6B01301 Бастауышта оқыту педагогикасы мен әдістемесі в Семей қаласының Шәкәрім атындағы университеті

Курс педагогтың кәсіби мәдениетінің негіздерін меңгеруге, Қазақстан Республикасының орта білім беру мазмұнын жаңарту контексінде тұлғалық және кәсіби өзін-өзі дамытудағы ізденісті дамытуға бағытталған. Мұғалімнің қызметіне құндылық қатынасы және олардың педагогикалық құзыреттілігін дамыту қалыптасады. Нормативтік құжаттарды, педагогтың құқықтары мен міндеттерін білуді көздейді. Курсты оқу барысында студенттер кәсіби педагогикалық қызметтің негіздерімен танысады.

Курс адамның анатомиясы мен физиологиясы, жас ерекшеліктері туралы түсінік қалыптастыруға мүмкіндік береді, жоғары жүйке қызметінің заңдылықтары және адамның жүйке жүйесінің функционалдық ерекшеліктері қарастырылады. Оқушылардың онтогенездегі психикалық және физиологиялық дамуы, жас ерекшеліктері мен дамуының негізгі заңдылықтары, психофизиологиялық нормаларды есепке алу негізінде баланың дамып келе жатқан тұлғасының маңызды психикалық ерекшеліктері туралы жүйелі түсінігін қалыптастырады.

Құқық негіздері және сыбайлас жемқорлыққа қарсы мәдениет, экономика, кәсіпкерлік және көшбасшылық, экология және тіршілік қауіпсіздігі саласындағы негізгі мәселелер мен қағидаттарды қамтитын интеграцияланған пән болып табылады. Нормативтік құқықтық актілерді пайдалану ерекшеліктері, Қоғамның іскерлік, этикалық, қоғамдық, экономикалық, кәсіпкерлік және экологиялық нормаларын пайдалана білу. Экологиялық-құқықтық, экономикалық, кәсіпкерлік қатынастардың, көшбасшылық қасиеттердің және сыбайлас жемқорлыққа қарсы күрес қағидаттарының ерекшелігі.

Пәннің мазмұны білім алушыларда педагогикалық ғылымның теориялық – әдіснамалық негіздері және кәсіби – педагогикалық іс-әрекеттің мәні туралы тұтас көзқарасты қалыптастыруға бағытталған. Курсты оқу білім беру ортасында тұтас педагогикалық процесті ұйымдастырудың мазмұны, принциптері, формалары мен әдістері туралы қажетті білімді қалыптастыруға мүмкіндік береді. Курсты оқу білім алушыларда оқу мен оқытудағы заманауи тәсілдерді сәтті жүзеге асыру үшін қажетті құзыреттерді қалыптастырады.

Курс оқу танымал мәдениеттің мазмұны, функциялары, түрлері, негізгі элементтері және оның педагогикалық әлеуеті туралы тұтас көзқарасты қалыптастырады. Білім берудің ұлттық дәстүрлерін, халықтық білім берудің ойлары мен тәжірибесін ескере отырып, білім берудің өзекті мәселелерін шешу дағдыларын игеруге ықпал етеді. Балалармен жұмыс жасауда халықтық білім берудің мәдени элементтері мен компоненттерін қолданудың практикалық дағдылары қалыптасады.

Пән тарихи фактілерді, Абай Құнанбайұлы, Шәкәрім Құдайбердіұлы шығармаларының идеялық-эстетикалық құндылықтарды қалыптастыратын философиялық-көркемдік негіздерін игерте отыра, студенттің өз пікірін айта білу, практикалық дағдыларды және адамгершілік, адалдық, көркем мінез сияқты адами қасиеттерді қабылдауды меңгертеді. Қазақ әдебиеті қаламгерлерінің данышпандық қырлары мен М.Әуезовтің Абай мұрасын зерттеу, насихаттаудағы рөлін, шығармаларының тарих, әдебиет, ғылым үшін маңызын айқындайды.

Пән мазмұны басқару қызметінің теориялық және ұйымдастырушылық-психологиялық мәселелерін қарастырады. Курс мазмұны білім беру мекемесіндегі педагогикалық ұжымды басқарудың ерекшеліктерін ашады. Курс педагогикалық үрдісті стратегиялық басқарудың деңгейлік жүйелерімен және теориялық тұжырымдамалармен таныстырады. Тақырыптардың мазмұны тиімді тұлғааралық қарым-қатынасты орнатудың аспектілерін, басқарушылық қызмет менеджерлерінің психологиялық ерекшеліктерін және олардың функцияларын сипаттайды. Білім алушылар ақпараттық-коммуникативтік психологиялық қызметтің басқарушылық қарым-қатынас техникасын меңгереді.

Пәннің мазмұны инклюзивті білім беру жағдайында педагогтарды жұмысқа даярлаудың теориялық негіздерін қарастырады. Білім алушылар инклюзивті білім беру жағдайында жұмыс істеуге педагог мамандарды даярлаудың міндеттерімен және жүйесімен танысады. Ерекше қажеттіліктері бар балалармен психологиялық – педагогикалық жұмыстың ерекшелігі жан-жақты ашылады. Курс "тьютер" (тәлімгер) ұғымының маңызды сипаттамасын аша отырып, білім алушыларды мұғалімнің инклюзивті ортадағы тьютерлікке (тәлімгерлікке) кәсіби – тұлғалық дайындығының ерекшелігімен таныстырады. Курсты оқи отырып, білім алушылар инклюзивті үдерісті жүзеге асыруды бағалау мониторингіне үйренеді.

