның жеке әлеуметтік жауапкершілігін дамытуға және адамның жеке әлеуетін жандандыруға, ерікті және өтеусіз көмек көрсетуге және өзара көмек көрсетуге, азаматтық қоғамның игілігі үшін кең ауқымды қызмет көрсету, басқа да азаматтық шараларды орындауға үйретуге бағытталған. Пән еріктілер қызметінің маңыздылығын аша отырып, бұл қызметтің Қазақстандағы мәселелері мен даму перспективаларын айқындайды.

Пәнді игеру арқылы әрбір студент жеке тұлға ретінде көшбасшылық қасиеттерін ашу және дамыту, инновациялық үдерістерден туындаған жаңалықтарға бейімделу дағдыларын дамыту, сонымен бірге ғылыми-техникалық үдерістер нәтижелерін кәсіби қызметінде қолдана алу мүмкіндіктеріне үйренеді.Басқарудағы көшбасшылық қасиеттер мен адами фактордың қазіргі жағдайы мен даму перспективаларын оқып біледі

Курс тағам даярлау технологиясы және дұрыс тамақтану негіздері саласындағы білімдер мен дағдыларды дамытады. Әлем халықтарының тағамдары. Пісіру технологиясының негіздері. Күнделікті өмір мәдениеті туралы түсінік. Үй экологиясына және адамның жеке гигиенасына қойылатын заманауи талаптар. Өсімдік өсіру, декоративті гүл өсіру, ландшафты дизайн негіздері. Электр құралдары мен тұрмыстық техниканы пайдалану ережелері. Интерьерді ұйымдастыру және жоспарлау ережелері.

Пән студенттердің заманауи экологиялық білімі мен мәдениетін қалыптастырады, өмір қауіпсіздігі үшін техникалық құралдар мен технологиялық процестердің қауіпсіздігін арттыру әдістерін қолдану дағдыларын дамытады Пән әртүрлі деңгейдегі ұйымның экожүйелері қызметінің, тұтастай биосфераның негізгі заңдылықтарын, адам мен табиғаттың өзара қарым-қатынасында туындайтын қайшылықтарды, сондай-ақ табиғат пен экологияға ұқыпты қарау қажеттігін айқындайды

Пән құрылыс жұмыстарының технологиясына бағытталған: тұсқағаздар, сылақ, сырлау, қаптау. Қазіргі заманғы тұрмыстық техника: жіктелуі, жұмысы, таңдауы. Қалалық және ауылдық (ауылдық) үйлердегі электрмен, жылумен, сумен жабдықтау және су бұру жүйелерінің негізгі элементтерінің сипаттамалары. Шкафты және жұмсақ жиһазды жөндеу.

Эмоционалды интеллект және ұйымдастыру мәдениеті. Эмоционалды интеллекттің топтық көрсеткішітері. Эмоционалды менеджмент. Эмоционалды интеллект және тиімді команда құру. Жеке адамның эмоционалды интеллектін дамыту. Отандық және шет елдік ұйымдарда эмоционалды интеллект енгізудің жүйелі амалдары: жеке адамның мотивациясын орайластыру, топты қалыптастыру тәсілдері, даудамайларды шешу, кері байланыс орнату.

Пән студенттерге ежелгі заманнан бүгінгі күнге дейін визуалды өнердің теориясы мен тарихы бойынша білім беруге, визуалды өнердің ерекшеліктерін, негізгі стильдік бағыттарын түсінуді қалыптастыруға бағытталған. Курс жетекші көркем мектептердің тарихи шарттылығын, ұлттық ерекшелігін, жетекші көркем мектептердің биік жетістіктерін баяндайды.

Оқу үдерісін ұйымдастыру және әдістемелік материалдарды әзірлеуге арналған цифрлық технологияларды қолдану дағдыларын қалыптастыруға бағытталған практикалық курс. Курс білім беруді цифрландырудың барлық бағыттарында: білім беру басқармасы мен мекемелерінде компьютерлік бағдарламалар, оқытудың цифрлық технологиясы; АКТ дидактикалық мүмкіндіктері; виртуальды орта және қашықтықтан оқыту технологияларында цифрлық бағдарламалар мен техникалық құралдарды меңгеру дағдыларын қалыптастырады.

