6B06102 Ақпараттық жүйелер в Абай атындағы Қазақ ұлттық педагогикалық университеті

Пәндер

• Математика 1

  «Математика 1» пәні математикалық анализдің негіздері мен қолданбалы есептерді шешу әдістерін меңгеруге бағытталған. Курста нақты сандар, функциялар мен олардың түрлері, шексіз тізбектер, шектер теориясы, туынды және оның қолданылуы сияқты негізгі ұғымдар қарастырылады. Студенттер функциялардың графиктерін талдау, экстремумдарды табу, өсім мен кемуін анықтау, нақты есептерге математикалық модельдер құру дағдыларын дамытады. Пән инженерлік, техникалық және ақпараттық мамандықтар үшін іргелі математикалық базаны қалыптастырады.

  Оқу жылы - 1
  Семестр - 1
  Несиелер - 6
  

• Математика 2

  «Математика 2» пәні интегралдық есептеу, көп айнымалы функциялар анализі, қатарлар, дифференциалдық теңдеулер және олардың қолданылуын қамтиды. Бұл курс «Математика 1»-дің жалғасы ретінде математикалық білімді тереңдетіп, күрделі инженерлік және қолданбалы есептерді шешуге бағытталған. Студенттер анық және анықталмаған интегралдарды есептеу, көлем мен аудан табу, қос және үш еселі интегралдарды қолдану, қатарлардың жинақтылығын талдау және қарапайым дифференциалдық теңдеулерді шешу тәсілдерін үйренеді. Пән аналитикалық ойлауды дамытып, болашақ кәсіби есептерді модельдеуге негіз қалайды.

  Оқу жылы - 1
  Семестр - 2
  Несиелер - 6
  

• Информатиканың теориялық негіздері

  «Информатиканың теориялық негіздері» пәні информатиканың негізгі концепциялары мен принциптерін қамтиды, соның ішінде алгоритмдер, деректер құрылымдары, есептеулер теориясы және есептеу модельдері. Студенттер алгоритмдердің күрделілігі, формальды тілдер және автоматты модельдер сияқты негізгі ұғымдармен танысады, сондай-ақ логика мен дискретті математика негіздерімен танысады. Курстың мақсаты – компьютерлік ғылымдар саласында аналитикалық ойлау мен мәселелерді шешу дағдыларын дамыту.

  Оқу жылы - 1
  Семестр - 2
  Несиелер - 6
  

• C/C++ тілінде программалау

  «C/C++ тілінде программалау» пәні құрылымдық және объектіге бағытталған программалау негіздерін меңгеруге бағытталған. Курста C/C++ тілінің синтаксисі, айнымалылар мен деректер типтері, басқару операторлары, массивтер, функциялар, көрсеткіштер, файлдармен жұмыс және объектіге бағытталған тұжырымдар (кластар, мұрагерлік, инкапсуляция, полиморфизм) қарастырылады. Білім алушыларға нақты есептерге бағдарланған тиімді программалар жазуды, код құрылымын дұрыс ұйымдастыруды және жадыны басқару механизмдерін үйренеді. Сонымен қатар, STL (Standard Template Library) элементтерімен жұмыс жасау арқылы күрделі алгоритмдер мен деректер құрылымдарын қолдануға машықтанады. Пәннің мақсаты – жүйелік және қолданбалы программаларды жазу қабілетін қалыптастырып, C/C++ тілінің көмегімен жоғары өнімді кодтар құру дағдысын дамыту.

  Оқу жылы - 2
  Семестр - 3
  Несиелер - 5
  

• Компьютерлік желілер және web технологиялар

  «Компьютерлік желілер және Web-технологиялар» пәні желілік технологиялар мен веб-әзірлеудің негізгі қағидаларын меңгеруге бағытталған. Курстың алғашқы бөлімінде жергілікті және ғаламдық желілердің архитектурасы, топологиясы, хаттамалары (TCP/IP, HTTP, FTP), IP-адресация, маршрутизация, желі қауіпсіздігі және желіні басқару негіздері қарастырылады. Екінші бөлімде HTML, CSS, JavaScript негізінде веб-беттер құру, клиент-сервер архитектурасы, веб-қосымшалардың жұмыс істеу принциптері, мәлімет алмасу (AJAX, API), серверлік технологиялар және MySQL мәліметтер базасымен байланыс тақырыптары оқытылады. Пән білім алушыларға заманауи интернет-технологиялармен жұмыс істеуді, қарапайым веб-сайттар мен желілік қосымшалар құрастыруды үйретіп, ақпараттық жүйелерде желілік орта мен веб-ортаны тиімді пайдалану дағдысын қалыптастырады.

  Оқу жылы - 2
  Семестр - 3
  Несиелер - 5
  

• Ақпараттық қауіпсіздік негіздері

  «Ақпараттық қауіпсіздік негіздері» пәні ақпаратты қорғаудың теориялық негіздері мен практикалық тәсілдерін меңгеруге бағытталған. Курста ақпараттық қауіпсіздіктің негізгі ұғымдары: құпиялылық, тұтастық, қолжетімділік, қауіп-қатерлер түрлері, шабуыл әдістері, ақпаратты қорғау механизмдері және ақпараттық жүйелердегі қауіпсіздік саясаты қарастырылады. Білім алушылар криптография негіздері (симметриялық және асимметриялық шифрлеу), аутентификация, авторизация, желілік қауіпсіздік (firewall, VPN, IDS/IPS), зиянды бағдарламалармен күрес және дербес деректерді қорғау бойынша білім мен дағды алады. Пәннің мақсаты – ақпараттық жүйелер мен желілерде қауіпсіз ортаны қамтамасыз ете алатын, ақпараттық қауіпсіздік талаптарын сақтай отырып жұмыс істейтін мамандарды даярлау.

