7M04118 Маркетинг в Нархоз Университеті

Маркетинг жоспары компанияның нарықтағы ұзақ мерзімді және тұрақты қызметінің негізі болып табылады. Курс келесі бөлімдерден тұрады: маркетингті жоспарлаудың қажеттілігі мен тәсілі, маркетингті жоспарлау үрдісі мен әдістемесі, компанияның маркетингтік ортасын талдау, клиенттердің қажеттіліктері мен олардың қабылдауын талдау, нарықтың болашағын талдау, маркетингтік стратегияны таңдау және тактикалық әрекеттерді жоспарлау, маркетинг жоспарын жүзеге асырудың болжамдары және оны бақылау тетігі. Курсты оқыту барысында жағдайлық есептер, маркетингтік жоспарлау саласындағы шетелдік және отандық кейстер қарастырылады, сонымен қатар таңдалған зерттеу объектісінің маркетингтік жоспарын құру бойынша жобалық жұмыс орындалады

Пән жоғары мектеп оқытушысының кәсіби-педагогикалық мәдениет негіздерін қалыптастыруға, қазіргі педагогика ғылымының теориялық негіздерін меңгертуге, кәсіби міндеттерді шығармашылықпен шешуге дайындығын қалыптастыруға бағытталған. Курс түрлі дәрістерде оқытуға керек практикалық дағдыларды дамытуға бағытталып, интерактивті форматта (бірлескен жобалар, конференциялар, көпшілік талқылаулар, дәрістің интерактивті түрлері) жүргізіледі. Оқу аяқталысымен магистрант халықаралық қатынастар аясында алған теориялық білімін беруге мүмкіндік алып, студенттерді оқытушылық қызмет саласында тәжірибелік қабілеттерге үйрете алады.

Курс бизнес пен тұтынушылар тұрғысынан көшбасшылық бренд аспектілерін терең зерттеуге бағытталған: бренд және оның бренд құндылықтары, брендтің сәйкестігі және брендтің құрылуы, брендтің өлшемдері, брендтің капиталы, брендингтегі тұтынушылардың қабылдауы, брендтің позициясы, брендтің өсуі, брендті басқару. Курсты оқу барысында магистранттар жағдайлық мәселелерді шешеді, мықты брендтер құру тәжірибесін зерттейді, «Procter & Gamble», Unilever «Brand Key» және т.б. отандық және шетелдік кейстерді талқылайды, сонымен қатар «Брендті нарықта жылжыту (таңдалған бренд материалдары негізінде)» жеке жобасын жүзеге асырады.

Пән ғылым мен білімге жоғары білікті кадрларды даярлауға ықпал ететін ғылыми әдістеменің, оның тарихының генезисінің өзекті мәселелерін зерттеуге бағытталған. Курс белгілі бір ғылым саласындағы зерттеу мәселелерін қоя білу және оны шешуге, өзіндік дербес зерттеу траекториясын ұйымдастыруға, алынған нәтижелерді сәйкесінше қорытындылар мен тұжырымдарға синтездеуге мүмкіндік береді, сыни ойлауды, зерттеу әдістерінің сандық және сапалық әдістерін талдай алу дағдыларын игерудің арқасында қол жеткізіледі

Курс нақты бизнес-міндеттерді шешуде қолдану үшін маркетингтік зерттеулердің негізгі тұжырымдамаларын, процестері мен әдістерін терең зерттеуге, соның ішінде сапалық және сандық зерттеулер жүргізу әдістерін, әлеуметтік желілердегі маркетингтік зерттеулерді, қолданбалы маркетингтік зерттеулерді, болжау әдістерін терең зерттеуге бағытталған. Оқыту нәтижелерін бағалау «GFK Қазақстан», «DAMU Research Group», BISAM Central Asia ЖШС және т.б. компаниялар мен маркетингтік агенттіктердің шетелдік және отандық жағдайларын зерттеу арқылы жүзеге асырылады, сонымен қатар «Нарық конъюнктурасын маркетингтік зерттеу (таңдап алған зерттеу объектісінің материалдары негізінде)» жеке жобасын жүзеге асыруды қарастырады.

