6B01101 Педагогика және психология в Махамбет Өтемісов атындағы Батыс Қазақстан университеті

Студенттер Қазақстандағы білім беру саласының қалыптасу және даму тарихы, білім беру үрдісінің мәні, мазмұны және құрылымы туралы білім жүйесін меңгереді. Практикалық тапсырмаларды орындай отырып, студенттер ғалымдардың Қазақстанның педагогикалық ғылыми мектептерін дамытуға қосқан үлесін, отандық педагогикалық ой өкілдерінің еңбектерін талдайды, өзекті мәселелерді шешу және ғылымның қазіргі жай-күйін түсіну мақсатында тарихи өткенді қарастыру қажеттілігін ойлайды. Топтарда жұмыс істей отырып, студенттер отандық педагогикалық мектептердің даму ерекшеліктері мен жетістіктері көрсетілген кестелерді құрастырады.

Студенттер білім беруді цифрландыру үрдістері, оқу үдерісін цифрландырудың жалпы әдістері, оқу нәтижелерін бақылау және өлшеу, оқу орындарының оқудан тыс, ғылыми-зерттеу және ұйымдастыру-басқару қызметі, "MachineLearning"түсінігі мен принциптері туралы түсінік алады. Студенттер білім беруде сандық технологияларды пайдалану дағдыларын меңгереді.

Студенттер ақпаратты талдау және жүйелеу, өз идеяларын алға тарту және негіздеу қабілеттерін игереді, осының барлығын ақпараттық ресурстардың әр түрін сыни бағалай отырып, нақты құрылымдалған, логикалық реттелген мәтін түрінде ұсынады. Оқу процесінде студенттер өздерінің ғылыми идеяларын білдіруге арналған тиімді практикалық құралдармен қамтамасыз етіледі.

Бұл пәнді меңгере отырып, студенттер бәсекелестік ортадағы кәсіпкерлік қызметті ұйымдастырудың теориялық негіздері мен тәжірибелік дағдыларын үйренеді. Практикалық тапсырмаларды орындай отырып, олар жаңа бизнес тұжырымдамалардың табиғатын зерттейді, кәсіпкерлік қызметтегі жетістікке жетелейтін негізгі құрамдас бөліктерді сипаттайды. Топтарда жұмыс жасай отырып, студенттер бизнес-жобалар құрастырады және жаңа бизнес-жоспарларды жасау, оларды сыни тұрғыдан талдау қабілеттері мен мүмкіндіктерін дамытады.

Құқық негіздері пәнінің оқыту мақсаты негізгі заңнамалардың теориялық ережелерінің білімдерін қалыптастыру, қолданыстағы заңнаманың қабылдануы мен заңнамаға енген өзгерістердің мемлекеттік жүйемен байланысы және азаматтық қоғамда құқықтық мәдениет деңгейін арттыру болып табылады.

«Мәңгілік ел» идеясының мазмұнын, оның құндылықтық сипатын, сыртқы қауіп-қатерлер мен дабылдар жағдайындағы маңыздылығын, елді модернизациялаудағы рухани және әлеуметтік бағдарлардың рөлін, «Қазақстан-2050» Стратегиясының мазмұнын, қазақстандық қоғамның дамуының экономикалық, саяси және әлеуметтік бағдарларын оқып үйрену арқылы студенттер бойында құндылықтық бағдарларды және қазақстандық патриотизмді қалыптастыруға бағытталған.

Студенттер гигиена, еңбекті қорғау талаптарына және сыртқы жағымсыз әсерлерден қорғау ережелеріне сәйкес салауатты өмір салтының негізгі құрауыштарын меңгереді, өмірлік жағдайларда білімді пайдаланады. Топпен жұмыс істей отырып, студенттер алғашқы көмек көрсету тәсілдерін меңгереді, тіршілік қауіпсіздігі үшін алдын алу шараларының маңыздылығын түсінеді.

Студенттер оқушылардың анатомо-физиологиялық ерекшеліктерін меңгереді. Бұл курсты оқу барысында оқушылардың денсаулығын және дамуын диагностикалау үшін физиологиялық жүйелердің қызмет ету деңгейі бағаланады. Топтарда жұмыс істей отырып, студенттер ағзаның физиологиялық ерекшеліктері мен гигиеналық талаптарды ескере отырып, оқу-тәрбие процесін талдайды.