  Оқу жылы - 2
  Семестр - 3
  Несиелер - 5
  

• Білім берудегі ақпараттық жүйелерді жобалау

  "Білім беру саласындағы ақпараттық жүйелерді жобалау" пәні білім беру мекемелерінде қолданылатын ақпараттық жүйелерді жобалаудың әдістері мен принциптерін зерттеуге арналған. Курста оқыту басқару жүйелері (LMS), электронды оқу материалдары, студенттер мен оқытушылардың деректер базалары, сондай-ақ қашықтықтан оқыту мен оқу процесін басқаруға арналған технологиялар сияқты білім беру ақпараттық жүйелерінің түрлері қарастырылады. Студенттер осы жүйелерді пайдаланушылардың қажеттіліктерін ескере отырып, деректерді тиімді ұйымдастыру және қауіпсіздікті қамтамасыз ету, сондай-ақ оларды басқа білім беру платформалары мен қызметтерімен интеграциялау принциптерін үйренеді.

  Оқу жылы - 2
  Семестр - 3
  Несиелер - 5
  

• Ақпаратты іздеу және деректерді шығару

  Бұл пән қазіргі заманғы ақпараттық жүйелер мен интернеттегі үлкен деректер аясында ақпаратты тиімді іздеу, сұрыптау және шығару әдістерін үйретуге бағытталған. Студенттер құрылымдалған және құрылымдалмаған мәліметтермен жұмыс істеу тәсілдерін, іздеу жүйелерінің принциптерін, мәтіндік деректерден пайдалы ақпарат алудың әдістерін (деректерді шығару – data extraction), сондай-ақ деректерді алдын ала өңдеу мен талдау тәсілдерін меңгереді. Пән ақпараттық іздеу модельдері (Boolean, векторлық модель), табиғи тілмен іздеу, индекстеу, web-парақтардан ақпарат алу (web scraping), деректерді сүзу және сақтау құралдарын қамтиды.

  Оқу жылы - 2
  Семестр - 3
  Несиелер - 5
  

• Физика

  «Физика» пәні табиғат құбылыстарының негізгі заңдылықтарын зерттеуге және оларды инженерлік, техникалық есептерде қолдануға бағытталған. Курста механика, молекулалық физика, термодинамика, электр және магнетизм, оптика, толқындар мен тербелістер, кванттық физика негіздері қарастырылады. Студенттер Ньютон заңдары, энергия мен импульс сақталу заңдары, электр өрістері мен ток заңдары, магнит өрісі, жылу алмасу процестері сияқты негізгі ұғымдар мен формулаларды меңгереді. Теориялық біліммен қатар зертханалық жұмыстар арқылы физикалық құбылыстарды тәжірибе жүзінде бақылап, есептеулер жүргізуді үйренеді. Пән болашақ техник, инженер, IT-маман үшін логикалық ойлау мен нақты заңдылықтарға сүйеніп шешім қабылдау дағдысын қалыптастырады.

  Оқу жылы - 2
  Семестр - 3
  Несиелер - 5
  

• Алгоритмдер, мәліметтер құрылымы және программалау

  «Алгоритмдер, мәліметтер құрылымы және программалау» пәні алгоритмдік ойлауды дамытуға, мәліметтер құрылымдарын тиімді қолдану арқылы бағдарламалық шешімдерді жүзеге асыруға бағытталған. Курста сызықтық, тармақталған, қайталанатын алгоритмдердің негізгі түрлері, массив, стек, тізім, ағаш, граф мәліметтер құрылымдары және оларды Python программалау тілінде іске асыру әдістері қарастырылады. Студенттер іздеу және сұрыптау алгоритмдерімен, рекурсия мен итерация арасындағы айырмашылықпен танысады, сондай-ақ алгоритмдердің күрделілігін бағалау және тиімділігін талдау тәсілдерін меңгереді. Пән программалау дағдыларын жетілдіріп, күрделі есептерді құрылымдық және тиімді тәсілдермен шешуді үйретеді.

  Оқу жылы - 2
  Семестр - 3
  Несиелер - 5
  

• Абайтану және Ұлттық тәрбие

  «Ұлттық тәрбие» курсы Қазақстанның көпұлтты мемлекет жағдайында оқушылардың ұлттық сана-сезімін қалыптастыру саласындағы болашақ педагогтің кәсіби құзыреттілігін жетілдіруге; орта білім беру жүйесінде педагогикалық қызметті тиімді жүзеге асыру үшін ұлттық тәрбиенің қазіргі заманғы теориясын, әдіснамасы мен технологиясын игеруге бағытталған. «Абайтану» пәнінің маңызы, өзекті мәселелері, оның тарихы туралы жан-жақты мағлұмат беріп, білім алушылардың ғылыми-педагогикалық, тәрбие бағытындағы дағдыларын қалыптастыру. Өзге ғылым салалары, басқа пәндермен байланыс жасай отырып, хәкім Абайдың өмірі, шығармашылығы, кемеңгердің «Толық адам» концепциясын ғылыми, теориялық бағытта зерттеу негізінде, ойшылдың даналық тағылымын, ізгілік ілімін меңгеру үшін ақынның шығармашылық мұрасын жаңа көзқарас тұрғысынан пайымдап, оны тәжірибелік тұрғыдан қолданауға бағыт-бағдар беру.