Пән ғылым философиясын талдау призмасы арқылы қарастырады, ғылым тарихы, оның ерекшеліктері мен заңдылықтары туралы білім береді; ғылыми зерттеулер жүргізу әдістерін және олардың қоғамның дамуындағы маңыздылығын қолданады. Магистранттарда ғылыми-зерттеу жұмыстарын жүргізуге ықпал ететін аналитикалық және ғылыми ойлау дағдылары қалыптасады. Курс магистранттардың ғылыми ойлау мәдениетін қалыптастырады, ғылыми-зерттеу қызметінің аналитикалық қабілеттері мен дағдыларын дамытады. Осы мақсаттарға жету ұлы ойшылдар мен өткен және қазіргі ғалымдардың түпнұсқа мәтіндерін оқуға ықпал етеді. Ғылыми-зерттеу қызметінің дағдылары.

Курс ағылшын тілін ғылыми және кәсіби қызметте қарым-қатынас үшін тиімді қолдана отырып, талдау, жинақтау, жіктеуде ағылшын тілін тиімді пайдалану дағдыларын дамытуды көздейді және шетел серіктестерімен қарым-қатынаста шетел тілінің коммуникативті құзіреттілігін және оның еркін көрінісін (B1 деңгейі және одан жоғары) әрі қарай дамытуға арналған, сондай ақ әрі қарай өздігінен білім алуы үшін. Курс барысында магистранттар өздерінің жеке көзқарастары мен зерттеу нәтижелерін еркін білдіре отырып, сыни тұрғыдан ойлау принциптеріне сүйене отырып, өз көзқарастарын нақты және негіздеп көрсетуге, қарым-қатынас жасауға үйренеді.

Курс заманауи маркетингтің салалық ерекшелігін зерттеуге бағытталған, ол келесі бөлімдерден тұрады: өнеркәсіптегі маркетинг, көтерме және бөлшек саудадағы маркетинг, туризм саласындағы маркетинг, қонақ үй бизнесіндегі маркетинг, тамақтану саласындағы маркетинг, ойын-сауық индустриясындағы маркетинг, банктік маркетинг, құрылыстағы маркетинг , агроөнеркәсіптік кешендегі маркетинг, қолөнер нарығындағы маркетинг, сыртқы экономикалық қызметтегі маркетинг. Оқыту нәтижелерін меңгеру бағасы жағдайлық есептер мен кейстерді шешу, сонымен қатар «Қызмет салалары мен аяларындағы маркетинг» (таңдалған зерттеу объектісінің материалдары негізінде) жеке жобасын қорғау негізінде жүзеге асады.

Пән ұйымды басқаруда ақпараттық жүйелерді басқарудың жаңа әдістерін, қызмет нәтижелерін бағалаудың құндық индикаторларына бағытталған корпоративтік сектордың ақпараттық жүйелерінің архитектурасын құру ерекшеліктерін, сонымен қатар мәліметтер базасын модельдеу және дизайн арқылы ақпаратты басқару әдістерін қарастырады. Оқыту нәтижелерін бағалау табысты корпорациялардың кейс стадиясын талдау арқылы қол жеткізілетін болады

Пән келесілерді қамтиды: қойылған міндеттерге сәйкес экономикалық және басқарушылық деректерді өңдеу үшін құралдарды таңдауды жүзеге асырудағы теориялық және тәжірибелік дағдылар; этикалық нормаларды ескеру мен басқарушылық ойлауды дамытуға әсерін тигізетін көшбасшылық дағдыларды қалыптастыру арқылы ортаның белісіздігі жағдайында шешім табу мен қабылдауға мүмкіндік беру. Оқу нәтижелерін бағалау симуляциялық ойындар, рольдік тәжірибелер, кейс стадилерді талдау мен топтық пікірталастар нысандарында жүреді

Педагогикалық практика - кәсіптік құзыреттілікті меңгеруге, атап айтқанда, тиісті департамент базасында оқу практикалық сабақтарын жоспарлау, ұйымдастыру және өткізу дағдыларын тереңдету арқылы оқыту үдерісінде алынған педагогика және оқыту әдістемесі бойынша теориялық білімді бекіту және тереңдетуге бағытталған. Педагогикалық практиканы өту барысында магистранттар педагогикалық кәсіби қызметтің компоненттерімен, оқу-әдістемелік кешенімен, оқу сабақтарын өткізу құрылымымен, формалары мен әдістерімен танысады, оқу ұжымының қызметін басқаруды және ұйымдастыруды, магистранттардың білімін бағалауды, есептілікті құрастырады және толтырады, сондай-ақ еңбек ұжымында жұмыс істеу дағдыларын меңгереді. Педагогикалық практикасының және практикалық сабақтарды өткізудің нәтижелері бойынша магистранттар есепті жасайды және қорғайды.

