6B01701 Қазақ тілі мен әдебиеті в Сәрсен Аманжолов атындағы Шығыс Қазақстан мемлекеттік университеті

Пәннің мақсаты болашақ білім беру саласы қызметкерлерін филологиялық пәндерді қашықтықтан оқыту жағдайында тиімді меңгертудің теориялық-әдістемелік ерекшеліктерімен таныстыру. Пән қашықтан оқыту жағдайында мектепте тіл мен әдебиетті оқытудың ерекшеліктері туралы тұтас түсініктерді қалыптастыруға, қазіргі мектепте білім алуға социобихеиористік және іс-әрекеттік тәсілдерді меңгертуге, қашықтықтан оқытуды есепке ала отырып, сабақтарды әзірлеу дағдысын қалыптастыруға бағытталған.

Пәннің мақсаты қазақ әдебиеті тарихы, оның ішінде ежелгі дәуір әдебиеті жөнінде жүйелі білім беру болып табылады. Пәнде қазақ әдебиеті тарихын дәуірлеу мәселелері, сақтар мен ғұндардың дастандары, ислам дәуірі әдебиеті, Алтын Орда кезіндегі әдеби шығармалар, тарихи шежіре мен көркем шежіре түрлері, әдеби шығармалардың зерттелуі, идеялық мазмұны мен түрлі нұсқалары қарастырылады.

Пәннің мақсаты қазақ әдебиеті сынының даму, қалыптасу кезеңдерін, әдеби сынның негізін салушылар мұрасын меңгерту. Пән әдеби сынның әлеуметтік, эстетикалық міндеттерін, әдебиет теориясының өзіндік болмысын, методологиясын, мектептерін, қазіргі ғылыми ағымдарды, эстетикалық ойдың даму кезеңдерін, көркем әдебиеттің табиғатын, автор, кейіпкер, шығарма, шығармашылық әлемін, әдеби тек, жанр, әдеби процесс, стиль мәселелерін игертуге бағытталған.

Пәннің мақсаты –білім алушылардың ерекше білім беру қажеттіліктерін ескере отырып, оларды оқыту, тәрбиелеу және дамыту туралы түсініктерді, диагностикалық технологиялар мен ерекше білім беру қажеттіліктері бар балаларды оқыту әдістері туралы білімдер жүйесін қалыптастыру. Пән білім алушының ерекше қажеттіліктерін ескеретін кедергісіз дараланған білім беру инклюзивті ортасын құру үшін ұйымдастырушылық-басқару, тәрбиелік, әлеуметтік-педагогикалық, мәдени-ағартушылық дағдылар мен дағдыларды қалыптастыруға бағытталған.

Пәннің мақсаты білім алушыларда тілдің пайда болуының, дамуының, жұмыс істеуінің жалпы заңдылықтарын қалыптастыру. Курс лингвистикалық білім парадигмасының ерекшеліктерін ашуға, тілді белгілер жүйесі, адами қарым-қатынас, ойлау құралы ретінде зерттеуге бағытталған. Білім алушылар тіл туралы тұтас, тарихи қалыптасқан функционалдық білім ретінде идеялар жүйесін қалыптастырып, тілді сипаттау тәсілдерін зерттейді, әртүрлі лингвистикалық мектептерді салыстырады.

Пәннің мақсаты классикалық шетел әдебиетінің негізі болып табылатын Батыс пен Шығыстың көркем шығармалары арқылы мәдениетін түсіну, әлемдік шығармашылықтың негізгі тенденцияларымен танысу. Пән ежелгі (антикалық), ежелгі классикалық әдебиеттің, орта ғасыр әдебиетінің, қайта өрлеу дәуіріндегі әдебиеттің, ХІІ-ХХ ғғ. әлемдік әдебиеттің даму кезеңдерін, Испания, Италия, Франция, Англия, АҚШ, т.б. елдердің ақын-жазушыларының шығармашылығын қарастырады.