  Оқу жылы - 2
  Семестр - 3
  Несиелер - 3
  

• Экономика және кәсіпкерлік негіздері

  "Экономика және кәсіпкерлік негіздері" жоғары оқу орнындағы экономикалық білім беру жүйесіндегі маңызды курстардың бірі болып табылады, ол экономика мен бизнес негіздерін игеруді, қазіргі экономика мен нарық жағдайында бизнесті жүргізу әдістерін жан-жақты талдауды, экономикалық жүйелердің барлық түрлерінің жай-күйі мен даму тенденцияларын ашады. Пән студенттердің экономика мен кәсіпкерлікті зерттеу әдістерін, олардың ғылым мен құндылықтардың жалпы жүйесіндегі орнын, даму тарихын және осы білімді күнделікті өмірде қолданудың қазіргі жағдайын зерттеу негізінде экономика және кәсіпкерлік негіздері туралы теориялық және практикалық білімді қолдану қабілетін қалыптастырады.

  Оқу жылы - 2
  Семестр - 4
  Несиелер - 5
  

• Android құрылғыларына арналған жоғары өнімді қосымшаларды әзірлеу

  «Android құрылғыларына арналған жоғары өнімді қосымшаларды әзірлеу» пәні Android құрылғыларында тиімді жұмыс істейтін мобильді қосымшаларды жасау әдістері мен технологияларын зерттеуге арналған. Курста өнімділікті оңтайландыру, көп тапсырмалық және ағындармен жұмыс істеу, жадыны тиімді пайдалану, сондай-ақ қосымшалардың жылдамдығын арттыру үшін графика және мультимедиялық мазмұнмен жұмыс істеу мәселелері қарастырылады. Студенттер деректер базасымен жұмыс істеуді оңтайландыру принциптерін және жоғары есептеу қуатын және жылдамдықты талап ететін қосымшаларды жасау үшін Android NDK сияқты құралдар мен технологияларды қолдануды үйренеді.

  Оқу жылы - 2
  Семестр - 4
  Несиелер - 6
  

• Деректер базасы

  «Деректер базасы» пәні ақпаратты құрылымдап сақтау, өңдеу және басқару негіздерін үйретуге бағытталған. Курста реляциялық деректер базасының (ДБ) теориясы, мәліметтер моделі, кестелер арасындағы байланыстар, SQL сұраныс тілдері және деректер тұтастығы мен қауіпсіздігі мәселелері қарастырылады. Білім алушылар деректер базасын жобалау, нормализациялау, кестелер құру, сұраныстар жазу (SELECT, INSERT, UPDATE, DELETE), біріктіру (JOIN), фильтрация, топтау және агрегаттық функциялармен жұмыс істеуді меңгереді. Сондай-ақ, Microsoft SQL Server, MySQL, PostgreSQL сияқты танымал деректер базасын басқару жүйелері арқылы практикалық дағдыларын дамытады. Пәннің мақсаты - ақпараттық жүйелер мен бағдарламалық өнімдерде деректерді тиімді сақтау мен өңдеуді ұйымдастыра алатын білікті мамандар даярлау.

  Оқу жылы - 2
  Семестр - 4
  Несиелер - 6
  

• Математикалық модельдеу және сандық әдістер

  "Математикалық модельдеу және сандық әдістер" пәні әртүрлі үдерістер мен құбылыстарды сипаттайтын математикалық модельдерді құру принциптері мен оларды талдау және шешу үшін қолданылатын сандық әдістерді оқытуға арналған. Курста апроксимация әдістері, алгебралық және дифференциалдық теңдеулерді шешу, интерполяция, сандық интегралдау және оңтайландыру қарастырылады. Сандық әдістерді ғылым, техника және экономика салаларындағы қолданбалы есептерді шешуде бағдарламалық құралдар арқылы қолдануға ерекше назар аударылады

  Оқу жылы - 2
  Семестр - 4
  Несиелер - 5
  

• Операциялық жүйелер және жүйелік қамтамасыз ету

  «Операциялық жүйелер және жүйелік қамтамасыз ету» пәні компьютерлік жүйелердің негізін құрайтын операциялық жүйелердің (ОЖ) құрылымын, функцияларын және жүйелік қамтамасыз ету құралдарын зерттеуге бағытталған. Пән барысында ОЖ архитектурасы, процестер мен ағындарды басқару, жедел жадыны ұйымдастыру, файлдық жүйелер, енгізу-шығару механизмдері, қауіпсіздік және жүйелік ресурстарды басқару мәселелері қарастырылады. Сондай-ақ жүйелік қамтамасыз етуге қатысты құралдар – драйверлер, жүйелік утилиталар, конфигурациялау және әкімшілендіру мүмкіндіктері, виртуализация және жаңғырту құралдары (backup & recovery) туралы түсініктер беріледі.

  Оқу жылы - 2
  Семестр - 4
  Несиелер - 6
  

• Кәсіби және зерттеу қызметінің құқықтық және сыбайлас жемқорлыққа қарсы негіздері

  Пән – Қазақстан Республикасының заңнамасына, академиялық адалдық қағидаттарына және сыбайлас жемқорлыққа қарсы мінез-құлық стандарттарына сәйкес кәсіби және ғылыми қызметті жүзеге асыру үшін қажетті базалық құқықтық білімдерді студенттерге қалыптастыруға бағытталған. Курс аясында кәсіби және зерттеу қызметін құқықтық реттеудің негіздері қарастырылады. Мемлекеттің сыбайлас жемқорлыққа қарсы саясатына, сыбайлас жемқорлықтың алдын алудың құқықтық және ұйымдастырушылық тетіктеріне, сыбайлас жемқорлыққа қарсы ойлау мен этиканың қалыптасуына ерекше назар аударылады. Пәнді оқу студенттердің құқықтық мәдениетін дамытуға, кәсіби және зерттеу ортасында тұрақты құқықтық және этикалық бағдарларды қалыптастыруға ықпал етеді.

