6B01510 География в Қазақ ұлттық қыздар педагогикалық университеті

Эмоционалды интеллект және ұйымдастыру мәдениеті. Эмоционалды интеллекттің топтық көрсеткішітері. Эмоционалды менеджмент. Эмоционалды интеллект және тиімді команда құру. Жеке адамның эмоционалды интеллектін дамыту. Отандық және шет елдік ұйымдарда эмоционалды интеллект енгізудің жүйелі амалдары: жеке адамның мотивациясын орайластыру, топты қалыптастыру тәсілдері, даудамайларды шешу, кері байланыс орнату.

Пән тұлғаның жеке әлеуметтік жауапкершілігін дамытуға және адамның жеке әлеуетін жандандыруға, ерікті және өтеусіз көмек көрсетуге және өзара көмек көрсетуге, азаматтық қоғамның игілігі үшін кең ауқымды қызмет көрсету, басқа да азаматтық шараларды орындауға үйретуге бағытталған. Пән еріктілер қызметінің маңыздылығын аша отырып, бұл қызметтің Қазақстандағы мәселелері мен даму перспективаларын айқындайды.

Пән студенттердің заманауи экологиялық білімі мен мәдениетін қалыптастырады, өмір қауіпсіздігі үшін техникалық құралдар мен технологиялық процестердің қауіпсіздігін арттыру әдістерін қолдану дағдыларын дамытады Пән әртүрлі деңгейдегі ұйымның экожүйелері қызметінің, тұтастай биосфераның негізгі заңдылықтарын, адам мен табиғаттың өзара қарым-қатынасында туындайтын қайшылықтарды, сондай-ақ табиғат пен экологияға ұқыпты қарау қажеттігін айқындайды

Пәнді игеру арқылы әрбір студент жеке тұлға ретінде көшбасшылық қасиеттерін ашу және дамыту, инновациялық үдерістерден туындаған жаңалықтарға бейімделу дағдыларын дамыту, сонымен бірге ғылыми-техникалық үдерістер нәтижелерін кәсіби қызметінде қолдана алу мүмкіндіктеріне үйренеді. Басқарудағы көшбасшылық қасиеттер мен адами фактордың қазіргі жағдайы мен даму перспективаларын оқып біледі

Пән студенттердің кәсіпкерлік дағдылары мен іскерлік ойлауын қалыптастыруға бағытталған. Студенттер экономиканың, кәсіпкерлік қызметті жүзеге асыру шарттарын, оның ішкі және сыртқы ортасының заңдылықтарымен жан-жақты танысу арқылы бизнес-жоспар, жеке бизнесті құру және өз бизнесін сәтті жүргізу дағдыларына ие болады.

Пән географиялық идеяларды қалыптастыру және дамыту үрдістерінің теориялық-методологиялық негіздерін, жердің эволюциясы мен қабығының өзара байланысын, планеталық жүйенің қызметін, «мұхит-атмосфреа-материк» және «мантия –литосфера-атмосфера» планетарлық кіші жүйелерінің қызметін оқытуға бағытталған. Географиялық қабықтың құрылысын, құрамдас бөліктерін, шекарасын, өзіне тән сапалық ерекшеліктерін, қалыптасу кезеңдерін, құрылымы мен кеңістіктік жіктелуін, негізгің заңдылықтарын қарастырады.

Курс өз құқықтары мен міндеттерін білетін, сыбайлас жемқорлықтың кез келген көріністеріне төзбейтін заңды сауатты, заңға бағынатын адамды қалыптастыруға бағытталған.Құқықтық және сыбайлас жемқорлыққа қарсы мәдениет Қазақстан Республикасының заңдарын, сондай-ақ сыбайлас жемқорлыққа қарсы заңнаманы және сыбайлас жемқорлық әрекеттері үшін заңдық жауапкершілік мәселелерін зерделеу арқылы дараланады.

