6B01202 Мектепке дейінгі ұйымның тәрбиешісі және логопеді в QYZPU

Пәндер

• Экология және тұрақты даму

  Экология және тұрақты даму курсы студенттердің экологиялық дағдыларын дамытуға, заманауи экологиялық мәселелерді шешуге, қоғам мен табиғат арасындағы қарым-қатынасты дамыту жолдарын қалыптастыруға, студенттердің экологиялық санасын және қоршаған ортаны қорғауға жауапкершілігін арттыруға бағытталған.Нәтижесінде студенттер экологиялық тенденцияларды талдау және басым бағыттарды қалыптастыру, табиғатты қорғау бойынша нақты міндеттерді қою арқылы өмірлік маңызды тұрақтылықты сақтауды үйренеді. Сондай-ақ студенттер қазіргі заманғы экологиялық саясаттың негізгі бағыттарын, жаһандық, аймақтық және жергілікті деңгейде экологиялық проблемаларды шешудің практикалық тәсілдерін анықтай алады, сонымен қатар тұрақты даму мақсаттарына жету үшін табиғи ортаның сапасын басқарудың әртүрлі құралдарын қолдана алады.

  Оқу жылы - 1
  Семестр - 1
  Несиелер - 5
  

• Экономика және кәсіпкерлік негіздері

  Пән студенттердің кәсіпкерлік дағдылары мен іскерлік ойлауын қалыптастыруға бағытталған. Студенттер экономиканың, кәсіпкерлік қызметті жүзеге асыру шарттарын, оның ішкі және сыртқы ортасының заңдылықтарымен жан-жақты танысу арқылы бизнес-жоспар, жеке бизнесті құру және өз бизнесін сәтті жүргізу дағдыларына ие болады

  Оқу жылы - 1
  Семестр - 1
  Несиелер - 5
  

• Қаржылық сауаттылық

  Пән білім алушылардың қаржы жүйесі, қаржылық тәуекелдер, қаржы институттары және олардың өнімдері туралы білімдерін игеруге бағытталған. Нәтижесінде студенттер әртүрлі дерек көздерден қаржылық ақпаратты іздеуді, талдауды, түсінуді, бағалауды үйренеді және алған ақпаратты қаржылық мәселелерді шешу үшін пайдалана алады. Жалпы бұл курс қаржылық алаяқтықтың жоғары тәуекелі жағдайында білім алушыларда сауатты, ұтымды қаржылық мінез-құлықты қалыптастырады.

  Оқу жылы - 1
  Семестр - 1
  Несиелер - 5
  

• Құқықтық сауаттылық және сыбайлас жемқорлыққа қарсы мәдениет негіздері

  Курс құқықтық сауатты, заңға бағынатын тұлғаны қалыптастыруға бағытталған. Студенттер өздерінің құқықтары мен міндеттерін біледі және сыбайлас жемқорлыққа мүлдем төзбеушілік танытады. Студенттер өз қызметінде қазақстандық қоғамның әлеуметтік, құқықтық және этикалық нормаларын қолдана алады. Курс заңдылық түсініктерін, этикалық қағидалары мен қоғамдағы сыбайлас жемқорлықпен күрес қағидаларын дамытады.

  Оқу жылы - 1
  Семестр - 1
  Несиелер - 5
  

• Математикалық статистика негіздері

  Пәннің мақсаты - студенттерді жүйелі ойлаудың формалары мен заңдылықтарымен таныстыру, студенттерді жүйелі ойлауға үйрету, оларда негізделген дәлелдеу дағдыларын дамытуға көмектесу болып табылады. Студенттер деректерді жинау, өңдеу және идеялар ұсыну процесін түсінеді, қарастырылатын объектінің немесе құбылыстың жағдайын бағалауда деректерді сандық және сапалық талдауды қолдану дағдылары қалыптасады.

  Оқу жылы - 1
  Семестр - 1
  Несиелер - 5
  

• Есту, көру және сөйлеу мүшелерінің анатомиясы, физиологиясы және патологиясы

  Пәнді меңгерудің мақсаты - студенттерді есту, көру және сөйлеу анализаторларының анатомиялық-физиологиялық ерекшеліктерімен, есту, көру және көру бұзылыстарының себептері мен негізгі белгілерімен таныстыру. Мектеп жасына дейінгі баланың есту қабілетінің, сөйлеудің тілінің және жалпы дамуына байланысты физиологиялық патологияны емдеу және алдын-алу, арнайы әдістерді қолдана алу.