Пәннің мақсаты қазақ хандығы кезіндегі әдебиеттің дамуын, жыраулар мұрасының мазмұндық-тақырыптық сипатын, қазақ ақын - жырауларының шығармашылығын, толғау жанрын қарастырып, меңгеру болып табылады. Пәннің мазмұны жыраулар мен ақындар мұрасының көркемдік ерекшеліктерін, Асан қайғы, Қазтуған, Шалкиіз, Доспамбет, Жиембет, Марғасқа, Тәтіқара, Үмбетей, Ақтамберді, Бұқар жырауларының және Шал, Көтеш ақындарының өмірі мен шығармашылығын қарастырады.

Пәннің мақсаты мұғалімнің және оның кәсіби іс-әрекетін одан әрі жетілдіруде, ақпараттық сауаттылықты қалыптастыруда теориялық дағдыларды меңгеруде маңызды рөл атқаратын мұғалімнің электрондық портфолиосы туралы білім алушыларда білім жүйесін қалыптастыру. Басқа мұғалімдермен, білім алушылармен және оқу үдерісінің басқа қатысушыларымен желілік мәдениет, сонымен қатар практикалық құзыреттіліктерді меңгеру, шығармашылық жетістіктерін көрсету, мұғалімнің озық тәжірибесін тарату.

Пәннің мақсаты қазақ тілін ғылым ретінде оқыту әдістемесін, қазақ тілі әдістемесінің тарихи дамуын меңгеру болып табылады. Пәнді оқыту барысында қазақ тілін коммуникативтік іс-әрекет тұрғысынан оқыту қарастырылып, фонетика, орфоэпия, графика, лексика, сөзжасам, морфология, синтаксис, орфография, пунктуация, байланыс тілін дамыту әдістемесінің негіздері беріліп, орта мектепте қазақ тілін оқытудың негізгі бағыттарын, әдіс-тәсілдерін игереді.

Пәннің мақсаты жазушының көркем әлеміне аумақтың кеңістіктік және тарихи-қарқынмен ерекшелігінің әсерін зерттеуге бағытталған. Пән әдеби тұрмыс фактілерімен және әдеби орта ерекшеліктерімен, мәдени аумақ феноменімен таныстырып, Шығыс Қазақстан әдеби мәтінінің типологиялық доминанттарын, аймақтық әдебиеттің көркемдік әлемін анықтауға, аймақтық мәтіндердің аймақтық бірегейлігі мен қайталанбас даралығын шығармашылық тұрғыдан модельдеуге үйретеді.

Пәннің мақсаты жеке лингвистикалық пәндерді оқыту үшін қажетті ұғымдық-терминологиялық базаны қалыптастыру болып табылады. Пән тілдік цикл пәндерін меңгерудің теориялық-әдіснамалық базасы болып табылады және әлем тілдерін жүйелеу қағидаларын, тілдердің шығу тегі мен өзара әрекеттесуін, дамуын, қызметін, тілдің таңбалық, құрылымдық және жүйелік қасиеттерін, ғылымдағы орнын, жазу және оның даму кезеңдерін оқытуға бағытталған.

Пәннің мақсаты әдебиеттану құрылымын зерттеу. Пәннің мазмұны әдеби шығарма туралы ілімді, шығарманың мазмұнын, тақырыбын, проблемасын, идеясын, шығарманың формасын, сюжетін, композициясын, пәндік әлемін, авторды ұсыну тәсілдерін, шығарманың тілін, әдеби процесті, әдістерді, бағыттарды, текті, жанрларды, көркемдік құралдарды, стильдерді қарастырады. Көркем шығарманың тақырыптық-көркемдік, идеялық ерекшеліктерін талдауды меңгереді.

Пәннің мақсаты – білім алушыларда ғылыми зерттеулердің негіздері, ғылыми-зерттеу жұмыстарын орындау үшін қажетті ғылыми танымның негізгі тәсілдері мен әдістері туралы білім жүйесін қалыптастыру. Пән ғылыми зерттеулердің принциптерін, заңдарын, нысандарын зерделеуге және зерттеу әдістерін таңдау, іске асыру, зерттеу процесін ұйымдастыру технологияларын қолдану, талдау, жалпылау, ғылыми зерттеу нәтижелерін ресімдеу дағдыларына бағытталған.