Пән картографиялық туындыларды ресімдеудің ғылыми негіздері, түрлі карталар мен атластарды жобалауда қолданылатын бейнелеу құралдары, олардың қасиеттері, түпнұсқаларды графикалық дайындаудың компьютерлік әдістері жайлы мәліметтер беріледі. Пән техникалық және көркем графиканы қолданудың нақты практикалық әдістерін, географиялық карталарды жаңартудың технологиялық процесі барысында графикалық жұмыстардың автоматтандырылған құралдарын іс жүзінде пайдалана алу дағдыларын қарастырады.

Ғылыми жаратылыстану мазмұнындағы заманауи ғылыми түсініктерді, Жер туралы негізгі ғылымдарды және олардың жалпы ұқсастықтары мен айырмашылықтарын, танымның ғылыми жаратылыстану әдістері мен оның құрамдас бөліктерін, ғаламдағы табиғаттың заңдардарының бірлігін, ғылыми ашылулар мен техника мен технологиялардың өзара байланыстарын, әлемнің ғылыми бейнесін қалыптастырудағы ұлы ғалымдардың рөлін қарастырады.

Пән шағын аумақтың табиғатын, жеке табиғи кешендердің өзгеру деңгейі мен сипатын, табиғатта жүретін үрдістерді, халқын, халықтың этнографиялық немесе ұлттық ерекшеліктерін, тарихын және мәдениетін, демографиясын, шаруашылығын, топонимикасын зерттеуге бағытталған. Сонымен қатар, табиғи және әлеуметтік құбылыстардың өзара байланысын, аумақ туралы ақпараттар мен деректерді жинау мен жүйелеуді қарастырады.

Пән Жерді қашықтықтан зерделеу деректерін алудың негізгі көздерін, өңдеу принциптері мен әдістерін зерттеуге бағытталған. Курста жердің табиғи ресурстарын зерттеу үшін Жерді қашықтықтан зерделеудің қазіргі заманғы әдістерінің сипаттамасы, қоршаған орта мониторингін жүзеге асыру, төтенше жағдайлар аймақтарының мониторингі қарастырылады. Сонымен қатар, қашықтықтан зерделеу деректерін алуда, өңдеуде және түсіндіруде кәсіби дағдыларды қалыптастырады.

Пән су нысандарының жалпы жағдайын, су ресурстары қорларының таралуы мен бөлінуін, адамның шаруашылық әрекетінің олардың режимі мен сапасына тигізетін антропогендік әсерін оқытады. Сондай-ақ, суағарлар мен су қоймаларының негізгі гидрологиялық сипаттамаларын, өлшеу және анықтау тәсілдері мен техникалық құралдары, су шаруашылығы жүйелерін жобалау мен пайдалану кезінде гидрологиялық әдістерді қолдануды қарастырылады.

«Оқушылардың жас ерекшелік физиологиясы» курсы әр түрлі жас кезеңдеріндегі адам ағзасының мүшелері мен мүшелер жүйесінің қызметін, организмнің даму динамикасы мен механизмдерін, ерекшеліктерін зерттейді. Курсты меңгеру барысында студенттің алған білімдері болашақ мамандардың ғылыми ой-өрісін кеңейтуге, педагогикалық іс-әрекетке дайындығының теориялық және тәжірбиелік білімдерін қалыптастыруға мүмкіндік береді.

Пән Жер қыртысының құрамын, оның ішкі қабықтарын, тау жыныстарын және оларды түзетін минералдарды, геологиялық қималар мен геологиялық карталарды оқу тәсілдерін меңгертеді. Сонымен қатар, геоморфология негіздері, жер қабатының құрылысы, морфоқұрылымдар мен морфоскульптуралардың жіктелуі, жер беті рельефінің сыртқы келбеті және құрылымдық формаларының өлшемі қазіргі заманғы рельефтің қалыптасуы мен даму мәселелері қарастырылған.