  Оқу жылы - 1
  Семестр - 1
  Несиелер - 6
  

• Невропатология және психопатология негіздері

  Пәнді оқыту студенттердің неврологиялық белгілерін, синдромдар мен ауруларды, олардың пайда болу себептері мен механизмдерін, диагностиканың заманауи әдістері туралы білім алуға, сондай-ақ баланы клиникалық неврологиялық тексеру дағдыларын алуға бағытталған

  Оқу жылы - 1
  Семестр - 1
  Несиелер - 6
  

• Көшбасшылық негіздері және инновацияларға бейімделу

  Пәнді игеру арқылы әрбір студент жеке тұлға ретінде көшбасшылық қасиеттерін ашу және дамыту, инновациялық үдерістерден туындаған жаңалықтарға бейімделу дағдыларын дамыту, сонымен бірге ғылыми-техникалық үдерістер нәтижелерін кәсіби қызметінде қолдана алу мүмкіндіктеріне үйренеді.Басқарудағы көшбасшылық қасиеттер мен адами фактордың қазіргі жағдайы мен даму перспективаларын оқып біледі.

  Оқу жылы - 1
  Семестр - 1
  Несиелер - 5
  

• Эмоционалды интеллект

  Пән Қазақстанның мемлекеттік білім беру саясатының стратегиялық бағдарлары мен басым бағыттары контекстіндегі педагогтың тьютор рөлін игеруіне бағытталған. Студенттер қазіргі мектептің білім беру процесіндегі эмоционалды интеллекті мен икемді құзыреттіліктердің орнын анықтайды. Икемді дағдыларды, соның ішінде оны цифрлық ортада дамытуды ескере отырып, білім беру қызметін ұйымдастырудың заманауи әдіс-тәсілдері мен технологияларын қолдана алады. Әртүрлі жастағы оқушылардың эмоционалды интеллектісін бағалау мен дамытудың технологияларын меңгереді.

  Оқу жылы - 1
  Семестр - 1
  Несиелер - 5
  

• Логопедия негіздері

  Курсты оқу барысында студент сөйлеу тілі бұзылыстарының топтастырылуын, сөйлеу тілдік іс - әрекеттің онтогенезі мен дизонтогенезін мектеп жасына дейінгі, мектеп жасындағы балаларда таралуы мен сипмтоматикасын; сөйлеу тілі бұзылыстарының бала тұлғасына, танымдық үрдісіне, эмоциональды ерік-жігер сферасына ықпалын; түрлі даму бұзылыстары бар балалардың сөйлеу тілін қалыптастыудың ерекшеліктерін оқиды. Логопедиялық тексеру дағдыларын, сөйлеу тілі бұзылыстары кезіндегі түзетушілік логопедиялық жұмыстың жалпы қалыптарын меңгереді

  Оқу жылы - 1
  Семестр - 2
  Несиелер - 5
  

• Академиялық жазылым

  Академиялық жазылым пәні білім алушыларды функционалды стиль түрлері мен ғылыми мақала жазу, салалық пәндік терминология, іс-қағаздарын жүргізу, академиялық сауаттылық дағдысын қалыптастырады. Сондай-ақ ғылыми баяндамалар жасауға, мәтіндерді кәсіби тұрғыдан талдай білуге, сыни ойлауға, плагиаттан сақтану жолдарын меңгертеді және ғылыми деректер қорынан ақпаратты табуға, жазба жұмысын жүйеліндіруге машықтанады.

  Оқу жылы - 2
  Семестр - 1
  Несиелер - 5
  

• Академиялық мақсаттағы ағылшын тілі

  Пән студенттерде ғылыми стильдің жанрлық түрлері туралы білімн қалыптастырады, кәсіби қызмет саласында ақпарат пен деректерді жинаудың, сақтаудың және өңдеудің заманауи әдістерін меңгертеді, сонымен қатар сөйлеу әрекетінің оқу, сөйлеу, сөйлеу. жазу, тыңдау сияқты төрт түрі бойынша академиялық байланыс дағдыларын дамытады.

  Оқу жылы - 2
  Семестр - 1
  Несиелер - 5
  

• Балалар психологиясы

  Пәнді игеру балалар психологиясының негізгі мәселелерін жалпы талдауды және баланың психикасын зерттеу тәсілдерін салыстырмалы зерттеуді қамтиды. Балалар психологиясының жалпы мәселелері. Психология әдістері. Бала дамуының отандық және шетелдік теорияларын талдау. Пренатальды даму кезеңі. Жаңа туған нәресте мен нәрестенің психикалық дамуына сипаттама. Мектепке дейінгі балалық шақтағы тұлғаның дамуы. Оқуға дайындығы