Пәннің мақсаты-бейнелеу өнері саласында базалық мәдениет пен кең білімді меңгерген жоғары кәсіби деңгейдегі мамандардың теориялық білімдерін жүйелеу, кеңейту, бекіту және тереңдету. Студенттер сәндік кескіндеме негіздерін, сәндік кескіндемені орындау технологиясын меңгереді.

Көркемдеп әшекейлеудің әр түрін зерттеу кезінде оның пайда болу және даму тарихы, таралу аймағы, ою-өрнекті сарыны, түс гаммасы, көркем бейнелер, сюжеттері қарастырылады Әрбір көркемдеп бейнелеудің зерттеу нәтижесі көркем сурет салу технологиялары мен тәсілдері туралы ақпаратты талдай отырып, көлемді, кеңістікті және материалдылықты берудің негізгі заңдарын материалда орындалған бұйымда айқындайды.

Курс студенттерге металды, ағашты және теріні көркем өңдеудің дәстүрлі және заманауи технологияларымен танысуға бағытталған. Материалдардың пластикалық қасиеттері. Кескіндеу, ою, тоқу, құйма және басқа да технологияларды қолданудан сәндік-қолданбалы бұйымдар жасаудың кезектілігін меңгертеді.

«Оқушылардың жас ерекшелік физиологиясы» курсы әр түрлі жас кезеңдеріндегі адам ағзасының мүшелері мен мүшелер жүйесінің қызметін, организмнің даму динамикасы мен механизмдерін, ерекшеліктерін зерттейді. Курсты меңгеру барысында студенттің алған білімдері болашақ мамандардың ғылыми ой-өрісін кеңейтуге, педагогикалық іс-әрекетке дайындығының теориялық және тәжірбиелік білімдерін қалыптастыруға мүмкіндік береді.

Пән студенттің перспектива саласында теориялық және практикалық білімдерін композиция заңдары мен жарық түсініктерін, материал технологияларын және т. б. дамытуға бағытталған. Пәнді оқу барысында студенттер табиғаттан және қиялдан сурет салу арқылы кәсіби шеберлік пен дағдыларды қалыптастырады.

Курста студент көркем материалдармен жұмыс істеу дағдыларына ие болады, әңгімелесу кезінде кәсіби суретшілердің шығармашылығы және жанр ерекшеліктерімен танысады. Оқытудың мақсаты студенттер кескіндеме негіздерін игеруі, көркем ойлауды дамыту, жеке көркем жазу мәнерін жасау, акварель және майлы кескіндеме технологиясы мен техникасын игеру болып табылады.

Пән мақсаты академиялық сурет салудың негізгі ұғымдарын, сурет әдістемесінің мәнін, оқу суреті мен оны құрудың әдістемелік ретін меңгеруге бағытталған. Пішіні бойынша неғұрлым күрделі заттардың, заттар тобының суретін (интерьер) салу. Бөлшектелген бастың суретін контурда сала білу. Натурадан сурет салу, кеңістікте ойлау мен қиялды дамыту үшін перспективада сурет салу дағдыларын иелену.

Композицияның басқа пәндерден айырмашылығы оның шығармашылық бағытты болып табылады. Композицияны үйрену барысында студент негізгі көркемдік тілдің компоненттерінің едәуір сипатымен танысады және кескіндемелік- графикалық бейнелерді жасаудың заңдылықтары туралы түсінік алады, сондай-ақ бейнелеу шешімдерін мәнерлі құралдардың эмоционалды- мазмұнды аспектілерінде үйренеді. Бұл пән мазмұны көппішінді композицияларды зерттеуді қамтиды.

Пән студенттердің практикалық іс әрекет дағдыларында сурет салу заңдылықтарын игеруіне бағытталған. Антикалық бастың суретін, натурщиктің басын иық белдеуімен салуды білу. Портреттік сипатты өзіндік әдістерде (долбар, шарж) бейнелеу. Адамның басының суретін айқын портреттік сипатын сала білу.