Пән топырақтың құрылысы, құрамы мен қасиеттері, топырақ түзілуі мен қалыптасу факторлары және даму үрдістерін, географиялық таралу заңдылықтарын, топырақ құнарлылығын бағалау әдістерін, топырақты картографиялауды, топырақты тозудан қорғауды, топырақ құнарлылығын реттеудің негізгі тәсілдерін зерделеуге бағытталған.

Пән халықтың қалыптасу үрдісін, динамикасы мен санын, құрылымын, ұдайы өсудің типтерін, миграциясын, қоғамның аумақтық ұйымдасуын қоршаған ортамен қарым-қатынасын, еңбек ресурстары географиясын, әлеуметтік құрамы мен білім деңгейлерін, қоныстану формаларын, қазіргі демографиялық мәселелер және оларды шешу жолдарын қарастырады. Сонымен қатар, табиғи ресурстарды тиімді пайдалану және жаңа өндірістік - аумақтық кешендерді қалыптастыру теориялары қарастырылған.

Пән студенттердің болашақ педагог мамандығына қызығушылықтарын дамытуға және кейін өзін-өзі жетілдіру мақсатында кәсіби өз бетінше білім алуға ынталандыруға бағытталған. Курс студенттердің педагогикалық үдерісті жоспарлау, болжау, ұйымдастыру, басқару және талдау дағдыларын дамытуға; орта білімнің жаңартылған мазмұны аясында тәрбиелеу мен оқытудың технологиялары мен әртүрлі әдістемелерін меңгеруге бағытталған.

Курста топонимдер мен топонимика туралы ұғымдар мен түсініктер, топонимиканың теориялық негіздері, географиялық атаулардың негізгі топтары, Қазақстан және Орталық Азияның топонимикалық жүйелері, топономикалық жүйелердің қалыптасуына әсер етуші факторлар қарастырылады. Дүние бөліктерінің, Еуропа, Азия, Америка және Аустралия елдерінің топонимиясы, сирек кездесетін топонимдер, географиялық атауларды стандарттау, тарихи атауларды қалпына келтіру мәселелері көрсетіледі.

Пән физикалық - географиялық аудандастыруды, табиғи жағдайлар мен табиғи ресурстарды, климаттық аудандастыруды, материктер мен мұхиттардың табиғи-рекреациялық ресурстарын оқытуға бағытталған. Жеке материктер мен мұхиттардың жер бедерінің, климатының, ішкі суларының, топырағының, өсімдіктер жамылғысы мен жануарлар дүниесінің қалыптасуы мен таралу заңдылықтарын, адамның шаруашылық әрекетінен қоршаған ортаның өзгеруіне байланысты қазіргі экологиялық мәселелер мен оларды шешу жолдарын қарастырылады.

Курс мазмұнында Шоқан Уәлихановтың Қазақстан мен Орта Азия, оның ішінде Жетісу, Ыстықкөл, Тянь-Шань және Шығыс Түркістан бойынша географиялық зерттеулері, жүріп өткен жерлерін карта-сызбаға түсіруі, ландшафттық бақылаулары, флора мен фаунаны суреттеуі, өзен жүйелері мен көлдердің сипататамасын беру ерекшеліктері оқытады. Шоқанның халықтарды, елдерді және табиғатты географиялық сипаттауы барысында қолданған әдістері, тәсілдері мен стилистикасы қарастырылады.

Пән теориялық және қолданбалы геоэкономиканың зерттеу әдістері мен негізгі белгілерін, геоэкономикалық аймақтар мен орталықтарды, дүниежүзінің ғаламдық моделін, елдердің шаруашылық салаларын, Қазақстанның геоэкономикалық мәселелері мен оның сыртқы экономикалық даму бағыттарын оқытады. Сонымен қатар, әлемнің геосаяси кеңістігінің қалыптасу факторларын, демография, сыртқы саясат мәселелерін, экономикалық, саяси және мәдени даму ерекшеліктерін, әлемнің саяси картасындағы өзгерістерін қарастырады.

