7M01505 Биология в QYZPU

Пәндер

• Жоғары мектеп педагогикасы мен психологиясы

  Пән магистранттарға жоғары мектеп педагогикасы мен психологиясы саласындағы терең білім беруге бағытталған. Оқыту барысында оқу процесін ұйымдастырудың инновациялық әдістері, білім беру бағдарламаларын жобалау, студенттердің оқу жетістіктерін бағалау тәсілдері және көшбасшылықтың психологиялық аспектілерін, оның ішінде мотивация, көшбасшылық, коммуникация және қақтығыстарды басқару мәселелерін талдайды.

  Несиелер - 4
  

• Жоғарғы жүйке жүйесінің физиологиясы

  Жоғары жүйке жүйесінің физиологиясы пәнінің мақсаты ми қыртысының функциялық ерекшелігі және оның ми бағанасы мен жұлынның қызметтерін үйлесімді басқару әрекеттерін зерттеу. Физиологияның мақсаты адам мен жануарлардың тіршілік әрекеттері кезіндегі функциялардың орындалуын ғана емес, сол функциялар қалай және не үшін іске асатыны мен қандай механизмдердің көмегімен орындалатынын ашу.

  Несиелер - 5
  

• Зерттеу дизайны және этикалық нормалар

  Магистранттар зерттеу сұрақтарын құрастыруды, әдістемені таңдауды, деректерді жинау құралдарын әзірлеуді және деректерді талдау процедураларын жоспарлауды қоса алғанда, зерттеу дизайнының әртүрлі аспектілерін зерттейді. Сонымен қатар, пән деректердің құпиялылығы, зерттеуге қатысушылардың құқықтары мен әл-ауқаты сияқты білім беру зерттеулерін реттейтін этикалық нормалар мен стандарттарға баса назар аударады. Оқыту білім беру саласында жоғары сапалы және этикалық зерттеулер жүргізу үшін магистранттарға қажетті дағдыларды бере отырып, ғылыми жобаларды жобалау және жүзеге асыру үшін алынған білімді практикалық қолдануды қамтиды.

  Несиелер - 6
  

• Дәрілік өсімдіктер және олардың қоры

  Дәрілік өсімдіктер және олардың қоры пәннің мақсаты дәрілік өсімдіктердің ботаникалық сипаттамасы, химиялық құрамы мен қоры, оларды тиімді пайдаланудың тәсілдері туралы түсініктерді қалыптастыра отырып магистранттардың логикалық ойлау және ғылыми-зерттеушілік қабілеттерін дамытады.

  Несиелер - 5
  

• Ғылым тарихы мен философиясы

  Ғылым тарихы мен философиясы пәні магистранттарға ғылыми әдістердің дамуы жағдайындағы ойлау эволюциясы туралы түсінік береді. Магистранттар сыни ойлау және салыстырмалы талдау дағдыларын қолдана отырып, негізгі философиялық ұғымдарды және олардың ғылыми жаңалықтарға әсерін талдайды. Олар ғылыми парадигмаларды қалыптастырудағы идеологиялардың әсерін бағалайды, білімге әртүрлі көзқарастарды салыстыру және бағалау үшін интеллектуалды дағдыларды пайдаланады. Тарихи контексттерді талқылау және зерттеу арқылы магистранттар ақпаратты талдау және синтездеу дағдыларын, философия мен ғылымның байланысын терең түсінуді дамытады.

  Несиелер - 4
  

• Санитарлық микробиология

  Санитарлық микробиология пәнінің мақсаты – қоршаған орта нысандарындағы микроорганизмдерді зерттеу арқылы жұқпалы аурулардың алдын алу және санитарлық қауіпсіздікті қамтамасыз ету тәсілдерін меңгерту. Пән мазмұнында ауаның, судың, топырақтың және тағам өнімдерінің микробтық ластануы, патогенді микроорганизмдердің сыртқы ортада таралуы мен оларды анықтау әдістері қарастырылады. Магистрант қоршаған ортадағы микробиологиялық факторларды бағалап, санитарлық-гигиеналық білімді білім беру процесінде тиімді қолдана алады.

