6B01201 Мектепке дейінгі оқыту және тәрбиелеу в Қазақ ұлттық қыздар педагогикалық университеті

Курс МДҰ-ның ата-аналармен жүргізілетін жұмыстың ерекшеліктерін зерттеуге бағытталған: отбасын әлеуметтік институт ретінде зерттеу (функциялары, типологиясы, стильдері); отбасылық тәрбие мәселелерін шешу; ата-аналардың бала тәрбиелеудегі құзыреттілігін арттыру. Отандық және шетелдік психологиялық-педагогикалық әдебиеттерде отбасылық қарым-қатынастар туралы зерттеулер талданады. Оқыту нәтижесінде студенттер ата-аналармен жұмыс жасау, отбасына психологиялық-педагогикалық қолдау көрсету дағдыларын меңгереді.

Пән студенттерде эмоционалды зият технологияларын білім беру қызметінде қолданудың теориялық және тәжірибелік білімдер, дағдылар мен іскерліктерді қалыптастыруға бағытталған. Оқыту нәтижесінде студенттер икемді дағдыларды ұйымдастырудың, диагностикалау мен бағалаудың заманауи әдістері мен технологияларын, жеке білім беру бағыттарын қалыптастыру және soft skills-тің дамуын ескере отырып топтық қызметті ұйымдастыру әдістерін меңгереді.

Пән балабақша мен отбасы ынтымақтастығының инновациялық формаларымен таныстырады. Курс педагогикалық ұжымның отбасымен жұмыс жасау әдістері; ата-аналар дәрісхана; оқыту семинарлары; ата-аналарды балалардың жарыстар, жобалар, іс-шараларға қатысуға тартуға бағытталған. Пән мектеп жасына дейінгі балалар отбасымен серіктестік қарым-қатынас орнату; ата-аналарды МДҰ қызметіне тарту, тәжірибе алмасу бойынша бірлескен жұмысты меңгеруге көмектеседі.

Пән тұлғаның жеке әлеуметтік жауапкершілігін дамытуға және адамның жеке әлеуетін жандандыруға, ерікті және өтеусіз көмек көрсетуге және өзара көмек көрсетуге, азаматтық қоғамның игілігі үшін кең ауқымды қызмет көрсету, басқа да азаматтық шараларды орындауға үйретуге бағытталған. Пән еріктілер қызметінің маңыздылығын аша отырып, бұл қызметтің Қазақстандағы мәселелері мен даму перспективаларын айқындайды.

Пән студенттердің заманауи экологиялық білімі мен мәдениетін қалыптастырады, өмір қауіпсіздігі үшін техникалық құралдар мен технологиялық процестердің қауіпсіздігін арттыру әдістерін қолдану дағдыларын дамытады. Пән әртүрлі деңгейдегі ұйымның экожүйелері қызметінің, тұтастай биосфераның негізгі заңдылықтарын, адам мен табиғаттың өзара қарым-қатынасында туындайтын қайшылықтарды, сондай-ақ табиғат пен экологияға ұқыпты қарау қажеттігін айқындайды

Курс өз құқықтары мен міндеттерін білетін, сыбайлас жемқорлықтың кез келген көріністеріне төзбейтін заңды сауатты, заңға бағынатын адамды қалыптастыруға бағытталған. Құқықтық және сыбайлас жемқорлыққа қарсы мәдениет Қазақстан Республикасының заңдарын, сондай-ақ сыбайлас жемқорлыққа қарсы заңнаманы және сыбайлас жемқорлық әрекеттері үшін заңдық жауапкершілік мәселелерін зерделеу арқылы дараланады.

Пән студенттердің кәсіпкерлік дағдылары мен іскерлік ойлауын қалыптастыруға бағытталған. Студенттер экономиканың, кәсіпкерлік қызметті жүзеге асыру шарттарын, оның ішкі және сыртқы ортасының заңдылықтарымен жан-жақты танысу арқылы бизнес-жоспар, жеке бизнесті құру және өз бизнесін сәтті жүргізу дағдыларына ие болады.

