6B01801 Әлеуметтік педагогика және өзін-өзі тану в Махамбет Өтемісов атындағы Батыс Қазақстан университеті

Курстың мақсаты: Дінтану негіздерінің пәні, ұғымдары, құрылымы, тарихы, әлемдік – будда, христиан, ислам діндері оның бағыттары, тәуелсіздік жылдары елімізге таралған жаңа діни қозғалыстарға сараптама жасау, Қазақстандағы діни жағдайдың тарихы, исламның қазақ халқының тұрмысы мен рухани өмірінде алатын орны туралы ғылыми түсініктер беру, Студенттердің бойында гуманистік дүниетанымның негіздерін, рухани адамгершілік құндылықтардың қалыптасуына ықпал ету.

Құқық негіздері пәнінің оқыту мақсаты негізгі заңнамалардың теориялық ережелерінің білімдерін қалыптастыру, қолданыстағы заңнаманың қабылдануы мен заңнамаға енген өзгерістердің мемлекеттік жүйемен байланысы және азаматтық қоғамда құқықтық мәдениет деңгейін арттыру болып табылады.

Курсты оқудың басты мақсаты студенттерге жалпы және кәсіби білім беру үшін қажетті жалпы теориялық білім кешенін меңгерту, сонымен қатар сыбайлас жемқорлыққа қарсы әрекет ету бойынша білім жүйесін құру және осы негізде аталған құбылысқа азаматтық көзқарасты қалыптастыру, құқықтық және моральдық-этикалық нормаларға сәйкес келетін сыбайлас жемқорлыққа қарсы мінез-құлық әдептерін қалыптастыру, сондай-ақ қажет болған жағдайда білім алушылардың сыбайлас жемқорлық проблемаларына көзқарасын анықтау және түзету болып табылады.

Студенттер білім беруді цифрландыру үрдістері, оқу үдерісін цифрландырудың жалпы әдістері, оқу нәтижелерін бақылау және өлшеу, оқу орындарының оқудан тыс, ғылыми-зерттеу және ұйымдастыру-басқару қызметі туралы түсінік алады. Студенттер білім беруде сандық технологияларды пайдалану дағдыларын меңгереді.

"Экология және тұрақты даму" пәні экологиялық дүниетанымды қалыптастыру, қоғам мен табиғаттың тұрақты дамуының негіздері туралы терең жүйелі білім мен түсініктер беру, табиғи ресурстарды тиімді пайдаланудың және қоршаған ортаны қорғаудың қазіргі заманғы тәсілдері бойынша теориялық және тәжірибелік білімдерді қалыптастыру мақсатын алға қояды.

Студенттер педагогика тарихы бойынша кәсіби педагогикалық білім берудің ғылыми негіздерін, тарихи-педагогикалық білім берудің ғылыми жүйесін өркениеттік-антропологиялық аспектіде қалыптастырады, әртүрлі тарихи дәуірлер мен халықтардың білім беру және педагогика мәселелерімен айналысатын танымал ойшылдар өмірімен танысады. Тарихи және сәйкес аспектілер бойынша жетекші педагогикалық мәселелерді қарастыруға бағыттайды.

Студенттер әлеуметтік педагогиканың тарихи-мәдени және ғылыми-әдіснамалық негіздерін, әлеуметтік-педагогикалық теориялар саласындағы ғылыми білім жүйесін меңгереді. Практикалық тапсырмаларды орындай отырып, әлеуметтендірудің негізгі институттарының әлеуметтік-педагогикалық қызметінің ерекшелігін сипаттайды. Топтық жұмыс жасай отырып, студенттер әлеуметтік-педагогикалық қызмет түрлерін жіктейді.