Пән студенттердің болашақ педагог мамандығына қызығушылықтарын дамытуға және кейін өзін-өзі жетілдіру мақсатында кәсіби өз бетінше білім алуға ынталандыруға бағытталған. Курс студенттердің педагогикалық үдерісті жоспарлау, болжау, ұйымдастыру, басқару және талдау дағдыларын дамытуға; орта білімнің жаңартылған мазмұны аясында тәрбиелеу мен оқытудың технологиялары мен әртүрлі әдістемелерін меңгеруге бағытталған.

Түстану пәнінің мақсаты-студенттердің өзіндік білімін, оның ішінде (түстанудың теориялық сұрақтары, түстердің үйлесімділігінің заңдылықтары және түс үйлесімділігінің принциптерін) қолдана білуі болып табылады және студенттер пәнді меңгеру барысында түс үйлесімділігінде сезімдерін дамытуды үйренеді

Инклюзивті білім беру тұжырымдамасы. Шетелде және Қазақстан Республикасында инклюзивті білім беруді дамыту. Ерекше білім беруді қажет ететін жандар үшін оқу іс-әрекетін ұйымдастыру және жоспарлау. Ерекше білім беруді қажет ететін жандарды психологиялық-педагогикалық қолдау бойынша жағдай жасау үшін әртүрлі профильдегі мамандар тобында жұмыс істеу дағдылары. Оқу жоспарларын бейімдеу және инклюзивті оқыту жағдайында репетиторлық практиканы ұйымдастыру.

Пәннің мақсаты анатомиялық сызудың ерекшеліктері туралы түсініктерді игеруге бағытталған. Ерлер мен әйелдер қаңқасы. Адам қаңқасының суреті. Бұлшықеттер және олардың құрылымы. Адамның бұлшық еттерін салу. Адамның анатомиялық торсының суреті «Экорше». Анатомиялық құрылымға негізделген адам фигурасының эскиздері.

Пән сәндік-қолданбалы өнер бұйымдарын жасай алатын, әр түрлі материалдармен жұмыс істеу дағдысын меңгерген, олардың қасиеттерін, сапасын және өңдеу тәсілдерін білетін мамандарды даярлауға бағытталған. Курста студенттер дәстүрлі материалдардың арнайы терминологияларын, түрлері мен қасиеттерін біледі және жүн, киіз, ши, өңдеу тәсілдерін меңгереді.

Көркемдік жұмыстарды оқыту әдістемесі мектептің оқу жоспарына, сабақ өткізу, өзін-өзі талдау дағдыларын үйренуге, болашақ педагогикалық қызметке дайындалуға, оқытуға арналған әдістемелік негіздерді құруға, қоғамның қажеттіліктеріне байланысты қажетті білім мен дағдыларды қалыптастыруға негізделген. Қазіргі әлеуметтік-педагогикалық жағдайға және мотивациялық-кәсіптік бағдар қалыптастыруға байланысты тақырыпты болашақ педагогтың әдістемелік қызметі мен кәсіби құзыреттілігінде қалыптастыру.

Курс студенттердің сәндік-қолданбалы шығармашылық түрлерінің бірі мата бетіне көркемдеп сурет салуға тарту арқылы оларды шығармашылық қабілеттерін дамыту үшін бағытталған. Пән жібек матаны безендіру, көркемдеп безендірудің түрлерін, олардың безендірудің техникалық шеберлік тәсілдерін, әсіресе суық және ыстық батиктегі композициялық шешімін оқытады.

Пәннің мақсаты бейнелеу өнерінде қолданылатын кескіндеме және графикалық материалдардың негізгі қасиеттерін, олардың композициясы мен оларды қолданудың технологиялық ерекшеліктерін зерттеуге бағытталған. Шығармашылық, ойлау, қиялын дамыту; станокті кескіндеме туындыларын жасауда қолданылатын материалдармен жұмыс жасау құралдары, әдістері мен ережелері туралы негізгі түсініктерді алу

Пән ғылыми стильдің жанрлық түрлері туралы білімді, кәсіби қызмет саласындағы ақпарат пен материалдарды жинау, сақтау және өңдеудің заманауи әдістерін меңгеруді, сондай-ақ сөйлеу қызметінің төрт түрін (оқу, сөйлеу, жазу, тыңдау) академиялық қарым-қатынас жасау мақсатында білігі мен дағдыларын қалыптастырады.