Курс барысында студенттер инклюзивті білім берудің принциптері мен әдістемелік негіздері туралы білімдерін қалыптастырады. Ерекше қажеттіліктері бар балаларды психологиялық-педагогикалық қолдауға, инклюзивті білім беруді нормативтік-құқықтық қамтамасыз етуде туындайтын кедергілерді болдырмауға, сондай-ақ инклюзивті білім беру саласындағы ұйымдастырушылық және басқару құзыреттеріне қатысты заманауи талаптардың жаңа үлгілері туралы идеялар қалыптасады. Білім беру ұйымдарында мүмкіндігі шектеулі балаларды психологиялық-педагогикалық қолдау үлгілері туралы білімді меңгереді.

Курс білім алушыларды педагогиканың даму тарихымен және негізгі кезеңдерімен таныстырады. Ежелгі өркениеттің, ежелгі әлемнің, орта ғасырлардың, Қайта өрлеу мен жаңа уақыттың педагогикасы жан-жақты қарастырылады. Білім алушылар Я.А. Коменский, И. Г. Песталоцци, К. Д. Ушинский, А. С. Макаренко, Ы. Алтынсарин А.Құнанбаев және т.б. педагогикалық ғылымның негізін салушылардың педагогикалық ілімдерімен танысады. Курстың мазмұны қазіргі отандық және шетелдік педагогиканың жетекші даму үрдістерімен танысуды көздейді.

Пән болашақ маман - бастауыш сынып мұғалімдерін бастауыш оқытуда тәрбие жұмысын ұйымдастыруға және жүзеге асыруға даярлауға бағытталған. Оқыту теориясы мен әдістемесі бастауыш сынып мұғалімдерін кәсіби-педагогикалық даярлауда оқу пәні ретінде әрекет ете отырып, ол тәрбие үрдісін ұйымдастырудың теориялық негіздерін, оның заңдылықтары мен қағидаларын, мақсаттары мен мазмұнын, сондай-ақ тәрбие жұмысының әдістері, құралдары, формалары, шарттарын зерттейтін педагогиканың бөлігі болып табылады.

Пәннің мазмұны тәрбие жұмысының мақсаттарын, оның құрылымдық компоненттері мен ерекшеліктерін қарастырады. Курсты оқу барысында тәрбие теориясының мәні, формалары мен әдістері туралы теориялық және әдіснамалық білім, сонымен қатар отандық және шетелдік педагогикалық теория мен практикадағы тәрбие жұмысының заманауи тұжырымдамаларымен танысады. Заманауи технологияларды дамытуға ерекше көңіл бөлінеді.

Бұл пәннің мазмұны білім алушыға педагогикалық білім, дағдылар игеруге мүмкіндік беретін оқу-әдістемелік материалдар жүйесі болып табылады. Пәнді оқу барысында негізгі педагогикалық пәндердің білімі кәсіби өзін-өзі сәйкестендіруге ықпал ететін кәсіби педагогикалық дағдыларды игеру деңгейінде талданады. Оқу материалы болашақ мұғалімнің кәсіби құзіреттілігінің маңызды бөлігі ретінде қарастырылатын бастауыш мектеп жағдайында білім алушыны педагогикалық практикаға дайындайды

Курс балаларға арналған көркем әдебиетті оқу және талдау негізінде коммуникативті дағдыларды дамытуға бағытталған. Курсты оқу барысында студенттер балалар әдебиетін жалпы көркем әдебиетінің бір бөлімі ретінде зерттеп, қазақ/орыс/ ағылшын балалар әдебиеттерінің негізгі жанрлары мен тенденцияларымен танысады, сондай-ақ курс сыни тұрғыдан ойлауды дамытуға арналған әдеби және лингвистикалық мәтінді талдау жасау құрылымын қарастырады.

Курстың мазмұны жаратылыстануды оқытудың теориясы мен әдістемесінің мазмұны саласындағы теориялық білімді игеруге бағытталған. Пәннің оқу мазмұны көрнекі құралдарды пайдалану дағдыларын дамытуға және оларды дамыту қабілетіне бағытталған. Пәнді меңгеру нәтижесінде білім алушылар тірі және өлі табиғат объектілерімен танысу негіздерін ескере отырып, жаратылыстану пәні бойынша сабақтарды жоспарлауға және өткізуге, бақылаулар ұйымдастыруға, серуендер, экскурсиялар жүргізуге, эксперименттер жүргізуге үйренеді.

Курс барысында студенттер қазақ, орыс, шет тілдерін оқыту үдерісінің негізгі ерекшеліктерін теориялық және практикалық тұрғыда меңгереді. Тілдерді оқыту әдістемесінің қалыптасу және даму жолдарымен танысады. Қазақ, орыс, шет тілдері жүйесінің бастауыш мектепке арналған ғылыми курсы деңгейлерін оқыту әдістемесін, соның ішінде сауат ашу әдістемесі, тіл дамыту, фонетика, лексика, грамматиканы оқыту әдістемесін меңгереді. Бастауыш мектеп мұғаліміне қажетті практикалық дағды қалыптасады.