Студенттер гигиена, еңбекті қорғау талаптарына және сыртқы жағымсыз әсерлерден қорғау ережелеріне сәйкес салауатты өмір салтының негізгі құрауыштарын меңгереді, өмірлік жағдайларда білімді пайдаланады. Топпен жұмыс істей отырып, студенттер алғашқы көмек көрсету тәсілдерін меңгереді, тіршілік қауіпсіздігі үшін алдын алу шараларының маңыздылығын түсінеді

Студенттер нарықтық экономика жағдайында кәсіпкерлік қызметтің теориялық білімі мен практикалық дағдыларын меңгереді. Студенттер кәсіпкерлік қызметтің ұйымдастыру-құқықтық нысаны мен саласын таңдау мәселелерінде білім мен дағды алып, кәсіпкерлік қызметті жүргізудің функциялары мен негізгі принциптерін меңгереді.

"Мәңгілік ел" идеясының мазмұнын, оның құндылықтық сипатын, сыртқы қауіп - қатерлер мен қауіп-қатерлер жағдайындағы маңыздылығын, елді модернизациялаудағы рухани және әлеуметтік бағдарлардың рөлін, "Қазақстан-2050" Стратегиясының мазмұнын, Қазақстандық қоғамды дамытудың экономикалық, саяси және әлеуметтік бағдарларын оқып үйрену студенттерде серпінді әлемде құндылықтық бағдарларды, Қазақстандық патриотизмді қалыптастыруға бағытталған.

Студенттер адам ағзасының дамуы мен өсуінің жалпы заңдылықтарымен, ағзаның қорғаныс күштерін арттырудың негізгі әдістері мен түсініктерді меңгереді. Практикалық тапсырмаларды орындай отырып, студенттер дамып келе жатқан органдар мен жүйелердің өзара әрекеттесуі, онтогенездегі физиологиялық функциялардың нейрогуморальды реттелуінің қалыптасуы, Балалар мен жасөспірімдердің жұмысқа қабілеттілігінің көрсеткіші мен жас деңгейлері туралы түсініктерді сипаттайды. Топта жұмыс істей отырып, студенттер дені сау және үйлесімді дамыған ағзаны қалыптастырудағы дене тәрбиесінің рөліне талдау жасайды.

Студенттер ақпаратты талдау және жүйелеу, өз идеяларын алға тарту және негіздеу қабілеттерін игереді, осының барлығын ақпараттық ресурстардың әр түрін сыни бағалай отырып, нақты құрылымдалған, логикалық реттелген мәтін түрінде ұсынады. Оқу процесінде студенттер өздерінің ғылыми идеяларын білдіруге арналған тиімді практикалық құралдармен қамтамасыз етіледі.

Республикадағы кәсіпкерлік қатынастарды реттейтін нормалар жиынтығы қарастырылады. Қазақстан Республикасындағы кәсіпкерлік қызметтің түрлері және ұйымдық-құқықтық нысандары. Шаруашылық серіктестігі мен акционерлік қоғамның құқықтық жағдайы. Аудиторлық қызметті құқықтық реттеу. Кәсіпкерлік субъектілерінің дәрменсіздігі (банкроттығы) ұғымын құқықтық реттеу. Кәсіпкерлік қызметті мемлекеттік реттеу. Кәсіпкерлік құқық қатынастарды реттеудің екі әдісін: құқықтық реттеудің диспозитивтік әдісін (тараптардың теңдігіне негізделген) және құқықтық реттеудің императивтік әдісін (билікке және бағынуға негізделген) тең дәрежеде қолданумен сипатталады. Мәселен, қызметтің қандай да бір түрін лицензиялау бойынша міндетті талаптарды белгілейтін нормаларды іске асыру кезінде лицензиялаушы органның директивалық ұйғарымдары қолданылатын болады.

Студенттер әлеуметтік-педагогикалық қызметтің теориясы мен тәжірибесін, әлеуметтік-педагогикалық жұмыс бойынша дағдылар мен қабілеттерді меңгереді. Практикалық тапсырмаларды орындай отырып, студенттерде әлеуметтік-педагогикалық қызметті ұйымдастыру және жүргізу, білім беру мекемелерінде көмек көрсету дағдылары жетілдіріледі.

