6B01201 Мектепке дейінгі оқыту мен тәрбие в "Ақмешіт" гуманитарлық-техникалық институты

Қазақ тілі дыбыстарының фонетикалық, фонологиялық табиғатын, лексикалық жүйесінің ғылыми теориялық негіздерін, сөздердің жасалу жолдары мен түрленуін, сөйлемді сауатты құруды меңгерту арқылы білім алушының сөз байлығын жетілдіріп, ой-өрісін кеңейтеді.

Тәрбиешінің педагогикалық қызметіне түсінік беретін теориялық және әдіснамалық еңбектермен таныстырады. Тәрбиешінің қызметі және оның ерекшеліктері, міндеттері, олардың жеке басына қойылатын талаптар, оқу-тәрбие үдерістерін ұйымдастыру, ата-аналармен жүргізетін жұмыстарының мазмұны, білім беру бағдарламаларын жүзеге асыру жолдары қарастырылады.

Болашақ мамандарда сыбайлас жемқорлыққа қарсы іс-қимылдың экономикалық шаралар жүйесі туралы тұтас түсінік қалыптастыру, сондай-ақ ол үшін экономикалық ғылымның заңдылықтары мен әдістерін пайдалана отырып, сыбайлас жемқорлыққа қарсы мінез-құлық үлгілерін зерделеу.

Экология мәселелері, экологияның жаһандық, ұлттық мәселелері баяндалады. Табиғи ресурстар, есепке алу, бағалау, ұтымды пайдалану және қорғау мәселелері, жасыл экономика мәселелері қарастырылады. СтуденттердІ әртүрлі сипаттағы төтенше жағдайларда халықты және аумақтарды инженерлік қорғау негіздерімен таныстырады

Мектеп жасына дейінгі балалардың жас кезеңдерінің физиологиялық-педагоикалық негіздері, даму үрдісінің заңдылықтары, көрсеткіштері және олардың балалық шақтағы түрлі кезеңіндегі өзгерістері таныстырылады. Жүйке жүйесінің, тірек-қозғалыс аппаратының, көру және есту мүшелерінің, жүрек-қантамыр жүйесінің, тыныс алу және дыбыстау аппаратының, ас қорыту мүшелерінің, тері гигиенасының, эндокриндер жүйелерінің гигиенасы мен жас физиологиялық ерекшеліктері қарастырады.

Пән мектептегі тәрбие процесінің негізгі ұғымдарын, тәрбиенің қозғаушы күштерін,тәрбие процесін ұйымдастырудың негізгі әдістерін, құралдары мен формаларын қарастырады. Тәрбие процесіне және тәрбие процесін басқару әдістеріне сәйкес сабақтардың құрылымдық схемаларын әзірлеу дағдыларын қалыптастырады.

Педагогиканы оқыту мазмұнын, педагогикалық ғылымның қалыптасуының негізгі кезеңдерін және қазіргі педагогиканы зерттеу пәнін қарастырады. Адам өмірінің анатомиялық және физиологиялық параметрлерін ескере отырып, педагогикалық процестердің негізгі механизмдерін талдау бойынша ғылыми-зерттеу жұмыстарын жүргізу дағдыларын игеруге ықпал етеді.

Этнопедагогика пәнінің мақсат, міндеттері, әдістері, құралдары, принциптері мен тарихы қарастырылады. Салт және дәстүр түсініктері, құрылымы, адам тәрбиесімен байланысты салттар, нанымдардың тәрбиелік мәні, рухани мінез-құлық тәрбиесінің ерекшеліктері, діннің тұлғаның рухани қалыптасуындағы аға ұрпақтың рөлі мен үлгісі таныстырады.

Инклюзивті білім беруді дамытудың кезеңдері, категориялық аппараты, тұжырымдамасы мен ұйымдастыру әдістері туралы біліммен қаруландырады. Қазақстан Республикасында инклюзивті білім берудің құқықтық жүйесі, мақсаттары мен міндеттері, принциптері мен жағдайлары, білім беру ресурстары, факторларын қарастырады. Ерекше балаларды психологиялық-педагогикалық сүйемелдеу, баланың отбасына психологиялық-педагогикалық көмек көрсету, түзету жолдарын үйретеді.