Музыка теориясы мен әдістемесі курсының мазмұны бастауыш мектеп жасындағы балалардың шығармашылық білім беру қызметін дамыту және оқытуды ұйымдастыру теориясы мен практикасын зерделеуге бағытталған. Осы курсты оқу барысында студенттер іс-әрекеттік музыкалық-эстетикалық тәрбие теориясымен танысады. Оқушылардың шығармашылық белсенділігімен тәрбие жұмысын ұйымдастырудың құралдары, принциптері, әдістері мен формалары зерттеледі.

Курс барысында студентте теориялық, әдістемелік, практикалық және зерттеушілік дағдылары қалыптасуы керек. Әр түрлі бастауыш сыныптарда балалардың табиғат туралы алдыңғы және жаңа қабылдаған білімдерін бағалау дағдыларына ие болады. Әдістемелік талаптарға сай студенттер әдістемелік жұмыстың әртүрлі формаларының конспектісін құрастырып және талдау жасау дағдылары қалыптасады. Әлеммен танысудағы әртүрлі жұмыс түрлерін ұйымдастыру және басқару арқылы бастауыш сынып оқушыларымен жұмыс атқара алады.

Бұл курс білім беру үрдісінде мониторинг пен диагностиканың маңыздылығын анықтайды. Педагогикалық диагностиканың мазмұны балаларды оқыту сапасын бақылау жүйесі ретінде ашылады. Пән диагностикалық әдістерді қолдану дағдылары мен іскерліктерін қалыптастыруға бағытталған. Білім алушылар жүйенің ерекшеліктерімен, құралдарымен, әдістерімен, мониторинг амалдарымен танысады. Білім алушы білім беру мекемесінің педагогикалық үрдісінде сынып жетекшісінің жұмысына диагностика жүргізу дағдыларын меңгереді.

Пәнді оқу барысында білім алушылар жаңартылған білім берудегі жаңа қадамдармен, сабақты жоспарлау түрлерімен танысады. Білім алушылардың оқу жетістіктерін критериалды бағалаудың әдістері мен тәсілдерін меңгереді. Жаңартылған білім берудің әдістемелік нұсқаушы қажаттарымен танысып, талдайды. Әр түрлі мемлекеттердегі бағалау жүйелеріне салыстырмалы талдау жасауға үйренеді. Курс студенттердің критериалды бағалау технологиясын меңгеруіне бағытталған және казіргі білім беру мазмұның ашады.

Психологиялық - педагогикалық кеңес беру курсын оқу барысында отбасылық кеңес берудің мазмұны, түрлері қарастырылады. Курс отбасылық психологиялық-педагогикалық кеңесті өткізу бағыттары мен нысандары бойынша білімді, іскерлікті және дағдыларды қалыптастыруға және дамытуға бағытталған, онда өз кезегінде әр түрлі жастағы балалардың жеке және жас ерекшеліктері ескеріледі, психологиялық-педагогикалық кеңес беру міндеттерін табысты іске асыру үшін қажетті педагог-кеңесшінің жеке және құзыреттілік сипаттамалары қаралады.

Математиканы оқыту әдістемесі пәні ең алдымен курстың мазмұны мен құрылысын ашады және оқу ісін қалай ұйымдастыру керектігін үйретеді. Бастауыш сынып үшін алгебра мен геометрияның элементтерін оқыту технологиясы, есептерді шешуге оқытып-үйрету, оқытудың әдіс-тәсілдері және құралдары мен қолданатын амалдар, қасиеттерімен таныстырады. Сонымен қатар математикадан сыныптан тыс жұмыстарда оқушылардың іс-әрекетін ұйымдастыру технологиясын үйретеді.

Курс сынып жетекшісінің жұмыс жүйесімен танысуға бағытталған. Білім алушылар жоспарлау дағдыларын меңгереді, ұйымдастыру тәсілдерін, сондай-ақ тәрбиелеудің стратегиялық жоспарын құру әдістерін, оқушылармен тәрбие жұмысының нысандарын меңгереді. Ата-аналармен жұмыс ерекшеліктері туралы білімін тереңдетеді. Курстың мазмұны студенттерді бастауыш сынып балаларымен сабақтан тыс және сыныптан тыс тәрбие жұмыстарын ұйымдастырумен таныстырады. Білім алушылар сынып жетекшісі жұмысының ерекшеліктері туралы білімін кеңейтеді.

Пән бастауыш сыныптарда көркем еңбекті оқыту әдістемесі бойынша дәрістер курсынан және мектепте әртүрлі материалдармен жұмыс жасаудың теориялық білімдерін бекіту үшін практикалық сабақтардан тұрады. Сабақ барысында алынған білім мен дағдылар студенттерге еңбек қызметінің әртүрлі салаларында шығармашылық жұмыстар жасауға мүмкіндік береді. Сондай-ақ, пән студенттерді педагогикалық және көркем білім саласында, өскелең ұрпақтың еңбек тәрбиесінің аспектілерін талдауға үйретеді.