Инклюзивті білім беру тұжырымдамасы. Шетелде және Қазақстан Республикасында инклюзивті білім беруді дамыту. Ерекше білім беруді қажет ететін жандар үшін оқу іс-әрекетін ұйымдастыру және жоспарлау. Ерекше білім беруді қажет ететін жандарды психологиялық-педагогикалық қолдау бойынша жағдай жасау үшін әртүрлі профильдегі мамандар тобында жұмыс істеу дағдылары. Оқу жоспарларын бейімдеу және инклюзивті оқыту жағдайында репетиторлық практиканы ұйымдастыру.

Оқу үдерісін ұйымдастыру және әдістемелік материалдарды әзірлеуге арналған цифрлық технологияларды қолдану дағдыларын қалыптастыруға бағытталған практикалық курс. Курс білім беруді цифрландырудың барлық бағыттарында: білім беру басқармасы мен мекемелерінде компьютерлік бағдарламалар, оқытудың цифрлық технологиясы; АКТ дидактикалық мүмкіндіктері; виртуальды орта және қашықтықтан оқыту технологияларында цифрлық бағдарламалар мен техникалық құралдарды меңгеру дағдыларын қалыптастырады.

Курс болашақ маманның кәсіби қызығушылықтары саласында ғылыми-зерттеу компоненттерін дамытуға бағытталған. Пән студенттердің ғылыми әдебиеттермен жұмыс істеу, зерттеуді ұйымдастыру және жүргізу (таңдалған облысқа сәйкес), ғылыми эксперименттер жасау, зерттеу нәтижелерін академиялық сипатта сауатты рәсімдеу және оларды көпшілік алдында таныстыра білу дағдыларын қалыптастырады.

Пән қазіргі кезеңдегі әдістемелік ғылымның даму бағыттарын, географияның тәрбие теориясы мен дидактикасымен байланысын, орта және арнайы оқу орындарында географияны оқытудың инновациялық әдістері мен технологияларын пайдалану мәселелерін оқытады. Сонымен қатар, географиялық білімнің мазмұнын, оқытудың мақсатын, әдістері мен, оқытуды ұйымдастыру формаларын, оқыту әдістері мен технологияларын, құралдарын қолдануды үйретеді.

Пән картаны педагогикалық, ғылыми және тәжірибелік жұмыстарда дұрыс пайдалану, әр түрлі деректердің негізінде графиктік редакторлардың, геоақпараттық технологиялардың көмегімен тақырыптық картографиялық өнімдерді құру әдістері туралы білімдерді береді. Сонымен қатар, сандық картаға түсіру технологиясы, картографияның теориялық негіздері, ГАЖ міндеттері, атқаратын қызметі, ГАЖ құралдары арқылы картографиялық және шартты белгілі деректер базасын құруын қарастырады.

Пән технологияны оқу үдерісінде практикалық қолдануды оқытады. Курс білім беру мақсатындағы таксономияның негізінде және білім алушының білім деңгейіне сәйкес оқыту нәтижелерін бағалаудың критерийлері мен формативтік және жиынтық тапсырмаларды әзірлеу дағдыларын қалыптастыра отырып, оқыту нәтижелері мен әдістерінің өзара талаптары мен мақсаттарын үйретеді және бақылаудың рейтингтік жүйесінің тұжырымдамасын ашады

Пән қазіргі заманғы көліктік-логистикалық инфрақұрылым, Қазақстан Республикасындағы әртүрлі көлік түрлерінің нысандары туралы түсініктерді, инфрақұрылымдардың географиялық маңызы мен оның аумақтармен өзара іс-қимыл механизмдерін зерттеуге бағытталған. Сондай-ақ көліктің әр түрлі түрлерінің өндірістік-техникалық базасының негізі ретінде көлік инфрақұрылымын дамыту және жетілдіру мәселелері қарастырылады.