Студенттер педагогика және білім тарихы, педагогикалық мұра туралы түсініктерді игереді. Практикалық тапсырмаларды орындай отырып, студенттер тәрбиелеу және оқыту тарихын, білім беру мекемелерінің қалыптасу және даму тәжірибесін сипаттайды; белгілі бір тарихи дәуірмен және қоғамның әлеуметтік даму деңгейімен тәрбиелеу мен оқытудың мақсаттарын, міндеттерін, мазмұнын, нысандары мен әдістерін салыстырады. Топпен жұмыс істей отырып, студенттер педагогика классиктерінің өмірбаяндық мәліметтері, ғылыми еңбектерімен және жетістіктерімен салыстырмалы кестелерді құрастырады.

Діннің мәнін, оның құрылымын, функциялары мен қоғам мен адам өміріндегі рөлін, оның тарихи даму ерекшеліктерін, Қазақстан дінінің қалыптасуы мен динамикасын, дін саласындағы мемлекеттік саясаттың мәнін зерттеу. Конфессияаралық диалог, діни жағдайды талдау және бағалау, сыни ойлау дағдыларын қалыптастыруға бағытталған. Әдістері: проблемалық оқыту, салыстыру, талдау, герменевтикалық әдістер, эссегерменевтикалық әдістер, эссе

Студенттер экологияның негізгі түсініктерін және табиғат пен қоғамның тұрақты даму заңдылықтарын меңгереді. Осы курсты оқу барысында студенттер биосфераның құрылымы мен динамикасын сипаттайды, тірі заттардың ғаламдық рөлін түсіндіреді, экология саласындағы қазіргі заманғы мәселелерді талдайды, организмдердің тіршілік ортасымен өзара байланысын анықтап, адам қызметінің қоршаған ортаға антропогендік әсерінің салдарын бағалайды.

Зерттеу барысында сыбайлас жемқорлыққа қарсы күрестің себептері, алғышарттары, негізгі әдістері мен нысандары қарастырылады. Сыбайлас жемқорлыққа қарсы мәдениет ішінен оқытылады, яғни студенттердің өздері мемлекеттің сыбайлас жемқорлыққа қарсы саясатының жолсерігі болады, сыбайлас жемқорлыққа нөлдік төзімділік тәрбиеленеді.

Курсты оқу барысында студенттер болашақ мұғалімнің кәсіби-педагогикалық бағыты мен құзыреттілігін қалыптастырады. Өздігінен білім алуға, инновациялық және шығармашылық зерттеушілік қызметке дайындығы қалыптасуда. Болашақ мұғалімнің кәсіби маңызды тұлғалық қасиеттері (гуманизм, педагогикалық ойлау, коммуникативтілік, педагогикалық такт, толеранттылық, т.б.) қалыптасады. Үздіксіз кәсіптік білім беруге баса назар аударылуда.

Студенттер жалпы психологияның қазіргі жағдайы мен даму тенденцияларының ерекшеліктері туралы негізгі білімді игереді, ойлау психологиясының теориялық және әдістемелік негіздерін, мотивация психологиясын және іс-әрекетті ішкі реттеуді меңгереді; ғылыми ойлау мәдениеті, фактілер мен теориялық ережелерді жалпылау, талдау және синтездеуді үйренеді. Практикалық тапсырмаларды орындай отырып, студенттер психологиядағы типтік мәселелерді шешу үшін санаттар мен әдістер жүйесін қолданады.

Студенттер әлемдік және отандық психологиялық ойлардың жетістіктері туралы білімді тарихи процесс ретінде меңгереді. Практикалық тапсырмаларды орындай отырып, студенттер психологиялық білімнің көрнекті өкілдерінің еңбектерін талдайды; ғылыми психологиялық танымның дамуындағы сабақтастықты ашады, өзекті мәселелерді шешу және ғылымның қазіргі жай-күйін түсіну мақсатында тарихи өткенді қарастыру қажеттілігін ойлайды. Топпен жұмыс істей отырып, студенттер өмірбаяндық мәліметтер, ғылыми еңбектер және психологиядағы жетістіктер туралы салыстырмалы кестелерді құрайды.

Студенттер Қазақстан Республикасындағы психологиялық ғылымның даму тенденциялары мен қазіргі жағдайы және психологиялық идеялардың пайда болуының тарихи үрдісі туралы білімдерді меңгереді. Практикалық тапсырмаларды орындай отырып, студенттер отандық психологиялық ой өкілдерінің еңбектерін талдайды; ғылыми психологиялық танымның дамуындағы сабақтастықты ашады, өзекті мәселелерді шешу және ғылымның қазіргі жай-күйін түсіну мақсатында тарихи өткенді қарау қажеттілігін ойлайды. Топтарда жұмыс істей отырып, студенттер отандық психологиялық ғылымның негізгі ұстанымдары, тәсілдері және жетістіктері жөнінде салыстырмалы кестелерді құрастырады.