Болашақ тәрбиешілердің кәсіби маман ретінде сауаттылығы қарастырады. Негізгі орфографиялық, пунктуациялық ережелер мен тұжырымдамаларымен таныстырылады. Пунктуациялық және орфографиялық білім, білік, дағдыларды қалыптастыру және түзету жолдары үйретіледі.

Мектепке дейінгі білім беру бағдарламаларының мақсаты, міндеттері, мазмұны, түрлері, мектепке дейінгі тәрбие мен оқытудың үлгілік оқу бағдарламасының жүзеге асырылу жолдары қарастырылады. Мектепке дейінгі тәрбие мен оқыту және бастауыш білім беру арасындағы сабақтастық пен үздіксіздік қағидаларының қамтамасыз етілу жолдары таныстырылады. Бағдарлама бойынша жұмыс жасау жолдары түсіндіріледі.

Мектепке дейінгі педагогика тарихы пәнінің мақсат, міндеттерін, тәрбиенің пайда болуы мен тəрбие əдістері туралы түсiнiк береді. Мектепке дейінгі педагогика ғылымының қалыптасу тарихы бойынша алғашқы қоғамдық тәрбиеден бастап балаларды өмірге даярлаудың жолдарын салыстыра отырып қалыптасу және даму тарихын түсіндіреді. Отандық және шет елдік озық тәжірибелермен, мектепке дейінгі тәрбиелеу бағдарламаларымен таныстырады.

Мектеп жасына дейінгі балалардың оқу-танымдық іс-әрекетін ұйымдастыру, мектепке дейінгі білім беру сапасын бақылау туралы түсіндіреді. Білім беру ортасын, пәндік-кеңістіктік дамыту ортасын құру, мектепке дейінгі ұйымдарда педагогикалық процесті ұйымдастыра білу. Мектепке дейінгі ұйымдағы педагогикалық процесті модельдеу жолдары оқытылады, балаларды мектепте оқуға дайындау туралы, балабақшаның отбасымен қарым-қатынасы туралы түсінік береді.

Мектепке дейінгі ұйымдарда оқытудың ойын технологиялары пәнінің мақсат, міндеттері және мазмұнымен таныстырады. Ойын технологиясы және оның түрлері туралы мағұлмат береді. Ойынды ұйымдастырылған оқу қызметінде қолданудың бағыттары, әдістері мен тәсілдері, тиімді қолдану жолдары қарастырады.

Мектепке дейінгі білім беру бойынша жұмыстарын ұйымдастыру және оның әртүрлі буындарында басқару саласына қажетті білім, дағды және біліктерін игерту, қазіргі заманғы талаптарға сәйкес басқару іс-әрекетін орындауға теориялық және тәжірибелік даярлықтарын қамтамасыз ету.

Балалар әдебиетінің қалыптасу, өсіп-өркендеу жолы бұрынғы - соңғы зерттеулердің аясында, халық өмірі мен қоғам дамуына байланысты қарастырылады. Балалар әдебиеті жас ерекшеліктеріне байланысты бірнеше салаға бөлінеді. Балалар әдебиеті – жас буынның сана-сезімін оятып, ақыл-есін дамытатын, оларды адамгершілік қасиеттерге баулитын өмір оқулығы. Оның өзектілігі – мектеп жасына дейінгі үш жасар баладан бастап он жеті жасқа дейінгі мектеп оқушыларына әдеби тілде жазылған қызықты шығармалар ұсынады.

Балалар фольклорының жіктелуі, балалар әдебиеті тарихының кезеңдері және оның дамуының қазіргі тенденциялары, халық ауыз әдебиетімен және әлем әдебиетімен байланыстылығы қарастырылады. Бесік жыры, маусымдық жырлар, мәпелеу жырлары, жұмбақ, жаңылтпаш, қаламақ, санамақ, сұрамақ, тақпақ балалар өлеңдері қамтылады.

Мәнерлеп оқу – баланың ой-өрісін кеңейтіп, ақыл-ойын дамыту, мінез-құлқын, еркін тәрбиелеу. Бұл пән болашақ мамандарға көркем сөз оқу өнерінен кейбір теориялық мәлімет бере отырып, мәнерлеп оқу мен нақышына келтіре әңгімелеудің әдіс-тәсілдеріне төсілдіру, жаттығу материалдары арқылы сөйлеу техникасын дамыту жолын үйретеді.