Пәннің мақсаты - болашақ мұғалімнің әдістемелік мәдениетін және кәсіби құзыреттілігін, өз бетінше ойлануын қалыптастыру. Пән жаңартылған білім беру бағдарламасын, білім беру ортасын ұйымдастыру әдістерін, білім алушылардың дамуының психикалық және психофизиологиялық ерекшеліктері негізінде оқу және тәрбие процесін жүзеге асырудың әдістерін пайдалануға мүмкіндік беретін оқыту мен тәрбиелеудің инновациялық педагогикалық технологияларын пайдалануға бағытталған.

Пәннің мақсаты білім алушыларда фольклористика ғылымы туралы толық теориялық білімді қалыптастыру. Пән мазмұны фольклористиканың қалыптасу тарихын, даму кезеңдерін, негізгі принциптері мен жетістіктерін, фольклористиканың өзекті мәселелерін зерттей келе, фольклордың ұлттық ерекшеліктерін, жіктелуін, фольклорлық жанрлардың теориясы мен поэтикасын және оның қазіргі жағдайын, фольклорды жинау, өңдеу мен сақтау мәселелерін қарастырады.

Пәннің мақсаты білім алушыларда экология негіздері және қауіпсіз тіршілік ортасы туралы білім жүйесін қалыптастыру болып табылады. Пән халықты табиғи және техногендік сипаттағы қауіптердің ықтимал салдарларынан қорғау бойынша экологиялық ойлау, болжау және төтенше жағдайлар кезінде дұрыс шешімдер қабылдау дағдыларын, адам қызметінің қауіпсіздігі мен қолайлы жағдайларын қамтамасыз ету әдістері мен құралдары туралы білімді қалыптастыруға бағытталған.

Пәннің мақсаты білім алушыларда қазақ (орыс) орфографиясы мен пунктуациясының ұғымдары, қағидаттары мен нормалары туралы тұтас түсінік қалыптастыру. Пән аясында орфографиялық принциптер, жазу ережелері және қазіргі қазақ (орыс) тіліндегі тыныс белгілерін қою, неғұрлым күрделі орфограммалар мен пунктограммалар оқытылады, сауатты жазу және өзін-өзі бақылау дағдылары, оқу тілінде ақаулы мәтіндерді редакциялау дағдылары жетілдіріледі.

Пәннің мақсаты – болашақ мамандардың құқықтық мәдениеті мен саналы парасаттылығын қалыптастыру. Пән білім алушыларды әлеуметтік процестерді құқықтық реттеудің негізгі жолдарымен, мемлекетті, экономиканы басқарудағы, құқықтық тәртіп пен ұйымдастыруды қамтамасыз етудегі құқықтың рөлімен таныстыруға, сыбайлас жемқорлыққа қарсы іс-қимыл бойынша білім мен болашақ кәсіби қызметтегі осы құбылысқа қатысты азаматтық ұстанымды, дағдыларын қалыптастыруға бағытталған.

Пәннің мақсаты - Қазақстанда және шет елде әртүрлі кезеңдерде білім беру жүйелері туралы түсініктерін қалыптастыру. Пән тәрбие мен білім берудің әдістері, формалары, құралдары, принциптері, инновациялық технологиялары, стратегиялары, бағалау критерилері, ынтымақтастық ортасын құру тәсілдері, оқу және тәрбие қызметін модельдеу және басқару, оны әдістемелік сүйемелдеу, мониторингті жүзеге асыру туралы теориялық білім беруге бағытталған.

Пәннің мақсаты тіл білімінің тарихы, тіл теориясы туралы теориялық білім беру. Пәннің мазмұны көне заманнан қазіргі кезге дейінгі лингвистикалық көзқарастарды, мектептер мен әдіс-тәсілдерді, тілдің табиғатын, дыбыстық тілдің шығуын, тілдің ішкі құрылымы мен жүйесін, қызметін, тілдің дамуын (глоттогоника), тілдердің өзара әсерлерін, таңбалық сипатын, тіл және қоғам арақатынасын, ой-сана қатынасын меңгеруге бағытталған.