Студенттер онтогенездегі адамның психикалық дамуының негізгі түсініктерін және онтогенездің әр түрлі кезеңдерінде жеке тұлғаның даму ерекшеліктерін меңгереді. Практикалық тапсырмаларды орындай отырып, студенттер онтогенетикалық дамуды эмпирикалық тұрғыдан сипаттайды. Топта жұмыс істей отырып, психологиялық дамудың түрлі әдістерін құрайды.

Студенттер психологиялық-педагогикалық диагностиканың әдіснамалық тәсілдері мен принциптерін меңгереді. Практикалық тапсырмаларды орындай отырып, білім алушы мен топтың психологиялық-педагогикалық сипаттамасын, топтарда жұмыс істей отырып, психодиагностиканың әдістері, тесттер, жобалық және интерактивті техникаларын, кәсіби-этикалық талаптарды, принциптері мен функцияларын құрастырады.

Студенттер тұлға психологиясының негізгі түсініктері мен мәселелерін игереді. Топтарда жұмыс істей отырып, студенттер шетелдік және отандық психологиядағы тұлғаның негізгі теорияларын жүйелейді және талдайды. Практикалық тапсырмаларды орындай отырып, студенттер тұлға феноменін зерттеудің әртүрлі тәсілдерін салыстырады және жеке тұлғаны теориялық және қолданбалы зерттеудің негізгі әдістерін талдайды.

Студенттер әлеуметтік педагогика пәні мен «әлеуметтік педагог» мамандығының мәдени-тарихи пайда болуы, әлеуметтік педагогтың кәсіби қызметінің және оның кәсіби дайындығының ерекшеліктерімен танысады. Практикалық тапсырмаларды орындай отырып, кәсіби қызметтің ерекшеліктерімен танысады, әлеуметтік педагогтың қызметін, әлеуметтік ролін, этикалық нормалары мен құндылықтарын, құқықтарын, практикалық қызметі мен кәсіби даму саласын қарастырады.

Студенттер әлеуметтік психологияның қалыптасу және даму тарихы туралы білімдерін жетілдіреді, әлеуметтік психологияның өзекті мәселелерімен танысады. Практикалық тапсырмаларды орындай отырып, теориялық білім мен әлеуметтік-психологиялық құбылыстар мен процестердің тәжірибесін қолданады, әлеуметтік-психологиялық зерттеудің негізгі тәсілдері туралы теориялық және практикалық білімді дамытады.

Пәнді оқу барысында студентте мектептегі және сыныптағы тәрбие жұмысының мәні, мақсаты мен міндеттері; сынып жетекшісінің іс-әрекеті; тәрбие жұмысының формалары, әдістері, құралдары мен тәсілдері туралы білім қалыптасады. Сабақта жалпыадамзаттық және ұлттық құндылықтарға тоқталып, тәрбие жұмысын жоспарлап, жүргізуге үйрету. Топтық жұмыс кезінде оқу іс-әрекетінің жоспары мен сценарийін құрастырады.

Студенттер қарым-қатынас психологиясының негізгі түсініктерін меңгереді. Практикалық тапсырмаларды орындай отырып, ақпаратты талдайды және әлеуметтік-психологиялық коммуникация аясында әдеби көздермен өз бетінше жұмыс істейді. Жұптар мен топтарда жұмыс істей отырып, тиімді тұлғааралық коммуникация технологиясын қолданып,өзара іс-қимыл процесін мақсатты түрде құрастырады және ұйымдастырады.

Студенттер психодиагностиканың теориялық және практикалық ғылымының негізгі түсініктерін, тұлғаның ғылыми-теориялық психодиагностикалық негіздерін меңгереді. Практикалық тапсырмаларды орындай отырып, тұлғаның жеке-психологиялық ерекшеліктерін бағалау әдістері мен тәсілдерін сипаттайды. Топта жұмыс істей отырып, студенттер психотерапевтік және психологиялық кеңес беру техникасын құрайды.

