7M07207 Азық-түлік өнімдерінің технологиясы (сала бойынша) в Қазақ ұлттық аграрлық университеті

Азық -түлік өнімдерінің сапасының құрамдас бөлігінің сенсорлық сипаттамасы. Сенсорлық талдаудың психофизиологиялық негіздері. Тауарлардың сенсорлық белгілерін қабылдаудың теориялық негіздері. Заманауи сенсорлық талдауды ұйымдастыру. Дигустациялық талдаудағы сараптамалық әдіс. Дигустациялық және аспаптық талдау нәтижелерінің өзара байланысы.

Тамақтану гигиенасы, тамақ өнімдерінің сапасы мен қауіпсіздігін бақылаудың басты мәселелері қарастырылады. ҚР халқының тамақтануын оңтайландыру, денсаулық пен тамақтанудың өзара байланысы, сондай-ақ азық-түлік шикізаты мен тамақ өнімдерінің микробиологиялық ластануы проблемаларына ерекше назар аударылады. Тамақ өнімдерінің сапасы мен қауіпсіздігін бақылау зерделенеді.

Синтетикалық және жасанды тамақ өнімдерінің тарихы, оларды алу әдістері. Қазіргі синтетикалық органикалық химия. Тамақ өнімдерінен алынатын синтетикалық тамақ өнімдері. Тағам құрылысы. Ақуыз шикізат ретінде алынатын жасанды тамақ өнімдерін өндіру. Жасанды өнімдер (сүт және сүт өнімдері, жарма, макарон өнімдері, ет өнімдері, тартылған еттен (ИМР) жасалған өнімдердерге ұқсайтын ет өнімдері, қуырылған картоп, түйіршіктелген уылдырық, басқа да түрлері).

Технологиялық схемалар мен шешімдер тұрғысынан жануарлардан және өсімдіктерден алынатын тамақ өнімдерінің технологиясы саласында білім алушыларда теориялық білімі мен қалдықсыз (аз қалдықты) технологияларды практикада қалыптастыру. Тамақ өнеркәсібінде шикізаттан қалған қалдықты пайдалану. Қалдықсыз өндірісті отандық және халықаралық талаптардың деңгейінде зерттеу.

Негізгі заңнамалық және нормативтік құжаттар, негізгі терминдер мен анықтамалар, мемлекеттің азық-түлік қауіпсіздігінің түрлері, шикізат пен өнімдердің қауіпсіздігін қамтамасыз ету қағидалары, ксенобиотиктердің түрлері, шикізат пен азық-түліктің ксенобиотиктермен ластану жолдары, шикізат пен тағамдық қоспалардың қауіпсіздігін бағалау қағидалары, шикізат пен дайын өнімдердің қауіпсіздігін бақылаудың заманауи әдістері

Білім алушылардың бойында ғылыми ойлау мәдениетін қалыптастырады. Сараптамалық қабілет пен ізденіс қызметінің дағдыларын дамытып, болашақ ғалымға қажетті теориялық және практикалық білімдер береді. Ғылымға және ғалымдарға қажеттілік күшейіп отырған қазіргі заманда бұл пәнді зерттеу қоғам үшін де, жас ізденуші үшін де аса маңызды. Арнайы философиялық талдау пәні болып табылатын ғылым феноменінің мәселелерімен таныстырып, ғылымның тарихы мен теориясы, ғылым дамуының заңдылықтары және ғылымның білімнің құрылымы, ғылымның мамандық және әлеуметтік институт ретіндегі ерекшеліктері, ғылыми ізденіс жүргізу әдістері, ғылымның қоғам дамуындағы рөлі туралы білім беріледі.

Курс педагогика ғылымын және оның адам туралы ғылымдар жүйесіндегі орнын, қазіргі білім беру парадигмасы, Қазақстандағы жоғары білім беру жүйесі, маман тұлғасын тәрбиелеу және қалыптастыру, білім берудегі менеджмент қарастырады. Педагогика ғылымының әдіснамасы, оқытудың әдістері мен формалары туралы түсінік беріледі. Оқытушының кәсіби және коммуникативтік құзыреттілігін ашуға ықпал етеді.

Пәннің негізгі мақсаты - болашақ магистрдың кәсіби қызметінде ағылшын тілін белсенді меңгеру дағдылары мен қабілеттерін одан әрі дамыту негізінде шет тілін оқытудың халықаралық стандарттарының шеңберінде коммуникативтік құзыреттілікті жүйелі түрде тереңдете білу. Магистранттың дағдыларын дамытудағы негізгі принциптер: - ғылыми ақпарат алу және беру үшін мамандық бойынша ағылшын тіліндегі әдебиеттерді оқу; - аудармалар, аннотациялар, рефераттар түріндегі алынған ақпаратты тіркеу; - магистрлік мамандығына және ғылыми жұмысына байланысты тақырыптар бойынша ағылшын тілінде әңгіме жүргізу.