Пәннің мақсаты адамды үйлесімді тәрбиелеу, оның педагогикалық мәдениетін қалыптастыру, шындыққа шығармашылық қарым-қатынас жасау, өз бетінше қабылдау қабілетін дамыту болып табылады. Пән педагогикалық шеберліктің мәнін білуге және оның болашақ кәсіби тұлғаның жан-жақты дамыған және бәсекеге қабілетті тұлғасын тәрбиелеу мен оқыту үшін маңызын ұғынуға бағытталған.

Курс болашақ маманның кәсіби қызығушылықтары саласында ғылыми-зерттеу компоненттерін дамытуға бағытталған. Пән студенттердің ғылыми әдебиеттермен жұмыс істеу, зерттеуді ұйымдастыру және жүргізу (таңдалған облысқа сәйкес), ғылыми эксперименттер жасау, зерттеу нәтижелерін академиялық сипатта сауатты рәсімдеу және оларды көпшілік алдында таныстыра білу дағдыларын қалыптастырады.

Курс жаңартылған білім беру бағдарламасының мазмұны негізінде "Графика және жобалау" кіріктірілген пәніне бағытталған. Курста графиканы оқыту әдістемесі мен жобалаудың негізгі кезеңдері ашылады. Жобалау графикасының әдістері мен түрлері. Графиканың бейнелеу құралдары және геометриялық құрылымдар. Сызбаларды рәсімдеу ережесі. Сызбаларды оқу және орындау. Құрылыс сызбаларын орындау ережелері. Жобаны беру техникасы

Пән Көркем еңбек тәжірибесіндегі мүсін туралы білімдерді, материалдарды (саз, ағаш, металл) және мүсін технологиясын меңгеруге бағытталған. Курс студенттерде: - табиғи материалдардан (плита, өсімдік ою-өрнегі) барельеф, рельеф, горельеф, гипсті геометриялық денелерден натюрморт, портрет, бюст, моделі бар мүсінді мүсіндеу дағдысын қалыптастырады

Пән болашақ мамандарды кез келген дизайн саласында кәсіби инженерлік-графикалық іс әрекетке дайындауға бағытталған Курс студенттердің графикалық есептерді шешуде әдістемелік білімді меңгеруіне ықпал етеді.Конструктивті-геометриялық ойлауды қалыптастыру және кеңістіктік формаларды талдау және синтездеу қабілеттерін дамыту.

"Тоқыма материалдарын көркем өңдеу" пәнінің мақсаты: сәндік-қолданбалы өнер заттарын жобалау және жасау үшін қажетті матаны көркем сурет салу техникасында тоқыма материалдарын көркем өңдеу бойынша білімді меңгеру. Пән студенттердің кәсіби құзыреттілігі интерьерді көркемдеу бойынша әр түрлі тоқыма аксессуарларды дайындау технологиясы және оларды стильдік шешімде қолдану арқылы қалыптастады.

Пән студенттердің күнделікті тұрмыстық бұйымдарды, киім топтарын, киімдерді көркемдеуде қолданылатын жабдықтары мен олардың түрлері жасау дағдыларын қалыптастыруға бағытталған. Курс қол және машина тігістерінің әртүрлі түрлерін, машина кестелерін қолдануды, киімнің негізгі және сәндік бөлшектері мен элементтерін дайындау кезінде ылғалды-жылу жұмыстарының түрлерін пайдалануды үйренеді.

Пәннің мақсаты кеңістіктік түсінік пен қиялды, конструктивтік-геометриялық, абстрактілі және логикалық ойлауды, кеңістіктік формалар мен қарым-қатынастардың анализі мен синтезіне қабілеттілікті, кеңістіктің графикалық модельдері негізінде нақты кеңістіктік объектілер мен тәуелділіктердің сызбалары түрінде іске асырылатын кеңістіктік формалар мен қатынастарды дамыту. Пән студенттерде ортогональды және орталық проекциялауға негізделген, кеңістіктің белгілі графикалық үлгілерін құру дағдыларын қалыптастырады.