Пәнді игеру арқылы әрбір студент жеке тұлға ретінде көшбасшылық қасиеттерін ашу және дамыту, инновациялық үдерістерден туындаған жаңалықтарға бейімделу дағдыларын дамыту, сонымен бірге ғылыми-техникалық үдерістер нәтижелерін кәсіби қызметінде қолдана алу мүмкіндіктеріне үйренеді. Басқарудағы көшбасшылық қасиеттер мен адами фактордың қазіргі жағдайы мен даму перспективаларын оқып біледі

Балалар психологиясы бала дамуының отандық және шетелдік теорияларына талдау жасау, ерте және мектеп жасына дейінгі кезеңнің ерекшеліктерін, ойын әрекетін; танымдық саланы дамыту; балалардың қабылдау, есте сақтау, зейін, қиял, ойлау, сөйлеу және мінез-құлық ерекшеліктері, мектепте оқуға даярлығын қарастырады.Оқыту нәтижесінде студенттер мектеп жасына дейінгі балалардың жеке ерекшеліктерін анықтау; психикалық дамуын мониторингілеу әдістемесін меңгереді.

Пән студенттерді мектепке дейінгі ұйымды басқару іс-әрекетіне практикалық дайындауды қамтамасыз етеді. Курс мектепке дейінгі білім берудің нормативтік-құқықтық құжаттарын талдау; қаржылық құжаттаманы жүргізу, іс қағаздарын жүргізу, жоспарлау; әдістемелік жұмыс; мектепке дейінгі ұйымдағы кәсіпкерлік қызмет дағдыларын меңгертуге бағытталған. Курс соңында студенттер менеджмент негіздерін, әдістемелік жұмысты ұйымдастыруды, жоспарлауды, мектепке дейінгі ұйымның сапасын мониторингілеу, ата-аналармен жұмыстың заманауи түрлерін меңгереді.

Пән студенттердің болашақ педагог мамандығына қызығушылықтарын дамытуға және кейін өзін-өзі жетілдіру мақсатында кәсіби өз бетінше білім алуға ынталандыруға бағытталған. Курс студенттердің педагогикалық үдерісті жоспарлау, болжау, ұйымдастыру, басқару және талдау дағдыларын дамытуға; орта білімнің жаңартылған мазмұны аясында тәрбиелеу мен оқытудың технологиялары мен әртүрлі әдістемелерін меңгеруге бағытталған.

Курс оқу-тәрбие процесін ұйымдастыру және жүргізу кезінде балалар мен жасөспірімдердің өсуі мен дамуының жас ерекшеліктерінің заңдылықтарын іс жүзінде қолдануға бағытталған. Курс баланың сыртқы ортамен өзара әрекеттесуі; денсаулықты қорғауға және нығайтуға, балалар мен жасөспірімдер ағзасының функционалдық мүмкіндіктерін үйлесімді дамытуға және жетілдіруге бағытталған гигиеналық нормативтер мен талаптар қарастырылады.

Курс оқу үдерісін ұйымдастыру, әдістемелік материалдарды әзірлеу үшін цифрлық технологияларды қолдану дағдыларын қалыптастыруға бағытталған. Курста білім беруді ұйымдастыру мен басқаруға арналған компьютерлік бағдарламалар, цифрлық оқыту технологиялары, АКТ-ның дидактикалық мүмкіндіктері, виртуалды орта және қашықтықтан оқыту технологиялары секілді білім беруді цифрландырудың барлық бағыттарының цифрлық бағдарламалары мен техникалық құралдарын басқару дағдылары қалыптасады.

Пән мектепке дейінгі педагогиканың ғылым ретінде ерекшеліктерін ашады: Қазақстанда мектепке дейінгі білім берудің дамуы; балалардың ерте дамуы; мектепке МДҰ-ның педагогикалық үдерісін ұйымдастыру; мектеп жасына дейінгі балалардың ойын әрекеті. Тәрбиенің түрлері: ақыл-ой, адамгершілік, эстетикалық, еңбек және т.б. қарастырылады. Оқыту нәтижесінде студенттер педагогикалық құбылыстарды талдау және болжау; баланың жеке жетістіктерін бағалау; мектеп жасына дейінгі балалардың іс-әрекетін ұйымдастыру дағдыларын меңгереді.

Пән мазмұны ойын әрекетінің теориясы мен практикасы; балалар ойындарының классификациясын; ойын қызметін жоспарлау және ұйымдастыруды қарастырады. Нәтижесінде студенттер мектеп жасына дейінгі балалардың ойын тәжірибесін жинақтау; балалардың ойын іс-әрекетін жоспарлау, еркін ойынын сүйемелдеу, ҰОҚ-ін оқытудың ойын түрлерінде ұйымдастыру; театрландырылған, қимылды, рөлдік ойындар және т.б. әдістемелерді меңгереді.