  Несиелер - 5
  

• Биологияны оқытуда STEM интеграциялық білім беру әдістемесі

  Биологияны оқытуда STEM интеграциялық білім беру әдістемесі пәнінің мақсаты биолог мамандардың ғылыми біліктілігін дамытуда ғылым, технология, инженерия, математика салаларын кіріктіре отырып оқыту. Білім беру барысында STEM интеграциясымен байланыстыра отырып жоба жұмысын ұйымдастыру нәтижесінде қандайда бір өнім алу және магистранттардың зерттеушілік дағдыларын дамыту.

  Несиелер - 5
  

• Физиологиялық химия

  Магистранттарға адам мен жануарлар ағзасындағы биохимиялық процестердің физиологиялық мәнін, олардың реттелу механизмдерін, жүйелер мен мүшелер деңгейінде қалай жүретінін ғылыми тұрғыдан меңгерту. Бұл білім клиникалық және биомедициналық ғылымдарға негіз болады.

  Несиелер - 4
  

• Геномика

  Геномика пәнінің мақсаты – организмдердің геном құрылымын, қызметін және өзара әрекеттесуін зерттеу арқылы молекулалық деңгейде тұтас түсінік қалыптастыру. Пән барысында магистранттар геномды секвенирлеу, аннотациялау, салыстырмалы талдау және биоинформатикалық әдістерді қолдануды үйренеді. Зерттеу жобаларын жоспарлау, деректерді интерпретациялау, қазіргі заманғы дерекқорлармен жұмыс істеу және ғылыми ойлау қабілеті дамиды. Генетикалық ақпаратты талдау арқылы биомедициналық және биотехнологиялық мәселелерді шешуге қажетті құзыреттер меңгеріледі.

  Несиелер - 5
  

• Медициналық микробиология

  Медициналық микробиология пәнінің мақсаты – магистранттарға медициналық микробиология негіздерін меңгерту, адам ағзасында ауру туғызатын микроорганизмдердің биологиялық ерекшеліктерін, олардың патогендік әсерін және олармен күресу жолдарын педагогикалық тұрғыда түсіндіруге мүмкіндік беру. Сонымен қатар, білім беру жүйесінде жұқпалы аурулардың алдын алу, санитарлық-гигиеналық тәрбие мен микробиологиялық қауіпсіздік туралы білімді тиімді қолдануға бағыттау. Магистрант адам ағзасындағы патогенді микроорганизмдердің рөлін ғылыми және педагогикалық тұрғыдан түсіндіріп, микробиологиялық қауіпсіздік пен жұқпалы аурулардың алдын алу білімін оқу-тәрбие процесінде қолдана біледі.

  Несиелер - 5
  

• Биостатистика

  Биостатистика пәннің мақсаты магистранттардың базалық статистикалық концепция және зеттеу нәтижелерінің статистсикалық маңыздылығы туралы түсініктерін қалыптастыру. Магистранттар қолданылатын медико-биологиялық статистика негіздерін біледі, оны биологиялық зерттеулерде қолданады, статистикалық терминологияны меңгереді. Медико-биологиялық зерттеу нәтижелері жарияланған мақалаларды сыни тұрғыда бағалау дағдысы қалыптасады.

  Несиелер - 5
  

• Биологиялық білім берудің заманауи тұжырымдамалары

  Пән магистранттардың жоғары оқу орны жағдайында оқу процесін тиімді ұйымдастыру үшін қажетті терең білім мен дағдыларын дамытуға бағытталған. Осы пән аясында магистранттар дәстүрлі және инновациялық әдістерді қамтитын қазіргі заманғы оқыту әдістерін, соның ішінде дәрістер, семинарлар, практикалық сабақтар, жобалық оқыту, кейс-метод, ақпараттық-коммуникациялық технологиялар және жасанды интеллекті (ЖИ) қолдануды зерттейді. Сонымен қатар, белсенді оқыту әдістерін енгізуге, мәселен, проблемалық, зерттеу және қашықтан оқытуға ерекше назар аударылады. Магистранттар қазіргі заманғы оқыту әдістері мен технологияларын, білім беру процесін басқаруды, ақпараттық-коммуникациялық технологияларды және оқу жетістіктерін бағалау әдістерін қолдану дағдыларын, сондай-ақ тиімді білім беру ортасын қалыптастыруды меңгереді.