Пәннің мақсаты музыка туралы жалпы түсінікті, музыкалық дыбыстар ұғымын, дыбыс биіктігін, есту Күшін, ұзақтығын, тембрін, октавасын және музыкалық құрылымын, сондай-ақ олардың қасиеттерін аша отырып, нота және оның жазылуы, оқылуы, орналасу реттілігі ұғымдарын қолдана отырып, алған білімі мен дағдыларын кәсіби қызметте пайдалану қабілетін дағдыландыру.

Қазақ тілінің, жазу жүйесінің қалыптасу тарихынан және латын әліпбиіне көшу жолындағы мәліметтер мүмкіндігінше жан-жақты түсіндіріледі, жаңа әліппе емлесі бойынша орфографиялық сауаттылықты қалыптастыру жолдары қарастырылады. Қазақ тілінің фонетика, лексика, морфология және синтаксис салалары бойынша мәліметтер беріледі.

Балаларды сауат ашуға даярлау, мектепке дейінгі жастағы балалардың тілдік дамуын диагностикалау, тіл дамыту бойынша жұмысты жоспарлау және есепке алу, мектепке дейінгі ұйымда балалардың тілін дамыту бойынша жұмысқа әдістемелік жетекшілік ету жолдары қарастырылады.

Музыкалық тәрбие теориясы мен әдістемесі пәнінің мақсаты, міндеттері мен принциптері туралы мағлұмат береді. Музыкалық тәрбиенің отандық және шетелдік жүйесінің дамуын, музыкалық тәрбиенің мазмұны мен түрлерін қарастырады. Музыкалық іс-әрекет түрлері мен музыканы оқыту әдістерін үйретеді.

Пән жас және педагогикалық психологияның теориялық негіздерін, жас және педагогикалық психологияның ерекшеліктері мен негізгі ұғымдарын зерттейді. Жас және педагогикалық проблема психологияның жағдайларын практикалық талдау, психикалық қасиеттердің дамуын диагностикалаудың нақты психологиялық әдістері мен әдістерін қолдану дағдыларын дамытады.

Балалар психологиясы пәнінің мақсаты, міндеттері, даму тарихы, басқа ғылым салаларымен байланысы, зерттеу әдісінің жіктелуі туралы түсінік береді. Баланың психикалық дамуы және факторлары, жас кезеңдерге бөлу теориялары, нәрестелік және бөбектік кезеңдегі баланың анатомиялық және физиологиялық даму ерекшеліктері, сәбилік кезеңдегі бала дамуына психологиялық сипаттама, сәбилік кезеңнің соңында жаңадан пайда болатын әрекеттер, сәбидің қабылдауы, ойлауы, есі мен зейінінің дамуы туралы білім береді.

Бейнелеу өнері теориясы мен әдістемесі пәнінің мазмұны, мақсаты мен міндеттері, даму тарихы туралы түсінік береді. Әр түрлі жас топтарында сурет салуға, мүсіндеуге, жапсырмалауға үйретудің әдіс-тәсілдері және олардың шығармашылықтарын дамыту және қалыптастыру жолдарын қарастырады.

Пән балалардың ой-өрісін, логикалық-математикалық даму негіздерін қарастырады. Белгілі бір затты қабылдауын, есте сақтауын, оны қайта жаңғыртып көзге елестетуін, дүниетанымын дамытуда қарапайым математикалық ұғымдарды қалыптастырудың маңызы ерекшеліктерін түсіндіреді. Мектеп жасына дейінгі балаларды логикалық-математикалық дамыту әдістемесін үйретеді.

Арт-терапияның тарихы мен дамуы, түрлері туралы идеялар беріледі. Мектеп жасына дейінгі балаларды сурет салуға оқыту әдістерін, сөйлеу, ойлау, есте сақтау, қолдың ұсақ моторикасын, зейінін, сенсорлық көріністерін дамыту тәсілдерін қарастырады.

Мектепке дейінгі тәрбие және білім беру ұйымдарында инновациялық іс-әрекеттерді жүзеге асыру мәселелерін қарастырады. Мектепке дейінгі білім беру жүйесінде педагогикалық инновациялық технологияларды («Фребель сыйы», ойын технологиясы т.б.) білім берудің тиімді процесін ұйымдастыруға қажетті білім мен техниканы игереді.

