6B01601 Тарих в Сулейман Демирел атындағы университет

Курсты аяқтағаннан кейін жазу, сөйлеу, оқу дағдылары, қабілеттерімен бірге түрік тілінің грамматикалық ерекшеліктерін игеріледі, фразеологиялық, терминологиялық сөздер мен сөз тіркестерінің көмегімен тілдік сөздікқорын кеңейтіледі, білімгердің жоғары біліктілігіне оң септігін тигізеді.

Пән барысында білім алушылар этностардың (этногенез) қалыптасу, даму процестерін, олардың ұқсастығын, мәдени өзін-өзі ұйымдастыру формаларын, олардың ұжымдық мінез-құлқы, өзара іс-қимылының заңдылықтарын, жеке тұлға мен әлеуметтік ортаның өзара байланысын, "Континентальды" жіктеу, Австралия және Мұхит халықтары, Азия халықтары, Америка халықтары, Африка халықтары және Еуропа халықтарының қалыптасуын зерттейді.

Археология ғылымы тарихты оқуда өте маңызды сала. Қазақстан даласында 4970-ке жуық археологиялық ескерткіш мемлекеттік есепте. Курс барысында студент орта ғасырлардағы ескі қоныстар мен қалалардың орны туралы саяхатшылар мен тарихшылардың қалдырған мәліметтерімен танысады және қолданбалы археологияны игеру, жойылып кеті қаупі бар ескерткіштерді сақтауы, ашық аспан астындағы музейлердің құндылығын туралы білетін болады.

Қазақ халқының тарихы мен мәдениетінің негізгі кезеңдері мен оқиғалары туралы жүйелі білімді игеруге, себеп-салдарын түсінуге, ұлттық тарихтың негізгі дерек көздерін тануға және тарихи негізгі мәселелерді талдай білуге, өз көзқарасын айқындауға, әлеуметтік тәжірибеде тарихи білімдерін қолдана білуге үйретеді.

Білімгер кәсіби қызмет саласында стильдік сауаттылықты меңгере алады, ғылыми, іскерлік, баспа мәтіндерін жаза алады, кәсіби деңгейде түпнұсқа дереккөздерден оқи және аудара алады, тілдік қарым-қатынастың прагматикалық құралдарын меңгере алады.

Ежелгі және Ортағасырлардағы Азия және Африка мемлекеттерінің саяси жүйесінің, әлеуметінің қалыптасуын қарастыру арқылы тарихи оқиғаларға, мемлекеттердің қалыптасуына байланысты білімдерін толықтыру және тарихи салыстырмалы анализ жасау қабілеті мен білімін қалыптастырады. Білімгерлерді ежелгі дәуірдің негізгі кезеңдері мен даму ерекшеліктері, қоғамдық формация ұғымымен және түрлерімен таныстыра отырып, олардың тарихи ойлау қабілеттерін арттыру көзделеді. .Азия мен Африка елдерінде феодалдық қатынастардың дамуы, «Азиялық өндіріс тәсілі». Ерте феодалдық араб мемлекетінің қалыптасуы мен дамуы туралы білімдерін шыңдайды.

Бағдарламаның негізгі мақсаты: оқушыларды әлеуметтік тәжірибе, жобалық жұмыстарды ұйымдастыру мен жүзеге асыруға баулу болып табылады. Тарихты оқу барысында алған білімдерін тәжірибеде қолдану, тарихи дереккөздерден өз бетінше қажетті мәліметтерді табу, фактілерді, құбылыстар мен оқиғаларды талдау мен бағалау, зерттеулер жүргізу, жобалар мен зерттеу жұмыстарын рәсімдеу және ұсыну, ғылыми конференцияларға қатысу қабілеттерін дамыту дағдыларын меңгереді.

Бұл бағдарламада болашақ тарихшы мұғалімнің сөйлеу әрекетінің стратегиялары мен тактикасы, тілдің байланыс құралы ретінде жүзеге асыратын міндеті, мұғалімдердің сөйлеу әрекетінің тендерлік ерекшеліктері қарастырылады. Сабақтың әр түрлі кезеңдеріндегі мұғалімнің сөйлеу әрекетін көпаспектілі талдау пәннің негізгі мақсаты болып табылады.