Студенттер киберпедагогиканың негізгі ұғымдарын, ғылыми принциптері мен заңдылықтарын меңгереді. Практикалық тапсырмаларды орындай отырып, студенттер оқыту мен тәрбиелеудің жаңа әдістерін, нысандары мен құралдарын, оның ішінде onlinе, E-learning режимінде, сараланған және интеграцияланған оқытудың, дамыта оқытудың педагогикалық технологияларын, оқытудағы құзыреттілік тұрғының ерекшеліктері мен спецификасын анықтайды және салыстырады.

Студенттер этнопсихология мен этнопедагогиканың негізгі түсініктері мен бөлімдерін меңгереді. Практикалық тапсырмаларды орындай отырып, студенттер әлеуметтік-мәдени кеңістіктегі тұлғаны оқыту, тәрбиелеу және дамытудың объективті байланыстарын сипаттайды, халық педагогикасының қазіргі білім беру парадигмаларына және этносаралық қатынастар мәдениетіне әсеріне салыстырмалы талдау жүргізеді. Топтарда жұмыс істей отырып, студенттер этносаралық қатынастарды диагностикалауға, болжауға және түзетуге мүмкіндік беретін әдістерді пысықтайды.

Пәнді оқу барысында студенттер әр түрлі дамуында ауытқулары бар балаларды оқытуға дайындалады, ерекше қажеттіліктері бар балалардың негізгі санаттарының психофизикалық дамуының ерекшеліктері, оқыту мазмұны, олармен түзету және тәрбие жұмысының бағыттары туралы білім қалыптасады. Тәжірибелік сабақ барысында студенттер кіріктірілген және инклюзивті білім беру бөлімдерінің жұмысын ұйымдастырудың принциптерін сипаттайды

Студенттер девиантологияның негізгі түсініктерін меңгереді. Студенттер өз бетінше әртүрлі топтармен алдын алу жұмысының стратегиясы мен тактикасын сипаттайды. Практикалық тапсырмаларды орындай отырып, девиантты мінез-құлықтың түрлерін ажыратады. Топта жұмыс істей отырып, девианттық жағдайды талдау әдістерінің алгоритмін құрайды.

Студенттер психологияны оқытудың ғылыми-әдістемелік негіздерін меңгереді. Практикалық тапсырмаларды орындай отырып, студенттер теориялық және қолданбалы психология курстары бойынша дәрістер, семинарлар мен практикалық сабақтарды ұйымдастыруға қойылатын талаптарды жүйелейді. Өз бетінше жұмыс жасай отырып, студенттер психология курстарының сабақ жоспарларын жасайды. Топтарда жұмыс істей отырып, студенттер осы пән мазмұнының ерекшелігіне және оны оқыту мақсатына байланысты психологияны оқытудың дәстүрлі және инновациялық стратегияларын пысықтайды.

Студенттер психиканың пайда болуы мен эволюциясы туралы, сондай-ақ дамудың эволюциялық кезеңдерін бөліп көрсету мәселесі туралы негізгі білімдерді игереді. Практикалық тапсырмаларды орындай отырып, студенттер эволюциялық дамудың әртүрлі кезеңдеріндегі жануарлар психикасының ерекшеліктерімен және адам психикасының пайда болу ерекшелігімен танысады. Топтарда жұмыс істей отырып, студенттер филогенездің әртүрлі деңгейлеріндегі психиканы салыстырмалы зерттеу саласындағы терең теориялық білім мен кәсіби дағдыларды игереді.

Студенттер психологиялық тренингті ұйымдастыру мен өткізумен байланысты теориялық білім мен практикалық дағдылар жүйесін меңгереді. Практикалық тапсырмаларды орындай отырып, студенттер психологиялық тренингті ұйымдастырудың принциптері мен әдістерін, тренингті жүргізу қызметінің кезеңдерін, тренинг процесіндегі тұлға мен топ динамикасының негізгі заңдылықтарын сипаттайды. Студенттер балалар мен жасөспірімдердің тұлғалық өсуіне, олардың үйлесімді дамуына бағытталған педагогикалық және психологиялық технологияларды іске асыру қабілетін қалыптастыру үшін оқу тобында тренингтік сабақ дайындап, өткізеді.