  Оқу жылы - 2
  Семестр - 4
  Несиелер - 5
  

• Экология және тұрақты даму

  «Экология және тұрақты даму» пәні студенттердің табиғи кешендердегі өзгерістерді, олардың себептері мен шешу жолдары туралы тұтас түсініктерін қалыптастыруға бағытталған. Пәнді менгеруде экологияның негізгі ұғымдарын, экологияның ғылым ретінде қалыптасуы мен дамуын, сондай-ақ биосфераның ғаламдық экожүйе ретіндегі тұжырымдамасы қарастырылады; қоршаған ортаның ластану түрлерінің жіктелуі берілген, қазіргі заманның жаһандық, аймақтық және жергілікті экологиялық проблемалары, олардың пайда болу себептері мен қоршаған ортаның ластану түрлері талданады; жаһандық экологиялық проблемаларды шешудегі халықаралық ынтымақтастық қағидаттары түсіндіріледі. Курс экологиялық ойлауды дамытуға, қоршаған ортаны қорғауға деген жауапкершілікті қалыптастыруға және тұрақты даму жағдайында өзінің өмір сүру қауіпсіздігін қамтамасыз етуге дайындықты жетілдіруге ықпал етеді.

  Оқу жылы - 2
  Семестр - 4
  Несиелер - 5
  

• .NET және C# платформасында ақпараттық қосымшаларды әзірлеу

  Пән .NET платформасы мен C# бағдарламалау тілінің технологияларын пайдалана отырып, клиент-серверлік және көпқабатты ақпараттық қосымшаларды әзірлеу саласындағы құзыреттерді қалыптастыруға бағытталған. Курс бағдарламалық шешімдердің архитектурасын жобалаудың негізгі және кеңейтілген аспектілерін, дерекқорлармен өзара әрекеттесуді, REST API жасауды, пайдаланушыларды аутентификациялау мен авторизациялауды қамтиды. C# бағдарламалау тілі: синтаксис, кластары, интерфейстері, делегаттар, LINQ; .NET Core және ASP.NET: веб-қосымшаларды жасау, MVC архитектурасы; Entity Framework Core: ORM тәсілі, миграциялар, CRUD-операциялар; Реляциялық дерекқорлармен жұмыс (SQL Server, PostgreSQL); Есептерді қалыптастыру (мысалы, Crystal Reports немесе басқа кітапханалар арқылы); REST API әзірлеу, интерфейстерді құжаттау; Аутентификация және авторизация (JWT, Identity, OAuth); Қосымшаларды орналастыру және сүйемелдеу.

  Оқу жылы - 2
  Семестр - 4
  Несиелер - 6
  

• Операциялық жүйелер және компьютерлік желілер

  "Операциялық жүйелер және компьютерлік желілер" пәні операциялық жүйелердің жұмыс істеу негіздері мен компьютерлік желілердің жұмыс принциптерін зерттеуге арналған. Курста операциялық жүйелердің архитектурасы, жадымен, файлдық жүйелермен, процестермен және енгізу-шығару құрылғыларымен басқару процестері қарастырылады. Сонымен қатар, пән компьютерлік желілердің негіздерін, OSI және TCP/IP модельдерін, деректерді беру протоколдарын, маршрутизация, коммутаторлау және желілердің қауіпсіздігін қамтиды. Студенттер желідегі құрылғылардың өзара әрекеттесу әдістерін, сондай-ақ деректерді тиімді алмасуды қамтамасыз ету үшін операциялық жүйелермен және желілік қосылымдармен жұмыс істеуді үйренеді.

  Оқу жылы - 2
  Семестр - 4
  Несиелер - 6
  

• Қаржылық сауаттылық негіздері

  «Қаржылық сауаттылық негіздері» пәні студенттердің жеке қаржыны басқару, бюджетті ұтымды жоспарлау, қаржы құралдарын пайдалану, қаржылық тәуекелдерді бағалау және негізделген экономикалық шешімдер қабылдау бойынша негізгі білімдері мен дағдыларын қалыптастыруға бағытталған. Курста жеке және отбасылық бюджет, оны жоспарлау әдістері, қаржы институттары және олардың экономикадағы рөлі, кірістер мен шығыстар түрлері, оларды оңтайландыру тәсілдері қарастырылады. Пәннің мақсаты – жеке қаржы мәселелерін шешудің тиімді әдістерін үйрету.

  Оқу жылы - 2
  Семестр - 4
  Несиелер - 5
  

• WEB-технологиялар

  «WEB-технологиялар» пәні веб-қосымшалар мен сайттарды әзірлеу және жұмыс істеу негіздерін зерттейді, клиенттік және серверлік бөліктерді қамтиды. Студенттер HTML, CSS және JavaScript сияқты бағдарламалау тілдерімен танысады, сондай-ақ интерактивті интерфейстерді жасау үшін фреймворктар мен кітапханаларды үйренеді. Курста веб-серверлердің, дерекқорлардың және API-дің жұмыс принциптері, сондай-ақ веб-қосымшалардың қауіпсіздігі мен оңтайландыру мәселелері қарастырылады.

  Оқу жылы - 2
  Семестр - 4
  Несиелер - 6
  

• Мәліметтер қорының жүйесі

  Бұл пән мәліметтер қорын (МҚ) басқару жүйелерінің (МҚБЖ) теориялық негіздерін және практикалық қолданылуын оқытуға бағытталған. Студенттер реляциялық мәліметтер қорының моделін, деректердің құрылымы мен тұтастығын, SQL тілін қолдану арқылы сұраныстар жазуды, мәліметтер қорын жобалауды және оны басқаруды үйренеді. Пән сонымен қатар мәліметтер қорының архитектурасы, нормализация, транзакциялар, индекстеу, сақталған процедуралар мен триггерлер секілді тақырыптарды қамтиды. Қолданылатын құралдар қатарына MySQL, PostgreSQL, SQLite және Oracle сияқты МҚБЖ жатады.