  Несиелер - 4
  

• Жүйке жүйесінің анатомиясы

  Жүйке жүйесінің анатомиясы пәннің мақсаты – жоғары және төменгі жүйке қызметі процестерінің материалдық субстраты болып табылатын адамның жүйке жүйесінің макро- және микроскопиялық ұйымдасуының негізгі заңдылықтары туралы түсініктерді қалыптастыра отырып, магистранттардың ғылыми логикалық ойлау қабілеттерін дамыту. Пәнді оқыту барысында магистранттаржүйке жүйесінің анатомиялық құрылымдарын сипаттап, ғылыми терминологияны қолдана отырып, морфологиялық талдау жүргізеді және алынған мәліметтерді жүйелеу арқылы практикалық және зерттеушілік дағдыларын дамытады.

  Несиелер - 5
  

• Биологияда жобалау және инженерлік шешімдер негіздері

  «Биологияда жобалау және инженерлік шешімдер негіздері» пәнінің мақсаты –магистранттарға тірі жүйелер мен биологиялық процестерді инженерлік тұрғыда жобалау, модельдеу және тиімді шешімдер ұсыну дағдыларын қалыптастыру. Пәнді оқу барысында магистранттар биожобалау принциптерімен, биотехнологиялық құрылғылар мен жүйелерді құрастыру жолдарымен танысады. Сонымен қатар, биоинженерия, синтетикалық биология, экожүйелік жобалау бағыттарында практикалық тапсырмалар орындайды. Пән магистранттарға шығармашылық ойлау, пәнаралық байланысты қолдану, зерттеу жүргізу және нақты биологиялық мәселелерге инженерлік тұрғыдан шешім қабылдау қабілеттерін дамытады.

  Несиелер - 5
  

• Сапалық зерттеулер және деректерді талдау

  Пән білім беру зерттеулерінде қолданылатын сапалы әдістерді тереңдетіп оқытады. Магистранттар сұхбат, фокус-топтар, бақылау және құжаттарды талдау сияқты әртүрлі мәліметтер жинау әдістерімен таныстырылады. Сапалы ақпаратты жинау, жазу және талдау процесін зерттеу, нәтижелерді түсіндіру және сапалы деректерден қорытынды жасау дағдыларын дамытады. Сапалық әдістерді қолдану кезінде зерттеу нәтижелерінің негізділігі мен сенімділігін қамтамасыз ету принциптерін талдайды және меңгереді. Магистранттар сапалық тәсіл, теориялық негіз, зерттеу сұрақтарын құрастыруды үйрену дағдыларын қалыптастырады.

  Несиелер - 5
  

• Сандық зерттеулер және деректерді талдау

  Пәннің мақсаты білім беру және әлеуметтік ғылымдар саласындағы сандық талдау әдістерін меңгеруге бағытталған. Магистранттар сандық зерттеу жоспарлаудың негіздерін, деректер жинау құралдарын (анкета, сауалнамалар) әзірлеу, іріктеу принциптері, сондай-ақ деректерді статистикалық өңдеу әдістерін заманауи бағдарламалық құралдарды пайдалана отырып үйренеді. Арнайы назар гипотезаларды құрастыруға, нәтижелерді түсіндіруге, статистикалық болдамдарды тексеруге және деректерді визуализациялауға бөлінеді.

  Несиелер - 5
  

• Жалпы арахнология

  Магистранттарға негізгі зиянкес жәндіктердің құрылыс ерекшеліктері, биоэкологиясы, зияндылығы, тудыратын аурулары, олардың диагностикасы туралы теориялық және практикалық білімді меңгерту. Ауыл шаруашылығына, орман шаруашылығына, өсімдіктерге, жануарларға және адамдарға зиян келтіретін жәндіктердің, сондай-ақ өсімдіктерді тозаңдандыратын жәндіктердің, адам пайдаланатын өнімдерді өндірушілердің, топырақ түзгіштердің және энтомофагтардың құрылымы, биологиясы, экологиясы және систематикасы бойынша негізгі мәліметтерді біледі. Ауылшаруашылығы, орман шаруашылығы өсімдіктерінің зиянкестерге төзімділігін арттыратын қорғау шараларын жүргізе алады. Зиянкес және ауру тасымалдаушы жәндіктердің негізгі түрлерін, олардың тіршілік циклдарын біледі.

