7M01601 Тарих в Қ. Жұбанов атындағы Ақтөбе өңірлік мемлекеттік университеті

Курста жобалық іс-әрекет педагогикалық шынайылықты өзгерту, инновацияларды енгізу, тарихи білімдегі білім беру үдерісі субъектілерінің жеке және кәсіби өсуін қамтамасыз ету құралы ретінде талданады. Тарихи білім беру мазмұнын жобалаудың әдістемелік аспектілері, бағдарламалар, оқу жоспарлары, педагогикалық технологиялар, оқу сабақтары қарастырылған. Педагогикалық жобалардың мазмұнына, құрылымына қойылатын талаптар және оларды практикалық жүзеге асыру ұсыныстары беріледі.

Курсты оқу барысында магистранттар ЖОО-да тарихи пәндерді оқыту әдістемесінің теориялық мәселелері, тарихи пәндерді оқытудың ерекшелігі, оқытуды жоспарлау мен таныстыру, жоғары білім беру мекемелеріндегі оқытудың қазіргі технологиялары, оларды қолдану жолдары, оқу процесін басқару, жоғары мектептегі бағалау ерекшеліктері мен критерилері, тарих және білім беруді цифрландыру туралы білімдерін тереңдетеді.

Бұл пәнді оқудың мақсаты жоғары кәсіби білім берудің теориялық және практикалық мәселелері болып табылады. Жоғары оқу орындарының педагогикасы білім беру заңдылықтары мен принциптері, жоғары кәсіби білім беру құралдары мен әдістері туралы білімнің дамуын зерттейді. Пәнді меңгеру нәтижесінде білім алушылар Қазақстан Республикасының жоғары білім беру жүйесінің дамуын, оның негізгі міндеттерін біледі. Сонымен қатар педагогикалық процесті басқарудың ғылыми аспектілері және заманауи педагогикалық технологияларды қолдану туралы білімдері қалыптасады.

Бұл пәнді оқудың мақсаты – психологиялық ғылымның қолданбалы бағытының мәселелерін қарастыру, психологиялық білімдер мен теорияларға негізделген басқарушылық қызмет мәселелерін міндетті түрде зерттеу және шешу. Пәнді оқу студенттерге білім беру ортасында болашақ маман ретінде іскерлік қарым-қатынас психологиясы мен мәдениетін, басқару іс-әрекетін меңгеруге көмектеседі. Пәнді меңгеру барысында білім беруді басқару саласында түлектердің көшбасшылық, басқарушылық, рефлексиялық қасиеттерін дамытуға, ғылыми қызметке тікелей қатыстыруға, көшбасшылық қабілеттерін, кәсіби құзыреттіліктерін дамытуға ерекше көңіл бөлінеді, басқару әдістерін дамыту. қалыптасты.

Пән зерттеу әдіснамасын, инновациялық экономиканы, ҒЗТКЖ-ны, зерттеу әдістемесін, ғылыми-зерттеу жұмысының негізгі компоненттерін, авторлық құқықты, патент пен авторлық куәлікті, жобаның ҒЗЖ-дан айырмашылығын, жобаның өмірлік циклін, жоба құнын бағалауды, оңтайлы идеяларды іріктеу критерийлерін зерделейді.

Жоғары оқу орнында оқитын Магистрант болашақ маман және ғалым ретінде "Ғылым тарихы мен философиясы" курсын оқу шеңберінде шығармашылық ойлау мәдениетін тұтас меңгеру дағдыларын иеленеді. Ғылымның қалыптасу ерекшеліктерін зерттейді, сонымен қатар ғылыми танымның әдістері мен әдістерінің әрекеті шеңберіндегі философияның рөлін анықтайды. Қазіргі заманғы ғылымды дамытудың, сондай-ақ ғылымның жаңа бағыттарын дамыту шеңберіндегі мемлекет саясатының маңыздылығын сезінеді. Сонымен қатар, курстың негізгі тақырыптарын зерттеу студенттерге өздерінің кәсіби деңгейлерін қалыптастыруға мүмкіндік береді.

Курсты оқу барысында магистранттарға жоғары оқу орнында тарихты оқыту әдістемесінің ерекшелігі, оның заңнамалық негіздері, жоғары білім беру мекемелеріндегі тарихты оқытудың инновациялық әдістері, олардың кемшіліктері мен артықшылықтары, қолданылу ерекшеліктері, оқу процесін басқарудағы жаңашылдықтар, тарихты оқытуды цифрландыру туралы білімдер беріледі.