Студенттерді әлеуметтік және білім беру қызметінің ғылыми негіздерімен таныстыру. Міндеттері: әлеуметтік жұмыс әдістерін және технологияларын игеру; әлеуметтiк мұғалiмнiң әлеуметтiк мәдениетiнiң негiздерiн құруға, үздіксіз жеке кәсіби өзін-өзі жетілдіруге және қоғамдық жұмыстың жалпы технологиясын дамытуға қажеттілігін қалыптастыру; әлеуметтік жұмыс тұжырымдамасын, мәнін, тақырыбын, функциясын зерттеу

Студенттер оқытудың жаңа тәсілдерінің мәні, жоғары оқу орындарында болашақ мамандардың өзін-өзі дамыту және өзін-өзі жүзеге асыру саласындағы инновациялық білім беру технологиялары туралы түсініктерді игереді. «Өзін-өзі тану» курсында педагогикалық технологияларды қолданудың әдіснамалық негізі және оқыту мен тәрбиелеудің жаңа әдістері туралы практикалық білім, сондай-ақ инновациялық қызметті енгізу туралы тұжырымдамалары қалыптасады.

Студенттердің психологиялық және педагогикалық тәжірибесін дамытады және кәсіптік білім жүйесін қалыптастырады. Практикалық тапсырмаларды орындай отырып, психологиялық-педагогикалық диагностиканы, түзету және психологиялық-педагогикалық тәжірибенің әр түрлі салаларында кеңес беру жұмыстарын жүргізеді.

Студенттер психологиялық-педагогикалық диагностиканың әдіснамалық тәсілдері мен принциптерін меңгереді. Практикалық тапсырмаларды орындай отырып, білім алушы мен топтың психологиялық-педагогикалық сипаттамасын, топтарда жұмыс істей отырып, психодиагностиканың әдістері, тесттер, жобалық және интерактивті техникаларын, кәсіби-этикалық талаптарды, принциптері мен функцияларын құрастырады.

Студенттер жалпы және педагогикалық мәдениетті арттыру, әлеуметтік педагогиканың әлемдік және отандық тарихындағы педагогикалық ойдың дамуы туралы тұтас түсініктерді қалыптастыру мақсатында негізгі педагогикалық білімді меңгереді. Практикалық тапсырмаларды орындай отырып, студенттерде әлеуметтік педагогиканың даму заңдылықтары мен мәнін зерттеу әдістері мен тарихи-педагогикалық білімді меңгеру арқылы аналитикалық іскерліктер, зерттеу қызметіне қызығушылық, кәсіби құзыреттілік қалыптасады.

«Мектеп психологиясы» пәнін оқудың мақсаты - мектеп жасындағы оқушылардың танымдық психикалық процестерінің даму заңдылықтарын қабылдау, дамудың әр жас кезеңінде жетекші әрекеттерді қалыптастыру саласындағы оқушылардың құзыреттіліктерін қалыптастыру.

Студенттер педагогикалық ғылым мен тәжірибенің бір саласы ретінде әлеуметтік педагог жұмысының әдістемесі мен технологиясын, әлеуметтік-педагогикалық технологияларды әзірлеу және оларды практикалық кәсіби қызметте шығармашыл пайдалану үшін қажетті білім мен іскерлікті меңгереді. Әр түрлі әлеуметтік-мәдени жағдайларда әлеуметтік-педагогикалық процесті ұйымдастыру іскерлігін, ақпараттық, қашықтықтан оқыту технологияларын, олардың әдіс-тәсілдерін, қағидаларын меңгере отырып, оқу-тәрбие үрдісінің сапасын жоғарылату бойынша білімдерін қалыптастырады.

Студенттер арнайы педагогиканың ғылыми білім саласы, оның тарихы, қазіргі жағдайы мен даму бағыттары сияқты негізгі ұғымдарды меңгереді. Практикалық тапсырмаларды орындай отырып, студенттер оқытудың мазмұны, ерекше білім беру қажеттілігі бар балалардың топтарымен, түзету-тәрбие жұмысының бағыттарын сипаттайды. Арнайы мекемелердің әртүрлі типтеріндегі білім беру жүйесін салыстырады және талдайды. Ерекше білім беру қажеттіліктері бар балалардың ерекшеліктерін сипаттайды.