  Несиелер - 4
  

• Шетел тілі (кәсіби)

  Пән супер-базалық стандарт кемінде (В1) деңгейін меңгеруді қамтамасыз етуге, магистранттардың лингвистикалық емес оқыту бағыттары бойынша мәдениетаралық және коммуникативтік құзыреттілігін қалыптастыруға бағытталған. Магистратураның пәндік саласына сәйкес нақты лексиканы, терминологияны және коммуникациялық стратегияларды зерттеуді қамтиды. Магистранттар болашақ мансабында туындауы мүмкін кәсіби мәтіндермен, құжаттамалармен және коммуникациялық жағдайлармен танысады.

  Несиелер - 4
  

• Зат алмасу биохимиясы

  Зат алмасу биохимиясы метаболизмнің молекулалық негіздерін (ағзадағы энергия өндіру, сақтау және пайдалану механизмдерін), биохимиялық процестерді және олардың реттелу принциптерін қамтиды. Магистранттар зат алмасу бұзылыстарын танып, гормоналды баланспен биохимия негіздерінің теориялық және практикалық дағдыларын игереді.

  Несиелер - 4
  

• Академиялық жазылым

  Пән академиялық контексте жазбаша сөйлеу дағдыларын дамытады. Пән ғылыми мәтіннің құрылымын, зерттеу және дәлелдеу әдістерін, дәйексөздер мен сілтемелер ережелерін зерттеуді қамтиды. Магистранттар ғылыми эсселерді, рецензиялар мен зерттеу мақалаларын жоспарлау, жазу және редакциялау әдістерін, академиялық этика мәселелерін және жұмысты пішімдеу ережелерін меңгереді. Тәжірибелік тапсырмалар мен кері байланыс арқылы магистранттар академиялық пікірталас аясында өз ойларын анық, логикалық және дәлелді жеткізу қабілетін дамытады. Пән зерттеу негізінде магистрант үшін қажетті академиялық жазылым қабілеттері, дағдылары мен құзыреттілігін қалыптастыруды мақсат етеді.

  Несиелер - 4
  

• Биоинформатика

  Пәннің мақсаты - геномдардың, ақуыздардың және басқа да биологиялық ақпараттардың құрылымы бойынша деректер базасында жинақталған ақпаратты алуға және сауатты пайдалану дағдысын қалыптастыру. Магистранттар биологиялық молекулалар құрылымдарын модельдеу алгоритмдерімен танысады, компьютерлік бағдарламалық құралдарды практикалық қолданады. Нуклеин қышқылдары мен ақуыздардың бірізділігін түсіндіру, сондай-ақ биомолекулалардың құрылымын және олардың өзара әрекеттесуін модельдеу білігін дамытады.

  Несиелер - 5
  

• Қолданбалы энтомология

  Магистранттарды буынаяқтылардың маңызды топтарының бірі ретінде өрмекшітәрізділердің анатомиялық- морфологиялық ерекшеліктерімен, көбеюі, тіршілік циклі, жүйелілігі мен жіктелуінің негіздерімен таныстыру. Магистранттар буынаяқтылылардың морфологиясын, салыстырмалы анатомиясын, мінез-құлқын, физиологиясын, экологиясын, зоогеографиясын, филогенетикасын, жіктелуін, сандық динамикасын, олардың биологиялық ерекшеліктерін зерттейді.