Курс құрастыру және бұйымдарды дайындау технологиясы бойынша білімді қалыптастыруға бағытталған; өңдеу әдістері туралы жалпы мәліметтер; технологиялық жабдықтың негізгі параметрлері мен жұмыс режимі; қолданылатын материалдар мен жабдықтарды ескере отырып жеңіл бұйымдарды технологиялық өңдеу әдістері; жеңіл бұйымдардың жекелеген тораптарын, элементтерін дайындауға дағдыланады.

Курс киімді безендіруде сәндік техникаларды қолдануды қарастырады. Киімнің аксессуарлары мен декорын зерттеу негізінде оқушыларды сәндік-қолданбалы өнер арқылы қалыптастыру және дамыту. Аксессуарлар мен киім декоры киім дизайнындағы арнайы заттардың бірі болып табылады. Әрбір практикалық жұмыс тапсырманы және оны орындау үшін әдістемелік нұсқауларды қамтиды.

Бұйым жиынтығын жобалау курсы қазіргі заманғы модельдеу және әртүрлі материалдардан жасалған киімдерді жобалаудың кең ауқымды мәселелерін кешенді жүйелі зерттеу болып табылады. Бұйым жиынтығын жобалау - бұл өндірістің тиімділігін арттыру, бұйымдардың сапасын жақсарту және бұйымдарды жобалау және дайындау кезінде әртүрлі материалдардың қасиеттерін неғұрлым толық пайдалану, олардың материал сыйымдылығының ерекшелігімен айқындайды.

Курста студенттер қыш және мүсін өнерінің материалдары, олардың әралуан түрлерімен танысады. Модельдеу жабдықтары; керамика мен мүсін жасауға арналған материалдар мен құралдарды дайындау. Мүсіннің көркем және мәнерлі құралдары. Табиғаттан, адамдарды, тұрмыстық заттарды, құстарды, жануарларды бейнелеу және бақылау арқылы модельдеу. Көлемді пластикада шығармашылық жұмыстарды, жазық рельефті, көлемдік және рельефтік бейнелерді модельдеу

Сәндік композицияның негіздерін, атап айтқанда гобелендегі ырғақтық және метрлік композицияны, композицияны ұйымдастыру тәсілдерін: стильдеу, орталықтар (доминант), ритм, статика және динамика, тепе-теңдік, симметрия және асимметрия, оларды бірыңғай бейнелі құрылымға бағытталған практикалық курс. Курс студенттердің сәндік-қолданбалы өнер саласындағы көркем тоқымашылық дағдыларын қалыптастырады.

Курс студенттерде компьютерлік графиканың негізгі түрлерін, растрлық және векторлық графикаға арналған бағдарламаларды, 2D және 3D модельдерді құрудың негізгі кезеңдерін, растрлік және векторлық бағдарламалардың мүмкіндіктерін, қатты денелі модельдеу операциясының негіздеріне 3D модельдерді жасауды, 3D модельдеу визуализациясының түрлерін анықтауды қалыптастырады

Пән сабақтың 7 модульге сәйкестігін кешенді бағалауға бағытталған. Ол келесі дағдыларды қалыптастырады: - оқытудың жаңа тәсілдерін қолдану; - сыни ойлау; - оқытуды бағалау; - дарынды және талантты балаларды оқыту; - білім беру ақпараттық-коммуникациялық технологияларын қолдану; - оқушылардың жас ерекшеліктеріне сәйкес оқу қызметін модельдеу; - білім берудегі басқару және көшбасшылық.

Пән болашақ мамандарды дизайн түрлері мен заманауи формаларға дайындауға бағытталған. Дизайн түрлері мен қазіргі заманғы өнер түрлерінің ерекшелігі мен көркемдік қасиеттері. Графикалық дизайн, оның объектілері. Қоршаған ортаның дизайны, ішкі және сыртқы дизайны. Көгалдандыру және экологиялық дизайн. Жаңа өнер, поп-арт, постмодернизм. Қазіргі заманғы өнердегі фотосуреттер. Медиа-өнер.

