6B05203 Гидрология в Әл-Фараби атындағы Қазақ ұлттық университеті

Мақсаты - геодезиялық өндірістің заманауи шарттарында топографиялық-геодезиялық жұмыстардың негізгі түрлерінің теориялық және практикалық білімдерін қолдану қабілетін қалыптастыру. Пән зерттеуге бағытталған: географиялық, тікбұрышты координаталарды, дирекциондық бұрыштарды, азимуттерді; теодолитпен, нивелирлермен, электрондық тахометрлермен және басқа геодезиялық құралдарды пайдалану әдістерімен, сызықтарды бағыттау және топографиялық карталар мен пландарды қолдану жолдарымен.

Мақсаты: кәсіпкерлік теориясы мен тәжірибесін зерделеу негізінде кәсіпкерлік қызметтің практикалық дағдыларын қалыптастыру болып табылады. Студент қабілетті: жеке қызығушылықтары мен қабілеттеріне сәйкес келетін нарық мүмкіндіктерін пайдалануға; бизнесті бастау туралы бастапқы шешімді қабылдауға; қолданыстағы құқықтық нормалар шеңберінде тиімді жұмыс жасауға; стартаптың әлеуетті нарықтық мүмкіндіктерін анықтауға және бағалауға.

Мақсаты - заңдылықтарды, тұжырымдамаларды, кәсіби қызметті ғылыми зерттеуді ұйымдастыру мен басқарудың ерекшеліктерін қолдану дағдыларын қалыптастыру. Пән қазіргі ғылыми әдістемеге сәйкес ғылыми зерттеулерді ұйымдастыруды жоспарлау дағдыларын; ғылыми әзірлемелер, ғылыми байланыстар мүмкіндігі, әр түрлі деңгейдегі ғылыми гранттарға өтінім беруге, ақпараттарды іздеу тәртібінің дағдыларын қалыптастыруға бағытталған.

Пәннің мақсаты: Сыбайлас жемқорлыққа қарсы заңнама нормаларын жетік білетін, құқық қолдану тәжірибесінде қолдана алатын, сыбайлас жемқорлықты дұрыс саралайтын жоғары білікті мамандарды, сыбайлас жемқорлыққа қарсы мәдениетті қалыптастыру. Оқытылатын болады: сыбайлас жемқорлыққа қарсы заңнама, сыбайлас жемқорлыққа қарсы іс-қимыл субъектілерінің жүйесі, жемқорлыққа ықпал ететін жағдайлар, оған қарсы саясат, жемқорлыққа қарсы күрестің халықаралық тәжірибесі.

Пәннің мақсаты – су нысандарын мониторинг жүргізу әдістері мен қағидалары туралы білімді қалыптастыру. Пән гидрологиялық элементтерді анықтау мен зерттеу әдістері және гидрометриялық құралдар, бақылау нәтижелерін өңдеу тәсілдері туралы мәліметтерді береді. Пәнді оқу барысында су деңгейлерін, тереңдіктерін, су ағысының жылдамдығын өлшеу дағдыларын меңгереді.

Пәннің мақсаты: студенттердің әлемдік және ұлттық мәдениеттің даму контекстіндегі ұлы түркі ойшылы Әбу Насыр әл-Фарабидің ғылыми және философиялық мұрасы туралы түсініктерді қалыптастыру. Әл-Фараби мұрасының ерекшеліктері және оның түркі философиясының қалыптасуына тигізген әсері; шығыс философиясының Еуропалық Ренессансқа әсер ету сипаты; ұлттық және әлемдік философия тарихының дәстүрлі және қазіргі заманғы мәселелері қарастырылады.

Пәннің мақсаты - болашақ мамандардың кәсіби білімін, түсінігін, қабілетін елдің ынтымағы мен бірлігін нығайту, қоғамның интеллектуалдық әлеуетін арттыру мақсатында қолдану құзіреттілігін қалыптастыру. Қарастырылатын мәселелер:Абай ілімі туралы түсінік; Абай ілімінің қайнар көздері; Абай ілімінің құрамдас бөлімдері; Абай ілімінің категориялары; Абай ілімінің өлшеу құралдары; Абай ілімінің мәні мен маңызы.