Пән бастауыш сынып оқушыларының дене тәрбиесі бойынша мектеп курсының әдіснамалық негіздерін ашады. Дене тәрбиесін ұйымдастыру негіздерін және кіші оқушының қозғалыс әрекетінің құрылымын қалыптастыру заңдылықтарын қарастырады. Оқу процесін жоспарлау және реттеу технологиясы оқытылады. Жас ерекшеліктерін ескере отырып, дене шынықтыру сабақтарын ұйымдастыру және өткізу аспектілері түсіндіріледі. 1-4 сыныптарда дене тәрбиесіндегі профилактикалық жұмыстың және дене шынықтыру педагогикалық технологиясының негіздері берілген.

Пәннің мазмұны әдебиеттік оқу негіздерін оқытудың маңызды сипатын ашады. Курсты оқу барысында білім алушылар оқу сабақтарында көркем шығармамен жұмыс істеу барысында іскерлік пен дағдыны қалыптастыру жұмыстарының әдістемесімен танысады. Пәнді оқи отыра білім алушылар оқыту әдістемесін меңгереді, сонымен қатар әдебиеттік оқу оқулықтарындағы теориялық ұғымдар мен мәтіндерді талдауды үйренеді. Бұл курсты оқи отырып, білім алушы әдебиетті оқытудың әдістерімен, тәсілдерімен танысады.

Сыныптан тыс тәрбие нысаны қоғамның тарихи әлеуметтік-экономикалық жағдайларынан туатын объективтік процесс.Тәрбие процесінде және бос уақытын өткізуде бала өзінің дамуына қажетті жағдайларды пайдалануға тиіс. Табиғи және әлеуметтік орта оның көзқарасын дамытады. оқу-тәрбие процесін жан-жақты анализдеуде тиімді болып табылатын үздіксіз жүргізілетін зерттеу жұмысы арқылы алуға болады.

Пән бастауыш мектеп жасындағы балалардың логикалық жағынан дұрыс ауызша және жазбаша сөйлеу қабілетін дамытуға бағытталған. Оқыту нәтижесінде білім алушы негізгі сауаттылық, кәсіби сөйлеу мәдениетінің негіздерін игеру үрдісінде оқу мәселелерін шешу іскерлігін қалыптастырады. Білім алушылар бастауыш мектеп жасындағы балаларды оқу мен жазуға үйретудің заманауи әдістер мен технологияларын,құралдарынқолдануға үйренеді.Курсты оқу барысында білім алушылар балаларды сауаттылыққа үйретудің тұжырымдамаларымен танысып талдайды.

Пән мазмұнында жеке тұлғаның психологиялық ерекшеліктерін қалыптастырудағы отбасының әсер ету ерекшеліктері ашылады. Курс неке мен отбасының маңызды сипаттамаларын зерттейді. Білім алушылар қазіргі отбасының ерекшеліктерімен, оның түрлерімен, функцияларымен, құрылымымен және даму динамикасымен танысады. Отбасындағы жеке тұлғаны оң тәрбиелеудің формалары, әдістері мен қағидалары қарастырылады. Осы курсты игеру барысында, білім алушылар отбасының әлеуетін ескере отырып, тұлғаның рухани-адамгершілік, еңбек, дене және эстетикалық тәрбиесінің мазмұнын меңгеретін болады.

Курс педагогикалық зерттеулерде математикалық әдістерді қолданудың мәнін ашады. Математикалық статистиканы өңдеу технологияларымен танысады және практикалық қолдану дағдыларын игереді. Курстың мазмұны білім алушыларға педагогикалық зерттеу барысында математикалық әдістерді пайдаланудағы білімдері мен іскерліктерін жетілдіруге мүмкіндік береді. Модельдеу, бағдарламалау әдістерінің маңызды сипаттамалары, сондай-ақ деректерді сандық және сапалық өңдеу әдістері ашылады.

Пән "әлеуметтену"ұғымының мазмұндық аспектілерін ашады. Курс әлеуметтенудің негізгі әдіснамалық тұжырымдамаларын зерттеуге бағытталған. Әлеуметтенудің когнитивті, дамудың психоаналитикалық теориялары жан жақты қарастырылады. Білім алушылар әлеуметтенудің негізгі институттарының бірі ретінде отбасының сипаты және құрылымымен танысады. Пән әлеуметтендіру факторларын, отбасында балаларды әлеуметтендіру агенттерін зерттеуге бағытталған. Отбасындағы баланың жеке басын әлеуметтендірудің тетіктері мен кезеңдері, құралдары, өлшемдері мен нәтижелері жан-жақты қарастырылады.

Курс бастауыш сынып оқушыларын сауат ашу мен жазуға үйрету әдістемесінің психологиялық-педагогикалық негіздерін қарастырады. Курсты оқу барысында білім алушылар сауат ашуға үйретудегі іскерлік пен дағдының қалыптасу кезеңдерімен, сонымен қатар графикалық жазу дағдыларымен, сауат ашу сабақтарының типологиясымен, құрылымымен және мазмұнымен танысады. Білім алушылар оқу мен жазуды үйрену кезеңінде балаларға каллиграфиялық дағдыны қалыптастыру әдістерін меңгереді. Курста сабақтарды модельдеу әдісі жан-жақты қарастырылады.

