7M01101 Педагогика және психология в Қожа Ахмет Ясауи атындағы Халықаралық қазақ-түрік университеті

Пән аясында педагогикалық зерттеулердің әдіснамасы мен әдістерін, педагогикалық-психологиялық ғылыми зерттеу жұмыстарының негізгі кезеңдері мен мазмұнын, ақпарат көздерінен алынған нәтижелерді зерттеу мен өңдеу тәсілдері туралы мағлұмат алып, педагогикалық-психологиялық ғылыми зерттеу жүргізудің дағдыларына талдау жасайды. Магистрант ғылыми-зерттеу жұмыстарын жоспарлау және ұйымдастыру әдістері мен әдістемесін, зерттеу әдістерінің жіктелуін, эксперименттің жүргізілу әдістемесін, ғылыми зерттеу жұмысының түрлерін, зерттеудегі инновациялық технологияларды меңгереді, нәтижесінде ғылыми еңбектер дайындайды

Пәнді оқытуда қашықтан оқыту жүйесіндегі ақпараттық үлгілердің даму ерекшеліктері мен мүмкіндіктерін, тиімділігін, қашықтықтан оқытуды ұйымдастырудың әдіснамалық қағидаларын, негізгі циклдары және кезеңдерін, электронды оқулықты жасау жолдары зерттеледі. Магистрант қашықтан оқытудағы тәжірибені, аудивизуалды құрылғылар, ақпараттық-коммуникациялық технологиялар, интерактивті әдістерді пайдалану арқылы білім беру жүйесін ақпа-раттандыру бағытын жүзеге асыра отырып, оку-тәрбие үрдісінің барлық деңгейлерінің тиімділігі мен сапасын жоғарылату дағдысын меңгереді.

Пән магистранттарды әдістемелік негіздері саласындағы білімдерін дамыта отырып, эмпирикалық зерттеулер жүргізуге үйретеді. Пәнді оқу барысында магистранттар ғылыми әдебиеттермен жұмыс жасауға, зерттеу жоспарын жасауға, гипотезаны құруға, зерттеу дизайнын эксперименттік әдістерді, сауалнамаларды, ашық сұхбаттар мен бақылауларды қоса алғанда, экспериментті әзірлеуге және жүргізуге проблемалық сұрақтарды талдауға дағдыларын қалыптастырады және ғылыми зерттеудің негізгі түрлерін анықтап, негіздеуді үйренеді.

Пән аясында коучингтің негізгі әдістерінің түрлері мен Коучинг технологияларын қолдану механизмі ЖОО үдерісіндегі коучингтік білім берудегі коучингті кіріктіру мәселелері, білім берудегі коучингтің бағыттары, оқу-тәрбие жұмысындағы коучинг технологиялары зерттеледі. Магистрант педагогикалық әрекеттестік арқылы коучинг технологиясын, магистранттардың ынтасын дамытудағы қолдаушы ортаны құруды, білім беру, тұлғаны дамыту, шешім қабылдау, нәтижеге қол жеткізуге ықпал ететін кеңес беру, оқыту әдістерін меңгереді.

Пәнді оқыту барысында білім мазмұнын, оқыту технологиясын, оқу үрдісінің өнімділігін арттыруды, инновациялық технологияларды қолдана отырып оқыту - таным әрекетін ұйымдастырудың ұтымды формасы және әдістері жайлы мәліметтерді зерттейді. Магистрант педагогикадағы проблемаларды шешуді нәтижелі ұйымдастырады, тұтас педагогикалық үдерісте білім беру мазмұнынын сараптайды, оқыту технологиясы қолданып, білімін дағдыларын үйлестіріп, білім беру іс-әрекетін ұйымдастыру дағдыларын меңгереді.

Пәннің мақсаты магистранттарға жалпы академиялық қағидаттар шеңберінде ғылыми этика және академиялық адалдық талаптарына сәйкес басылымдарға мақала дайындау жолдарын меңгерту. Пәнді оқу нәтижесінде магистрант мақала мәтінін құрастыру әдістерін, академиялық жазбалардың түрлерін және халықаралық дерекқор базаларын пайдалану жолдарын меңгеріп, әртүрлі ғылыми журналдардың талаптарына сай мақала дайындау және журналдардың онлайн жүйелерімен (сайттарымен) жұмыс жасау дағдыларын қалыптастырады. Курста ғылыми деректерге талдау жасау әдісі қолданылады.