Пәннің мақсаты білім алушыға қазіргі қазақ тілі фонетикасы саласы бойынша жүйелі теориялық білім беру. Пән тіл дыбыстарының пайда болуын, дауысты, дауыссыз дыбыстардың артикуляциялық жіктелуін, дыбыстардың акустикалық жіктелуін, фонетиканың сегменттік және суперсегменттік бірліктерін, позициялық, комбинаторлық фонетикалық үрдістерді, тарихи және тірі дыбыстық алмасуларды, фонологиялық жүйені, фонологиялық мектептерді, орфоэпияны, графиканы, орфографияны оқытуға бағытталған.

Пәннің мақсаты әдеби аударма ғылымының қалыптасу тарихы мен зерттелуі, әдеби аударма нормалары, көркем аударманы зерттеу тәсілдері және аударманы әдеби тұрғыдан бағалау шарттары туралы теориялық білім қалыптастыру болып табылады. Пән әдеби аударманың теориясын, әртүрлі концепцияларды, заңдарды, аударма практикасының тәсілдерін, міндеттері мен рөлін, көркем аударманың ерекшелігін, қазіргі жағдайдағы аударма қызметінің ерекшеліктерін игертеді.

Пәннің мақсаты – білім алушылардың академиялық жазу саласындағы білім жүйесін, академиялық жанрлардың ерекшеліктерін, ғылыми мәтіндерді жазу ережелері мен принциптерін қалыптастыру. Пән әртүрлі көздерден алынған ақпаратты синтездеу және талдау дағдыларын қалыптастыруға және дамытуға, өз идеяларын құрылымдық түрде баяндауға, ғылыми жұмыстың ерекшеліктерін ескере отырып, ғылыми және академиялық жанрдың әртүрлі мәтіндерін құра білуге ​​бағытталған.

Пәннің мақсаты ХІХ - ХХ ғ. бас кезіндегі ұлттық сөз өнерінің даму ерекшеліктерін, діни-ағартушылық, ағартушы-демократтық бағыттағы ақын-жазушылардың шығармашылығын меңгерту. Пән мазмұнында ұлт-азаттық қозғалысына байланысты шығармалар, әдеби дәстүр, жаңа тақырыптық-идеялық, көркемдік-идеялық ізденістер сипаты, әдеби бағыттар, ағымдардың әдеби процеске әсері, жанрлардың дамуы, түрлі стильдер, әдеби заңдылықтар туралы ойлар, реализм, романтизм тәрізді көркемдік әдістер қарастырылады.

Пәннің мақсаты әдебиеттің сөз өнері әрі ғылым ретіндегі ерекшелігіне сүйене отырып, оны халқымыздың көркем тарихы дәрежесінде оқып-үйрету болып табылады. Пәннің негізгі мазмұны жаңартылған білім мен заманауи сабаққа қойылатын негізгі талаптарды, әдебиетті оқытудың әдіс-тәсілдерін, көркем шығарманы жанрлық ерекшеліктеріне қарай оқытуды, әдеби жазу жұмыстары мен оның түрлерін игеруге негізделген.

Пәннің мақсаты қазіргі әдеби процесс, тәуелсіздік кезеңіндегі қазақ әдебиеті, ұлттық идея, әлемдік жаһандану, Тәуелсіздік жылдардағы проза, поэзия, драма жанрларының дамуын қарастыру. Қазіргі әдебиеттегі повесть-хикаяттар, әңгіме жанры, поэмалар, мемуарлық, естелік көркем проза, деректі әдебиет, қазіргі әдеби сын, Тәуелсіздік кезеңіндегі әдебиеттану ғылымы, әдебиеттегі жаңа бағыт-бағдар (модернизм, постмодернизм, экзистенциализм, т.б. ағымдар) мәселелері игеріледі.