Студенттер әлеуметтік педагогика пәні мен «әлеуметтік педагог» мамандығының мәдени-тарихи пайда болуы, әлеуметтік педагогтың кәсіби қызметінің және оның кәсіби дайындығының ерекшеліктерімен танысады. Практикалық тапсырмаларды орындай отырып, кәсіби қызметтің ерекшеліктерімен танысады, әлеуметтік педагогтың қызметін, әлеуметтік ролін, этикалық нормалары мен құндылықтарын, құқықтарын, практикалық қызметі мен кәсіби даму саласын қарастырады.

Студенттер отбасыларымен әлеуметтік-педагогикалық жұмыстың мазмұнын меңгереді, әлеуметтік және педагогикалық қызметті жүзеге асырады. Әлеуметтік-педагогикалық жұмыстың әдістері мен технологияларын қолданудың практикалық дағдыларын, отбасымен әлеуметтік-педагогикалық жұмыстың негіздері мен бағыттарын, ата-аналарға балаларды тәрбиелеу туралы кеңес беру икемділіктері мен дағдыларын қалыптастырады.

Студенттер тәрбие жұмысының негізгі түсініктері мен мазмұнын, балалармен қарым-қатынас тәсілдерін, оқушылар мен ұжым тұлғасын диагностикалау әдістерін, мектептегі тәрбиеші (сынып жетекшісі) ретінде мұғалімнің тәрбие жұмысының технологиясын меңгереді. Практикалық тапсырмаларды орындай отырып, сынып жетекшісінің тәрбие жұмысын жоспарлау және ұйымдастыру біліктері мен дағдылары қалыптасады; сыныппен тәрбие жұмыстарының сценарийін әзірлейді және ұжымдық шығармашылық қызмет әдістемесі бойынша жұмыс істейді.

Студенттер ерекше білім берілуіне қажеттіліктері бар балалармен жұмыс жасаудың әлеуметтік-психологиялық жүйесінің теориялық негіздерін, әлеуметтік-психологиялық қызмет көрсетудің әдіснамалық негіздерін меңгереді. Студенттер ерекше білім берілуіне қажеттіліктері бар балалармен әлеуметтік және психологиялық, әлеуметтік-педагогикалық жұмыс әдістемесінің мазмұнын меңгереді; арнайы мекемелерде әлеуметтік-педагогикалық жұмыста жаңа технологияларды қолдана білу қабілеттері дамиды.

Студенттерді оқыту мен тәрбиелеудің теориялық негіздерімен таныстыру, педагогикалық құзіреттілік деңгейін жоғарылату, тұлғаның жеке бас ерекшеліктеріне оның білім беру және кәсіби қызметін меңгеру мен жүзеге асырудың табысты факторы ретінде тұтас көзқарасын қалыптастыру, білім алу қабілетін дамыту, ақыл-ой жұмысының мәдениеті, өзін-өзі тәрбиелеу, педагогикалық білімге негізделген тиімді шешім қабылдау қабілеті.

Студенттер әлеуметтік технологиялардың негізгі теорияларын, кәсіби қызметтің технологиялық ұстанымдарын меңгереді. Студенттер әлеуметтік қызмет көрсету саласында құқықтық білім негіздерін және бала мен отбасын әлеуметтік қолдау және қорғау шараларын жүзеге асыра алады.

Студенттер ауытқушылық мінез-құлықтың алдын алу және педагогикалық түзету негіздерін меңгереді. Практикалық тапсырмаларды орындай отырып, девиантты мінез-құлықтың негізгі себептерін талдайды. Топпен жұмыс істей отырып, девиантты мінез-құлықты түзетудің негізгі әдістері мен тәсілдерінің жіктейді.