Курс мақсаты оқытудың заманауи технологияларын қолдану арқылы көркем білім берудің оқыту әдістемесі. Көркем білім берудегі жаңа технологиялардың түрлері, олардың дәстүрлі оқыту әдістерінен ерекшеліктері. Проблемалық оқыту, оқытудың әртүрлі деңгейіндегі технологияларды, дамыта, саралап оқыту технологияларын, ақпараттық-коммуникациялық технологияларды, жобалық технологияларды, оқытудың интегративті технологияларын, білімгерлердің білім беру рефлексиясын, критериалды бағалау технологияларын оқыту дағдыларын қалыптастырады.

Пән студенттердің компьютерлік дизайнын, өндірістік бұйымдардың үздік үлгілерін дамытуға, көркем бұйымдар жасауға, тамаша үйлесімділікке ие болатын заттар жасауға, оларды жүзеге асыруға, жаңа үлгілерді этнодизайндық қайталанбас формалардың түрлерін жасауға бағытталған. Курс студенттерде жарнама дизайны, плакаттар, кітаптарды ресімдеу, жиһаздың жаңа бұйымдарының үлгілері арқылы ұлттық өнерді қолдана білу дағдыларын қалыптастырады.

Білім алушылардың жас кезеңдері ерекшеліктерін ескере отырып, жаңартылған жүйедегі педагогикалық процессті жүзеге асыра алатын негізгі білім мен дағдыларды, сонымен қатар цифрлық білім беру технологиясын қолдану дағдыларын меңгерген;

Білім алушылардың функционалдық сауаттылығын қалыптастыруда «Көркем еңбек», «Графика және жобалау» оқу пәндерінің әлеуетін жүзеге асыра отырып, бағалау, білім беру ортасын жобалау және ғылыми зерттеу дағдыларды меңгерген.

"hand made" сәндеу элементтерін қолдана отырып, үйдің ішкі және сыртқы интерьерін шығармашылық идеяларымен бейнелеп жасайды;

Қолданбалы өнердің түрлі техникасы мен технологиясын қолдана отырып, тоқыма және конструкциялық материалдарды өңдеу дағдыларын меңгерген;

Визуалды өнер, көркем еңбек, графика және жобалауды оқыту әдістерін, заманауи білім беру технологияларын меңгерген, оларды шығармашылық және педагогикалық қызметте қолдана біледі;

Визуалды өнер, тігін және конструкциялық бұйымдар технологиясы туралы білімге негізделген шығармашылық туындыларын жасайды;

Салауатты тамақтану, әлем халықтарының ас үй мәдениеті мен дәстүрлерін, тағам дайындау технологиясын, өсімдік шаруашылығы негіздерін біледі; тұрмыстық құралдар мен жабдықтарды пайдалану кезінде қауіпсіздік ережелерін қолдану дағдыларды меңгерген;

Сызбаларды және графикалық жобалаудың орындау ережелерін, оның ішінде компьютерлік технологияларды қолдана алатын дағдыларды меңгерген;

Дәстүрлі және заманауи техникаларды, материалдар мен құралдарды қолдана отырып, визуалды өнерінің жанрлық және әр түрлі шығармаларын жасаудың әдістері мен заңдылықтарын қолданады;

Пәндік салада зерттеу нәтижелері мен академиялық жазбаны, оның ішінде шетел тілінде, таныстыра алатын, ғылыми-зерттеу жұмыстарын жүргізе алатын дағдыларды меңгерген;

Объектіні жобалаудың және құрылымдар мен модельдерді әзірлеудің барлық кезеңдерінде жобалау графикасының құралдары мен түрлерін, әдістерін, заманауи жоғары өнімді материалдарды тиімді қолдану дағдыларын меңгерген;

Инновациялық және волонтерлік қызметке дайын, жаһандық проблемаларға бей-жай қарамайтын және икемді дағдылары бар (Soft skills), ұлттық рухта тәрбиеленген іскерлік және құқықтық мәдениетті түсінеді