Пән ғылыми стильдің жанрлық түрлері туралы білімді, кәсіби қызмет саласындағы ақпарат пен материалдарды жинау, сақтау және өңдеудің заманауи әдістерін меңгеруді, сондай-ақ сөйлеу қызметінің төрт түрін (оқу, сөйлеу, жазу, тыңдау) академиялық қарым-қатынас жасау мақсатында білігі мен дағдыларын қалыптастырады.

Пән ғаламшардағы тірі ағзалардың бұрынғы және қазіргі таралу ерекшеліктерін зерттеуге бағытталған. Курста биогеографияның ғылым ретінде қалыптасуы, биогеографиядағы эволюциялық идеялардың дамуы (дарвин кезеңі), биоценоз, биогеоценоз және экожүйе ұғымдары, құрлықтың тірі жамылғысының құрылымы, аймақтық биомалар, тау биомалары және мұхит мекендеушілерінің әлемі қарастырылады. Сонымен қатар, биогеографиялық аймақтау мәселелері және биологиялық әртүрлілікті сақтау мәселелері қамтылады.

Пән ландшафттардың құрылымы мен компоненттерін, кеңістіктік табиғи факторларын, табиғи және антропогендік ландшафттарды, аймақтық табиғат кешендерінің қалыптасуы мен дамуының негізгі заңдылықтарын, өңірлік және шағын деңгейдегі ландшафтарды қарастырады. Сонымен қатар, жер ландшафтының жекелеген түрлерінің құрылысы мен қызмет етуін және әр түрлі жіктемелігін, жүйелердегі ландшафттар орнын түсінуге, ландшафтты картографиялауды зерделеуге бағытталған.

Пән қоғам мен табиғаттың өзара іс-қимыл мәселелерін шешуде қолданбалы географияның мүмкіндіктерін, аймақтық қолданбалы географиялық мәселелерді шешу жолдарын, өндіріс пен халықтың аумақтық ұйымдастырылуы, география ғылымының қолданбалы мәселелері, география ғылымының теорияларын практикада пайдалану жолдарын, шаруашылықта географиялық білімді пайдаланудың негіздерін қарастырады. Сонымен қатар, қолданбалы географияның шаруашылық объектілерді орналастырумен, оларды ұтымды пайдаланумен және тұрақты дамуымен байланыстылығы көрсетіледі.

Пән елдің физикалық-географиялық жағдайын және табиғи компоненттерді, табиғи-аумақтық кешендердің ерекшеліктерін, қоршаған орта экологиясының мәселелерін, республиканың жер қойнауын тиімді пайдалануды, табиғат ескерткіштерін қорғауды оқытуға бағытталған. Курс Қазақстанның табиғаты, табиғат жағдайлары мен ресурстары, оның ішкі өзара байланысы мен аумақтық айырмашылықтары туралы терең әрі жүйелі білім негіздерін қалыптастырады.

Пән топографиялық картаның элементтерін, бейнелеу әдістерін, жіктелуін, мазмұнын, электронды тахометр мен GPS/Глобус ғарыштық қабылдауыштарының негізінде аумақты картаға түсірудің заманауи технологияларын қарастырады. Сонымен қатар, аумақты жоспарлаудағы геодезия мен картографияның маңызын қарастырады; геодезиялық приборларды пайдаланудың заманауи технологияларын, жер бетіндегі нүктелердің орынын, географиялық және тік бұрышты координаттар жүйелерін, нүктенің биіктігігн анықтау әдістерімен таныстырады.

Пән аймақтық шаруашылықты ұйымдастыру және оның маңызды салаларын басқару саласындағы ұйымдастыру-басқару және аналитикалық қызметті, аймақтық басқару аспектілерін, басқаруды ұйымдастырудың мәні мен практикалық маңыздылығын зерттеуге бағытталған. Пәннің мазмұнында аймақтық нарықтар мен саясаттар, өңірлік дамуды реттеу әдістері, Қазақстан аймақтарының негізгі типтері және олардың дамуының негізгі мәселелері, Қазақстан мен өзге елдердегі аймақтық басқарудың қазіргі тенденциялары қарастырылады.