Бала тұлғасының жеке қабілеттері мен қасиеттерін дамыту әдістері, оқыту мен тәрбиелеу мақсаттары, мазмұны мен технологиялары қарастырылады. Жеке тұлғаға бағдарланған оқыту технологияларының әдіснамалық негіздері, түрлері, ерекшеліктері және оларды қолданудың жолдары қарастырылады.

Денсаулық сақтау дағдыларын қалыптастыру жолдары, өзіне-өзі қызмет ету және өзара көмек көрсету, тұрмыстағы, көшедегі және табиғат аясындағы қауіпсіз мінез-құлық дағдыларын дамыту жолдары қарастырылады, салауатты өмір салтын ұстанудың маңыздылығы түсіндіріледі. Баланың дене тазалығы, күн тәртібі, шынығу шаралары, дұрыс тамақтану ережелері таныстырылады.

Пәннің теориясы мен әдіснамалық негіздері, мазмұны, мақсаты, міндеттері мен құралдары қарастырылады. Мектеп жасына дейінгі балалардың дене дамуы мен күтімімен таныстырады. Дене тәрбиесін ұйымдастыру формалары мен әдістері, жүргізілетін іс-шаралар, жоспарлау мен есепке алу, балабақшаның отбасы, мектеппен дене тәрбиесіндегі сабақтастығы қарастырылады.

Мектеп жасына дейінгі балалардың еңбек іс-әрекеті пәнінің теориясы мен әдіснамалық негіздері, мазмұны, мақсаты, міндеттері қарастырылады. Мектеп жасына дейінгі балаларды еңбекке баулуда негізгі әдістемелік талаптары, еңбек құралдарын пайдалану жолдары, қауіпсіздік шаралары түсіндіріледі.

Жабыстыру және саз балшықпен жұмыс технологиясының теориясы мен әдіснамасы, көрнекі құралдар мен дидактикалық материалдар жасау, оларды оқу қызметінде қолданудың жолдары қарастырылады. Жапсырмалау, саз балшық түрлерімен таныстырылып, олардың физикалық құрылымы және жасалу технологиясы туралы түсінік беріледі.

Мектепке дейінгі балалардың қарапайым математикалық түсініктерін қалыптастыру пәнінің мақсат, міндеттері, мәселелері және мазмұны, пәнді зерттеу әдістері қарастырады. Математикалық ұғымдарды қалыптастыру туралы білім беріледі. Білім алушыларға арифметикалық амалдар, заттың көлемі, геометриялық фигуралар, уақытты бағдарлау және оларды үйрету технологиясын түсіндіреді. .

Пәнінің теориясы мен әдіснамалық негіздерімен, мазмұны мен мақсат-міндеттері таныстырылады. Қоршаған ортаны таныстыру кезінде оқытудың негізгі мазмұны - бақылау, қызықтау, саяхат, серуен т.б. түрлерін басшылыққа алу жолдары және оқытуды ұйымдастыру технологиясы қарастырылады.

Отбасылық тәрбие жағдайларының ерекшеліктерін, олардың мүмкіндіктерін және баланың жеке басын қалыптастыру бойынша ата – аналар мен мұғалімдердің бірлескен тәрбие жұмыстарының әдістемелерін қарастырады.

Балаларды шығармашылыққа баулу арқылы эстетикалық, жауапкершілік сезімдерін тәрбиелеуде кәсіби біліктілігін қалыптастыру жолдары қарастырылады. Мектепке дейінгі мекемедегі шығармашылықпен жұмыс жасаудың сипатына тән олардың техникалық тәсілдері мен құралдарын қолдану жолдарын балаларға меңгерту технологиясын үйретеді.

Пәнде зерттеу әдістері мен тәсілдері, ғылыми ақпаратты іздеу, қорыту және өңдеу, зерттеу жұмысын ұйымдастыру кезеңдері, жазу ережелері, өзектілігі, зерттеу міндеттерін дұрыс шешудің мақсаттары мен жолдары оқытылады. Зерттеу әдістерін сипаттай отырып, қорытынды, аннотация, рецензия, мақала жазу жоспары мен әдістемесін құрастыру дағдылары қалыптасады.