  Оқу жылы - 3
  Семестр - 5
  Несиелер - 5
  

• Мобильді құрылғыларға арналған Android ОЖ платформасында мобильді қосымшаларды әзірлеу

  «Мобильді құрылғыларға арналған ANDROID ОЖ платформасында мобильді қосымшаларды әзірлеу» пәні Android операциялық жүйесіне негізделген мобильді құрылғылар үшін қосымшаларды жасау процесін қамтиды. Студенттер Java және Kotlin сияқты бағдарламалау тілдерін, сондай-ақ қосымшаларды әзірлеу, тестілеу және орналастыру үшін қолданылатын құралдар мен фреймворктарды үйренеді. Курста пайдаланушы интерфейсін жобалау, дерекқорлармен жұмыс істеу, API интеграциясы және қосымшалардың өнімділігін оңтайландыру мәселелері қарастырылады, бұл функционалды және ыңғайлы мобильді шешімдерді жасауға мүмкіндік береді.

  Оқу жылы - 3
  Семестр - 5
  Несиелер - 6
  

• Мәліметтер базасы және SQL

  Пәні деректер базасының теориялық негіздерін және SQL (Structured Query Language) тілін қолдана отырып, деректерді басқару тәсілдерін үйретеді. Пән барысында деректер базасының түрлері, құрылымы, жобалау принциптері, нормализация, кестелер арасындағы байланыстар, сұраныстарды құру, деректерді енгізу, өшіру, жаңарту және іздеу тәсілдері қарастырылады. Сонымен қатар, SQL тілінің негізгі командалары (SELECT, INSERT, UPDATE, DELETE), біріктірулер (JOIN), ішкі сұраныстар және транзакциялар сияқты күрделі мүмкіндіктері практикалық мысалдар арқылы меңгеріледі.

  Оқу жылы - 3
  Семестр - 5
  Несиелер - 6
  

• GameDev негіздері

  Бұл пән ойындарды жасауға арналған негізгі ұғымдар мен технологияларды қамтиды. GameDev (Game Development) негіздерін оқыту арқылы студенттер 2D және 3D ойындардың архитектурасы, геймплей логикасы, графика, дыбыстық сүйемелдеу, физика және пайдаланушы интерфейсін құруды үйренеді. Пән барысында Unity немесе Unreal Engine сияқты заманауи ойын қозғалтқыштары қолданылып, бағдарламалау тілдері ретінде C# немесе C++ қолданылады. Студенттер ойын әлемін жобалау, кейіпкерлерді анимациялау, ойын сценаларын құру, интерактивтілік қосу және ойын ішіндегі логиканы кодтау бойынша практикалық дағдыларға ие болады.

  Оқу жылы - 3
  Семестр - 5
  Несиелер - 6
  

• Киберқауіпсіздік негіздері

  "Киберқауіпсіздіктің негіздері" пәні компьютерлік жүйелерді, желілерді және деректерді түрлі киберқауіптерден қорғаудың негізгі принциптері мен әдістерін қамтиды. Курста вирустар, хакерлік шабуылдар, фишинг және басқа да киберқылмыстар сияқты қауіптердің түрлері, сондай-ақ олардан қорғаудың әдістері, мысалы антивирустық бағдарламалар, криптография, қауіпсіздікті мониторингтеу және басқару жүйелері қарастырылады. Сонымен қатар, пәнде киберқауіпсіздіктің заңдық және құқықтық аспектілері, сондай-ақ ақпаратты қорғаудағы этикалық стандарттардың маңызы зерттеледі.Қауіптерді, қорғаныс әдістерін, енуді тексеруді зерттеу.

  Оқу жылы - 3
  Семестр - 5
  Несиелер - 5
  

• Объектіге бағытталған программалау

  «Объектіге бағытталған программалау» пәні объектілі-программалау парадигмасын қолдана отырып, программалық қамтамасыз етуді әзірлеудің принциптерін зерттейді. Курста ОБП негізгі ұғымдары, яғни кластар мен объектілер, мұрагерлік, инкапсуляция, полиморфизм және абстракция қарастырылады. Студенттер осы принциптерді қолдана отырып бағдарламалар жобалау және әзірлеу әдістерін үйренеді, сондай-ақ Java, C++, Python сияқты объектіге бағытталған программалау тілдермен жұмыс істеу ерекшеліктерін зерттейді. Курс ОБП негізінде программалық шешімдерді жасау мен оңтайландыру бойынша практикалық тапсырмаларды қамтиды.

  Оқу жылы - 3
  Семестр - 5
  Несиелер - 6
  

• Web-қосымшаларды әзірлеу

  «Web-қосымшаларды әзірлеу» пәні динамикалық және интерактивті веб-қосымшаларды құрудың заманауи әдістері мен технологияларын меңгеруге бағытталған. Курста веб-әзірлеудің негізгі кезеңдері, клиенттік және серверлік технологиялар, веб-қосымшалардың архитектурасы (MVC), front-end және back-end компоненттері қарастырылады. Білім алушылар HTML, CSS, JavaScript көмегімен интерфейс құруды, сондай-ақ серверлік жағында PHP, Python (Flask/Django), немесе Node.js тілдерін пайдалана отырып логика жазуды үйренеді. Сонымен қатар, мәліметтер базасымен байланыс (MySQL, PostgreSQL), аутентификация, авторизация, API және қауіпсіздік негіздері қарастырылады. Пәннің мақсаты – пайдаланушыға ыңғайлы, сенімді және функционалды веб-қосымшаларды жобалап, әзірлей алатын мамандарды даярлау.