Тарихшы білімгер бұл пәнді оқу барысында Қазақ хандығының сыртқы саясатында шет мемлекеттермен дипломатияның қарым-қатынасын, қазақ хандары мен ықпалды сұлтандардың қазақ хандығының саяси өміріндегі маңызды орнын мен көпшілікке таныс болмаған тарихи оқиғаларды құжаттар мен деректерге сүйене отырып талдауға және кеңес үкіметі кезінде қалыптасқан сыңаржақ пиғыл мен көзқарасты "шынайы тарих" принципіне негіздеп тарихи дәлелдермен айқындауды үйренеді.

Еуропа елдерінің ортағасырлық тарихы пәні барысында, білімгерлер халықтардың ірі қоныс аударуымен байланыс ерте орта ғасырлардан бастап, дамыған орта ғасырлар және кейінгі орта ғасырлардағы феодалдық қатынастардың шарықтау шегі, еуропаның рухани өмірінде Батыс Рим империясының құлауына байланысты мәдениеттің құлдырауы, феодалдық қоғамның негізінде капиталистік қатынастардың қалыптасуы туралы негізгі білімді игереді.

Білім берудегі менеджмент пәнінің максаты менеджменттің педагогикалық негіздерін түсіндіру, жалпы және арнайы білім беретін мекемелерде басқару тәжірибесіне ендірудің жолдарын анықтау болып табылады. Пәнді оқу барысында болашақ мамандардың нарық талабына сай педагогикалық менеджмент туралы білімі мен біліктілігі қалыптасады.

Білімгерлердің индустриялық қоғамның дағдарысы және постиндустриялық өркениет туралы түсінігін қалыптасады, буржуазиялық революциялардың себеп-салдары, еуропа мен Америка елдерінің әлеуметтік, экономикалық және саяси дамуы, империялардың құлауы, дүниежүзілік соғыстар аралығындағы экономикалық, саяси және қоғамдық дамуыдың негізгі тенденцияларын мен ХХІ ғасырдағы ғаламдық мәселелер тұрғысынан тарихи үдерістердің сабақтасытығын түсінеді.

Этнопедагогиканы оқыту, ұлттық өрлеу мен дамуға, этникалық өзін-өзі тәрбиелеудің жандануы мен маңыздылығына, өз халқы, оның тарихы мен дәстүрлері үшін жоғары дамыған мақтаныш сезімі бар патриот, өз халқының ұлы тұлғасын қалыптастыруға бағытталған.

Курстың негізгі мақсаты: жәдитшілік идеясының ортаға шығуы, ХХ ғасырдағы білім беру саласындағы және саяси өмірдегі негізгі өзгерістер туралы мәлімет беру. Жәдитшілік идеяны зерттеуде әлемдік өркениеттілік тәсілдерді қолданып тұлғаның жеке көзқарасын қалыптастыру.

Бұл пәнді оқу барысында білім алушылар, мемлекет пен құқықтың пайда болуы, дамуы және жұмыс істеу заңдылықтары, негізгі заң ұғымдарын айқындау, сондай-ақ конституциялық, азаматтық, қылмыстық және әкімшілік құқық сияқты қазақстандық құқықтың базалық салаларының негізгі ережелері туралы негізгі білімді игереді.

Білім берудің барлық қол жетімді әдістеріне ие және қазіргі жағдайға сәйкес оқу-тәрбие процесін реттеудің нақты әдістерін қолданатын тәжірибелі мұғалімнің дағдыларын дамытады. Оқушыларды тәрбиелеу, олардың өзіне деген сенімділігі мен мүмкіндіктерін дамыту және арттыру үшін шаралар қабылдауға үйретеді.

Білім беру сапасын басқару – ол жобалау процесі, яғни білім беру мақсаттарын қою және оларға қол жеткізу жолдарын анықтау. Бұл білім беру процесін ұйымдастыру және оның қатысушыларын сапалы жұмысқа ынталандыру болып саналады. Білімгер мақсаттағы ауытқуларды анықтау және дамудың өзгеруін қадағалау жүйесі, сонымен қатар нәтижелерді реттеу және талдау жүйесі болып табылатын дұрыс бақылау мен мониторингті үйренеді.

Түлектерді кез-келген ұйымдық-құқықтық нысандағы кәсіпорындар мен ұйымдарда тиімді басқаруды қамтамасыз ететін ұйымдастырушылық-басқарушылық, ақпараттық-талдамалық және кәсіпкерлік қызметке, өз қорытындылары мен тұжырымдарын негіздеуге және қорғауға, өзінің кәсіби шешімдерінің нәтижесі үшін жауапкершілікті сезінуге дайындайды.