Курс шетелдік және отандық әдебиет материалдарынан ақпаратты талдау және өңдеу үшін қажетті арнайы лексиканы меңгеруді қоса алғанда, құзыреттіліктің барлық түрлерінің мәселелерін зерделеуді қамтиды. Курсты оқу кезінде магистранттар ғылыми және кәсіби бағыттағы мәтіндерді оқып, аудара білуі және тиімді ауызша және шет тілінде жазбаша қарым-қатынасты меңгеруі тиіс. Бұл курсты оқыту келесі белсенді әдістерді қолданумен қатар жүреді: проблемалық дәріс, әңгіме дәрісі, кейс әдісі, іскерлік ойындар.

Курста магистранттарға жаңа және қазіргі заман тарихын оқытудың жаңа әдістері мен көзқарастары туралы жаңа білімдер, оқытудың жаңа технологиялары,олардың мазмұны, қолдану жолдарын меңгерту, жаңа және қазіргі заман тарихын кезеңдеу, бұл мәселеде өркениеттік көзқарасты қолдану, Қазақстанның жаңа және қазіргі заман тарихын ұлттық тарих методологиясы тұрғысынан оқыту туралы білімдер беріледі.

Магистранттар әлем тарихының іргелі мәселелерін зерттеудегі жаңа концептуалдық көзқарастармен, историософияның негізгі категориялық аппаратымен, тарихи динамика, тарихтың құрылымы, қозғалысы, мәні туралы мәселелермен танысады; шетелдердің әлеуметтік-экономикалық, саяси, конституциялық-құқықтық даму тарихының іргелі мәселелерін ой елегінен өткізудің жаңа концептуалдық негіздері, адамның тарихи дәуірлерде өмір сүруінің іргетасы болып табылатын негізгі құндылықтардың эволюциясы туралы білімдерін жүйелейді.

Курс барысында магистранттарға шетелдік, республикадағы орталық және өңірлік архивтерде жұмыс жасау әдістемесі, нақты ғылыми зерттеу тақырыбы негізінде катологпен, жолкөрсеткішпен, қормен, тізбемен, іспен жұмыс жасау жолдары, табылған құжаттарды алу (конспектілеу, электронды таспалау), жинақтау, саралау, талдау, салыстыру және маңыздылығын анықтау туралы білімдер беріледі.

Курста посткеңестік кеңістіктегі АҚШ-тың қазіргі саясатының негізгі аспектілері қарастырылады. АҚШ дипломатиясының мақсаттары мен әдістері, қоғамдық дипломатия институттарын пайдалану тетіктері, саяси және экономикалық мүдделерін алға жылжытуда «жұмсақ» және «қатал» күштердің үйлесуі зерттеледі. Орталық Азия мен Қазақстандағы АҚШ стратегиясына ерекше назар аударылады.

Курсты оқу барысында магистранттар жаһандану және қазіргі әлемдегі көші-қон үдерістерінің теориялық мәселелері, жаһандану және көші-қон үдерістеріндегі тенденциялар, қазіргі көші-қон үдерістерінің себептері, бағыттары, сипаты мен салдары туралы білімдерін тереңдетеді. Сондай-ақ, курсты оқу барысында жаһандану және қазіргі әлемдегі көші-қон үдерістерінің әлемдік экономика мен демографияға ықпалы талданады.

Пәнді оқу барысында магистранттар курстың теориялық мәселелері, қазіргі әлемнің саяси-экономикалық дамуының үрдістері, әлемдегі аймақтық интеграциялық процестер, ондағы қайшылықтар, жаңа соғыс ошақтары, олардың пайда болуының себептері, оған жетекші державалардың саяси ұстанымдары, жаңа ғасырда орын алып отырған қауіп-қатерлер туралы білімдерін тереңдетеді.

Курс барысында магистранттар қазіргі архив жүйесі, қойылған зерттеу міндеттері бойынша архивтерден құжаттарды іздеу, табу, сараптау, талдау әдістері, оның барысында дәстүрлі және электронды ғылыми-анықтамалық аппаратты қолдану, сондай-ақ, архивтік-ақпараттық технологияларды игеру жолдары туралы білімдерін тереңдетеді.

Курстың мақсаты магистранттарда тарихи білім беруде медиа-контентті жасақтау, өңдеу және пайдалану бағытындағы білімдерін кеңейту, икемділік-дағдыларын дамыту болып табылады. Курсты оқу барысында магистранттар медиасауаттылықтарын арттырып, ақпараттар ағынымен жұмыс жасау, оларды тексеру, талдау және пайдалану әдістерін меңгереді. Тарихи пәндерді оқыту процесіне қажетті медиа-контентті жасақтауды үйренеді, оларды қолдану құзыреттіліктерін жетілдіреді.

Курсты оқу барысында магистранттар Ресей империясының Орталық Азиядағы ХУІІ-ХІХ ғасырлардағы саясаты, олардың кезеңдік ерекшеліктері, әскери отарлау шаралары, ХІХ ғасырдағы реформалар нәтижесінде жаңа басқару жүйесін енгізуі, жергілікті халықтардың оған деген қарсылығы, патша үкіметінің жаңа отарлау тәсілдері, қоныстандыру саясаты, рухани отарлау бағыттары, мәселенің тарихнамасы туралы білімдерін кеңейтеді.