Пән «Шығармашылық» білім беру саласының психологиялық-педагогикалық және әдістемелік негіздерін; қағаз, картон, мата және басқа материалдармен жұмыс жасау тәсілдерін; техникалық үлгілер мен макеттерді жобалау және жобалау ерекшеліктерін қарастырады. Нәтижесінде студенттер сурет салу, модельдеу, аппликациялау техникасын меңгереді; оқытудың дәстүрлі және инновациялық әдістерін; педагогикалық үдерісті жоспарлайды және жүзеге асырады.

Пән мазмұны мектеп жасына дейінгі балалардың дене тәрбиесі туралы білімі, практикалық дағдылары; денсаулықсақтау технологиялары; шынықтыру, күн тәртібі; мектеп жасына дейінгі балалардың дене дамуының бағдарламасын құрастыру және жүзеге асыруды қамтиды. Курс соңында студенттер ерте және мектеп жасына дейінгі балалардың дене даму динамикасын, дене дайындығының көрсеткіштерін диагностикалау дағдыларын және бағалау құралдарын меңгереді.

Пән студенттердің сурет салу, модельдеу, жобалау және аппликацияда бейнелеу-мәнерлі құралдарды қолданудың практикалық біліктері мен дағдыларын қалыптастыруға бағытталған. Пәнді оқу барысында: мектеп жасына дейінгі балаларды отандық, шетелдік, халықтық қолданбалы өнер туындыларымен таныстыру әдістемесі; бейнелеу іс-әрекетінің түрлері мен құрылымы; құрастыру техникасы, бейнелеу өнері меңгеріледі.

Курс мектепке дейінгі ұйымда пәндік-дамытушы ортаны құрудың практикалық негіздерін қарастырады; денсаулықты сақтауға және нығайтуға, баланың сыртқы ортамен өзара әрекеттесуінде үйлесімді дамуына бағытталған гигиеналық нормалар мен талаптарды қарастырады. Курс соңында студенттерде мектепке дейінгі ұйымда пәндік-дамытушы ортаны инновациялық тәсілдер арқылы жобалау және ұйымдастыру дағдылары қалыптасады.

Пән дене шынықтыруды, салауатты өмір салтын дамытуға, мектеп жасына дейінгі балаларды денешынықтыру-сауықтыру іс-шараларының барлық түрлерімен, денсаулықсақтау технологиялары; гимнастиканың әртүрлі түрлерімен және т.б. таныстыруға бағытталған. Курс студенттердің салауатты және қауіпсіз орта құру мақсатында режимдік сәттерді, таңғы жаттығуларды, ұйымдастырылған оқу қызметін, жүру, шынықтыру, спорттық іс-шараларды, мерекелерді жоспарлау дағдыларын қалыптастырады.

Пән инклюзивті білім беру саласында кәсіптік құзыреттілікті және бағдарлай білуді қалыптастыруға бағытталған. Оқу нәтижесінде студенттер көру және есту қабілеті, тірек-қимыл аппараты бұзылған мектеп жасына дейінгі балаларды психологиялық-педагогикалық сүйемелдеуді ұйымдастыру, дамуында ауыр ауытқулары бар баланың отбасын психологиялық-педагогикалық қолдау, оқу-тәрбие қызметі барысында ерекше білім алуда қажеттілігі бар балаға түзету-педагогикалық көмек көрсету машықтары мен дағдыларын меңгереді.

Курс болашақ маманның кәсіби қызығушылықтары саласында ғылыми-зерттеу компоненттерін дамытуға бағытталған. Пән студенттердің ғылыми әдебиеттермен жұмыс істеу, зерттеуді ұйымдастыру және жүргізу (таңдалған облысқа сәйкес), ғылыми эксперименттер жасау, зерттеу нәтижелерін академиялық сипатта сауатты рәсімдеу және оларды көпшілік алдында таныстыра білу дағдыларын қалыптастырады.

Пән мазмұны мектеп жасына дейінгі балалардың тілін дамытудың заманауи тұжырымдамалары; сөздік қорын дамыту; тілдің грамматикалық құрылымын қалыптастыру; байланыстырып сөйлеуді дамыту; тіл дамыту әдістемесі бойынша жұмыстарды жоспарлау және есепке алуды қамтиды. Курс соңында студенттер жобалау, балалардың тілін дамыту әрекетін педагогикалық қолдауды ұйымдастыру, балалардың тілін дамыту деңгейін бағалау критерийлерін диагностикалаудың практикалық дағдыларын меңгереді.