Жарнамалық менеджмент - компанияның маркетингтік қызметінің негізгі бағыттарының бірі. Курс келесі бөлімдерден тұрады: жарнамалық менеджменттің ерекшелігі мен стратегиясы, жарнамалық хабарларды жасау әдістемесі, жарнаманы жоспарлау, нарықта жайғастыру және бюджеттеу, медиа-зерттеу, жарнаманың тиімділігі, жарнама және қоғам, халықаралық, көпұлтты және ғаламдық жарнама. Курсты оқу барысында жарнамалық менеджмент саласындағы шетелдік және отандық тәжірибе зерттеледі, «Орталық Азия жарнамалық қауымдастығы» ЗТҚ өкілдерінің қонақ дәрістері өткізіледі, жағдайлық тапсырмалар, жарнамалық агенттіктердің шетелдік және отандық кейстері қарастырылады, «Жарнама науқаны» тотық жобасы жүзеге асырылады.

Пән инновацияға әкелетін персоналды ынталандыру мен бәсекеге қабілетті ұйымдық мәдениетті қалыптастырудағы психология әдістерін меңгеру және де іскерлік қауымдастықтың әлуметтік-экономикалық даму тенденцияларын ескере отырып персоналдың, жеке тұлғаның және топтың мінез-құлығын басқарудың заманауи әдістемесін қамтиды. Магистрант оқу нәтижелерін игереді және сыни ойлауды қалыптастырады, өзін-өзі талдау мен кейс стадиді зерделеу арқылы біржақты ойлауды өту негізінде тиімді қарым-қатынас жасауды меңгереді.

Пәнде коммуникацияға интеграцияланған тәсіл арқылы маркетингті қалыптастырудың жетілдірілген тәсілі; жабдықтаушылармен, қызметкерлермен және клиенттермен қарым-қатынасты басқару; әлеуметтік-жауапкершілікті маркетинг қамтылған, ол магистранттарға ұйымның стратегиясын қалыптастырудағы маркетингтің маңызды рөлін түсінуге мүмкіндік береді. Оқыту нәтижелері жағдайлық есептерді шешу, GEM, Starbucks, McDonalds және Coca-Cola компанияларының кейстерін қарастыру, сонымен қатар Компаниядағы маркетинг-менеджмент жүйесін зерттеу (таңдалған объект материалдары бойынша) жеке жобасын орындау арқылы бағаланады.

Қазіргі жағдайда компаниялар нарыққа инновацияны әкелудің жаңа құралдарын жасауда үнемі проблемаларға тап болады. Курс маркетингтік инновацияның негізгі теориялары мен тұжырымдамаларымен таныстырады: инновациялық маркетинг тұжырымдамасы; компанияның инновациялық даму стратегиялары; жаңа өнім / қызмет тұжырымдамасын және оны нарықта жылжыту стратегиясын әзірлеу, компанияның инновациялық дамуын басқару, инновацияларды жобалау, инновациялық маркетингтің тиімділігі. Инновациялық маркетинг саласындағы шетелдік және отандық компаниялардың тәжірибесін зерделеу негізінде магистранттар нарықтық жағдайларды талдау негізінде жеке «go to market» жобасының идеясын қалыптастырады, содан кейін нарыққа шығарылатын жаңа өнім / қызметке бизнес-модель мен маркетингтік жоспар жасайды.