Пәнді оқу барысында студенттер әр түрлі дамуында ауытқулары бар балаларды оқытуға дайындалады, ерекше қажеттіліктері бар балалардың негізгі санаттарының психофизикалық дамуының ерекшеліктері, оқыту мазмұны, олармен түзету және тәрбие жұмысының бағыттары туралы білім қалыптасады. Тәжірибелік сабақ барысында студенттер кіріктірілген және инклюзивті білім беру бөлімдерінің жұмысын ұйымдастырудың принциптерін сипаттайды

Студенттер әлеуметтік психологияның қалыптасу және даму тарихы туралы білімдерін жетілдіреді, әлеуметтік психологияның өзекті мәселелерімен танысады. Практикалық тапсырмаларды орындай отырып, теориялық білім мен әлеуметтік-психологиялық құбылыстар мен процестердің тәжірибесін қолданады, әлеуметтік-психологиялық зерттеудің негізгі тәсілдері туралы теориялық және практикалық білімді дамытады.

Студенттер жастардың әлеуметтік-психологиялық бейімделуін жүзеге асыруға, жастардың жанжалдарын реттеуге қабілетті білімді меңгереді. Кәсіби қызметті жүзеге асыруда әлеуметтік-технологиялық әдістерді, жастардың саяси және қоғамдық қозғалыстарында мәселелерді анықтауда әлеуметтік технологияларды қолдана алады.

Студенттер отбасылық тәрбие саласындағы теориялық білімді, отбасылық педагогиканың негізін меңгереді; отбасылық тәрбие мен отбасылық педагогика негіздерін, білім беру мекемелері мен отбасының бала тұлғасын тәрбиелеу мен дамытуда өзара байланысының заманауи тәсілдерін, отбасылық тәрбиенің дағдылары мен іскерліктерін меңгереді. Практикалық тапсырмаларды орындау кезінде бұл білімдер отбасына әлеуметтік қызмет көрсетуді сауатты жүзеге асыруға, балаларды тәрбиелеумен байланысты ерлі-зайыптылар мен туыстар арасындағы даулы жағдайларды болжау және шешу сияқты дағдыларды меңгеруге көмектеседі.

Студенттер даулы жағдайларда тиімді стратегияларды табу және қолдану, кикілжіңдер, даму кезеңдері, шешу тәсілдері туралы теориялық білімді меңгереді. Практикалық тапсырмаларды орындай отырып, кикілжіңдерді тиімді шешудің әдістері мен тәсілдерін қолдануды үйренеді.

Студенттер девиантологияның негізгі түсініктерін меңгереді. Студенттер өз бетінше әртүрлі топтармен алдын алу жұмысының стратегиясы мен тактикасын сипаттайды. Практикалық тапсырмаларды орындай отырып, девиантты мінез-құлықтың түрлерін ажыратады. Топта жұмыс істей отырып, девианттық жағдайды талдау әдістерінің алгоритмін құрайды.

Студенттер психологиялық-педагогикалық зерттеулердің теориялық және әдіснамалық негізін меңгереді. Практикалық тапсырмаларды орындай отырып, студенттер заманауи зерттеу әдістерін үйренеді және өзінің кәсіби тәжірибесінде қолдана алады.

Студенттер психокоррекция саласындағы психологтың практикалық қызметінің ғылыми негіздерін меңгереді. Практикалық жаттығуларды орындай отырып, жеке және топтық түзету жұмыстарының әдістерін қолданады. Психологиялық қорытынды негізінде, баланың жасына және интеллектуалдық даму мүмкіндіктеріне сәйкес түзету жұмысының жоспарын жасайды.

Пән ерекше білім беру қажеттіліктері бар балалардың психологиялық-педагогикалық ерекшеліктері, балалармен жұмыс жасау технологиялары, әдістері туралы білімді қалыптастыру мақсатында оқытылады. Пәнді игеру нәтижесінде қоғамға сәтті интеграцияны қамтамасыз ететін кешенді көмек көрсету біліктері мен дағдылары қалыптасады.