  Оқу жылы - 2
  Семестр - 1
  Несиелер - 6
  

• Мектепке дейінгі және арнайы педагогика мен психология негіздері 1

  Курстың мақсаты - студентті пәннің негізгі ұғымдары, мақсаты мен міндеттері, мазмұны, мектепке дейінгі педагогика мен психологияның даму тарихы, бала дамуының ерекшеліктерімен таныстыру. Студенттер мектеп жасына дейінгі балалардың дамуындағы ойынның рөлі мен балалар ойыншықтарының ерекшеліктерін түсінеді. Алған білімдеріне сүйене отырып мектепке дейінгі ұйымда біртұтас педагогикалық процесті психологиялық ерекшелігін ескере отырып жоспарлауға, ұйымдастыруға, балалармен қарым-қатынаста тәрбиелік, оқыту, дамытушылық, шығармашылық, диагностикалық қызметтерді жүзеге асырады

  Оқу жылы - 2
  Семестр - 1
  Несиелер - 5
  

• Мектепке дейінгі ұйымдағы инклюзивті білім беру

  Курс инклюзивті білім беру саласында кәсіби құзыреттілік пен бағдарлай білуді қалыптастыруға бағытталған. Студенттер Қазақстан Республикасының инклюзивті білім берудің терминдерін, ұғымдарын, нормативтік құқықтық базасын біледі. МДҰ ЕБҚ бар балалардың психофизикалық мүмкіндіктеріне сәйкес оқыту стратегияларын қолданады. Дамуында кемістігі бар баланың отбасына психологиялық-педагогикалық сүйемелдеуді жүзеге асыра алады. Мектеп жасына дейінгі балаларға түзету-педагогикалық көмек көрсете алады. Олар топта психологиялық климат орнатады, мектепке дейінгі ұйымда қауіпсіз, жайлы орта жасай алады.

  Оқу жылы - 2
  Семестр - 1
  Несиелер - 5
  

• Балабақшадағы тұлғаға бағытталған оқыту технологиясы

  Пән мектеп жасына дейінгі балаларға арналған тұлғаға бағытталған оқыту технологияларын, оларды енгізу механизмін, оқу процесін әр түрлі диалогтар арқылы құруды қарастырады. Білім алушылар балалық шақтың сезімтал кезеңдері мен даму аймағын ескере отырып, бала өмірінің әртүрлі формаларын ұйымдастырады. Педагогикалық қолдауды ұйымдастырудың әр түрлі аспектілері, мұғалімнің іс-әрекетінің бағыты, стратегиясы мен тактикасына, балалардың қызығушылықтарына, даму деңгейіне, бейімділіктеріне қарай сараланатын іс-шаралар жүйесін игереді

  Оқу жылы - 2
  Семестр - 1
  Несиелер - 5
  

• Мектепке дейінгі білім берудегі инновациялық технологиялар

  Пәннің мақсаты мектепке дейінгі білім берудегі инновациялық технологиялармен таныстыру болып табылады. Студент мектепке дейінгі ұйымдарда инновациялық іс-әрекеттердің жүзеге асырылу мүмкіндіктерін біледі. Пәнді оқып-үйрену кезінде мектепке дейінгі білім беру жүйесіндегі инновациялық педагогикалық технологияларды (Фребель сыйы, ойын технологиясы және т.б.), білім берудің тиімді процесін ұйымдастыруға қажетті білім мен техниканы игереді

  Оқу жылы - 2
  Семестр - 1
  Несиелер - 5
  

• Мектепке дейінгі және арнайы педагогика мен психология негіздері 2

  Пәннің мақсаты - студенттерді арнайы педагогика және психология теориясының негіздерімен, оның ұғымдық аппаратымен, ғылыми негіздерімен, әдіснамасы және зерттеу әдістерімен таныстыру. Білімгерлер баланың онтогенездегі дамуының негізгі кезеңдері, мектеп жасына дейінгі балалардың дамуының бұзылуының түрлерімен, психологиялық даму ерекшеліктерімен танысады. Балаларды жан-жақты және үйлесімді тәрбиелеудің мақсат-міндеттері, мазмұны мен әдістері, дене, ақыл-ой, адамгершілік, эстетикалық тәрбие беру, ойын арқылы дамыту, оқыту, білім беру жолдарын, мектеп жасына дейінгі даму ерекшеліктері бар балалармен түзету-тәрбие, психологиялық ерекшеліктерін ескере отырып, жұмыстың негізгі бағыттарын үйренеді.

  Оқу жылы - 2
  Семестр - 2
  Несиелер - 5
  

• Мектепке дейінгі арнайы және жалпы білім беру ұйымдарындағы құжаттама

  Пәнді игерудің мақсаты арнайы және жалпы білім берудің мазмұны мен білім беру стандарттарын іске асыруды регламенттейтін нормативтік-құқықтық құжаттарды зерделеу және талдау болып табылады. Білімгерлер мектеп жасына дейінгі балаларды оқыту, тәрбиелеу, түзеу арқылы қолдау көрсету бойынша ҚР және шет елдердегі нормативтік базаларға салыстырмалы талдау жүргізеді.