Пәннің мақсаты тірі организмдердің тіршілік ету ортасымен өзара әрекеттесу заңдылықтары, биосфераның жұмыс істеуі, зиянды, зақымдайтын факторлардан адам өмірінің қауіпсіздігін қамтамасыз ету негіздері, қауіптерден қорғау тәсілдері, авариялар, апаттар, табиғи апаттар салдарын жою жөніндегі іс-шаралар, қоршаған ортаны қорғау және табиғатты ұтымды пайдалану туралы білімді қалыптастыру.

Пәннің мақсаты қоршаған ортадағы табиғи процестер туралы түсінік қалыптастыру. Пән кинематиканың элементтерін; сұйықтықтар мен газдардың механикасын; молекулярлық физиканы; термодинамиканы; тербелістер мен толқындар физикасын; қоршаған ортада жүріп жатқан негізгі химиялық құбылыстар мен процестерді; электролит ерітінділеріндегі алмасу реакцияларын; тотығу-тотықсыздану реакцияларын; химиялық процестердің жүру заңдылықтарын зерттеуге бағытталған.

Пәннің мақсаты гидросфера – тау гидрологиясы, гляциология және өзендер мен көлдер гидрофизикасы туралы түсінікті қалыптастыру; Пән: тау өзендері мен мұздық ағындысының режимі туралы зерттеу әдістерін, олардың ресурстары мен құрамын, уақыттық және кеңістіктік таралу заңдылықтарын және таулы аудандардағы су объектілерінің негізгі есептік сипаттамаларын анықтау тәсілдерін зерттеуге бағытталған.

Пәннің мақсаты – маңызды математикалық ұғымдар мен тұжырымдар туралы түсінік қалыптастыру. Пән: табиғи-қолданбалы міндеттерді шешуге арналған жоғары математиканың негізгі анықтамаларын, теоремалары мен ережелерін; сызықтық алгебраның, аналитикалық геометрияның, дифференциалдық және интегралдық есептеулердің ұғымдары мен әдістерін; векторлар мен матрицаларға байланысты концепциялар мен әдістерді, дифференциалдық теңдеулерді шешу жолдарын.

Пәннің мақсаты – су теңдестігі элементтерінің қалыптасу заңдылықтары туралы білімді қалыптастыру. Пән табиғи су нысандардағы, өзен алаптарындағы су теңдестігін кешенді зерттеу әдістерін жүргізу және оны ұйымдастырудың түрлі әдістерін қолдануға бағытталған. Оқу курсы келесідей сұрақтарды шешуге бағытталған: су теңдестігінің негізгі элементтерін есептеу және зерттеу, жер беті суларының су теңдестігі.

Пәннің мақсаты өзендер мен олардың бассейндеріндегі гидрологиялық процестер мен құбылыстар, гидрологиялық-географиялық талдау әдістері туралы түсінік қалыптастыру. Пән өзендерде болатын гидрологиялық процестердің заңдылықтарын түсінуге бағытталған; заттар мен энергияның жалпы айналымындағы өзендердің рөлі, өзендердегі гидрологиялық процестердің өзен бассейндерінің физикалық-географиялық жағдайымен байланысы.

Пәннің мақсаты атмосфераның негізгі физикалық заңдылықтары, ауа-райы мен климаттың қалыптасу заңдылықтары, олардың жер шарында таралуы және өткен кезең мен болашақтағы өзгерістері туралы түсінік қалыптастыру. Пән климат түзуші факторлар мен климат түзілу заңдылықтарын, микроклимат туралы мәліметтерді, климат динамикасының өзгеруін және адамның климатқа әсерінің негізгі түрлерін зерттеуге бағытталған.