Тамақ өнімдерін талдаудың заманауи әдістері бойынша ғылыми-техникалық әдебиеттерді іріктеу. Ғылыми эксперименттерді жоспарлау. Тамақ өндірісінің ерекшелігіне байланысты жүргізілетін ғылыми зерттеулер шеңберінде талдау әдістерін таңдауды негіздеу. Сынамаларды іріктеу және дайындау тәсілдерін зерттеу. Шикізаттың, жартылай фабрикаттардың және дайын өнімнің қасиеттерін зерттеу әдістері мен заманауи жабдықтарды қолдана отырып, таңдалған талдау әдістерін игеру.

Пән басқару психологиясының тақырыбын, сипатын, міндеттері мен құрылымын, оның психологиялық зерттеулер әдістерін және оны зерттеудің негізгі тәсілдерін қарастырады. Басқару әрекетіндегі тұлға психологиясын, танымдық әрекет психологиясын перцептивтік, мнемикалық және ойлау ұрдістерін басқару қызметтінде зерттейді. Курс заманауи іскерлік адамның қызметінде этикет туралы, менеджердің коммуникативті құзыреттілігі, басқарушылық қызметтегі эмоционалды және ерікті күйлері туралы және қызметті басқара білу туралы қабылеттерін қалыптастырады.

Сублимацияланған ет және ет өнімдерінің технологиясы. Ет жартылай фабрикаттарын өндіру. Шұжық, тұздалған және ысталған өнімдер өндірісі. Ет шикізатының жануарлар, өсімдіктер және басқа да ақуыздармен үйлесуіне негізделген аралас өнімдердің жаңа түрлері. Банкалы консерві өндірісі. Желім мен желатин өндірісі, сүйектерді кешенді өңдеу. Ет саласының технологиялық процестерін қарқындату тәсілдері (физикалық, электрофизикалық, биологиялық).

Жобаларды басқару әдістерінің даму тарихымен таныстырады; жобаның тұжырымдамасын әзірлеу, оны құрылымдау және бағалау бойынша шешімдер қабылдаудың әдістемелік тәсілдерін зерттейді; жобаның өмірлік циклінің түрлі сатыларында жоба менеджерінің рөлін және функцияларын меңгеру; жобаларды басқарудың ұйымдастырушылық нысандары және оларды әзірлеу, оңтайландыру әдістерімен таныстырады. Нарық жағдайында агро өнеркәсіптік кешеннің сферасы жүйесінде білім алушыларды даярлау. Экономикалық ойлау, кәсіпкерлік қабілетті, нарықта өзінің орнын табу, өз ісін ашу, жеке кәсіпорын ұйымдастыру және тиімді басқару іскерлігін қалыптастыру

Сүт және сүт өнімдерінің технологиясы бұл сүт өнімдерін, айран, сарысу және олардың қоспаларын өндірудің теориялық негіздері туралы терең білімді қалыптастыру; сүт өнімдеріндегі ақаулар, сүт-ақуыз концентраттарын анықтау, стерильденген қоюландырылған және қоюландырылған сүтті (кілегейді) қантпен өндіру технологиясы, сүт шикізатын механикалық өңдеу, мембраналық өңдеу, жылу және вакуумдық өңдеу, технологиялық жабдықтар мен ыдыстарды санитарлық өңдеу

Шешім қабылдау процесінің, математикалық моделін құру, шешу, сонымен қатар шешім нәтжелерін компьютер көмегімен талдау жүргізуге көп көңіл бөлінеді. Шешімдер қабылдауда өндірістік, транспорттық және қаржылық есептердің модельдері, шешімдер қабылдау теориясының элементтері және нақтылы тәжірибелік есептерді компьютерде шешу алгоритмдерді шығару қабілеттілігі қалыптастырылады

Тамақ өнеркәсібі кәсіпорындарының инновациялық дамуы. Шикізатқа әсер етудің физикалық, химиялық, микробиологиялық және биотехнологиялық тәсілдерін пайдалана отырып, ет өнімдерін өндіру технологияларының прогрессивті және инновациялық бағыттарын зерделеу. Экологияның заманауи талаптарын ескере отырып, ет өнімдерінің қалдықсыз технологияларын жетілдіру әдістері. Өндіріске инновациялық технологияларды енгізу.