  Оқу жылы - 2
  Семестр - 2
  Несиелер - 6
  

• Балабақша мен отбасының өзара әрекеттесуінің инновациялық формалары

  Пәннің мақсаты - студенттерді отбасымен жұмыс істеудің теориялық және әдістемелік негіздерімен, сонымен қатар тәрбиеші мен ата-ананың өзара әрекетін ұйымдастырудың инновациялық формаларымен таныстыру. Білім алушы балабақша мен отбасы арасындағы ынтымақтастықтың инновациялық формаларын, педагогикалық ұжымның отбасымен жұмыс істеу әдістерін, балалардың ата-аналарымен жұмыс істеудің негізгі бағыттарын біледі. Балабақша мен отбасы арасындағы өзара қарым-қатынастың педагогикалық негіздерін түсінеді. Ата-аналармен жұмыс істеуді жоспарлай алады.

  Оқу жылы - 2
  Семестр - 2
  Несиелер - 5
  

• Педагогикалық психология

  Пәннің мақсаты әр түрлі жас кезеңдерінде оқыту және тәрбиелеу психологиясы саласындағы білімді қалыптастыру болып табылады. Оқушыларды мектепте жетістікке жетуге ынталандырудың психологиялық жолдары туралы нақты түсінік қалыптасады және танымдық процестердің сапасын бағалайды.Студенттер мұғалім-оқушы-ата-ана жүйесінде сындарлы қарым-қатынас үлгілерін ассимиляциялау арқылы коммуникативтік құзыреттіліктерін дамытады. Курстың соңында олар білім берудегі психологиялық-педагогикалық тәсілдерді сыни тұрғыдан бағалау дағдыларын меңгереді.

  Оқу жылы - 2
  Семестр - 2
  Несиелер - 6
  

• Қалыпты және дамуы бұзылған балаларға отбасылық тәрбие беру негіздері

  Пән студенттерді қалыпты және дамуы бұзылған балаларға отбасылық тәрбие беру негіздерімен таныстыруға бағытталған. Пәнді игеру нәтижесінде отбасына жеке және сараланған көзқарасты жүзеге асыру жолдарын біледі, ерекше білім беру қажеттіліктері бар балаларды тәрбиелеп, отбасылық тәрбие бағдарламаларының жекелеген компоненттерін өз бетінше іске асыра алады және ЕҚБ бала тәрбиелеп отырған отбасымен жұмыс істеудің нақты әдістемелік тәсілдерін біледі.

  Оқу жылы - 2
  Семестр - 2
  Несиелер - 5
  

• СТД және СТЖД кезіндегі логопедиялық жұмыс

  Пәннің мақсаты - білімгерлердің мектепке дейінгі ұйымдарда логопедиялық жұмысты ұйымдастыру мәселелеріндегі негізгі құзіреттіліктерін қалыптастыру. Студенттер тілдің фонетикалық, фонемалық және лексика грамматикалық жақтарын қалыптастырудың негізгі заңдылықтарымен, түзету жұмыстарының негізгі әдіс- тәсілдерімен танысады, сөйлеудің жалпы және фонетикалық-фонемалық дамымауын өз бетінше дербес түзету үшін қажетті дағдыларға ие болады.

  Оқу жылы - 2
  Семестр - 2
  Несиелер - 6
  

• Мектеп жасына дейінгі балалардың өзіндік іс-әрекетін ұйымдастыру

  Пәннің мақсаты - студенттерге мектеп жасына дейінгі балалардың өз бетінше әрекетін ұйымдастыруды үйрету. Мектепке дейінгі ұйымдарда оқу-тәрбие процесін ұйымдастырудағы балалардың өз бетімен әрекет етуінің мәнін түсінеді. Балалардың қызығушылықтарын оятып, оған құрдастарымен араласуға немесе жеке әрекет етуге, туындаған мәселелерді шешуге ұмтылуына (мысалы, достарына көмектесу) мүмкіндік беруге үйренеді. Тиімді құрылған пәндік-кеңістіктік дамытушы ортада балалардың еркін іс-әрекетін, әр баланың өзіне сәйкес әрекетті таңдау құқығын жүзеге асырады

  Оқу жылы - 3
  Семестр - 1
  Несиелер - 6
  

• Балаларды мектепке оқытуға мектепалды даярлау

  Пәнді игеру нәтижесінде студент 6 жастағы балалардың жас ерекшеліктері, баланың мектепке оқуға жалпы және психологиялық дайындығы туралы біледі. Мектеп жасына дейінгі балаларды тәрбиелеу-оқыту әдістемесімен, ауыл балабақшалары мен шетелде балаларды оқуға дайындау жүйесімен, мектепке дайындау үшін отбасымен жұмыс жасаудың педагогикалық негіздерімен таныс. Мектепке дайындық диагностикасын, балалардың сауаттылығы мен математикалық дамуының негіздерін меңгерген.