  Оқу жылы - 3
  Семестр - 6
  Несиелер - 5
  

• UI / UX-интерфейстерді жобалау және дамыту

  "UI/UX-дизайн және интерфейстерді әзірлеу" пәні пайдаланушы интерфейстері мен тәжірибесін жобалаудың негізгі принциптерін қамтиды, соның ішінде пайдаланушылардың қажеттіліктерін зерттеу, прототиптер жасау, тестілеу және дизайнды итеративті түрде жетілдіру. Студенттер визуалды безендіру, өзара әрекеттесу және навигация әдістерін үйренеді, сондай-ақ интуитивті және тартымды интерфейстерді әзірлеу үшін құралдарды меңгереді, бұл тиімді цифрлық өнімдерді жасауға ықпал етеді.

  Оқу жылы - 3
  Семестр - 6
  Несиелер - 5
  

• Ақпараттық жүйелердің кірістірілген компоненттерін программалау

  Бұл пән кірістірілген құрылғыларды әзірлеу принциптері мен оларды ақпараттық жүйелерге біріктіру негіздеріне бағытталған. Ерекше көңіл микроконтроллерлерді бағдарламалауға, сенсорлармен жұмыс істеуге, деректерді беру және оларды бұлтты немесе жергілікті ақпараттық жүйелермен біріктіруге бөлінеді. Кірістірілген бағдарламалаудың негіздері: микроконтроллер архитектурасы, C/C++ тілі; Arduino, ESP8266/ESP32 негізінде шешімдер әзірлеу; Цифрлық және аналогтық датчиктермен жұмыс (температура, ылғалдылық, қозғалыс, жарық және т.б.); Деректерді беру хаттамалары: UART, I2C, SPI, MQTT; Wi-Fi-ға қосылу, бұлтты платформалармен (ThingSpeak, Firebase және т.б.) дерек алмасу; Алынған деректерді ақпараттық жүйелерге біріктіру: API, дерекқорлар, визуализация; «Ақылды» шешімдерді жүзеге асыру мысалдары (ақылды жарықтандыру, қоршаған ортаны бақылау, IoT қызметтері).

  Оқу жылы - 3
  Семестр - 6
  Несиелер - 5
  

• Жасанды интеллект негіздері

  Мақсаты: Курс болашақ мұғалімдердің әртүрлі мақсаттағы интеллектуалды жүйелерді құру теориясы мен тәжірибесінің қазіргі жағдайы туралы тұтас көзқарасын дамытуға бағытталған. Студенттерге берілетін мүмкіндік:адамның интеллектуалдық іс-әрекетін компьютерлік модельдеудің қолданбалы есептерін шешу үшін білімді көрсетудің әртүрлі үлгілеріне салыстырмалы талдау жасау; логикалық және функционалдық программалау тілдерінде білімді ұсыну модельдерін (олардың симбиозын қоса алғанда) енгізу; заманауи программалау құралдары мен технологияларын қолдану.

  Оқу жылы - 3
  Семестр - 6
  Несиелер - 5
  

• Компьютерлік желі архитектурасы (CISCO)

  «Компьютерлік желі архитектурасы (CISCO)» пәні CISCO технологиялары мен жабдықтарын пайдалану арқылы компьютерлік желілерді жобалау, баптау және басқару негіздерін үйретеді. Пән барысында OSI және TCP/IP модельдері, маршрутизация мен коммутаттау қағидалары, желілік құрылғыларды (маршрутизаторлар мен коммутаторлар) конфигурациялау, деректерді беру протоколдары, желі қауіпсіздігі, трафикті басқару және сенімділікті қамтамасыз ету мәселелері қарастырылады. Сонымен қатар, студенттер Cisco Packet Tracer сынды симуляторларды қолдану арқылы CISCO құрылғыларын CLI (командалық жол интерфейсі) арқылы баптауды тәжірибе жүзінде меңгереді.

  Оқу жылы - 3
  Семестр - 6
  Несиелер - 5
  

• Компьютерлік графика және дизайн

  «Компьютерлік графика және дизайн» пәні цифрлық бейнелерді құру, өңдеу және визуализациялау негіздерін меңгеруге бағытталған. Курста векторлық және растрлық графиканың негізгі ұғымдары, 2D және 3D модельдеу әдістері, интерфейс элементтерін жобалау, түстер теориясы, композиция қағидалары қарастырылады. Студенттер Adobe Photoshop, Illustrator, CorelDRAW, Blender сынды графикалық бағдарламалармен жұмыс істеуді үйренеді, сонымен қатар UI/UX дизайн негіздерін және анимация элементтерін қолдану дағдыларын меңгереді. Пәннің мақсаты – көрнекі мазмұн жасау қабілетін дамыту және креативті ойлау арқылы ақпаратты эстетикалық әрі тиімді жеткізе алатын мамандарды дайындау.

  Оқу жылы - 3
  Семестр - 6
  Несиелер - 5
  

• Бұлтты технологиялар

  «Бұлтты технологиялар» пәні заманауи ақпараттық жүйелерде кеңінен қолданылатын бұлттық есептеулердің теориялық негіздері мен практикалық қолдану тәсілдерін меңгеруге бағытталған. Пәнді игеруде бұлтты қызметтер модельдері (IaaS, PaaS, SaaS), виртуализация, деректерді сақтау, өңдеу және қорғау әдістері қарастырылады. Білім алушылар Amazon Web Services (AWS), Microsoft Azure, Google Cloud сияқты платформалармен жұмыс істеуді, бұлттық инфрақұрылымды орнату мен басқаруды, веб-қосымшаларды орналастыруды және масштабтауды үйренеді. Сонымен қатар, бұлтта ресурстарды оңтайлы пайдалану, қауіпсіздік пен резервтік көшіру, DevOps пен контейнерлік технологиялар (Docker, Kubernetes) негіздері де қамтылады. Пән ақпараттық жүйелерді икемді, сенімді және үнемді түрде құра білуге үйретеді