Студенттер пенитенциарлық психологияның ғылыми-теориялық және әдіснамалық негіздері, сотталғандар арасындағы әлеуметтік-психологиялық құбылыстар туралы білім жүйесін меңгереді. Практикалық тапсырмаларды орындай отырып, студенттер пенитенциарлық жүйедегі жеке мінез-құлық заңдылықтары туралы, жазаны орындау бойынша мекеме қызметкерлерінің қызметтік іс-әрекетінің тиімділігін арттырудың психологиялық негіздері туралы талдайды. Топтарда жұмыс істей отырып, студенттер құқықтық қатынастарға қатысушылардың жеке басының психологиялық мінездемесін және әртүрлі санаттағы адамдармен профилактикалық жұмыс жоспарын жасайды.

Студенттер педагогиканы оқытудың ғылыми-әдістемелік негіздерін меңгереді. Практикалық тапсырмаларды орындай отырып, педагогиканы оқытудың дәстүрлі және инновациялық ұйымдарының стратегиясын пән мазмұнының ерекшелігіне және оны оқыту мақсатына байланысты салыстырады. Топпен жұмыс істей отырып, студенттер педагогика курстарындағы сабақтарда тұтас оқу-тәрбие жағдайларын ұйымдастыруға қойылатын талаптарды жүйелейді. Өз бетінше жұмыс жасай отырып, педагогика курстары бойынша сабақ жоспарын құрастырады.

Студенттер әлеуметтік-психологиялық тренингтер мен жеке тұлғалық өсу тренингтерін өткізу теориясы мен тәжірибесінің негізгі түсініктерін, ережелерін, тиімділігін меңгереді. Практикалық тапсырмаларды орындай отырып, студенттер психологиялық тренингті ұйымдастырудың принциптері мен әдістерін, тренинг барысында тұлға мен топ динамикасының негізгі заңдылықтарын сипаттайды. Студенттер топта жеке тұлғалық өсу мен үйлесімді дамуға бағытталған тренингтік сабақ дайындап, өткізеді

Студенттер тұлғалық өсу және кәсіби даму психологиясының негізгі түсініктері мен заңдылықтарын меңгереді. Практикалық тапсырмаларды орындай отырып, студенттер кәсіби даму және өзін-өзі дамыту, өзін-өзі жетілдіру түрлерін анықтайды және салыстырады. Топпен жұмыс істей отырып, жеке тұлғалық өсу және кәсіби өздігінен білім алу дағдыларын бекіту тренингтерін өткізеді.

Студенттер отбасылық кеңес беруді ұйымдастырудың түсініктері мен теориялық негіздерін меңгереді. Практикалық тапсырмаларды орындай отырып, студенттер кеңесшінің рөлін, кеңес беру үрдісінің кезеңдері мен рәсімдерін сипаттайды, отбасындағы психологиялық кеңес берудің әдістемесі мен принциптерін талдайды. Топта жұмыс істеу барысында студенттер тәжірибелік жағдайларды моделдей отырып, отбасылық қарым-қатынас мәселелері бойынша психологиялық кеңес береді.

Студенттер психологиялық зерттеулердің теориялық-эмпирикалық әдістерінің негізгі түсініктерін, эксперименталды зерттеулерді жүргізудің теориясы мен тәжірибесін, психологиялық эксперименттерді жоспарлау бойынша арнайы білім алуды меңгереді. Практикалық тапсырмаларды орындай отырып, студенттер психологиялық экспериментті ұйымдастыру және өткізу ерекшелігімен танысады. Топта жұмыс істей отырып, студенттер психологияның негізгі эмпирикалық әдістерін және психологиялық экспериментті ұйымдастыру мен жоспарлаудың практикалық негіздерін құрайды.

Студенттер акмеологиялық білім жүйесінің негізгі түсініктерін меңгереді. Практикалық тапсырмаларды орындай отырып, кәсіби қызметтің түрлі салаларында әлеуметтік акмеологиялық мәселелер мен міндеттердің кең көлемін сипаттайды және талдайды. Жеке жұмыс істей отырып, акмеограмманы құрастырады. Топта жұмыс істей отырып, болашақ маманның тұлғалық-кәсіби дамуын қолдаудың түрлі акмеологиялық технологияларын қолданады.

Студенттер арнайы психологияның ғылыми білім саласы, оның тарихы, қазіргі жағдайы және даму бағыттары сияқты негізгі ұғымдарын игереді. Практикалық тапсырмаларды орындай отырып, студенттер мүмкіндігі шектеулі тұлғалардың психофизикалық даму ерекшеліктерін, білім беру мүмкіндіктерін, қажеттіліктері мен жетістіктерін зерттейді. Шағын топтарда жұмыс істей отырып, студенттер мүмкіндігі шектеулі тұлғалардың білімі мен дамуына жеке тұлғаға бағытталған көзқарас жағдайында даму бұзылыстарын түзету бағдарламасын жасайды.