Курс заманауи педагогикалық технологиялармен таныстыруды көздейді. Пәнді оқу барысында білім алушылар дамыта оқыту, модульдік оқыту, тұлғалық бағдарлық оқыту, деңгейлік саралау, сын тұрғысынан ойлау, мәселелік оқыту технологиясын тәжірибеде қолдануды үйренеді. Пән психологиялық-педагогикалық жаңа заманауи формалардың оқыту әдістерін, тәсілдерін, педагогикалық процестің ұйымдастыруың технологияларын камтиды. Студенттердің педагогикалық технологиялар туралы білімін кеңейтуге мүмкіндік жасайды. Курс заманауи технологиялар туралы біліммен қаруландырады.

Курс бастауыш сынып мұғалімдерінің біліктілігін арттыру жолдарын қарастырады. Пән білім алушыларға өздерінің психологиялық – педагогикалық білімдерін жетілдіруге, теория мен технологияны толықтыруға, сондай-ақ өзін-өзі жетілдірудің жаңа әдістері мен тәсілдерін меңгеруге мүмкіндік береді. Білім алушылар біліктілікті арттыру формаларымен танысады: мәселелер курстар, тренингтер, жеке жоспар бойынша оқыту, семинарлар, іс-тәжірибелер, шеберлік-кластары, коучингтер, портфолио құру, әдістемелік нұсқаулар әзірлеу.

Курс бастауыш сыныптарда жазбаша жұмыстарды ұйымдастырудың және жүргізудің ерекшеліктерін ашады. Курс барысында білім алушылар бастауыш сынып оқушыларын жазуға үйретуге арналған оқыту тұжырымдамасымен танысады. Пәннің мазмұнында жазуды оқытудың мақсаттары, міндеттері, қағидалары көрсетілген. Білім алушылар жазбаша жұмыс түрлерімен, мәтіндермен жұмыс істеу технологияларымен танысады. Білім алушылар бастауыш мектеп жасындағы балаларды жазуға оқыту әдістерін, нысандарын, тәсілдерін, құралдарын меңгереді.

Курс оқу – әдістемелік, оқу-тәрбие үрдісін жоспарлау мен ұйымдастырудың ерекшеліктерін қарастырады. Курстың мазмұны білім алушыларды сабақтың құрылымдық компоненттерімен, технологиялық карта құру, шағын жинақталған мектеп жағдайында кесте құру процесімен танысады. Оқыту негізінде шағын жинақталған мектеп жағдайында білім, іскерлік және дағдыларды бақылаудың түрлері мен нысандары қарастырылады. Білім алушылар сабақтардағы өзіндік жұмысты бақылау және бағалау саласындағы білімдерін кеңейтеді. Шағын кешенді мектепте оқыту әдістері мен әдістері қарастырылады.

Пән шағын жинақты мектептегі әртүрлі жастағы сыныптарда сабақ беру және жоспарлау ерекшеліктерін ашады, сондай-ақ жеке, топтық, жұптық, ұжымдық жұмыс түрлерімен таныстырады. Курсты оқу барысында білім алушы оқу, тәрбие жұмысын ұйымдастырудың дидактикалық қағидалармен, заңдылықтарымен және ережелерімен танысады. Білім алушылар шағын жинақты мектепте оқыту мен тәрбиелеудің педагогикалық технологиялары, әдістері, тәсілдері туралы өздерінің психологиялық және педагогикалық білімдерін кеңейтеді

Курс бастауыш мектепте әдістемелік жұмысты жоспарлау мен ұйымдастырудың ерекшеліктерін қарастырады. Курсты оқу барысында білім алушылар әдістемелік бірлестіктердің жұмыстарының құрылымы мен мазмұнымен, сондай-ақ әдіскерлердің функцияларымен танысады. Осы курсты оқи отырып, студенттер өзінің кәсіби құзыреттілігін дамытады, педагогикалық шеберлік деңгейін, педагогикалық қабілеттерін арттырады. Курсты игеру барысында әдістемелік жұмыс түрлері: педагогикалық кеңестер, практикумдар, педагогикалық оқулар, консилиумдар, тренингтер туралы өз білімдерін кеңейтеді.

Пән бастауыш мектепте ғылыми-зерттеу жұмыстарын ұйымдастырудың және жоспарлаудың ерекшеліктерін ашады. Курсты оқу барысында студенттер зерттеу дағдылары мен іскерліктерін жетілдіруге мүмкіндік алады. Бұл курс психологиялық – педагогикалық зерттеу әдістерін қолдануды жақсартуға, сондай-ақ зерттеу мәдениетін дамытуға арналған. Білім алушылар зерттеуді ұйымдастыру кезеңдерімен, диагностикалық құралдарды таңдаумен, библиорафиялық дереккөздер мен диаграммаларды, кестелерді, графиктерді құрастырумен танысады.

Курс қарастырылуда бастауыш мектеп әдіскерінің кәсіби және тұлғалық даму мазмұнының ерекшеліктері. Курсты оқу барысында студенттер әдіскердің педагогикалық қызметінің құрылымдық компоненттерімен танысады. Курсты оқытуда білім алушылар жаңа идеялар мен заманауи технологияларды іздеудегі біліктері мен дағдыларын жетілдіреді, педагогикалық тәжірибемен алмасады, авторлық бағдарламалар мен әдістемелік нұсқаулар құрастырады. Әдіскер қызметінің нормативтік-құқықтық негіздерін талдауды, сондай-ақ білім беру мекемелерінде педагогикалық процесті ұйымдастыруда алгоритм құруды үйренеді.