Курс компанияның бәсекеге қабілеттілігінің маркетингтік басқару аспектілерін зерделеуге бағытталған, ол келесі бөлімдерден тұрады: бәсекеге қабілеттіліктің сатылық құрылымы, бәсекеге қабілетті нарықтар және олардың құрылымы, бәсекеге қабілеттілік стратегиясы, компанияның бәсекеге қабілеттілігін маркетингтік басқару үрдісі, компанияның бәсекеге қабілеттілігін маркетингтік басқару құралдары, компанияның бәсекеге қабілеттілігін бағалау әдістері және оны жоғарылату жолдары. Оқыту нәтижелерін бағалау жағдайлық есептерді шешу, McDonald's, Coca-Cola және т.б. шетелдік және отандық компаниялардың кейстерін қарастыру, сондай-ақ «Компанияның бәсекеге қабілеттілігін маркетингтік бағалау (жеке зерттеу объектісінің материалдары негізінде)» жеке жобасын жүзеге асыруды қарастырады.

Қазіргі жағдайда сервитизация үрдісі байқалады, бұл экономикада қызмет көрсету саласының жедел дамуына және сәйкесінше бәсекелестіктің артуына әкеледі. Осыған байланысты, курста қызмет көрсету саласындағы маркетингті басқарудың тұжырымдамасы қарастырылады: қызмет көрсету маркетингінің халықаралық модельдері, қызмет көрсету стандарттары мен қызмет көрсету модельдері, қызмет көрсету нарығындағы мінез-құлық ерекшеліктері мен ниеттестікті басқару, ішкі және интерактивті маркетинг, қызмет көрсетудің әртүрлі салаларындағы маркетинг. Оқыту нәтижелерін бағалау ситуациялық тапсырмаларды, отандық және шетелдік «Uber», «Kiwi Experience», «Aussie Pooch Mobile» кейстерін және т.б. зерттеу, сонымен қатар «Сервистік компанияның маркетингтік қызметін жетілдіру (таңдалған зерттеу объектісі материалдары негізінде)» жеке жобасын дайындау арқылы жүзеге асырылады.

Курс тұтас маркетинг тұжырымдамасын зерттеуге бағытталған және келесі бөлімдерден тұрады: холистикалық (тұтас) маркетингтің құрылымы; тұтынушылық құндылықты зерттеу, құру және ұсыну; холистикалық маркетингтің құралдары; өзара қарым-қатынас маркетингі (CRM, PRM); біріктірілген маркетинг (біріктірілген маркетингтік коммуникациялар мен маркетингтік арналарды басқару); ішкі маркетинг (персонал маркетингі); әлеуметтік жауапты маркетинг (компанияның маркетингтік стратегиясында этикалық, экологиялық, құқықтық және әлеуметтік аспектілерді ескеру); тұтынушылардың, персоналдың және компанияның мүдделі тараптарының қанағаттанушылығын және ниеттестік дәрежесін бақылау. Курс барысында магистранттар шетелдік және отандық кейстерді, сондай-ақ «Компаниядағы холистикалық маркетингті басқару (таңдалған зерттеу объектісінің материалдары негізінде)» жеке жобасын орындау көзделген.

Курс маркетингтік стратегияларды әзірлеу мен жүзеге асыруды терең зерттеуге бағытталған, ол келесі бөлімдерден тұрады: стратегиялық жоспарлаудағы үрдістер, тәсілдер және құралдар, бәсекелік талдау және компанияның бәсекелік артықшылықтарын бағалау, корпоративтік, функционалды және инструменталдық деңгейде маркетингтік стратегияларды әзірлеу, ғаламдық нарыққа шығу (экспорттық, аралық, сатылық), стратегиялық маркетинг жоспарын құру және оны жүзеге асыру. Курсты оқу барысында күрделі тақырыптық зерттеулер комбинациясы, бизнес-серіктестердің нақты жобалары, сонымен қатар жағдайлық есептер, шетелдік және отандық кейстер қолданылады, сонымен қатар "Компанияның стратегиялық жоспарын әзірлеу (таңдалған зерттеу объектісі материалдары негізінде)" жеке жобасын орындауды қарастырады.