Студенттер командалық жұмыс пен топтық өзара іс-қимылды үйлестіруді арттыратын технологиялардың ерекшеліктерін меңгереді. Практикалық сабақтарды орындай отырып, топтық жұмысты талдау дағдылары қалыптасады, топтық жаттығуларды өткізу барысында тәжірибе алмасады.

Студенттер дарынды балалармен жұмыс туралы теориялық және практикалық білімді меңгереді, орта оқу орындарында дарынды балалармен жұмыс істеу әдістері мен дарынды балалар психологиясы және педагогикасы теориясымен танысады. Практикалық тапсырмаларды орындай отырып, дарынды балалармен жұмыс технологиясын меңгереді.

Пән әлеуметтік педагог жұмысының әдістемесі мен технологиялары туралы білімді қалыптастыру мақсатында оқытылады. Пән әлеуметтік педагог қызметінің нормативтік-құқықтық негіздерін, балалардың әртүрлі санаттарымен жұмыс істеу мазмұны мен жүйесін анықтау мәселелерін, әлеуметтік көмекке және қорғауға мұқтаж әлеуметтік топтармен және жеке тұлғалармен жұмыс істеу, бос уақытты, қайырымдылықты ұйымдастыру, ұйымдастыру-басқару, зерттеу-талдау және ғылыми-педагогикалық қызметті қарастырады.

Студенттердің өзін-өзі тану процесінің теориялық және әдіснамалық негіздері, кәсіби өздігінен білім алу, кәсіби қасиеттерін дамыту туралы түсініктері қалыптасады. Практикалық тапсырмаларды орындай отырып, ғылыми тәжірибеде «өзін-өзі тану» ғылыми теориялары мен әдіснамалық принциптерін қолданады, педагогтың кәсіби құзыреттілігі туралы құрылымдық компоненттерді құрастырады.

Студенттер кәсіби қызмет пен кәсіби құзыреттілікті, қиын өмірлік жағдайды анықтау және жаңа өмірдің қиын жағдайларының пайда болуының алдын алу бойынша білімді меңгереді. Әлеуметтік патронатты жүзеге асыру, егде жастағы адамдар мен мүгедектердің өмір сүру жағдайларына бейімделуі және оларды оңалту үшін қажетті жағдайлар жасау дағдыларын игереді.

Студенттер әлеуметтік-педагогикалық тренингті ұйымдастыру және өткізумен байланысты теориялық білім мен практикалық білік жүйесін меңгереді. Балалар мен жасөспірімдердің тұлғалық өсуіне, олардың үйлесімді дамуына бағытталған педагогикалық және әлеуметтік технологияларды іске асыру қабілетін қалыптастыру үшін оқу топтарында тренингтік сабақ әзірлейді және өткізеді

Студенттер акмеологиялық білім жүйесінің негізгі түсініктерін меңгереді. Практикалық тапсырмаларды орындай отырып, кәсіби қызметтің түрлі салаларында әлеуметтік акмеологиялық мәселелер мен міндеттердің кең көлемін сипаттайды және талдайды. Жеке жұмыс істей отырып, акмеограмманы құрастырады. Топта жұмыс істей отырып, болашақ маманның тұлғалық-кәсіби дамуын қолдаудың түрлі акмеологиялық технологияларын қолданады.

Студенттер арт-терапияны, мінез-құлқында ауытқушылығы бар балалармен түзету жұмысында арт-технологияны қолдану бойынша білімді меңгереді. Терапияның басқа түрлерінің нәтижелерін талдайды; оқушылардың жас ерекшеліктеріне сәйкес арт-терапия түрін таңдап, қолданады.

Студенттерді білім берудегі қазіргі менеджменттің негізгі тұжырымдамаларымен таныстырады; студенттердің басқарудың негізгі, арнайы принциптерін, басқару функцияларын, білім берудегі басқарудың түрлері мен стильдерін зерделейді; басқарушылық шешімдерді қабылдау әдістерін зерделейді; нақты жағдайларды талдай және диагностикалай білуді, мақсаттар, міндеттер қоя білуді және оларды шешу әдістерін табуды меңгереді.