Оқу курсы материалының мазмұны білім берудегі заманауи тәсілдердің ерекшеліктерін зерттеуге бағытталған, олардың теориялық-әдіснамалық негіздері ашылады. Курсты оқу барысында студенттер білім беру ұйымдарындағы педагогикалық үрдісті ұйымдастырудың әртүрлі тәсілдерімен танысады. Оқу пәнінің практикалық бағыттылығы оқытудың интерактивті әдістерінің элементтерін дәрістік және практикалық сабақтарға қосуды көздейді: кейс-тапсырмалар, ми шабуылы, шығармашылық тапсырмалар, ұжымдық – шығармашылық істер әдісі және т. б.

Курстың мазмұны білім беру мен оқытудың мамандандырылған жеке әдістерін қажет ететін ерекше білім беру қажеттіліктері бар тұлғаның жеке тұлғасының мәнін, заңдылықтарын, даму бағыттарын қарастырады. Студент осы пәнді оқу үрдісінде тұлғаның жоғары деңгейдегі дербестігіне жету үшін кемшіліктерді түзетудің жаңа жолдарын талдайды. Сонымен қатар, олар ерекше білім беру қажеттіліктері бар тұлғаның әлеуметтік ортаға ену және даму ерекшеліктерімен танысады.

Курс каллиграфияны оқытудың ерекшеліктерін ашады. Білім алушылар оқу-тәрбие үрдісін дұрыс ұйымдастыруға және білім алушылардың оқу қызметін басқаруға үйренеді. Студенттер бастауыш мектеп жасындағы балаларды көркем жазуға үйретудің техникаларымен, әдістерімен, тәсілдерімен танысады. Білім алушылар балаларды көркем жазуға жаттықтырудың жаңа инновациялық технологиялары саласынан білімдерін тереңдетеді. Курс оқу үрдісінде балаларды каллиграфияға үйретудің теориялық және әдіснамалық тәсілдерін игеруге мүмкіндік береді.

Курстың мазмұны логопедияның генезисін, ғылыми-теориялық негіздерін, сөйлеу бұзылыстарының ерекшеліктері мен айырмашылықтарын, сонымен қатар балалардың жас және сөйлеу ерекшеліктерін қамтиды.Курсты оқу барысында студенттер түзету жұмыстарын ұйымдастыруды және басқа пәндер бойынша алған білімдерін кешенді түрде қолдануды меңгереді. Студенттер логопедиялық саладағы теориялық білімдерін практикалық іс-әрекетте қолдануды үйренеді, сонымен қатар білім беру ұйымдарындағы мұғалімдермен психопрофилактикалық жұмыста білімдерін кеңейтеді.

Пәннің мазмұны білім алушыларды сыни ойлау негіздерімен, әдіснамалық тәсілдерімен, жаңашыл педагогтардың жұмыс тәжірибесімен таныстырады. Мұғалімнің практикалық қызметінде сыни ойлау әдістерін қолдану ерекшеліктерін ашады. Пән мазмұнының ерекшеліктері сыни ойлау әдістері мен тәсілдерін қолдануда шығармашылық көзқарасты дамытуға бағытталған. Пәнді оқу барысында студенттер стратегиялары мен мазмұнымен, сондай-ақ оларды педагогикалық қызметте қолданумен танысады.

Курста психологиялық-педагогикалық диагностиканың мәні, функциялары, психологиялық-педагогикалық диагностика әдістерінің классификациясын әзірлеу негізінде диагностикалық құралдар кешені қарастырылады. Пәнді меңгеру барысында студенттер ерекше қажеттіліктері бар адамдардың мінез-құлқындағы психосоматикалық ауытқулардың ерекшеліктерімен танысады. Студенттер практикалық іс-әрекетте педагогикалық әсер ету әдістерінің, тәсілдерінің жиынтығын меңгереді. Коррекциялық педагогика мәселесі бойынша теориялық және әдістемелік тұжырымдамалармен танысады, олардың практикада қолданылуын талдайды.

Курс «педагогикалық этика» ұғымын сіңіруге ықпал етеді. Курстың мазмұны педагогикалық әдеп пен кәсіби мәдениет ұғымдарының арақатынасын ашады. Педагог қызметіндегі педагогикалық этиканың мәнін қарастырады. Пәнді оқу барысында студенттер педагогикалық мораль мен адамгершілік құндылықтардың негізгі категорияларының мәнін түсінеді, білім беру ұйым педагогының өзіндік педагогикалық және адамгершілік, этикалық мәдениетінің деңгейін арттыру мақсатында этикалық нормалар мен ережелер туралы білімдерін кеңейтеді.

Курс этикалық құндылықтарды құру жүйесінің ерекшеліктерін қарастырады. Кәсіби міндет - мамандық және мақсат ретінде курстың мазмұнын зерттеу негізінде жатыр. Студент деонтологиялық ғылымның негізгі ұғымдарын, деонтологиялық дайындықтың мәнін, әдіснамалық тәсілдерді, принциптерді, функциялар мен категорияларды зерттейді. Курстың мазмұны деонтологияның басқа ғылымдармен байланысын анықтауды қарастырады. Деонтологиялық мәдениеттің қоршаған шындықпен (отбасы, құрдастар, ұжым және т. б.) қарым-қатынасты құрудағы маңызы ашылады.