Әлемдік нарықтың жаһандануы жағдайында электронды коммерция тұрақты түрде дамып келеді және кейбір елдердегі жалпы сауданың 10% құрайды. Компаниялардың электронды сауданы қолдануы болашақта олардың экспорттық әлеуетін дамытуға, сонымен қатар өнімді өткізу шекарасын кеңейту арқылы нарық үлесін арттыруға мүмкіндік береді. Курс келесі бөлімдерден тұрады: электрондық сауданың жүйелері мен нысандары, электрондық сауда платформалары, интернет-дүкендер, e-banking, e- consulting, Интернет-маркетинг, Қазақстандағы электрондық сауданы дамытудың мәселелері мен болашағы. Оқыту нәтижелерін бағалау жағдайлық есептер мен кейстерді шешу, сонымен қатар таңдалған зерттеу объектісі үшін Интернет-сауданы дамытуға бағытталған топтық жобаларды қорғау негізінде жүзеге асырылады.

Курс тұрақты маркетинг қағидаттарына негізделген әр түрлі нарықтардағы жеке тұлғалардың, топтардың және ұйымдардың мінез-құлқын басқару технологиясын: мінез-құлық маркетингі тұжырымдамасын, тұтынушылық мінез-құлықты зерттеудің бағыттары мен әдістерін, тұтынушылық мінез-құлықтың жеке детерминанттарын, өмір салтын сипаттау тұжырымдамасы мен әдістерін, тұтынушы мінез-құлқына сыртқы ортаның ықпалын, саналы тұтыну мәдениетін, мәдениаралық маркетингті, кәсіби этика мен консьюмеризмді зерттеуге бағытталған. Магистранттар ситуациялық, шетелдік және отандық мәселелерді шешеді, атап айтқанда «FAMILY FURNITYRE», «PICK'N PAY», «Тұрақты бренд құру» және т.б., сонымен қатар «Компаниядағы мінез-құлық маркетингін жетілдіру» (таңдалған зерттеу объектісінің материалдары негізінде) жеке жобасын жүзеге асырады.

Курс тұрақты маркетинг тұжырымдамасын зерттеуге бағытталған және келесі бөлімдерден тұрады: компанияның тұрақты даму деңгейлері (экономикалық, әлеуметтік және экологиялық тұрақтылық); тұрақты маркетинг құралдары «3Р» (aдамдар, пайда, планета/қоршаған орта); компанияның маркетингтік ортасындағы өзгерістердің тұрақты маркетингтің дамуына әсері; нарық субъектілерінің микроортасын экологияландыру; экологиялық таза өнімге сұранысты қалыптастыру және экологиялық таза өнім саласындағы бәсекелестікті дамыту, тұтынушылардың экологиялық мәдениетін арттыру, өсіп келе жатқан экологиялық проблемалар мен экологиялық қызмет шығындарын ескере отырып елдің/аймақтың/компанияның бәсекеге қабілеттілігін өзгерту негізінде компанияда тұрақты маркетингті дамыту бағыттары, экологиялық заңнаманы дамыту, өнімнің экологиялық тазалығын арттыру негізінде оның тұтынушылық құндылығын жоғарылату, компанияның оң экологиялық беделін қалыптастыру, экологиялық таңбалау мен сертификаттауды тарату. Магистранттар тұрақты маркетинг бойынша шетелдік және отандық кейстерді зерттейді, сонымен қатар командалық жоба шеңберінде таңдалған компания үшін нақты тұрақты маркетингтік стратегияны әзірлейді.

Курс клиенттермен қарым-қатынасты басқару саласындағы білім мен тәжірибелік дағдыларды кеңейтуге бағытталған және келесі бөлімдерді қамтиды: қарым-қатынас маркетингі тұжырымдамасы, қарым-қатынас маркетингіндегі тұтынушы (тұтынушылардың түрлері, адалдық сатысы, тұтынушының өмірлік циклі, тұтынушының құндылығы); тұтынушылардың әлеуетін басқару тұжырымдамасы (нарықтық, ресурстық, ақпараттық, ынтымақтастық, тұтынушының синергетикалық әлеуеті, клиент құнының психологиялық детерминанттары); тұтынушылардың портфелін басқару; тұтынушының құндылығын анықтау әдістері (сатып алушылар портфелінің құрылымы мен динамикасын бағалау, сатудың шоғырлануын талдау, сатып алушылармен өзара қарым-қатынастың тиімділігін анықтау); компанияның тұтынушылармен қарым-қатынасын басқару (тұтынушыға бағытталу, тұтынушылармен өзара қарым-қатынасты басқару жүйесі (CRM), CRM жүйелерін пайдаланудан экономикалық тиімділік).