Сүт және сүт өнімдерінің барлық түрлерінің сапалық көрсеткіштерін анықтау (Физикалық-химиялық, биохимиялық); сүт өнімдерінің қауіпсіздігі. Антибиотиктердің, пестицидтердің және басқа заттардың сүттің сапасына, тағамдық құндылығына және технологиялық қасиеттеріне әсері, сүттегі микробтың көбеюі, сүттің сапасына қойылатын ветеринариялық-санитариялық талаптар, сүтті алғашқы өңдеу, сақтау және тасымалдау, сүттің бұрмалануын (табиғилығын) айқындау, жануарлар аурулары кезіндегі сүтті ветеринариялық-санитариялық бағалау, маститпен ауыратын сиырлардың сүтін анықтау

Сүт өндірісінде қолданылатын инновациялық технологияларды зерттеу. Өңделіп алынған сүт және сүт өнімдерінен инновациялық емдік және басқа да профилактикалық мақсаттағы өнімдерді әзірлеу. Мал шаруашылығынан алынатын өнімдерді қайта өңдеудің жаңа технологиялары, нанотехнологиялар және техникалық шешімдерді әзірлеу.

Пәнде конфликтологияның негізгі категориялары, қақтығыстық технологияларды жанжалды басқару типологиясы қарастырылады. Курста қақтығыс жағдайында адамның мінез-құлқы туралы теориялар, тиімді қарым-қатынас технологиялары және қақтығыстың ұтымды мінез-құлқы зерттеледі. Жанжалдарды шешудегі келіссөздер процесінің психологиясын, жанжалдарды шешу технологиясы ретінде медиация қолданады. Қоғамдағы қақтығыстар, ұйымдардағы қақтығыстар, жанжалдар мен стресстер қарастырылады.

"Ет және ет өнімдерінің қауіпсіздігі туралы" Кеден одағының техникалық регламентіне сәйкес терминдер мен ұғымдарды айқындау. Еттегі союдан кейінгі өзгерістер. Ет және ет өнімдеріне ветеринариялық-санитариялық сараптама, жануарлардың инфекциялық және инвазиялық аурулары, санитариялық маңызы бар нормалардан ауытқу кезіндегі ветеринариялық-санитариялық сараптама, ақаулар және оларды тудыратын себеп салдарлары. Сойылатын жануарлардың жекелеген түрлері етінің сипаттамасы

Қалдықсыз өндірістің мәні. Сүт және сүт өнімдерін қалдықсыз өндіру мәселесін шешу жолдары. Сүт қалдықтарын тиімді пайдалану негіздері. Сүт қалдықтарының сапасы және сипаттамасы. Сүт өнімдері және сарысуға негізделген сүт өнімдерін өндіру технологиясы.

Марал, жылқы еті, түйеқұс еті және олардың субөнімдері сияқты емдік-профилактикалық тағам өнімдерін өндіру үшін ет шикізатының дәстүрлі емес көздерін зерттеу. Ет шикізаты мен дайын өнім сапасына қойылатын талаптарды зерттеу. Функционалдық бағыттағы ет шикізаты негізінде тамақ өнімдерін жасауға қойылатын нутриентті-технологиялық талаптарды зерделеу. Егде жастағы адамдардың тамақтануындағы коллагені бар шикізаттың рөлі.

Термиялық өңдеу процесі кезінде шикізат қасиеттерінің өзгеруін, сондай-ақ қалдықсыз өндірісін ескере отырып, өнімнің инновациялық түрлерін әзірлеуді, оның технологиялық процестерін жоспарлау

ХӨз білімін кәсіби деңгейде әр түрлі шет тілдерінде қолдана білу, ғылыми - техникалық және педагогикалық мәселелерде сұхбатаса жүргізе білу

Тамақ өнімдерінің сапасын сараптаудың заманауи әдістерін ұсыну және олардың табиғилығын анықтау

Басқарушылық қызметте жобалар идеяларын табысты іске асыру үшін білім мен іскерлікті пайдалану және елдің экономикалық дамуы болжамының экономикалық-математикалық модельдерін құру

Тұжырымдар негізінде азық-түлік қауіпсіздігі мәселелерін шешу

Оқытудың қазіргі заманауи әдістемелерін пайдалана отырып, ғылым философиясы, психология, педагогика және конфликтология мәселелерінде дамып келе жатқан білімдер мен түсініктерді көрсету

Белгіленген нормаларға сәйкес шикізат пен дайын өнімнің сапасын технологиялық және микробиологиялық бақылауды бағалау

Өндірісті басқару процестеріндегі мәселелерді анықтау, сонымен қатар әртүрлі тағамдық анализдерді ақпараттық талдау және бағалау

Тамақ өнімдерінің технологиясы мен өндірісі саласындағы ғылыми-зерттеу қызметінің қазіргі заманауи бағыттарын тәжірибеге енгізу

Өндіріс процестерінің оңтайлы параметрлерін анықтау, тамақ өнімдерін өндіру кезінде технологиялық жабдықты таңдау мен пайдаланудың инновациялық және прогрессивті әдістерін пайдалана отырып, технологиялық есептеуді жүргізу