Курс мұғалімнің кәсіби өзін – өзі дамытуының психологиялық-педагогикалық аспектілерін ашады. Кәсіби өзін-өзі дамытудың негізгі тұжырымдамалық тәсілдері мен қалыптасу тарихы қарастырылады. Курстың мазмұны кәсіби және педагогикалық мансапты жоспарлау және жеке тұлғаны дамыту аспектілерін зерттеуді қамтиды. Кәсіби – педагогикалық іс-әрекет үрдісінде тұлғаның кәсіби деформациясы мәселесі жан-жақты ашылады. Білім алушылар мұғалімдердің кәсіби құлдырауының алдын – алу әдістерімен танысады, кәсіби және жеке өсу мен өзін-өзі дамытудың жеке бағдарламасын құруды үйренеді.

Курстың мазмұны бастауыш сынып оқушыларының сыныптан тыс жұмыстарының ерекшеліктерін ашады. Курсты оқу студенттерге мектепте білім беру және дамыту ортасын құруға үйретеді. Курстың мазмұны оқушыларды сыныптан тыс жұмыстарды ұйымдастырудың әртүрлі формаларымен таныстырады: жарыстар, олимпиадалар, сыныптан тыс оқу, факультативтер, үйірмелер. Білім алушылар сыныптан тыс оқытуды жоспарлау және ұйымдастыру техникаларымен, әдістерімен, тәсілдерімен танысады. Бастауыш мектепте сыныптан тыс жұмыстарды ұйымдастырудағы кеңесші, сынып жетекшісінің жұмысының ерекшелігі ашылады.

Пән отбасылық тәрбиенің психологиялық-педагогикалық негіздерін ашады. Отбасылық тәрбие шарттары, сондай-ақ отбасы мүшелері арасындағы қарым-қатынас мәселелері және оларды шешу жолдары жан-жақты қарастырылады. Білім алушылар отбасылық тәрбиенің негізгі қағидаларымен, ерекшеліктерімен, әдістерімен және ұстанымдарымен танысады. Курс ата-аналарды баланы тәрбиелеуге үйрету тұжырымдамаларын зерттеуге бағытталған. Білім алушылар отбасында ата – ана мен бала қарым-қатынасын қалыптастыру бойынша ғылыми негізделген ұсыныстарды әзірлеуді үйренеді.

Курс әлеуметтік және денсаулық жағдайына байланысты мүмкіндігі шектеулі балаларды педагогикалық қолдауды, білім сапасын арттыруды, дамытуды зерттеуді қарастырады. Пән мазмұны инклюзивті білім беруді ұйымдастырумен қамтамасыздандырылатын әдістерді, әдістемелерді әзірлеуді қарастырады. Студенттер инклюзивті білім беру жағдайында әдістемелік жұмыстарды жоспарлау және жүзеге асыру ерекшеліктерімен танысады, білімдерін тереңдете түседі, әлемдік білім беру кеңістігінде мәселені талдауды үйренеді.

Курс инклюзивті білім берудің психологиялық-педагогикалық аспектілерін ескере отырып, арнайы (түзету) білім беру ұйымдарында және арнайы мектеп-интернаттарда тәрбие жұмысын жүргізу, үйде оқыту, арнайы мектептерде, арнайы мекемелерде инклюзивті тәрбие жұмысын жүргізу ерекшеліктерімен таныстыруды қарастырады. Курстың мазмұны инклюзивті білім беруде тәрбие жұмысын ұйымдастыру мүмкіндіктерін ашады. Пәнді оқу барысында студенттер инклюзивті білім беру аясында оқу-тәрбие жұмысын жоспарлау және жүзеге асыру жолдарын меңгереді.

Курс әртүрлі кезеңдерде психологиялық және педагогикалық ғылымның пайда болуы мен дамуын қарастырады. Курсты оқу барысында білім алушылар Қазақстанның педагогикалық,психологиялық ғылымының пайда болуымен, сондай-ақ білім беру мен педагогикалық процесті дамытудың өзекті мәселелерімен танысады. Оқу материалы ұлы ойшылдардың, қоғам қайраткерлері мен ғалымдардың еңбектерін талдауға бағытталған. Білім алушылар кеңестік уақыт пен қазіргі Қазақстанның ғылыми зерттеулерімен танысады.

Курстың мазмұны мұғалімінің ұйымдастырушылық қызметінің мазмұнын қарастырады. Білім алушылар оқытудың ұйымдастырушылық нысандарымен және олардың қызметтермен танысады. Сондай-ақ білім беру үрдісі субъектілерінің жанама, тікелей өзара іс-қимылын орнатуда өз білімдерін кеңейтеді. Сабақтың кейбір маңызды бөлімдері оқытудың ұйымдастырушылық формасы ретінде жан-жақты қарастырылады. Курсты оқу барысында студенттер педагог-ұйымдастырушылардың жұмысын ұйымдастыру бойынша әдістемелік ұсыныстар жасауды үйренеді.