Курстың мақсаты – білім алушыларда білім беру саласындағы көшбасшылық пен менеджменттің негізгі бағыттары және оларды кәсіби қызметте жүзеге асыра білу туралы түсінік қалыптастыру. Магистранттар басқаруды демократияландыруға, қойылған міндеттерді шешудегі алқалылық пен жеке тұлғаға, басқарудағы объективтілікке назар аудара отырып, басқару заңдылықтары мен принциптерін зерделейді. Курс коммуникативтік дағдыларды, жаңашыл және креативті ойлауды, мәдениетаралық құзыреттілікті, дизайн-ойлауды жетілдіреді.

Магистранттарға Отан тарихының іргелі мәселелеріне қатысты жаңа көзқарастарға негізделген білімдерді беру, атап айтқанда, Қазақстан тарихын кезеңдеу мәселесі, ежелгі және орта ғасырлардағы Қазақстан тарихының өзекті мәселелері, Қазақ мемлекеттілігінің құрылу мәселесі, қазақ халқының ұлт-азаттығы жолындағы күресі тарихының өзекті мәселелері, кеңес дәуіріндегі және қазіргі заманғы Қазақстан тарихының іргелі мәселелері туралы білімдерді түсіндіру.

Магистранттарға ХІХ ғ. тарихи ойлау түрлері, классикалық историзм, оның ғасырлар тоғысындағы дағдарысы, анналдар мектебі, оның екінші буыны, ментальдылық тарихы және тарихи антропология, жаңа әлеуметтік тарих, сандық тарих, психотарих, микротарих, күнделікті тарих, ХХ-ХХІ ғасырлар тоғысындағы тарихи ойдың даму тенденциялары туралы білімдер беріледі.

Тарихи оқиғаларды талдайды, ғылыми-зерттеу жұмыстары барысында методологиялық көзқарастарды, принциптерді ажырата біледі және зерттеудің жалпы ғылыми, арнайы тарихи әдістерін қолданады.

Қазіргі педагогикалық антропология, психология саласындағы білімдерді, жоғары кәсіби педагогтардың тәжірибелерін зерттеу, жалпылау, тарату және қолдану икемділіктері мен дағдыларын меңгерген, басқару үдерісінің психологиялық заңдылықтарын біледі.

Шет тілін біліп, түсінетіндігін көрсетеді, іс жүзінде білімі мен оқу қабілетін қолдана біледі, мамандығы бойынша әдебиеттерді конспектілей алады, шет тілінде акадамиялық жазу және ауызша сөйлеу дағдыларын меңгерген.

Әлемнің ғылыми бейнесі, дүниежүзі және отан тарихының өзекті мәселелері, әлем тарихы мен жаһандық, этнодемографиялық, миграциялық үдерістердің олардың тарихи, экономикалық және құқықтық жағдайларына қарай даму логикасы туралы білімі мен түсініктерін көрсетеді.

Жалпыадамзаттық мәдениет және ұлттық ерекшеліктер жетістіктері негізіндегі қызмет тәжірибесі мен танымын игерген, өз халқының мәдениетін және әлемнің мәдени көпалуандылығын бағалайды; рухани келісім және толеранттылық идеяларын қолдайды.

Педагогикалық қызметке деген жоғары мотивациясы бар және өзбетінше білім алуға және өзін-өзі тануға ұмтылады.

Тарихи деректермен жұмыс жасаудың әдіс-тәсілдерін қолданады, ғылыми зерттеуде архивтік-ақпараттық технологияларды қолданады, түрлі тарихнамалық мектептердің тұжырымдамаларын сыни тұрғыда қабылдайды, батыстық тарихнама теорияларымен таныс.

Басқарушылық және көшбасшылық қабілеттерді қалыптастырады: сыни ойлау, шығармашылық ұстаным, инновациялық көзқарастар жасақтау және кез-келген өмірлік жағдайда шешімдер қабылдау дағдыларын меңгерген.

Оқу және тәрбие үдерісін ұйымдастырады, педагогикалық үдерісті жоспарлайды және басқарады, педагогикалық қызметтің қорытындысын диагностикалайды, болжау және түзету дағдыларын меңгерген.

Педагогикалық интеграция теориясы, тарихи пәндерді оқыту әдістемесі, педагогикалық жобалау және тарихи білім беруде медиа-контентті қолдану саласының білімдерін; педагогикалық міндеттерді шешуде әртүрлі пәндік салалардан білімді интеграциялау, әлеуметтік серіктестік пен педагогикалық ынтымақтастыққа қабілетті болу біліктері мен дағдыларын меңгерген.