Мақсаттары: студенттерге тұлғалық өсу психологиясын адамның жекелей психо-физиологиялық, психологиялық ерекшеліктерін анықтайтын және оларды зерттеу әдістерін жасайтын психологиялық пән ретінде меңгерту. Міндеттері: 1. Студенттерге тұлғалық өсудің әр түрлі бағыттары туралы білімдерін жүйелендіру. 2. Тұлғаның әр түрлі тұжырымдамаларындағы теориялық әдіснамалық бағыттарының даму логикасын (қисынын) ұғу. 3. Бүгінгі психологиядағы тұлға мәселелерінің ерекшеліктеріне жеке көзқарасты қалыптастыру, тұлға теорияларының әр түрлі бағыттары туралы білімдерін жүйелендіру

Пән кәсіби дамудың негізгі заңдылықтары мен кәсіби өзін-өзі анықтау, кәсіби таңдау субъектілері, еңбек қызметі салалары, кәсіптер мен мансап туралы білімді қалыптастыру мақсатында оқытылады. Пәнді игеру нәтижесінде тиімді әлеуметтік-педагогикалық технологияларды таңдау негізінде кәсіби өзін-өзі анықтау тұрғысынан мектеп оқушыларымен жұмысты ұйымдастыру дағдылары қалыптасады

Студенттер оқу-зерттеу, ақыл-ой еңбегінің мәдениеті негіздерін, оқу-зерттеу жұмыстарын, зерттеу жобаларын өткізуге дайындық жұмыстарыны бойынша білім мен дағдыларын меңгереді. Ғылыми зерттеу әдістерінің жүйесі, ғылыми зерттеу жұмысын ұйымдастыру әдістемесі туралы түсінік қалыптасады, оқу-зерттеу жобаларын жүргізуде практикалық дағдыларды дамытады, алынған нәтижелерді талдау және ұсыныстар әзірлеу қабілетін қалыптастырады.

Студенттер қазіргі түзету педагогикасының негізгі әдістерін меңгереді. Педагогикалық құбылыстарды ғылыми-практикалық талдау жасау үшін білім мен дағдыларды, кәсіби және педагогикалық түзету жұмысында практикалық дайындықты қалыптастырады.

Студенттер кәсіби қызметтің негізгі түсініктерін, педагогикалық үрдіске қатысушылар арасындағы қарым-қатынастың жаңа рөлдік құрылымын, жаңа білім беру технологияларын меңгереді. Практикалық тапсырмаларды орындай отырып, жаңартылған білім берідің мәнін көрсететін нормативтік құжаттардың мазмұнын сипаттайды, өз қызметінде басқару функцияларын жүзеге асыруды үйренеді. Топта жұмыс істей отырып, педагогикалық іс-әрекеттің әдістері мен тәсілдерін сипаттайды.

Студенттерде әлеуметтік-педагогикалық зерттеулер әдіснамасы саласында терең білім қалыптастырады. Практикалық тапсырмаларды орындай отырып, әлеуметтік педагогика саласындағы зерттеулер мен білім беруде алған білімдерін, дағдылары мен қабілеттерін пайдалануды үйренеді. Студенттер әлеуметтік-педагогикалық жұмысты жобалау және жоспарлау бойынша дағдыларға ие болады.

Студенттер қазіргі педагогикалық технологиялардың негізгі түсініктерін, ҚР білім беруді жаңартудың негізгі бағыттарын және білім берудегі инновациялық үрдістерді меңгереді. Практикалық тапсырмаларды орындай отырып, білім берудегі заманауи технологияларды, сондай-ақ оны жобалау технологиясын сипаттайды. Топпен жұмыс жасай отырып, студенттер білім берудегі және жобалау жұмыстарындағы басқаруды жоспарлау, ұйымдастыру және ынталандыру әдістерін құрастырады.