Зерттеу практикасы нақты кәсіптік тапсырмаларды орындауға зерттеу құралдарын қолдану арқылы пәндік теориялық білімді пайдалану мақсатында жүзеге асырылады. Магистр ғылыми-зерттеу жұмыстарын жүргізу, кәсіптік есеп беру, ұйымда немесе кәсіпорында жұмыс құру принциптері мен әдістерін меңгереді; кәсіби талдау әдістерін қолданады; серіктес ұйымдарда практика негізінде әлеуметтік, экономикалық, статистикалық ақпараттарды іздеп тауып зерттейді; магистерлік диссертацияның тақырыбын таңдау үшін негізгі проблемаларды анықтап, олардың шешімдерін табады.

Көшбасшылық қабілеттерді дамыту және жұмысшылар арасында өзіндік оқуды және саналы тұтыну мәдениетін дамыту арқылы білімді басқаруды қоса алғанда, корпоративті және тұтынушылық мәдениетті қалыптастырады.

Әлемдік нарық конъюнктурасын және этикалық стандарттарды зерттеу нәтижелерін қолдана отырып, өзінің экспорттық әлеуетін дамыту және әлемдік нарыққа шығу үшін компанияның бәсекелік артықшылықтарын басқарады.

Жаңа орта мен/немесе анықталмағандық жағдайында құрылымдалмаған мәселелерді кешенді анықтап және оларды шешу жолдарын ұсыну үшін кәсіби деңгейде өзінің білімдері мен қабілеттіліктерін кәсіби деңгейде қолданады.

Маркетингтегі өзекті зерттеу мәселелерін шешіп, әлеуметтік, этикалық және ғылыми көзқарастарды есепке ала отырып, пікірлерді тұжырымдау үшін әртүрлі ақпарат көздерін талдау және синтездеу үшін ғылыми зерттеу әдістемелерін қолданады.

Өнімнің тұтынушылық құндылығын және клиенттер мен мүдделі тараптардың ниеттестігін басқару, болжанбаған жағдайлардың, соның ішінде әр түрлі стартаптардың тәуекелдерін бағалай отырып, тұжырымдама әзірлейді.

Сәтті өнімдер мен брендтерді шығару үшін инновациялық жобаларды құруды және коммерцияландыруды қамтамасыз ететін корпоративтік маркетингтік жоспарлар мен стратегияларды әзірлейді.

Ауызша және жазбаша түрде кәсіби және кәсіби емес аудиторияға негізделген өзіндік қорытындылар/пікірлер ұсынады және оларды негіздейді.

Тұтынушылар мен барлық мүдделі тараптар арасында ниеттестік деңгейінің жоғарылауын қамтамасыз ете отырып, өнімнің немесе серіктестіктің тұтынушылық құндылығын көрсететіндей жылжытудың кешенді стратегияларын әзірлейді.

Дамудың балама мүмкіндіктері мен тәуекелдерін ескере отырып, тиімді стратегияны құра отырып, ұйымның көшбасшысы бола алады, менеджменттің, маркетингтің және деректерді талдаудың функционалды салаларындағы жаңа тұжырымдамаларды, парадигмалар мен теориялық әзірлемелерді қолдана отырып стратегияларды әзірлейді.

Сандық маркетинг пен электрондық коммерцияның дәстүрлі және инновациялық құралдарын шығармашылықпен қолдана отырып өнімді өткізу және логистика үдерісін басқарады.

Оқу үдерісін ұйымдастырудың заманауи технологиялары мен әдістемелерін таңдай отырып, маркетинг аясында білім беру әдістемесі мен жұмыс тәжірибесін пайдаланып, өзінің зерттеу нәтижелері мен практикалық тәжірибесін шығармашылық негізде өзгертіп, өзіндік жүйелендірілген теориялық білімдерді ашық, бір мағынада және тізбектей баяндау арқылы оқытуды басқарады.