Көрнекілік құралдарын даярлаудың психологиялық-педагогикалық және ғылыми негіздері мен әдістемесі туралы түсінік беріледі. Әдістемелік пәндерден дидактикалық материалдар дайындаудың технологиялары қарастырылады. Көрнекілік дайындауда құралдарды тиімді қолдана білу және жас ерекшеліктеріне байланысты таңдауларын қадағалау жолдары қарастырылады.

Педагогикалық этика, оның теориялық, әдіснамалық негіздері, педагогикалық қарым-қатынас этикасы мен мәдениеті, тәрбиешінің кәсіби этикасы, мәдениеті, педагогтің коммуникативтік іс-әрекетін қалыптастыру бағыттары қарастырылады.

Пән ғылыми білімдер мен ғылыми таным әдістері туралы түсініктерді, ғылыми-педагогикалық зерттеулердің әдіснамалық негіздерін, зерттеу әдістерін жүргізу технологиясын, ғылыми деректер мен ақпараттарды жинақтауды қарастырады. Пәннің мақсаты: зерттеу әдістері мен нәтижелерін практикада қолдану дағдыларын қалыптастыру.

Мектеп жасына дейінгі балаларды сауат ашуға оқытудың мәні туралы түсінік береді. Балабақшадағы сауат ашудың міндеттері мен мазмұнымен таныстырады. Жазуға, оқытуға даярлау, жазу дағдысын меңгеру, қолды жазуға даярлаудың міндеттері, графикалық дағдыларды дамытуға арналған арнайы жаттығулар, саусақтардың ептілігін дамытуға арналған дидактикалық жаттығуларды қолданудың тиімді әдістері қарастырады.

Көркемдік-шығармашылық қабілетті дамытудың жолдары, заңдылықтары, әдістері мен тәсілдері туралы түсінік беріледі. Шығармашылықты дамытудың мақсаты мен оған қойылатын талаптары мен негізгі міндеттері, тәжірибелік жұмыс түрлері қарастырылады. Мектеп жасына дейінгі балалардың шығармашылық қабілеттерін көркем әдебиет, музыка, бейнелеу өнері жұмыстары арқылы дамыту жолдарын қарастырады.

Экологиялық білім мен тәрбие берудің тарихы, теориясы мен әдістемесі, мақсаты мен міндеттері туралы түсінік беріледі. Экологиялық білім беру мектепке дейінгі ұйымның педагогикалық үрдісінің құрамдас бөлігі ретінде, балабақшада балаларға экологиялық білім беру мазмұнының дидактикалық негіздері, экологиялық білім берудің әдістері, технологиялары, формалары, педагогикалық шарттары, балалардың экологиялық білім беру нәтижелерінің диагностикалары қарастырылады.

Тәрбиешінің педагогикалық шеберлігі пәні педагог-тәрбиеші шеберлігін қалыптастырудың теориялық-әдіснамалық негіздерімен, тәрбиешінің педагогикалық қызметін ұйымдастыру жолдарымен таныстырады; педагогикалық қарым-қатынас мәдениетін игеру жолдары, тәрбиешінің біліктілігін қалыптастыру және әдістемелік біліктіліктерін жетілдіру жолдарын қарастырады.

Мектепке дейінгі мекемелердің оқыту үдерістерінде бағдарламалар бойынша оқу қызметтерінде қолданылатын дидактикалық материалдардың түрлерімен таныстырылады. Әр оқу қызметі бойынша қолданылатын дидактикалық материалдардың ерекшеліктері қарастырылады.

Мектеп жасына дейінгі балалардың жас ерекшелігіне қарай ойын түрлерін талдай алады, заманауи инновациялық технологиялардың, идеалардың, бағыттардың кең спектрін талдай алады, ғылыми педагогикалық зерттеу әдістері жүйесі зерттеушінің басшылыққа алатын қағидасымен және зерттеу әдістері жүйесі мен оны жіктеуі туралы біледі.