  Оқу жылы - 3
  Семестр - 1
  Несиелер - 6
  

• Әр түрлі іс –әрекет түрлерінде балалар шығармашылығын дамыту

  Пәннің мақсаты студенттерге әр түрлі іс-әрекет барысында балалардың шығармашылығын дамыту жолдарын үйрету болып табылады. Мектепке дейінгі ұйымдардағы әр түрлі іс әрекет түрлерінде (ойын, қимыл, танымдық, шығармашылық, зерттеу, еңбек, дербес) ұйымдастырылатын шығармашылық жұмыс түрлерін біледі. Әр түрлі ісәрекет түрлерін баланың ынтасын, пікірін және қызығушылығын ескерудің маңыздылығын түсіне отырып, ойын түрінде ұйымдастырады.

  Оқу жылы - 3
  Семестр - 1
  Несиелер - 6
  

• Көркем әдебиетті оқыту әдістемесі және мәнерлеп оқу практикумы

  Пәннің мақсаты - студенттерді балалар әдебиетінің ерекшеліктерімен таныстыру және мәнерлеп оқудың кәсіби дағдыларын қалыптастыру. Студенттер мектепке дейінгі ұйымдардағы көркем әдебиеттің негізгі міндеттерімен, курстың мазмұнымен және оқыту әдістерімен танысады. Балалар әдебиетінің жанрларын, сөйлеу техникасы және оның компоненттерін, сөйлеу мәнерлілігін игереді. Ерте және мектепке дейінгі жастағы балаларға арналған өнер туындыларын сахналық орындайды.

  Оқу жылы - 3
  Семестр - 1
  Несиелер - 7
  

• Мектепке дейінгі білім беруді басқару және электрондық құжаттама

  Курсты оқып-үйрену барысында студенттер мектепке дейінгі білім беруді басқару, ұйымдастыру жүйесімен, мемлекеттік саясаттың негізгі принциптерімен, мектепке дейінгі білім беру ұйымдарының функцияларымен және оны әдістемелік қамтамасыз етумен танысады. Электрондық құжаттама түрлерін, мектеп жасына дейінгі балалардың білік-дағдыларының дамуын бақылау бойынша әдістемелік нұсқаулар мазмұнын игереді. Әр түрлі жас кезеңдеріндегі балалардың білік-дағдыларының даму деңгейін анықтау мен тәрбиешінің баламен жеке жұмысты жоспарлауды іс-тәжірибеде қолдануды үйренеді

  Оқу жылы - 3
  Семестр - 1
  Несиелер - 6
  

• Балалар әдебиеті және драма

  Пән студенттерді балалар әдебиеті мен драманың теориялық және әдістемелік негіздерімен таныстыруды мақсат етеді. Балалар әдебиетінің тарихы мен теориясы, тақырыптары, сюжеттік желісі туралы білім алады. Балалар ақын-жазушыларын, олардың шығармаларын біледі. Сөз қолданысын, стильдік-жанрлық ерекшеліктерін, балалар әдебиетінің бүгінгі жай-күйі мен өзекті мәселелерін талдайды. Мектеп жасына дейінгі балаларды тәрбиелеудегі көркем әдебиеттің рөлін бағалайды

  Оқу жылы - 3
  Семестр - 1
  Несиелер - 7
  

• Тәрбиешінің кәсіби этикасы

  Мектепке дейінгі ұйым педагогінің кәсіби қызметінің құрылымы және оның тұлғасы, педагогикалық іс-әрекеттің стильдері және педагогтің кәсіби қалыптасуы. Педагогтің кәсіби құзыреттілігі: мәні, құрылымы және мазмұны. Кәсіби шеберлік құрылымындағы педагогикалық қарым-қатынас. Педагогикалық техника педагогикалық шеберліктің элементі ретінде

  Оқу жылы - 3
  Семестр - 1
  Несиелер - 5
  

• Жасанды интеллект негіздері

  Бұл пәнді оқудың мақсаты жасанды интеллект (ЖИ) саласындағы теориялық білім мен дағдыларды және жасанды интеллекттің заманауи құралдары мен әдістерін қолданудың практикалық дағдыларын қалыптастыру.Студенттер AI туралы негізгі түсініктермен танысады; негізгі AI тұжырымдамалары мен әдістерін үйренеді; негізгі интеллектуалды бағдарламалық жүйелерде ЖИ ұсынылған теорияларын, әдістері мен принциптерін қолдану қабілетін алады.