Студенттер психологиялық кеңес беруді ұйымдастырудың негізгі түсініктері мен теориялық негіздерін меңгереді. Практикалық тапсырмаларды орындай отырып, студенттер кеңесшінің рөлін, кеңес беру үрдісінің кезеңдері мен рәсімдерін сипаттайды; мектептегі, отбасындағы психологиялық кеңес берудің әдістемесі мен принциптерін талдайды. Жұптық жұмыс істей отырып, студенттер практикалық жағдайларды моделдеу арқылы, клиент тұлғасының коммуникативтік дамуына, тұлғааралық қарым-қатынасқа байланысты мәселелер бойынша: отбасылық, іскерлік, психологиялық-педагогикалық кеңес беру бойынша психологиялық кеңес өткізеді.

Студенттер дифференциалдық психологияның негізгі түсініктерін, жеке айырмашылықтардың классикалық және қазіргі заманғы теорияларын меңгереді. Практикалық тапсырмаларды орындай отырып, студенттер жеке айырмашылықтарды және оларды диагностикалаудың әртүрлі әдістерін жүйелейді,сондай-ақ бұл айырмашылықтарды әр түрлі салалардағы сандық жүйеде бағалайды. Студенттер топтарда жұмыс істей отырып, дифференциалдық психология әдістерінің жіктелуін және әртүрлі типологиялардағы типтердің пайда болу ерекшеліктерінің сипаттамасын құрайды.

Студенттер жеке психологияның тұжырымдамалық теориялық және клиникалық негіздері туралы білімді меңгереді. Практикалық тапсырмаларды орындай отырып, студенттер классикалық психоанализдің негізгі концептуалды ережелер, тұлғаны дамыту тәсілдері, психотерапияның мақсаттары мен әдістемесі тұрғысынан айырмашылықтарды түсінеді. Шағын топтарда жұмыс істей отырып, студенттер естеліктердің бейсаналық мазмұнын талдау және олармен жұмыс істеу техникасын үйренеді.

Студенттер арнайы педагогиканың ғылыми білім саласы, оның тарихы, қазіргі жағдайы мен даму бағыттары сияқты негізгі ұғымдарын меңгереді. Практикалық тапсырмаларды орындай отырып, студенттер оқытудың мазмұны, ерекше білім беру қажеттілігі бар балалардың категорияларымен түзету-тәрбие жұмысының бағыттары туралы сипаттайды. Арнайы мекемелердің әртүрлі типтеріндегі білім беру жүйесін салыстырады және талдайды. Ерекше білім беру қажеттіліктері бар балалардың сипаттамасын құрайды.

Студенттер психологиялық зерттеудің нәтижелері мен қорытындыларын статистикалық сенімділікпен анықтайтын психологияда математикалық әдістерді қолдану туралы білім мен құзыреттілік жүйесін игереді. Практикалық тапсырмаларды орындай отырып, студенттер психологиялық зерттеудің математикалық әдістерін оның мақсаттарын, міндеттерін, гипотезаларын өзгеруі тұрғысынан сипаттайды. Топтарда жұмыс істей отырып, студенттер зерттеу нәтижелері мен қорытындыларының сауатты математикалық өңделуін жасайды.

Студенттер мұғалімнің кәсіби қызметінің тұтас құрылымы, оның тұлғасы туралы негізгі ұғымдарды меңгереді, педагогикалық шеберліктің мәні мен мазмұнымен танысады. Педагогикалық шеберлік негіздерінің құрылымдық компоненттерін игереді: педагогикалық қабілеттер, педагогикалық техника және педагогикалық әсер ету құралдары, театр педагогикасы мен шешендік өнер элементтері. Топта жұмыс істей отырып, студенттер балалар ұжымында мақсатты және еркін әрекет етудің практикалық дағдыларын, оқу-тәрбие процесін басқара білуді меңгереді.

Студенттер ҚР педагог қызметкерлерінің біліктілігін арттырудың деңгейлік бағдарламалары негізінде әзірленген бағдарламамен танысады. Модульдер туралы біледі: диалогтық оқыту және оқыту, оқуға үйрету, сыни тұрғыдан ойлауға үйрету, оқыту үшін бағалау және оқытуды бағалау, оқыту мен оқытуда ақпараттық-коммуникативтік технологияларды қолдану, дарынды және дарынды балаларды оқыту, оқушылардың жас ерекшеліктеріне сәйкес оқыту, оқытуды басқару және көшбасшылық.