Пәннің мақсаты су шаруашылығында қолданылатын әртүрлі мақсаттағы гидротехникалық құрылыстар (гидроқұрылыстар) мен конструкциялардың негізгі түрлері туралы түсінікті қалыптастыру, гидротехникалық құрылыстардың орнықтылығын есептеуді орындау, негізгі флютбеттің қалыңдығын анықтау, гидрожүйелерді жобалау және пайдалану үшін біртекті бөгеттің фильтрациясын есептеу және су шаруашылығы салаларын сумен қамтамасыз ету.

Пәннің мақсаты су тұтыну және су пайдалану нысандарын құру кезінде құрылыстық жобалау қажеттіліктерін қамтамасыз ету үшін қажетті гидрологиялық есептерді орындау және ағындының есептік гидрологиялық сипаттамаларын анықтау қабілетін қалыптастыру. Пән табиғи заңдылықтар мен сұйық және қатты ағынды қалыптастыру процестерін, гидрологиялық есептеулердің қолданыстағы және перспективті әдістерін зерттеуге бағытталған.

Пәннің мақсаты – Қазақстанның табиғи ресурстық әлеуетін сипаттау және бағалау қабілетін қалыптастыру. Пән табиғаттың негізгі құрамдас бөліктерінің – геологиялық даму тарихының, жер бедерінің, климаттың, ішкі сулардың, топырақ және биотаның өзара байланысы мен өзара тәуелділігін; Қазақстандағы физикалық-географиялық зерттеулердің негізгі кезеңдерін зерттеуге бағытталған.

Пәннің мақсаты гидравликалық құбылыстар физикасын түсіндіру, каналдар, өзендер мен құбырларда су қозғалысының және тыныштық негізгі заңдары, ашық арналарда өтетін үдерістердің энергетикалық білу, өзендер мен каналдардың өткізу қабілетін анықтау. Пән гидрологиялық имараттар мен каналдар қимасының негізгі өлшемдерін анықтау, қорытынды нәтижелерді таңдау мен негіздеу үшін есептеулер нәтижелерін талдауға бағытталған.

Пәннің мақсаты - Жер беті аймақтарының физикалық-географиялық сипаттамаларына байланысты су нысандарының гидрологиялық режимінің ерекшеліктері туралы түсінік қалыптастыру. Пән құрлықтар мен Жер аймақтарының климаттық және физикалық-географиялық жағдайларын және гидрографиялық желі мен өзен ағынын қалыптастыру процестерін зерттеуге бағытталған.

Пәннің мақсаты - гидрологиялық процестің әртүрлі аспектілеріне адамның экономикалық әсерін ескере отырып, гидрометриялық бақылаулардың болуы және болмауы жағдайлары үшін максималды және қатты ағындыны, су деңгейін есептеу қабілетін қалыптастыру. Пән практикада кеңінен қолданылатын әдістер негізінде әртүрлі мақсаттар үшін гидрологиялық және су шаруашылығы есептеулерін жүргізуге бағытталған.

Пәннің мақсаты - өзен жүйелерінде жаһандық үдерістерге ықпал ететін факторларды анықтау мен талдау қабілетін қалыптастыру және мәселелерді шешу жолдарын табу. Пән жазылған емтиханға және бағалау эссесіне қатысты дәлелдемелерді бағалауға және дәлелдеуге мүмкіндік береді. Оқыту курсы келесі мәселелерді қарастыруға бағытталған: өзен жүйелері, өзен алаптарындағы экологиялық мәселелер.

Курстың мақсаты қолданбалы статистикалық талдаудың теориялық және тәжірибелік негізін меңгеру, гидрологиялық мәліметтер мен ақпараттардың ерекшелігімен, гидрологиялық ақпараттарды өңдеудің негізгі статистикалық әдістерімен, бағдарламалар пакетінің көмегімен мәліметтерді өңдеудің тәжірибелік дағдыларын нақты мәселелерді шешуде қолданбалы статистикалық талдау әдістерімен таныстыру.