Пәнді оқу барысында білім алушылар туған жердің өткені, бүгінгі күнгі деректерінің үйлесімін зерттеуде тарихи-географиялық, статистикалық фактілерді қолдануды, белгілі өңірдің тарихын зерттеуде, тарихи-өлкетанушылық тұрғысынан географиялық, топонимикалық жағынан оқытуда тарихи-географиялық экскурсияларды жүргізу әдістерін үйренеді.

Пән XVIII-XІX ғғ. тарихының өзекті проблемаларының тарихнамасы мен дереккөздері, теориялық-әдіснамалық көзқарастары, Ресейдің отарлауы, бодандық қамыты, әскери-казак және орыс шаруаларының қоныс аударуы, Қазақстанның мемлекеттілігінен айырылуы, Қазақ халқының ұлт-азаттық күресі, ХІХ-ХХ ғасырлардағы өнеркәсіп саласындағы фактілерге тарихи тұрғыдан анализ жасау туралы білімді қалыптастыра отырып, алдағы ХХІ ғасырда туындаған мәселелердің тарихи негіздемесінің себептеріне талдау жасауды үйренеді.

Түрік тілінде кәсіби қызмет саласында еркін қарым-қатынас жасау, сөйлеу және коммуникациялық құзыреттіліктерді алуға, логикалық дәлелдер келтіруге, заманауи ғылыми материалдарды сыни тұрғыдан талдап бағалауға және пәнаралық салада жаңа идеяларды игеру қабілеттерін қалыптастырады.

Тарихты оқыту әдістемесі- оқытудың міндеттері, мазмұны мен әдіс-тәсілдері туралы педагогикалық пән. Оқудың тиімділігі мен сапасын арттыру мақсатында тарихты оқыту процесінің заңдылығын зерттеу және оқып-үйренуге арналады. Бұл курсты игеру арқылы болашақ мамандар тарихты оқушылардың жас ерекшеліктеріне негіздеп оқытуда білімді тиімді, әрі түсінікті етіп жеткізу қабілетіне ие болады.

Білімгерлердің шығармашылық оқыту және белсенді оқу қабілетін, сондай-ақ олардың өзін болашақ маман ретінде шыңдаудағы бастамасын қалыптастырады. Болашақ педагогтың инновациялық ойлауын жақсартуға ықпал ететін оқытудың құралдарын, әдістерін, технологияларын және материалдық базасын жаңғырту дағдыларын дамытады.

Курс барысында білімгерлер батыстық мемлекеттерге империалистік көзқарастың пайда болуы туралы, империалистік мемлекеттердің әскери күштерге негізделген саяси, экономикалық және соғыс мәселелерінің концептуализациясы, диктаторлық режимнің қалыптасуы мен империалистік, диктаторлық, милитаристік режимдер туралы деректерді қазіргі ХХІ ғасырдағы түсінікпен салыстырмалы талдауды меңгереді.

Курсты оқу барысында білімгерлер, жаңартылған білім берудің міндеттерін анықтай отырып, мектеп оқушыларының қазақ халқының тарихы мен мәдени құндылықтарына қызығушылығын арттыру оқушылардың тарихи білімін шығармашылықпен қолдану іскерлігін қалыптастыруға бейімдеу және әске асыруды үйренеді.

Курсты оқу барысында білім алушылар, Қазақ қоғамының құрылымы мен тарихи даму динамикасын, Қазақ қоғамндағы еңбек бөлінісі, өндіріс құрал-жабдықтары және меншік қатынастары, әлеуметтік топтарының арасындағы экономикалық, әлеуметтік, саяси және рухани өмір туралытеориялық/практикалық білім алады.

Оқушылардың білімі мен дағдыларын бағалау оқу процесінің маңызды буыны болып табылады, оқудың жетістігі көбінесе оның дұрыс тұжырымдалуына байланысты болады. Бұл пән бойынша білімгер бағалаудың әртүрлі әдістерімен танысады және оқушылардың білімін бағалаудың өзіндік тиімді әдістерін қалыптастырады.