Студенттер оқу үдерісін одан әрі жетілдіру үшін бағалау критерийлері негізінде білім беру үдерісінің барлық қатысушыларының оқу нәтижелері туралы негізгі түсініктер мен нақты ақпаратты меңгереді. Білім алушылардың күтілетін нәтижелерге қол жеткізуін, оның ішінде жоғары деңгейдегі дағдыларды (талдау, қорыту, бағалау) бағалауға мүмкіндік беретін тапсырмалардың үлгілерін жасайды.

Студенттер арнайы педагогика мен арнайы психологияның ғылыми білім саласы, оның тарихы, қазіргі жағдайы мен даму бағыттары сияқты негізгі ұғымдарды меңгереді. Практикалық тапсырмаларды орындай отырып, студенттер оқытудың мазмұны, ерекше білім беру қажеттілігі бар балалардың категорияларын, түзету-тәрбие жұмысының бағыттарын сипаттайды. Арнайы мекемелердің әртүрлі типтеріндегі білім беру жүйесін салыстырады және талдайды. Ерекше білім беру қажеттіліктері бар балалардың психологиялық-педагогикалық мінездемесін береді.

Студенттер қазіргі салыстырмалы педагогикалық ғылымның теориялық негізін және өздерінің кәсіби міндеттерін шеше білу дағдыларын меңгереді. Практикалық тапсырмаларды орындай отырып, салыстырмалы талдау әдістерін пайдалануды үйренеді және өзін-өзі тану, ғылыми зерттеулер туралы білімдері қалыптасады.

Студенттерде әлеуметтік педагог қызметінің этикалық және нормативтік-құқықтық негіздері туралы тұтас түсінік қалыптасады, кәсіби қызметте құқықтық білім негіздерін пайдалануға дайын болады.

Студенттер этнопедагогиканың негізгі ұғымдары мен бөлімдерін меңгереді. Практикалық тапсырмаларды орындай отырып, студенттер әлеуметтік-мәдени кеңістіктегі тұлғаны оқытудың, тәрбиелеудің және дамытудың объективті байланыстарын сипаттайды. Топта жұмыс істей отырып, студенттер педагогикалық дәстүрлерге салыстырмалы талдау жасайды, педагогикалық тәжірибені жинақтайды, ұлттық-психологиялық ерекшеліктерді ескере отырып, балаларды тәрбиелеудің әдістері мен құралдарының негізін құрастырады.

Мақсаты: студенттерді жұмыс барысында өздерінің дағдыларын дамыту үшін әлеуметтік педагогтың жұмысымен таныстыру. Міндеттері: студенттерді әлеуметтік педагогтың мектептегі, отбасымен студенттің жеке басымен таныстыру әдістерімен таныстыру; көпбалалы отбасылармен, аз қамтылған, проблемалы отбасылармен, мүгедектігі бар балалардың отбасыларымен, балалар және жастар ұйымдарымен жұмыс істеу ерекшеліктерін зерттеу; кәмелетке толмаған балалар мекемелеріндегі жұмыс ерекшеліктерін қарастырады

Оқылатын сала бойынша одан әрі оқуды өз бетімен жалғастыру үшін қажетті оқыту дағдыларын пайдалануға қабілетті

Кәсіби жағдайларды бағалай алады және игерген білім, іскерлік, дағды негізінде шешімдер қабылдауға қабілетті

Игерген дағдыларын кәсіби қызметте қолдануға қабілетті

Әлеуметтік, этикалық және ғылыми пайымдауларды ескере отырып, пікірлерді қалыптастыру үшін ақпаратты түсіндіруге қабілетті

Психологиялық-ағартушылық, кеңес беру қызметін сапалы ұйымдастыруға қабілетті

Мектептегі білім берудің жаңартылған мазмұны жағдайында әлеуметтік педагогика саласындағы білімді жүйелеуге қабілетті

Ерекше білімді қажет ететін балаларға және олардың ата-аналарына/заңды өкілдеріне психологиялық-педагогикалық көмек көрсетуге қабілетті

Кәсіби міндеттерді шешу кезінде қарым-қатынас құру үшін коммуникациялық қабілеттерін қолдануға қабілетті

Зерттеу дағдыларын әлеуметтік педагогикада қолдануға қабілетті