Пәннің мақсаты ағынды қалыптастыру жағдайларын анықтайтын модельдердің параметрлерінің мәндерін бағалау қабілетін қалыптастыру. Пән жер бедерінің сандық моделін құруға және талдауға, гидрографиялық желіні сәйкестендіруге, ағындының қалыптасуын модельдеуге, беткейлердің тұрақтылығын және қауіпті гидрологиялық процестердің даму қаупін бағалауға, сондай-ақ су ресурстарын басқару саласындағы бірқатар мәселелерді шешуге бағытталған.

Пәннің мақсаты перспективада ағындыны ұтымды және қауіпсіз пайдалану үшін экономикалық қызметтің әсерін сандық бағалау негізінде оның сипаттамаларының маңызды өзгерістерін бағалау қабілетін қалыптастыру. Пән шаруашылық қызметке байланысты өзен ағындысының өзгеруін, өзендердің жиынтық және көпжылдық ағындысының өзгеруін анықтауға бағытталған.

Пәннің мақсаты – қауіпті гидрологиялық құбылыстардың табиғатын, қалыптастырушы факторларын, алдын алу шараларын, болжау әдістерін зерттеу. Пән су басудың түрлері, қайталанғыштығы бойынша су басудың жіктемелері, қауіпті гидрологиялық құбылыстардың қаупі, шығындар жөніндегі білімді қалыптастыру. Оқу курсында су басу, көктемгі су тасу, мұз құбылыстары, су тасқыны, сел, шығу тегі нөсерлі су тасқындарын сипатталады.

Пәннің мақсаты ақаба сулардың құрамы мен физикалық-химиялық көрсеткіштерін, су бұру нормалары мен ақаба сулардың өтімін, ағынды сулардың аумақтары мен су ресурстарының жағдайына әсерін бағалауды зерттеу және су объектілеріндегі су сапасын реттеу туралы түсінік қалыптастыру. Оқыту барысында әртүрлі ақаба суларды тазарту әдістерін, ағынды суларды бұру нормаларын және өтімдерін анықтау дағдыларын меңгеру.

Курстың мақсаты - су шаруашылығы туралы түсінік беру және студенттерге су ресурстарын тиімді пайдалануға байланысты су шаруашылығы есептерін орындау. Оқыту барысында ағынды реттеу үшін су шаруашылық есептерін орындау және су ресурстарын кешенді пайдалану схемаларын жасау арқылы су ресурстарын ұтымды жоспарлау және пайдалану дағдыларын меңгеру.

Пәннің мақсаты сел қалыптастырушы факторлар, селдердің есептік сипаттамаларын анықтау әдістері және оларды өлшеу тәсілдері туралы түсінік қалыптастыру. Пән сел құбылыстарының табиғатын, селдердің таралуын зерделеуге, кеңістіктік және уақыттық болжамдар жасау және сел қауіптерін басқару бойынша шешімдер қабылдау үшін сел қаупі мен сел қауіптілігі критерийлерін анықтауға бағытталған.

Пәннің мақсаты қатты және деформацияланатын ашық арналардағы судың қозғалысы, арна процестері мен деформациялардың түрлері туралы түсінік қалыптастыру. Пән арна ағыстарының кинематикасы мен динамикасын, өзен тасындыларыныңқалыптасуы мен тасымалдануын, арна процестерін, өзен арналарындағы ағыстарды талдау және есептеу әдістерін, өзен тасындыларының қозғалысы мен ағындысын, арна деформацияларын білуге бағытталған.

Пәннің мақсаты экономика салаларының қызметіне гидрометеорологиялық жағдайлар мен режимдік сипаттамалардың әсер ету дәрежесін бағалау қабілетін қалыптастыру және гидрологиялық ақпарат пен есептеудің принципті схемалары негізінде оңтайлы шаруашылық шешімдерді таңдауға ұсыныстар беру. Пән гидрометриялық ақпаратты тиімді пайдалану үшін оңтайлы шешімдерді іздеудің принциптері мен әдістерін дамытуға бағытталған.