Тұлғаға бағдарланған оқыту технологиясы баланың жеке басын құрметтеуге негізделген педагогикалық үдерісті ұйымдастыру; технологияны енгізу механизмі; педагогикалық қолдауды ұйымдастыруға (педагогтің іс-әрекеті, стратегиясы мен тактикасы, қызығушылықтары бойынша іс-шаралар жүйесі, даму проблемалары, балалардың бейімділігі) бағытталған. Студенттердің балалармен, ата-аналармен серіктестік қарым-қатынас орнату балаларды қызығушылықтары, даму проблемалары, бейімділіктері бойынша саралай білу дағдыларын қалыптастырады.

Пән ғылыми стильдің жанрлық түрлері туралы білімді, кәсіби қызмет саласындағы ақпарат пен материалдарды жинау, сақтау және өңдеудің заманауи әдістерін меңгеруді, сондай-ақ сөйлеу қызметінің төрт түрін (оқу, сөйлеу, жазу, тыңдау) академиялық қарым-қатынас жасау мақсатында білігі мен дағдыларын қалыптастырады.

Пән студенттерде мектепке дейінгі білім беру сапасын ECERS-R шкаласы бойынша; Еуропалық сапа модельдері және т.б. түсініктерін қалыптастыруға бағытталған. Нәтижелердің сапасы: мектеп жасына дейінгі балалардың даму деңгейі, өнімді іс-әрекеттері, денсаулық көрсеткіштері және т.б.), оларды диагностикалау әдістері. Курс студенттерде болжау, педагогикалық үдерісті талдау, білім беру ресурстарының сапасын бағалау және т.б дағдыларын. қалыптастыруға бағытталған.

Пән мазмұны мектеп жасына дейінгі балалардың коммуникативтік-сөйлеуін дамытудың теориялық негіздері; педагогикалық қарым-қатынастың ерекшеліктері; коммуникативтік-сөйлеу жағдаяттарының ерекшеліктерін қамтиды. Курс студенттердің тілдік қарым-қатынас нормалары мен ережелерін, мінез-құлық, қарым-қатынас үдерісінде коммуникативтік міндеттерді шеше білу іскерлігі; мектеп жасына дейінгі балалардың коммуникативтік-сөйлеу дамуын қалыптастыру деңгейін диагностикалауға бағытталған.

Пәнді игеру студенттердің «инновациялық технологиялар» мәні, түсінігі, инновациялық технологиялардың жіктелуі және мазмұнын; балабақшаның тәрбиелеу-білім беру үдерісінде инновациялық әдістерді жобалау; инновациялық технологиялардың тиімділігін бағалау критерийлері мен көрсеткіштерін қарастырады. Курсты аяқтағаннан кейін студенттер балабақшада инновациялық технологияларды ұйымдастыру және басқару; тиімді инновациялық қызметке жағдай туғызу дағдыларын меңгереді.

Пән студенттердің мектеп жасына дейінгі балалардың жобалау іс-әрекетін зерттеуді, жоспарлау, жобалау іс-әрекетін ұйымдастыру әдістері; жобаның тақырыбы мен түрін таңдау; мектеп жасына дейінгі балалардың жобалау әрекеттерін меңгеру кезеңдерін; жоба өнімдерін анықтауға бағытталған. Жобаны дайындау, презентацияны көрсету және қорғау алгоритмі қарастырылады. Электрондық ресурстарды құрастырады. Студенттер курс соңында мектеп жасына дейінгі балалардың жобалау іс-әрекетін ұйымдастырудың әдістемесін, практикалық тәжірибесін меңгереді.

Практикум ғылыми-зерттеу құзыреттілігін қалыптастыруға бағытталған, ғылыми зерттеулерді жүргізу дағдыларын анықтайды, дипломдық жобада зерттеу әдістерін (эксперимент, бақылау, математикалық статистика және т.б.) пайдалана отырып эмпирикалық материалды жинақтайды. Курсты соғында студент мектепке дейінгі педагогика саласында психологиялық-педагогикалық зерттеу әдістерін меңгереді.