  Оқу жылы - 3
  Семестр - 1
  Несиелер - 5
  

• Балаларды мектепте оқытуға дайындау әдістемесі

  Пәнді меңгерудің мақсаты студенттерді балаларды мектепке дайындау әдістемелерімен таныстыру болып табылады. Курсты оқу барысында студенттер балаларды мектепке дайындаудың теориялық және әдістемелік негіздерін игереді. Мектеп жасына дейінгі балаларды мектепке дайындау мақсатындағы психологиялық-педагогикалық ойындар, жаттығулар мен тестер, балаларды мектепке дайындауға арналған әдістемелік оқу құралдарын игерген. Балаларды мектепке даярлауда балабақша мен отбасы арасындағы байланысты жүзеге асырады

  Оқу жылы - 3
  Семестр - 2
  Несиелер - 5
  

• Мектеп жасына дейінгі балалардың сөйлеуін дамыту әдістемесі

  Пәнді игеру нәтижесінде студент сөйлеуді дамыту әдістемесінің әдіснамалық негіздері мен тарихын, балабақшадағы сөйлеуді дамыту жүйесін, байланыстырып сөйлеуді дамыту әдістемелерін біледі. Сөздікті дамыту, сөйлеудің грамматикалық құрылымын қалыптастыру, сөйлеудің дыбыстық мәдениетін тәрбиелеу, көркем әдебиетпен жұмыс істеу әдістемесін игереді. Балаларды сауат ашуға дайындау, сөйлеу дамуын диагностикалау, тіл дамыту бойынша жұмысты жоспарлау және нәтижесін есепке алуды жүзеге асырады

  Оқу жылы - 3
  Семестр - 2
  Несиелер - 7
  

• Заттық-кеңістіктік дамытушы ортаны ұйымдастыру әдістемесі

  Пән студенттерді балалардың дамуының жеке және арнайы білім беру қажеттіліктерін ескере отырып пәндік-кеңістіктік ортаны құру ерекшеліктерімен таныстыруға бағытталған. Білім алушы заттық-кеңістіктік ортаны білім беру элементі ретінде қарастыра отырып, оның мүмкіндіктерін барынша қолдануды, ұйымдастыруға қойылатын талаптарды біледі. Мектеп жасына дейінгі баланың тұлғасы мен іс-әрекетін дамытудағы қоршаған ортаның маңыздылығын түсінеді. Пәндік-кеңістіктік дамытушы ортаны ұйымдастыруда ақпараттық-білім беру ресурстарын пайдаланады.

  Оқу жылы - 3
  Семестр - 2
  Несиелер - 5
  

• Сөйлеудің жүйелі және ырғақтылық жағының бұзылуы кезіндегі логопедиялық жұмыс

  Пәнді оқудың мақсаты студенттерге сөйлеудің жүйелік және ырғақтылық жағынан бұзылыстарының алдын алу, анықтау және түзету саласының ғылыми-теориялық негіздері мен практикалық бідік-дағдыларын меңгерту. Студенттердің сөйлеу тілінің жүйелік сипаттағы және ырғақтылық жағы бұзылған жағдайда логопедиялық жұмысты жоспарлау, сөйлеу тілінің бұзылыстарын түзету және қалпына келтіру әдістері мен тәсілдерін және құралдарын таңдау, оны жүзеге асыру біліктерін қалыптастырады.

  Оқу жылы - 3
  Семестр - 2
  Несиелер - 5
  

• Ойын іс-әрекетінің теориясы мен әдістемесі

  Пәннің мақсаты студенттерді мектеп жасына дейінгі балалардың ойын әрекеті мен оған жетекшілік етудің теориялық негіздерімен таныстыру болып табылады. Студент ойын іс-әрекетінің педагогикалық негіздерін, балалар ойындарының жіктелуін, әдістерін біледі. Мектепке дейінгі ұйымдардың педагогикалық қызметіндегі ойынның, ойыншықтардың рөлін, баланың толыққанды дамуына ойын іс-әрекетінің тигізетін ықпалын түсінеді. Мектеп жасына дейінгі балалармен ойын іс-әрекетін тиімді ұйымдастыра алады.

  Оқу жылы - 3
  Семестр - 2
  Несиелер - 7
  

• Дыбыс айтуы бұзылған кездегі логопедиялық жұмыс

  Пәнді меңгерудің мақсаты білім алушыларды сөйлеу артикуляциясы заңдылықтарымен, есту-айту мүшелерінің өзіндік ерекшеліктерімен және оның естуі қалыпты сөйлеу аппаратының иннервациясы сақталған адамдардағы бұзылыстарымен таныстыру болып табылады. Пәнді игеру нәтижесінде дислалияның этиопатогенетикалық механизмдерін, дислалиясы бар балалардың клиникалық және психологиялық-педагогикалық мінездемесін; дислалияны түзету әдістемелерін; сөйлеудің дыбыс шығару жағын талдау және диагностикалауын; фонемалық қабылдауды дамытуын; артикуляциялық гимнастиканы жүргізу дағдыларын және дыбысты айтуды қалыпқа келтірудің әртүрлі тәсілдерін меңгереді.