Мектепке дейінгі білім беру саласының нормативтік-құқықтық құжаттарына сәйкес кәсіби қызметті ұйымдастыруға, өзі туралы білімді біртіндеп қалыптастыра отырып, мүмкіндігі шектеулі балаларға оқуда жетістікке жетуге және әл-ауқатын жақсарту жолдарын меңгере отырып, этнопедагогиканың жалпы негіздерін, тәрбие мен оқытудың мәдени тұрғысынан біле алады, сөздің дыбыстық құрылымы мен таныса отырып, алдағы сауат ашу негіздеріне үйрету үшін жəне дыбыстық талдау əрекеттерін қалыптастыра отырып, мектеп жасына дейінгі балаларды тәрбиелеу мен оқыту туралы педагогикалық білім жүйесін біле алады, балалар әдебиетінің қалыптасу және даму тарихын біледі, педагогикалық қызметке шығармашылық, зерттеушілік көзқарасты қалыптастыра алады.

Мектепке дейінгі балаларда математиканың қарапайым ұғымдарын үйретудін теориялық негіздері бойынша білімін қалыптастыруға қабілетті, тәрбиешінің педагогикалық қызметін ұйымдастыруын біледі, қорытынды аттесттау мақсаты жоғары білімнің білім беру бағдарламаларын зерделеу аяқталғаннан кейін алынған білім нәтижелерін және негізгі құзыреттерді бағалай алады.

Бейнелеу өнері арқылы суреттеуді, мүсіндеуді, құрастыруды, өзінің бақылағандарын, қиялындағыны бейнелеуге қабілетті, Балабақшада еңбекке баулу ұйымдастыру технологиясын үйренеді, саз балшық түрлерімен танысып, олардың физикалық құрылымын, мүмкіндіктерін игереді, дене тәрбиесінің жалпы міндеттері мен баланы жан-жақты дамытудың жолдарын біле отырып, мектеп жасына дейінгі балаларды қоршаған ортамен және экологиялық таныстырудың тиімді жолдарын меңгере отырып, мектеп жасына дейінгі баланың ұйымдасқан оқу қызметін модельдеу және өткізуге қабілетті, мұғалімнің кәсіби маңызды қасиеттері қалыптастыра алады, балабақшадағы ертеңгіліктерді ұйымдастырудың әдістемесін біле отырып, сахналық қойылымдарды ұйымдастырудың әдістемесін біледі.

Экономиканы мемлекеттік реттеудің тиімділігін бағалай отырып, қызметтің әртүрлі салаларында сыбайлас жемқорлыққа қарсы саясатты қолдап, сөйлеуді дұрыс интонациялық және лексикалық безендіру үшін орыс және шет тілдерін білу дағдыларын, әртүрлі сипаттағы төтенше жағдайларда халық пен аумақтарды инженерлік қорғау негіздерін, сонымен қатар, экологиялық дүниетанымды қолдана отырып, тұрақты азаматтық ұстанымын көрсете алады.

Білім беру процесінің негіздерін, білім беру қызметін ұйымдастыру және жүзеге асыру технологиясын біле отырып, кәсіби дағдылардың тиімділігін арттыру үшін педагогикалық проблемаларды талдай отырып, мектеп жасына дейінгі балалар ағзасының анатомиялық-физиологиялық функционалдық дамуын олардың танымдық және оқу қабілеттерін жақсарту үшін бағалай отырып, қазақ тілінің көркем, сауатты жазуға жаттықтыру әдістерін меңгере отырып, мектепке дейінгі оқыту мен тәрбиелеудің негізіне ала отырып қолдануға қабілетті.

Педагогикалық кәсіби қызметте теориялық білімді меңгере отырып, мәнерлеп оқу дағдылары мен түрлі жанрдағы көркем шығармаларды орындау, талдау, дағдыларын біле отырып, орфография мен пунктуация сауаттылық зеректілігін қалыптастыра отырып, музыкалық тәрбие теориясы мен әдістемесін кәсіби деңгейде қолдануға қабілетті.

Мектеп дейінгі балалардың тіл дамыту әдістемелерін меңгеріп, балалық шақтың психикалық даму заңдылықтарын игере отырып, психикалық дамудың шарттары, қозғаушы күштері, заңдылықтарын анықтай отырып, көрнекілік әдістерін біледі, дидактикалық материалды қолдануды және оны пайдаланудың әдіс-тәсілдерін, мектепке дейінгі ұйымда шығармашылықпен жұмыс жасау қабілетін дамыту жолдарын, заңдылықтарын және барысын біле отырып, балалардың көркемдік-шығармашылық деңгейін қалыптастыруға қабілетті.