Еуразияның Сайын Даласын ерте кезден көшпенділер мен отырықшы халықтар арагідік бірге мекендеген. Батыстық бірқатар зерттеушілерінің көшпенділер өркениеті мен мәдениеті болмады деген тұжырымдарына қарамастан, көшпенділердің Байкалдан Орталық Азия, Шығыс Түркістан, Шығыс Еуропаға дейінгі ұлан-ғайыр аймақта көптеген көшпенді өркениетке тән мәдени рухани ескерткештерін қалдырғанына тарих куә. Білім алушылар курс барыснда әлем өркениетіне өзіндік үлес қосқан көшпенділердің рухани мәдениетін дұрыс бағамдау қағидаларын үйренеді

Білім алушылар Еуропа мен Америка тарихына қатысты негізгі ұғымдар мен түсініктерді, тарихи оқиғалардың хронологиялық кезеңдемесін, революциялар, батыстағы капиталистік қатынастардың генезисі, индустриалдық өркениет кезеңіндегі экономикалық, саяси және әлеуметтік үрдістердің сипаты, ХҮІІ-ХІХ ғғ. халықаралық қатынастардың дамуы жайлы мәліметтерді игереді және тарихи оқиғалардың себеп-салдары туралы сыни көзқарасын қалыптастырады.

Батыстық тарихшылардың еңбектеріне негізделген Қара теңіз жағалауындағы түрік халықтарының тарихы мен мәдениетін зерттеу, мәнін ашу, даму заңдылықтарын анықтау. Шығыс Еуропа халықтары тарихына қосқан үлесін түркілік тәсіл тұрғысымен зерттеуді айқындау.

Пәнді оқу барысында, КСРО ыдырағаннан кейін тәуелсіздіктерін алған түрік мемлекеттері мен автономды түрік республикалары арасындағы өзара мәдени байланыстары, Қазақстанның бастамасымен құрылған ТҮРК ПА, Түрік Акедемиясы, Түрік Консейі, ТҮРІКСОЙ сынды мәдени құрылымдар туралы, болашақ тарихшы мамандардың түбі бір түркі әлемінің тұтастығы туралы ғылыми базалық білімі қалыптасады.

Курс барысында Қазақстанның сакралды нысандарының біртұтас желісін анықтауға, әлеуетін зер­делеу мен наси­хаттауға, сакралды геогра­фияға нені жатқызуға болатынын, зерттеу нысанын анықтағанда қандай өлшемдердің басшылыққа алынатынын анықтау білімі мен біліктілігін қалыптастырады.

Өркениет пен дін адамзат тарихының ажырамас бөлігі, олардың ежелгі формасы мен құрлымы, ерекшеліктері, мәндік сипаттары, тарихи қалыптасулары, Ислам өркениеті мен дінінің даламызға жетуі, атеизмнің шарықтауы, шетелден түрлі конфессиялардың ағылуы, олардың идеологиялық және дүниетанымдық көзқарастарын болашақ жоғары білімді маман игеруі тиіс.

Қазақстан республикасының ұлттық мұрағат қорымен таныстыру, оның жүйелерін үйрету. Қазақстан Республикасындағы мұрағат және мелекеттік мұрағаттану функцияларымен таныстыру. Білімгерлер іс жүзінде мұрағат құжаттарын пайдалануды, мемлекеттік қордың катологтар жүйесімен жұмыс жасауды үйренеді.

Курсының негізгі міндеттерінің бірі болашақ педагог мамандарды дамып келе жатқан организмнің жасқа байланысты ерекшеліктерін, балалар организмінің функциялары мен даму заңдылықтары туралы негізгі мағлұматпен жабдықтау.

Гуманитарлық пән оқытушысы ретінде болашақ мамандар өскелең ұрпақтың рухани-адамгершілік құндылықтарды меңгерген, әлеуметтік мәселелердің шешімін табуда құзыреттілік таныта алатын, бәсекелестікке қабілетті, жан мен тән үйлесімдігін сезіне алатын тұлға ретінде қалыптасуына ықпал етуді мақсатты түрде жүзеге асырады.

Мұрағат пен мұражай халықтың тарихи құнды жазбасымен жәдігерлерін сақтап болашақ ұрпаққа жеткізеді. Мұрағаттық зерттеулер нақты білімді, ғылыми дағдыларды, мұрағат материалдарына сүйенуге, мұражай қорларының жинағы, мұражай экспозициясы, мақсатты түрде ақпарат алмасуға, мұрағаттың барлық қырларын таныстыруға үйретеді.