  Оқу жылы - 4
  Семестр - 1
  Несиелер - 6
  

• Педагогикалық зерттеулер негіздері

  Пән педагогикалық зерттеу саласында зерттеушілік дағдыларды дамытуға бағытталған. Студенттер зерттеудің негізгі сапалық және сандық әдістерін біледі, ғылыми әдебиеттерді талдай алады, Action research, lesson study әдістемелерін, бақылау мен рефлексияны меңгерген. Студенттер деректерді өңдей алады және көпшілікке ұсыну үшін зерттеу нәтижелерін ауызша және жазбаша түрде құрастыра алады.

  Оқу жылы - 4
  Семестр - 1
  Несиелер - 10
  

• Математика негіздерін қалыптастыру әдістемесі мен практикумы

  Курс студенттерге мектеп жасына дейінгі балалардың қарапайым математикалық түсініктерін қалыптастырудың теориялық негіздерін игертуді мақсат етеді. Студенттер Қазақстандағы мектеп жасына дейінгі балалардың қарапайым математикалық түсініктерін қалыптастыру әдістемесінің дамуын оқып-үйренеді. Мектеп жасына дейінгі балалардың математика негіздерін қалыптастыру, сан, көлем, пішін, кеңістікті бағдарлау, санау мен есептеуге үйретуде алған білімдерін қолданады.

  Оқу жылы - 4
  Семестр - 1
  Несиелер - 6
  

• Логопедиялық практикум

  Пәнді меңгерудің мақсаты студенттердің кәсіби құзыреттілігін қалыптастыру; студенттерді фронтальды сабақтарды ұйымдастыруға және өткізуге кәсіби-практикалық дайындау, мектеп жасына дейінгі балалармен дамыту және логопедиялық жұмыс процесін ұйымдастыру

  Оқу жылы - 4
  Семестр - 1
  Несиелер - 6
  

• Мектепке дейінгі ұйымдағы денсаулық сақтау технологиясы

  Пәннің мақсаты мектепке дейінгі білім беру ұйымдарында денсаулық сақтау іс-шараларын ұйымдастыруға және жүзеге асыруға студенттердің дайындығын қалыптастыру. Курс студенттер арасында дене тәрбиесі мен мектеп жасына дейінгі балаларды дамытудың әдістемелік және теориялық негіздері туралы білім жүйесін қалыптастыруға, дене шынықтыру сабағында денсаулықты сақтау технологияларын дұрыс қолдануға бағытталған. Пәнді оқу нәтижесінде білім алушы мектеп жасына дейінгі балалардың дене тәрбиесінің теориясы мен әдістерін, дене тәрбиесінің негізгі түсініктерін, міндеттерін, құралдары мен әдістерін біледі

  Оқу жылы - 4
  Семестр - 1
  Несиелер - 6
  

• Қоршаған ортамен таныстыру әдістемесі мен практикумы

  Аталған пән қоршаған ортамен таныстыру әдістемесін, пәнді оқытудың әдістері мен тәсілдерін, оның педагогика ғылымдары жүйесіндегі рөлін қарастырады. Табиғаттың адам өміріндегі рөлін, мектеп жасына дейінгі балаларды табиғатпен таныстырудың тәрбиелік және білімдік міндеттерін түсінеді. Қоршаған ортамен таныстыруды ұйымдастыру формаларын, экологиялық тәрбие беру жоспарын жасауды біледі.

  Оқу жылы - 4
  Семестр - 1
  Несиелер - 6
  

• Мектеп жасына дейінгі балалардың логикалық ойлауын дамытудың белсенді әдістері

  Бұл пән қарапайым математикалық түсініктерді қалыптастыру бойынша ұйымдастырылған іс-әрекеттерде мектеп жасына дейінгі балалардың логикалық ойлауын дамытуды қарастырады. Студенттер логикалық ойындардың көмегімен жеке тұлғаға бағытталған көзқарасты жүзеге асыру жолдарын біледі. Сондай-ақ, есептеу, заттың пішіні мен өлшемдерін, кеңістік пен уақытты бағдарлау әдістерін үйренеді

  Оқу жылы - 4
  Семестр - 1
  Несиелер - 6
  

• Дене тәрбиесі және ЕДШ әдістемесі

  Оқу пәнін меңгеру нәтижесінде студент дене тәрбиесі мен ЕДШ-нің аурулар мен жарақаттарды емдеудегі маңыздылығын, дене жаттығуларының емдік әсер ету механизмдерін; дене тәрбиесі мен ЕДШ сабақтарының құралдары, нысандары мен әдістерін, ЕҚ бар балалар үшін ЕДШ-дегі дене жаттығуларының жіктемесін біледі. Дене тәрбиесінің әдіснамалық, жаратылыстану ғылыми, психология-педагогикалық негіздерін игереді. Нәтижесінде студенттер ЕҚ бар мектеп жасына дейінгі балалармен жұмыс істеу дағдыларына ие болады.

