7M05101 Биология в Әл-Фараби атындағы Қазақ ұлттық университеті

Пәннің мақсаты өзіндік ғылыми зерттеулерді жүргізу әдістерін, тәсілдерін интерпретациялау мен жалпылау қабілеттіліктерін қалыптастыру. Оқу курсы ғылыми-зерттеу жұмыстарын жүргізу, ұйымдастыру ерекшеліктерін, принциптерін түсінуді қалыптастырады. Пән келесі мәселелерді оқытуға бағытталған: ғылыми зерттеулердің зерттеу, ұйымдастыру, құрылым, эффективтілігін арттыру жалпы ғылыми әдістері, ақпарат көздерін іздестіру, ғылыми мақалалар мен жобалардың мазмұнына, құрылымына, безендіруіне қойылатын талаптар.

Пәннің мақсаты: клеткалық, организмдік, молекулалық деңгейде қартаю және қартаюға қарсы механизмдерді зерделеу арқылы геронтология және биомедицина саласындағы молекулалық және клеткалық биологияның маңызды мәселелерін шешу үшін магистранттардың қабілетін дамыту, алған білімдері мен дағдыларын болашақ кәсіби қызметінде қолдану.

Пәннің мақсаты – ісік клеткаларының түзілу механизмдерін, олардың бөлінуін, өсуін, жетілуін, идентификациясын және диагностикасын зерттеу арқылы клетка биологиясы және биомедицина саласындағы маңызды мәселелерді шешуге магистранттардың қабілетін дамыту және болашақ кәсіби қызметінде алған білімдері мен дағдыларын өз мақсаттарында пайдалана білу.

Курс ғылым философиясы туралы түсініктерді, олардың рационалды-теориялық түсінудегі мәселелерін қамтитын ерекше типтегі білімдер жүйесі ретінде қалыптастыруға бағытталған. Ғылымның идеялық негізі, пайда болуы, қалыптасуы мәселелері қарастырылады. Ежелгі дүниедегі, Орта ғасырлардағы және Қайта өрлеу дәуіріндегі ғылым.

Оқыту курсы өсімдіктер бірлестігінің динамикасының әртүрлі формаларын – маусымдық, флуктуациялық, сукцессиялық және эволюциялық және өсімдік жамылғысының тарихи динамикасының факторларын зерттеуге арналған, өсімдіктер арасындағы байланыс түрлерін, құрамы мен құрылымының қалыптасу механизмдерін, өсімдіктер қауымдастығы, өсімдіктердің популяциялық биологиясы, өсімдік жамылғысының өндірісі мәселелері қарастырылады.

Курстың мақсаты – жоғары оқу орындарының дидактикасы, білім беру теориясы, педагогикалық іс-әрекетті талдау және өзін-өзі бағалау бойынша білімдер негізінде жоғары оқу орындары мен колледждерде педагогикалық құзыреттілік пен педагогикалық қызмет қабілетін қалыптастыру. Заманауи жоғары білімді дамытудағы мега-тренд, Болон процесі түрлі стратегиялар, оқыту әдістерін қолдана отырып, лекторлық және кураторлық шеберлікті меңгеру мәселелері қарастырылады.

Пән шетел тілінде білім берудің халықаралық стандарттарына сәйкес өзінің кәсіби қызметінде шетел тілінде қарым-қатынас жасау үшін тілдік, коммуникативтік құзыреттілікті қалыптастыруға, мәдениетаралық, ғылыми коммуникация контексінде кәсіби қарым-қатынас орнатуға, жаңа ақпараттық ресурстарды, технологияларды игеру негізінде ғылыми байланыстарды кеңейтуге және зерттеу қызметін дамытуға бағытталған

Пәннің мақсаты – магистранттарға гендердің экспрессиясын реттеу және гормондар биохимиясы саласындағы білімнің тұтас жүйесін қалыптастыру, биохимиялық процестердің механизмдерін жүзеге асыруда молекулалық, субклеткалық деңгейде гормондардың реттеуші рөлі туралы физиологиялық, генетикалық және иммунологиялық процестер жайында түсініктер қалыптастыру.