Пәннің мақсаты қазақ тілінің тарихи лексикалық қорын, құрамын, толығу жолдары мен жүйесін, тіл тарихының қалыптасу, кемелдену жолындағы фонетикалық өзгерістердің рөлін қарастыру. Этимологиялық және этнолингвистикалық ерекшеліктерді, грамматикалық құрылымындағы тұлғалық және қызметтік, мағыналық өзгерістерді, қазақ әдеби тілі тарихының қалыптасу, даму кезеңдерін, әдеби тіл нормалары мен оның түрлерін ғылыми негіздеп кешенді түрде қарастырады.

Пәннің мақсаты қазақ тілі мен әдебиетін оқытуда қазіргі технологияларды қолданудың теориялық және әдістемелік негіздерін меңгерту. Пән Қазақстандық білім беру жүйесінде соңғы уақытта қолданыста жүрген жеке тұлғаны дамыту, проблемалық оқыту, СТО, АКТ, аксиологиялық, ұжымдық оқыту т.б. инновациялық технологияларды, олардың теориялық негіздері мен әдіснамасын қазақ тілі мен әдебиеті сабағында қолданылу ерекшеліктерін қарастырады.

Пәннің мақсаты синтаксис ғылымының пайда болу, даму, зерттелу тарихын, негізгі салаларын, сөздердің байланысу амалдарын, формаларын, сөз тіркесі жəне сөйлем құрылысының негіздерін, сөйлемдердің қатысымдық қызметін, синтаксистік тұлға мәселелерін, лингвистикалық стилистика бағыттарының негізгі ұғымдарын, функционалдық стильдер, тіл деңгейлерінің стилистикалық мүмкіндіктерін қарастыру. Күрделі сөйлемнің бөліктері арасындағы синтаксистік, стилистикалық байланысты білдіру құралдарын зерттеуге бағытталған.

Пәннің мақсаты білім алушылардың риторикалық сөйлеу шеберлігін, мәдени сөйлеу қабілеттерін қалыптастырып, меңгерту. Пән тілдік құзіреттілікті қалыптастыру негізінде сөздік қорды дамытып, күнделікті педагогикалық қызметте тәжірибе жинақтаушы ретінде өзінің сөзсаптау шеберлігін қалыптастырып, әр түрлі стильдегі жеке мәтіндерді құрастырудың, аудитория алдында психологиялық қарым-қатынас орнатудың түрлі әдіс-тәсілдерін меңгеріп, сөз сөйлеу мәнерін игеруге бағытталған.

Пәннің мақсаты экономика негіздері мен кәсіпкерлікті қалыптастыру болып табылады. Пән кәсіпкерлік қызметтің даму тенденциясы мен рөлін, бизнесті жүргізудің ұйымдастырушылық және қаржылық негіздері мен кәсіпкерлікті аспаптық қолдауды, кәсіпкерлікті мемлекеттік реттеу, өміртіршілігінің әртүрлі салаларында экономикалық білім мен экономикалық ғылымдардың әдістерін қолдануға, кәсіпкерлік қызмет саласында оңтайлы ұйымдастырушылық-басқарушылық шешімдер қабылдау қабілетін дамытуға бағытталған.

Пәннің мақсаты – мұғалімнің цифрлық сауаттылығын ең маңызды өмірлік және кәсіби дағды ретінде, құрамдас бөліктерді, көрсеткішті, стратегиялық тәсілдер, мұғалімнің цифрлық сауаттылығының қағидаттары, әлеуметтік сала және мобильді педагогика, сонымен қатар цифрлық құзыреттілік – өзіндік оқу мазмұнын, оқушылардың цифрлық қауіпсіздік мүмкіндіктері мен қағидаттарын құру сауаттылығына бағытталған.

Пәннің мақсаты білім беру саласы қызметкерлерінің мамандық бойынша пәндерді оқыту барысында қашықтықтан оқытудың әртүрлі платформаларын пайдалана отырып, оқытудың әдіс-тәсілдерін жетілдіруі болып табылады. Пән қазіргі мектепте филологиялық пәндерді оқытуда платформаларды қолдану дағдысын қалыптастырады; Classroom, YouTube, iSpring Learn, ZenClass, Etutorium және т.б. қашықтықтан оқыту платформаларының артықшылықтары мен кемшіліктері талданады.