  Несиелер - 4
  

• Әлем фаунасы мен флорасының қазіргі мәселелері

  Әлем фаунасы мен флорасының қазіргі мәселелері пәннің мақсаты ХХІ ғасырдың экологиялық мәселелері: флора мен фаунаның жойылуы, ормандарды кесу, орман өрттерінің себептері, пайдалы қазбалардың сарқылуы, таза ауаның тапшылығы, озон қабатының бұзылуы мен жер ландшафтының ластану себептері мен оның алдын-алу жолдары жайлы білім қалыптастыра отырып, магистранттардың танымдық, іскерлік іс-әрекетін және дағдыларын дамытады.

  Несиелер - 5
  

• Әдебиеттерді талдау, биология саласындағы теориялық және тұжырымдамалық негіздер

  Пәнді оқу барысында магистранттар ғылыми зерттеулерге сыни талдау жасайды, өзіндік зерттеу тәсілдерін әзірлейді және биология саласындағы негізгі тұжырымдамалар мен тенденцияларды түсіну үшін салыстырмалы талдау дағдыларын қолданады. Әрбір тапсырма сыни тұрғыдан ойлау және ғылыми материалдармен аналитикалық жұмыс істеу дағдыларын дамытуға бағытталған, бұл магистранттарға пән саласын тереңірек түсінуге ғана емес, сонымен қатар өздерінің ғылыми жобаларын жасауға дайындалуға көмектеседі.

  Несиелер - 4
  

• Медициналық генетика

  Медициналық генетика пәнінің мақсаты – магистранттарға адам генетикасының негіздерін, тұқым қуалайтын аурулардың пайда болу механизмдерін, диагностикалау, алдын алу және емдеу жолдарын үйрету арқылы медициналық генетика саласында кәсіби құзыреттілік қалыптастыру.

  Несиелер - 5
  

Профессии

Оқыту нәтижелері

• Ғылым мен білім беру үдерісінің өзара байланысын, ғылым тарихы мен философиясының өзекті мәселелерін, сөйлеу коммуникациясының кәсіби негіздерін, білім беру трансформациясы жағдайында этикалық және құқықтық стандарттарды сақтай отырып, жасанды интеллектіні пайдалануда ғылыми нәтижелерді білім мазмұнына интеграциялайды.
• Педагогика және психология ғылымын дамытудың теориялық-әдіснамалық негіздерін, әр түрлі қабілеттері бар студенттерді ескере отырып, инклюзивті қағидаларға сәйкес оқыту әдістерін, басқару және меңгеру үрдістерін, психологиялық-педагогикалық зерттеулердің мәні мен мазмұнын кәсіби қызметінде пайдаланады.
• Ғылыми-зерттеу жұмысының барлық кезеңінде этикалық нормаларды сақтай отырып, зерттеу құрылымын, әдіснамасын, деректерін және қорытындыларын академиялық стандарттарға сай ұсынады.
• Дәрілік өсімдіктердің биологиялық ерекшеліктері, дәрілік шикізаттың химиялық құрамы, фармакологиялық қасиеттері, оларды қолдану тәсілдері мен табиғи ресурстарын зерттеу және оқыту әдістері жайлы биологиялық-педагогикалық зерттеулердің мәні мен мазмұнын кәсіби қызметінде қолдаланады.
• Заманауи ақпараттық технологияларды қолдана отырып биохимияны, микробиологияны дамыту саласындағы қолданбалы зерттеулер мен теориялық негіздерін анықтайды.
• Мидың әртүрлі бөліктерінде болатын нейрофизиологиялық процестерді және мінез-құлық пен когнитивті процестерді талдауда жоғары жүйке қызметі туралы білімді қолданады.
• Биоинформатикалық мазмұнды пайдалана отырып, биологияны оқытудағы молекулалық-генетикалық процестерді түсіндіру үшін цифрлық ресурстар мен визуализацияларды пайдаланады.
• Биологияны оқытуда STEM интеграциялық әдістерін қолдана отырып, пәнішілік және пәнаралық байланыстарды жүзеге асырып, шығармашылық, зерттеушілік және технологиялық құзыреттіліктерді дамытады.
• Биология саласында алған теориялық және практикалық білімдерін педагогикалық әрі ғылыми іс-тәжірибеде тиімді қолданады.
• Энтомологиялық деректерді жинау, талдау және оларды оқу процесінде қолдану дағдыларын меңгереді.

Ұқсас БББ