Курс аясында білімгер «мемлекет», «мемлекеттілік» ұғымының пайда болуы мен даму тарихы, мемлекеттердің саяси басқару жүйесі туралы мағлұматтарды үйреніп шығады. Ежелгі түркілердің мемлекеттік тарихы - қазақ жеріндегі мемлекеттік тарихтың бастауы. Бұл курста Қазақстан территориясында өмір сүрген мемлекеттер тарихы мен олардың басқару жүйесі талданады.

АҚШ-пен КСРО бастамасымен құрылған «НАТО» және «Варшава Шартты Ұйымы» арасында «Қырғи қабақ» соғысының басталуы, аймақтық қайшылықтар, екі әлемдік жүйенің құрылуы, әскери экономикалық блоктар, қару-жарақ жарысы, соғыс пен бейбітшілік мәселелері, космосты бірге игеруге мақсат еткен жоспарларын анықтап, мемлекеттердің адамзат алдындағы жауапкершіліктерін түсінуге үйретеді.

Түркі тарихын дүниежүзі тарихының негізгі бөлігі ретінде зерттеу. Түркі халқының шынайы тарихын түсіндіруге мүмкіндік туғызу. Түркі халқының бірлігі мәселесін ұғындыру. Ежелгі және орта ғасырдағы түркі мемлекеттілігі мәселесін және олардың байланысы мен сабақтастығын түсіндіру.

Курс барысында білімгерлерді қарым-қатынас мәдениетіне, шешендік өнерге тәрбиелеу, оларға қазақ руханиятындағы зиялылықтың орнын түсіндіру, оның моральдық-психологиялық аспектілерін айқындау, болашақ мамандардың педагогикалық, академиялық адалдық принциптерінің негіздерін үйрету.

Білім алушы пәнді оқу барысында ХҮІІ-ХІХ ғасырдың басынан, бүгінгі ХХІ ғасырға дейінгі Азия және Африка, Араб елдерінің саяси және экономикалық тарихына қатысты негізгі білімді игеріп, ХХІ ғасыр жаһандық мәселелер тұрғысынан талдау дағдылары мен тарихи-сыни ойлау қабілетін арттырады.

Патшалы Ресейдің түрік елдерін жаулап отарлауы, орыс-түрік соғыстары, Наполеонға қарсы отан соғысы, Балқан саясаты, орыс-жапон соғысы, Ақпан және Қазан революциялары, КСРО-ның құрылуы, Сталиндік тоталитаризм, ЖЭС және аштық, ІІ. Дүниежүзілік соғыс және Қазақстандықтар, Хрущевтің «жылымығы», Тың-тыңайған жерлерді игеру, Экологиялық дағдарыстар, Брежневтік «тоқырау», Горбачевтің «қайта құру» саясаты және КСРО-ның тарқауын хронологиялық бірізгілік негізінде зерттеу мүмкіндігін береді.

Пән барысында ХҮІІІ ғасырдан бастап, ХХ ғасырға дейінгі қазақ даласында орыс отарлық саясатына қарсы азаттық көтерілістердің тарихи сабақтастығын анықтау, ұлт-азаттық көтерілістердің тарихнамасы және оның зерттелу деңгейі туралы мағлұматқа негізделген тарихи оқиғалар туралы жүйелі білімі мен сыни ойлау мүмкіндігі қалыптасады.

Тұран территориясында түркітілдес тайпалар өзіндік мәдени тұрғысынан ерекше өркениет қалыптастырды. Орхон-Енисей, Талас және Алтайдағы ескерткіштермен танысу, төл жазуымыздың мәнін түсіну, мағынасын ашу, тарихи дереккөзді тікелей оқып көне түркі жазбаларына талдау қабілетін меңгереді.

Қазақ интеллигенциясының қалыптасуының негізгі кезеңдері, ұлттық саяси элитаның ел тағдырына байланысты ұстанған позициясы, «Алаш» партиясы мен «Алашорда» үкіметінің құрылуы, Алаш қайраткерлерінің «Ұлттық бірегейлілік» және «Ұлттық рух» идеяларын меңгере отырып, болашақ мамандар тарихты оқытуда рухани құндылықтырға негізделген тарихи сананы қалыптастыруға бағытталған тарихи білім беруді үйренеді.

Отандық тарихты оқытуда басты көңіл идеялық тұғырды түсіндіруге аударылуы тиіс. Яғни дербес мемлекеттікті сақтау жəне дамыту жолындағы іс-əрекеттер тарихын, бүгінін, болашағын салыстыра оқыту. Ұлттық мүддеге қызмет етудің ұлы үлгілерін шын мəнінде көрсетіп берген тарихи тұлғалардың, мемлекет басқарушыларының тарихын, солардың өз еңбектерін талдап оқыту арқылы үйретеді.