Пәннің мақсаты жаңартылған білім беру аспектісінде әдебиеттің тарихын одан әрі зерделеу үшін қажетті ұғымдар мен терминдерді қамтитын теориялық білім жүйесін қалыптастыру. Әдеби бағыттағы көркем мәтіндерді тек, жанр және көркем образ деңгейінде талдау тәсілдерін зерттейді, мектепте әдебиетті оқытудың озық тәжірибесімен мәтінді талдау, түсіндіру бойынша теориялық мәліметтерді білуді интеграциялау дағдыларын қалыптастырады.

Пәннің мақсаты Абайтану ғылымы мен қазіргі қазақ әдебиетінің рухани байланысын ғылыми негізде пайымдау болып табылады. Пәннің мазмұны қазіргі абайтанушы ғалымдардың ақын шығармаларын зерттеу, жинақтау, жариялау, насихаттау турасындағы жұмыстарын, әдеби орта, Абайдың ақындық ортасы, ақындық мектебі, ақын шәкірттері және Абай мен аға буын арасындағы рухани жақындастық мәселелерін қарастырады.

Пәннің мақсаты өзімізге туысқан түркі халықтары әдебиетінің ақын-жазушылары шығармашылығының қыр-сырымен, қалыптасу кезеңдерімен танысу болып табылады. Пән түркі, оғыз қағанаты дәуіріндегі әдеби шығармаларды, түркі жазба жәдігерліктерін, олардың зерттелуін, идеялық мазмұнын, ХІ-ХІІ ғ.ғ. қыпшақ әдебиетін, Хорезми дәуіріндегі әдеби мұраларды, сондай-ақ тарихи тақырыптарға жазылған көркем шежірелердің әдебиет тарихындағы орнын саралауға бағытталған.

Пәннің мақсаты жалпы теориялық лингвистика негіздерін, тілдердің шығу тегі, дамуы мен қолданылуының негізгі заңдарын меңгерту болып табылады. Пән жеке лингвистикалық пәндерді оқыту үшін қажетті ұғымдық-терминологиялық базаны қалыптастыруға бағытталған. Пәнді оқу барысында білім алушылар тілдердің шығу тегін, өзара әрекеттесуін, тілдің құрылымдық және жүйелік қасиеттерін, оның даму кезеңдері мен жазу принциптерін игереді.

Пәннің мақсаты білім алушыларға көркем шығарманы терең, жете түсіну үшін оны талдаудың түрлерін жетік меңгертіп, көркем туындының шынайы табиғатын танытуда теориялық білім беру. Пән көркем мәтінді талдау үшін қажетті практикалық және кәсіби-теориялық дағдыларды қалыптастыруға, талдаудың негізгі аспектілері мен тәсілдерін, кешенді талдаудың ерекшеліктерін, мәтінді ғылымдар тоғысында қарастыруға бағытталған.

Пәннің мақсаты білім алушылардың сөйлеу дағдыларын қалыптастыру, әртүрлі жанрдағы медиа мәтіндерді құру. Пән тұжырымдамалықты, тілдік экспрессивтілікті ескере отырып құрылған медиариторикадағы дәлелдеу стратегияларын, болашақ маманға білім беру мазмұнын жаңартуды ескере отырып, ауызша іс-әрекеттің технологиялық жаңа түрлерін игеруге мүмкіндік беретін коммуникативті тактиканы құру үшін қажетті сөйлеу этикеті, риторикалық этика категорияларын игеруге бағытталған.