Курстың мақсаты – дамыту менеджмент психологиясының іргелі концепцияларын жүйелі түрде білу, кәсіби даму процесінде менеджмент саласының маңызды аспектілерін теориялық түсіну және практикалық қолдану үшін алғышарттар жасау.Басқару психологиясының негізгі принциптері, басқару әрекетіндегі тұлға, тұлға мінез-құлқын басқару, құндылықтар бойынша басқару туралы заманауи идеялар, топтық құбылыстарды басқару психологиясы қарастырылады.

Пәннің мақсаты – организмнің дамуы немесе жасушаның бөлінуі кезіндегі гендік белсенділіктің тұқым қуалайтын өзгерістерін зерттейтін эпигенетика туралы және организмнің сұйық орталары (қан, лимфа, ұлпа сұйықтығы) арқылы гормондардың, мүшелер мен ұлпалардың тіршілік әрекеті барысында жүзеге асырылатын физиологиялық және биохимиялық процестерді үйлестіруден тұратын гуморальды реттелу процестері жайында түсініктерді қалыптастыру.

Курстың мақсаты: тірі және тіршілік туралы білімнің биологиялық тұжырымдамаларының негізінде жатқан теориялар туралы түсінік қалыптастыру: теориялық биология заңдарының тірі жүйелерге қолданылуын жүйелеу; биологиялық құбылыстар мен процестердің, олардың физикалық және химиялық негіздерінің тұтас көрінісін дәлелдеу, тапсырмаларды тұжырымдауға және зерттеу жоспарын құруға мүмкіндік беретін эволюцияның болмай қоймайтындығын негіздеу.

Пәннің мақсаты – магистранттардың молекулалық клондау стратегиялары, рекомбинантты ДНҚ алу әдістері, амплификация және секвенирлеу, селекциялық технологияларды қолданудың іргелі ережелері және олардың генетикалық заңдылықтарға сәйкестігі туралы түсініктерін қалыптастыру. Гендік инженерия мен селекцияны вакциналарды алуда, трансгенді және қоршаған ортаға төзімді өсімдіктерді, гендік терапияда және регенеративті медицинада практикалық қолдану.

Оқыту курсында биологиялық мониторинг түсінігі және оны ұйымдастыру принциптері, тірі және өлі табиғат арасындағы байланыстары, ортаны биотестілеу және қалалық аумақтың биомониторингі қарастырылады, сондай-ақ өсімдікті шаруашылықтың әр саласында және қоршаған ортаның ластану дәрежесінде анықтауда көрсеткіш (индикатор) ретінде пайдаланудың ғылыми бағыттары меңгеріледі.

Пәннің мақсаты: Ағза қызметін реттеудің молекулалық механизмдері туралы түсініктерді қалыптастыру және қан айналымы физиологиясы туралы білімдерін көрсете білу, жүрек пен қан тамырларының физиологиялық ерекшеліктерін, қанның қозғалысын қамтамасыз ету механизмдерін түсіндіру. қан тамырларының тұйық жүйесі арқылы ағзадағы реттеу процестері мен құбылыстарын және жүрек-тамыр жүйесінің физиологиялық механизмдерін, сыртқы орта факторларының әсерін талдай білу.

Пәннің мақсаты: эксперименттік зерттеулерді жүргізу және жоспарлау әдістерін ашу, этиканы сақтай отырып, эксперименттік зертханалық жануарларды өңдеу, алынған эксперименттік деректерді талдай білу. Клиникаға дейінгі ғылыми-зерттеу жұмыстарын жүргізудің негізгі ережелерін зерттеу. Зоотехникалық және биологиялық зерттеулер әдістері, эксперименттерді жоспарлау және жүргізу, статистикалық өңдеу және зерттеу нәтижелерін бағалау бойынша білім мен практикалық дағдыларды қалыптастыру.