Пән магистранттың мәдениетаралық-коммуникативтік құзыреттілігін қалыптастыруға және ауызша және жазбаша шет тілін меңгеруін жетілдіруге бағытталған. Пәнді игеру барысында магистрант өз идеяларын, мақалаларды, есептерді, тағы басқа ғылыми еңбектерді рәсімдеу кезінде жазбаша, ғылыми қоғамдастыққа хабарлау кезінде ауызша түрде шет тілінде жеткізуге машықтанады. Шетелдік ғалымдардың ғылыми еңбектерін түпнұсқа дереккөздерден оқу және шетелдік тәжірибені меңгеру үшін ақпараттарды аудару дағдыларын жетілдіреді.

Пән аясында білім беру жүйесіндегі психологиялық қызметті ұйымдастыру, кеңес беру, диагностикалау, коррекциялау жұмыстарын ұйымдастырады, адамдардың өзін-өзі тану, бағалау мүмкіндіктерін, басқалармен қарым-қатынасын, өзара әрекетін, бойындагы ерекшеліктері мен потенциалдық мүмкіндіктерін, тұлғалық сапаларын дамыту зерттеледі. Магистрант білім беру мекемелерінде білім алушылардың психологиялық денсаулығын сақтау, қолайлы әлеуметтік психологиялық жағдай жасау және қолдау көрсетету, диагностика жүргізу, психологиялық түзету жұмыстарын жүзеге асыру әдістерін меңгереді.

Пәнді оқытуда оқу үрдісін басқаруға және іске асыруға қабілетті түлектерді даярлауға бағытталған және маманның көшбасшылық сапаларын қалыптастыру, көшбасшылық ықпалының дәрежесін және оны жүзеге асыру жолдарын анықтайтын тиісті нормаларды талдап, зерттейді. Магистрант болашақ маманның көшбасшылық қасиеттерін, нышандарын дамыту бағытындағы практикалық іс-әрекеттерді ұйымдастырады. Тренингтер мен практикалық жаттығулар арқылы білімгерлердің көшбасшылық қасиеттерін дамыту дағдыларын меңгереді.

Пәнді оқыту аясында инклюзивті және эксклюзивті білім беруді зерттеудің теориялық, әдістемелік және құқықтық аспектілерін, ерекше қажеттіліктері бар тұлғалардың білім алуын қамтамасыз ету жолдарын, тұлғаларды әлеуметтендіруді зерттеудің теориялық негіздерін мен диагностикалау, коррекциялау, кәсіби кеңес беру әдістерін зерттейді. Магистранттар мүмкіндігі шектеулі тұлғалардың оқып-үйренуіндегі қиындықтарын анықтау, сүйемелдеу, ұйымдастыру, коррекциялық-педагогикалық қолдау көрсету және білім берудегі инклюзия және эксклюзияның әдістерін зерттеу дағдысын меңгереді.

Пән аясында психологиялық пәндерді оқыту технологиясының теориялық-әдіснамалық негіздерін, мақсат пен міндеттерін, психологиялық пәндерді оқыту қағидаларын, сабақ өткізу әдістерні, формасын, оқыту процесінде лекция, семинар сабақтарының мазмұнын даярлау ерекшеліктері үйретіледі. Магистрант психологиялық пәндерді оқыту технологиясын, әдіс-тәсілдерін, білім беру үрдісін ұйымдастырудың психологиялық заңдылықтарын, құралдары мен тәсілдерін, тұтас педагогикалық үдерісте білім беру үрдісін ұйымдастыруды, білімін дағдыларын үйлестіру дағдыларын меңгереді.