Пән геосаясаттың мәнін, мүмкіндіктерін, шекарасын, негізгі түрлерін, ерекшеліктерін, дүниежүзінің геоэкономикалық орны мен жеке елдердің әлеуеттерін, дүниежүзілік шаруашылықтың кеңістіктік құрылымын, геосаясаттың дүние жүзінің жеке елдер мен аймақтарда даму үдерістерін оқытады. Сонымен қатар, қала құрылысы, қалалардың тарихи - географиялық, әлеуметтік, экономикалық - географиялық қалыптасуын, қалаланудың ғаламдық үрдістерін, қоныстану жүйелері мен қала дамуының бағыттары қарастырылады.

Пән Қазақстанның өңірлік және жергілікті маңызы бар бірегей палеомәдени, тарихи және табиғи киелі орындардың шығу тарихын, кеңістіктік таралуын, ерекшеліктерін оқытады. Сонымен қатар, Қазақстанның киелі нысандары, киелі жерлерінің табиғаты, органикалық дүниесі, халқы, шаруашылығы, қазіргі экологиялық мәселелері, тарихының негізгі кезеңдері, мәдениет, әдебиет, өнер, сәулет ескерткіштері, өлкетанулық білімнің теориялық, тәжірибелік, қолданбалы, бөліктерін қарастырады.

Пәннің мазмұнында экономикалық аудандастыру негізінде қоғамның өндірістік күштерін тиімді аумақтық ұйымдастыру мәселелерін кешенді зерттеу қарастырылады. Пән: біртұтас, әр түрлі және динамикалық өзгеретін әлем туралы географиялық білім жүйесін, табиғаттың, халықтың және шаруашылықтың барлық аумақтық деңгейлердегі өзара байланысын, адамзаттың жаһандық мәселелерін және оларды шешу жолдарын меңгеруге бағытталған.

Пән адам мен табиғи-ресурстық әлеуетті бағалауды, Қазақстанның экономикалық - географиялық дамуының аймақтық ерекшеліктерін, дүниежүзі елдерімен сыртқы экономикалық байланыстарын оқытуға бағытталған. Сонымен қатар, Қазақстанның табиғи ресурстық әлеуетін, халқын, шаруашылығының құрылымын, өндіргіш күштерді орналастыру қағидаларын, экономикалық-географиялық аудандастыру және оның дамуын болжау, өндіргіш күштерді орналастыру ерекшеліктерін салыстыру және талдау мәселелерін қарастырады.

Пән терминологиялық аппаратты, негізгі теориялық концепцияларды, әлемнің әр түрлі аймақтарындағы туризмді дамыту бағыттарын, табиғи рекреациялық ресурстарды зерттеуге бағытталған. Ғылымның негізгі теориялық концепцияларын салыстыру және талдау, рекреация және туризм сияқты құбылыстарға байланысты негізгі ұғымдар мен терминдерге шолу, халықаралық туристік байланыстардың мәнін талдау және әлемнің жекелеген елдерінде туризмнің тартылуының негізгі аймақтарын анықтау қарастырылады.

Курс ғылым ретіндегі геоглоболистиканың ерекшеліктерін, жалпы ғаламшарлық үрдістер мен құбылыстардың кеңістіктік көрністерін, ғаламдық экологиялық, энергетикалық, шикізаттық, азық-түліктіктік, демографиялық міселелерді, адамзаттың басқада келелі мәселелерінің туу себептерін мен шешу жолдарын, қоғам мен табиғаттың дамуының басқада астарларын, адамзаттың ғаламдық келелі мәселелерін шешудегі халықаралық конвенциялардың маңызын қарастырады.