Курстың мақсаты – клетка биологиясының қазіргі заманғы мәселелері мен жетістіктері, клетканы зерттеудің қазіргі заманғы молекулалық-генетикалық, биотехнологиялық әдістері, соңғы ғылыми жағынан маңызды ретроспективті және клеткалар мен клеткаішілік құрылымдардың ашылуын меңгеру; сондай-ақ баған клеткаларының бағытталған дифференциациясын кәсіби зерттеу мақсатында клетка биологиясы және биомедицина саласындағы магистрлердің білімін тереңдету және олардың клеткалық терапияда, ұлпа инженериясында қолданылуын түсіндіру.

Оқыту курсы қала флорасының қазіргі тұжырымдамасына, елді мекендер флорасының генезисіне және қала флорасының құрамы мен фракциясына талдау жасау ерекшеліктеріне қатысты мәселелер кешенін қамтиды. Интерьер мен ландшафттардың фитокомпозицияларын құру, пайдалану және сақтауда кешенді экологиялық тәсілді қолдану дағдыларын меңгеру.

Пәннің мақсаты -гистогенездің қазіргі өзекті проблемаларымен, клеткалардың ұйымдасуы және ұлпалардың регенерациясы, бағаналы клеткалардың регенерациядағы рөлі, біртекті клеткалардағы айырмашылықтардың пайда болу мәнін түсіндіру, нәтижесінде организмде белгілі қызмет атқаруға қабілетті маманданған клеткалар, ұлпалар мен мүшелерді және басқа да клеткалармен байланысы жайлы білімді қалыптастыру.

Пәннің мақсаты:биологиялық әртүрліліктің құрылымын, мазмұны мен шежіресін ашатын таксономиялық ақпараттық база ретінде филогенетикалық жүйелеу түсінігін қалыптастыру. Жүйені құрудың ежелгі, классикалық және заманауи әдістемелік тәсілдері, омыртқалы жануарлардың әртүрлі таксондар арасында туыстық қарым-қатынас орнату туралы ұғымды ашу.Шығу тегі-ұрпақ байланыстарының нақты көрінісі қайта құрылған генеалогиялық бұтақты құру әдістерімен таныстыру.

Пәннің мақсаты - магистранттарда адам және жануарлардың эмбриональдық жалпы даму заңдылықтары жайлы білімін қалыптастыру, адам эмбриогенезінің басқа сүтқоректілермен салыстырғандағы ерекшеліктерін, ағзалардың дифференцировкасы және өсу хронологиясы, қоршаған орта факторларының дамуға әсерін қалыптастыру;қолданбалы эволюциялық биологияның заманауи әдістерін: балық шаруашылығы және мал шаруашылығында жасанды ұрықтандыруды енгізу, эмбриондарды трансплантациялау, криоконсервация, клондау, трансгенді жануарлар мен өсімдіктерді жарыққа шығару болып табылады.

Пәннің мақсаты – магистранттарда қазіргі биологияның іргелі биологиялық концепциялары, зерттеу әдістері туралы білімдерін қолдану құзіреттілігін және алған дағдылары мен білімдерін ғылыми, өндірістік қызметті ұйымдастыруда қолдана білу дағдыларын және әртүрлі деңгейдегі биологиялық жүйелердің тұрақтылығын анықтайтын механизмдер туралы, организм мен қоршаған ортаның өзара байланысының механизмдері туралы білімін қалыптастыру.

Пәннің мақсаты: Омыртқалы жануарлардың әртүрлі жүйелеріндегі морфологияның ерекшеліктерін салыстырмалы түрде ашу, омыртқалы жануарлардың шығу тегі мен филогениясын зерттеу. Омыртқалылар қатарындағы жүйелердің эволюциялық өзгеруін, даму мен эволюцияның өзара байланысын көрсету. Эмбриогенездің ерекшеліктерін зерттеу, омыртқасыз жануарлардың әртүрлі таксондарындағы жалпы заңдылықтарды анықтау. Құрсақішілік даму кезінде тірі тууды және эмбриональды бейімделуді қарастыру.