Пән мектепке дейінгі ұйымда инновациялық технологияларды енгізуге бағытталған. Пәнді меңгеру барысында студенттер балабақшаның тәрбиелеу-білім беру үдерісін ұйымдастыруда инновациялық, педагогикалық технологияларды («Фребель сыйы», ӨТШТ, ойын технологиялары, М.Монтессори, IT технологиялар, дизайн және т.б.) тәжірибелік, зерттеушілік дағдыларды меңгереді.

Курс студенттерді мектеп жасына дейінгі балалардың жаратылыстану-ғылыми түсініктерін дамытуға; эксперименттік іс-әрекеттерді жүзеге асыруда БІД (білімі, іскерлігі дағдысы) деңгейін диагностикалауға дайындауды қамтиды. Оқыту нәтижелері бойынша студенттер мектеп жасына дейінгі балалардың жас ерекшеліктеріне сәйкес эксперименттік іс-әрекетін жоспарлау және ұйымдастырудың практикалық дағдыларын меңгереді; құммен, сазмен, сумен, ағашпен, магнитпен, топырақпен және т.б. жұмыс жасаудың әртүрлі әдістер мен тәсілдерін қолдана алады.

Пән студенттердің мектеп жасына дейінгі балалардың математикалық дамуының заманауи тәсілдерін: балалардың логикалық ұғымдарды меңгеру заңдылықтары мен логикасын (көп, сан, пішін, өлшем, уақыт және т.б.); қарапайым математиканы оқытудағы практикалық дағдыларын (арифметика, шамалар, алгебра және геометрия элементтері) меңгеруге бағытталған. Оқуды бітіргеннен кейін студенттер ұйымдастырылған оқу қызметінде мектеп жасына дейінгі балаларға математиканы оқыту әдістемесін меңгереді.

Зерттеу әрекетінің практикумы студенттердің ғылыми ақпаратты өңдеу; ұйымдастыру кезеңдері, зерттеу жұмысын жазу ережесін игеруге бағытталған. Курс соңына студенттер зерттеу дағдылары; ғылыми әдістер; зерттеудің мақсаты мен міндеттерін қою; тәжірибелік-эксперименттік жұмыстарды жүргізу; зерттеу әдістемелерінің сипаттамасы; ғылыми мақалалар жазу әдістемесін меңгереді.

Бұл курс мектеп жасына дейінгі балалардың логикалық ойлауын дамытуды қарастырады. Пән студенттердің геометриялық пішіндер мен денелермен; Х.Кюизинер таяқшаларымен; Дьенеш блоктарымен; санау материалдарымен; тақырыптық суреттерімен; үстел үсті ойындарымен, геометриялық мозаикамен және т.б. жұмыс жасауда практикалық дағдыларын дамытады. Оқыту нәтижелері бойынша студенттер мектеп жасына дейінгі балалардың математикалық дамуын қамтамасыз ететін білім беру ортасын ұйымдастыру дағдыларын меңгереді.

Курс мектепке дейінгі ұйымда балаларды қоршаған ортамен таныстыру әдістемесі мазмұнының дидактикалық негіздерін қарастырады. Пән студенттердің жаратылыстану негіздері бойынша теориялық және практикалық деңгейін арттыруға көмектеседі. Оқыту нәтижелері бойынша студенттер білім жүйесін меңгереді, ұйымдастырылған оқу қызметінде балаларды қоршаған ортамен таныстыруда диагностикалау технологияларын қолданудың практикалық дағдыларына ие болады.

Пән балалар әдебиеті, сөйлеу технологиясы және оның құрамдас бөліктері; балалар әдебиетінің жанрлары мен жанрлық жүйесі; сюжет және кейіпкерлер; мектеп жасына дейінгі балалардың өнер туындыларын мәнерлеп орындауын оқып білуге бағытталған. Студенттер курс соңында сөйлеу мәнерлігін, мектеп жасына дейінгі балаларға арналған көркем шығармаларды орындау, мәнерлеп оқуды сүйемелдеу, көркем шығармаларды сахналау-ойынын қою дағдыларын меңгереді.

Пән көркем әдебиет пен драманың орны, жанрлық ерекшеліктері, балалар жазушылары, ақындары және олардың шығармалары, тақырыптары, оқиға желісі, сөз қолданысы, стильдік ерекшеліктері, қазіргі жағдайы, тақырыптық ерекшеліктері, көркем әдебиет пен драманың өзекті мәселелерін қарастыруға бағытталған. Пәнді меңгеру нәтижелері бойынша студенттер рухани-адамгершілік тәрбиесіндегі көркем әдебиеттің маңызын анықтайды, мектеп жасына дейінгі балалардың театрлық іс-әрекетін ұйымдастыруда креативтіліктерін көрсетеді.