Пән аясында пәннің даму тарихы, психодиагностиканың теориясы мен практикасын, тұлға туралы академиялық концепциялар мен оларды іс жүзінде зерттеуді, жеке дара ерекшеліктерін айқындау әдістерін, психодиагностикалық және психотерапиялық экспериментті жүргізу, тексеру әдістерін зерттейді. Магистранттар психологиядағы психотерапия және психокоррекция дамуының негізгі бағыттары, психологиядағы ғылыми зерттеудің әдістерін жіктеу, экспериментальды зерттеудің әлеуметтік-психологиялық аспектілерін, экспериментті жоспарлау, алғашқы мәліметтерді іздеу, ғылыми нәтижелерді зерттеу дағдысын меңгереді.

Пән жоғары мектептегі тұтас педагогикалық үдерістің әдіснамалық негіздері мен қазіргі білім беру парадигмалары туралы білімдерді зерттейді. Пәнді оқу барысында магистрант жоғары кәсіби білімнің ролі мен маңыздылығын және жоғары мектеп оқытушысына қойылатын негізгі талаптарды меңгере отырып, жоғары оқу орындарында ғылыми-зерттеу әдістерінің түрлерін пайдалануды, нақты ғылыми-педагогикалық зерттеуді ұйымдастыру мен жүргізудің әдістемесін қолдануды үйренеді.

Пән аясында психикалық - педагогикалық процестердегі өлшеу, психометриялық процедураларды білім беру шеңберінде жүргізу жолдары және оларды салыстырмалы талдау, бағалау әдістері, нақты әдістеменің валидтілігі негізінде қорытынды жасау зерттеледі. Магистрант білім берудегі психометрияның зерттеу әдістерін, психологиялық өлшеу құралдары (тест, сауалнама) көмегімен алынатын нәтижелер мен қорытындылары математикалық – статистикалық сараптамалар жүргізіп және мониторингті дәлдікпен жүзеге асыру дағдысын меңгереді.

Пән аясында психология мен білім берудегі мәдени-тарихи және іс-әрекеттік әдістерді және педагог кәсібі мен қойылатын талаптарды, тұлға дамуының психологиялық мәнін ашуды, тарихи-мәдени және іс-әрекеттік тұғыр өрісінде психологиядағы іс-әрекет етуде әдістемелік, талдау жасау жолдары зерттеледі, және сана, тұлға категориялары талданады. Магистрант іс-әрекеттік тұғыр және психология мен білім берудегі мәдени-тарихи мазмұнды қамтитын методологиялық принциптерді, білім беру мен психологияда қолдану дағдыларын меңгереді.

Пән басқарушылық қызметтің психологиялық теорияларының іргелі түсініктерін, әлемдегі басқарудың тиімді стратегиялары мен теорияларын зерттейді. Пәнді меңгеру барысында магистрант ұйымдастырушылық мінез-құлықтың психологиялық теорияларын синтездей білу, командада тиімді өзара іс-қимыл жасай білу, команда құру және басқару психологиясының ережелерін ескере отырып, оның жұмысын ұйымдастыру дағдыларын игереді. Көшбасшылық қасиеттерді көрсете білуді және шиеленістік ситуацияларды басқарудың психологиялық әдістерін қолдануды үйренеді.

Пән аясында білім алушыларға білім сапасы , оның қалыптасуы мен дамуы және жоғары білім беру сапасы құрлымы, сапа өлшемдері зертеледі. Сондай-ақ білім беру сапасын басқару мен оқыту жүйелері және ұйымдарда инновациялық үдерісті басқарудың әдіс-тәсілдері, педагогикалық мамандардың біліктілігін арттыру және оларды аттестациялау мәселесі талданады. Магистрант білім жүйелерін үйлестіруді, тұтас педагогикалық үдерісте білім беру іс-әрекетін ұйымдастыруды, білім беру бағдарламаларын, стандартарды талдау дағдысын меңгереді.