Студенттер жалпы және арнайы білім берудің ажырамас бөлігі ретінде инклюзивті білім беру туралы негізгі түсініктерді, инклюзивті білім берудің мәнін, оның қалыптасу теориясы мен практикасын меңгереді. Практикалық тапсырмаларды орындай отырып, жалпы білім беретін оқу орындарында ерекше білім беру қажеттілігі бар балалармен психологиялық-педагогикалық жұмыстың технологиясы мен негіздерін меңгереді.

Студенттер адамның психикалық қызметі мен мінез-құлқының заңдылықтары мен корреляциялары, физиологиялық механизмдері туралы психофизиологияның негізгі түсініктерін, нерв жүйесіндегі ақпаратты өңдеу мен кодтаудың механизмдерін, бағдарлы-зерттеу қызметін ұйымдастыру принциптерін меңгереді. Практикалық тапсырмаларды орындай отырып, студенттер психофизиологиялық зерттеу әдістерін қолданып, психофизиологиялық мәліметтерді талдайды.

Студенттер педагогикалық менеджменттің теориялық және әдіснамалық негіздері, тұтас педагогикалық процесті басқарудың ерекшеліктері және мектептің педагогикалық ұжымы туралы білім жүйесін меңгереді. Практикалық тапсырмаларды орындай отырып, студенттер педагогикалық менеджментті кәсіби қызметтің ерекше түрі ретінде талдайды. Топтарда жұмыс істей отырып, студенттер менеджер қызметінің объектісі ретінде тұтас педагогикалық процесс тұрғысынан білім беру мекемесін басқару біліктері мен дағдыларын меңгереді.

Студенттер психокоррекция саласындағы практикалық қызметінің ғылыми негіздерін меңгереді. Практикалық жаттығуларды орындай отырып, жеке және топтық түзету жұмыстарының әдістерін қолданады. Психологиялық қорытынды негізінде, баланың жасына және интеллектуалдық даму мүмкіндіктеріне сәйкес түзету жұмысының жоспарын жасайды.

Студенттер клиникалық психологияның негізгі түсініктерін, заманауи психосоматикалық зерттеулердің негізгі бағыттары туралы білімдерді меңгереді. Практикалық тапсырмаларды орындай отырып, студенттер аурулардың дамуына, олардың алдын алу мен емдеуге әсер ететін психикалық факторларды сипаттайды. Студенттер жұппен жұмыс істеу барысында, практикалық жағдайларды моделдей отырып, клиникалық диагностикалық әдістемелерді қолданады, алынған деректерді міндетке сәйкес түсіндіреді, алынған нәтижелердің негізінде қорытынды жасайды.

Студенттер педагогика аймағындағы оқытушылық қызметті атқаруға байланысты қажетті білім, біліктерді меңгеріп, кәсіби құндылықтары қалыптастып, қажетті педагогикалық психология негіздерінің тұтас сипатын білім жүйесі ретінде және оны саналы түрде практикада қолданып үйренеді. Білім беру процесінің субъектілері, білім беру қызметі субъектілерінің жас ерекшеліктері, оқу мотивациясы мен формалары, педагогикалық іс-әрекеттің мазмұны қарастырылады. Педагогикалық, психологиялық тұжырымдарды, жүйелі ойлау негізінде білімді іс жүзінде қолдануды, шығармашылық қабілеттерін және кәсіби мәселелерді шешуді, ақпараттық мәдениетті көрсетуді қарастырады

Студенттер психотерапия түсінігін меңгереді және оның негізгі бағыттарын анықтайды. Практикалық тапсырмаларды орындай отырып, студенттер психотерапияның әдістері мен түрлерін практикада қолданады. Жұптар мен топтарда жұмыс істей отырып психотерапиялық дағдыларды дамыту үшін жаттығуларды жүргізеді және талдайды.

Студенттер негізгі құқықтық категориялардың психологиялық-заңдық мәнін, құқықпен байланысты қызметтің психологиялық ерекшеліктерін меңгереді. Практикалық тапсырмаларды орындай отырып, құқық қатынастарының әртүрлі субъектілерінің психикалық іс-әрекетінің ерекшеліктерін, құқық қолдану мен құқық қорғаудың әртүрлі жағдайларындағы олардың психикалық жай-күйін анықтайды. Топтық жұмыстарда қоғам өмірін құқықтық реттеуді жетілдіру бойынша ұсыныстар әзірлейді.