Тарих- болған оқиғаларға фактілік және себеп-салдарлық негізде баға берсе, мәдениет, оқиғалар желісін өркениеттік, танымдық, өнер тұрғысынан әспеттейді. Білімгерлер бұл пәнді оқу барысында тарихи үдерістердің саяси және мәдени қырларын кешенді түрде бірізділікпен саралауды, тарихты оқытуда тұтастық концепциясын қолдануды үйренеді.

ХХІ ғасыр білім беру жүйесінде пайда болған қажеттіліктердің бірі -қашықтықтан оқыту. Ол адамның білім алуға және ақпарат алуға деген құқықтарын іске асыратын үздіксіз білім беру жүйесі, бұл жүйенің тиімді және сапалы жұмыс істеуі үшін оқыту-әдіс тәсілдерінің үнемі жетілдіріліп отыруы қажет. курс болашақ мамандардың қашықтан оқыту технологиясы бойынша білімін, біліктілігін арттыруға мүмкіндік береді.

Педагогикалық зерттеу жұмысы, оқытушылардың кәсіби қызметінің бір бағыты болып табылады. Болашақ мамандардың мақсатқа бағытталған зерттеушілік қабілеті мен дағдысын қалыптастыру және қажеттілігін ұғындыру курстың мақсаты болып табылады.

Қазақстанның тарихын зерттеуде археологиялық ескерткіштерден бөлек, батыс және шығыс тарихшыларының тарихи еңбектері маңызды. Дереккөздер мен тарихи білімдер ғылыми пән ретіндегі деректану мәселелерін, Орталық Азия тарихының тарихнамасы мен деректануы туралы дерек көздерін, сыни талдаудың әдістерін, зерттеушінің дерекпен жұмысының негізгі кезеңдерін, Орталық Азия тарихындағы тарихи сипаттамасына, сыни талдаудың әдістері үйрету.

Курс барысында, зерттеліп отырған мәселе бойынша тарихи ойдың түрлі бағыттарының теориялық-методологиялық принциптерін меңгеру; отандық және жалпы тарихты зерттеуде тарихи үдеріс заңдарын қолдана білу, сондай ақ зерттеу жұмысында теоретикалық және методологиялық құралдарымен өз бетінше және нақты жұмыс істеу дағдысын қалыптастырады.

Тарихи білімін қолдана отырып, қоғамдағы саяси және әлеуметтік-экономикалық құбылыстардың себеп салдарын талдауда сыни ойлау қабілетіне ие болады

Еуразия құрлығында орналасқан мемлекеттердің саяси және әлеуметтік тарихын оқытуда ХХІ ғасырдың ғаламдық мәселелері тұрғысынан талдап оқытуды меңгереді.

Қазақстан аймағындағы ежелгі және орта ғасырлық мемлекеттердің тарихын оқыту барысында, деректерді түп нұсқадан оқиды және тақырыпқа сай тарихи материал ретінде қолдана алады

Тарихты оқытуда компьютерлік сауаттылығын кәсіби мақсатта қолдануды жетілдіреді және «Е-learning» электрондық оқыту жүйесінде оқу-педагогикалық қызметін жүзеге асыруды меңгереді

Білімгерлердің бойында ұлттық және рухани құндылықтырға негізделген тарихи сананы қалыптастыруға бағытталған тарихи білім береді.

Басқарушы-ұйымдастырушылық қабілеттерін, психологиялық, пәндік және әдістемелік білім жүйесімен түсінігін кәсіби деңгейде практикада қолдануды және тарихты жас ерекшеліктеріне негіздеп оқыту әдістерін меңгереді.

Тарихи-мәдени дәстүрлерді насихаттауда тарихшы ретінде ғылыми ақпаратты жинауға, және талдауға, Қазақстан тарихын оқытуда тарихи тұтастық концепциясын қолдануды үйренеді

Мәдениетаралық коммуникативтік құзыреттіліктерін қалыптастыру арқылы өз ойы мен пікірін жеткізе білу, диалог құрудың дағдыларын қалыптастырады.

Қазақ ұлтының түркі халықтарымен тарихи сабақтастығы мен ХХІ ғасырдағы Қазақстанның сыртқы саясатында түркі дүниесінің алатын орнын анықтауды үйренеді.