Пән аясында ЖОО-дағы оқу үдерісіндегі педагогикалық пәндерді оқытудың әдістемесін, технологияларын игеруге қажетті іскерліктерін, білім берудің мазмұнын дидактикалық тұрғыдан ұйымдастыруды, ЖОО-дағы оқу үдерісіндегі педагогикалық пәндерді оқытудың әдіс-тәсілдерін зерттейді. Магистрант білім берудің мазмұнын шығармашылықпен іске асыруды, тиімді әдістерді қолдануды, оқытылатын материал мен ақпаратты алу, талдау әдістерін, оқу және тәрбиелік жұмыстары игеруге қажетті іскерліктерін қалыптастырады.

Пән аясында білім беру ортасында топты ұйымдастыру, қалыптастыру, оқыту үдерісін басқару, қақтығыстарды шешудегі құндылықтар жүйесін, кәсіби саладағы көшбасшылық және басшылық іс-әрекеттері, басқару принциптерін, әдістерін, ұйымдастыру нысандары мен технологиялық тәсілдерін зерттейді. Магистрант педагогикалық талдау, мақсат қою, жоспарлау, ұйымдастыру, бақылау, реттеу және түзету дағдыларды меңгереді. Білім беру үдерісінде педагогикалық ережелерді сақтап, білім беру іс-әрекетін нәтижелі ұйымдастырады.

Пән ғылыми ойлаудың тарихы мен философиясы, ғылымның философиялық негіздері, эмпирикалық және ғылыми танымның генезисі, мәні, болашағы туралы білімді қалыптастырады, білімгерлердің ғылыми-зерттеу жұмыстарын жүргізуіне қажетті әдістемелік аппаратты дамытады. Проблемалық оқыту, тақырыптық талқылау, жоба әдісі сияқты оқытудың белсенді әдістері қазіргі заманғы ғылым жетістіктерін сыни тұрғыдан бағалау дағдыларын меңгеруге, өзіндік этикалық ұстанымын қалыптастыруға бағытталған.

Пән аясында білім сапасын басқару мәселесінің ғылыми-теориялық негіздері тереңдетіліп оқытылады, білім беру жүйесіндегі заңнамалық талаптар мен жалпы белгіленген стандарттар негізінде білім беру қызметі сапасын басқару жүйесін қалыптастыру әдістері зерттеледі. Магистрант білім сапасын басқарудағы қадамдарды, принциптері мен әдіс-тәсілдері, бірге білім беру сапасын басқару бағыттарын, білім беру сапасын, білім беру процесін басқаруды, білім беру үдерісін іске асыруды, білім беру іс-әрекетін нәтижелі ұйымдастыру дағдыларын меңгереді.

Алынған теориялық білімдерін ғылыми-зерттеу іс-әрекетінің әртүрлі нысандарында қолдана отырып, ғылым тарихы мен философиясы дамуының негізгі мәселелері мен қазіргі даму тенденцияларын талдайды

Педагогикалық такт және этика ережелерін сақтап, кәсіби саладағы көшбасшылық және басшылық іс-әрекеттері мен дағдыларын көрсете отырып, ЖОО-да білім беру іс-әрекетін нәтижелі ұйымдастырады

Кәсіби саласында қолданылатын эмпирикалық зерттеу әдістері мен дағдыларының ерекшеліктерін жүйелі түрде түсініп, ғылыми-зерттеу жұмыстарында қолданады.

Заманауи білім беру әдістемесін және педагогикалық технологияларды қолданып, білімін дағдыларын үйлестіріп, тұтас педагогикалық үдерісте білім беру іс-әрекетін ұйымдастырады

Педагогикалық – психологиялық диагностикалау, коррекциялау, кәсіби кеңес беру жұмыстарын ұйымдастырады

Кәсіби қызметінде шет тілінде ауызша және жазбаша қарым-қатынас орнату дағдыларын қолданады.

Халықаралық ғылыми дерекқор базасының өнімдерін қолданып, ғылыми этикаға сай, академиялық адалдықтың қағидаттарын сақтай отырып, ғылыми-зерттеу жұмыстарының нәтижесінде ғылыми еңбектер дайындайды.

Педагогика және психология ғылымы саласында гносеология мен әдіснамалық зерттеулерде статистикалық сараптауды жүргізу үшін, кешенді мониторингті дәлдікпен дербес жүзеге асырады