Студенттер психологиялық білім саласы ретінде патопсихологияның негізгі түсініктерін меңгереді. Практикалық тапсырмаларды орындай отырып, студенттер психикалық аурумен ауыратын адамның психикалық қызметінің бұзылуын немесе бұзылу заңдылықтарын түсінеді және практикалық психология әдістемесінің көмегімен оны қайта құру мүмкіндігін анықтайды. Студенттер топтық жұмыс барысында, практикалық жағдайларды моделдей отырып, патопсихологиялық зерттеуді жоспарлайды,жүргізеді және алынған нәтижелерді талдайды.

Студенттер менеджменттің негізгі психологиясын, негізгі ұғымдарды, феномендерді, теорияларды, менеджмент психологиясының бағыттарын меңгереді. Практикалық тапсырмаларды орындай отырып, студенттер менеджер қызметінің психологиялық ерекшеліктерін сипаттайды. Топпен жұмыс істей отырып, басқару қызметінің түрлі феномендерінің психологиялық табиғатын талқылайды. Өзіндік жұмысты орындау кезінде студенттер менеджердің профессиограммасын құрайды.

Студенттер педагогикалық риторика ғылымының теориялық және ғылыми әдістемелік бағыттарын меңгереді. Практикалық тапсырмаларды орындай отырып, педагогикалық қарым-қатынас түрлерін, сөйлеу сапалылығы мен стильдік ерекшеліктерді салыстырады. Топпен жұмыс істей отырып, студенттер риторикалық қағидалар мен дұрыс сөйлеу нормаларына негізделген әдіс-тәсілдерді меңгереді. Өз бетінше жұмыс жасай отырып, мұғалімнің сөйлеу мәдениеті мен техникасына қойылатын талаптарды жүйелейді.

Студенттер тергеуге, сотқа және куәланушыларды қайта тәрбиелеуге көмектесетін мәліметтерді анықтау үшін тергеуге алынған сотталғанның, куәнің, жәбірленушінің жеке басының және қызметінің психологиялық зерттеу жүйесін меңгереді. Практикалық тапсырмаларды орындай отырып, студенттер құқық қатынастарының әртүрлі субъектілерінің психикалық іс-әрекетінің ерекшеліктерін, құқық қолдану мен құқық қорғаудың әртүрлі жағдайларындағы олардың психикалық жай-күйін анықтайды. Өзіндік жұмысты орындау барысында сот-психологиялық сараптама жүргізу үшін психологиялық әдістемелердің тізімін жасайды.

Әлеуметтік дезадаптацияның алдын алу бойынша іс-шараларды жүзеге асыруға қабілетті

Педагогика және психология саласындағы мәселелерді анықтау үшін ақпаратты талдай және қолдана отырып, білімді жүйелеуге қабілетті

Ерекше қажеттіліктері бар балалар мен олардың отбасыларына психологиялық-педагогикалық қолдау көрсетуге қабілетті

Білім беру саласындағы кәсіби функцияларды болжау, жоспарлау және жобалау үшін педагогика және психология салаларында теория мен практиканың заманауи парадигмаларын біріктіруге қабілетті

Нақты клиенттің жасына және интеллектуалдық даму мүмкіндіктеріне сәйкес жеке және топтық режимде консультациялық, түзету және дамыту жұмыстарын жүзеге асыруға қабілетті

Зерттелушілердің дамуындағы ауытқушылық дәрежесін және тұлғаның дамуына кедергі келтіретін факторларды анықтау үшін әртүрлі бейіндегі психологиялық диагностика жүргізуге қабілетті

Командада жұмыс істеу ынтасы мен іскерлігін көрсете отырып, 3 тілде ауызша және жазбаша қарым-қатынас құралдарын және тәсілдерін таңдай отырып, коммуникация жасауға қабілетті;

Әлеуметтік, этикалық және ғылыми фактілерді ескере отырып, пікірлерді қалыптастыру үшін ақпаратты жинау мен түсіндіруді ұйымдастыруға қабілетті

Өзін-өзі дамыту және рефлексия дағдыларын дамыта отырып, кәсіби өздігінен білім алудың жеке траекториясын құруға қабілетті

Инновациялық технологияларды, құралдар мен теорияларды пайдалана отырып, білім беру саласында кәсіби қызметті жүзеге асыруға қабілетті