Пән салыстырмалы педагогиканың негізгі ұғымдарын, категориялары, әртүрлі елдердегі мектепке дейінгі тәрбие тәжірибесін жалпылау және салыстыру, халықаралық педагогикалық тәжірибенің оң және теріс аспектілері жөніндегі білімі меңгеруге бағытталған.Курсты соңында студенттер салыстырмалы педагогиканың негізгі ұғымдарын анықтау, мектепке дейінгі білім берудегі әлемдік тәжірибені зерттеу дағдыларын меңгереді.

Пән шетелдегі мектепке дейінгі білім беру жүйесінің заманауи саласын бағдарлауда кәсіби құзіреттілік және іскерлік қабілетін қалыптастыруға бағытталған. Оқыту нәтижесінде студенттер ерте және мектеп жасына дейінгі балаларды тәрбиелеудің отандық және шетелдік білім беру тұжырымдамаларына (Германия, Финляндия, Ұлыбритания, Жапония, АҚШ және т.б.) салыстырмалы талдау жасау іскерліктерін меңгереді; әдістерін қолдана алады.

Пән МДҰ педагогінің ерте, мектепке дейінгі дамыту, баланың өмірлік маңызды дағдыларын дамытуда педагогикалық үдерісті қамтамасыз ету, өзіндік іс-тәжірибелерін зерттеу арқылы балалардың бастамашылдық, шығармашылық, қарым-қатынас жасауда заманауи әдістерді меңгертуге, кәсіби құзыреттіліктерін дамытуға бағытталған. Курс соңында студенттердің мектеп жасына дейінгі балалардың жетістіктерін диагностикалау және мониторингілеуді жүзеге асыру, зерттеу дағдылары дамиды.

Мектепке дейінгі ұйым инновациялық технологияларын бағалайды және талдау жүргізеді, сонымен қатар мектепке дейінгі білім берудің әлемдік тәжірибесін қолданады.

Мектеп жасына дейінгі балалардың сөйлеу, математикалық, физикалық, танымдық, көркемдік, бейнелеу әрекетін дамытуда педагогикалық-ұйымдастырушылық қолдауды ұйымдастырады және жоспарлауды жүзеге асырады.

Инновациялық және волонтерлік қызметке дайын, жаһандық проблемаларға бей-жай қарамайтын және икемді дағдылары бар (Soft skills), ұлттық рухта тәрбиеленген іскерлік және құқықтық мәдениетті түсінеді

Білім алушылардың жас кезеңдері ерекшеліктерін ескере отырып, жаңартылған жүйедегі педагогикалық процессті жүзеге асыра алатын негізгі білім мен дағдыларды, сонымен қатар цифрлық білім беру технологиясын қолдану дағдыларын меңгерген

Мектеп жасына дейінгі балалардың жетістіктерін бағалау құралын таңдайды, мектепке дейінгі ұйымның педагогикалық үдерісінің сапасына мониторинг жүргізеді.

Пәндік-дамытушы және инклюзивті ортаны ұйымдастыру дағдылары мен іскерліктерін қолданады, мектеп жасына дейінгі балалардың ойын әрекетін ұйымдастыруды жүзеге асырады.

Өзінің зерттеушіік әрекетін жоспарлайды және жүзеге асырады, мектеп жасына дейінгі балалардың жоба жұмысына басшылық жасайды.

Мектеп жасына дейнгі балалардың когнитивті, әлеуметтік-эмоционалды саласын дамытуда отбасымен серіктестік қарым-қатынас орнатады.

Мектепке дейінгі ұйымның педагогикалық процесін мектеп жасына дейінгі балаларды жеке тұлғаға бағдарланған, кіріктірілген, денсаулықсақтау, дамыта оқыту негізінде құрастырады.

Пәндік салада зерттеу нәтижелері мен академиялық жазбаны, оның ішінде шетел тілінде, таныстыра алатын, ғылыми-зерттеу жұмыстарын жүргізе алатын дағдыларды меңгерген

Басқарушылық қызметті меңгеру дағдыларын көрсетеді; өзін-өзі дамыту және мансаптық өсуде өмір бойы жеке білім беру траекториясын құрады.