Пәннің мақсаты заманауи мектептің өзгермелі жағдайларында білім алушыларды тәрбиелеудің нәтижелілігін, білім беру мен оқытудың сапасын қамтамасыз ететін кәсіби құзыреттіліктерді жетілдіру, қалыптастыру болып табылады. Пән әртүрлі типтегі сабақтарды, сыныптан тыс іс-шараларды жоспарлауға, жобалауға, білім алушылардың субъективті іс-әрекетін ұйымдастыруға, оқу және тәрбие процесінің әртүрлі кезеңдерінде осы қызметті басқаруға, өз қызметін де, білім алушылардың қызметін де талдауға және бағалауға бағытталған.

Пәннің мақсаты тілдік қатынас теориясының пайда болу және даму негіздерін, зерттелу тарихын, сөйлесім әрекеті мен оның түрлерін, тілдік қатынастың әдістемесін, қатысым әдісі арқылы қазақ тілін оқыту мәселелерін, қазіргі коммуникативистиканың базалық ғылыми аппаратын, коммуникацияны зерттеу әдістерін зерделеуге бағытталған. Коммуникацияның қазіргі теориясындағы қолданбалы зерттеулердің негізгі бағыттарын, вербалды, бейвербалды коммуникацияның прагматикалық дағдыларын қалыптастырады.

Пәннің мақсаты қазақ әдебиетінің 1920 жылдардан бүгінге дейінгі даму деңгейін қарастыру болып табылады. Пәннің мазмұны әдеби жанрлардың түрі мен мазмұнын, прозалық, поэзиялық, драмалық туындылардың тақырыбы мен идеясын, көркемдік дәрежесін, мазмұнын, ақын-жазушылардың қаламгерлік шеберлігін, шығармашылық жолын, дүниетанымын, қазақ әдебиетіндегі өзіндік орнын, көркем шығармалардың мазмұндық-тақырыптық, жанрлық-көркемдік, идеялық-құрылымдық ерекшеліктерін, Тәуелсіздік кезіндегі әдебиетті қарастырады.

Пәннің мақсаты – инновациялық технологиялармен, құралдармен, нысандармен, жолдармен, әдістермен, әдістемелермен, стратегиялармен және оқыту құралдарымен, сапалық және сандық бағалау көрсеткіштерімен, инновациялық бағалау тенденцияларымен және оларды оқу-тәрбие қызметінде практикалық қолданумен таныстыру. Пән іс-әрекеттің мазмұны мен түрін дамытуға, бағалау нәтижелерін қадағалауға, талдауға, рефлексия жүргізуге бағытталған.

Пәннің мақсаты тіл білімінің сөзжасам, морфология салалары, тілдік элементтердің құрылымдық ерекшеліктері туралы теориялық білім қалыптастыруға бағытталған. Пәннің мазмұны тілдің сөзжасамдық жүйесі бірліктерін, сөзжасам заңдылықтарын, амал-тәсілдерін, сөздердің жасалу жолдарын, сөзжасам арқылы жасалған туынды сөздерді, олардың түрлері мен мағынасын, сөз таптарының сөзжасамын, сөздің грамматикалық қасиеттерін, сөз таптарының жіктелуін, лексика- грамматикалық категорияларын қарастырады.

Пәннің мақсаты білім алушыларға фольклорлық мұраларды терең, әрі жан-жақты таныстыру болып табылады. Пәннің мазмұнында қазақ ауыз әдебиетінің түрлері, жанрлық формалары, жіктелуі, принциптері, халық поэзиясы ұғымдары, фольклор табиғаты, өмір сүру заңдылықтары, фольклор және ұлт тарихы, қазақ фольклорының зерттелу тарихы, фольклортану ғылымының тарихы, ауыз әдебиеті мұраларының мәтіні, олардың идеялық-эстетикалық құндылықтары қарастырылады.

Пәннің мақсаты білім алушыларға лексикологияның ғылыми мазмұны мен көлемі, түрлі теориялары туралы теориялық білімді меңгерту. Пән тілдің сөздік құрамын, сөз мағынасын зерттеу аспектілерін, қазақ тілінің лексикалық жүйесін, дамуы мен құрылымын, стиль түрлеріне байланысты жіктелістерін, парадигматикалық қатынастарды, лексикографияны, фразеологияны, этимологияны, диалектологияны, терминологияны, ономосиологияны қарастырады. Қазіргі қазақ тілі лексикасының шығу арналары анықталады.