Пәнді оқып-үйрену барысында болашақ математика пәнінен сабақ беретін мұғалімдердің- студенттердің нақты білімдерін, практикалық дағдыларын қалыптастыру мен оны үздіксіз тексеру және олардың педагогикалық-кәсіби ой-өрісінің дамуына көмектесу болып табылады. Курс барысында студенттердің рационал және иррационал өрнектерді түрлендіру; көрсеткіштік-логарифімдік өрнектерді тұрлендіру; теңсіздіктерді дәлелдеу; тригонометриялық өрнектерді түрлендіру; тақырыптарына есептер шешу дағдыларын қалыптастыру болып табылады.

Курс арнайы тәрбие жұмысын ұйымдастыру технологиясын, арнайы білім беру жүйесінің даму тенденцияларын, инклюзивті білім берудің негізгі принциптерін, ерекше қажеттіліктері бар балаларды үйде қашықтықтан оқытуды ұйымдастыруды, қолдану және ұйымдастыруды қарастырады. түзету әдістері. Арнайы білім берудің әртүрлі салаларының жұмыс ерекшеліктерін жоспарлау және ұйымдастыру туралы білімдерін кеңейтеді. Арнайы білім беру ұйымдарындағы жұмысты реттейтін құқықтық құжаттарды талдайды.

Курста білім мекемелерде ата-аналармен жұмысты ұйымдастыру ерекшеліктері қарастырылады. Курс аясында студенттер балалардың ата-аналарымен жұмысты жоспарлау және ұйымдастыру әдістерімен, формаларымен, тәсілдерімен танысады. Курстың мазмұнын меңгеру барысында әдістемелік ұсыныстарды, оқу бағдарламаларын құрастыруды, психологиялық-педагогикалық кеңес беруді үйренеді. Олар: дөңгелек үстелдер, педагогикалық оқулар, конференциялар, дебаттар сияқты әртүрлі жұмыс түрлерін ұйымдастыру дағдыларын меңгереді.

Пән мұғалімнің практикалық жұмысындағы психологиялық – педагогикалық диагностиканың ерекшеліктерін ашады. Курстың мазмұны білім алушыларды психологиялық – педагогикалық диагностиканың негізгі кезеңдерімен, этикалық ережелерімен таныстырады. Бастауыш мектеп жасындағы балалардың жас, жеке ерекшеліктерін ескере отырып, негізгі диагностикалық құралдарды таңдау ерекшелігі жан-жақты қарастырылады. Курс мазмұнында танымдық үрдістерді, эмоциялық-еріктік саланы, жеке даму мен тұлғааралық қатынастарды, бастауыш мектеп жасындағы балалардың оқу жетістіктерін зерттеу әдістерін ашады.

Курс мазмұны заманауи мектеп үшін функционалдық сауаттылықтың өзектілігін зерттеуді көздейді. Студенттер "Академиялық" және "функционалдық сауаттылық"ұғымдарын саралайды. Бастауыш сынып балаларының академиялық сауаттылығын дамытуға бағытталған оқу-танымдық міндеттер жүйесі зерттелуде. Пән мазмұнында функционалдық сауаттылықты қалыптастыру және бағалау бойынша тапсырмаларды әзірлеудің дұрыс әдістері зерттеледі. Функционалдық сауаттылықтың барлық компоненттерінің сипаттамасы ашылады, оқу сабақтарын өткізу әдістемесі сипатталады.

Бастауыш білім берудегі нормативтік-құқықтық құжаттарды талдау дағдыларын меңгеру және бастауыш білім берудің өзекті мәселелері бойынша қажетті ақпаратты өз бетінше іздестіру және іріктеуді жүзеге асыру.

Әлеуметтік-мәдени, экономикалық-құқықтық, экологиялық білімдері мен коммуникативтік іскерліктерді көрсете білу, қоғамның қазіргі заманғы даму үрдістерін ескере отырып, ақпараттық технологияларды қолдану.

Жеке әдістемелерді оқытуда жаңа интеграцияланған тәсілдерді әзірлеу және жүзеге асыру.

Педагогикалық іс – әрекетте алған практикалық және теориялық білімдерін пайдалану және жасау.

Ата-аналармен педагогикалық өзара бірлескен іс-әрекетті жүзеге асыру, педагогикалық міндеттерді шешуде әртүрлі пәндік салалардан кіріктірілген білім дағдыларын қолдану.

Бастауыш мектеп жасындағы балалармен дамытушылық-түзету жұмыстарының мазмұнын, әдістері мен формаларын қолдану.

Оқушылардың жеке, физиологиялық және психологиялық ерекшеліктерін ескере отырып, оқыту мен критериалды бағалаудың заманауи технологияларын қолдану.

Бастауыш білім беру жағдайында біртұтас педагогикалық процестің жаңа әдістемелік тәсілдерін тәжірибеге еңдіру.

Педагогикалық үдерісте заманауи және инновациялық технологияларды пайдалануда жүйелі дағдыларды көрсету.

Ересек мектеп жасына дейінгі баланың мектептегі білім беру жағдайына дайындығы тұрғысынан қазіргі заманғы мектепке дейінгі және бастауыш білім берудің сабақтастығы саласындағы кәсіби білімдерін көрсету.

Педагогикалық іс-әрекетке талдау жүргізу және оның нәтижелерін педагогикалық процесте жүргізу.