Пәннің мақсаты гидрологиялық құбылыстардың пайда болуы мен даму заңдылықтарын талдау қабілетін қалыптастыру. Пән су өтімі мен деңгейінің, мұздық құбылыстардың, судың максималды шығындарының, жазық өзендердің сабалық ағындысының болжамдарын жасауға, су тасқынын қалыптастыру теориясын зерттеуге, еріген сулардың ысырап болуын анықтауға бағытталған.

Пәннің мақсаты – математикалық функцияларды қолдану арқылы табиғи процестерді модельдеу, гидрологиялық модельді калибрлеу және жауын-шашынды ағынды сипаттамаларына айналдыру туралы түсінік қалыптастыру. Пән су тасқыны қаупін картаға түсіру және гидрологиялық және метеорологиялық деректерді біріктіру үшін кеңістіктік қатынастарды зерттеуге және 1D, 2D модельдерін дайындауға бағытталған.

Су объектілерінің режимін талдау, гидрологиялық сипаттамаларды есептеу, ГАЖ технологияларын қолдана отырып гидрологиялық процестерді модельдеу және болжау кезінде алған білімдерін біріктіру.

Гидрологиялық желінің жұмыс жоспарларының сапалы орындалуын қамтамасыз ету және мамандарға, сондай-ақ маман емес адамдарға ұсынылатын кәсіби ақпаратты рәсімдеу бойынша мәселелерді шешу.

Шаруашылық қызметті жоспарлау, су ресурстарын бағалау, су шаруашылығы қызметін негіздеу үшін бақылаудың сенімді материалдарының болуы жағдайында және олар болмаған кезде өзен ағындысын есептеу әдістерін пайдалану.

Командада жұмыс істеу, жаратылыстану және әлеуметтік-экономикалық ғылымдар саласында өз білімдерін қолдану, әлеуметтік-маңызды мәселелер мен процестерді талдау, алған білімдерін кәсіби қызметтің әртүрлі түрлерінде пайдалана білу, елдер мен өңірлердің әлеуметтік-экономикалық жағдайын талдау үшін жеткілікті теориялық дайындығы болуы.

ГТИ жобалау және апатсыз пайдалану үшін турбулентті ағынның тасымалдау қабілетін, арналық турбуленттіліктің негізгі сипаттамаларын, шөгінділер мен түптік шөгінділердің механикалық және гидравликалық қасиеттерін анықтау.

Далалық және экспедициялық су-теңдестік зерттеулердің негізгі түрлерін, далалық материалдарды өңдеуді, су-теңдестік бақылауларды ұйымдастыруды жүргізу.

Іргелі заңдарды, физика-математика ғылымдарының теорияларын, сондай-ақ физика-математика ғылымдарының әртүрлі салаларының типтік есептерін шешу үшін өзінің кәсіби қызметінде физика-математикалық зерттеу әдістерін қолдану.

Жер туралы сабақтас ғылымдардағы Гидрологияның міндеттерін, Су шаруашылығы іс-шараларын шешуде шаруашылық қызметтің әртүрлі салаларындағы гидрометеорологиялық ақпараттың маңыздылығын негіздеу.

Нормативтік құжаттарға сәйкес су шаруашылығы объектілерін жобалау және пайдалану кезінде гидротехникалық құрылыстарды негіздеу үшін гидравликалық есептер жүргізу.

Күтілетін апатты гидрологиялық құбылыс туралы, су ресурстарының жай-күйі, табиғи және жасанды су қоймалары суларының режимі мен сапасы туралы, олардың әлеуетін бағалай отырып сапалы болжам жасау

Болашақта алдын алу мақсатында су объектілеріндегі қауіпті гидрологиялық құбылыстардың сипаттамаларын бағалау.

Гидрология ғылымының дамуының қазіргі тұжырымдамасы негізінде гидросферада болатын процестердің заңдылықтарын түсіндіру.