Пәннің мақсаты: жануарлар дүниесіндегі ырғақтық процестердің заңдылықтары, олардың қоршаған орта циклдерімен байланысы, тірі организмдер ішіндегі процестердің ішкі синхронизациясының принциптері, сонымен қатар, сондай-ақ организмдердің аса маңызды функционалдық жүйелерінің жағдайын бақылау үшін люминесценттік және флюориметриялық әдістерді пайдалана отырып, биофизикалық процестердің бұзылуын аспаптық анықтауға негізделген экожүйелердің биофизикалық мониторингінің принциптері жайында түсініктерді қалыптастыру.

Пәннің мақсаты - ДНҚ, РНҚ және ақуызды талдаудың нақты әдістеріне негізделген тиімді диагностиканың принциптері мен мүмкіндіктері жайлы түсініктерді қалыптастыру. Молекулалық диагностика жеке даму тәуекелін бағалап көптеген патологияларды, тұқым қуалайтын және онкологиялық ауруларды анықтайды, қылмыстық және сот-медициналық ДНҚ дактилоскопия жүргізу.

жалпы биология, клеткалық және молекулалық биология, генетика, микробиология, биохимия, биофизика, биотехнология салалары бойынша ғылыми зерттеулер жүргізу кезінде, жаңа инновациялық технологияларды жасау барысында, сондай-ақ арнаулы орта және жоғары оқу орындарында оқу процесін ұйымдастыру кезінде ақпараттық технологияларды қолдана отырып жүйелі, іргелі білімдерін көрсете білу.

биология және биотехнология салаларында меңгерілген зерттеу технологиялары арқылы ғылыми әлемдік көзқарасты негізге ала отырып кешенді зерттеу жұмыстарын жобалау және жүзеге асыру, заманауи компьютерлік технологияларды қолдана отырып тәуелсіз биологиялық зерттеулерді жүзеге асыру үшін бағдарламалық өнімдерді қолдана білу.

жаңа дәрілік препараттарды, микроорганизмдер штаммдарын, ауыл шаруашылығында өсімдіктер мен жануарлардың түрлерін, ГМО жасау мақсатында биология, химия, физика, АТ, медицина, ауыл шаруашылығы салаларында пәнаралық зерттеулер жүргізе білу.

биология және аралас салалардағы, соның ішінде экология, медицина, ауыл шаруашылығы, биотехнологияда ғылыми өнімдерді бағалай білу және рецензия беру.

оқу, оқу-әдістемелік, ғылыми, өндірістік қызметтерде проблемалық мәселелерді шешу барысында бастапқы теориялық ұстанымдарды таңдап қолдану кезінде биологияның қазіргі заманғы бағыттарының концепциясы мен ғылыми теориясын жүйелей және түсіндіре білу.

биология, биотехнология, экология, медицина, білім беру салаларында ғылыми зерттеулер мен теорияларды жүйелей, әзірлей және жоспарлай білу және сыни бағалай білу және мәселелерді кәсіби деңгейде шеше алу.

биоэтика қағидаларына негізделген ғылыми-зерттеу қызметін құру; жұмыс сапасына және нәтижелердің ғылыми дәлдігіне, биоәртүрлілікті сақтауға және қорғауға, адам құқықтары мен денсаулығына жеке жауапты болады.

биология салаларымен және онымен аралас яғни, медицина, ауыл шаруашылығы, экология, биотехнология қызмет салаларында практикалық міндеттерді шешу кезінде ғылыми, ғылыми-техникалық бағдарламаларды және жобаларды іске асыра білу.

ғылыми биологиялық зерттеулердің деңгейін ботаника, зоология, клеткалық биология, эмбриология, молекулалық биология, биоинженерия салаларында ғылыми мәліметтерді өңдеуді, биометриялауды, түсіндіруді кең таралған қазіргі заманғы әдістер арқылы жетілдіру.

биотехнология және биология салаларында қолданылатын жартылай өндірістің тәжірибелік сатыларының схемасын жасау және осыны негізге ала отырып технологиялық процестерді жүзеге асыру.