  Оқу жылы - 4
  Семестр - 1
  Несиелер - 6
  

• Мектепке дейінгі балаларды әлеуметтік шындықпен таныстырудың теориясы мен әдістемесі

  Пән мазмұны мектеп жасына дейінгі балаларды әлеуметтік шындықпен таныстырудың теориясы мен әдістемесін қарастырады. Студенттер педагогикалық ғылымдар жүйесінде пәнді оқытудың әдіс-тәсілдерін, қоршаған ортамен таныстыру әдістемесін меңгереді.. Сондай-ақ білім алушылар қоршаған ортамен таныстыру үшін оқу-тәрбие міндеттерін, ұйымдастыру және жоспарлау формаларын үйренеді. Оқыту нәтижелері бойынша балаларды қоршаған әлеммен таныстырудың диагностикалық әдістері мен технологияларын қолдану дағдыларына ие

  Оқу жылы - 4
  Семестр - 1
  Несиелер - 6
  

Профессии

Оқыту нәтижелері

• Әлеуметтік-мәдени әртүрлілікті ескере отырып, қарым-қатынастың әртүрлі форматтарын пайдаланады, әл-ауқатты және инклюзивті ортаны қалыптастыруда білім берудегі теңдік пен қолжетімділік қағидаларын құрметтейді, көшбасшылық қасиеттерге ие және оларды ұжымдық әлеуетті дамыту үшін қолдана алады.
• Кәсіби тапсырмаларды орындау үшін өзін-өзі реттеу мен рефлексияға қабілетті, жоғары деңгейдегі сыни және шығармашылық ойлау дағдыларын меңгерген.
• Сандық технологияларды зерттеулер мен қолдануда әдеп және құқықтық нормаларды сақтайды және біледі. Сандық ақпаратпен және деректерді қорғаумен жұмыс істеу кезінде қауіпсіздік шараларын қолданады, сандық ресурстарды белсенді, қауіпсіз және әдепті пайдалануға ықпал етеді.
• Тайм-менеджмент негіздері мен тиімді жоспарлаудың заманауи әдістерін, кадрларды басқару мен мектепке дейінгі ұйымның даму стратегияларын қолданады.
• Сыни тұрғыдан ойлауды қолданады, жалпы және инклюзивті мектепке дейінгі білім мен тәрбие саласындағы өз қызметінің нәтижелерін болжайды.
• Мектепке дейінгі ұйымның әртүрлі жас топтарында ерте және мектепке дейінгі жастағы балаларды тұлғалық-бағдарлы, кіріктірілген, денсаулық сақтау, инклюзивті оқыту негізінде тәрбие-білім беру процесін әдістемелік қамтамасыз етуді жүзеге асырады.
• Баланы ойын әрекеті арқылы тұтастай дамыту тұжырымдамасын түсінетіндігін көрсетеді, мамандармен қарым-қатынас жасай білетіндігін байқатады.
• Сөйлеу тілінің түрлі бұзылыстары бар мектеп жасына дейінгі балаларды тәрбиелеу, дамыту және оқыту мәселелері бойынша ата-аналармен (заңды өкілдермен) әртүрлі ұйымдастырушылық нысандарда өзара іс-қимыл жасай отырып, жүйелі, мақсатты және кезеңді түрде логопедиялық көмекті ұйымдастырады.
• Сөйлеу тілінің бұзылыстары бар сәби және мектепке дейінгі жастағы балалардың дамуын психологиялық-педагогикалық қолдау міндеттерін шешу үшін баланың жеке даму үдерісінің үлгісін жасайды және құрайды.
• Мектепте табысты оқудың негізін салу үшін сөйлеу тілі қалыпты және түрлі бұзылыстары бар балалардың біліктері мен дағдыларының даму деңгейіне талдау жасайды.
• Мектепке дейінгі білім берудің инновациялық тәжірибесін және еңбек тәжірибесін жетілдіру үшін зерттеу нәтижелерін пайдалана отырып логопедтің педагогикалық тәжірибесін бағалайды.

Ұқсас БББ