Пәннің мақсаты білім алушыларды туыстас түркі тілдес халықтар әдебиетінің қалыптасу, даму жолдарымен, көркемдік ерекшеліктерімен таныстыру, салыстырмалы-салғастырмалы, өзара дамуы мен өзара әсерлері тұрғысынан зерттеу болып табылады. Пәннің мазмұны түркі тектес, түркі тілдес халықтар әдебиетінің даму кезеңдерін, идеялық-эстетикалық, жанрлық ізденістерін, мазмұндық-тақырыптық жүйесін оқытуға, жекелеген ақын-жазушылардың шығаршашылығын оқытуға бағытталған.

Қазіргі заманғы филологиялық, педагогикалық зерттеулердің нақтылы нәтижелерін қазақ тілі мен әдебиетін оқытудың озық тәжірибесімен біріктіру.

Тұлғаның жеке және даралық қажеттіліктерін ескере отырып, субъектілі өзара іс-қимылды ұйымдастыруда коллаборативті, бейімделген білім беру ортасын жобалау.

Сабақтың берілген мақсаттарына, білім алушылардың жас және жеке ерекшеліктеріне және оқу жетістіктерін бағалау өлшемшарттарына сәйкес қазақ тілі мен әдебиеті бойынша оқу материалдарын әзірлеу.

Заманауи педагогикалық әдістерді, цифрлық және интернет-технологиялардың мүмкіндіктерін қолдана отырып, аралас оқыту жүйесі жағдайында қазақ тілі мен әдебиетін оқыту процесін ұйымдастыру.

Білім алушылардың шығармашылық және зерттеу қызметін, олардың ғылыми және шығармашылық жобаларын, соның ішінде, филологиялық және педагогикалық білім саласындағы әртүрлі технологиялар мен зерттеу әдістері негізінде интеграцияланған жобаларды орындау деңгейін анықтау.

Қазақ тілі мен әдебиетін оқыту процесінде әдебиеттану мен лингвистиканың теориялық негіздерін нәтижелі бейімдей отырып, ғылыми зерттеулер мен академиялық жазу әдіснамасы, сыни және ассоциативті ойлау, білім алушылардың функционалдық сауаттылығы бойынша білімін пайдалану.

Қазақ тілі мен әдебиеті бойынша мәтіндерді синтездеу, олардың мазмұнын өз мақсаттарына жету, білім мен мүмкіндіктерді дамыту, қоғам өміріне белсенді қатысу, өзін-өзі актуализациялау және өзін-өзі дамыту үшін түсіну және пайдалану.

Қазақстандық білім беруді, қазақ тіл білімі мен әдебиеттануды дамытудың стратегиялық мақсаттары мен міндеттерін түсіне отырып, оқу-тәрбие процесін ұйымдастырудың әдіснамалық, теориялық және ғылыми-әдістемелік аспектілері саласында білімін көрсету.

Кәсіби және өзге де қызметті жүзеге асыру үшін педагогикалық, ақпараттық-коммуникациялық және цифрлық технологияларды пайдалану дағдыларын көрсету.

Тіл және әдебиет тарихының теориялық негіздерінің іргелі білімін көрсете келе, қазақ тілі мен әдебиетінің түрлі салаларының қазіргі заманғы теориялық және қолданбалы мәселелерін, филология және олардың өзара байланысы саласындағы ғылыми парадигмалардың құрылымы мен функцияларын талдау.

Экология және тіршілік қауіпсіздігі, экономика және кәсіпкерлік, құқық және сыбайлас жемқорлыққа қарсы мәдениет, ғылыми зерттеулер жүргізу әдістері саласындағы жан-жақты дамыған тұлға ретінде білімдерін көрсету.

Кәсіби, қоғамдық және өзге де қызметті жүзеге асыру үшін қажетті ақпаратты өз бетінше іздеу, іріктеу және қолдану дағдыларын көрсету.