Пән Жер жүйесіндегі геосфералардың геоэкологиялық мәселелерін, техногенез нәтижесінде қалыптасатын табиғи-антропогендік және геотехникалық жүйелердің қызметтерін, антропогендік әсердің геоэкологиялық салдары мен оның алдын алу, қоршаған ортаны оңтайландыру шараларын, табиғатты тиімді пайдаланудың географиялық негіздерін, табиғатты пайдаланудың түрлерін, табиғатты пайдалануды басқару тетіктерін, табиғатты пайдалану мәселелерінің туу себептері мен шешу жолдарын қарастырады

Пән сабақтың 7 модульге сәйкестігін кешенді бағалауға бағытталған. Ол келесі дағдыларды қалыптастырады: - оқытудың жаңа тәсілдерін қолдану; - сыни ойлау; - оқытуды бағалау; - дарынды және талантты балаларды оқыту; - білім беру ақпараттық-коммуникациялық технологияларын қолдану; - оқушылардың жас ерекшеліктеріне сәйкес оқу қызметін модельдеу; - білім берудегі басқару және көшбасшылық.

Пән географиялық сараптама мен болжауды қалыптастыру мен қолданудың теориялық аспектілерін, олардың мазмұнын, құрылымы мен әдістемелік базасын; табиғи және әлеуметтік-экономикалық жүйелердің даму заңдылықтарын, табиғи және антропогендік факторлардың әсерінен оларды қайта құру, ортаның жай-күйін диагностикалау, оның перспективалық дамуын бағалау және анықтау, сараптама және болжау әдістерін қарастырады.

Инновациялық және волонтерлік қызметке дайын, жаһандық проблемаларға бей-жай қарамайтын және икемді дағдылары бар (Soft skills), ұлттық рухта тәрбиеленген іскерлік және құқықтық мәдениетті түсінеді.

География ғылымының негіздерін меңгерген, табиғат пен қоғам арасындағы себеп - салдарлық байланыстарды орнатуға (анықтауға) қабілеттіліктерді игерген.

Білім алушылардың жас кезеңдері мен психологиялық ерекшеліктерін ескере отырып, жаңартылған бағдарламаға сәйкес педагогикалық процессті жүзеге асыра алатын, негізгі білім мен құзыреттіліктерді сандық білім беру технологияларымен үйлестіріп қолдану дағдыларын меңгерген.

Кәсіби салада географиялық ғылыми білімнің бірегей ерекшеліктерін /аумақтық және кеністік-уақыттық/ физикалық-географиялық, әлеуметтік-экономикалық және саяси проблемаларды шеше алатын; картографиялық, өлкетанушылық және пәнаралық ұғымдар мен заңдылықтарды қолданудын жолдарын меңгерген .

Жаңартылған бағдарлама мазмұны жағдайында географияның теориялық және қолданбалы негіздерін ескере отырып, білім беру үрдісін жобаларын құрастыра білетін.

Ғылыми-зерттеу жұмыстарын жүргізе алатын, география ғылым саласында зерттеу нәтижелері мен академиялық жазбаны ендіре алатын, шетел тілінде ғылыми нәтижелерді көрсететін әдістерді меңгерген.

Геоэкологиялық және геоэкономикалық құбылыстарды мониторингілеу және болжау үшін қашықтан зерделеудің инновациялық әдістерін және геоақпаратттық жүйе технологияларын меңгерген.

Жаратылыстану ғылымдары жүйесіндегі географияның рөлін анықтай отырып, география ғылымының қазіргі жағдайы мен оның негізгі бағыттарына баға бере алатын.

Педагогикалық іс-әрекет нәтижелерін бағалау және талдау қабілеттіліктерге ие, географияны оқытудын тәсілдері мен әдістерін меңгерген.

Аймақтық және жергілікті физикалық - географиялық, әлеуметтік - экономикалық және саяси үрдістердін даму тенденцияларын жаһандық деңгейде талдай алатын.

Кәсіби идеяларды іске асыру үшін географиялық әзірлемелер мен жобаларды жоспарлап, өңдеп, басқару іс-әрекеттерін оңтайлы қолдана алатын.