  Оқу жылы - 3
  Семестр - 6
  Несиелер - 5
  

• Жүйелік программалау

  «Жүйелік программалау» пәні бағдарламалық қамтамасыз етуді әзірлеудің негіздерін қамтиды, ол аппараттық құралдармен және операциялық жүйемен өзара әрекеттеседі. Курста төмен деңгейдегі бағдарламалау тілдері (мысалы, C, C++), енгізу-шығару жүйелері, жадымен жұмыс, көптапсырмалық, процестерді синхрондау және ресурстарды басқару мәселелері қарастырылады. Сондай-ақ, құрылғы драйверлерін, жүйелік утилиталар мен кітапханаларды әзірлеу принциптері зерттеледі. Студенттер операциялық жүйелердің ерекшеліктерін ескере отырып, бағдарламаларды оптимизациялау және бағдарламалардың операциялық жүйелермен өзара әрекеттесуін үйренеді.

  Оқу жылы - 4
  Семестр - 7
  Несиелер - 5
  

• Роботтық жүйелер

  «Роботтық жүйелер» пәні заманауи робототехникалық құрылғылардың құрылымы, жұмыс принциптері және басқару жүйелерімен таныстыруға бағытталған. Курста роботтардың түрлері (мобильді, өнеркәсіптік, сервожүйелер негізіндегі), сенсорлар мен жетектер, қозғалыс траекториясы, бағдарлау, программалау негіздері және автономды басқару алгоритмдері қарастырылады. Білім алушыларға Arduino, Raspberry Pi, немесе басқа микроконтроллерлерді пайдалана отырып қарапайым роботтық құрылғыларды құрастырып, оларға бағдарлама жазуды, қозғалыс пен реакцияны басқаруды үйренеді. Пән жасанды интеллект элементтері, компьютерлік көру және машиналық оқыту негіздерін роботтарда қолдану мүмкіндіктерін де қамтиды. Мақсаты – автоматтандыру, мехатроника және IT салаларында қолданылатын интеллектуалды роботтық жүйелерді жобалау, программалау және басқару дағдысын қалыптастыру.

  Оқу жылы - 4
  Семестр - 7
  Несиелер - 5
  

• Деректерді талдау және машиналық оқыту

  «Деректерді талдау және машиналық оқыту» пәнінің мақсаты - мәліметтер базасын (ДБ) жобалау және басқару дағдыларын игеру. Студенттерге деректерді талдаудың негізгі әдістерін және машиналық оқытудың (Machine Learning) іргелі қағидаларын меңгеруге мүмкіндік береді. Курста деректерді алдын ала өңдеу, визуализация, үлгілер құру, модельдерді баптау және бағалау сияқты қадамдар қарастырылады. Python тілі және оның танымал кітапханалары (NumPy, Pandas, Matplotlib, Scikit-learn) арқылы практикалық тапсырмалар орындалады.

  Оқу жылы - 4
  Семестр - 7
  Несиелер - 5
  

• АЖ сервисі

  «АЖ сервисі» пәні заманауи веб-қосымшаларды әзірлеу технологияларын, құралдарын және әдістерін меңгеруге бағытталған. Студенттер front-end (пайдаланушы интерфейсі) және back-end (серверлік бөлік) компоненттерін жобалау, құру және біріктіру дағдыларын игереді. Пән барысында HTML, CSS, JavaScript, React, PHP, Python (Django/Flask), Node.js, мәліметтер қоры (MySQL, MongoDB) және REST API секілді технологиялар қолданылады. Сонымен қатар веб-қосымшаларды орналастыру (deployment), қауіпсіздік, жауапты дизайн (responsive design) және UX/UI принциптері қарастырылады.

  Оқу жылы - 4
  Семестр - 7
  Несиелер - 5
  

• Интеллектуалды ақпараттық жүйелердің модельдері мен әдістері

  «Интеллектуалды ақпараттық жүйелердің модельдері мен әдістері» пәні интеллектуалдық ақпараттық жүйелерді құру және қолданудың теориялық және практикалық аспектілерін қамтиды. Курста эксперттік жүйелер, машинамен оқыту жүйелері, нейрондық желілер, табиғи тілде өңдеу алгоритмдері мен интеллектуалдық деректерді талдау сияқты әртүрлі модельдер мен әдістер қарастырылады. Сонымен қатар, бейнелерді тану, болжау және шешім қабылдау тапсырмаларын шешу тәсілдері, осы технологияларды медицина, экономика, робототехника және басқа салаларда қолдану мәселелері зерттеледі.

  Оқу жылы - 4
  Семестр - 7
  Несиелер - 5
  

• Академиялық жазу негіздері

  Мақсаты: презентацияның ғылыми стилінің дағдыларын игеру. Мазмұны: мұқият негізделген және дәлелденген білім негізінде сыни және ақпараттандырылған аудиторияға бағытталған презентация; тұжырымдамаларды немесе дәлелдерді нығайту немесе даулау үшін. Мәтіннің құрылымына және оны безендіруге қойылатын талаптар; баяндаудың ғылыми стилін қолдану; дәлелдеу және парафраздау қабілеті; сілтемелерді дұрыс енгізу, әдебиеттер тізімін ресімдеу қабілеті. Құзыреттері: ғылыми жұмыстарды қысқаша және қолжетімді түрде баяндау.

  Оқу жылы - 4
  Семестр - 7
  Несиелер - 5
  

• Бұлтты есептеу және виртуализация

  Бұлтты технологиялар негіздері, виртуализациямен жұмыс, контейнерлеу (Docker, Kubernetes). "Бұлтты есептеулер және виртуализация" пәні бұлтты инфрақұрылымдар мен виртуалды орталарды құру және басқару үшін қолданылатын негізгі принциптер, технологиялар мен әдістерді қамтиды. Курста бұлтты есептеулердің модельдері (IaaS, PaaS, SaaS), серверлерді, деректерді сақтау және желілік ресурстарды виртуализациялау технологиялары, сондай-ақ бұлтты ортада тиімді басқару және қауіпсіздікті қамтамасыз ету тәсілдері қарастырылады. Сонымен қатар, пәнде ақпараттық технологиялар, бизнес және ғылым салаларында бұлтты шешімдер мен виртуализацияланған жүйелерді енгізу бойынша практикалық аспектілер зерттеледі.

  Оқу жылы - 4
  Семестр - 8
  Несиелер - 4
  

• Ақпараттық технологиялар саласындағы бизнес-процестерді және жобаларды басқаруды автоматтандыру

  "Бизнес-процестерді автоматтандыру және ақпараттық технологиялар саласындағы жобаларды басқару" пәні заманауи ақпараттық жүйелер мен технологияларды қолдана отырып, бизнес-процестерді талдау, модельдеу және оңтайландыру әдістерін оқытуға бағытталған. Пән аясында автоматтандыру құралдары, жобаларды басқару әдістемелері (Agile, Scrum, Waterfall), ресурстарды, уақыт пен тәуекелдерді басқару, сондай-ақ ұйымның тиімділігін арттыруға арналған бағдарламалық шешімдер қарастырылады. Нақты бизнес-сценарийлерде ақпараттық технологияларды қолдану тәжірибесіне ерекше көңіл бөлінеді.

  Оқу жылы - 4
  Семестр - 8
  Несиелер - 5
  

• Мобильді қосымшалар архитектурасы және деректермен жұмыс

  «Мобильді қосымшалар архитектурасы және деректермен жұмыс» пәні мобильді қосымшалардың ішкі құрылымы мен архитектуралық үлгілерін (MVC, MVVM, Clean Architecture) зерттеуге бағытталған. Студенттер жергілікті және қашықтағы деректермен жұмыс істеу тәсілдерін (SQLite, Room, Firebase, REST API) меңгереді. Сонымен қатар, деректерді сақтау, өңдеу, синхрондау және офлайн режимде қолдану әдістері қарастырылады.

  Оқу жылы - 4
  Семестр - 8
  Несиелер - 5
  

Профессии

Оқыту нәтижелері

• Мәдениетаралық және коммуникативтік құзыреттілікке ие болуы, білім алуды өз бетімен жалғастыру дағдыларын меңгеру, әлеуметтік қызметте кәсіби қарым-қатынас орната білу; кәсіптік қызметте денсаулықты сақтау мен нығайтуды қамтамасыз ететін құралдар мен әдістерді мақсатты түрде пайдалана алады;
• Білімі мен түсінігін кәсіби деңгейде пайдалану, қазақ халқының тарихы, мемлекеттілігі мен өркениетінің даму эволюциясының негізгі кезеңдерін жан-жақты және объективті түрде ашу, ғылыми зерттеу және академиялық жазу әдістерін білу, академиялық адалдық принциптері мен мәдениетінің маңыздылығын түсінеді;
• Өзінің әлеуметтік, этикалық, ғылыми құндылықтарын, көзқарастарын сыни бағалау негізінде кәсіби білімін қалыптастыруға қажетті ақпаратты жинау және түсіндіру, жеке тұлғалық дамуға жаңа мақсаттар қою;
• Оқу және кәсіби міндеттерді ғылыми тұрғыдан талдау және негіздеу үдерісінде теориялық және практикалық білімді қолдану; инклюзивті білім беруді қоса алғанда, оқыту мен ұлттық тәрбиенің ерекшеліктерін зерттеу; білім алушылардың жеке ерекшеліктері мен қабілеттерін ескере отырып, ғылыми негізделген тәсілдерді әзірлеу және олардың білім беру және әлеуметтік ортадағы психологиялық әл-ауқатын этикалық тұрғыда қолдау.
• Ақпараттық жүйелер саласындағы кәсіби міндеттерді модельдеу, талдау және шешу үшін математика, информатика, физика және ақпараттық-коммуникациялық технологиялар саласындағы іргелі және пәнаралық білімдерді қолдану.
• Қазіргі заманғы киберқауіпсіздік қатерлері мен осалдықтары туралы білімі мен түсінігін, сондай-ақ, озық хаттамаларды, шифрлау алгоритмдерін және мәліметтерді қорғау тәжірибесін пайдалана отырып, қауіпсіз ақпараттық жүйелерді жобалау және енгізу мүмкіндігін көрсете алады.
• Пайдаланушының эргономикалық интерфейстерін жобалау және құру, сондай-ақ, ақпараттық жүйелердің желілік инфрақұрылымын жобалай алады;
• Заманауи технологиялар мен программалау құралдарын пайдалана отырып, веб-қосымшаларды жобалау, әзірлеу және қолдану кезінде фактілер, құбылыстар, теориялар және күрделі байланыстар туралы білім мен түсінікті пайдалана біледі.
• Ғылыми зерттеу әдістерін, сондай-ақ, ақпараттық жүйелерді құру және ақпараттық қауіпсіздікті қамтамасыз ету үшін сәйкес әдістер мен құралдарды таңдау және пайдалану дағдыларын меңгерген.
• Салалық стандарттарға сәйкес келетін масштабталатын және сенімді программалық шешімдерді жасау үшін алдыңғы қатарлы программалау тілдерін және сәйкес құрылымдарды, АТ жобаларын басқарудың заманауи әдістерін пайдаланатын пәндік салаларды білу; негізгі және қолданбалы АТ шешімдерін жобалау, сондай-ақ, инновациялық, бәсекеге қабілетті идеяларды қалыптастыру және енгізу қабілетін көрсете алады.

Ұқсас БББ